1985. urtetik, Nafarroak ikasle guztiak hezkuntza-sisteman integratu eta sartzearen aldeko apustua egin du. HPBen beharrak dituzten ikasleak ohiko ikastetxe eta programetan eskolatzen dira, eta ikasle horien beharrak ohiko ikastetxe batean behar bezala bete ezin daitezkeela era kontrastatuan ikusten denean soilik, orduan proposatzen da hezkuntza bereziko ikastetxeetan eskolaratzea. Badira arretarako beste egitura batzuk ere, asko ez direnak: Iruñetik edo Tuteratik oso urrun dauden landa-esparruetako ohiko ikastetxeetan dauden ikasgela alternatibo eta sektorizatuak.

1990. urtean Nafarroako Hezkuntza arloan erabateko eskumenak bereganatu zituenetik, hezkuntzako administrazioak beharrezko mekanismoen sorrera eta aplikazioa sustatu zituen ezintasunak dituzten umeak hezkuntza-sistemara orokorrean sar zitezen; irakasleen laguntzarekin hori oso azkar egin zen.

CREENA Hezkuntza Bereziko Baliabide Zentroa 1993. urtean sortu zen, eta era honetako ekimenek ezintasunak dituzten ikasleak Nafarroan integratzen lagundu dute, eta handik kanpo eragina izan dute (sortu eta handik 10 urtetara, 2003an, Iruñean Hezkuntzako eta ezintasuna duten Pertsonen I. Kongresu Nazionala egin zen). Baliabideen zentro horrek ohiko ikastetxeen hezkuntza-arretari laguntzen dio, eta baita izaera bereziko ikastetxeetan ere.

2011-12 ikasturte honetan, ezintasun ezberdinengatik hezkuntza bereziko beharrak dituzten 262 ikaslek hezkuntza bereziko 4 ikastetxe zehatzetan ikasten dute. Bi ikastetxe publikotan: Iruñeko Andrés Muñoz Garde eta Tuterako Torre Monreal-en, eta bi kontzertatutan: Isterria eta El Molino-n (Iruñea). Haietan, ikasleei irakaskuntzako langileek ematen diete arreta eta baita fisioterapia, logopedia, terapia okupazionala, orientazioa, pedagogia eta abarretako espezialistek ere. Helburua ikasleek arreta pertsonalizatua jasotzea da beren gaitasunak eta autonomia pertsonala sustatze aldera.

Ikasleen gehiengoak adimen-urritasuna dute, garun-perlesia, ezintasun fisiko edo zentzumenezkoa eta baita hainbat ezintasun ere.

Ikastetxe bereziek ikasleen beharrei egokitutako curriculuma dute.

Mailak edo etapak honako era honetan egituratzen dira: Oinarrizko Hezkuntza Derrigorrezkoa, 6 urtetik 16 urtera, eta derrigorrezkoaren ondokoa (16-21 urte artekoa); azken hori, aldi berean, Hasierako Lanbide kualifikaziorako Programetan (HLKP) eta Helduarora Bideratzeko Programetan (HPB) banatzen da.

Ikaskuntzak ez daude ikasketa-alderdiei lotuta bakarrik. Bereziki lantzen dira: autonomiaren trebeziak, komunikazioa, eguneroko bizimodurako eta lan- nahiz gizarte-bizimodurako baliabideak, balioak, aisialdia, kirola… Haientzat, zenbait metodo pedagogiko erabiltzen dira, estimulaziozkoak eta komunikaziokoak, plantilla zabalekin eta dagozkien egokitzapenekin. Oinarrizko xedea da ikasleek ahalik eta garapen eta autonomia pertsonal eta sozial handiena lortzea eta beren integrazioa eta gizarteratzea erraztea.

Iruñeko Iturra auzoan kokatuta, 70 ikasle ditu. Ikastetxeak 1992-93 ikasturtean ekin zion lanari egungo lekuan.

3-21 urte bitarteko Iruñerriko ikasleentzat da bereziki, nahiz eta Nafarroako beste udalerri batzuetako ikasle batzuk ere badiren. 60 pertsona baino gehiagoko plantilla bat dute: pedagogia terapeutikoko eta entzumen nahiz lenguaien irakasleak; Lanbide Heziketako irakasleak, gorputza hezkuntza, erlijio eta musikako irakasleak, orientatzailea, erizaina, igeriketako irakaslea, lanaldi osorako fisioterapeuta bat eta beste bat CREENArekin partekatuta, lanaldi osorako hamahiru laguntzaile eta beste sei lanaldi murriztuan, eta beste zazpi zaintzaile garraiorako eta jantokirako.

Andrés Muñoz Garde Ikastetxe Publikoko ikasleek Haur Hezkuntzako etapetan ematen zaie arreta (bi talde); Oinarrizko Hezkuntza Derrigorrezkoa, (arreta emandako 37 ikasle hamabi taldetan); eta derrigorrezkoaren ondokoa, Helduarora Bideratzeko Programa (HPB) (sei ikasle bi taldetan) eta Hasierako Gaitasun Profesional Bereziko Programa bat (bost ikasle).

Ikasleekin egindako lanarekin bizi-kalitate handiena sustatzen lortzea da haren garapen integrala banakako prestakuntza baten bidez, normalizazioa bilatze aldera. Ikastetxea bertako ikasleen behar berrietara etengabe egokituta dago, senideentzat oso hurbilekoa da eta berritzailea hezkuntzako metodologiei dagokienez. Jarduera osagarrien artean, irteerak eta bisitak edo klimatizatutako igerilekua nabarmendu behar dira.

Haur eta Lehen Hezkuntzako ikastetxe publiko eta kontzertatuekin egindako "Eskolaratze konbinatua" izeneko modalitatea ere badago, Zenbait ikaslek beren ikasketa-ordutegiaren zati handiena hezkuntza bereziko zentroan egiten dute, baina asteetako zenbat alditan ohiko ikastetxe batera joaten dira komunikazioa eta elkarrekintza soziala sustatze aldera.