Nafarroako Gobernuak honako hauek arautzen dituen foru-dekretu bat onartu du: lokailu fisikoen erabilera (gerrikoak, txalekoak,mamu- izarak edo barandak) eta tratamendu farmakologikoak egoitza-zentroetan nahiz eguneko zentroetan ezintasun fisiko edo psikikoren bat duten pertsonentzat eta adin nagusikoentzat.

Gizarte Zerbitzuen 15/2006 Foru Legearen zortzigarren artikulua garatzen duen arauaren helburua lokailu-mota horiek ahalik eta gehien kentzea da; izan ere, gehiegi erabiliz gero, depresioa, antsietatea, desorientazioa, txizari ezin eustea eta zauriak eragin ditzake hartzaileen artean, oinarrizko eskubideak eta konstituzio-printzipioak urratzeaz gain: askatasun fisikoaren eskubidea esaterako, giza legezkoak ez diren edo iraingarriak diren tratuak ez pairatzeko eskubidea, eta nortasunaren garapen askea izateko eskubidea.

Horretarako, zentro guztietarako jarduteko jarraibide homogeneo batzuk ezartzen ditu. Berrikuntza moduan, dekretuak profesionalei "era argian eta sinplean" jakinaraztera behartzen die aplikatu aurretik lokailuek dituzten abantailen eta desabantailen inguruan.

Testuak ezartzen du, gainera, hartzaileek neurri fisiko eta farmakologiko horiek ukatu ahal izango dituztela "behar den zainketa alde batera utzi gabe", osasun-alorrean eskubideen eta betebeharren 17/2010 Foru Legean ezarritako mugen barnean.

Edozein kasutan, interesdunaren edo bere ordezkari legalaren baimena behar da. Gainera, berrikuntza moduan, lokailu-mota bakoitzak "informatutako baimena bereizita" izan beharko du, eta onarpen bakar bat ez da baliozkoa izango lokailu-mota ezberdinak onartu eta baimentzen direla ulertzeko.

Neurri horiek azken eskaera egitean aplikatu dira eta medikuaren aginduz, ezinbesteko salbuespenetan izan ezik "aparteko beharra dagoen egoeretan edo premiazko egoeretan, pertsonari berari edo besteei berehala kalterik ez eragiteko"; kasu horretan, medikuari abisatu beharko zaio "eta ahal den neurrian, berehala". Era horretan, diziplina edo egokitasunagatik lokailuak ezartzea eragotzi nahi da