Mintzaldiaren beste une batean, Verak gaur egun zerbitzuak dituen zailtasunak aipatu ditu, izan ere, A eta B guneetako sukaldeen instalazioak egunean jarri behar dira goitik behera. Gainera, horien kokapena dela eta, hau da, ospitaleen eraikinen erdian daudenez, "hondakin organikoak eta hornidurak operazio-gela edo anestesiaren ondorengo zaintza unitateetatik hurbil pilatzen dira eta ezinezkoa da etorkizunean espazio gehiago behar duten unitate batzuk handitzea".

Verak nabarmendu bezala, Nafarroako Ospitale Gunea sortu zenetik, zerbitzu medikoen homogeneizazioa eta funts publikoen kudekatea eraginkorragoa egitea izan da helburua. Horrekin gauza bera gertatzen da "ez da zentzuzkoa Ospitale Gune bakarra eta hiru sukalde izatea".

Azkenik, Osasunbideak zerbitzuaren titularra izaten jarraituko duela esan du, baita enpresa espezializatu bati azpikontrataturiko garbitegi zerbitzuarena ere.

Tuterako Reina Sofía Ospitaleak kontratau dizkio zerbitzuak dagoeneko elikadura enpresa bati

Vera kontseilariak azpimarratu nahi izan du, elikaduraren kasuan, "sukaldea pazientearentzako zerbitzu  gisa antolatu behar dela, hau da, pazientearen beharrizanetara bideratuta, eta ez antolakuntzaren beharrizanetara. Hartara, oraingoak baino jateko ordutegi arrazoizkoagoak ezarri ahal izango dira, gaur egun langileen lanaldiek baldintzatzen baitituzte, gaixoen beharrizanek baldintzatu ordez, edo pertsonen beste beharrizan batzuetara egokitu ahal izango dira (kultura-aniztasuna, beharrizan erlijiosoak, etab.).

Verak zein Sanz Bareak zehaztu duten moduan, Tuterako Reina Sofía Ospitaleak Auzolagun sozietate kooperatiboa kontratatu du elikadura zerbitzurako.

Azken esleipena 2011ko apirilaren 8an egin zen (Osasunbideako zuzendari kudeatzailearen 885/2011 ebazpena), eta kontratua 2011ko abenduaren 31ra arte dago indarrean; urtero ere luza daiteke 2014ko abenduaren 31ra arte. Kontratu horren arabera, paziente bakoitzaren eguneko dietaren prezioa 19,60 euro da, ospitaleko pazienteen zerbitzuari zein zentroko zaintzako langileen zerbitzuari dagokionez. Osasunbidean, eguneko dietaren kostua 29,24 euro da gutxi-gorabehera, hau da, 3,5 eta 4 milioi euro aurreztea ekar dezake horrek urtean.

Osasun laborategiak bateratzea

Bigarren jarduerari dagokionez, Nafarroako Ospitale Guneko zentroen (lehengo Virgen del Camino Ospitalea, Nafarroako Ospitalea, Ubarmin Klinika eta Docor San Martín anbulatorioa) osasun laborategiak eta Tuterako Reina Sofía eta Lizarrako García Orcoyen ospitaleetako bateratzeari dagokionez alegia, kontseilariak esan du badagoela lan talde bat laborategi bakoitzaren beharrizanak eta zerbitzuen zorroa aztertzen ari dena antolatzeko eredurik onena baloratzeko. "Azterketa horretatik sare publiko guztiko laborategiak batzea egokia den ala ez jakingo da, hau da, zentroetako laborategiak".

Veraren arabera, laborategiak bateratzeak "eraginkortasuna hobetuko du, eta osasun prestazioaren estaldura bermatuko da zerbitzuen homogeneotasun eta optimizazio irizpideak eta pazienteentzako laguntzaren kalitatea oinarri, bi arrazoi direla eta: lehena, bateratzeak modu automatikoan egin daitezkeen azterketako probak errobotizatzea dakarrelako; gehiengoa dira. Hala, zehaztasunek emaitzan hutsegiteko tartea murrizten dute, eta, gainera, hiritarrek gaur egungoak baino epe berberak ledo aburragoak itxaron ostean lortuko dituzte emaitzak.

Bigarrena, orain baino prestatzio analitiko gehiago eta hobeak eskuratu ahal izango dituztelako, baita despertsio geografikoa eta makina espezializatuen aniztasuna dela eta eskaini ezin daitezkeenak ere. "Masa kritiko handiagoa, teknologia efikazagoa eta kanpoko laborategietara eraman ordez gure komunitatean analitikak egitea ahalbidetzen duten sistema gehiago edukita, gure beste lehentasunetako batean hobekuntza garbia lortuko dugu: nafarrek osasun prestazio berberak eskuratu ahal izatearen zuzentasuna eta bermea", zehaztu du.

Gainera, kontseilariak esan duenez, bateratze horrek profesionalentzako hobekuntza ere ekarriko du lanbidea hobetzeko aukera ere izango delako, azpiespezialitate berriak garatzeari esker: zentzu horretan, teknika abangoardistak garatu ahal izango dia, alderdi ikertzailea hobetu eta, azkenik, irakaskuntzako jarduera garatuko da.

Verak eta Sanzek biek esan dute, sukaldeak kanporatzearen kasuan bezala, sare publikoko laborategiak zentralizatzea osasun sistema askotan eta aukeratutako kudeaketa ereduetan eraginkorra izan dela (Madrilgo ospitale berri guztien moduan). "Horregatik, asko aurrezteko aukera emango digun arren, ez da murrizketan barne hartzeko neurria. Pazienteak jasotzen duen prestazioaren kalitatean ez da murrizketa bat ere egiten. "Alderantziz, haien zerbitzua nabarmen hobetuko dugu". "Gainera, laborategiak zentralizatuta egoteak ez du esan nahi pazienteek lekuz aldatu behar izango dutenik ateratzeak egiteko. Diagnostikorako teknikak bateratuko dira, ez kanporatzeak egiteko guneak", zehaztu du.

Azkenik, laborategiko gastua biztanleko eta urteko 45 euro baino gehiagokoa da. Laborategiak errobotizatu eta zentralizatzen badira soilik 12 euro aurreztu daitezke biztanle eta urteko, hau da, urtean 7,2 milioi euro.