Nafarroako Gobernuak Nafarroako zerbitzu publikoen kalitatearen VI. Sariketa antolatu du administrazio publikoetan. Hautagaitzak aurkezteko epea ekainaren 30a arte zabalik izango da, lehen lehendakariorde eta Lehendakaritzako, Administrazio Publikoetako eta Barneko kontseilari, Roberto Jiménezen 1/2012 foru-aginduan jasotzen denaren arabera.

Sariketa honek Administrazioaren beraren barnean jardunbide egokiak aitortzea dakar, berrikuntza lehenetsiz. Epaimahaiak finkatutako eta ezarritako esperientziak edo proiektuak aztertuko ditu, eta haien bitartez emandako zerbitzuen kalitatea hobetzea edota arazo edo behar bat konpontzea lortu dena.

Sari bakarra emango da –eman gabe gera daiteke-, nahiz eta behar besteko merezimenduak dituzten hautagaitzei accesit-ak eman ahal izango zaizkien. Sariak lehen lehendakariorde eta Lehendakaritzako, Administrazio Publikoetako eta Barneko kontseilari, Roberto Jiménezek banatuko ditu Bikaintasunaren Nafarroako Egunaren ekitaldian zehar.

Aurkeztutako memoriak Nafarroako Gobernuaren webgunean argitaratuko dira eta saritutako hautagaitzak politika publikoen eta zerbitzu publikoen kalitateko Ebaluazio Erregistroan inskribatuko dira herritarrek kontsultatzeko aukera izan dezaten.

Hautagaitzak politika publikoen eta zerbitzu publikoen kalitatearen ebaluazioko Foru Batzordearen aurrean aurkeztu beharko dira, Iruñean, Navarrería kaleko 39. zenbakian egoitza duena. sercalinap@navarra.es helbidearen bidez edo administrazio-prozedura erkidearen 30/1992 Legean aurreikusitako beste edozein bideren bitartez ere eman ahal izango dira.