Nafarroako Lehendakari Yolanda Barcina Angulo gaur buru izan da Nafarroako Gobernuak iaz erretiroa hartu edo hildako Foru Erkidegoko Administrazioaren 574 funtzionariori egin zaien omenaldian.

1985. urtetik egiten den ekitaldia "Baluarte" Batzar Jauregia eta Nafarroako Auditorium-ean egin da, eta bertan izan dira lehen lehendakariorde eta Lehendakaritzako, Administrazio Publikoetako eta Barneko kontseilari Roberto Jiménez Alli eta Funtzio Publikoko zuzendari nagusi Gregorio Eguílaz Gogorza.

Bere agerraldian, Nafarroako Lehendakariak funtzionarioei urte hauetan guztietan egindako lana eskertu die eta aitortu die, Foru Erkidegoaren aurrerabidean laguntzeaz gain, eredugarriak direla lan-gaitasunean eta herritarrei zerbitzua emateko orduan.

Barcinak nabarmendu du ere, Nafarroak beti bere funtzionarioen zerbitzuak beharko eta baloratuko dituela, eta enplegatu publikoei aipua kendu nahi dieten guztiekin bere desadostasuna agertu du. Izan ere, funtzionario gehienekiko miresmena erakutsi du, egunero-egunero Foru Erkidegoaren ongizate eta garapenaren mesedetan beren profesionaltasuna eta buru-belarri aritzea erakusten dutelako.

Hala ere, Lehendakariak azpimarratu du aldaketa-garai hauetan funtzio publikoaren defentsa onena Administraziotik bertatik sortu behar dela ahalik eta eraginkortasun handienarekin, bikoiztasunak kenduz eta baliabide ekonomikoen kudeaketa onarekin.

Alde horretatik, Barcinak iragarri du laster batean Nafarroako Gobernuak lan egiten ari den neurrien berri emango duela Foru Administrazioa eraginkorragoa izan dadin.

Omenaldia jaso duten funtzionarioek intsignia ba jaso dute Foru Erkidegoaren ezkutuarekin eta baita diploma bat ere; diploma horretan Nafarroako Gobernuaren aitorpena ageri da beren lana egikaritzen buru-belarri aritzeagatik eta erakutsi duten profesionaltasungatik.

Gaur goizean omendutako 574 enplegatu publikoetatik, 306 emakumezkoak dira eta 268 gizonezkoak. Halaber, haietako 20 hil egin dira beren lan-bizitza amaitu gabe edo jada erretiroa hartu ondoren.