Metodologia biziak

Emaitza horiek lortzeko, eta enpresa eratu aurreko fasean ematen den aholkularitza-zerbitzuari esker, CEINek 627 enpresa proiektutaz arduratu zen eta beste 116 negozio- eta bideragarritasun-proiektu burutzen lagundu zuen.  Horietatik 102 enpresa berri bihurtu dira (% 87).

Aurreko ekitaldiko berritasun nagusietako bat enpresa berritzaileak sortzeko lanerako metodo aitzindaria abian jartzea izan zen. CEINek diseinatu zuen eta metodologia biziak izenekoen ereduan du oinarria. Horren emaitzek ziurgabetasun-maila handiagoa ematen dute metodo tradizionalek baino.

"Enpresei bizkor ekitea" metodologiaren azken helburua ekintzailea albait azkarren bere ideian lanean hastea da, merkatuan probatuz (bezero, hornitzaile, bazkide eta abar posibleekin). Horrek egiaztatzen lagunduko du produktuak edo zerbitzuak funtzionatuko duen ala ez eta, hala ez bada, jatorrizko hipotesiak berregiten dira merkatuaren errealitatera egokitzeko.

Hamarkada bateko balantzea 

Emaitzen aurkezpenean, azken hamarkadako CEINen jardueren balantzea eman da ezagutzera, enpresa berriak sortzeari buruzkoa.

Azken 10 urteetan (2002-2011) sozietate publikoak 8.200 proiektu baino gehiagori aholkularitza eskaini die eta 1.117 negozio- eta bideragarritasun-plan egin ditu.

Gainera, Nafarroan 964 enpresa sortzen lagundu zuen, eta horien bidez 1.984 enplegu eratu ziren. Horien % 19 berritzaileak izan ziren eta % 51k emakume bat zuen talde sustatzailean. Enpresa horiek egindako inbertsio osoa 85 milioi euro baino gehiagokoa da. Horrek esan nahi du batez beste 88.290 euro inbertitu zirela enpresa bakoitzeko.