Onuradunaren familia-unitatearen egoerak erabakiko du Gizarteratzeko Akordioa izenpetzea edo, hala badagokio, Laneratzeko Akordioa. Akordio horiek ezarriko dituzte familia-unitateko kideek egin beharreko jarraibide eta jarduerak beraien gizarteratzea eta laneratzea errazteko (okupazio-zentroetara joatea, hezkuntza eta prestakuntzako ezagutza berriak eskuratzea eta, hala badagokio, prestakuntza eta enplegurako sarbidea izatea).

Dekretuak ere jasotzen ditu, gizarteratzeko errenta jasotzen duten pertsonen zuzeneko kontratazioko diru-laguntzak, berriki Barcina Lehendakariak aurkeztutakoak; 3.800 euroko laguntzarekin, neurri horrek sustatzen du enpresa eta tokiko erakundeek gizarteratzeko errenta jasotzen duten pertsonak kontrata dezaten

Laneratzea eta enplegagarritasuna hobetzeko laguntza

Laneratzea eta enplegagarritasuna hobetzea, halaber, bermatutako prestazio bat da. Aldian behin ematen den laguntza da eta lanik ez eta langabeziako prestaziorik ez dutenentzat da; haren xedea lan-merkatura itzul daitezen da, eta laguntza hori ez da gizarteratzeko errentarekin bateragarria.

DFren proiektuak ere sartzeko baldintzak ezartzen ditu: 45 urte baino gehiago izatea eta 65 baino gutxiago, Nafarroan erroldatuta egotea eta eskaera aurkezten den egunaren aurretik gutxienez 24 hilabetez jarraian bertan bizi izan dela egiaztatzea. Nolanahi ere, salbuespen batzuk ere finkatzen dira, adibidez, seme-alabak beren kargu dituzten 30 urte baino gehiagoko eta 45 urte baino gutxiagokoek jaso dezaten uztea.

Laguntza, oro har, hilean 641,40 eurokoa izango da, nahiz eta zenbatekoa igoko den familiako kide-kopuruaren arabera 833,82 euro arte beren kargu hiru edo seme-alaba gehiago badaude edota adin txikikoak hartuta badaude. 12 hilabeteko hasierako aldi baterako emango dira, eta sei hilabeteko aldietan berritu ahal izango da, gehienez ere 24 hilabetera arte. Nolanahi ere, laguntzak jaitsi egingo dira hamahirugarren hilabetetik aurrera.

Onuradunak diren pertsonek zenbait betebehar bete beharko dituzte, esate baterako: Nafarroan era eraginkorrean eta jarraian bizitzea, enpleguaren bilaketa aktiboa egitea, edo dagokion Laneratzeko Akordioa izenpetu eta betetzea.

Aurreko kasuan bezala, akordio hori dekretu honetan garatzen da behar den moduan, onuradunaren berariazko konpromisoa jasoz akordio honen sinaduraren bitartez, hau da, egokiak iruditzen diren jarduerak egingo dituela bere gizarteratzea, prestakuntza eta enpleguaren bilaketa errazteko edo komunitatearen garapena errazteko. Alde horretatik, Nafarroako Enplegu Zerbitzuak ibilbide pertsonalizatuak egingo ditu eta, hasiera batean, sei hilabete baino gutxiagokoak izango dira.

Laguntza hori jasotzen duten pertsonen zuzeneko kontratazioa jasotzen dira, halaber, bai eta hitzarmenak izenpetzeko aukera ere laguntzen onuradunek parte har dezaketen komunitate-intereseko jarduerak garatzeko erakundeekin ere.

Azkenik, onuradunaren egoera egiaztatzeko jarduerak eta bere konpromisoen betetze-maila jasotzen dira, bai eta kautelaz bertan behera uzteko edo laguntza-eskubidea galtzeko jarduerak ere.