Ekimenak informazio zehatza batuko du, gertakariei itsatsita, izen-abizenekin, eta dagokion testuinguruarekin, ondoren ordenatu eta era erakargarrian editatzeko, azken berrogeita hamar urteetako eguneroko bizimodua nolakoa izan den agerian geratuz. Kronologia zabala izango da, biktimei eta lekukoei egindako elkarrizketa pertsonalak eta gertakari aipagarri guztien argazkiak. Material gaia antolatuko da, nolabaiteko ordena kronologikoari eutsiz.

Ikerketa burutzeko lau pertsonaz osatutako talde bat sortuko da. Ia hogei urtez (1988tik 2007ra) Diario de Navarra egunkarian lan egin zuen Javier Marrodán Ciordia kazetaria izango da koordinatzailea. Denbora-tarte horretan terrorismoari eta biktimei lotutako hainbat informazio idatzi zuen. Denbora horretan ETAk Nafarroan izandako historiari buruzko doktoretza-tesia ere egin zuen. Nafarroako terrorismoaren kapitulu bat jasotzen duen liburu baten egilea ere bada: ‘Regreso a Etxarri Aranatz’ ,2004 (`Etxarri-Aranatzera itzulera´, 2004). 2008an, Tomás Caballero fundazioaren aginduz, "40 días rojos" ("40 egun gorri") izeneko erakusketa eta liburua prestatu zituen. ETAk Nafarroan egindako eta heriotzak utzitako atentatuen inguruko ibilbidea dira. Gaur egun, Nafarroako Unibertsitateko Komunikazio Fakultateko irakaslea da, Nafarroako Unibertsitateko Kazetaritza Proiektuen Departamentuan.

Marrodánekin batera hiru kazetari gaztek lan egingo dute eta kolaborazio zehatzak eskatuko zaizkie iragan hurbileko gertakariak gertutik bizi izan dituzten edo haiei buruz ikertu dutenen pertsonei. Talde hori 2012ko irailaren 1ean hasiko da lanean. Liburuaren edukia (testua eta argazkiak) 2014ko udaberria baino lehen amaituta egongo da.

Kontaketa egiteko, ikerketa egingo duen taldea zenbait iturriz baliatuko da: indarkeria zuzenago pairatu duten pertsona batzuekin elkarrizketak; ETAk Nafarroan egindako hainbat krimeni buruzko epaiak; hemeroteka eta bibliografia; Nafarroan lan egin duten argazkilari profesional gehienek urte hauetan zehar ateratako argazkiak; eta Estatuko Segurtasun Indarrek egindako diligentziak gertakari aipagarria batzuk direla eta (atentatuak, atxiloketak…).

Proiektua une historiko batean hasten da, duela berrogeita hamar urtetik lehenengo aldiz, Nafarroan, Euskal Autonomia Erkidegoan eta Espainian ez dagoenean beste pertsona batzuk hiltzen duen pertsonarik era ezberdin batean pentsatzen dutelako, eta Foru Komunitatearen historia hurbileko kapitulu hori behar bezalako oinarririk gabe itxi ez dadin.

ETAk hil zuen lehen pertsona Begoña Urroz Ibarrola haurra izan zen. Donostiako Amarako geltokian hil zen 1960ko ekainaren 27an, maleta batean ezkutatuta zegoen lehergai batek eztanda egin ondoren. ETAren jarduera kriminalak presio handia jarri zion gizarte nafarrari eta berrogei hildako, hainbat zauritu, kalte material kalkulaezinak… utzi zituen.

Proiektuak azpimarratuko du indarkeria ez dela bonba edo pistoletara mugatu; azpiko edo beldurrarazte publikoa egin zaie ezberdin pentsatzen zutenei udaletan, kultu taldeetan, elkarteetan, ikastetxeetan, bizilagunen komunitateetan, edo herriko jaietan, eta ondorioak izan ditu: iritziak ezkutatzea, bizkartzainek babestuta bizitzea, beldurra… Kontaketak ere gogora ekarriko du 2010eko urriko komunikatura arte, non `indar armatuaren´ amaiera iragartzen zen, ETAk nola estortsio egiten zien enpresario eta profesionalei, enpresarioak nola bahitzen zituen, nola erakundeen funtzionamendua aldatzen zuen eta nola hipotekatzen zuen gizarte oso baten bizikidetza.

Proiektuak aitortzen du "ezinezkoa" dela zenbatzea terrorismoak Nafarroan utzitako kalte pertsonal, sozial eta materialak, baina iritzi du "egokia dela iragan hurbila jasota geratzea denborak edo interesatutako pertsona batzuek eta partzialak direnek, gertatutakoaren larritasuna kentzen hasi baino lehen". "Etorkizuneko herritarrek gogoan izan behar dute urte gehiegitan izan bazirela beraiek pentsatzen ez zuten bezala pentsatzeagatik hiltzea justifikatuta zegoela irizten zutenak. Hainbat eta hainbat pertsonaren heriotzak zentzua izango du, baldin eta bakea oinarri sendoen gainean eraikitzen bada, erailak izan ziren memoria eta idealei traizio egin gabe", defendatzen du Nafarroako Gobernuaren ekimenak.