Nafarroako Foru Komunitateak La Carolina-ko (Jaen) Udaleko ohorezko domina jaso du gaur goizean Nafarroako Antso VII erregeak Tolosako Naben batailan Miramamolin al Nasir errege almohaderen aurka izandako parte-hartzearen oroimenez. 1212ko uztailaren 16an gertatu zen, duela zortzi mende.

Nafarroako ordezkari moduan ekitaldian lehen lehendakariorde eta Nafarroako Gobernuaren Ekonomia, Ogasun, Industria eta Enplegu kontseilari Lourdes Goicoecheak parte hartu du; bere diskurtsoan Nafarroako milurteko historia eta bere ezkutuaren kateek Tolosako Nabekin duten lotura sinbolikoa aipatu ditu. Jakina denez, nolabaiteko tradizio batek Foru Komunitatekoaren ezkutua identifikatzen duten kateak almohade erregearen hesia babesten zutenekin lotzen dituzte eta errege nafarrak hartu zuena oldarraldian. Ekintza hori erabakigarria gertatu zen kristauen alderdiak garaipena lor zezan, historialarien arabera.

"Gaur bada inor gure ezkutua Bataila gertatu baino lehenagokoa dela esaten duenik. Han irudikatzen dena ez direla kateak bloka baten barrak baizik edo ezkutuaren errefortzua. Baina gure ezkutuaren jatorria edozein izanda ere, zalantzarik ez dago une jakin batean historiak eta haren ikurrak bat egin nahi izan zutela eta, harrezkero, Nabetako kateak dira gure Foru Komunitatearen iragan historikoa eta egungo errealitatea irudikatzen dituztenak", Goicoechea lehendakariordearen hitzetan; Tolosako Nabei buruz nafarrek gordetzen duten oroimena "gure historiaren eta gure izaeraren elementu aipagarri"-tzat jo du Goicoecheak.

Nafarroako Gobernuko ordezkariak gogora ekarri du "Tolosako Naben batailak Iberiar Penintsulako kristau erreinuen indarrak batzea ekarri zuela, Elizaren babesaz, Errekonkistak aurrera egiteko eta musulmanen menderaldia murrizteko. Bateratze horretan Nafarroak parte hartu zuen Antso VII. Azkarra bere erregearen ekintza heroikoaren bitartez, eta bertan garrantzi erabakigarria izan zuen beste nafar bikain batek: Toledoko artzapezpiku Rodrigo Ximénez de Rada-k eta bataila bultzatzeko Inocencio III.aren buldaren sustatzailea".

Tolosako Naben ospakizunen programak gizalegezko eta izaera militarra izan du, eta bertan zeuden ere: kanpainako meza bat, ohoreen konpainiaren Guzman el Bueno X Infanteriako Brigadaren gerra-bandaren desfilea, bandera igotzea, aire-erakustaldia Ataque I Helikoptero Batailoiaren eskutik eta ohorezko dominak jartzeko ekitaldi instituzionala; domina horiek Nafarroak ez ezik, Gaztela Mantxa eta Aragoiko autonomia erkidegoek ere jaso dituzte; azken horien Erdi Aroko Garai bateko erreinuek ere batailan parte hartu zuten, Defentsa Ministerioa eta Jaengo artzapezpikua.