Kudeaketaren eraginkortasuna

Nafarroako Osasun Zerbitzuak ere bertako laguntza-zerbitzuek garatutako jardueraren ebaluazio-programa bat abian jarri behar du, ospitale bakoitzeko kanpo-kontsulten eta kirurgia-operazioen itxaronzerrenden bilakaera txarrena dutenetan bereziki.

Gainera, hobekuntza-batzordeak berriz aktibatuko dira (traumatologia eta ortopedia, alergologia, digestiboa, neumologia, neurologia eta oftalmologia) pazienteen desbideratzearen irizpide klinikoak berriz aztertzeko; kirurgia-prozesuak berriz aztertzeko mediku-irizpideen arabera eta Lehen Mailakoak- Espezializatuak (presentzialak ez direnak) diren sail arteko kontsultak garatzeko

Planak bilatzen duen xede nagusia da, administrazio-kudeaketaren eraginkortasuna hobetzea, itxaronzerrendak jarraitzea eta zaintzea. Horretarako, NOZeko itxaronzerrendan dauden Pazienteen Erregistro Orokorra sortuko da, kanpo-kontsultsen eskaera eta itxoiteetarako informazio-sistema bakar eta komuna, proba diagnostikoak eta terapeutikoak eta kirurgia-ebakuntzak. Erabilera Eskuliburu batek pazienteak sailkatzeko irizpideen inguruan orientatuko die (lehentasun-mota, pazienteen gutxieneko datuak, atzeratzeko arrazoiak, erabiltzaileen betebeharrak…), Gainera, informazio-teknologiei esker, osasun-sistema publikoko zentro guztien itxaronzerrendei buruzko informazioa emango zaie herritarrei.

Halaber, "Gehieneko Itxarote Bermeen Egiaztapena"-ren protokoloa garatuko da, Itxarote Bermeen Legeak eskatutakoa betez. NOZak itxaronzerrendan dauden paziente guztiak berraztertu ditu (131), zerrendan dauden denboraren arabera (180 egunetik gora), Gehieneko Itxarote Bermeez baliatu daitezkeen haiek hautemateko. Pertsona horiek sare publikoan operatzea lehenetsiko dira edo kontzertatutako beste batzuetara bidaliko dira lehenbailehen arreta eman diezaieten.

Kontseilariak herritarren erantzukizun partekatua eskatu du osasun-baliabideen erabilera egokian, eta ohartarazi du NOZak itxaronzerrendatik at utziko dituela, justifikatu gabeko arrazoirik gabe eta aurrez inolako abisurik pasa gabe finkatutako hitzorduetara azaltzen ez diren pertsonak.

Horren arrazoia da, 2011n mediku espezialistarekin hitzordua zuten 44.495 pertsonak ez zirela kontsultara joan, egunean 150 pertsona batez beste eta Nafarroako Ospitale Guneko Arreta Espezializatuko Kontsultetan iaz izan ziren hitzorduen % 15,5.

Proba diagnostiko bat egitera joan behar zuten pertsonen jokabidea apur bat hobea izan zen baina, hala ere, 3.256 pertsona ez ziren hitzordura agertu, hau da, Ospitale Guneko proba diagnostikoen hitzorduen % 2,2. Erizaintzan, 2011n zehar 11.420 pertsona ez ziren hitzordura agertu, kopuru guztiaren % 6,9 (165.909), Vera-k azpimarratu duenez. "Nafarroako Osasun Zerbitzutik ahalegin handia egiten ari denez itxaronzerrenda murrizteko, pentsatzen dugu guk, herritarrok ere ahalegin horretan lagundu behar dugula", adierazi du, 17/2010 Foru Legearen arabera.

Kontseilariak gogora ekarri du Itxaronzerrenden Kudeaketa eta Lehentasun Klinikoaren Plana Nafarroako Osasun Arretako eredu berriari atxikitako 25 proiektu estrategikoetako bat dela, eta haren zazpi lerro estrategikoetatik biren barnean sartzen dela, zehazki eskaerari baino beharrari gehiago orientatuta dagoen arreta-eredu bat lortzearen barnean eta eredua arinagoa eta irisgarriagoa denaren barnean.

NOZen gerenteak azaldu duenez, iaz aparteko programak kendu baziren ere (peonadak), NOZa itxaronzerrendak murrizten ari da ohiko jardueraren bidez. Izan ere, uztailean laguntza espezializatuko lehen kontsultarako batezbesteko itxarotea 27 egunetako zen (egun etenda dagoen foru-araudiak gehienez 30 finkatzen zuen), duela urtebete baino 6 gehiago (peonadekin), baina urtarrilean baino 5 egun gutxiago (peonadarik gabe jada). Laguntza espezializatuan, ekaineko batez besteko itxarotea (oporren aurretik) 98 egunetakoa zen, foru-legeriak ezarritako gehieneko 120 egunetako itxarotearen aurrean.

NOZak oraindik ere peonadak kendu izanaren ondoriozko zerrendaren igoera du, baina hura ez da igo ohiko jarduerarekin. Hala, arreta espezializatuak 2012ko lehen seihilekoan lehen bisitako % 2 kontsulta gehiago artatu zituen eta azterketen % 1,3 gehiago; programatutako kirurgia-jardueran, sareak operazioen % 4,7 gehiago egin zuen (igo zen, batez ere, traumatologian eta kirurgia ortopedikoan, kirurgia plastikoan eta kirurgia orokorrean); Osasun Mentalean, itxaronzerrenda % 21,5 murriztu zen. Gainera, lehentasunezko sistemari esker, garrantzi kliniko handieneko prozesuetan itxarotea murrizten ari da: 20 egun gutxiago bihotzeko kirurgiarako (55etik 35era); 9 egun gutxiago kirurgia kardiobaskularrerako (69tik 60ra); eta 8 egun bakarrik onkologiaren kasuan.

Bestalde, Lehen Mailako Arretan Laguntza Espezializaturako desbideratzeak % 10 murriztu dira eta, jakina, ez du itxaronzerrendarik. Horrek esan nahi du gero eta arazo gehiago konpontzen direla laguntza-mailan.