Organorako XXVIII. Musika Zikloak larunbat honetarako, iralak 15, kontzertu bat programatu du Tafallan. David Guindano-k zuzendutako Iruñeko Ganbera Abesbatzak parte hartuko du bertan Óscar Candendo organo-jotzailearekin batera. "Agur, Jesusen Ama" programa interpretatuko dute, Felipe Gorriti konpositore nafarraren obren aukeraketa bat. Emanaldia Tafallako Santa Maria elizan izango da (musikaria bertan organo-jotzaile izan zen) 20:30ean eta doan.

Felipe Gorriti (Uharte-Arakil, 1839-1896) Espainiako organo erromantikoaren izar aipagarrienetako bat izan zen. Iruñean eta Tolosan ikasi zuen eta 1856an inauguratu berri zen organo-eskolan matrikulatu zen Madrilgo Errege Kontserbatorioan; han bertan ere konposizioa ikasi zuen Eslavarekin. 1850ean organo-jotzaile sartu zen Tafallan, eta 1867an Kaperako Maisu eta Tolosako Santa Mariako organo-jotzaile postua lortu zuen. Katalogo zabala du, eta bertatik Misa en Do o el Gran Miserere nabarmendu ditzakegu, organorako bertso-bilduma ezberdinez gain.

Óscar Candendo Zabala (Donostia) Goi Irakasle da Organo, Piano, Klabezin eta Ganbera Musikan. Musika-ikasketak Baiona eta Pabeko kontserbatorioetan egin ditu, Frantziako Tolosako Ecole d’Etudes Musicales Superieures eskolan, Bartzelonan eta Sttugart-eko Staatliche Hochschule für Musik und Darstellende Kunst eskolan.

Europako hainbat hiritan emanaldiak eskaini ditu (Salzburgo, Bordele edo Lisboa) eta lehiaketetan parte hartu du: Granadako Nazioarteko Musika eta Dantza Jaialdian, Donostiako Musika Hamabostaldian edo "Catedral de León" Nazioarteko Organo Jaialdian.

Kontzertu honetarako Ganberako Abesbatza osatzen dutenak honako hauek dira:

Sopranoak: Beatriz Lorente (sokaburua); María José Gonzalez; Silvia Osés; Pilar del Valle de Lersundi; Amaia Sáez; eta Asun Doiz.

Kontraltoak: Raquel Baztán, Andrea Etxabarren, Laura Álvarez eta Paki Olmo.

Tenoreak: Javier Casalí (sokaburua), Íñigo Casalí (zuzendariordea), Andoni Arcilla eta Luis Rodriguez.

Bassus: Juan López Tabar (atalburua), Aritz Azparren, Silvano Baztán, Javier Iribarren, Juan Gallego eta Julián Irulegui.

Aurrez, eta Felipe Gorriti ospetsuaren inguruan ere, Organo Zikloak ostiral honetarako, hilak 14, mahai-inguru bat programatu du, eta bertan parte hartuko dute: Berta Moreno musikologoak, Oscar Candendo organo-jotzaileak, Jon Magües musikologoak eta David Guindano Ganberako Abesbatzaren zuzendariak. 12:00etan izango da Nafarroako Musikako Goi Mailako Kontserbatorioan eta sarrera doakoa da.