Helburuak eta emaitzak

Foru Gobernuaren helburuak, lehenik eta behin, finantzaketa europarra hobetzea da maila pribatuan nahiz publikoan; egun Europatik jasotzen den finantzaketa % 5ekoa da eta datozen bost urteetan % 20koa izango zen.

Bigarrenik, beharrezkotzat jotzen du teknologia-sarearen bikaintasun-maila hobetzea; horrek espezializazio-maila handiagoa ekarriko du eta, hala, zentroak proiektuen buru izan ahalko dira Europa mailan.

Gainera, Gobernuak enpresetarako zerbitzuak hobetzea espero du, zerbitzu integrala eman ahal izango delako. Era horretan, enpresen parte-hartzea handitu nahi da zentroetan.

Laugarrenik, eredu berriak zentroen finantzaketaren iraunkortasuna hobetu nahi du; izan ere, haien dimentsioa handitzean eta lehiakortasuna hobetzean, Europakoa bezalako finantzaketa-iturriak jaso ahal izango dituzte. Alde horretatik, Gobernuaren helburua finantzaketa publiko-pribatuaren portzentajeak aldatzea da, eta % 45-% 55 arteko finantzaketa publiko-pribatuko egungo eredua alde batera utzi eta % 30-% 70 artekora pasatzea, lau urteko epean.

Azkenik, Gobernuak zentroen emaitzen ustiapena hobetzea espero du. Gaur egun, zentro nafarrek patenteen maila ona dute, 7,1 100 langileko; dena den, tasa txikia du oinarri teknologia duten enpresen sorreran. 2011ra arte enpresa horretako sei bakarrik sortu ziren. Patente-tasa bereko beste erreferentzia batzuk 28 sortzeko gai izan dira. Horregatik, Gobernuaren helburua datozen lau urteotan bost enpresa sortzea da, hau da, oinarri teknologikoa duten 20 enpresa berri.

Egungo sistemaren ahuldade eta indarguneak

Teknologia-zentroen sareak 995 langile ditu gaur egun eta 73 milioi euroko diru-sarrerak, % 56 finantzaketa pribatukoa. Berrantolaketak ikertzaileak diren langileei eustea jasotzen du.

I+G+Brako baliabideen geldialdiak bereizarazten duen egungo testuinguru makroekonomikoan, eskualdearen nazioartekotzearen, espezializatzearen eta gaitasunen aldeko apustua egitea beharrezkoa da, Moderna Planaren arabera; edo hazten ari den zentroen arteko lehiakortasuna.

Nafarroa, Madrilen atzetik, I+G+Bra BPG gehiago bideratzen duen Espainiako bigarren autonomia erkidegoa da (% 1,97, 2011n argitaratutako datuen arabera). Nolanahi ere, Foru Gobernuak egindako azterketaren arabera, egungo ereduaren ahuldade nagusiak tamaina txikiko zentroak egotea (bost zentrok milioi bat euro edo gutxiagoko diru-sarrerak dituzten egitura dute) eta masa kritikorik gabeko teknologia-arlo asko (% 40k 10 langile baino gutxiago du) egotea dira. Gainera, arloen zati handienak eskualde-mailan lehiatzen dira (biek bakarrik egiten dute Europan); emaitzak eskasak dira oinarri teknologiko eta patenteen enpresa-sorrerari dagokionez, eta zentroen erdiak gastuak baino diru-sarrera txikiagoak dituzte; edo koordinazio gutxi dago teknologia-plataformetan eta parte-hartzea pisu txikikoa da.

Gainera, egungo sareak presentzia txikia du Europako programetan (lau proiektu baino gutxiago 2008-2011 aldian ehun pertsonako); zenbait zentro aldi berean daude teknologia-plataforma espainiarretan, baina zeregin garrantzitsurik izan gabe eta Europako plataformetan duten presentzia oso zehatza da; emaitzen ustiapena, berriz, ez da esanguratsua.

Aitzitik, estatu- eta nazioarte-mailako ikerketa-taldeak daude teknologia-arloetan; osagarritasuna arlo askotan; kalitatezko ikerketa estrategikoak diren sektoreetako eremu nagusietan; erreferentziazko azpiegiturak; eta zenbait zentroren kanpoko aitorpena.