Gogora ekarri behar da, mekanismo hori Lurralde Antolamenduaren Batzordearen txostenari eransten zaiola (Nafarroako Foru Komunitatearen Administrazioko kontsulta- eta koordinazio-organoa lurralde-antolamenduaren arloan, Estatuko, foruko, tokiko administrazioek, eraikitzaileek eta sustatzaileek, arkitektoen elkargoak eta Merkataritza Ganberako ordezkariek osatutakoa) eta jendaurreko nahiz entzunaldiko izapideari.

Parte hartzeko prozesua errazteko, Nafarroako Gobernuak aipatutako webguneetan eta Departamentuko bulegoetatik dokumentu bat zabalduko du, eta bertan Plan Sektorial horretako eduki teknikoak argi eta zehatz azalduko dira; proposatutako jarduketen udalaz gaineko izaeraren arrazoiak eta LHko Campusa kokatzeko aukerak zehaztuko dira, eta Planari bidea ematen dion hezkuntza-politika deskribatuko da.

Ekarpenak egiteko interesa duten pertsonek telematikoki, `on line´ Katalogoaren dagokion fitxaren bidez (NAN elektronikoa eta ziurtagiri digitala eskatzen dira), edo erregistro publikoetan aurkeztutako eskaeren bidez, Sustapen Departamentura zuzenduta, egin ahal izango dituzte.

Interesa duten pertsonek informazio gehiago webgunean jarriko den Zerbitzuaren Katalogoko fitxan aurkitu ahalko du, eta bertan bost informazio-fitxa ikusaraziko dira: aurkezpena (helburua, hartzaileak, ezaugarriak eta aurkezteko epea); dokumentazioa eta izapidea (nahitaezko dokumentazioa, izapidetze presentziala, online izapidea eta aurreikusitako urratsak); emaitzak (azken txostena, ekarpenak aztertu ondoren); erreferentziazko araudia; eta zalantzak argitzeko, arazo teknologikoak… konpontzeko kontaktua.

Parte hartzeko prozesuaren helburua da bereziki kaltetutako eragileei eta gainerako interesdunei aukera ematea Plana egiteko izapideetan laguntzeko eta Udalaz Gaineko Eraginaren deklarazioa eman aurretik, erabakiak ahalik eta adostasun handienarekin hartzen laguntzeko asmoz; eta proposatutako udalaz gaineko izaerari buruzko hausnarketa kolektiboa erraztea, bai eta LHko Campusa kokatzeko aukera ezberdinei buruz ere, hezkuntzako, hirigintzako arrazoiei eta arrazoi ekonomikoei erreparatuz. Eragile eta gainerako interesdunei ere, hartutako erabakien berri izaten utziko zaie eta haiek oinarritzen diren arrazoi nahiz irizpideen berri izaten ere.

Halaber, Nafarroako Gobernuak "eragile sozialen edo lurralde aldetik kaltetutako"-en iritzia jasoko du, araudiak eskatzen duenez. Horretarako, proiektuaren dokumentazioa postaz bidaliko da, haren iritzia eta ekarpenak jasotzeko.

Eragile horiek dira, Nafarroako Gobernua beraz gain, hartuko den erabakiak kalte ditzakeen legezko eskubide edo interesak dituztenak: Donapea LHIko gizarte-kontseilua; Osasuneko BHIko eskola-kontseilua; Nafarroako Unibertsitatea, Nafarroako Unibertsitate Publikoa; LHko Nafarroako Kontseilua; Eskola Kontseilua; Ikerketa mediku aplikaturako fundazioa (FIMA); Vianako Printzea erakundea; Iruñea eta Barañaingo udalak; Iruñerriko Mankomunitatea; Nafarroako Enpresarioen Konfederazioa eta Merkataritza Ganbera.