Nafarroako Lehendakari Yolanda Barcinak enpresa eta humanismoaren artean lotura handiagoa sortzeko beharra azpimarratu du gaur. "Harreman hori azken garaitan estuagoa izan bazen orain pairatzen ari garen arazoen zati bat arinduko zuen", azaldu du.

Alde horretatik, adierazi du oparoaldiko urteetan "joera nagusiari jarraitu diogula guztiok beharbada, erlatibismo moralagatik, zinismoagatik edo axolagabekeriagatik". Beste adibide batzuen artean, gogora ekarri du "txintik esan gabe etxebizitza ikaragarri garestitzea onartzen genuela" eta publikoki, "edozein aurrekontu txarra zela (txartzat jotzen zen) ez bazen hedagarria". "Agian gure eskubideen inguruan interesatu gara soilik gure betebeharrei begiratu gabe", aipatu du. Eta horren aurrean, esfortzua, sakrifizioa, lana eta elkartasunaren antzeko balioak errekuperatzearen alde agertu da.

Yolanda Barcinak adierazpen horiek egin ditu Nafarroako hogeita hamar bat enpresario eta zuzendariren aurrean Enpresa eta Humanismoa Foroaren lehen saioan. Foro hori Nafarroako Enpresarioen Foroak eta Nafarroako Unibertsitateko Enpresa eta Humanismo Institutuak antolatu dute. Jokin San Julián kazetariak gidatu duen bilkuran honako hauek parte hartu dute: lehen lehendakariorde eta Ekonomia, Ogasun, Industria eta Enpleguko kontseilari Lourdes Goicoecheak, Nafarroako Enpresarien Foroko lehendakari Carlos Bergera-k eta Enpresa eta Humanismo Institutuko lehendakari Rafael Alvira-k.

Lehendakariak bere agerraldian herritarren zati batek klase politikoarekiko eta enpresarioekiko duten "gaitzustea" egiaztatzen duten inkesten inguruan hitz egin du. Horren aurrean nabarmendu du "edozein eskandalutan egotzita dauden guztiak gugandik urruntzea ezinbestekoa den moduan, ondo legoke. halaber, enpresarioen klaseak gauza bera egin ahal izatea".