Nafarroako Gobernuak kualifikazio-maila txikiko langabeentzako prestakuntza-programa bat abian jarriko du datorren ikasturtean beren gaitasunak hobetzeko asmoz eta, horrekin, lan-merkatuan sartzeko aukera erraztea. Guztira, urtean 1.120 plaza eskainiko dira Altsasu, Lizarra, Iruña, Zangoza, Tafalla eta Tuterako helduentzako oinarrizko hezkuntzako ikasgela eta zentro publikoetan.

Programak kolektibo hori prestatuko du profesionaltasun ziurtagirietan gehien eskatzen diren funtsezko gaitasunetan –gaztelania, matematikak, digitala, teknologia eta 2. mailako zientziak (maila ertaina)–; era horretan, pertsona horiek ondoren Nafarroako Enplegu Zerbitzuak (NEZ) eskaintzen dituen 2. mailako profesionaltasun-ziurtagiriei lotutako ikastaroetan parte hartu ahal izango dute eta, horretarako, DBHko titulua edo 2. mailako oinarrizko eskumenak eskatzen da.

Kontuan hartu behar da krisi-testuinguru horretan kualifikazio txikiko lanpostuen eskaintza murrizten ari dela eta prestakuntza handiagoa eskatzen dutenena, handitzen. Espainiarako aurreikuspenen arabera, 2020an kualifikazio ertaineko lanpostuak kopuru guztiaren % 50 izango dira; 2011n % 23,1 ziren. Bien bitartean, kualifikazio txikikoak aldi horretan % 42,4tik % 15era murriztuko da. Goi-mailakoak % 35 inguruan jarraituko dute.

Programa Hezkuntza Departamentuaren eta Nafarroako Enplegu Zerbitzuaren artean izenpetutako lankidetza-hitzarmenaren emaitza da, eta bertako ordezkari goren José Iribas Sánchez de Boado-k eta zuzendari-gerente María Isabel García Malo-k, hurrenez hurren, prentsaurreko bat eskaini dute gaur eguerdian Iruñean ekimenaren xehetasunen berri emateko, eta 2013ko irailean abiaraziko dena.