Nafarroako Kultura Kontseiluak Daniel Innerarity filosofo bizkaitarra –Nafarroarekin lotura handia badu ere– proposatu du 2013ko Kulturaren Vianako Printzea Sarirako. Sari hori Nafarroako Gobernuak ematen du kultura-munduan garrantzitsuak diren pertsonen edo erakundeen ibilbidea aitortzeko eta erreferentzia direnak arte plastiko, literatura edo zientziaren sorkuntzan. 25.000 euroko saria da eta Nafarroako Gobernuak finantzatuta daude, Kultura Departamentuaren bitartez.

Epaia bigarren lehendakariorde eta Kultura, Turismo eta Erakundeekiko Harremanetarako Juan Luis Sánchez de Muniáinek eman du ezagutzera epaimahaiak egindako deliberazioen ondoren, Nafarroako Jauregiko egongela-janlekuan bildu dena.

Innerarityren hautagaitza Nafarroako Unesco Zentroak aurkeztu zuen, Espainiako Unesco Zentro eta Kluben Konfederazioaren barne dagoena.

Epaimahaiak filosofoaren pentsamendua gaur bizi dugun zalantzazko garaietara behar bezala egokitu dela azpimarratu du, bai eta haren ideiek estimuluari eta sorkuntzari egin dioten ekarpena ere, gizartea ilusionatzeko helburuarekin.

Filosofia politikoaren arloan sarituak egindako ikerketei esker, Europa mailan ospea izatea ekarri dio, eta hainbat sari jaso du. "Nouvelle Observatoire" aldizkariak 2004. urtean mundu guztian eragin handiena duten 25 pentsalariz osatutako zerrenda batean sartu zuen.

Daniel Innerarity Bilbon jaio zen 1959an, nahiz eta Iruñean bizi den 15 urte zituenetik. Filosofian doktore egin zen 1984an Nafarroako Unibertsitatean eta bertan irakasle izan zen 1987a arte. Gaur egun Euskal Herriko Unibertsitateko katedraduna da, eta Zientziaren Euskal Fundazioaren Ikerketako irakasle.

Bere ibilbidean zehar 17 liburu idatzi ditu eta 150 artikulu zientifiko. Gainera, ohiko kolaboratzailea da "El País", "Le Monde" eta "New York Times" egunkarietan, esaterako.

Innerarity bere idazle-lana ikerketa eta irakaskuntzarekin bateragarri egin ditu, eta irakasle izan da munduko unibertsitate garrantzitsuenetako batzuetan (Munich, Cambridge, Friburgo edo Sorbona).

Filosofoa nazioarteko aldizkari zientifiko batzuetako kontseiluko kide ere bada eta baita arte eta letren Europako akademia batzuetakoa ere.

Jasotako sarien artean daude: Saiakerako Miguel de Unamuno Saria (2002), Literaturako Sari Nazionala Saiakera modalitatean (2003), Saiakerako Espasa Saria (2004) eta Saiakerako Euskadi Saria (2012). 　

Haren ekoizpen bibliografikotik nabarmendu behar dira: "Un mundo de todos y de nadie. Piratas, riesgos y redes en el nuevo desorden global" (Paidós, 2013); "Internet y el futuro de la democracia (Paidós 2012. con Serge Champeau), "La humanidad amenazada: gobernar los riesgos globales" ( Paidós, 2010, con Javier Solana), "El nuevo espacio público" (Espasa, 2006) eta"La sociedad invisible" (Espasa, 2004).

Saria banatzeko ekitaldia ekainean banatuko da. Sari hori urtero Asturiasko eta Vianako Printze Felipe de Borbón jaunak eman ohi du 1993. urtetik; 2004. urtetik aurrera berriz, ezkondu zen urtean, harekin batera, Asturiasko eta Vianako Printzesa Letizia Ortiz andrea izan ohi da. Ekitaldia tradizioz Leireko San Salvador Monasterioan ospatzen da eta bertan Nafarroako Erregeei omenaldia egiten zaie.