Lehendakariak emandako datuen arabera, Nafarroan ekonomia sozialeko 707 enpresak egiten dute lan, 9.000 lanpostu baino gehiagorekin. Azken urtean 48 enpresa berri sortu dira, 229 lanposturekin. ANELek bakarrik 24 enpresa berri sortzen lagundu du 2012an 167 lanpostu berri sortuz, eta aurtengo aurreikuspena beste 50 enpresa et 300 lanpostu sortzea da.

Lehendakariak sektore honen alde Nafarroako Gobernuak egindako "apustua" azpimarratu du "ahalmen" handia duelako "lanpostu egonkorrak sortzeko eta deslokalizazioaren arrisku txikiagoa duelako", erabakiak hartzeko garaian "langileen inplikazioa handiagoa delako" eta ekonomia sozialeko enpresetan birmoldatzea "irtenbide erreala eta gauzagarria delako krisian dauden enpresentzat".

Hain zuzen, Lehendakariak iragan astelehenean laguntza-lerro berri baten deialdia iragarri zuen, suspertze ekonomikorako eta enplegua sortzeko 38 neurri biltzen dituen sortaren barnean. 540.000 euroko laguntzak dira, eta ekonomia sozialeko enpresen sorrera sustatzea dute xede; irabazi-asmorik gabeko erakundeetan eragin berezia izango du, (erakunde horien helburu soziala ekonomia soziala sustatzea jasoko dena), eta eragina izango du ere, ekonomia sozialaren arloan enplegua sortzeko proiektuak sustatu nahi dituzten unibertsitateetan.