Irekiera-kontzertua

CULTUR 2013 ostegun honetan zabalduko da, abuztuak 1,  20:30ean, Iruñeko Baluarte Auditoriumean Carlos Saura zinemagile espainiarrak zuzenean zuzendutako lehen obrarekin.

Eszenaratze horretarako hamaika dantzari bikain ditu, eta haien koreografia ikusgarriak Nani Paños eta Rafael Estévezen kargu daude; flamenkoa joera berriekin nahasten dute, jazz-arekin eta dantza garaikidearekin, esaterako.

Flamenco Hoy (Flamenkoa gaur) ikuskizunean bat egiten dute: Nanak, Tangoak, Penerak, Farrukak, Saetas, Fandangoak, Guajirak, Malagueñak, Seguiriyak, Soleareak, Zambrak, Alegriak, Buleriak eta hura guztia Carlos Sauraren begietatik, obra argia eta espazioa, denbora eta mugimenduaren bere kontzepzio bereziarekin zipriztinduz.

Cultur 2013 programak Baluarten zabalduko duen ikuskizunean, cantea Chano Domínguez-en konposizioak eta moldaketak interpretatzen dituzten lau flamenko-kantari bikainek ordezkatuko dute. Domínguez nazioartean sona handiko piano-jotzaile espainiarra da eta zenbait aldiz izendatu dute Grammy sarietarako. Bost musikarik osatzen dute musika-eszena Antonio Rey gitarra-jotzaile birtuosoarekin batera, eta hura Gitarraren Sari Nazionalaren irabazlea bere hiru mailatan.

Programa-itxierako kontzertuak

Abuztuaren 31n, larunbata, 22:00etan, CULTUR 2013 bi emanaldiarekin amaituko da; Carlos Nuñez gaita-jotzailea Tuterako Gaztambide antzokian ariko da. Sarrerak 18 euro balio du aldez aurretik erosita eta 20 euro, egun berean erosita.

Carlos Nuñez Espainiako gaita-jotzaile ezagun eta distiratsuenetako bat da. 1971n Vigon jaioa, gero eta ezagunagoa egin zen 1989an The Chieftainsekin batera "Altxorraren uhartea" pelikularen soinu-banda grabatu ondoren. Charlton Heston eta Oliver Reed ziren film hartako aktore nagusiak.

1996an A irmandade das estrelas bere lehen bakarkako diskoa argitaratu zuenean, Carlos Nuñez jada artista ezaguna zen mundu guztian. Disko horren 100.000 ale baino gehiago saldu ziren Espainian bakarrik.

2012an Discover, CD bikoitz bat argitaratu zuen, eta bertan argitaragabeko lau pieza daude, bai eta hainbat artista adiskiderekin batera egindako kolaborazioak ere, bere diskografia propioaz gain; guztiak disko horretan batzen dira eta Carlos Nuñezen ibilbidearen lehen urteen balantzea egiten du.

Gainera, irailaren 1ean, igandea, 20:00etan, Barañaingo Auditoriumean "Los divinos" ariko da, Ara Malikan biolin-jotzailearekin eta José Manuel Zapata tenorearekin batera. Sarrerak 15 euro balio du aldez aurretik erosita eta 18 euro, egun berean.

Ara Malikian biolin-jotzaileak eta José Manuel Zapata tenoreak bat egin dute Los divinos musika-obra sortzeko, eta bertan taldekideen (laukotea eta abeslaria) surrealismoa, ametsak, eromena, bihurrikeriak eta jenialtasuna sartzen dira tartean. Los divinos bost musikari klasikoren istorioa da, anaiak direnak, talentu handikoak eta bereziak, kantu lirikoko izar handi baten semeak. Anaietatik azkena jaiotzean sortutako gertakari baten ondorioz, Los divinosen bizitza aldatu egingo da; egoera zentzugabeen erdian daude, inolako zentzurik gabe zenbaitetan. Publikoa musika-antzerkiko obra baten aurrean izango da eta bost protagonisten kantu lirikoarekin, umorearekin eta birtuosismoarekin gozatu ahalko da.

Los divinosen Tchaikovsky, Verdi, Mascagni, Dvorak, Di Capua, Paganini, Albéniz o Saint-Saens-en piezak aurki daitezke, besteak beste.