"Navarra intensa. Homenaje a Julio Caro Baroja" erakusketa

Nafarroako Liburutegiak urteurrenaren ospakizunak hasi ditu "Navarra intensa. Homenaje a Julio Caro Baroja" erakusketarekin. Nafarroako Gobernuko Erakundeen Proiekzioaren Zerbitzuak sortu du, eta aurten egongo da ikusgai Nafarroako zentroetan eta kultur etxeetan.

24 panel handik osatzen dute erakusketa. Paneletan, Julio Caro Barojak bere azterlanetan landutako hainbat gairi erreferentzia egiten dien argazkiak daude, idazlearen testu laburrek lagunduta. Panel berezi bat egileari berari eskainitakoa da, beste bat Berako Itzea etxeari eta beste bat "Navarra, las cuatro estaciones" dokumentalari. Azken hori egiteko eskatu zien Nafarroako Foru Aldundiak, Vianako Printzea Instituzioaren bidez, Pío eta Julio Caro Baroja anaiei 1970ean.

Gainera, Liburutegiak idazlearen edo berarekin erlazionatutako liburuak eta ikus-entzunezko materiala ere jarri du ikusgai jendeak irakur eta begira ditzan. Kontsultatzeko ez diren dokumentu batzuk ere jarriko dira ikusgai, beira-arasetan. Argitalpen Atala "Príncipe de Viana" aldizkariaren ale berezi batekin (206. zenbakia, 1995ean argitaratua) aritu da elkarlanean; Julio Caro Barojari eskainia izan da oso-osorik. Erakusketan hark idatzitako "La hora navarra del siglo XVIII: Personas, familias, negocios e ideas", "Navarra, cuatro estaciones" eta "Navarra, tradiciones y costumbres" labak gehitu dira.

Ekitaldian, Barcina Lehendakariaz gain, Amador Cerezo Nafarren Txokoen Estatuko Federazioko lehendakariordea eta Carmen Caro Jaureguialzo Julioren loba, Caro Baroja familiaren izenean, mintzatu dira.

Erakusketa Nafarroako zentroetan eta honako kultur etxe hauetan jarriko da ikusgai: Logroñoko kultur aretoan, apirilaren 1etik 16ra; Gasteizko kultur aretoan, apirilaren 22tik maiatzaren 5era; Zaragozako Nafarren Etxean, maiatzaren 5etik 19ra; Madrilgo kultur aretoan, maiatzaren 20tik 28ra; Bilboko Nafarroako Etxean, maiatzaren 29tik ekainaren 11ra; Valladolideko kultur etxean, ekainaren 12tik 27ra; Burgosko kultur aretoan, irailaren 16tik 30era; Santanderreko kultur etxean, urriaren 2tik 15era; Barakaldoko kultur aretoan, urriaren 16tik 29ra; Sevillako kultur aretoan, urriaren 31tik azaroaren 13ra eta Bartzelonako Nafarroako Etxean, azaroaren 14tik 27ra.

Irakurketa-gida eta lanak berreskuratzea

Nafarroako Gobernuaren Argitalpen Atalak Caro Barojari buruzko irakurketa-gida prestatu du, Nafarroako liburutegien sarea osoan banatuko dena eta zentroko web-orriak ikus daitekeena.

Atal berak Nafarroako Gobernuak argitaratutako Julio Caro Barojaren obren argitalpena berreskuratzea ere sustatu du eta, gaur egun, Nafarroako etnografiari, arkitekturari, pentsaera-joerei, historiari, hizkuntzari eta abarri buruz idazleak idatzitako testu batzuetan oinarritutako argitalpen berezi bat prestatzen ari da.

Erakusketa etnografikoak Nafarroako Museoan eta Beran

Bestalde, urritik hasita 2015eko martxora, Nafarroako Museoan "Julio Caro Baroja" Nafarroako Museo Etnologikoak antolatutako erakusketa egongo da ikusgai. Azken museo horren sorreran parte hartu zuen Bidasoko baserrietako nekazaritzako lanabesen lehen bilduma osatuta eta, beraz, bere jaiotzaren ehungarren urteurrena ospatuko da.

Erakusketaren proiektua Caro Baroja anaiek iragan mendeko 60ko hamarkadan "Navarra, las cuatro estaciones" pelikularako grabatu zituzten irudien eta, berrogeita hamar urte beranduago, "Julio Caro Baroja" Nafarroako Museo Etnografikoak dokumentatu zituen gertaeren arteko alderaketan oinarritzen da. Horri esker, mende erdian egindako adierazpen kulturalen hedapenaz eta bilakaeraz jabetzeko aukera egongo da, baita Foru Komunitateko ondare etnologiko eta materiagabeen ikerketaz eta dokumentazioaz ere. Erakusketan "Julio Caro Baroja" Nafarroako Museo Etnografikoko funtsetako hainbat pieza erakutsiko dira, instituzioek eta partikularrek utzitako beste batzuk ere, urtaroen joana jarraituko duen muntaia batean.

Gainera, Nafarroako Gobernuaren eta Berako Udalaren arteko lankidetza-hitzarmen bati esker, herriko kultur etxean ere erakusketa etnografiko bat egongo da ikusgai 2014ko bigarren seihilekoan, Julio Caro Baroja omentzeko. Ekitaldia antropologo eta historialariaren jaiotzaren ehungarren urteurrena ospatzeko Beran egingo diren ekitaldietako bat izango da. Herrian, Baroja familiak familiaren etxea izan zena, Itzea, du oraindik. Pío Barojak erosi zuen 1912an.