Anbulantzietarako eta paziente ibiltarientzako (beren kasa doazenak) bereizitako bi sarbideak behe-solairuan daude, bai eta harrera-postua, triaje edo sailkapen klinikoko gela ere, eta une horretatik aurrera pazienteak bi zirkuitutan banatzen dira beren patologiaren larritasunaren arabera (A zirkuitua–arinak, B zirkuitua–larriak),bereizitako itxarote-gelekin. Gainera, itxarote-gela bereziak erreserbatuta daude dolurako, senideei arreta eta informazioa emateko, psikiatriako pazienteetarako edo atxilotuentzat. 29 kontsulta daude bi zirkuituetan laguntza medikua emateko, orain arte zeudenak baino 4 gehiago, balioanitzeko arretarako gela bat (arinak eta larriak) 60ra arte gehitu daitezkeen 30 box-ekin eskaeraren arabera, bizkortzeko gela bat kritikoak diren pazienteentzat, 6 posturekin eta 12rentzako ahalmena duena, beharraren arabera.

Espazio horien guztien kontrola hiru puntutatik egiten da: arinen zirkuituaren kontrola, larrien zirkuitukoa, eta kontrol zentrala -medikuen gela. Azken horretan kasu bakoitzaren (ospitaleratze-ordua, patologia, larritasuna, kokapena, arreta-mota) nahiz laguntza-espazio bakoitzaren okupazio-egoerari buruzko jarraipena egin daiteke denbora errealean. Puntu horretatik, gainera, erradiologia-azterketen irudiak bizkortzeko gelako monitoreak ikus daitezke, erresoluzio handiko pantailen bidez.

Behe-solairuan ere erradiologia-gunea dago ; sarbideko gunean dagoen deskontaminazio-gela, kanalizazio independenteko sare bari lotutakoa; bilkura-gunea, administraziorako leku bat zenbait bulegorekin, komunak, biltegia eta langileentzako beste gela batzuk (lasai egoteko gunea, dutxak, armairuak…).

Larrialdi-zerbitzuak ere eskaner eta ekografo propioak ditu 24 orduz larrialdietako erradiologia-eskaerari arreta emateko, bakoitzak era horretako 30 proba egiteko ahalmenarekin, eta orain arte Nafarroako Ospitalean eta Virgen del Caminon egiten zirenak. Azken horiek, beraz, programatutako erradiologia-eskaera gehiagori arreta eman ahalko diote. Sotoan daude, anbulantzien aparkalekua bezala, heliporturako sarbide zuzenarekin.

Lehen solairuan obserbazio-gela dago. 16 gela daude eta laguntzaileak bertan izan daitezen erraztuko da , baldin eta medikuek hori egitea uzten badute; beste bi gela ere badira isolamendua edota zaintza eskatzen duten pazienteentzat.

300 profesional baino gehiago

306 pertsonek egingo dute lan azpiegitura berrian, gaur egun baino 33 gehiagok. Larrialdietako 45 mediku espezialista izango dira, 93 erizain, 58 laguntzaile, erradiologiako 25 teknikari, 50 zeladore eta 26 administrari; horiei guztiei etengabe lokalizatuta izango diren 23 mediku-espezialitatetako 60 mediku gehitu behar zaizkie. Mediku-koordinatzailearen irudia sortzen da, eta hark triajearen prozesuan laguntza emango du, eta helikopteroz, ZIU mugikorrez eta eskualdeko ospitaleetatik etorritako pazienteak koordinatu eta hartzeko arduraduna izango da; horretarako, SOS Navarraren larrialdi-gelarekin etengabe harremanetan izango da.

Profesional horiek, batez beste, 307 paziente heldu artatuko dituzte egunero, eta haietatik 75 bat espezialista batek artatuko ditu, 55ek ospitaleratzea beharko dute, 13k obserbazio-gelan jasoko dute arreta, eta bertan 10 ordu igaroko dute, batez beste. Jatorriari dagokionez, 236 bat larrialdietara beren kasa joaten dira (paziente ibiltariak) eta 64, anbulantzian.

Astelehenak, jarduera handieneko eguna

Azken urteotan Larrialdi zerbitzuetako jarduera-datuetatik ondorioztatzen denez, arreta gehien astelehenean ematen dira, 18.162 (112.114, guztira), eta ondoren, asteartetan, 16.092 kasurekin. Kasu gutxien larunbatetan izaten dira (14.695). Orduen banaketari dagokionez, % 43 goizez pilatzen da, % 39 arratsaldez eta % 18, gauez.

2013an, arreta jasotako pazienteen batez besteko adina 51,8 urte da gizonetan, eta 53,9, emakumetan. Adinen arabera, arreta-portzentaje handiena 41-65 urte arteko tartean dago gizonetan (% 35,3), eta 15-40 artekoan emakumetan (% 33, 3). 80 urtetik gorakoen larrialdiak, % 13,25.