Zerbitzua lanegun guztian izango da martxan 14:30etik 21:00ak arte, eta asteburuetan 08:00etatik 22:00ak arte 848 42 78 88 telefono-zenbakian eta enfconsue@navarra.es helbide elektronikoan. Lehen Mailako Erizaintzako 5 profesionalek emango dute arreta, bereziki prestatuta daudenak, pazientearen histori klinikoetako sarbidea izango dute eta laguntza-protokoloak dituzte erabakiak hartzeko orduan. Beharrezkoa balitz, konplexuagoak diren beste baliabide-mota batzuk ere mugiarazi nahiz koordinatu ahalko dituzte, gainera, esaterako: etxez etxeko arreta medikua edo ospitaleratzea. 112 Larrialdien Koordinazio Zentroan dago, eta Larrialdietako gailuekin Lehen Mailako Arretako ekipoekin koordinatuta dago. Orduko 10 bai deiri arreta ematea aurreikusten da.

Alde batetik, oro har herritarren osasunari lotutako arazo ohikoenei erantzun arin eta erosoena ematea da kontua, informazioa eta gomendioak emanez, edo eskaera ere laguntza-maila konplexuago batera bideratuz; bestetik, osasuneko profesionalen lana erraztu eta babestu nahi da paziente kronikoak zenbait egoeratan artatzeko, adibidez: ospitaleko altak, kontsultako altak, deskonpentsazioak edo zaintza aringarriak, eta, hala, haren zaintzen jarraitutasuna bermatuko da. Kasu horretan, eta beti Lehen Mailako Arretako edo Espezializatuko medikuen aginduei jarraiki, zerbitzuaz arduratzen diren langileek pazienteak berariaz jarraituko dituzte, kontrola egiteko deiak eginez oro har. Osasun-zentroetako kontsultarako hitzordua ere eskatu ahalko dute.

Proiektua paziente kronikoari emandako arreta-estrategiaren barnean sartzen da, eta jadanik martxan dago Iruñeko San Juango osasun-zentroan, Tutera mendebaldekoan, Tafallan, Ultzaman eta Lizarran; proiektua hainbat mailaren arteko arreta integratuagoko arreta-eredu berri baten antolaketan oinarrituta dago, pazientean beharren arabera pentsatuta dago eta haren udalerrian, osasun-zentroan eta etxean oinarritzen den arreta batean.

Herritarrek zerbitzu hori baliatu ahal dezaten, Osasun Departamentuak datozen egunotan 120.000 txartel bidaliko ditu, eta bertan telefono-zenbakia eta posta elektronikoa idatzita azalduko dira eta, horrekin batera, arreta-ordutegiak eta zerbitzuaren ezaugarriak. Gainera, laster, zerbitzu hori Osasuneko webgunearen bidez baliatu ahal izango dela aurreikusten da.