2. Ureztatzaileak diren komunitateetako nekazaritza-azpiegiturak konpontzea:

Nekazaritza-azpiegituren funtzionalitatearen % 100 konpondu edo berrezartzea, baldin eta ureztatzaileak diren komunitateak badira haien titularrak. Nafarroako Gobernuak egingo du zuzenean, TRAGSA enpresa publikoaren bidez.

Nafarroako Gobernuarena bakarrik den laguntza da, ureztatzaileen komunitateen jardueretarako Estatuak ez baitu laguntzarik emango

3. Eusteko diketan (lubetak) izandako kalteak premiaz eta atzerapenik gabe konpontzeko laguntzak

Eusteko diketan (lubetak) izandako kalteak premiaz konpontzeko kostuaren % 100eko diru-laguntza, Jabari Publiko Hidraulikoaren barnean dauden Toki Erakunde eta Komunitate Ureztataileek egindakoa.

Nafarroako Gobernuarena soilik den laguntza da, jarduera horietarako Estatuak ez baitu laguntzarik emango. Nolanahi ere, Gobernu zentralak, CHEren bidez, Jabari Publiko Hidraulikoaren barnean dauden euste-dikeetako konponketak egingo ditu, eta haien kostuak bere gain hartuko, premiazkoak eta atzera ezinak ez direnak.

4.- Udal-titulartasunekoak diren toki-azpiegiturak konpontzea:

Nafarroako Toki Azpiegituren Planean larrialdi edo premiazko obra modura sartzea, eta % 70erainoko diru-laguntzak.

Laguntza horiek Estatuak martxoaren 6ko 2/2015 Errege Dekretu Legegilearen 4. artikuluak ezarritakoak osatzen dituzte. Haien bidez, premiazko neurriak hartzen dira uholdeek eta 2015eko urtarril, otsail eta martxoko euri, elur eta haizeteek eragindako ondorioek sortutako kalteak konpontzeko. Udal-azpiegituretako kalteak konpontzeko % 50eko diru-laguntza ematen da, nekazaritza-azpiegituren laguntzak kalteen % 100era heltzeko aukera izan dezaten.

5. Udal-titulartasunekoak diren basoko azpiegiturak konpontzea:

Basoko azpiegiturak konpontzeko edo berrezartzeko kostuen % 50eko diru-laguntza, baldin eta haien titularrak Nafarroako toki-erakundeak badira.

Laguntza horiek Estatuak martxoaren 6ko 2/2015 Errege Dekretu Legegilearen 4. artikuluak ezarritakoak osatzen dituzte. Haien bidez, premiazko neurriak hartzen dira uholdeek eta 2015eko urtarril, otsail eta martxoko euri, elur eta haizeteek eragindako ondorioek sortutako kalteak konpontzeko. Udal-azpiegituretako kalteak konpontzeko % 50eko diru-laguntza ematen da, nekazaritza-azpiegituren laguntzak kalteen % 100era heltzeko aukera izan dezaten.

6. Nekazaritza eta abeltzaintzako ustiapenetako elementuak eragindako kalteak (zuloak, lursailetatik hartxintxarra kentzea…)

Aseguratu ezin diren ustiapenari eragindako elementuen % 100eko diru-laguntza, 15.000 euro, gehienez ere. Titularra eta kaltetutako partzelak eta instalazioak Nafarroako Nekazaritza Ustiapenen Erregistroan jaso beharko dira.

Laguntza horiek Estatuak martxoaren 6ko 2/2015 Errege Dekretu Legegilearen 4. artikuluak ezarritakoak osatzen dituzte. Haien bidez, premiazko neurriak hartzen dira uholdeek eta 2015eko urtarril, otsail eta martxoko euri, elur eta haizeteek eragindako ondorioek sortutako kalteak konpontzeko. % 70erainoko diru-laguntza finkatzen dute, 8.000 euro, gehienez ere.

7. Lortu gabeko irabazia laborantzarako aukerarik ez izateagatik:

Honako ekoizleak konpentsatuko dira: alde batetik, atari zabaleko laborantzako partzeletan maiatzaren 1a baino lehen lurrak landu ezin dutenak, eta bestetik, negutegietan landatu ezin dutenak, bertan izandako kalteengatik, uholdeak gertatu eta ondorengo 3 hilabeteetan. Laguntzaren zenbatekoak Foru Aginduz finkatuko dira.

Nafarroako Gobernuaren bakarrik den laguntza da, jarduera horietarako Estatuak ez baitu laguntzarik emango.

Laguntza-mota hori zenbatzeko orduan, nekazaritzako aseguruek zer estaldura eskaintzen duten ere aintzat hartu behar da (Nafarroan ekoizpenaren % 90 inguru aseguratuta dago), eta aseguratuta egongo ez baziren, Estatuak aseguratu izango balira bezala, horren kopuru baliokidea estaliko zuen honako kasu hauetan: laborantza horretarako aurreko urtean asegurua kontratatu bazen edo kontratatzeko aldia irekita badago. Horrez gain, Estatuak ere aseguragarriak ez diren laborantzetako kalteak estaltzen ditu edo berme-aldia gainditu denean.

Neurri fiskalak

Konpentsazio fiskalei dagokienez, ondorengo salbuespenak aurreikusten dira, Estatukoak baino onuragarriagoak direnak:

- Lur Kontribuzioa.

Zergatik salbutsita geratuko dira, hirilur eta landalur modalitateetan, uholdeek kaltetutako pertsona fisiko edo juridikoak, Nafarroan Estatuak jarritako baldintza mugagarriak aplikatu gabe. Baldintza horien arabera, salbuespenak aplikatu ahalko dira soilik, pertsonak edo ondasunak beren lekutik atera eta beste etxebizitza edo lokal batzuetara joan behar izan duten kasuetan, guztiz edo zati batean, harik eta izandako kalteak konpontzen diren arte, edo bestela, aseguratze publiko edo pribatuak estali gabeko ezbeharrak diren laborantzetan izandako triskantza.

- Ekonomia Jardueren gaineko zerga.

Zergatik salbuetsita geratuko dira, uholdeek kaltetutako pertsona fisiko edo juridikoak, Nafarroan Estatuak jarritako baldintza mugagarriak aplikatu gabe (Gobernu zentralak ordaindu beharreko zenbatekoa murrizten du soilik, uholdeen ondorioz jarduera eten denetik igarotako denboraren proportzioan, harik eta normaltasunez berriz hasten den arte).

Eraikuntzen, Instalazioen eta Obren gaineko zerga (EIOZ).

Zergatik salbuetsita geratuko dira, uholdeek kaltetutako pertsona fisiko edo juridikoak. Estatuak ez du barnean hartzen.

-PFEZ eta BEZa.

Nekazaritza-jardueretarako murrizketa fiskal bereziak finkatuko dira PFEZren zergan (moduluak) nahiz BEZn uholdeek kaltetutako pertsona fisiko edo juridikoentzat. Murrizketa horien zenbatekoa ondorengo foru-agindu baten bidez zehaztuko da.

Defizitaren mugan zenbatu ezin daitekeen gastua

Aurreikusitako laguntzak finantzatu ahal izateko, Nafarroako Gobernuak erabaki du Gobernu zentralari ondorengoa eskatuko diola: uholdeengatik jasandako kalteen adierazpena "hondamendi natural" moduan izapidetu dezala Diputatuen Kongresuan.

Horri esker, Foru Administrazioak defizit osagarria izango du, hau da, Nafarroarako ezarritako mugan zenbatu ezin daitekeena, apirilaren 27ko 2/201 Lege Organikoaren, Aurrekontu Egonkortasunari eta Finantza Iraunkortasunari buruzkoaren, 11. artikuluko 3. idatz-zatian finkatzen den moduan.