Industria, Energia eta Berrikuntzako zuzendari nagusiak 2015erako Nafarroan dauden f inkatzeko, elkarlanerako, koordinaziorako eta gaitzeko jardueretarako laguntza-deialdia onartu du; xede horretarako, 6.709.412 euroko gastua baimendu du. Eskaerak aurkezteko epea martxoaren 31n amaituko da.

Laguntza horiekin honako helburu hauek erdietsi nahi dira: zentroen arteko finkatzea eta lankidetzaren alde egitea lehiakortasuna hobetuz; zentroen bikaintasun eta espezializazioko maila handiagoa lortzea produktu, prozesu edo zerbitzuetan ezagutza garatuz, edo Estatuko nahiz Europako finantzaketa-bolumena areagotuz, eta enpresen zerbitzua hobetzea zerbitzua integrala emanez eta zentroen nahiz enpresen arteko lankidetza handituz.

Nafarroako teknologia-zentroak eta ikerketa-erakundeak izan ahalko dira onuradunak. Zentroek lankidetza eta koordinazioko konpromisoak bere gain hartu beharko dituzte, eta baterako ekintza-plan batean gauzatuko dira.

Laguntzaren xede izango dira, alde batetik, zentroen arteko finkatze, lankidetza eta koordinaziorako proiektuak, eta bestetik, gaitzeko proiektuak, espezializaziokoak nahiz traktoreak direnak.

Ekonomikoak ez diren jarduera guztien % 100 diruz lagundu ahalko da baterako ekintza-plana egikaritzeko. Ekonomikoa ez den jardueratzat jotzen da Europako Batzordeak Ikerketa eta Garapeneko Estatuko Laguntzen Europako Erkidegoko Esparruko Batzordeak zehaztutakoa (2014/C 198/01), 2014ko ekainaren 27ko EBAOn argitaratuta. 2015ean garatutako proiektuen jarduerak diruz lagundu ahalko dira, eskaerak aurkeztu aurretik egindakoak ere barne. Diruz lagundu ahalko dira, ikerketa eta garapeneko jarduerei zuzenean lotutako gastuak.

Laguntzak emango zaizkie deialdiaren helburua betetzen dutela egiaztatutako ekintza-planei (behin ebaluatu ondoren). Diru-laguntza lehiaketa-araubidearen bidez emango da.

Berrikuntza eta Ezagutza Transferitzeko Zerbitzuak eskaerak ebaluatuko ditu eta ebazpen-proposamena igorriko; bertan, onuradunek diru-laguntza jasotzeko eskatutako baldintza guztiak betetzen dituztela jasoko da, eta hura puntuazio-ordenaren arabera emango da, harik eta aurrekontu-kreditua agortzen den arte. Industria, Energia eta Berrikuntzako zuzendari nagusia izango da organo eskuduna emakidari buruzko ebazpena emateko eta, hala badagokio, diru-laguntza ordaintzeko. Ebazpena eskaera aurkezten denetik bi hilabeteko gehieneko epean kontatzen hasita eman eta jakinaraziko da.