"Generación Sí… Sí" izeneko ekimena eta Gazte Txartelak 6.000 eurorekin finantzatutakoa, gaur goizean aurkeztu dute Iruñean, prentsaurrekoan, Gazteriako zuzendariorde nagusi Angel Ansak eta Nafarroako Nuevo Futuro elkarteko zuzendari Elena Vizcay-k.

Lehiaketa gutxienez hiru gaztek eta gehienez 12k osatutako taldeentzat zabalik dago, biztanle-sektore horren prestakuntza eta enplegurako sarbidea hobetzeko proposamenak egiten dituztenentzat. Lanak aurkezteko epea uztailaren 1ean irekiko da eta urriaren 21n itxiko. Horren ondoren, hainbat alorretako pertsonak osatutako epaimahai batek ebaluatu egingo ditu; 600 euroko lehen saria izango da, eta 300 euroko bigarren bat.

Aurkeztutako ideiek formulario-eredu bat jarraitu beharko dute, hura oinarriekin batera emango da eta ideiak azaltzen lagunduko du. Bertan zenbait gai sartzen dira, egoeraren diagnostikoa eta azterketa esaterako, eta kontuan hartu beharreko neurrien eskema. Eta, ideiez gain, haietara heltzeko jarraitutako argudioen prozesua aintzat hartuko da. Positiboki baloratuko da ere, lanekin batera ikus-entzunezko, irrati bidezko aurkezpen sortzailea bat aurkeztea, mural bat, objektu bat…