Ikus daitekeen bezala, pediatrareneko kontsultak izan ziren ordenagailu bidez gehien eskatu zirenak. Adinagatik, Internet erabiltzen dakiten erabiltzaileen profilarekin datoz bat.

Era berean, Sarriguren, Buztintxuri eta Arrotxapeako (Nafarroan biztanle gazteenak dituzten barrutiak) oinarrizko osasun-barrutietan egin dira eskaera gehien Internet bidez. Sarrigurenen kasuan, gainera, pediatrareneko txanda-eskaeren % 38 baino gehiago egin da Internet bidez.

Sistema bizkorragoa eta erabilerrazagoa

Aurretiazko txandaz gain, sistemak bestelako izapideak egin eta zerbitzuak eskatzeko aukera ematen du osasun-zentrora joan beharrik gabe, esate baterako, medikuaren altak; ohiko erabilerako errezetak; osasun-egoeraren, ezintasunaren edo urritasunen txostenak; telealarma; egoitzetarako onarpenak; mendetasun-aintzatespenak; aldizkako analisietarako paperak; ospitaleratutako pazienteen bajak; bisak berritzea; farmakoak; anbulantzia, edo oxigenoa.

Internet bidez eta aurrez txanda eskatzeko sistema erabiltzeko, osasun-txartelaren zenbakia eta jaiotze-data idatzi behar dira; bestela, ordenagailuan ziurtagiri digitala izan behar da instalatuta. Segurtasun-arrazoiengatik (genero-indarkeriaren kasuan edo adingabeen zaintzan), azken hori derrigorrezkoa izango da gauzatzeke dauden txandak ikusi edo aldatzeko.

Internet bidez hitzordua aurrez eskatzeko sistema 2011ko otsailean hasi zen bost osasun-zentrotan (Antsoain, Ermitagaña-Iruña, Atarrabia, Tafalla eta Tutera-Mendebaldea), pazienteentzat erabilerrazagoa izateko zerbitzua eta txanden izapideak bizkortzeko, bai telefono-bidezkoak bai osasun-zentroetan aurrez aurre egindakoak. Sistema bigarren fase batean zabaldu zen, hurrengo hilabetean Foru Komunitateko 12 osasun-zentrotan ezarrita. Gainerako zentroetara pixkanaka hedatu da, 2014ko otsailean, Leitzakoan ezarri ondoren, sistema osasun-zentro guztietan abian izan den arte.