Zehazki, nekazaritza-elikagaien sektorea Nafarroako BPGaren % 6,6 da. Sektoreari lotuta 1.250 enpresa daude, eta haietan landa-eremuan integratutako 25.000 lanpostu daude.

Gainera, nekazaritza-elikagaien industriak lurraldea antolatzen laguntzen du eta, bereziki, ureztatzeak inguruko industriak erakartzen ditu, lekua erraz aldatzen ez duten enpresak eta zonaldean errotzen direnak.

Alimentariaren balio bereizgarrietako bat bere jarduera eta gune gastronomikoen programa da. Horregatik, Reyno Gourmet-ek Multifood pabiloian (P2-D98) duen stand-ean ere hainbat pintxo dastatu ahalko dira; horrez gain, sukaldaritza-erakustaldien nahiz Nafarroako produktuen tratamenduaren programa bat egingo da Cadreitako Marisol jatetxeko Jose Mari Jimenez sukaldariaren eskutik. Jatetxe bereko taldeak prestatutako pintxoetan ondorengo produktuak daude: zainzuri freskoak, Lodosako pikillo-piperrak, Tuterako orburuak, aratxea eta olioa, besteak beste.

Reyno Gourmet-ek azokan dituen bost stand-etan 19 enpresak izango dute ordezkaritza, Nafarroako kalitatezko markez gain. Intervin-en (ardo eta destilatuen pabiloia); Nafarroako Ardoa Jatorri Deiturako Kontseilu Arautzaileak parte hartuko du enoteka batekin, eta bertan Nafarroako 30 ardo baino gehiago dastatu ahalko da (zuriak, gorriak eta beltzak), bai eta Inurrieta eta Vega del Castilllo upategiak ere. Intercam-en (haragi-produktu eta deribatuen pabiloia): Embutidos Galar eta Vacunos Puente. Restaurama-n (sukaldaritzari buruzko pabiloia): Fridela. Interlact-en (esnekien produktuei eta deribatuei buruzko gunea): Lácteos Goshua. Azkenik, Multifoods-en (gozoki, kontserba eta olioen pabiloia): Aceites La Maja, Aceites Sandua, M. Etxenike, Conservas Anko, Conservas Pedro Luis, Conservas El Navarrico, Aceitunas El Cabildo, Conservas Vela, Caramelos El Caserío, Pastas Belsi, Harivenasa, Envasados Eva eta Coposa.

Gainera, produktu ekologikoen beste 5 enpresa Nekazaritza, Elikadura eta Ingurumen Ministerioaren Ecoalimentaria gunean daude, Nafarroako Ekoizpen Ekologikoaren Kontseiluaren alboan. Honako hauek: Pastas Martinelli, Finca La Noria-Bio Trailla, Finca Sarbil-Sal D’Oro, Frisafrán eta Ékolo. Bestalde, Coposa eta Conservas Pedro Luis (Multifoods pabiloian standák dituzte), ekoizpen ekologikorako gunean, ekoizpen-metodo horrekin egindako produktuekin.

Halaber, beste 22 enpresa gehiago joan dira beren ekimenez, erakusketako bost pabiloietako batera: Bodegas del Romero, Castillo de Monjardín, Grupo La Navarra, Licores Baines, Marqués de Montecierzo, Marqués del Atrio S.L., Manzanos Enterprises, S.L., Embutidos Goikoa, Papeles El Carmen, Tutti Pasta, Productos Trevijano, Florette, Urrobi, Quesos La Vasco Navarra, Conservas Angel Ria, Impex Medrano, Conservas Casa Alicia de Lodosa, S.L., Productos selectos Adolfo Sádaba, MCA, Spain, S.L., Conservas La Catedral, Abbae de Queiles, eta Sanygram S.L.

70 herrialdetako 4.000 enpresak parte hartzen dute Alimentarian, eta Espainiako gastronomia, elikagai eta edarien nazioarteko erakusleiho nagusia da. Azokak (bi urtetik behin antolatzen da) 40. urteurrena betetzen du aurten, eta 140.000 profesional inguru erakartzen ditu, % 35, atzerrikoak.

Oraingoan, Alimentaria bost aretotan egituratuko da: Intervin (ardoak eta destilatuak), Intercarn (haragi-produktuak eta deribatuak), Restaurama (sukaldaritza), Interlact (esnekiak eta deribatuak) eta Multiple Foods (gozokiaren produktu anitzak, kontserbak, olioak eta Premium produktuak). Hala, merkatuko tendentziak islatu nahi dira, sukaldaritza eta gastronomiaren azokako kokapena indartu eta banaketako profesionalen bisita erraztu, hornitzaile eta produktu berrien bila azokara doazen janari-edariak saldu eta inportatzeko kanalak. Erakusketarako nahiz ekintza osagarrietarako 81.000 m2 azalera dago bertan.