Beste jarduera batzuk zuzendaritza nagusien arabera

Aurretik aipatutako gaiez gain, Lehendakaritzako eta Gobernu Irekiko Zuzendaritza Nagusiak Nafarroako Gardentasun Kontseilua ere abian jarri du, eta esku hartze plan orokor bat garatu du Nafarroako Jauregian, bere erabilerak legeztatzeko eta arrazionalizatzeko, mantentzea bermatzeko, lan-eremu berriak gaitzeko eta narriadura eteteko.

Bestalde, Funtzio Publikoko Zuzendaritza Nagusiak administrazioko langileek lan eta familia bizitza uztartzen laguntzeko aurreikusitako neurriak handitu ditu, eta sistema berria egin da Atalburu eta Bulegoburu guztiak merituen lehiaketaren bidez hornitzeko 2017 eta 2018 urteen artean.

Halaber, Barneko Zuzendaritza Nagusiak Nafarroa VioGén estatu-sistemara sartzea sustatu da, genero-indarkeriaren biktimak babesteko dena; jarduera handitu da Nafarroako Segurtasun eta Larrialdi Eskolan; Nafarroako foruzain guztiak Foruzaingoaren informazio-sistemetan sartzen amaitu da; kanpaina bat jarri dute abian txirrindularien artean bide-segurtasuna sustatzeko, eta gairik garrantzitsuena gisa, Foruzaingoaren Gidari Plan bat egin da 2020. urterako.

Justiziako Zuzendaritza Nagusiari dagokionez, Biktimen Arretarako Bulegoa Justizia Jauregira eraman dela nabarmendu behar da, bitartekotza zerbitzuak finkatu eta hedatu direla alderdi judizial guztietara, arlo penal, zibil eta merkataritza arloan; epaitegien zerbitzura lan egiten duten langileak indartu direlako; eta Iruñeko Udalarekin sinatutako hitzarmena arauak hausten dituzten adingabeek judizioz kanpoko neurriak egin ditzaten hiriburuko auzoetako talde soziokomunitarioetan.

Azkenik, Informatika, Telekomunikazio eta Berrikuntza Publikoko Zuzendaritza Nagusiak Nafarroako Gobernuaren informatika-datuak prozesatzeko bigarren zentro (CPD) bat abian jartzeko lan egin du. Horrela, bi CPDtako batek huts egiten badu, besteak normaltasunez jarraituko du lanean Administrazioak herritarrei, enpresei eta bere langileei ematen dizkien zerbitzuetan; SITNAren bistaratzaile geografikoak hobetu dira; telekomunikazioetako antenak instalatzeko administrazio-epeak sinplifikatu dira; software librera migratzeko plan bat egin da, eta Administrazioaren beste zerbitzu batzuei informatikoki laguntzea, hala nola Osasun arlokoak.

Horrez gain, Lehendakaritzako eta Gobernu Irekiko Zuzendaritza Nagusiarekin eta Administrazioko beste unitate batzuekin batera ADELE proiektua bultzatu du, foru Gobernuan administrazio elektronikoa behin betiko ezartzea lortzeko.

Lehendakaritzako, Funtzio Publikoko, Barneko eta Justiziako kontseilaria txosten honen aurkezpenaz baliatu da bere Departamentuak legealdiaren bigarren erdirako ezartzen dituen erronketako batzuk jakinarazteko.

Horien artean nabarmendu behar dira lan-eskaintza publiko berrien deialdia enplegu publikoa finkatzeko eta funtzionario berriak sartzeko; sindikatuen ordezkariekin negoziatzea, langile publikoek krisi ekonomikoan galdutako erosteko ahalmena berreskuratzeko; edo antzinako Artxibo Orokorrean obrak amaitzea, bulegoetarako eremu berriak gatzeko eta horren ondorioz, langileen lan-baldintzak hobetzeko.

Horrez gain, Estatuarekin lankidetza-hitzarmen berri bat negoziatu dutela nabarmendu du, espetxeen arloan hain zuzen, Estatuko Administrazioak duen eskumen hori transferitu arte, epaitegietan plaza berriak sortzea, Banda Zabalaren Planean barne hartzen diren jarduerak ezartzea, Foruzaingorako Komisaria Nagusi berri bat eraikitzea eta heliportua Suhiltzaileen Parke Nagusira eramatea, Cordovillan (Galar).

Azkenik, nabarmendu du udazken honetan Nafarroako Suhiltzaileen langileentzako bigarren jardueraren arautegia onartuko duela nabarmendu du; gardentasuna eta informazio publikorako sarbidea arautzeko foru lege proiektuak aurkeztuko dira Nafarroako Parlamentuan, Nafarroako Segurtasun Publikoari buruzko ekainaren 20ko 8/2006 Foru Legea aldatzen duena; eta esperi du Nafarroako Foruzainen Foru Lege proiektua onartuta ikustea, joan den apirilean dagoeneko Parlamentura bidal zutelako, negoziazio sindikal eta politikoaren ondorioz egiten diren aldaketekin.

Horrela, Beaumont kontseilariak esan duenez, Departamentuaren erronka ere bada 2018. urtean, administrazio publikoen zerbitzura lan egiten duten langileen Estatutuaren aldaketari buruzko foru lege proiektua Parlamentua aurkeztea, eta Nafarroako Foru Berria idaztea edo Nafarroako Foru Zuzenbide Zibilaren Konpilazioa, xede horretako sortutako parlamentuko txostenaren lanen eta Nafarroako Foru Zuzenbide Zibileko Aholku Batzordearen lanaren ondorioz.