Langabezian zeuden 30 urtetik beherako 129 gazte kontratatu dituzte enpresetan orain arte Nafar Lansareren kontratazioari emandako pizgarrien bidez. Horietatik, 69, sektore estrategikoetan lanean hasi dira, eta beste 60, praktiketako kontratuen bidez sartzen ari dira.

Enpresa, erakunde eta langile autonomoak 2016an baino hobeto erantzuten ari dira gazteen kontratazio sustatzeko laguntzekin, iaz, 22 diru-laguntza bakarrik eman zirelako ildoan urteko azken hiru hiletan. Igoera hori azaltzen duten faktoreen artean daude laguntzak berriz eskatzea, deialdiak aurreratzea edo enpresaburuen artean gehiago zabaltzea.

Laguntza horiek deialdi berrietara irekita daude eta bere helburua da kontratazioa enplegua lortzeko zailtasunak dituen talde horrengana bideratzea enplegua sortzeko eta laneratzeko prozesuetan. Langabe guztien % 10,4a 25 urtetik beherakoa da, eta % 18,4k 25 eta 34 urte artean ditu.

Aurten Nafar Lansarek S3n ezarritako sektore estrategikoetako enpresak kontratatzeko laguntzen beste lerro bat ezarri du, 50 langile baino gehiago dituztenen artean, eta hasiera batean 700.000 eurokoa da. Orain arte, 69 laguntza eman dira, eta horietatik, 23, emakumeentzako kontratuetarako dira (guztien % 33).

Laguntzak 935 eta 1.100 euro artekoak dira hilero kontratatutako pertsonako, kontratuaren iraupenaren (6 eta 12 hilabete artean edo 12 hilabete baino gehiago) eta kontratatutako pertsona gizona edo emakumea edo errenta bermatua jasotzen duen kontuan hartuz. Kasu horietan laguntza osagarri bat ematen da. Oro har, kalitateko enplegua da, eta urteko gutxieneko ordainsari gordina, aparteko ordainketak barne, lanbide arteko gutxieneko soldata baino bi aldiz txikiagoa ezin daiteke izan (707,6 x2 = 1.415 euro hilero).

Baldintzen artean dago gazte langabeak enplegu-eskatzaile gisa izena emanda egotea Nafar Lansaren. Enpleguak egoera hori egiaztatzea gomendatzen die giza baliabideen arduradunei. Ukatze gehienak deialdiaren oinarrietan ezarritako baldintza hori ez betetzeagatik izan dira.

Gazte Berme sisteman izena emandako gazte langabeak praktiketan kontratatzea sustatzeko diru-laguntzek, 300.000 euroko hasierako zuzkidura dutenak, 3.600 eta 6.120 euro arteko ordainketa bakarra barne hartzen dute kontratatutako pertsonako, titulazioaren arabera (unibertsitatekoa, LH edo profesionaltasun-ziurtagiriak), edo laguntza gehigarriarekin emakumea izateagatik edo desgaitasunen bat izateagatik. Lerro hori Gazte Enpleguko Ekimenak eta Europako Gizarte Funtsak batera finantzatzen dute.

Deialdi horretan 184 eskaera jaso dira, 60 kontzesiorekin (43 gizon eta 17 emakume) eta 9 ukatze edo uko egiterekin orain arte.

Eskubide Sozialetako lehendakariorde Miguel Laparrak oso balorazio positiboa egin du deialdiei buruz. "2016. urteko amaierako hilabeteetan abiatzea kostatu bazen ere, badirudi enpresek mota horretako laguntzak hobeto ezagutzen dituztenean, pizgarri oso interesgarriak direla Nafarroako batez bestekoaren gainetik dagoen langabezia duten gazteak kontratatzera animatzeko. Eta horiek bultzatu behar dira". "Enpleguaren datuen arabera, enplegu-sorkuntza ongi badoa ere, gazteen, emakumeen, desgaitasunen bat duten pertsonen eta iraupen luzeko langabeen, errenta bermatua jasotzen duten pertsona askoren eta langabezia-tasa handiagoa dutenen kasuan desberdintasuna murriztu eta aukera-berdintasuna bermatu behar dugula". "Era berean, enpresek, behar dituzten profil profesionalak dituzten pertsonak kontratatzen badituzte, pizgarri horiek euren lehiakortasuna hobetzea lortzen dute".