Nafarroako Lehendakari Uxue Barkosek Nafarroako Urrezko Domina eman dio SARAY Bularreko Minbiziaren Nafarroako Elkarteari, erakunde honek "osasuna sustatzeko egiten duen lan solidario eta eredugarria" nabarmendu duelarik. Halaber, Barkosek esan duenez, "golardo honen bitartez, lau haizeetara aldarrikatu nahi dugu, gaitasunaren berezko arazoei aurre egiten laguntzen duten beharrezko zerbitzu eta programen multzoa garatu eta finkatzeko nahiz eritasunaren ondorio fisiko, psikologiko eta sozialak gainditzeko, elkarte honek egin duen ahalegina

Bertan izan dira nafar agintari nagusiak: Gobernuko kontseilariak, Parlamentuko Lehendakari Ainhoa Aznárez, Gobernu Zentralaren Nafarroako ordezkari José Luis Arasti, parlamentariak, alkateak eta bestelako agintariak. Ekitaldia girotzeko, Nora abesbatzak Nafarroako ereserkia eskaini du, Josu Elberdinen "Segalariak", Greg Gilpinen "Why we sing" eta L.Elizalderen "Jotas a la Navarra" doinuekin batera.

Aurten, lehendabiziko aldiz, herritarrek parte hartzeko prozesua abiarazi da, gizartea hobetzen, balio demokratikoak indartzen edota Foru Komunitatearen kanpoko irudia bultzatzen laguntzeagatik nabarmendu diren pertsonak, erakundeak, entitateak eta kolektiboak aldarrikatzea xede duen Nafarroako golardo gorenerako hautagaitzak aurkezteko.

"Horregatik –gaineratu du–, nahitaezkoa da Sarayk bularreko minbizia diagnostikatua duten emakumeei eskaintzen dien laguntza: berotasuna eta konfiantza ematen baitizkie zalantza eta beldurraren aurrean, eta beharrezko animoa, adorea eta irmotasuna ematen baitizkie suspertze prozesuari aurre egin eta normaltasunera gogoz beterik itzuli ahal izateko".

"Bestalde, Ana Sarasak, Saray-ko lehendakariak, eskerrak eman dizkie Nafarroako Gobernuari eta "Nafarroako Urrezko Domina gaur SARAY-ren bularrean jartzea posible egin dutenei. Duela hogeita bi urtetik hona, bular birtual eta kolektibo honetan biltzen dira nahi ez diren tumore horiek kaltetutako pertsona guztiak, batzuk iragankorrak eta besteak ez, bizitza aldatu zigutenak; batzuk botatzea lortu dugu eta beste batzuk oraindik ahalegintzen ari gara. Denok gaude gaur hemen bularra bistan,… lortu genuenak, lortu nahi zutenak eta ezin izan zutenak. Guztiei jartzen diegu Domina hau, sendatu ezin den bakarra bizitzeko gogoa dela gogoratzeko".

Ildo horretan, bide honetan jarraitu behar dela azpimarratu du, "betiere Osasunbidea - Nafarroako Osasun Zerbitzuan artatzen gaituzten profesionalen eskutik, gure bizitzak salbatzeko ahaleginak eta bi egiten dituztelako; babesten gaituzten erakundeen, kolaboratzaileen eta babesleen eskutik; haien bazkideen eskutik; daudenen eta utzi gaituztenen bidetik; eta, jakina, laguntza eta elkartasuna ematen digun Nafarroako gizartearen eskutik".