Erakunde sarituak

Anfas Nafarroak Gizarte Zerbitzuetako Erabiltzaileen Artapenaren modalitatean jaso du saria, Zahartze Aktiboko programaren jardunbide egokiarengatik; izan ere, programaren helburua da adimen-desgaitasuna duten pertsonen edo zahartze-prozesuko eta haien familien garapeneko pertsonen bizi-kalitatea hobetzea. Gainera, programa ahalegintzen da desgaitasuna duten pertsonek eskubide osoko herritarrak izatea lor dezaten, haien bizitza-plana biziaz haien gustuen, beharren eta interesen arabera. Era berean, Zahartze Aktiboko Programaren arretako lehen helburuak honako hauek dira: arreta osoa eta pertsonalizatua eskaintzea eta pertsonen autonomia sustatzea; parte-hartzaileen familiei laguntzea familia-bizitza uztartzen; edota laguntza pertsonala eta familien parte-hartzea bultzatzea eta pertsonarengan oinarritutako antolaketa eta funtzionamendu eredua garatzea.

María Cruz Orcajok, Anfasen jardunbide egokien programan parte hartzen duenak, saria jasotzean, "eskerrak eman dizkie boluntarioei eta profesionalei, gu guztiok modu aktiboan, osasungarrian eta kalitatez zahartu ahal izateko aukera eskaintzeagatik". Halaber, "sari honek lanean jarraitzen laguntzen digu geure buruari erakutsi ahal izateko oraindik ere gizarteari gauza asko ditugula emateko", gehitu du.

Horren inguruan, Javier Goldáraz lehendakariak ondorengoa nabarmendu du: “erronka berria dugu aurrean; hau da, beharrezko laguntzak ematea pertsona horiek osasunarekin zahartzeko aukera izan dezaten, modu horretan haien narriadura prebenituaz”.

Langileen Enpleguaren kalitatea eta erakundeen kudeaketari buruzko modalitateko saria Atena Fundazioari eman diote, antolatzeko, komunikatzeko eta kudeatzeko irtenbideak bilatzen lan ona egiteagatik. Horretarako, Fundazioak Open KM-ko kudeaketa dokumentaleko errepositorioa jarri du; hots, komunikazio eta gardentasun sistema. Mekanismo berriaren helburua da informazioa lortzeko bidea erraztea patronoen batzordeari, Atenaren erabiltzaileak diren pertsonen familia eta tutoreei eta langile hornitzaileei (dokumentazioa horiekin partekatzen dute). Gainera, erakundeak Banako Arretaren Programa (BAP) jarri du; alegia, aplikazio informatikoa, baimen-maila ezberdinak kudeatzeko aukera ematen diena rolei eta erabiltzaileei. Horiei profesionalak izendatzen zaizkie, eta horiek sar daitezke haien dokumentaziora, profil profesional bakoitzaren funtzioak garatzeko beharrezkora sartzeko aukera mugatzearren.

Open KM errepositorioak BAP kudeatzeko aukera ematen du edota Excelean estatistika-datuak ateratzea errazten duten irizpideen arabera iragazitako informazioa lortzeko aukera, bilakaera-txosten ezberdinak sortzeko aukera ematearekin batera.

Atena Fundazioko zuzendari kudeatzailea den Arantxa Garateak ondorengoa nabarmendu du: “Fundazioan abian jarri dugun jardunbide egokiak iraultza ekarri du, erakundekoak diren pertsona guztiak inplikatzen baititu modu eraginkorragoan elkar komunikatzeko eta laneko gunea leku atseginagoa izateko”. Amaitzeko, zorionak eman dizkie “gure zerbitzuetan eta gizarte bezala aurrera egiteko jardunbide egokiak ezarri dituzten erakunde guztiei”.