Gainbegiratze-neurriak

Bestalde, sektoreko patronalek gainbegiratzeko eta kontrolatzeko neurriak ezartzeko konpromisoa hartu zuten, funts publikoak behar bezala erabiltzea eta ikastetxeen funtzionamendu-gastuak justifikatzea ziurtatzeko nahiz plaza hutsen kontratazioa gainbegiratzeko eta horiek Hezkuntza Departamentuaren web orrialdearen bitartez hedatzeko, meritu eta publizitatearen gaineko irizpideak errespetatuaz.

Ildo horretan, ikusita arau horietako batzuk atzeratzen ari direla, Departamentua Foru Agindu bat amaitzen ari da, ikastetxeetan estali beharreko eta funts publikoekin ordaindutako langileen plaza hutsak hautatzeko prozesuan aplikatuko diren kontrol-prozedurak ezartzearren. Halaber, hor sartzen dira "bestelako gastuak" modulua justifikatzeko prozedurak, Hezkuntza Departamentuak ikastetxeei baita ere ordaintzen dizkien kontzeptuak barne hartzen dituztenak, eta itunpeko ikastetxeek Departamentuaren hezkuntza-kudeaketarako plataforman (EDUCA) sartu beharreko informazioa.

Gainbegiratzeko neurri horiek lehen aldiz sartuko dira itunpeko irakaskuntzan, aurreko gobernuek ez baitzuten gai horien gaineko kontrolik egiten. Gainera, itunpeko irakaskuntzarako partidak beste partida batzuetan sakabanatuta agertzen ziren; beraz, gaia ikertzeko eta ordenatzeko lan izugarria egin da. Era berean, Unibertsitate eta Hezkuntza Baliabideetako Zuzendaritza Nagusiaren mendeko kontrol-unitatea sortu da, neurri horiek eratzeko eta horien segimendua egiteko helburuarekin. Nafarroako Kontuen Ganberak ere, 2018ko maiatzean aurkeztutako auditorian, gomendatu zuen Hezkuntzako Administrazioak "bestelako gastuak" modulua gehiago gainbegiratzea, eta horrek Gobernua ere berresten du Ogasunaren kontrolaren bitartez.

Eta, hain zuzen ere, orain gai horri heldu zaio krisiaren aurreko urteetako egoera berreskuratze aldera murrizketak medio, Hezkuntza Itunean irakaskuntza publikorako adostutako neurriak ezarrita sare publikoan dagoeneko aplikatu ondoren. Alegia, Haur eta Lehen Hezkuntzako etapetan, ratioak gutxitu egin dira 2016/2017 ikasturteaz geroztik, eta zuzeneko irakaskuntza-orduak murriztu dira 2018/2019 ikasturtetik aurrera. Bigarren Hezkuntzari eta Batxilergoari dagokienean, ratioen murrizketa 2018/2019 ikasturtetik aurrera gertatu da eta zuzeneko irakaskuntza-orduen jaitsiera 2019/2020 ikasturtean sartuko da indarrean.

Bileran izan dira, Administrazioaren aldetik, kontseilaria bera nahiz Unibertsitate eta Hezkuntza Baliabideetako zuzendaria eta itunpeko irakaskuntzako kontrol eta gainbegiratze unitateko arduraduna. Halaber, lau patronaletako (ANEG-FERE, CECE FED ACES eta NIE Eskola Katolikoak) eta UGT, SEPNA, LAB eta ELA sindikatuetako ordezkariak joan dira. Gauza da ELA sindikatua izan dela 2017ko iraileko Akordioa sinatu ez duen sindikatu bakarra eta aurreko bileretara joan ez dena atzerakoitzat jotzen zuen akordioaren segimendua egin beharrik ez zuela uste zuelako. Orain, ordea, bilera honetara etorri da esanez kasu honetan gaia haiei ere badagokiela, Akordioan bertan jasotzen den neurria, bere garaian sinatu nahi izan ez zutena,  izan arren (hirugarren neurria). ELAren jokabidearen aldaketa hau, gainera, testuinguru kontraesankorrean gertatu da, sindikatuak berak errekurtsoa ezarri baitio Hezkuntza Departamentuari hain justu ere departamentuak sindikatua ez sartzeagatik Hezkuntza Publikoko Hezkuntza Itunaren Segimendu Batzordean. 

Gai-zerrendako bigarren puntuari dagokionean, hau da, itunpeko irakaskuntzarekin egindako akordio berria, 2019ko irailean sinatu behar litzatekeena, Administrazioak akordioaren lehen hurbilketa egin du patronal eta sindikatuekin, egungoan zailtasun handiagoa aurkeztu duten puntuak sartuta; hala nola, araudi berrira egokitzea, ikastetxeen konpromisoak betetzea, beste gastu batzuen justifikazioa, datuak EDUCA plataforman sartzea edo irakasleen prestakuntza, bereziki baterako hezkuntzaren eremuan.