Loa beharrizan fisiologiko primarioa da. Hauexek dira jokaeraren ezaugarriak: gelditasun-jarrera, konorterik gabe egoterainoko sentsibilitatearen aldi baterako murrizketa eta lehenera erraz itzul daitekeena. Horregatik, ez da gauza sinple eta pasiboa, prozesu aktiboa, konplexua eta neke fisikoa eta psikikoaren indarberritzailea baizik.
Lo-beharrak asko aldatzen dira pertsona batetik bestera. 3 ordu lo eginda egunean zehar ondo sentitzen diren pertsona osasuntsuak daude, eta beste batzuk berriz, egunero 10-12 ordu lo egitera ohituta, 7 ordu “bakarrik” lo egiten dituztenean lo nahikorik ez dutela egin sentitzen dute, edo nekatuta sentitzen dira. Heldu gehienek 5 eta 9 ordu bitartean lo egiten dute, eta ohikoena 7-8 ordu inguru lo egitea da. Loaren iraupena gutxitu egiten da zahartzearekin.