(Edukira Joan)
comienza contenido web

navarra.es

Castellano | Euskara | Français | English

Jardunaldia, industria babesteko programak hedatzeko

2018ko maiatzaren 25, ostirala | 10:45 - 13:30 | Kondestabearen Jauregia

Izen-ematea

Industriari eta, zehazki, industria proiektuen finantzazioa errazteari begira konpartitzen dugun helburuaren baitan, Ekonomiaren, Industriaren eta Lehiakortasunaren Ministerioko Industriarako eta ETE-endako Idazkaritza Nagusiak eta Nafarroako Gobernuak gonbidatu egin nahi zaitugu Iruñean eginen den topaketa honetara.

Jardunaldiaren helburua da enpresei beren esku administrazio publikoek paratzen dituzten finantza tresnen berri ematea, hala aprobetxa ditzaten beren lehiakortasuna handitzeko, tamainaz handitzeko eta nazioarteko merkatuetan gehiago sartzeko.

Programa

10:45 Etortzen diren enpresei harrera egitea

11:00 Jardunaldiaren hasiera

Ekonomiaren, Industriaren eta Lehiakortasunaren Ministerioa: Industriari finantza laguntza emateko ildoak. Industriarako eta ETE-endako Idazkaritza Nagusiko, Berrikuntzaren Enpresa Nazionaleko (ENISA) eta Garapen Tekniko Industrialerako Zentroko (CDTI) finantzazio ildoak - José Manuel Prieto Barrio, Industriarako eta ETE-endako Idazkaritza Nagusiko Kalitatearen eta Industria Segurtasunaren zuzendariorde orokorra eta Juan Luis Romera Santiago Garapen Tekniko Industrialerako Zentroko Osasunaren, Bioekonomiaren, Klimaren eta Natura Baliabideen Departamentua

Nafarroako Gobernua: Industriari finantza laguntza emateko ildoak - Juan Carlos Artazcoz, Enpresa Sustapenaren Zerbitzuko zuzendaria

Sodena: Nafarroako enpresarendako finantza laguntzak -

Óscar Arriaga, Sodenako Administrazio eta Finantza zuzendaria

Solasaldia eta eztabaida

Bukaera ekitaldia

Aldi berean, jardunaldian zehar alde biko elkarrizketak eginen dira, proiektu zehatzak jorratzeko Alfonso Pérez, Industriaren Zuzendaritza Nagusiko zerbitzuburuarekin. Elkarrizketa bat eska dezakezu, helbide honetara mezua bidalita: financia_industria@mineco.es

Ekonomia soziala EBren industrializazioa sustatzeko: ekimen berriak

2018ko maiatzaren 18, ostirala | 10:30 - 12:30 | Nafarroako Artxibo Nagusia

Nafarroak ekonomia soziala enpresa lehiakortasuneko faktore gisa jaso du. Nafarroako S3k helburu hau erdiesteko behar diren tresna nagusiak identifikatzen ditu, kasu, plan industrial baten prestaketa, kluster politika bat, ekintzailetza plan bat, nazioartekotze plan bat eta, jakina, Ekonomia Sozialeko Plan bat.

Nafarroak “EBn industrializazioa sustatzeko ekonomia soziala” izeneko plataforma tematiko bat koordinatuko du, Emilia Romagna (IT), Laponia (FI), Orebrô (SE), Murtzia eta Esloveniarekin batera. EBko ekonomia sozialaren sektoreak barne hartzen du industria, eta sektorearen berrikuntza gaitasuna baliatzeko laguntza bakar bat eta erantzun politikoak eskatzen ditu. Plataforma honen xedea da mapeo ariketa bat egitea, ekonomia sozialeko jardueren / ekintzen ikuspegi xehakatuago bat eskaintzeko, espezializazio adimentsuaren printzipio, praktika eta politikei dagokienez. Horrekin, era berean, adibideak bilatu nahi dira, azaltzeko nola EBko eskualde eta eragileak lankidetzan ari diren ekonomia sozialeko bazkideekin hazkunde ekonomikoaren, berrikuntzaren eta lehiakortasunaren helburuak bultzatzeko. Bigarrenik, helburua da eskualde mailako aktoreak sustatzeko ekintza bat garatzea, horrela, ekonomia sozialeko sektoreekin lanean ari diren eskualdeak gai izan daitezen hazkunde inklusiboa, enplegua eta berrikuntza bultzatzeko.

Programa

10.30: Ekonomia soziala EBn: ekimen, proiektu eta ikuspegi berriak - Mikel Irujo, Nafarroako Gobernuaren Bruselako ordezkaria; Ulla Engelmann, Kluster, Ekonomia Sozial eta Ekintzailetza Unitateko burua, Europako Batzordea

Kafea

Ekonomia soziala, gizarte berrikuntza eta industrializazioa - Ignacio Ugalde, ANELeko zuzendaria (Nafarroako ekonomia sozialeko enpresen elkartea); Jose Mari Martinez, UCANeko (Nafarroako Nekazaritzako Elikagaien Kooperatiben Batasuna) lehendakaria; Julen Etxebeste, Nafarroako Gizarte Berrikuntzako Unitateko koordinatzailea ADItech Koorporazio Teknologikoan

Enpresetako kontratazioaren bidez gizarteratzea

2018ko maiatzaren 11, ostirala | 12:00 - 14:00 | Kondestablearen Jauregia

Garapen jasangarriak ikuspegi osoa ematen du, horretan biltzen baitira kontsiderazio ekonomikoak, sozialak eta ingurumenekoak, halako moldez non horiek elkar indartzen duten. Enpresak parte hartzera daude deituta, zeren, gizarteko kideak diren heinean, gizarte hobekuntzaren alde aritzeko betebehar etikoa baitute. Jardunbide jasangarriak aplikatzeko ikuspegi honek lehiakortasuna eta errendimendua optimizatzen ditu.

Garapen jasangarriaren helburuak erdiesteko, Nafarroan, alde batetik, espezializazio adimentsuaren estrategia darabilgu, berrikuntza, enplegu, hezkuntza, gizarteratze eta energiaren alorreko esparrua biltzen duena. Epe luzean helburua da enplegu gehiago sortu eta bizitza hobea lortzea, hazkuntza inklusibo, jasangarri eta adimentsuaren bidez. Helburu garbiekin: pobrezia arriskuaren tasa murriztea eta bizi kalitatea nahiz oparotasuna handitzea, biztanle bakoitzeko BPGd-a igoz eta iraupen luzeko langabezia murriztuz. Gizartearen alorrean, hor ditugu Gizarteratzeko eta errenta bermaturako eskubideak arautzen dituen Foru Legea, Gizarteratzeko Plan Estrategikoa eta Enpleguko Politika Aktiboen Erabakia.

Enpresen alorrean, berriz, InnovaRSE programa azpimarratu beharra dago, horren bidez Nafarroako 350 enpresak gizarte erantzukizuneko estrategiak barneratu baitituzte beren erakundeetan 2008tik aurrera. Edo Nafarroako Gobernuak bultzatzen dituen bideak, pertsona ahulenak laneratzeko; horien artean, Errenta Bermatua (EB) jasotzen duten pertsonak kontratatzeko laguntza berriak, hilabetean 1.000 euro bitarte ematen baitzaie enpresei, autonomoei eta gizarte entitateei. Kasu honetan, lan merkatura itzultzeak aktibatu egiten du honako eskubide hauek izateko aukera: langabeziako edo eritasuneko prestazioak jasotzekoa eta, etorkizuneko pentsiorako, Gizarte Segurantzako kotizazio denbora gehitzekoa. Eragileen konbinazio honek aukera egokiak ekartzen dizkio bai pertsona kontratatuari bai enpresa nahiz gizarteari. Eta aukera hori ez da galdu behar.

Garapen ekonomikorako ostiral honetan enpresen kontratazioaren bidezko gizarteratzea jorratuko da. Errenta Bermatua jasotzen duten pertsonen kontratazioa bultzatzeari buruzko informazioa emanen da, esperientziak erakutsiz: enpresenak, Errenta Bermatua jasotzen zutenenak eta lan aktibazioko bideenak.

PROGRAMA

12:00: Hasiera - Manu Ayerdi, Nafarroako Gobernuko Garapen Ekonomikorako lehendakariordea eta Paz Fernández, Servicio Navarro de Empleo – Nafar Lansareko zuzendaria.

Europako zutabe soziala abian jartzea: Nafarroako enpresendako erronka eta aukerak - Mikel Berraondo, Zabala Innovation Consultingeko Gizarte Berrikuntzaren Arloko zuzendaria.

Enpresa txiki eta handien esperientziak - Pilar Moreno, Limpiezas Pilar Moreno enpresako zuzendaria, eta Luis Hualde, Fomento de Construcciones y Contratas enpresako Iruñeko ekoizpen burua.

Errenta Bermatua (EB) jasotzen duten pertsonen lan aktibazioa - Oscar Pueyo, lehen Errenta Bermatua jasotzen zuena eta orain Europako Ersisi proiektuko kasuen kudeatzailea, eta Lourdes Alforja, Arrotxapeko enplegu agentziako zuzendaria.

NL-NEZen laguntzak, EBa jasotzen duten pertsonen kontratazioa sustatzeko - Eva Ontoria, NL-NEZeko Orientaziorako, Enplegua Sustatzeko eta Enpresentzako Zerbitzuetarako Zerbitzuko zuzendaria.

Galderak eta eskaerak

fin contenido web