Ekitaldi instituzionala

Yolanda Barcinaren agerraldiaz gain, Fiturren ospatutako Nafarroako Egunaren ekitaldi instituzionalean honako hauek ere hitz egin dute: Kultura, Turismo eta Erakundeekiko Harremanetarako kontseilari Juan Luis Sánchez de Muniáinek; Turismo zuzendari nagusi Carlos Ercek eta Ostalaritza Elkarteko lehendakari Ana Beriainek.

Haiek egin bitartean, "Hartu atseginez" sustapeneko bideoa proiektatu da, bai eta naturari buruzuko bideo bat aurkeztu ere; horrekin batera, Alicia Griffiths Turrillas arpa-jotzailearen eta Almudena Lobón eskolako bi dantzariren emanaldia ikusi ahal izan da. Ekitaldia Reyno de Navarra markaren hamargarren urteurreunari egindako aipamen bereziarekin amaitu da.

Jarraian. agintariek zenbait stand bisitatu dituzte, eta haien artean FITUR Osasunean Nafarroak jarritako erakusmahaia nabarmendu behar da; azoka nagusiarekin batera egiten den azoka da, osasun-turismoa lantzen da bertan eta Foru Komunitateak estreinakoz parte hartu du.

Gogora ekarri behar da, agintariei IFEMAko lehendakari José Álvarez del Manzanok egin diela ongietorria Madrilgo Juan Carlos I. azoka-barrutira heltzean, eta Nafarroako stand-eraino lagundu die.

Behin hara heltzean, "dbr3.Nafarroako turismo-irudia" eskola arteko lehiaketaren bigarren edizioko ikasle irabazleak agurtu dituzte; haien lanak Nafarroak Fiturren jarrirako stand-ean ikus daitezke.

Honako ikasle hauek dira: Maristas ikastetxeko (Sarriguren, Egues) Tomé Ferreira de Costa ikaslea , eta haren tutore Juan Bastida Iñarrea, Batxilergoko mailan saritutakoak; Santa Luisa de Marillac ikastetxeko (Barañain) Ismael Tiscar eta Rubén Zoco ikasleak, eta haien tutore Elena Ruiz de la Cuesta, DBHko 3. eta 4. mailetan saritutakoak; eta Nuestra Señora del Huerto ikastetxeko (Iruña) Isabel Bastida eta Ane Esain ikasleak eta haien tutore Nerea Sanz de Acedo, DBHko 1. eta 2.mailetan saritutakoak.

Nafarroak Fiturren jarritako stand-ean turismoko ekitaldi eta erakargarritasunen 22 aurkezpen egingo dira egunotan.

Gaur, osteguneko programan, ekitaldi instituzionalaz gain, Flamenco on Fire jaialdia aurkeztu da, datorren udan berriro ere Iruñean egingo dena. Ekitaldian Pepe Habichuela gitarra-jotzaileak parte hartu du, semearekin batera, Josemi Carmona gitarra-jotzailearekin.

Gogoratu behar da, asteazkeneko inaugurazio-egunean, turismoko beste proposamen batzuk ere ezagutarazi zirela, esaterako: zuhaitz gainean lo egiteko esperientzia (Basoa Suites-en eskutik), bizikleta gaineko turismoa edo zikloturismoa (Irati Xtrem eta Pirenaica) eta Baztanibarreko paisaia berde eta idilikoetatik egindako ibilbidea, Dolores Redondo idazlearen eskutik.

Halaber, Carlos Rodriguezekin ardoaren eta patxaranaren Nafarroako zenbait nahasketa dastatu ahal izan ziren; Donejakue bidearen gida ilustratua aurkeztu zen, hotelak eta bezeroak komunikatzeko web-aplikazio berritzaile bat (Koaling Pamplona eta Carlos Oliteren eskutik), eta "Egin korrika Nafarroan" proposamena; azken horren barnean sartzen dira II. San Fermin Maratoia eta "Ezagutu Nafarroa korrika ginez" produktua.