Castellano | Euskara | Français | English
Ezagutzera eman
Ikusi egun honetako albiste gehiago
Hezkuntza Departamentuak 240.000 euro eman ditu, LHko prestakuntza jardueretarako astelehena, 2007.eko abenduak 24
Hezkuntza Departamentuak 240.000 euroko gastu ekonomiko orokorra baimendu du, Nafarroako Lanbide Heziketako zentroetan egindako prestakuntza jarduera osagarrietarako.
Zehazki, zenbateko horren bidez honako hauek finantzatu dituzte: Lanbide Heziketako zentroetan emandako etengabeko prestakuntzako ikastaroak; prestakuntzako egonaldiak, atzerrian, "Leonardo Da Vinci" Programaren esparruan; zentroen nazioartekotzearen eta hizkuntzen ikasketaren sustapena; Norvegiako LHren funtzionamendua ezagutzeko jardunaldiaren antolakuntza (Iruñean); eta lanerako prestakuntzako ikastaroak (graduatu ondokoak).
Etengabeko prestakuntzako ikastaroak. 163.532,00 euroko inbertsioa onartu du Departamentuak, 2007an Lanbide Heziketako hainbat zentrotan egindako etengabeko prestakuntzako ikastaroek sortutako funtzionamenduko gastuak ordaintzeko (Nafarroako Enplegu Zerbitzuak programatu ditu aipaturiko ikastaroak).
Prestakuntzako egonaldiak. "Leonardo Da Vinci" Programaren esparruan 72 ikaslek Erresuma Batuan, Irlandan eta Italian 13 astez egindako prestakuntzako egonaldien gastuak finantzatu ditu Departamentuak. Hartara, 52.026,57 euro ordainduko dizkio (prestakuntzako egonaldien erabateko gastuen %30) Europako hainbat erakunderi.
Nazioartekotzearen sustapena. 30.500 euroko inbertsioa onartu du Departamentuak, nazioartekotzea eta hainbat zentro bateratu politeknikotan hizkuntzak ikastea sustatzeko gastuei aurre egiteko. Departamentuak, hartara, 8.500 euro baimendu ditu "Donapea", "Bideko Ama Birjina" eta "ETI" Lanbide Heziketako Ikastetxeek ildo horretan egindako jardueretarako, eta 5.000 euro, berriz, "Energia Berriztagarriak" Goi Mailako Lanbide Heziketako Ikastetxe Bateratuak egindako jardueretarako.
Europako LHri buruzko jardunaldia. Norvegiako Lanbide Heziketaren hedapen jardunaldiaren antolakuntzatik ondorioztatutako gastua ere ordainduko du Departamentuak, Europako herrialde nagusietako lanbide heziketaren egoeraren eta ezaugarrien hedapen programaren esparruan. 13.000 euroko gastua baimendu du, 2007ko azaroaren 9an egin zuten jardunaldia finantzatzeko.
Lanerako prestakuntzako ikastaroak (graduatu ondokoak). Amaitzeko, lanerako prestakuntzaren arloan 2007an egindako graduatu ondoko ikastaroen funtzionamenduko gastuak ordainduko ditu Departamentuak. Horretarako, Iruñeko "Bideko Ama Birjina" Lanbide Heziketako Ikastetxeak 5.328,00 euro jasoko ditu, eta Imarkoaingo Energia Berriztagarrien Ikastetxe Bateratuak, berriz, 6.660,00 euro.
