Asturiasko eta Vianako printze-printzesa Errege Gorentasunak San Salvador Monasterioan egin den 2013ko Kulturaren "Vianako Printzea" Sariaren banaketa-ekitaldiaren buru izan dira gaur osteguna, ekainak 6. Aurten, Daniel Innerarity Grau filofosoak eskuratu du saria.

Ekitaldia 11:30ean hasi da Ostatuko Patioan Felipe jauna eta Letizia Andrea buru direla; bertan izango dira ere saritua bera, Nafarroako Lehendakari Yolanda Barcina; Gobernuko kideak, Fou Komunitateko agintari politiko eta instituzional nagusiak, Nafarroako Kultura Kontseiluko kideak eta Daniel Innerarity-ren senide eta adiskideak.

Ekitaldiaren presidentetza abadia-elizako iparraldeko horman jarri da, Vianako Printzerriaren zutoihal heraldikoarekin apainduta. Felipe jauna eta Letizia andrea beren ohorezko aulkietara iritsi direnean, Nafarroako Gobernuaren Tronpeta eta Atabalen Bandak Espainiako eta Nafarroako Ereserkiak interpretatu dituzte.

Jarraian, Barcina Lehendakariak agerraldia egin du eta bertan printze-printzesari eskerrak eman dizkie bertan egoteagatik; horrekin batera, Innerarity-ren irudi artistiko eta humanoa goraipatu ditu, eta gizarte hobea lortzeko funtsezko tresna gisa filosofoak ezagutzarenganako azaldutako pasioa azpimarratu.

Sarituak saiakera-idazle modura duen nazioarteko ospea nabarmendu du Barcinak eta baita egun bizitzea egokitzen zaigun errealitate sozialari buruzko bere hausnarketa baliotsuak ere. "Gertakizun historiko bati aurre egiten ari gara, ziur asko Espainiaren trantsizio garaitik izandako erronka nagusia –azaldu du Lehendakariak–. Gertatzen ari den aldaketa sozialaren tamainak eta abiadurak ordezkari politikoak jokoz kanpo harrapatu gaitu eta gure diskurtsoa ere zaharkituta geratu da. Innerarity-k ondo dioenez, "hiztegi politiko guztiak zahartu egin dira nahiz eta haien kontzeptuak erabiltzen jarraitze diren".

Ondoren, aipatu du, nolanahi ere "gure erantzukizuna dela eta gure betebeharra gertakizun konplexu horiek kudeatzen jakitea", eta gaineratu du guztiok bat etorri arren politika aldatu egin behar dela, ez dago alternatiba eraginkorrak proposatzeko akordiorik: "Eta Innerarity aipatuko dut berriz ere, hark esaten duenean erraz samarra dela erregistratzea zerbaitek ondo funtzionatzen duela, baina gauzak zailtzen direla zerk ordeztu behar duen iragartzen denean", baieztatu du.

Barcinak azpimarratu du ere politikaren aldaketaren ideia "ez dela etorriko politikaren heriotzatik baizik eta duintasunaren itzuleratik. Hori dela eta, aldaketa politikoa "ez da herritarrek beren erakundeetan adierazitako borondatea ordezten lortuko", eta ezta "etorriko ere mugimendu populista eta totalitarioetatik, eta hartan inoiz sinetsi ez duten pertsonen aldetik ere".

Barcinak defendatu du Nafarroa Komunitate anitz eta askotarikoa dela eta 2013ko sari hau, hain zuzen, "aniztasunari, bizikidetzari, errespetuari eta ikuspegi integratzaileari eta ez baztertzaileari egiten zaion aitorpena dela".

Azkenik, Errege Gorentasunei gonbita luzatu die hurrengo Kulturaren Vianako Printzea Sarian izan daitezen; hurrengo urteko sariak 25 urte beteko ditu eta –aurreratu duenez– saritu guztiak batzen saiatuko dira eta "etorri ezin direnak gogoratzen ahaleginduko gara, Alfredo Landa maitea esaterako, guztiok maitasun guztiarekin gogoratzen duguna".

Lehendakariaren hitzen ondoren, Juan Gaínza Berrok zuzendutako Iruñeko Orfeoiaren Eskolaniak, Bardos Lajos konpositore hungariarraren "Szellö zúg" (Brisak soinua egiten du) abestia interpretatu du.

Musika-interpretazio horren ondoren, Nafarroako Gobernuko Erakundeekiko Harremanetarako zuzendari nagusi Fátima Baigorri Romerok saria Daniel Innerarity-ri emateko foru-dekretua irakurri du eta, jarraian, saritua oholtzara igo da Felipe jaunaren eskuetatik saria jasotzeko.

Ondoren, bertaratuek 2013ko Vianako Printzea Saria jaso duen Daniel Innerarityren hitzak entzun dituzte, eta hark sariagatik eskerrak eman ditu bere diskurtsoaren hasieran.

Izan dituen lehiakideen maila handia aitortu ostean, Innerarity-k esan du sari hau beretzat nahiz ezagutzak gizartean beteko duen funtzioarentzat dela. "Ezagutza saritzeak zenbait jarrera baloratzea dakar: iraunkortasuna, apaltasuna, espiritu kritikoa, elkarrizketarako jarrera eta egiaren bilaketa, bizikidetzarako oinarrizkoak direnak". Balio horiek guztiak ez dute zerikusirik "krisi ekonomiko honetara ekarri gaituzten zekenkeria eta ergelkeria kolektiboaren kateatze desegokiarekin. Egungo hondamendi ekonomikoa ikusita, gaur oraindik argudio gehiago ditugu baieztatzeko gizarte bat libreagoa dela, eta aberatsagoa ere, bere ezagutza gero eta hobea den heinean".

Jarraian, haren iritziz gizarteak dituen hiru erronka nagusiez aritu da: gure kultura politikoaren aldaketa, pentsamenduaren balioa bizikidetza demokratikorako eta errespetu gehiagoko gizarte bat eraikitzeko beharra bere aniztasunarekin eta integratuagoa.

Hala, nabarmendu du "politika beste era batera egin behar dela, beste estilo batekin eta beste lehentasun batzuekin", eta berriz esan du "gobernagarritasunaren aurrean ez gaudela bakarrik baizik eta kultura politiko klase baten amaieraren erdian". Azaldu duenaren arabera, herritarrek eskatzen dute gizartea egiten ari den sakrifizioa justiziaren esparru batean jar dadila. "Egia da ez dagoela mirarizko irtenbiderik, baina behintzat irtenbide bidezkoak izan behar dira"-aipatu du-.