Birusa hedatzea saihesteko, garrantzitsua da aholku hauei jarraitzea: A, B, C eta D.
A
Eskuak garbitu, urarekin eta xaboiarekin, gutxi gorabehera minutu batez, modu eraginkorrean garbitzeko.
Zergatik?
- Gripearen birusa listu tantatxoen bidez eta eztul edo doministiku egitean sortutako sudur-sekrezioen bidez transmititzen da.
- Tantatxoak eskuetan edo azaleretan gelditu daitezke (altzarietan, eskulekuetan, objektuetan…); horregatik, eskuak garbitzeaz gain, garrantzitsua da objektuak ez elkarbanatzea, hala nola edontziak, mahai-tresnak, botilak, etab. eta azalera horiek ohiko garbiketa-produktuekin sarritan garbitzea.
Nola?
- Urarekin eta xaboiarekin, gutxienez, minutu batez.
Noiz?
- Begiak, sudurra edo ahoa ukitu, pertsona gaixo bat artatu, jan, komunera joan, pixoihalak aldatu, etab. egin aurretik eta ondoren.
- Eztul edo doministiku egin, garraiobide publikoan bidaiatu, kaletik itzuli, objektuak ukitu, etab. egin ondoren.
- Eskuak garbitzeko lekurik ez baduzu, erabili sarri-sarri alkoholdun eskuoihalak.
B
Estali ahoa eta sudurra doministiku edo eztul egitean.
Zergatik?
- Gripearen birusa pertsonen artean transmititzen da hitz, eztul eta doministiku egitean isurtzen ditugun tantatxoen bidez. Tantatxoak eskuetan geratu daitezke; horregatik, eskuak, sudurra eta ahoa ukitzea saihestu behar dugu.
Nola estali?
- Botatzeko paineluarekin edo komuneko paperarekin (erabilitako painelua zakarrontzira bota ondoren, itxi poltsa eta garbitu eskuak).
- Ukondoaren barruko aldearekin.
- Eskugainarekin.
C
Etxean: gripea baduzu, saihestu leku jendetsuak. Gelditu etxean!
Zergatik?
- Beste pertsona batzuk kutsatzea saihesteko.
Noiz?
- Gripearen prozesuak gutxi gorabehera 7 egun irauten ditu. Hori dela eta, denbora horretan etxean geratzea gomendatzen da, beste pertsona batzuei transmititzea saihesteko.
Eta gripea ez baduzu: saihestu gaixorik dauden pertsonekin harremanetan egotea.
D
Egin lo ondo, izan elikadura osasuntsua, edan ura, izan bizimodu fisikoki aktiboa, saihestu alkoholdun edariak eta tabakoa.
Zergatik?
- Bizimodu osasuntsua badugu, gaixotasunari osasun baldintza onetan aurre egin ahal izango diogu.