Castellano | Euskara | Français | English
Langileentzako gomendioak
Ezagutzera eman
Norberak izaten ahal dituen baldintza batzuek, hala nola patologia kroniko batzuek, medikazio jakin bat hartzeak, adinak, haurdunaldiak eta abarrek, eragin dezakete langileak beroarekiko kalteberagoak izatea. Horregatik, galdetu zure prebentzio-zerbitzuko osasun-zaintzako langileei ea, kontu horietakoren bat dela-eta, zure lanpostuak egokitzapen bat behar duen, beroarekiko esposizio-arriskuagatik.
Deserosotasun eta estres termikoa izateko arriskua kontrolatzeko, beharrezkoa da esposiziopean dauden pertsonek enpresak ezarritako prebentzio-neurriak betetzea, eta bereziki garrantzitsuak dira, besteak beste, neurri hauek: aklimatatzea, zeregin astunenak bero gutxien dagoen egun eta orduetan egitea, eta ura edatea, egarririk ez izanda ere.
Aire zabaleko lanetan, enpresak garatutako neurriek ez badute bermatzen langileen babesa, zeregin jakin batzuk saihesten ahalko dituzte langileek fenomeno meteorologiko kaltegarriak gertatzen diren orduetan, eta, are gehiago, lanaldiaren orduak murriztu edo aldatzen ahalko dira AEMETek maila laranja edo gorriko alertak igortzen dituenean.
