navarra.es
Castellano | Euskara | Français | English
Ezagutzera eman
1/1993 Foru Dekretua, urtarrilaren 11koa, Zerga Bereziei buruzko abenduaren 30eko 20/1992 Foru Legeko arau batzuk halako garraiobide batzuen gaineko zerga bereziaren arau batzuk halako garraiobide batzuen gaineko zerga bereziaren dagokionean garatzen
(1993ko 9. NAOn argitaratutako testua, urtarrilaren 20an)
Atarikoa
Zerga Bereziei buruzko abenduaren 30eko 20/1992 Foru Legearen 42. artikuluaren 2. zenbakiak eta 43. artikuluaren 2. zenbakiak xedatu dute halako Garraiobide batzuen gaineko Zerga Bereziari ez atxikitzeko eta horretatik salbuesteko kasu batzuk aplika ahal daitezen, aldez aurretik Zerga Administrazioak hala onartu beharko duela, erregelamendu bidez ezartzen den moduan.
Kasu horien aplikazioa betearazteko, beraz, behar den bidea ezartzea ezinbestekoa da, baita Zerga Administrazioaren organoen eskumenak zehaztea ere, Zerga Berezi honen ezaugarriak kontutan hartuta.
Hori horrela, Ekonomia eta Ogasun Kontseilariak proposaturik, mila bederatziehun eta laurogeita hamahiruko urtarrilaren hamaikan egindako bilkuran hartutako erabakiarekin bat, dekretatu dut:
1. artikulua
Zergari ez atxikitzeko Zerga Bereziei buruzko abenduaren 30eko 20/1992 Foru Legearen 42. artikuluaren 1. zenbakiaren a) letraren 7garren eta 8garren ataletan aipatzen diren kasuak eta zergatik salbuesteko Foru Lege beraren 43. artikuluaren 1. zenbakiaren a), b), c) eta d) letretan aipatzen diren kasuak aplika ahal daitezen, aldez aurretik, Ekonomia eta Ogasun Departamentuak hala onartu beharko du, Foru Dekretu honetan ezarritakoarekin bat.
2. artikulua
1. artikuluan ezarritako ondorioetarako, beren izenean garraiobideak lehenbizikoz eta behin betikoz matrikulatu nahi dituzten pertsonek, aldez aurretik eskabide bat aurkeztuko dute, hots, Ekonomia eta Ogasun Departamentuko Zerga Berezi eta Tasa Atalean, kasu horiek aplika dakizkien. Izkribu horretan adieraziko dute, gutienez ere, eskatzailearen izena, IFZ eta helbide fiskala, matrikulatu nahi duten garraiobidearen mota, marka eta eredua eta, zergari ez atxikitzeko edo horretatik salbuesteko zer kasu nahi duten aplika dakien.
3. artikulua
1. Aurreko 2. artikuluan aipatzen den izkribuarekin batera, ibilgailuaren ikuskaritza teknikoaren fitxaren kopia aurkeztuko dute, saltzaileak luzatua. Hortik aparte, kasuan kasuan, agiri hauek ere aurkeztuko dituzte:
a) Indar armatuek, Estatuko, Foru Komunitateko, Komunitate Autonomoetako eta Toki Erakundeetako Segurtasun Kidego eta Indarrek defentsa, zaintza eta segurtasun eginkizunetan darabiltzaten ibilgailuak izanez gero, eskudun organo edo agintariak sinatutako aitorpena, haien eskurapena kontratatzeko. Bertan adierazi beharko da ibilgailu horiek egiazki eginkizun horietarako erabiliko direla.
b) Zerga Bereziei buruzko Foru Legearen 43. artikuluaren 1. zenbakiaren a), b) eta c) letretan aipatzen diren garraiobideak izanez gero, Bestelako Ihardueren gaineko Zergaren ohizko gordekina, Lizentzia Fiskala, eskatzaileak zergatik salbuesteko ihardueran aritzen dela frogatzen duena.
c) Ezinduen izenean horiek ez bestek erabiltzeko matrikulatzen diren automobilak izanez gero, ezintasun edo ezgaitasun ziurtagiria, Foru Komunitateko ongizate zerbitzuek, Gizarte Zerbitzuen Erakunde Nazionalak edo eskudun erakunde kudeatzaileek luzatua.
Zerga Administrazioak berak, salbuespena aitortzeko betebehar gisa, antzeko baldintzetan zegoen beste ibilgailu bat matrikulatu zenetik gutienez ere lau urte pasa direla egiaztatuko du, Balio Erantsiaren gaineko Zergaren ohizko tasa aplikatzeko edo halako Garraiobide batzuen gaineko Zerga Berezitik salbuesteko.
2. Zerga Berezi eta Tasa Atalak beste edozein agiri eraman dakion eskatzen ahalko du, zergari ez atxikitzegatik edo horretatik salbuesteagatik eskatzailearen eskutan izan behar bada, eta ibilgailuak ikuskatzen ere ahalko ditu, horiek beren xede edo helburuari dagozkiola frogatzeko.
4. artikulua, Garraiobidea behin betikoz matrikulatzeko, ez atxikitzea edo salbuestea onartua dagoela frogatu beharko da.
Azken Xedapenetako Lehena
Baimena ematen zaio Ekonomia eta Ogasun Departamentuari Foru Dekretu honetan aurrikusia dagoena garatu eta aplikatzeko behar diren xedapenak eman ditzan.
Azken Xedapenetako Bigarrena
Foru Dekretu honek Nafarroako Aldizkari Ofizialean argitaratu eta biharamunean hartuko du indarra.
