navarra.es
Castellano | Euskara | Français | English
Ezagutzera eman
1062/2012 Foru Agindua, abenduaren 24koa, Ekonomia, Ogasun, Industria eta Enpleguko kontseilariak emana, erabilitako ibilgailuen eta itsasontzien salmentako batez besteko prezioak onesten dituena, oinordetzen eta dohaintzen gaineko zergaren, ...
1062/2012 FORU AGINDUA, ABENDUAREN 24KOA, EKONOMIA, OGASUN, INDUSTRIA ETA ENPLEGUKO KONTSEILARIAK EMANA, ERABILITAKO IBILGAILUEN ETA ITSASONTZIEN SALMENTAKO BATEZ BESTEKO PREZIOAK ONESTEN DITUENA, OINORDETZEN ETA DOHAINTZEN GAINEKO ZERGAREN, ONDARE ESKUALDAKETEN ETA EGINTZA JURIDIKO DOKUMENTATUEN GAINEKO ZERGAREN ETA ZENBAIT GARRAIOBIDEREN GAINEKO ZERGA BEREZIAREN KUDEAKETAN APLIKATZEKO
(2013ko 19. NAOn argitaratutako testua, urtarrilaren 29an)
Atarikoa
Erabilitako ibilgailuen eta itsasontzien eskualdaketetan, Oinordetzen eta dohaintzen gaineko zergaren, Ondare eskualdaketen eta egintza juridiko dokumentatuen gaineko zergaren eta Zenbait garraiobideren gaineko zerga bereziaren zerga-oinarria finkatzeko urtero ematen diren foru aginduetan horretarako ezarritako batez besteko prezioak aplikatzen dira.
Erabilitako ibilgailuen eta itsasontzien parkearen berritzea eta ibilgailu horiek merkatuan dituzten prezioen berezko aldaketak direla-eta, bidezko da indarra duten batez besteko prezioak eguneratzea, eta horretarako prestatu dira foru agindu honen I., II., III. eta IV. eranskinetan sartutako taulak.
Aurreko urteetan bezala, Zenbait garraiobideren gaineko zerga bereziari dagokionez, dagoenean gelditzen da erabilitako ibilgailu batek jasandako zeharkako zerga merkatu baliotik kentzeko formula, balorazioa Europar Batasunaren irizpideetara egokitze aldera.
Horrenbestez, agindu dut:
1. artikulua
I., II., III. eta IV. eranskinetan sartutako taulek abenduaren 27ko 224/2011 Foru Aginduaren bidez onetsitakoak ordeztuko dituzte ondorio guztietarako.
2. artikulua. Turismo, mendiko ibilgailu eta motozikleten balioa finkatzea.
Matrikulatutako turismo, mendiko ibilgailu eta motozikleten balioa finkatzeko, foru agindu honen I. eranskineko batez besteko prezioei dagozkien portzentajeak aplikatuko zaizkie, erabilera urteak eta, egoki bada, ibilgailuaren jarduera kontuan hartuta. Portzentajeak foru agindu honen IV. eranskinean jasotako taulan eta jarraibideetan daude.
3. artikulua. Jostetako itsasontzien eta itsas motorren balioa finkatzea.
Jostetako itsasontzien eta itsas motorren balioa finkatzeko, banaka baloratuko dira ontzia motorrik gabe eta motorra, eta, horretarako, foru agindu honen II. eta III. eranskinetan jasotako balioei IV. eranskineko portzentajeak aplikatuko zaizkie, erabilera urteak kontuan hartuta eta gero balio eguneratuak gehituko zaizkie, ontziaren guztizko balioa lortzeko.
4. artikulua. Zenbait garraiobideren gaineko zerga berezirako balioa finkatzeko arau berezia.
Zenbait garraiobideren gaineko zerga bereziari dagokionez, honako arau hauek aplikatuko dira:
Lehena
Foru agindu honen I., II. eta III. eranskinetan ageri diren batez besteko prezioei erabilitako urteen arabera dagozkien portzentajeak aplikatuko zaizkie eta, egoki bada, ibilgailuaren jarduerari dagokiona. Portzentajeak foru agindu honen IV. eranskinean jasotako taulan eta jarraibideetan daude.
Bigarrena
Aurretik atzerrian matrikulatuta egon eta behin betiko lehen matrikulazioa Espainian izan behar duten erabilitako garraiobideak direnean, zeharkako zergetako kuoten hondarra kenduko zaio aurreko lehen arauan adierazitakoa kontuan hartuta kalkulatzen den merkatu balioari, balio horretan sartuta dagoen neurrian. Horretarako, ondoko formula hau erabil daiteke:
Non:
ZO: Zenbait garraiobideren gaineko zerga bereziko garraiobide erabilien zerga-oinarria.
MB: IV. eranskineko portzentajeak aplikatu ondoren batez besteko prezioen tauletan finkatutako merkatu balioa.
BEZtasa: zerga-tasa, bateko hainbestean, garraiobideari orain Espainiako lurralde eremuan matrikulatzeko lehen matrikulazioan eskatuko zitzaiokeen Balio Erantsiaren gaineko Zergarena (BEZa).
ZGZBtasa: zerga-tasa, bateko hainbestean, garraiobideari orain Espainiako lurralde eremuan matrikulatzeko lehen matrikulazioan eskatuko zitzaiokeen Zenbait Garraiobideren gaineko Zerga Bereziarena.
BESTELAKOtasak: bestelako zeharkako zerga-tasak batzearen emaitza, bateko hainbestean, baldin eta garraiobidearen erosketari kargatu bazaio, eta merkatu balioan sartuta badaude.
Azken Xedapen Bakarra
Foru agindu honek Nafarroako Aldizkari Ofizialean argitaratu eta biharamunean hartuko du indarra.
|
Batez besteko prezioen taula PDF fitxategian kontsulta dezakezu. |
