(Edukira Joan)

Castellano | Euskara | Français | English

Nafarroako Gazteriaren Osasunari buruzko Inkesta 2019

  

  

Nafarroako Osasun Publikoaren eta Lan Osasunaren Institutuak (NOPLOI) etxez etxeko inkesta eginen die gure Erkidegoko 1.700 gazteri osasunarekin zerikusia duten zenbait alderdi ezagutzeko eta horiei erantzun egokia eman ahal izateko prebentzioko eta esku hartze soziosanitarioko programen bidez. Ikertuko diren alderdien artean daude, elikadura, jarduera fisikoa eta substantzien kontsumoa.

   

Prentsa-ohar  

  

   

  

Datu pertsonalen babesaren gaineko informazio gehigarria

  

  

Tratamendua


Nafarroako Gazteriaren Osasunari buruzko Inkesta 2019


Arduraduna


INafarroako Osasun Publikoaren eta Lan Osasunaren Institutua
Leire kalea 15. 31003 Iruña
www.isp.navarra.es 
Tel. 848 423440
Datuaren babeseko ordezkaria: Nafarroako Gobernuko Datuak Bebesteko Ordezkaritza. Lehendakaritzako eta Gobernu Irekiko Zuzendaritza Nagusia
Helbide elektronikoa: dpd@navarra.es


Helburua


Nafarroako Gazteriaren Osasunari buruzko Inkesta (NGOI) eginen da, Nafarroako gazteriaren osasun egoerari eta horretan erabakigarriak diren alderdiei buruzko balorazio eguneratu bat izateko beharrari erantzuteko. Osasun Departamentuak 2007an eta 2013an egin zituen Nafarroako Gazteriaren Osasunari buruzko Inkesten oinordeko da, haien aitzindari direlarik Bartolomé de Carranza Fundazioak 1982tik 2003ra arte bost urtetik behin egin zituen inkestak.


Hauek dira Nafarroako Gazteriaren Osasunari buruzko 2019ko Inkestaren (NGOI 2019) ikerketa arloak:

  • Elikadura eta jarduera fisikoa, pisua eta auto-irudia.
  • Osasun sexuala.
  • Adikzioa sortzen duten substantziak (tabakoa, alkohola, cannabisa eta beste droga batzuk).
  • Testuinguru soziala, ingurumen faktoreak, osasun egoera eta istripuak.
  • Osasunarekin zerikusia duten beste gai batzuk (aisa eta denbora librea, substantziarik gabeko adikzioak, portaera bortitzak edo delituzkoak, etab.).


NGOI-2019ren helburuak hauek dira:

  1. Xehetasunez jasotzea Nafarroako gazteriaren osasun egoera zein den.
  2. Haien bizi estiloak ezagutzea osasunarekin zerikusia duten askotariko eremuetan (jarduera fisikoa, elikadura, adikzioak, sexualitatea, etab.).
  3. Datuak lortzea, sexuaren arabera, adinaren arabera eta eremu geografikoaren arabera.
  4. Alderaketak egitea aurrez eginiko NGOIekin.
  5. Aldagai konposatuak eraikitzea balioztatutako neurketa tresnetatik abiatuz.
  6. Datu alderagarriak eskuratzea bizi estilo bakoitzari buruz (elikadura, ariketa fisikoa etab.), ahalbidetuko dutenak autonomia mailan edo tokiko mailan esku-hartzeak abiatu eta laguntzea genero ikuspegi batetik, bai eta kontuan hartuz ere osasunarekin erlazionaturiko ohiturak zein testuinguru sozialetan hartzen diren eta garatzen diren.
  7. Ikerketaren ondorioak lehentasunezko entzuleriaren artean hedatzea: prebentzio eta esku-hartze politiken diseinuaren arduradunak, osasuna sustatzeko profesionalak, irakasleak eta ikastetxeekin lotura duten beste profesional batzuk, oinarrizko gizarte zerbitzuetako eta oinarrizko osasun laguntzako osasun etxeetako hezitzaileak eta gizarte laguntzaileak, guraso gazteak.
  8. Ekintza kooperatiboak bultzatzea kanpoko erakunde eta elkarteekin, xedea izanik osasuna sustatzeko ekimenak garatzea eskolatuta dagoen populazioarekin.
  9. Laguntza ematea erakunde eta entitate publiko eta pribatuek, oro har, populazioaren osasun egoera hobetzeko egiten dituzten ekintzei.


Legitimazioa (oinarri juridikoa)


Hura egiteko oinarri juridikoa 14/2016 Foru Legea da, Nafarroako 2017-2020 Estatistika Plana onetsi eta Nafarroako Estatistikari buruzko 11/1997 Foru Legea aldatzen duena. Planaren barnean Nafarroako Gazteriaren Osasunari buruzko Inkesta (NGOI) sartzen da, indarrean dagoen bitartean egin beharreko lanetariko baten gisan.


Datu pertsonalak norendako


Nafarroako Osasun Publikoaren eta Lan Osasunaren Institutua. 

Pertsonen identifikazio datuak ez dira azterketaren azken fitxategien parte izanen.


Datuak hirugarren bati transferitzeko asmorik


Ez zaie hirugarrenei daturik transferituko.


Iturria


Pertsona interesatuek zuzenean emanak.


Eskubideak


Datuen Babesari buruzko Erregelamendu Orokorraren 89. artikuluarekin bat, xede estatistiko hutsa denez Nafarroako Estatistikari buruzko ekainaren 27ko 3/2018 Foru Legean oinarrituta eginen da datuen babesa.


Datuak emateko betebeharra eta hala ez egitearen ondorioa


Estatistikan parte hartzea derrigorrezkoa da, Nafarroako Estatistikari buruzko 11/1997 Foru Legeko 23.1. artikuluarekin bat, salbu eta Espainiako Konstituzioaren 16.2 eta 18.1 artikuluetan aipatzen diren datuak (11/1997 FLren 23.3 art) eta (EB) 2016/679 Erregelamenduaren 9. eta 10. artikuluetan adierazitakoak (3/2018 Loren 25. Art. Eta 12/1989 Legearen 11.2 art.) emateko bada. Galdetegian bertan jasotzen da artikulu horiek zer gairi buruzkoak diren, eta galdekatuei gogorarazi eginen zaie inkesta egiterakoan.


Nafarroako Gobernua

Jar zaitez gurekin harremanetan | Erabilerraztasuna | Lege abisua | Webaren mapa