navarra.es

Castellano | Euskara | Français | English

Bilatzaile erabili!

24/1996 Foru Legea, abenduaren 30ekoa, Sozietateen gaineko zergari buruzkoa

 

Testu bateratua.

Jatorrizkoa: 1996ko 159. NAOn argitaratua, abenduaren 31n; akats zuzenketa, 1997-06-6ko NAO.

Aldaketak: 35/2003 Foru Legea, abenduaren 30ekoa; 16/2003 Foru Legea, martxoaren 17koa; 23/2010 Foru Legea, abenduaren 28koa; 1/1997 Foru Legea, urtarrilaren 31koa; 18/2006 Foru Legea, abenduaren 27koa; 3/2002 Foru Legea, martxoaren 14koa; 2/2008 Foru Legea, urtarrilaren 24koa; 22/2008 Foru Legea, abenduaren 24koa; 18/2008 Foru Legea, azaroaren 6koa; 19/2004 Foru legea, abenduaren 29koa; 3/2002 Foru Legea, martxoaren 14koa; 17/2009 Foru Legea, abenduaren 23koa; 20/2011 Foru Legea, abenduaren 28koa; 19/1999 Foru Legea, abenduaren 30ekoa; 23/1998 Foru Legea, abenduaren 30ekoa; 19/2005 Foru Legea, abenduaren 29koa; 8/2001 Foru Legea, apirilaren 10ekoa; 20/2000 Foru Legea, abenduaren 29koa; 22/1997 Foru Legea, abenduaren 30ekoa; 3/2001 Foru Legea, martxoaren 1ekoa: 13/2000 Foru Legea, abenduaren14koa; 22/1997 Foru Legea, abenduaren 30ekoa;  2/2012 Foru Legea, otsailaren 14koa; 10/2012 Foru Legea, ekainaren 15ekoa; 21/2012 Foru Legea, abenduaren 26koa; 14/2013 Foru Legea, apirilaren 17koa; 38/2013 Foru Legea, abenduaren 28koa (akats zuzenketa, 2014-02-03ko NAO); 29/2014 Foru Legea, abenduaren 24koa; 10/2015 Foru Legea, martxoaren 18koa

Atarikoa

Nafarroak ahalmena du bere zerga araubidea mantendu, ezarri eta arautzeko, bertako foru araubidean oinarrituta. Ahalmen hori historian zehar erabili du Foru Komunitateak eta gaur egun indarra duen ordenamendu juridikoan, berriz, Nafarroako Foru Eraentza Birrezarri eta Hobetzeari buruzko Lege Organikoaren 45. artikuluan jasoa dago.

Sozietateen gaineko Zergaren helburua entitate juridikoek lortutako mozkinak zergapetzea da. Horrela, Sozietateen gaineko Zerga Pertsona Fisikoen Errentaren gaineko Zergaren osagarria da, errentaren gaineko zerga sistema baten eremuan. Gainera, atzerriko inbertitzaileek lurralde espainiarrean dauzkaten sozietateen bitartez lortutako kapital-errenten iturrian atxikipen eginkizuna ere badu.

Bi helburu horiek, Konstituzioaren 31. artikuluan ezarritako nahikotasun eta justizia printzipioei jarraitzen dietenak, behin eta berriz agertzen dira Sozietateen gaineko Zergan. Foru Lege honek ez ditu aldatzen helburu horiek, beraz, ez du ondoriorik Sozietateen gaineko Zergaren egituran, nahiz eta nolabaiteko garrantzia duten aldaketa batzuk badauden.

Honako hauek dira Sozietateen gaineko Zerga aldatzeko arrazoiak:

-Merkataritzako legeriaren hein bateko aldaketa.

-Pertsona Fisikoen Errentaren gaineko Zergaren aldaketa, maiatzaren 14ko 6/1992 Foru Legearen bidez egina.

-Ekonomia nazioarteko bihurtzea eta bizi duen globalizazioa, horrek ekarri baitu eskuhartze ekonomikorako tresna klasikoek espero zen emaitza ez izatea.

-Sozietateen gaineko Zergan gaur egun arauen sakabanaketa handia izatea.

Lehenengo arrazoiari dagokionez, ikus daiteke Sozietateen gaineko Zergaren zerga-oinarria kontabilitateko emaitzatik abiatuta ezartzea zerga eremua merkataritzako arlo erreformatuari egokitzea dela, eta, horrekin batera, kontabilitate legeen gailentasuna erakusten du enpresako jardueraren emaitza zehazterakoan. Kontabilitateko emaitza Zergaren zerga-oinarria kalkulatzeko funtsezko elementua da, egin behar diren zerga motako zuzenketa puntualak kontuan harturik.

Bigarren arrazoiari dagokionez, jada adierazi dugu Sozietateen gaineko Zerga Pertsona Fisikoen Errentaren gaineko Zergaren aurrekaria dela.

Hain zuzen ere, Sozietateen gaineko Zergak berekin dakar, Foru Legeak ere jasotzen duen ikusmolde honen arabera, pertsona fisikoek entitate juridikoetan duten partaidetzaren bidez lortutako kapital-errenten iturrian atxikipena egitea. Zentzu horretan, Pertsona Fisikoen Errentaren gaineko Zergaren menpe egonik kapital-errenta guztiak, argi ageri da bi zerga figura horien arteko harreman estua eta, beraz, horietako bat aldatzeak bestearengan ere ondorioak dituela.

Hirugarren arrazoiari dagokionez, Europako Batasunaren prozesuan sartzeak behartu eta era berean bultzatu egiten du egituran beharrezkoak diren erreformak egitera, horien bidez susta daitezen jarduera produktiboa eta ekonomia erreala garatzeko beharrezkoak diren egonkortasun baldintzak eta pizgarri ekonomiko eta sozialerako bideak.

Egoera honetan, Zerga erabat aldatzeko asmorik ez izan arren, denborak, gizarte eta ekonomi aldaketek eta gure inguruko nazioarteak sortzen dituzten beharretara egokitu da.

Laugarren arrazoiari dagokionez, gogoratu behar da, Foru Lege honen aurretik araubide orokorraz gain Sozietateen gaineko Zergako zenbait araubide berezi zeudela, eta horrek arauen sakabanaketa handia eta interpretazioak egitean ziurtasun ezak sortzen zituela.

Sozietateen gaineko Zergaren araubide berezi guztiak legezko testu bakar batean biltzea ere Sozietateen gaineko Zerga aldatzearen helburuetako bat da eta asmo hori ongi betea dago Foru Lege honetan. Testu bakar horretatik kanpo gelditzen dira sozietate kooperatiboen eta irabazi asmorik gabeko zenbait entitateren araubide bereziak, beste ezaugarri batzuk dituztelako.

Foru Lege honek 157 artikulu dauzka, hamar Titulu, hamar Xedapen Gehigarri, hogeita hiru Xedapen Iragankor, Xedapen Indargabetzaile bat eta bi Azken Xedapen.

Foru Legeak pertsona juridikoek lortutako errentaren zerga-ordainketa arautzen du, horretatik salbuetsiz sozietate zibilak, hots, zergak errenten esleipeneko araubidearen arabera eta 11. artikuluko b) letran aurreikusitako fondoen bidez ordaintzen dituztenak, 10. artikuluan aurreikusiaren arabera. Hala ere, sozietate kooperatiboen zerga-ordainketa, zeinen zerga araubidea ekainaren 21eko 9/1994 Foru Legeak arautzen baitu, bai eta fundazioen eta babes jardueren zerga araubideari buruzko uztailaren 2ko 10/1996 Foru Legean aurreikusitako ezaugarriak dituzten fundazioen zerga-ordainketa ere, kanpoan gelditzen dira.

I. Titulua, "Zergaren araubide juridikoa, izaera, arautegia eta aplikazio eremua", sei artikuluz osatua dago, eta lehenengo biek Zergaren araubide juridikoa eta izaera zehazten dute.

I. Titulu honen gainerako artikuluek Sozietateen gaineko Zergaren aplikazioaren helburua eta eremua zehazten dituzte, 1990eko uztailaren 31n Estatuak eta Nafarroako Foru Komunitateak sinatutako Hitzarmen Ekonomikoan ezarritakoari jarraikiz (horren 17, 18 eta 19. artikuluak).

II. Titulua, "Zergagaia", lau artikuluz osatua dago (7.etik 10.era), eta ezartzen du subjektu pasiboak errenta lortzeak osatzen duela zergagaia, horren iturri edo jatorria edozein delarik. Horretarako, zergagaian sartuko dira bai errenten esleipena, bai eta subjektu pasiboari zerga gardentasunaren araubidean dauden entitateen likidazio-oinarriak egoztea.

Sozietateen gaineko Zergaren xedapenen testu bategina onesten duen ekainaren 13ko 153/1986 Foru Dekretuaren 3. artikuluak egiten bazuen ere, Foru Lege honen 7. artikuluak ez du sozietateak lortutako errenta zenbait osagaitan sailkatzen (era guztietako ustiapen ekonomikoen etekinak eta jarduera profesional edo artistikoetatik sortutakoak; aurreko jarduerei lotua ez dagoen edozein ondare elementutatik sortuak eta aipatu Foru Dekretuan ezarritakoari jarraituz zehaztutako ondare gehikuntzak).

Honako hauek dira horren arrazoiak:

-Sozietateen gaineko Zergaren izaera sintetikoa.

-Zerga-oinarria kontabilitateko emaitzaren arabera zehaztea.

-Errenten sailkapenaren eraginkortasun urria, atxikitzearen betebeharrera mugatzen dena.

-Lortzen den sinplifikazio eta argitzapen garrantzitsua Foru Legeak, besteak beste, dirusarreren eta gastuen aldi baterako egozketa eta kontabilitate inskripzioa aipatzen dituenean.

III. Tituluan zabaldu egiten da izaera subjektiboko salbuespena, sektore publikoari dagozkion entitateei dagokienez.

Horiei dagokienez, entitate salbuetsitzat jotzen dira beren forma juridikoarengatik merkatuarendako ondasun eta zerbitzuak ematen ez dituztenak. Merkatuarendako ondasun eta zerbitzuak ematen dituztenek, berriz, ez dute salbuespenik izanen, jarduera berdinak edo antzekoak egiten dituzten enpresa pribatuekin dagoen lehian bihurdurak saihestearren.

Salbuespenaren kontzeptua ez da aldatu gaur egun indarra duenarekin alderatuta, baina aipatu entitateen zerga araubidean funtsezko aldaketa egin da, zeren, alde batetik, kendu egin da gutxieneko zerga-ordainketa eta, bestetik, entitate horiek banatutako dibidenduen ezarpen bikoitzagatiko kenkaria egin ahalko da.

IV. Tituluan adierazten da zuzeneko zenbatespenaren araubidean zerga-oinarria zehaztuko dela Merkataritza Kodean, Sozietate Anonimoen Legean eta horren garapenerako ematen diren xedapenetan aurreikusitako arauak aplikatuz lortutako kontabilitate emaitzatik abiatuta, beharrezkoa bada kontabilitate printzipioen eta Foru Lege honetan eta garatzen duten gainerako arauetan ezarritako zerga xedapen berariazkoen arteko diferentziak sortzen dituen doikuntzak eginda. Zerga-oinarria kalkulatzeko ikuspegi honek berritasun nabaria dakarkio gaur egun indarra duen egoerari, eta bi hobekuntza garrantzitsu sortuko dituela uste da:

-Zerga arauen bikoiztasuna saihetsiko du kontabilitatekoei dagokienez, eta horrek legeriaren testua zertxobait laburragoa eta ulerterrazagoa izatea ekarriko du.

-Zerga-oinarriaren eraketa zehaztuko du magnitude baten gainean, zein baita kontabilitateko emaitza, Zerga honetako subjektu pasiboek ederki ezagutuko dutena.

Ibilgetu ezmaterialaren amortizazioaren ondorio diren balio zuzenketei dagokienez, berritasuna da merkataritzako fondoaren, marken eta intsuldaketa eskubideen amortizazioa hainbana egina, urteko muga gehienez ere zenbatekoaren hamarrena izanik, hau da, hamar urteko denboraldia.

Kapital-irabaziei dagokienez, Foru Lege honen 27. artikuluak zenbait neurri sartzen ditu era iraunkorrean, zergapetzetik kanpo utzi ahal izateko inflazioaren ondorio diren errentak.

Titulu honen VIII. Kapituluan aipatu behar da salbuespena ezarriko dela ibilgetu ezmaterialeko elementuen kostubidezko eskualdaketan lortutako aparteko mozkinen berrinbertsioagatik, bai eta zergapetzearen atzeratzea baloreen eskualdaketa kasuetan.

X. Kapituluan azaltzen denez, likidazio-oinarria izanen da zerga-oinarrian likidazio-oinarri negatiboei eta inbertsiorako erreserba bereziari dagozkien murrizketak egitearen ondoko emaitza.

Gaur egun indarra duen araubidearekin alderatuta azpimarra daitezkeen berritasunak dira, bai murrizketa epea zazpi urtetara luzatzea likidazio-oinarri negatiboetan, bai eta Zergari buruzko Foru Legearen testuan aipatu erreserba sartzea, zein azaroaren 15eko 12/1993 Foru Legean ezarritakoarekin lotzen baita.

VI. Tituluko II. Kapituluan, hobariei buruzkoan, entitate berrietan eragina izanen duen zerga pizgarri garrantzitsu bat agertzen da. Jarduera hasi eta zazpi urteko epearen barnean ixten diren elkarren segidako zergaldien errentari dagokion kuota osoaren 100eko 50eko hobaria ezarri da, gehienezko muga lau zergaldikoa izanik, epe horretan likidazio-oinarri positiboak lortzen diren lehenbiziko alditik hasita.

Dibidenduen eta mozkinetako partaidetzen barne ezarpen bikoitza saihesteko kenkariari dagokionez, honako aldaketa hauek aipatu behar dira:

-Kenkaria kalkulatuko da dibidenduen eta mozkinetako partaidetzen zenbateko osoaren gainean.

-Kenkari hori aplikatuko da bai dibidendua banatzen denean, bai akzioak eskualdatzen direnean. Ikuspegi hori justifikatua dago, zeren eta entitate eskualdatzaileak lortutako gainbalioa bat baitator entitate partaidetuak sortutako mozkin banatugabeekin.

-Espreski ezarri da sistemaren aplikagarritasuna, barne ezarpen bikoitza saihestearren sozietateen likidazio kasuetan, bai eta akzio propioak amortizaziorako eskuratzean, bazkideak bereiztean, likidazio gabeko desegitea gertatzen denean bategite edo zatitze osoko eragiketetan, bai eta eskubideak bazkideei ematearen ondorio den "zerga errenten" kasuan.

Lurralde espainiarrean egoitza ez duen sozietate batek ordaindutako dibidenduen eta mozkinetako partaidetzen gainean nazioarteko ezarpen bikoitza saihesteko kenkariari dagokionez, Lege honek jarraipena ematen dio azaroaren 29ko 25/1994 Foru Legearen ildoari, alegia, zenbait Zergaren aldaketa partzialari eta zergen arloko beste neurri batzuei buruzko Legearenari. Bi aldaketa egin dira.

Lehenengoan, dibidenduak banatzen dituen sozietatearen partaidetzako portzentaia % 25etik % 5era murriztu da.

Bigarrenean, kuotaren urritasunagatik kendu ez diren kopuruei buruzkoan, 5 urtetik 7ra luzatu da horren kenkaria egiteko epea.

Arlo honetan beste kenkari bat ezarri da ezarpen bikoitza saihestearren atzerriko jatorria duten dibidendu eta gainbalioen gainean.

Kenkari honen eta aurreko artikulukoaren arteko desberdintasuna da "salbuespen metodoa" izenekoaren ondorioak sartzen direla, baldintza batzuk betez gero beti ere. Baldintza horien artean aipatu behar da entitate partaidetuaren egoitzari dagokion herrialdearekin Espainiak hitzarmena izan behar duela, nazioarteko ezarpen bikoitza saihesteko helburuz egina. Hitzarmen horrek informazioaren trukerako klausula bat eduki behar du, eta entitate partaidetuak egindako jarduera izaera enpresarialekoa izanen da.

Salbuespenaren metodoak aukera ematen die enpresei nazioarteko merkatuetan baldintza berdinetan lehiatzeko, zergen ondorioetarako, eta era berean dibidenduak aberriratzeko dauden oztopo fiskalak kentzen ditu.

Foru Lege honek, zenbait jarduera sustatzeko asmoz, zerga pizgarri batzuk arautzen ditu, besteak beste: aktibo finko material berrietan egiten diren inbertsioak, ikerketa eta garapena, esportazioak egitera bideratutako kanpoko inbertsioak, lanbide heziketa, interes kulturaleko ondasunak eta enplegua sortzea.

VII. Tituluan, Zergaren kudeaketari buruzkoan agertzen da, besteak beste, atxikipenak eta konturako dirusarrerak egiteko betebeharra, alde batera utziz erabat salbuetsitako entitateek lortzen dituzten errentak, bai eta barneko ezarpen bikoitzagatik 100eko 100aren kenkari eskubidea ematen duten dibidenduak eta mozkinetako partaidetzak ere.

X. Tituluan, "Zerga araubide bereziak" izenekoan, Sozietateei buruzko Zergaren arloko zerga araubide berezi guztiak agertzen dira, horretatik salbuetsiz uztailaren 2ko 10/1996 Foru Legean aurreikusitako baldintza eta ezaugarriak dauzkaten entitateen eta sozietate kooperatiboen fiskalitatea. Aipatu Legeak fundazioen eta babes jardueren zerga araubidea arautzen du.

Honako hauek dira arau berriaren arlo aipagarrienak:

-Sozietate gardenek beste edozein sozietatek bezala ordainduko dute Sozietateen gaineko Zerga. Horrek ez du eragozten bazkideei zerga-oinarria eta zerga zorraren gainerako elementuak egoztea.

-Profesionalen sozietate gardenak artista eta kirolarien sozietateak bezala eraikitzen dira. Nahitaezkoa da dirusarreren 100eko 75a baino gehiago jarduera profesionaletatik sortzea, eta profesionalek -pertsona fisikoek edo beren familiakoek- eskubidea izatea mozkinen 100eko 50 baino gehiagoren partaide izateko.

-Desagertu egin da sozietate gardenek eta beste entitate garden batzuetako bazkideek Pertsona Fisikoen Errentaren gaineko Zergaren eskalako gehienezko tasa marjinala ordaintzeko duten betebeharra.

-Enpresen aldi baterako batasunen araubidean 12/1992 Foru Legean aurreikusitakoa sartu da, berritasun batekin, hau da, nazioarteko ezarpen bikoitza salbuespen metodoaren bitartez tratatu ahal izatea, baimena izanik gainera aldi baterako batasunak izaten dituen galerak egozteko.

-Sozietate taldeen zerga-ordainketari dagokionez, handitu egin da partaidetza gradua, bertan sartzeko aukera ematen zaie erantzukizun mugatuko sozietateei eta akzioengatiko komanditarioei, eta kendu egin da aitorpen finkatuaren araubidearen kontzesiorako administrazio espedientea, nahiz eta hori aplikatuko den taldea osatzen duten sozietateek formalki horrela erabakitzen dutenean eta Administrazioari jakinarazten diotenean.

-Bategiteen, zatiketen, aktiboen ekarpenen eta baloreen trukeen araubide berezian kasu berri bat erantsi zaio gerorapen araubideari, alegia, diruzkoak ez diren ekarpenak, zeinen ondorio izanen baita ekarpena jasotzen duen entitatean partaidetza bat izatea, gutxienez 100eko 5ekoa.

-Egoitzik gabeko sozietateen berezko fondoetako balore adierazgarrien ukantzadun entitateei dagokien araubidea berritasun garrantzitsua da, egoitza espainiar lurraldean ez duten eta atzerrian enpresa jarduerak garatzen dituzten entitateen berezko fondoetan partaidetzak edukitzeko helburua duten entitateei begira. Araubide horretan, labur esanda, egoitza duen entitateari salbuespena egiten zaio, partaidetzen mozkinen banaketatik edo partaidetza horien eskualdaketatik sortzen diren errenten gainean.

Salbuespen metodo honen bitartez, enpresak baldintza berdinetan lehia daitezke atzerriko lurralde berean dauden beste batzuekin, zeren eta zerga karga beraren menpean baitaude eta mozkinak aberriratzeko oztopo fiskalak kendu egin baitira.

Azkenik, araubide berezi bat ezarri da zuzendaritza, koordinazio eta finantza zentro izena dutenentzat, beti ere zenbait baldintza betetzen badituzte berezko fondoen, langile enplegatuen eta eragiketen kopuruaren gainean.

Araubide horren funtsezko espezialitatea da zerga-oinarria metodo berezi baten bitartez zehazteko aukera izanen dela.

I. TITULUA. ZERGAREN ARAUBIDE JURIDIKOA, IZAERA, ARAUTEGIA ETA APLIKAZIO EREMUA

I. KAPITULUA. Araubide juridikoa eta izaera

1. artikulua. Araubide juridikoa.

Foru Komunitateak Sozietateen gaineko Zerga exijituko du, Nafarroako Foru Eraentza Birrezarri eta Hobetzeari buruzko abuztuaren 10eko 13/1982 Lege Organikoaren 45. artikuluak aipatzen duen Ekonomi Hitzarmeneko arauei, Foru Lege honi, horren garapenerako emanen diren erregelamenduzko arauei eta aplikagarri izanen diren gainerakoei jarraikiz.

2. artikulua. Zergaren izaera.

Sozietateen gaineko Zerga zuzenekoa eta izaera pertsonalekoa da, pertsona juridikoen eta bestelako entitateen errenta Foru Lege honetan ezartzen denaren arabera zergapetzen duena.

II. KAPITULUA. Arautegia eta aplikazio eremua

3. artikulua. Aplika daitezkeen arauak.

Foru lege honek arautzen duen zerga Hitzarmen Ekonomikoan ezarritako irizpideen arabera aplikatuko da.

Foru lege honen ondorioetarako, Hitzarmen Ekonomikoan adieraziak dauden baldintzak betetzen dituena joko da helbide fiskaltzat.

4. artikulua. Aplikazio-eremua.

Sozietateen gaineko zergaren aplikazio eremua Hitzarmen Ekonomikoan ezarritako irizpideen arabera zehaztuko da.

5. artikulua. (indargabetua)

6. artikulua. (indargabetua)

II. TITULUA. ZERGAGAIA

7. artikulua. Zergagaia.

1. Zergagaia subjektu pasiboak errenta lortzea izanen da, horren iturri edo jatorria edozein dela.

2. Aurreko zenbakian sartutako kasu gisa hartuko dira:

a) 10. artikuluak aipatzen duen errenten egozpena.

b) Subjektu pasiboari egoztea foru lege honetako X. tituluko IV. kapituluan ezartzen den Espainiako eta Europako ekonomia-intereseko taldeen eta enpresen aldi baterako batasunen araubidea aplikatzen zaien entitateen likidazio oinarriak edo irabazi edo galerak.

c) Espainian egoitzarik ez duten entitateek nazioarteko zerga gardentasuneko araubidean lortutako errenta positiboak zerga-oinarriaren barruan sartzeko inguruabar eragileak betetzea. Aipatu araubidea foru lege honen X. Tituluko III. Kapituluan ezarrita dago."

8. artikulua. Errenten zenbatespena.

Zerbitzu prestazioak eta ondasun eta eskubideen lagapenak, beren mota ezberdinetan, merkatuan duten balio normalaren arabera ordainduak direla uste izanen da, baldin eta subjektu pasiboak beste balorazio bat frogatuko duten ekintzak egiaztatzen ez baditu.

9. artikulua. Kontabilizatu edo aitortu ez diren ondasun eta eskubideen kasuetan errentak lortzearen ustezkotasuna.

1. Subjektu pasiboak aitortu gabeko errentak honako kasu hauetan lortzen dituela uste izanen da:

a) Ondare elementuak, zeinen titulartasuna subjektu pasiboarena baita, eta bere kontabilitate liburuetan erregistratuta ez baitaude, edo erregistratuta egon arren eskuratzerakoan zuten balioa baino txikiagoa agertzen ez baitira.

Ondare elementuen titulartasuna subjektu pasiboari dagokiola uste izanen da, horien jabe denean.

b) Existitzen ez diren zorrak subjektu pasiboaren kontabilitate liburuetan erregistratu direnean.

2. Aurreko zenbakiko a) letran aurreikusitakoaren ondorioetarako, aitortu gabeko errentaren zenbatekoa kontabilitateko liburuetan erregistratu gabe dauden ondasun edo eskubideen eskuraketaren balioa dela ulertuko da.

Ondare elementuak eskuratze balioarekin baino txikiagoa den batekin erregistratuak daudenean, kontuan hartuko da bien arteko aldea.

Ondare elementuaren eskuratzea finantzatu ahal izateko kontabilizatu gabeko zorrak egin direla frogatzen denean, aitortu gabeko errentaren zenbatekoa izanen da eskuratze balioari zor horien zenbatekoa kenduta ateratzen den emaitza, zenbateko garbia ezin izanen delarik negatiboa izan.

Eskuraketaren balioaren zenbatekoa horren ziurtagirien bidez frogatuko da, eta horrela ezin izanen balitz, legez ezarritako balorazio erregelak aplikatuz.

3. Aitortu gabeko errentaren zenbatekoa, preskribatu gabeko zergaldi antzinakoenari egotziko zaio, subjektu pasiboak beste bati edo beste batzuei dagokiela frogatzen ez badu.

2 zenbakiaren azkenaurreko lerroaldeak aipatzen dituen kasuetan, zorrak ordaintzen diren zergaldian eginen da egozketa.

4. Aurreko 1 zenbakiko a) letran aipatu diren ondare elementuen balioa, behin zerga-oinarrian sartutakoan, zergaren ondorio guztietarako izanen da baliogarria.

5. Ondare-elementu horiek, betiere, aitortu gabeko errenten kargura eskuratutzat joko dira, eta erregulariza daitekeen preskribatu gabeko zergaldi zaharrenari egotziko zaizkio, baldin eta subjektu pasiboak horiei buruz informatzeko duen betebeharra, Tributuei buruzko abenduaren 14ko 13/2000 Foru Lege Orokorraren hemezortzigarren xedapen gehigarrian aipatzen dena, ez badu bete horretarako duen epean.

Hala ere, idatz-zati honetan aurreikusitakoa ez da aplikatuko, baldin eta subjektu pasiboak egiaztatzen badu bera titular den ondasunak edo eskubideak eskuratuak izan direla deklaratutako errenten kargura, edota beste zergaldi batzuetan lortutako errenten kargura, beste zergaldi horietan ez baldin bazeukan zerga horren edo pertsona fisikoen errentaren gaineko zergaren subjektu pasibo izaerarik Espainiako lurraldean.

10. artikulua. Errenten esleipena.

1. Sozietate zibilei dagozkien errentak, nortasun juridikoa izan edo ez, hala nola jaraunspen jasogabeei, ondasun-erkidegoei eta Tributuei buruzko abenduaren 14ko 13/2000 Foru Lege Orokorraren 25. artikuluak aipatzen dituen gainerako entitateei dagozkienak, eta, orobat, haiek jasandako atxikipenak eta konturako diru-sarrerak, hurrenez hurren, bazkide, jaraunsle, partzuer edo partaideei egotziko zaizkie, ekainaren 2ko 4/2008 Legegintzako Foru Dekretuaren bidez onetsitako Pertsona Fisikoen Errentaren gaineko Zergari buruzko Foru Legearen Testu Bateginaren III. tituluko II. kapituluaren 5. atalaren 1. azpiatalean eta 11. artikuluan ezarritakoarekin bat.

2. Errenten esleipenerako araubidea ez zaie aplikatuko Sozietateen gaineko Zerga ordainduko duten transformaziorako nekazaritza sozietateei.

Aurreko lerroaldean ezarritakoaren kaltetan gabe, esleipenerako araubidea aplikagarria izango zaie ondorengo baldintza hauek betetzen dituzten transformaziorako nekazaritza sozietateei:

a) Entitateak Foru Komunitateak nekazaritza finantzazioaren alorrean ezarri dituen laguntzen onuradun izateko baldintzak biltzea, eta bere aurreko urteko dirusarrera-bolumena 50 milioi pezeta baino handiagoa ez izatea.

b) Bere bazkide guztiak Foru Komunitatearen Pertsona Fisikoen Errentaren gaineko Zergaren edo eta Sozietateen gaineko Zergaren menpeko izatea.

III. TITULUA. SUBJEKTU PASIBOA

11. artikulua. Subjektu pasiboak.

1. Zergaren subjektu pasiboak honako hauek dira:

a) Pertsona juridikoak, aurreko artikuluan aurreikusitakoaren arabera zergak errenten esleipenaren araubidean ordaintzen dituzten sozietate zibilak izan ezik.

b) Honako fondo hauek:

a') Inbertsio funtsak, Inbertsio Kolektiboko Erakundeei buruzko azaroaren 4ko 35/2003 Legeak arautzen dituenak.

b') Arrisku-kapitalekoak, hain zuzen, arrisku-kapitaleko entitateak eta haien sozietate kudeatzaileak arautzen dituen azaroaren 24ko 25/2005 Legean adierazitakoak.

c') Pentsio funtsak, azaroaren 29ko 1/2012 Legegintzako Errege Dekretuan -Pentsio-Plan eta -Funtsak arautzen dituen Legearen Testu Bateginean- araututakoak.

d') Hipoteka merkatuaren arautze fondoak, martxoaren 25eko 2/1981 Legeak, Hipoteka Merkatuaren Arautzeari buruzkoak aipatzen dituenak.

e') Hipoteka titulazioko fondoak, uztailaren 7ko 19/1992 Legeak, Higiezinen Inbertsioetarako Sozietate eta Fondoei eta Hipoteka Titulazioko Fondoei buruzkoak arautzen dituenak.

f') Aktiboen titulazio fondoak, apirilaren 14ko 3/1994 Legeak, kredituen arloko espainiar legeria Banku Koordinaziorako Bigarren Zuzentarauari eta finantza sistemari dagozkion beste aldarazpenei egokitzeari buruzkoak, bosgarren xedapen gehigarriaren 2.ean aipatzen dituenak.

c) Enpresen aldi baterako batasunak, maiatzaren 26ko 18/1982 Legeak, Enpresen Aldi baterako Elkarte eta Batasunen eta Eskualdeko Industri Garapenerako Sozietateen zerga araubideari buruzkoak arautzen dituenak.

d) Zergak Foru Lege honen X. Tituluaren VIII. Kapituluan erregulatzen den araubidearen arabera ordaintzen dituzten sozietate taldeak.

e) Aktibo bankarioen funtsak, Kreditu entitateak Berregituratzeko eta Desegiteko azaroaren 14ko 9/2012 Legearen hamargarren xedapen gehigarriak aipatzen dituenak.

2. Subjektu pasiboak, lortzen duten errentaren osotasunaren zioz zergapetuak izanen dira, non sortu den berdin dela eta ordaintzailearen egoitza edozein dela.

3. Foru Lege honen testuaren barnean, Zerga honetako subjektu pasiboak izen horretxekin aipatuko dira edo, berdin, sozietate edo entitate hitzekin.

12. artikulua. Salbuespenak.

Zergatik salbuetsita egonen dira:

a) Lurraldeko Administrazio Publikoak, bai eta izaera beretsuko erakunde autonomo edo entitate autonomoak eta aipatu Administrazio Publikoei lotutako edo horien menpeko ente publikoak ere, sozietate publikoak izan ezik.

b) Gizarte Segurantza kudeatzeko ardura duten entitate publikoak.

IV. TITULUA. ZERGA-OINARRIA

I. KAPITULUA. Kontzeptua eta zehaztapena

13. artikulua. Zerga-oinarriaren kontzeptua eta zehaztapena.

1. Zerga-oinarria zergaldiko errentaren zenbatekoaz osatua egonen da.

2. Zerga-oinarria zenbatespen zuzeneko araubidearen arabera zehaztuko da eta, subsidiarioki, zeharkako zenbatespenekoaren arabera.

3. Zenbatespen zuzeneko araubidean zerga-oinarria kalkulatuko da kontabilitateko emaitza Foru Lege honetan ezartzen diren manuak ezarrita doituz.

Kontabilitateko emaitza zehazteko, Zerga Administrazioak Merkataritza Kodean, zehaztapen horri buruzko gainerako legeetan eta arau horiek garatzeko ematen diren xedapenetan ezarritako arauak aplikatuko ditu.

Doikuntzak izanen dira kontabilitate printzipioen eta Foru Lege honetan zein hori garatzen duten gainerako arauetan ezarritako zerga xedapen berariazkoen arteko diferentziaren araberakoak.

II. KAPITULUA. Balio zuzenketak: Amortizazioak

14. artikulua. Ibilgetu materialaren eta ondasun higiezinetako inbertsioen amortizazioa.

1. Kenkari eskubidea izanen dute, ibilgetu materialaren eta ondasun higiezinetako inbertsioen amortizazio kontzeptuan, jarduerari atxikitako elementuek jasaten duten benetako depreziazioari dagozkion diru-kopuruek. Depreziazio hori funtzionamenduaren, erabileraren, gozamenaren edo zaharkitzearen ondoriozkoa izan daiteke.

2. Ibilgetu materialaren eta ondasun higiezinetako inbertsioen balio-galtzea honako baldintza hauetan hartuko da benetakotzat:

a) Ofizialki onartutako amortizazio tauletan ezarritako amortizazio linealeko koefizienteak aplikatzearen emaitza bada.

b) Amortizazio beheranzkoaren metodoak aplikatzeko erregelamenduz ezarritako arauen arabera eta bertan aipatzen diren elementuetan egiten bada.

c) Subjektu pasiboak egindako eta Ekonomia eta Ogasun Departamentuak onartutako plan bati egokitzen bazaio.

d) Subjektu pasiboak zenbateko hori justifikatzen badu.

3. Kasuan kasuko aktiboa abian jartzen denetik aurrera hasiko da aplikatzen amortizazioa.

4. Ondorio fiskaletarako, elementu amortizagarri baten balio-bizitza izanen da, hartutako amortizazio irizpidearen arabera, haren balio osoa erabat estalirik geldituko den epea, hondar-balioa alde batera utzita, hala badagokio.

Elementu bat ofizialki onartutako taulak aplikatuz amortizatzen bada, haietan esleitutako gehieneko amortizazio epea hartuko da balio-bizitzatzat.

5. Elementu berari ezinen zaizkio aplikatu, ez aldi berean ez jarraian, amortizazio sistema desberdinak.

6. Erregelamenduz emanen dira amortizazio arloko garapen xedapenak eta amortizazio taulak onetsiko dira, hala nola aurreko 2. idatz-zatiko c) letrak aipatzen duen plana burutzeko prozedura.

7. Zilegi da ibilgetu materialeko elementu berriak eta ondasun higiezinetako inbertsio berriak, foru lege honen 50.1.b) artikuluan ezarritako baldintzak betetzen dituzten zergaldian enpresa txikien esku jarriak badira, ofizialki onartutako amortizazio tauletan ezarritako koefizientea 1,5ez biderkatzearen emaitzak adierazten duen koefizientearen arabera amortizatzea.

Foru lege honen 50.1.b) artikuluan ezarritako baldintzak betetzen dituztenak dira enpresa txikiak.

Amortizazio araubide hau aplikagarria da kasuko zergaldian sinatzen den obra kontratu baten bitartez enkargatutako elementuen kasuan, betiere erabiltzeko moduan jartzea epea hori bukatu eta hurrengo hamabi hilabeteetan egiten bada.

Amortizazio araubide hori aplikatuko zaie, halaber, enpresak berak eraiki edo sortutako ibilgetu materialeko elementuei eta ondasun higiezinetako inbertsioei.

Idatz-zati honetan ezarritako amortizazio araubidea bateragarria da beste edozein onura fiskalekin.

Benetan gertatutako balio-galtzeari buruz idatz-zati honetan ezarritakotik sortzen den kopuru amortizagarriaren soberakinaren kenkaria, halakorik bada, ez da egonen irabazi-galeren kontuan kontabilitate egozpena egin izanaren baldintzapean.

Idatz-zati honetan ezarritako amortizazio araubidea aplikatuz ondare elementuen amortizazio fiskala bukatzen denean, gerora egiten den kontabilitateko amortizazioaren zenbatekoa gehitu beharko zaio zergaldietako zerga-oinarriari. Ondareko elementuen eskualdaketa egin bada, fiskalki amortizatutako kopuruei kontabilitatean egotziak kenduta ematen duen diferentzia sartuko da, eta diferentzia horri ezin zaio aplikatu 36. artikuluan xedatutakoa.

15. artikulua. Balio-bizitza zehaztua duen ibilgetu ukiezinaren amortizazioa.

1. Balio-bizitza zehaztua duen ibilgetu ukiezina amortizatzeko zuzkidurak, haren benetako balio-galerari dagozkionak, gastu kengarri gisa sartzen ahalko dira. Nolanahi ere, amortizaziorako zuzkidura horiek kengarriak izateko, baldintza hauek bete beharko dira (urtean zuzkiduraren zenbatekoaren hamarrena gehienez deduzituko da):

a) Kostu bidezko eskurapen baten ondorio izatea.

b) Entitate eskuratzailea eta eskualdatzailea sozietate talde baten parte ez izatea Merkataritza Kodearen 42. artikuluan ezarritako irizpideen arabera, zeinahi direla egoitza eta urteko kontu bateratuak formulatzeko betebeharra. Bi entitateak talde berekoak badira, entitate eskualdatzaileak ibilgetua eskuratzeko ordaindutako prezioari aplikatuko zaio kenkaria, lotura gabeko pertsona edo entitateetatik eskuratu bada.

2. Aurreko 1. idatz-zatian ezarritako baldintzak betetzen ez dituzten ibilgetu ukiezinaren amortizaziorako hornidurak fiskalki kengarriak izateko, haren balio-galtze atzeraeraginezinaren ondoriozkoak direla frogatu behar da.

3. Aktiboa errentak ematen hasten denetik aurrera hasiko da amortizazioa.

16. artikulua. Amortizazio askatasuna.

1. Askatasunez honako hauek amortiza daitezke:

a) Ikerketa eta garapenean esklusiboki eta etengabe erabiltzekoak diren ibilgetu materialeko eta ukiezineko elementuak.

Eraikinen kasuan, ikerketa eta garapen jarduerei atxikia den zatia.

b) Ibilgetu ukiezin gisa aktibaturiko ikerketa eta garapeneko gastuak, amortizazio askatasunaz baliatzea zilegi den elementuenak izan ezik.

c) Ibilgetu materialeko eta ukiezineko elementuak eta Lan Sozietate Anonimoen eta Lan Sozietate Mugatuen higiezinetako inbertsioak, beren jarduerei atxikiak direnak, halakotzat kalifikatuak izan ziren dataren ondoko lehen bost urteetan eskuratuak badira, eta betiere amortizazio askatasunaz baliatzeko aukera duten ekitaldietan gutxienez lortutako irabazien 100eko 25 xedatzen badute Erreserba Funts Berezirako.

d) 1.800 eurotik beherako unitate balioa duten ibilgetu materialaren elementuak.

2. Amortizazioaren kontabilitate egozpena egiten den ekitaldiei dagokien zerga-oinarriari amortizazio horren zenbatekoa gehituko zaio eta, hala bada, ondareko elementuaren eskualdaketa egiten denean, hala egiten bada, amortizazio askatasunari aplikatutako zenbatekoei kontabilitatean egotzitakoak kendu eta bien arteko diferentzia integratuko da. Eta ez da zilegi horiei 36. artikuluan ezarritakoa aplikatzea.

III. KAPITULUA. Finantza errentamenduko kontratuak eta erosketa edo berrikuntzaren aukera duen erabilpena lagatzeko kontratuak

17. artikulua. Finantza errentamenduko kontratuak.

1. Artikulu honen ondorioetarako, finantza errentamenduko kontratutzat hartuko dira xede hau soilik dutenak: etorkizuneko erabiltzailearen ezaugarrien arabera helburu horretarako eskuratu diren ondasun higigarri edo higiezinen erabilpenaren lagapena, hurrengo zenbakiko b) letran aipatzen den kontraprestazio baten, hau da, kuotak periodikoki ordaintzearen truke, beti ere laga diren ondasun horiek erabiltzaileak bakar bakarrik bere ustiategi ekonomikoetan erabiltzen baditu. Finantza errentamenduko kontratuan sartuko da nahitaez erosteko aukera, alegia, erabiltzaileak kontratua bukatu ondoren izanen duena.

Edozer dela kausa, erabiltzaileak ez badu kontratuaren xede den ondasun hori eskuratzen, errentatzaileak beste erabiltzaile bati laga diezaioke eta aurreko lerroaldean ezarri printzipio hori ez da urratutzat joko, ondasun hori beste erabiltzaile horren ezaugarrien arabera eskuratu ez bada ere.

2. Artikulu honetan ezarri den araubidea aurreko 1. zenbakian aipatzen den finantza errentamenduko kontratuei aplikatuko zaie, ondotik ematen diren beharkizun eta baldintzak betetzen badituzte:

a) Gutxieneko iraupena bi urtekoa izanen da, horien xedea ondasun higigarriak badira, eta hamar urtekoa, horien xedea ondasun higiezinak edo establezimendu industrialak badira. Hala ere, arau bidez ezarri ahal izanen dira beste epe batzuk, aurreko horiek baino txikiagoak, alegia.

b) Finantza errentamenduaren kuotak kontratuetan adierazita agertu beharko dira desberdinduz, entitate errentatzaileak ondasunaren kostuaren berreskuratzeari dagokion zatia, erosteko aukeraren balioa baztertuta, eta horrek galdatzen duen finantza zama.

c) Ondasunaren kostuaren berreskuraketari dagokion finantza errentamenduaren kuoten zatiaren urteko zenbatekoak berdin jarraitu beharko du, edo bestela kontratu aldian zehar izaera hazkorra izanen du.

3. Dena den, entitate errentatzailearendako zergatik ken litekeen gastutzat joko da:

a) Entitate horrek jasandako finantza zama.

b) Ondasunaren kostuaren berreskuraketari dagozkion finantza errentamenduaren kuotak, kontratuaren xedea aktibo ez-amortizagarriak direnean izan ezik. Baldintza hori eragiketaren xede den ondasunaren zati batean bakarrik gertatzen bada, bakarrik ken daiteke amortiza daitezkeen elementuei dagokien proportzioa, behar den kontratuan bereizita agertu beharko duena.

Aurreko lerroaldean xedatutakoaren arabera, ken daitekeen zenbatekoa ez da ondasunaren kostuari aipatu ondasun horri dagokion amortizazio linealaren gehieneko koefizientea halako bi aplikatu ondorengo emaitza baino handiagoa izanen, ofizialki onetsitako amortizazio taulen arabera. Soberakina hurrengo zergaldietan kendu ahal izanen da, aipatu muga horren barnean. Muga hori kalkulatu ahal izateko, ondasuna abian jartzeko unea hartuko da kontutan.

Errentamendu finantzarioaren xede diren ondasunak 36. artikuluan eta IV. tituluko XI. kapituluko 2. atalean eta VI. tituluko II. kapituluko 1. atalean ezarririko edozein onura izateko eskaturiko betebeharren menpe gelditzen badira edo haiek VI. tituluko IV. kapituluko 1. atalean ezarririko kenkariari lotzen zaizkionean, amortizazio kengarriaren zenbatekoa ondasunaren izaeraren arabera bidezkoa dena izanen da, 14. artikuluak aurreikusten duenarekin bat. Lerrokada honetan xedatutakoa ez zaie enpresa txikiei aplikatuko, baldin eta errentamendu finantzarioaren xede diren ondasunak foru lege honen 50.1.b) artikuluan halakotzat hartzeko ezarritako baldintzak betetzen dituzten zergaldiari badagozkio.

Aurretik errentariak errentatzaileari ondasuna zuzenean edo zeharka eskualdatu badio, lagapenhartzaileak ondasun hori amortizatzen segituko du eskualdaketa gauzatu aurretik zituen baldintza eta balio berberetan.

4. Entitate errentatzaileak, ondasunaren erosketa prezioa edo ondasun horren ekoizpen kostua amortiza ditzake, eragiketa horrek indarra duen epean.

5. Entitate errentariek aukera izanen dute, Ekonomia, Ogasun, Industria eta Enplegu Departamentuari jakinarazpena igorririk hark ezarritako moduan, 3.b) idatz-zatian aipatzen den denbora unea aktiboaren eraikuntzaren benetako hasiera unearekin bat etor dadila ezartzeko, honako baldintza hauek aldi berean betetzen direla:

a) Ibilgetu materialeko elementutzat jotzen diren aktiboak izatea, finantza errentamenduko kontratu baten xede direnak, eta kontratu horren kuotak zati handi batean aktiboaren eraikuntza amaitu baino lehen ordaintzea.

b) Aktibo horien eraikuntzak 12 hilabeteko aldia izatea gutxienez.

c) Ondasun horiek baldintza tekniko eta diseinuko baldintza bereziak izatea, seriean egindakoak izan ez daitezen.

6. Ez zaie aplikatuko 36. artikuluan xedatutakoa artikulu honetan ezarritako araubidepeko ondare elementuen eskualdatzea dela-eta zerga oinarrian sartu beharreko zenbatekoei; alegia, ondasunaren kostua berreskuratzeko erabili diren eta zerga kontuetan kengarriak diren zenbatekoei.

18. artikulua. Erabiltzeko lagatako aktiboak.

1. Erosteko aukera edo berritzekoaz baliatzeagatik ordaindu beharreko zenbatekoa, aukera hori duten aktiboen erabiltzeko lagapenaren kasuan, gutxiago bada aktiboaren balioari lagapenaren denboran legozkiokeen gehieneko amortizazio kuoten batura kenduta ematen duen zenbatekoa baino, eragiketa finantza-errentamendutzat hartuko da.

2. Aktiboa zuzenean edo zeharbidez lagapen-hartzaileak lagatzaileari eskualdatua bada, eragiketa finantza-metodotzat hartuko da, eta lagapen-hartzaileak haren amortizazioarekin jarraituko du, baldintza berberetan eta eskualdaketa egin baino lehen zuen balio berberarekin.

IV. KAPITULUA. Balio-galtzearen ondoriozko galera, pentsio planetarako hornidurak eta ekarpenak

19. artikulua. Balioaren zuzenketak: kredituen balio-galtzearen ondoriozko galera.

1. Zordunen kaudimengabeziaren ondorioz kredituen balio-galtzeak ekarritako galerak kengarriak dira, Zergaren sorrarazpenaren unean honako inguruabarretakoren bat tartean bada:

a) Obligazioaren mugaegunetik sei hilabeteko epea pasatua izatea.

b) Zorduna konkurtso egoeran izatea.

c) Zorduna edo, entitate bat baldin bada, haren administratzaile edo ordezkarietakoren bat ondasunak ostentzeagatik auziperatua izatea.

d) Obligazioak auzitegian erreklamatuak izana edo kobratu ahal izatea auzi baten edo arbitraje prozedura baten konponketaren baitan egotea.

2. Ez dira kengarriak beherago aipatzen diren kredituetan izandako galerak, salbu eta haien izateaz edo zenbatekoaz prozedura judizial edo arbitrajeko bat abiarazia bada:

a) Zuzenbide publikoko entitateek zor dituztenak.

b) Zuzenbide publikoko entitateek, kreditu entitate edo elkarren bermerako sozietateek bermatuak, betiere berme horren zenbatekoari dagokionez.

c) Berme errealeko edozein modalitatetan segurtatua, salbu eta bermearen galera edo okertze kasuetan.

d) Kreditu edo kauzio kontratu bidezko bermea dutenak, bermatutako zenbatekoan.

e) Berriztapen edo luzapen espresua izan dutenak.

Ez dira kengarriak hartzekodunarekin loturiko pertsona edo entitateen kaudimen-ezetik sor litekeen arriskua estaltzeko galerak, salbu eta judizialki deklaratutako kaudimengabeziaren kasuan, ez eta bezero eta zordunen kaudimengabeziaren arriskuaren estimazio osokoetan oinarritutako galerak ere.

3. Espainiako Bankuaren tutoretza administratiboaren mendeko finantza-entitateen kasuan, horretarako emandako berariazko xedapenak aplikatuko dira.

Hipotekak titulu bihurtzeko funtsek eta aktiboak titulu bihurtzeko funtsek dituzten zor instrumentuen (beren kostu amortizatuaren arabera baloratzen direnen) balio-galeragatiko balio-zuzenketen kengarritasunari buruzko arauak erregelamenduz ezarriko dira. Funts horiek, hurrenez hurren, 11.1.b) artikuluaren e') eta f') azpiletretan azaltzen dira.

20. artikulua. Balioaren zuzenketak: Balio-galtzearen ondoriozko galerak.

1. Merkatu arautuetan kotizatzen ez duten entitateen kapitaleko partaidetzen adierazgarri diren baloreen balio-galtzearen ondoriozko galerengatiko kenkariak ezin du gainditu enpresaren funtsen ekitaldiaren hasierako eta bukaerako balioen arteko diferentzia positiboa, eta kontuan hartu behar dira hartara egindako ekarpenak edo ekarpenen itzulketak.

Irizpide berbera aplikatuko zaie taldeko entitateen, talde aniztunen edo merkataritzako legeriaren arabera elkartuak diren sozietateen kapitaleko partaidetzei.

Zenbaki honek aipatzen duen diferentzia zehazteko, ekitaldiaren itxierako balioak hartuko dira aintzat, betiere eskudun organoak egin edo onartutako balantzeetan jasoak badira.

Ez dira kengarriak izanen paradisu fiskaltzat hartuak diren herrialde edo lurraldeetan egoitza duten entitateetako partaidetzek izandako balio-galtzearen edo balio-zuzenketaren ondoriozko galerak, salbu eta entitate horiek Merkataritza Kodearen 42. artikuluak dioenaren arabera balio-galtzea eragin duen entitatearekin beren kontuak bateratzen badituzte, edo entitate horiek beren egoitza Europar Batasuneko beste estatu kide batean izan eta subjektu pasiboak ez duen kreditatzen zio ekonomiko baliodunei erantzuten dietela entitatearen eratzeak eta jardunak, eta enpresa jarduerak egiten dituela.

Idatz-zati honetan ezarritako baldintzetan, aipatu aldea kengarria izanen da partaidetzaren arabera, galera eta irabazien kontuan kontabilitate egozpena egin beharri gabe, balioak talde, entitate taldeaniztun eta elkartuen kapitalaren partaidetza bati badagozkio, merkataritzako legeetan agindutako baldintzen arabera, betiere partaidetzaren balioa, aurreko zergaldietako kenkariak kenduta, partaidetzari dagokion ekitaldia ixtean parte hartutako entitateak dituen funts berekiak baino handiagoa bada, partaidetza eskuratzeko unean zeuden eta balorazioko unean irauten duten gainbalio adierazi gabeen zenbatekoari dagokion zuzenketa aplikatu ondoren. Kengarria den aldearen zenbatekoa ezin da izan aipatu gainbalioaren zenbatekoa baino handiagoa.

Ondorio horietarako, funts berekiak zehaztuko dira Merkataritza Kodean eta hura garatzeko kontabilitate arloko araudiak ezarritakoari jarraikiz, eta, kasua bada, aipatu aldea zuzenduko da, Foru Lege honetan ezarritakoaren arabera kengarriak ez diren ekitaldi honetako gastuak kontuan hartuta.

Kendutako kopuruek aipatu partaidetzen balioa gutxituko dute eta, ondorio fiskaletarako, balio-zuzenketa edo balio-galtze gisa hartuko dira. Kopuru horiek doikuntza positibo gisa integratuko dira ekitaldiaren amaieran funts berekien balioak hasierakoa gainditzen duen zergaldiko zerga-oinarrian, eta kontuan hartu behar dira hartara egindako ekarpenak edo ekarpenen itzulketak, gainbalio hori mugatzat hartuta.

Urteko kontuen oroitidazkian adieraziko dira zergaldi bakoitzean kendutako kopuruak, bai eta parte hartutako entitatearen funts berekiek ekitaldian izandako aldea eta aldi horretako zerga-oinarrian integraturiko kopuruak eta integratu gabekoak ere.

2. Kengarriak dira merkatu arautuetan kotizatzeko onartuak diren zorraren adierazgarri diren baloreetan gertatutako balio-galtzeen ondorioz subjektu pasiboak horrelako merkatuetan kotizatzeko onartuak diren baloreengatik kasuan kasuko zergaldian izan dituen galerak. Muga, betiere, galera osoa da, eta balio aldaketa positibo eta negatiboak kontatu behar dira.

Ez dira kengarriak errenboltso balio ziurra duten, merkatu arautuetan kotizatzeko onartuak ez diren edo paradisu fiskaltzat hartzen diren herrialde edo lurraldeetan kokaturiko merkatu arautuetan kotizatzeko onartuak diren baloreen balio-galtzearen ondoriozko galerak.

3. Egoitza Espainian ez duten entitateetako funts berekietan parte hartzeko baloreak erosten direnean, eta horien errentak foru lege honen 62. artikuluan ezarritako salbuespenaz baliatzeko modukoak badira, partaidetzaren erosketa-prezioaren eta partaidetzapeko entitatearen ondare garbiak erosketa-egunean zuen kontabilitate-balio teorikoaren arteko diferentzia, partaidetza horren proportzioan, egoitza Espainian ez duen entitatearen ondasun eta eskubideei egotziko zaie, Merkataritza Kodearen 46. artikuluan eta hura garatzen duten arauetan ezarritako integrazio globalaren metodoa aplikatuz, eta egotzi ez den zatia zerga-oinarritik ken daiteke, urtero zenbateko horren ehuneko hamar gehienez, salbu eta foru lege honen 67. artikuluan adierazitako kenkariaren oinarrian sartu bada, deusetan galarazi gabe aplikagarri diren kontabilitate-arauetan ezarritakoa.

Egotzi ezin den zenbateko horri dagokion kenkaria, bidezkoa bada, aurreko 1. idatz-zatian aipatutako balio-galtzearen ondoriozko galerekin bateragarria izanen da.

Zenbaki honetan ezarritako kenkaria ez zaie aplikatuko Espainian egoitzarik ez duten entitateen funts berekietan partaidetzako baloreen eskurapenei, 2007ko abenduaren 21etik aurrera egindakoei, galarazi gabe Europako Batzordearen 2009ko urriaren 28ko Erabakiaren 1. artikuluko 3. idatz-zatian eta Batzordearen 2011ko urtarrilaren 12ko Erabakiaren 1. artikuluko 3. idatz-zatian ezarritakoa, atzerriko partaidetzak eskuratzeko finantza merkataritzako funtsaren zerga-amortizatzeari buruz (C-45/2007 auzia), 2007ko abenduaren 21a baino lehen hitzartutako betebehar ezeztaezin batekin lotutako eskurapenei dagokienez. Nolanahi ere, baldin eta egoitza Europar Batasunekoa ez den estatu batean duten entitateen funts berekietan partaidetzen gehiengoa ekartzen duten baloreen eskurapenak badira, 2007ko abenduaren 21aren eta 2011ko maiatzaren 21aren artean eginak, zenbaki honetan ezarritako kenkaria aplikatzen ahalko da baldin eta frogatzen bada badirela oztopo juridiko esplizituak enpresen mugaz gaindiko konbinazioetarako, aipatu den Batzordearen 2011ko urtarrilaren 12ko Erabakiaren 1. artikuluko 4. eta 5. idatz-zatietan ezarritakoaren arabera.

21. artikulua. Balioaren gaineko zuzenketak: merkataritza funtsa, beste ibilgetu ukiezin bat bizitza erabilgarri mugagabeduna eta argitalpen funtsak hondatzeagatiko galera.

1. Kengarria da merkataritza funtsei dagokien ibilgetu ukiezinaren jatorrizko eskuratze prezioa, haren zenbatekoaren hamarrena gehieneko muga izanik urtean; betiere, baldintza hauek bete beharko dira:

a) Kostu bidez eskuratzearen ondorioa izatea.

b) Entitate eskuratzailea eta eskualdatzailea sozietate talde baten parte ez izatea Merkataritza Kodearen 42. artikuluan ezarritako irizpideen arabera, zeinahi direla egoitza eta urteko kontu bateratuak formulatzeko betebeharra. Bi entitateak talde batekoak badira, entitate eskualdatzaileak ibilgetua eskuratzen ordaindutako prezioari aplikatuko zaio kenkaria, lotura gabeko pertsona edo entitateetatik eskuratu bada.

c) Erreserba erabilezin bat hornitu izatea merkataritzako legerian ezarritako moduan. Erreserba hori hornitu ezin bada, kenkaria eginen da baldin erreserba hurrengo ekitaldietako lehen mozkinen kargura hornitzen bada.

Kontabilitateari begira, kenkari hori ez da zertan galera eta irabazien kontuan egotziko. Ondorio fiskaletarako, kendutako kopuruek merkataritza funtsaren balioa gutxituko dute.

2. Aurreko idatz-zatiko a) eta b) letretan aurreikusitako baldintzak betetzen direnean, bizitza erabilgarri mugagabeko ibilgetu ukiezina kengarria izanen da, haren hamarrena gehieneko muga dela urtean.

Kontabilitateari begira, kenkari hori ez da zertan galera eta irabazien kontuan egotziko. Ondorio fiskaletarako, kendutako kopuruek merkataritza funtsaren balioa gutxituko dute.

3. Argitalpen, fonografia eta ikus-entzunezkoen funtsak hondatzeagatiko galerak kengarriak dira produkzio jarduera hori egiten duten entitateentzat, haien ekoizpenak merkatuan jarri eta bi urte iraganik. Epe hori iragan baino lehen ere kengarriak izaten ahal dira, hondatzea frogatuz gero.

22. artikulua. Hornidurak.

1. Ez dira kengarriak hurrengo gastuak:

a) Betebehar inplizitu edo esangabeen ondoriozkoak.

b) Langileendako epe luzerako ordainsarien hornidurei dagozkienak, foru lege honen 23. artikuluan xedatutakoa ukatu gabe.

c) Langileenak, haiei ordaintzeko formula gisa erabilitako ondare tresnetan oinarritzen diren ordainketei badagozkie, eskudirutan ordaindu nahiz tresna horiek emanez.

d) Kontratuak betetzeko kostuei dagozkienak, haietatik lortzea espero diren mozkin ekonomikoak baino handiagoak badira.

e) Berregituratzeen ondoriozkoak, salbu eta lege edo kontratu bidezko betebeharrei buruzkoak eta ez soilik esangabeak.

f) Salmentak itzultzeko arriskuari buruzkoak.

2. Ingurumen arloko jarduketei dagozkien gastuak kengarriak dira subjetu pasiboak formulatu eta Zerga Administrazioak onartutako plan bati badagozkio. Erregelamenduz ezarriko da formulatzen diren planak ebazteko prozedura.

3. Aurreko bi idatz-zatien arabera kengarritzat hartzen ez diren gastuak, zein zergalditan aplikatzen den haien xedeko hornidura, haren zerga-oinarrian sartuko dira.

Orobat, ondareko tresnak entregatuz likidatzen diren langileen gastuak (aurreko 1. idatz-zatiko c) letran aipatua), zein zergalditan entregatzen diren, hartan izanen dira kengarriak.

4. Aseguru entitateek egindako hornidura teknikoei buruzko gastuak horretarako aplikatzen diren arauetan ezarritako gutxieneko kopuruetaraino izanen dira kengarriak. Egonkortze-erreserba hornitzeko asmoz ekitaldian egiten den zuzkidura ere kengarria izanen da zerga-oinarria zehazteko orduan, aurreko paragrafoan adierazitako diru-muga bera delarik, galera-irabazien kontuan sartu ez bada ere. Erreserba horren aplikazio guztiak, zein zergalditan egiten diren, orduko zerga-oinarrian adieraziko dira.

Primen balio-galtzearen ondoriozko edo kobratu gabeko kuoten ondoriozko zuzenketak bateraezinak dira zordunen balizko ordainezintasuna estaltzeko zuzkidurekin, saldo berberetarako baldin badira.

5. Kengarriak dira elkarren bermerako sozietateek beren galera eta irabazien kargura egindako gastuak, hornidura teknikoetarako direnean.

Administrazio Publikoek elkarren bermerako sozietateei emandako dirulaguntzak ez dira zerga-oinarrian sartuko, ezta dirulaguntza horien ondoriozko errentak ere; betiere, hornidura teknikoen funtsera bideratu beharko dira.

Idatz-zati honetan aurreikusitakoa fidantzamenduko sozietateei ere aplikatuko zaie haien xede soziala osatu behar duten jarduerei dagokienez, Elkarren Bermerako Sozietateen Araubide Juridikoari buruzko martxoaren 11ko 1/1994 Legearen 11. artikuluan aurreikusitakoari jarraituz.

6. Konpontzeko eta berrikusteko bermeen ondoriozko arriskuei atxikitako gastuak kengarriak dira horniduraren saldo bat zehazteko behar den zenbatekoraino. Hura ez da zergaldia bukatzean berme biziko salmentei portzentaje bat aplikatzean ateratzen den emaitza baino handiagoa izanen. Portzentaje hori zergaldiko bermeei aurre egiteko izandako gastuen eta aurreko bi zergaldietan salmenta bermedunekin egindako gastuen artekoa izanen da.

Aurreko paragrafoan xedatutakoa itzulitako salmenten gastu gehigarriak estaltzeko hornidurei ere aplikatuko zaie.

Entitate sortu berrien kasuetan, jarduera berriak hasi edo hiru ekitaldi igaro baino lehen berriro hasten dituztenentzat, entitateak zein ekitalditan jardun duen, haietatik aterako da idatz-zati honen lehen paragrafoan finkatutako portzentajea.

23. artikulua. Pentsio planetarako eta antzeko kontingentziak estaltzeko ekarpenak.

1. Aurreko artikuluaren 1. idatz-zatiko b) letran xedatutakoa gorabehera, kengarriak dira pentsio planak sustatzen dituztenen ekarpenak, plan horiek Pentsio Plan eta Funtsak arautzen dituen Legearen Testu Bateginean, azaroaren 29ko 1/2002 Legegintzako Errege Dekretuak onetsitakoan, ezarritakoaren araberakoak badira, baita enpresako gizarte-aurreikuspeneko planetara egiten diren ekarpenak ere. Ekarpen horiek dagokion zatian egotziko zaizkio partaide edo aseguratu bakoitzari, aipatu testu bateginaren 5.3.d) artikulua aplikatuz pentsio planetara ohiz kanpo egindakoak izan ezik.

2. Orobat, kengarriak dira pentsio planetakoen antzeko kontingentziak estaltzeko ekarpenak, hurrengo baldintzak betez gero:

a) Prestazioak nori lotzen zaizkion, haiei egozten bazaizkie zerga aldetik.

b) Etorkizunean prestazioa hartzeko eskubidea atzera egiterik gabe eskualdatzea.

c) Ekarpen horien titulartasuna eta baliabideen kudeaketa eskualdatzea.

3. Orobat, kengarriak dira Europako Parlamentuaren eta Kontseiluaren 2003ko ekainaren 3ko 2003/41/CE Zuzentarauan (jarduerak eta enplegu pentsioen funtsak gainbegiratzea) bildutako enpresa sustatzaileek egindako ekarpenak; betiere, aurreko 2. idatz-zatiko a), b) eta c) letretan jasotako baldintzak beharko dira bete eta Pentsio Plan eta Funtsak arautzen dituen Legearen testu bategineko 8.6 artikuluan aurreikusitako kontingentziak estali.

4. Ez dira kengarriak, gertatzen diren zergaldian, horniduren eta barreneko funtsen gastuak, Pentsio Plan eta Funtsak arautzen dituen Legearen testu bateginaren xedekoak bezalako kontingentziak edo antzekoak estaltzeko badira.

V. KAPITULUA. Zergetan kendu ezin diren gastuak

24. artikulua. Zergetan kendu ezin diren gastuak.

1. Orokorki, gastuak ez dira zergetatik ken litezkeenak izanen dirusarrerekin erlazio berean ez badaude.

Bereziki, honako hauek ez dira zergetatik ken litezkeenak izanen:

a) Fondo berekien ordainketa zuzena edo zeharkako direnak.

b) Sozietateen gaineko Zerga kontabilizatzeak eratorriak. Ez dira sarreratzat hartuko kontabilizazio horretatik datozenak.

c) Zigor eta administrazio isun eta zehapenak, premiamendu errekargua eta aitorpen likidazioak eta autolikidazioak epez kanpo aurkezteagatiko errekargua.

d) Joko-galerak.

e) Dohaintzak eta eskuzabaltasunak, artikulu honen 2. zenbakian eta fundazioen eta babesletza jardueren tributu araubidea arautzen duen uztailaren 2ko 10/1996 Foru Legean xedatutakoa deusetan kaltetu gabe.

Honako gastu hauek ez dira letra honen barrukoak izango: bezero edo hornitzaileekiko harreman publikoaren ondorio direnak, ohitura eta azturen arabera enpresako langileekin egiten direnak, ondasun salmenta edo zerbitzu-emankizunak sustatzeko, zuzen edo zeharka, egiten direnak, ez eta dirusarrerekin korrelazionatuak daudenak ere.

f) Arau bidez, beren izaera dela eta, paradisu fiskaltzat hartzen diren herri edo lurraldeetan egoitza duten pertsona edo entitateekin, zuzenean edo zeharka, egindako eragiketei dagozkien zerbitzu gastuak, edo paradisu fiskal horietan egoitza duten pertsona edo entitateen bitartez ordaintzen direnak, salbu eta subjektu pasiboak frogatzen badu sortutako gastua justifikatutako arrazoi ekonomikoengatik benetan egindako eragiketa edo transakzio bati erantzuten diola.

Nazioarteko zerga gardentasunari dagozkion xedapenak ez dira aplikatuko zergetatik ezin kendu diren gastuen errentei dagozkienez.

g) Zergaldian sorrarazitako finantza-gastuak, taldeko entitateekiko zorretatik heldu direnak, Merkataritza Kodearen 42. artikuluan ezarritako irizpideen arabera, zein den ere egoitza, eta urteko kontu bateratuak egiteko betebeharra ezertan galarazi gabe, baldin eta operazio hauetarako erabili badira: taldeko beste entitate batzuei edozein entitate motaren kapitalaren edo funts berekien partaidetzak erostea, edo taldeko beste entitate batzuen kapitalari edo funts berekiei ekarpenak egitea, salbu eta subjektu pasiboak frogatzen badu operazio horiek egiteko arrazoi ekonomiko onargarriak daudela.

h) Hartzaile bakoitzeko milioi bat eurotik gorako gastuak, zergaldi bat baino gehiagotan ordainduta ere, lan harremanaren –arrunta edo berezia– iraungitzetik edo Pertsona Fisikoen Errentaren gaineko Zergari buruzko Foru Legeko 14.2 c) artikuluan aipatzen den merkataritzako harremanetik edo horietatik bietatik eratorriak badira. Ondorio horietarako, kontuan hartuko dira sozietate talde bereko kide diren beste entitate batzuek ordaindutako zenbatekoak, Merkataritza Kodeko 42. artikuluan aurreikusitako baldintzak betetzen badituzte.

i) Eroskeria-jokabideak.

2. Kengarriak izanen dira dohaintzan ematen diren ondasunen kopuru ordainduak eta kontabilitateko balioa, honako entitate dohaintza hartzaileek berezkoak dituzten helburuen lorpenari aplikatu ahal bazaizkio:

a) Lurraldeko industri garapenerako sozietateak.

b) Nafarroako federazioak, Espainiako federazioak, autonomi mailako federazioak eta kirol klubak, kirol jarduera ez profesionalen sustapen eta garapenerako sozietate anonimoengandik hartu dituzten kopuruei dagokienez, beti ere entitate horien artean aipatutako kirol federazio eta kluben helburua lortzeko beharrezkoa den kontratu bidezko eta kostubidezko lokarria ezarri denean soilik. Letra honetan xedatutakoa aplikagarri izanen zaie, era berean, Kirolaren urriaren 15eko 10/1990 Legearen zazpigarren eta zortzigarren xedapen gehigarrietan agertzen diren klubei.

Zenbaki honetan aipatzen diren eskualdaketek ez dute zehaztuko entitate eskualdatzailearentzat errenta positibo edo negatiboen lorpena, 33.1 artikuluan ezartzen direnena.

Zenbaki honetan xedatutakoa ulertuko da 16.2 artikuluan ezarritakoaren kaltetan izan gabe.

VI. KAPITULUA. Balorazio erregelak

25. artikulua. Arau orokorra.

Ondareko elementuak Merkataritza Kodean ezarritako irizpideei jarraituz baloratuko dira. Dena dela, arrazoizko balioaren irizpidea aplikatuta sortzen diren balio aldaketek ez dute ondorio fiskalik izanen, galera eta irabazien kontuan egotzi behar ez diren bitartean.

Dohainik eskuratzen direnean, ondareko elementu horien merkatuko balioa hartuko da eskuratze preziotzat.

Kontabilitateko errebalorizazioen zenbatekoa ez da zerga-oinarrian sartuko, non ez diren, lege edo erregelamenduetako arauek behartuta, galera eta irabazien kontuan sartzen. Zerga-oinarrian sartu gabeko errebalorizazioaren zenbatekoak ez die, ondorio fiskaletarako, balio handiagoren bat emanen errebalorizatutako elementuei, eta txostenean agertu beharko dute, 79. artikuluan xedatutakoari jarraituz.

26. artikulua. Erregela bereziak.

1. Hurrengo ondare elementuak beren merkatuko balio normalean baloratuko dira:

a) Irabazi asmoz eskualdatutakoak.

b) Entitateei ekarrikoak eta kontraprestazioan hartutako baloreak.

c) Bazkideei, sozietatearen desegitean, bazkideen banaketan, ekarpenen itzulketarekin egiten diren kapital murrizketetan, jaulkipen sariaren banaketan, eta mozkinen banaketan eskualdatutakoak.

d) Bategite eta zatiketa oso edo partziala direla bide eskualdatutakoak.

e) Trukaketetan eskuratutakoak.

f) Trukean edo bihurketan eskuratutakoak.

2. Entitateak desegin edo bazkideak banatzen direnean, horien zerga oinarrian sartuko da hartutako elementuen merkatuko balio normalaren eta partaidetza deuseztatuaren kontabilitateko balioaren arteko diferentzia.

3. Ekarpenen itzulketa duten kapital-murrizketetan, jasotako elementuen merkatu-balio arruntak itzultzen den partaidetzaren kontabilitate-balioaren gainetik duen soberakina bazkideen zerga-oinarrian sartuko da.

Arau berbera aplikatuko da akzioen edo partaidetzen jaulkipen-prima banatzen denean.

Kapitalaren murrizketaren helburua ekarpenak itzultzea ez bada, ez da bazkidearen zerga-oinarrian sar daitekeen errentarik sortuko, ez positiborik ez negatiborik.

Hala ere, Inbertsio Kolektiboko Erakundeei buruzko Legean araututa dauden kapital aldakorreko inbertsioko sozietateek egindako eragiketen kasuan, sozietate horiek karga-tasa orokorra aplikatu behar ez baitute, kapitalaren murrizketan jasotako guztirako zenbatekoa bazkidearen zerga-oinarrian sartuko da, eta bazkideak ez du eskubiderik izanen kuota osoan inolako kenkaririk egiteko. Zerga-oinarrian sartzeko diru-muga bat izanen da, hain zuzen, akzioak eskuratu edo harpidetu zirenetik kapital sozialaren murrizketa egin arte akzioen likidazio-balioak izandako igoera.

Kapital aldakorreko inbertsioko sozietate horiek egindako jaulkipen-primaren banaketan jasotzen den diru-kopurua gorabehera, bazkidearen zerga-oinarrian sartuko da kuota osoan inolako kenkaririk egiteko eskubiderik sortu gabe.

Gorago adierazitakoa aplikatuko zaie kapital aldakorreko inbertsioko sozietateen baliokideak diren inbertsio kolektiboko erakundeei, beste estatu batean erregistratuta daudenei, alde batera utzita, beren akzioak eskuratu, laga edo erreskatatzeari dagokionez, inbertsiogileen talde murriztuei buruz dituzten muga guztiak; nolanahi ere, Europako Parlamentuak eta Kontseiluak 2009ko uztailaren 13an emandako 2009/65/EE Zuzentarauak babestutako sozietateei aplikatuko zaie. Zuzentarau horren bidez, balore higigarrietako inbertsio kolektiboko erakunde jakin batzuen gaineko lege, erregelamendu eta administrazio xedapenak koordinatu ziren.

4. Mozkin banaketan, bazkideen zerga oinarrian sartuko da hartutako elementuen merkatuko balio normala.

5. Bategite eta zatiketa oso edo partzialean, bazkideen zerga oinarrian sartuko da hartutako elementuen merkatuko balio normalaren eta partaidetza deuseztatuaren kontabilitateko balioaren arteko diferentzia.

6. (indargabetua)

6. (indargabetua)

6. 33.2 artikuluan ezarritako integrazioaren kaltetan izan gabe, bazkideen zerga oinarrian, integrazio hori, artikulu honetan aipatu hori, eskualdaketak zein zergalditan egiten diren, hartan eginen dira.

27. artikulua. Monetaren balio-galeraren zuzenketa.

1. Ondasun higiezinetako inbertsioetatik edo salmentan edukitako aktibo ez ohikoetatik, ibilgetu materialaren edo ukiezinaren ondare elementuak eskualdatzean ateratako errenta positiboak zerga-oinarrian sartzearren, errenta positibo horiek muga jo arte kenduko da erregelamenduz zehaztuko den monetaren balio-galeraren zenbatekoa, ondoko arauei jarraituz kalkulatuta:

a) Erregelamenduz ezarriko da nola eta zer koefizienterekin biderkatu eskualdatutako ondare elementuen produkzio kostua edo eskuratze prezioa eta amortizazio kengarriak.

Honela aplikatuko dira koefizienteak:

a') Eskuratze prezioari edo produkzio kostuari, ondareko elementua zein urtetan eskuratu edo produzitu den eguneratuta. Zein urtetan egin den hobekuntza, urte hartako koefizientea aplikatuko da.

b') Ondareko elementuei buruzko amortizazio kengarriei, dagozkien urteak kontuan hartuta.

b) Aurreko a) letran ezarritakoa aplikatuz ateratako kopuruen arteko aldea gutxitu eginen da; hain zuzen, aurreko a) letrako koefizienteak aplikatzean eskualdatutako ondare elementuarentzat kontuan hartzen dena.

c) eragiketa horretatik ateratzen den kopurua 0,60rekin biderkatuko da, edo ondoko koefiziente honekin, zein aukeratzen duen subjektu pasiboak:

a') Zenbakitzailean: ondare garbia.

b') Izendatzailean: ondare garbia gehi guztirako pasiboa, diruzaintza eta kredituko eskubideak kenduta.

Koefizientea ez da inoiz unitatea baino handiagoa izanen, eta subjektu pasiboak aukeratuko du zein magnitude erabili hura zehazteko: eskualdatutako ondare elementua eduki den denboran izandakoa edo hura eskualdatu aurreko bost ekitaldietakoa.

2. Balioak Eguneratzeari buruzko abenduaren 30eko 23/1996 Foru Legearen arabera eguneratutako ondare elementuen kasuan, edo Zenbait zerga aldatu eta beste tributu-neurri batzuk hartzeari buruzko abenduaren 26ko 21/2012 Foru Legearen lehenbiziko xedapen gehigarrian ezarritakoarekin bat eguneratuen kasuan, koefizienteak erosketa prezioaren gainean eta prezio haren amortizazio kengarrien gainean aplikatuko dira, kontuan hartu gabe eguneratze-eragiketetan gertatzen den monetaren balio-galeraren ondoriozko gainbalioaren zenbatekoa.

Aurreko lerroaldean ezarritakoa aplikatuz ateratako kopuruen arteko aldeari ondare elementuaren aurreko balioaren zenbatekoa kenduko zaio, eta eragiketa horren emaitzari, bidezkoa bada, aurreko idatz-zatiko c) letran aipatzen den koefizientea aplikatuko zaio.

Aurreko lerroaldean azaldutako eragiketen ondoriozko zenbatekoari abenduaren 30eko 23/1996 Foru Legean edo Zenbait zerga aldatu eta beste tributu-neurri batzuk hartzeari buruzko abenduaren 26ko 21/2012 Foru Legearen lehenbiziko xedapen gehigarrian ezarritako eguneratze-eragiketen ondoriozko gainbalioa kenduko zaio, eta eragiketa horretatik ateratzen den kopurua izanen da, hain zuzen, artikulu honetan aipatzen den monetaren balio-galeraren zenbatekoa.

Eguneratutako ondare elementuaren aurreko balioa kalkulatzeko, aurreko idatz-zatiko a) letran aipatutako koefizienteak aplikatzeko kontuan hartutako balioak hartuko dira aintzat.

28. artikulua. Eragiketa lotuak: balorazio arauak, dokumentazioa, arau-hausteak eta pertsona edo entitate lotuen kontzeptua.

1.

1. Loturiko pertsona edo entitateen artean egindako eragiketak merkatuko balio normala aplikatuz baloratuko dira. Foru lege honen ondorioetarako, merkatuko balio normala izanen da lehia askeko baldintzetan pertsona edo entitate burujabeek adostuko luketen prezioa.

2. Zerga Administrazioak ahalmena izanen du loturiko pertsona edo entitateen artean egindako eragiketak merkatuko balio normalen arabera egin ote diren aztertzeko. Zerga honi, Pertsona Fisikoen Errentaren gaineko Zergari edo Ez-egoiliarren Errentaren gaineko Zergari lotutako eragiketak merkatuko balio normalaren arabera baloratu ez badira, Administrazioak bidezko diren zuzenketak eginen ditu, subjektu pasiboak ekartzen duen dokumentazioa eta administrazioak eskura dituen datu eta informazioak aintzat harturik. Zerga Administrazioak balio horri eutsiko dio gainerako pertsona edo entitate lotuei dagokienez. Administrazioaren balorazioak ez du ezarriko eragiketa bati benetan dagokion errentatik gora ordaintzea zerga honetan, ez eta, hala badagokio, Pertsona Fisikoen Errentaren gaineko Zergan edo Ez-egoiliarren Errentaren gaineko Zergan ere, eragiketan parte hartu duten pertsona edo entitate guztientzat. Konparazioa egiteko, zenbatespen objektiboko metodoren bat aplikatu ahal izateagatik, zerga-oinarrian sartzen ez den errentaren zatia hartuko da.

2.

a) Loturiko pertsona edo entitateek Administrazioren eskura utzi beharko dute erregelamenduz ezartzen den dokumentazioa. Era berean, administrazio horrek eskatuz gero, dokumentazio hori aurkeztu beharko diote.

Dokumentazio hori ez zaie pertsona edo entitate horiei eskatuko, baldin eta kasuan kasuko zergaldian negozio-zifraren zenbateko garbia hamar milioitik beherakoa izan bada, eta betiere zergaldi horretan pertsona edo entitate lotuekin egindako eragiketa guztien diru-kopurua ez bada 100.000 eurotik gorakoa merkatu-balioan. Negozio-zifraren zenbateko garbia zehazteko, 50.1.b) artikuluan ezarritako irizpideak hartuko dira kontuan. Dena dela, erregelamenduz paradisu fiskaltzat hartzen diren herrialde edo lurraldeetan bizi diren pertsona edo entitate lotuekin egindako eragiketa guztiak dokumentatu beharko dira, salbu eta Europar Batasuneko kide de estatu batean bizi badira eta subjektu pasiboak frogatzen badu eragiketak egiteko, arrazoi ekonomiko baliodunak izan direla eta entitate edo pertsona horiek enpresa edo lanbide jarduerak egiten badituzte.

b) Idatz-zati honetako a) letran adierazten den dokumentazioa ez aurkeztea, osagabea edo zehaztugabea izatea edo datu faltsuekin aurkeztea zerga arloko arau-hauste arina da, Tributuei buruzko abenduaren 14ko 13/2000 Foru Lege Orokorraren 67.1.b) artikuluan adierazi direnetakoa.

c) Sozietateen gaineko zergan, pertsona fisikoen errentaren gaineko zergan edo ez-egoiliarren errentaren gaineko zergan merkatuko balio normala ez aitortzea zerga arloko arau-hauste larria da, horren ondorioz, Zerga Administrazioak balorazioa zuzendu behar baldin badu eta Tributuei buruzko abenduaren 14ko 13/2000 Foru Lege Orokorraren 68. artikuluko a), c) edo d) letretan aipatzen diren jokabideetako bat tartean bada.

Arau-hauste larri honengatik ezarriko den zehapena, gutxienez, Tributuei buruzko abenduaren 14ko 13/2000 Foru Lege Orokorraren 72.2 artikuluan adierazitako arau-hauste arinagatik jarriko litzatekeen zehapenaren bikoitza izanen da.

d) Aurreko b) letran adierazitako zerga arloko arau-hauste arina sortzen duen ez-betetzea egin ez bada, eta aurkeztutako dokumentazioaren araberako merkatuko balioa aitortu baldin bada, ez da aurreko c) letran adierazitako zerga arloko arau-hauste larritzat joko, baldin eta Zerga Administrazioak balioa zuzentzeko eragiketa bat egin behar baldin badu sozietateen gaineko zergari, pertsona fisikoen errentaren gaineko zergari edo ez-egoiliarren errentaren gaineko zergari loturiko eragiketetangatik, baina balio-zuzenketa horren ondoriozko oinarrien zatian.

e) Zenbaki honetan eta Tributuei buruzko abenduaren 14ko 13/2000 Foru Lege Orokorraren 72.2 artikuluan ezarritakoaren ondorioetarako, ondoko azpiletretan agertzen diren kontzeptu eta termino bakoitza datutzat hartuko da, eragiketa lotuak egiten dituzten pertsona edo entitateei buruzkoak badira, betiere, zuzenean edo zeharka, subjektu pasiboak egindako eragiketetan eragina baldin badute:

a`) Izen-deiturak edo sozietatearen izena edo izen osoa, helbide fiskala eta identifikazio fiskaleko zenbakia.

b`) Eragiketen izaeraren, ezaugarrien eta zenbatekoen azalpen zehatza.

c`) Ondasun higiezinen, patenteen, marken, merkataritza izenen eta gainerako aktibo ukiezinen titulartasuna, haiek erabiltzearen ondoriozko kontraprestazioen zenbatekoa adierazita.

d`) Magnitudeak, ehunekoak, ratioak, fluxuen deskontuei aplikatzen zaizkien tasak, aurreikuspenak eta balioa zehazteko erabiltzen diren gainerako zenbatekoak, baldin eta egiten den eragiketa negozioen eskualdaketa baldin bada edo entitateetako funts berekietako parte-hartzea adierazten duten baloreen edo partaidetzen eskualdaketa, eta balore horiek merkatu arautuetan negoziatzeko modukoak ez badira.

e`) Kostuak banatzeko erabakiak, zerbitzuak emateko kontratuak, baloraziorako aurretiazko akordioak eta adiskidetasunezko prozedurak.

f`) Taldearen antolaketa- eta eragiketa-egituraren azalpena, baita pertsona edo entitate bakoitzak dituen eginkizunak eta bere gain hartzen dituen arriskuak ere.

g`) Balorazioa egiteko aukeraturiko metodoaren hautapenaren azalpena, baita metodoan aplikatzeko moduaren eta metodo horren ondorioz ateratzen diren balioak edo balio-tarteak zehazteko moduaren azalpena ere.

h`) Transferentzia-prezioen arloan taldeak jorratzen duen politikaren azalpena, lehia askearen printzipioarekin bat datorrela frogatzeko.

3. Foru lege honen ondorioetarako, hauek dira elkarri loturiko pertsona edo entitateak:

a) Entitate bat eta bere bazkide edo partaideak.

b) Entitate bat eta bere kontseilari edo administratzaileak.

c) Entitate bat eta bazkide, partaide, kontseilari edo administratzaileen ezkontideak edo, bestela, hirugarren gradura arteko ahaide zuzen edo albokoak, odolbidezkoak izan ala ezkontza bidezkoak izan.

d) Talde bereko partaide diren bi entitate.

e) Entitate bat eta beste entitate bateko bazkide edo partaideak, bi entitateak talde bereko partaideak badira.

f) Entitate bat eta beste entitate bateko kontseilari edo administratzaileak, bi entitateak talde bereko partaideak badira.

g) Entitate bat eta beste entitate bateko bazkide edo partaideen ezkontideak edo, bestela, haien hirugarren gradura arteko ahaide zuzen edo albokoak, odolbidezkoak izan ala ezkontza bidezkoak izan, bi sozietateak talde bereko partaideak baldin badira.

h) Entitate bat eta beste bat, baldin eta batak bestearen kapital sozialaren edo funts berekien 100eko 25eko edo gehiagoko partaidetza baldin badu zeharka.

i) Bi entitate, baldin eta bazkide edo partaide berberek edo horien ezkontideek edo, bestela, hirugarren gradura arteko odolbidezko edo ezkontza bidezko ahaide zuzen edo albokoek kapital sozialaren edo funts berekien 100eko 25eko edo gehiagoko partaidetza baldin badute, dela zuzenean, dela zeharka.

j) Egoitza Espainian duen entitate bat eta atzerrian dituen finkagune iraunkorrak.

k) Egoitza Espainian ez duen entitate bat eta Espainian dituen finkagune iraunkorrak.

l) Bi entitate, zerga sozietateen taldeetako araubidean ordaintzen duten talde batekoak badira.

Lotura bazkideen edo partaideen eta entitatearen arteko harremanaren bidez zehazten bada, partaidetza 100eko 5ekoa izanen da edo handiagoa; merkatu arautu bateko negoziazioan onartutako balioak badira, 100eko 1ekoa edo handiagoa. Administratzaileak aipatzen direnean, eskubidezkoak eta izatezkoak sartzen dira.

Talde bat izanen da entitate batek beste baten edo gehiagoren kontrola duenean, Merkataritza Kodearen 42. artikuluan ezarritako irizpideei jarraikiz, egoitza non duten eta urteko kontu bateratuak aurkeztu behar duten alde batera utzita.

29. artikulua. Loturiko pertsona edo entitateetako zenbait gasturen kenkariak.

1. Loturiko entitateen arteko zerbitzu gastuak foru lege honen 32. artikuluan ezarritakoaren arabera baloratuko dira eta kenkari gisa hartuko dira baldin eta ematen diren zerbitzuek abantaila edo erabilera bat ekartzen badiote erabiltzaileari. Loturiko pertsona edo entitate batzuen alde egindako baterako zerbitzua denean, eta ezinezkoa bada jasotako zerbitzua banakatzea edo ordainsaria finkatzeko erabilitako elementuak kuantifikatzea, zilegi izanen da guztirako kontraprestazioa pertsona edo entitate onuradun guztien artean banatzea, arrazioanaltasun irizpide batzuen arabera. Horrelako irizpideak erabili direla ulertuko da aukeratzen den metodoak, zerbitzuaz eta inguruabarrez gainera, helburuko pertsona edo entitateek lortzen dituzten edo lor ditzaketen onurak ere kontuan hartzen baditu.

2. Loturiko pertsona edo entitate batzuek ondasun edo zerbitzuen kostuak, foru lege honen 32. artikuluan finkatutakoaren arabera baloratuak, banatzeko akordio bat sinatzen dutenean, akordioaren ondoriozko gastuen kenkaria egiteko baldintza hauek bete beharko dira: a) Akordioa sinatzen duten pertsona edo entitate parte-hartzaileek akordioaren bidez erosi, ekoitzi edo garatu nahi diren aktibo edo eskubideen jabetza edo antzeko ondorio ekonomikoak dituen beste eskubide bat eskuratu beharko dute.

b) Pertsona edo entitate parte-hartzaile bakoitzaren ekarpenak kontuan hartu beharko du bakoitzak, arrazionaltasun irizpideen arabera, akordiotik lortu nahi dituen erabilera edo abantailen aurreikuspena.

c) Akordioan inguruabarren edo parte hartzen duten pertsonen edo entitateen aldaketak aurreikusi beharko dira eta beharrezko diren konpentsazio-ordainketak eta egokitzapenak ezarri.

Loturiko pertsona edo entitateen artean sinatzen diren akordioek, gainera, erregelamenduz ezartzen diren baldintzak bete beharko dituzte.

30. artikulua. Balorazio akordioak.

Loturiko pertsonen edo entitateen arteko eragiketak egin aurretik, subjektu pasiboek Zerga Administrazioari eskatzen ahalko diote eragiketaren balorazioa egin dezala. Eskaerarekin batera, proposamen bat bidali beharko dute, merkatuko balio normalean oinarritua.

Zerga Administrazioak akordioak sinatzen ahalko ditu beste administrazio batzuekin, eragiketen merkatuko balio normala batera finkatzeko.

Balorazio akordioaren ondorioak akordioaren datatik aurrera egiten diren eragiketei aplikatuko zaizkie. Akordioaren indarraldia akordioan bertan ezarriko da, baina ez du akordioaren datatik hasita ondoko lau zergaldi baino gehiago iraungo. Akordioan finkatzen ahalko da, orobat, zergaldi horretan eta are aurrekoan ere egindako eragiketetan izanen dituela ondorioak, kasuan kasuko zergaren aitorpena aurkezteko epea bukatu ez bada behinik behin.

Zerga Administrazioak akordioa hartu zuenean aintzat hartutako inguruabar ekonomikoak nabarmen aldatuz gero, akordioa inguruabar ekonomiko berriei egokitzeko aldatzen ahalko da.

Ebazteko aldia bukatutakoan, idatz-zati honetan aipatutako proposamenak ezetsitzat joko dira.

Erregelamendu bidez, loturiko eragiketen balorazio akordioak eta horien luzapenak ebazteko prozedura finkatuko da.

31. artikulua. Egoitza paradisu fiskaletan duten pertsonek edo entitateek egindako eragiketetan eta egoitza Espainiatik kanpora eramaten den kasuetan aplikatu beharreko balorazio arauak.

1. Egoitza paradisu fiskaletan duten pertsonek edo entitateek egindako eragiketak merkatuko balio normalarekin baloratuko dira, betiere horren ondorioz Nafarroako Ogasun Publikoari ordaindu beharreko zerga ez bada adosturiko balioa aplikatuz gero egokituko litzaiekeena baino baxuagoa, edo zergaren ordainketa atzeratzen ez bada.

Aurreko lerrokadan adierazitako eragiketak egiten dituztenek foru lege honetako 28.2 artikuluan aipatutako agiriak aurkeztu beharko dituzte, erregelamenduz ezarriko diren berezitasunekin.

2. Egoitza Espainian izanik, atzerrira eramaten duen entitate baten jabetzapekoak diren ondare-elementuen merkatuko balio normalaren eta kontabilitate-balioaren arteko diferentzia zerga-oinarrian sartuko da, salbu eta ondare-elementu horiek entitateak Espainian duen finkagune iraunkor bati atxikita gelditzen badira, izan ere, horrelakoetan, ondare-elementu horiei foru lege honen 135. artikuluan ezarritakoa aplikatuko zaie.

Aurreko lerrokadan xedatutakoa Espainian dauden finkagune iraunkorrei atxikitako ondare-elementuei ere aplikatuko zaie, baldin eta jarduera uzten badute edo atzerrira transferitzen badituzte.

32. artikulua. Merkatuko balioa finkatzeko metodoak. Jakinarazten diren errenten izaera. Prozedura.

1. Merkatuko balio normala finkatzeko, ondoko metodo hauetako bat aplikatuko da: a) Prezio libre konparagarriaren metodoa. Loturiko pertsonen edo entitateen arteko eragiketa bateko ondasun edo zerbitzuaren prezioa pertsona edo entitate independenteen arteko eragiketa batean ondasun edo zerbitzu berdin-berdinak edo antzekoak egoera parekagarrietan izanen zuen prezioarekin konparatzen da, behar izanez gero, parekotasuna lortzeko behar diren zuzenketak eginda eta eragiketaren berezitasunak kontuan hartuta. b) Kostu igoeraren metodoa. Ondasun edo zerbitzuaren erosketa-balioari edo ekoizpenaren kostuari pertsona edo entitate independenteen arteko eragiketa berdin-berdinetan edo antzekoetan ohikoa den marjina eransten zaio, edo, bestela, pertsona edo entitate independenteek eragiketa parekagarrietan aplikatzen duten marjina, behar izanez gero, parekotasuna lortzeko behar diren eragiketak eginda eta eragiketaren berezitasunak kontuan hartuta. c) Birsalmentaren prezioaren metodoa. Ondasun edo zerbitzu baten salmentako prezioari birsaltzaileak pertsona edo entitate independenteekin egiten dituen eragiketa berdin-berdinetan edo antzekoetan aplikatzen duen marjina kentzen zaio, edo, bestela, pertsona edo entitate independenteek eragiketa parekagarrietan aplikatzen duten marjina, behar izanez gero, parekotasuna lortzeko behar diren eragiketak eginda eta eragiketaren berezitasunak kontuan hartuta.

2. Eragiketa edo horien gaineko informazioa hain konplexua baldin bada non horrelako metodorik aplikatzea ezinezkoa den, ondoko metodoak aplikatzen ahalko dira eragiketaren merkatuko balioa finkatzeko:

a) Emaitza banatzeko metodoa: eragiketa bat edo gehiago egiten dituen pertsona edo entitate lotu bakoitzari eragiketa horretan edo horietan lortutako emaitza komunaren zatia esleitzen zaio, pertsona edo entitate independenteek antzeko egoeretan adostuko lituzketen baldintzak egoki biltzen dituzten irizpideak erabiliz. b) Eragiketa guztien marjina garbiaren metodoa: pertsona edo entitate lotu batekin egindako eragiketei subjektu pasiboek edo hirugarrenek alderdi independenteekin egindako eragiketa berdin-berdinetan edo antzekoetan lortuko zuten emaitza garbia esleitzen zaie, kostuen gainean, salmenten gainean edo eragiketen ezaugarrien arabera egokien den beste magnitude baten gainean kalkulatua, eta, behar izanez gero, parekotasuna lortzeko behar diren eragiketak eginda eta eragiketaren berezitasunak kontuan hartuta.

3. Adosten den balioa merkatuko balio normala bezalakoa ez bada, bi balioen arteko diferentziak pertsona edo entitate lotuentzat izanen duen tratamendu fiskala diferentzia horren ondorioz jakinarazten diren errenten izaerari dagokiona izanen da. Zehazki, lotura bazkide edo partaideen eta entitatearen arteko harremanetan oinarritzen den kasuetan, balioen arteko diferentzia bazkidearen edo partaidearen aldekoa baldin bada, entitatean duten partaidetzaren ehunekoa zenbatekoa den, diferentziaren ehuneko hori bera entitateetako mozkinen partaidetza gisa hartuko da, eta bestela, diferentzia entitatearen aldekoa bada, bazkideak edo partaideak entitatearen funts berekietara egiten duen ekarpen gisa hartuko da.

4. Lorturiko eragiketen merkatuko balio normala egiaztatzeko, arau hauei jarraikiz arautuko da erregelamendu bidez:

1. Balioa egiaztatzea, egiaztatu beharreko tributu egoeran tributuduna nor den, horrexen gainean irekitako prozeduraren barrenean eginen da. Hurrengo lerrokadan xedatzen dena deusetan galarazi gabe, jarduketak tributudun horrengan eta ez beste inorengan izanen ditu ondorioak.

2. Balioa zuzendu ondoren egindako behin-behineko likidazioaren kontra, tributudunak errekurtso edo erreklamazioa aurkezten badu edo alde biko perituen tasazioa eskatzen badu, horren berri emanen zaie loturik dauden gainerako pertsona edo entitateei, prozeduran agertu eta egoki iruditzen zaizkien alegazioak aurkezteko.

Ezarrita dauden epeak tributudunak errekurtso edo erreklamaziorik aurkeztu gabe edo perituen tasazioa eskatu gabe bukaturik, balorazioa loturik dauden gainerako pertsona edo entitate ukituei jakinaraziko zaie, nahi dutenek perituen tasazioa eskatu edo bidezko errekurtso edo erreklamazioa aurkezteko, bateraturik betiere. Errekurtsoa edo erreklamazioa jarriz gero edo perituen aldebiko tasazioa eskatuz gero, Zerga Administrazioak tributudunari dagozkion likidazioak egiteko eskubidea preskribituko da eta epea berriz hasiko da Administrazioak egindako balorazioa irmo bilakatzen denean.

3. Likidazioan agertzen den balorazioa irmo bilakatzeak merkatuko balioaren eraginkortasuna eta indarra ekarriko du loturik dauden gainerako pertsona eta entitateentzat. Zerga Administrazioak behar diren zuzenketak eginen ditu, erregelamenduz ezarriko den bezala.

4. Idatz-zati honetan ezarritakoa balorazioa zuzentzearen ondorioz ukitzen diren pertsona eta entitate lotu guztiei aplikatuko zaie, baldin eta Sozietateen gaineko Zergaren subjektu pasibo badira, Pertsona Fisikoen Errentaren gaineko Zergaren zergadun edo Ez-egoiliarren Errentaren gaineko Zergaren zergadunen finkagune iraunkor.

5. Idatz-zati honetan xedatutakoak ez du galaraziko barne-legedian txertatu diren nazioarteko tratatu eta hitzarmenetan ezarrita dagoena aplikatzea.

33. artikulua. Kontabilitateko balioaren ordez merkatuko balio normala jartzearen ondorioak.

1. Ondare elementu bat edo zerbitzu bat zergaren ondorioetarako merkatuko balio normalean baloratu direnean, entitate eskualdatzaileak eskualdaketa zein ekitalditan egiten den haren zerga oinarrian balio horren eta eskualdatutako elementuen kontabilitateko balioaren arteko diferentzia sartuko du eta, hala behar denean, 27. artikuluan xedatutakoa aplikagarri izanen zaio.

26. artikuluko 1. zenbakiko e) eta f) letretan aipatzen diren balizkoetan, eskuratutako elementuek merkatuan duten balio normalaren eta entregatutakoek kontabilitatean duten balioaren arteko diferentzia sartuko da, salbu eta eragiketa horrek akzio edo partaidetzen balio nominala aldatu besterik egiten ez badu, akziodunen partaidetza koefizientea aldatu gabe eta ekarpenen berritzulketa gertatu gabe.

Zenbaki honetan xedatutakoa ezarriko da 26. artikuluan bazkideendako ezarri erregela bereziak aplikatzeko aukera deusetan kaltetu gabe.

2. Bestalde, entitate eskuratzaileak bere zergaoinarrian balio horren eta eskuraketa balioaren arteko diferentzia sartuko du, ondoko irizpideei jarraikiz:

a) Ibilgetua osatzen duten ondare elementu amortizagarriak badira, berauen iraupen baliagarriari geratzen zaizkion zergaldietan, diferentzia horri elementu horiei dagokienez erabiltzen den amortizazio metodoa ezarriz, elementuok iraupen baliagarria amaitu aurretik eskualdatzen direnean izan ezik, orduan diferentzia eskualdatzen diren zergaldiko zergaoinarrian sartuko baita.

b) Ibilgetua osatzen duten eta amortizagarriak ez diren ondare elementuak badira, horiek eskualdatzen diren zergaldian.

c) Aktibo zirkulagarriaren ondare-elementuak direnean, haiek sarrera baten sortzapena dakarten zergaldian.

d) Zerbitzuak direnean, haiek hartzen diren zergaldian, salbu haien zenbatekoa ondare-elementu batean sartu behar denean, orduan segitu beharko baita aurreko letretan ezarritakoa.

3. Merkatuko balio normalaren eta eskurapen balioaren arteko aldea, aurreko zenbakiak aipatzen duena, adierazi beharko da memorian, alde hori zerga-oinarrian sartzen den arte.

VII. KAPITULUA. Aldi baterako egozketa

34. artikulua. Aldi baterako egozketa. Sarrera eta gastuen kontabilitateko inskripzioa.

1. Sarrerak eta gastuak sortzen diren zergaldian egotziko dira, horiek ordezkatzen dituzten ondasun eta zerbitzuen benetako korrontearen arabera, moneta edo finantzen korrontea gertatzen den unetik at, batzuen eta besteen arteko koerlazioa errespetatuz.

2. Zerga Administrazioak onartu beharko du, arauz erabakitzen den moduan, dirusarrera eta gastuak aldi baterako egozteko irizpideen eraginkortasun fiskala, haiek aurreko idatz-zatian aurreikusitakoak ez bestelakoak direnean eta subjektu pasiboak salbuespen gisa erabiltzen dituenean ondarearen, egoera finantzarioaren eta emaitzen irudi erreala emateko, Merkataritza Kodearen 34.4 eta 38.i) artikuluetan aurreikusitakoari jarraituz.

3. Ez dira kengarriak galera eta irabazien kontuan, nahiz erreserba kontu batean, egozten ez diren gastuak, lege edo erregelamenduzko arau batek hala ezarrita; salbuespena dira libre edo azkar-azkar amortizatzen ahal diren ondareko elementuei buruz aurreikusitakoa eta finantza errentamenduko kontratuei buruzkoa.

Aurreko idatz-zatietan aurreikusitakoaren arabera, dagokien zergaldian ez beste batean, galera eta irabazien kontuan nahiz erreserba kontu batean, kontabilitatean egozten diren dirusarrera eta gastuak aipatu idatz-zatietan ezarritakoari jarraituz dagokien zergaldian egotziko dira. Dena dela, kontu horietan dagokien zergaldian ez geroagoko batean egotzitako gastuak badira, edo galera eta irabazien kontuan aurreragoko zergaldi batean egotzitako dirusarrerak, batzuk eta besteak kontabilitate egozpenari dagokion zergaldian egotziko dira, baldin aurreko idatz-zatietan aurreikusitako arauak aplikatuta dagokiena baino tributazio txikiagoa ateratzen ez bada.

4. Arau bidez, eta zerga-oinarria zehaztekotan bakarrik, emango dira arauak, aurreko 1. zenbakian ezarritakoa jarduera, eragiketa edo sektore zehatzei aplikatzeko.

35. artikulua. Aldi baterako egozketa. Arau bereziak.

1. Epekako edo prezio geroratuko eragiketetan, errentak, dagozkien kobrantzak egin ahala, proportzioz lortu direla ulertuko da, erakundeak sortzapenaren irizpidea ezartzea erabakitzen duenean izan ezik.

Geroratutako zenbatekoen endosua, deskontua edo kobrantza aurreratua eginez gero, egotzi gabeko errenta momentu horretan lortutzat emango da.

Epekako edo prezio geroratuko eragiketatzat hartuko dira salmentak eta obren exekuzioak, berauen prezioa, osotasunean edo partzialki hurrenez hurreneko ordainketen edo ordainketa bakarraren bidez hartzen denean, ematearen eta azken epearen edo epe bakarraren mugaegunaren arteko denbora urtebetetik gorakoa izan denean.

Zenbaki honetan ezartzen dena, ukituriko errentei dagozkien sarrerak eta gastuak kontabilizatzeko era edozein izanik aplikatuko da.

2. Dirua irabazteko asmoz egindako eskurapenetan, eskuratzailearen zerga-oinarrian sartuko da jasotako ondare-elementuen merkatuko balio arrunta, eskurapen horiek egin diren zergaldian.

Zenbaki honetan aurreikusitakoaren ondorioetarako, diru-laguntzak ez dira hartuko dirua irabazteko asmoz egindako eskurapentzat.

3. Zein zergalditan ordaintzen diren prestazioak, hartan egotziko dira barreneko funtsetarako hornidura eta ekarpenen gastuak, Pentsio Plan eta Funtsak arautzen dituen Legearen testu bateginaren xedekoak bezalako kontingentziak edo antzekoak estaltzeko direnean, baita pentsio planetakoen antzeko kontingentziak estaltzeko ekarpenak ere, kengarriak izan ez badira.

4. Hondatzeagatik balioa zuzendu zaien ondare-elementuek lehengo balioa berreskuratuz gero, berreskuratzea zein zergalditan gertatzen den, orduan egotziko da aldaketa hori, dela zuzenketa egin zuen entitatean, dela hari lotutako beste batean.

Arau bera aplikatuko da aktibo finkoko ondare-elementuak eskualdatzean izandako galeren kasuan, eskualdatu eta hurrengo urtean berriz eskuratzen badira.

5. Kapital-dirulaguntzen kasuan, dirulaguntza horren kargura finantzatutako ondare-elementua ezin bada amortizatu, edo amortizazioak hamar urtetik gorako epea eskatzen badu, dirulaguntza ematen denetik kontatzen hasita, kapital-dirulaguntzak kontatuko dira epe horretan hamarrenetan egindako sarrera bezala.

Hala ere, babes ofizialekotzat kalifikatutako edo babesturikotzat deklaratutako etxebizitzak sustatzeko neurrien esparruan emandako kapital dirulaguntzak dirusarreratzat hartuko dira, kontabilitateko arau eta printzipioen arabera.

6. Probisioak kentzen direnean, haien xedea betetzeko erabili ez direlako, ekitaldiko dirusarretako kontu batean abonatu gabe, haien zenbatekoa dotazioa egin duen entitatearen zerga-oinarrian sartuko da, dotazio hori gastu kengarritzat jo den neurrian."

7. Entitateak bizitza aseguruen kontratuetan, inbertsioaren arriskua hartu badu, onuraduna denean edo erreskaterako eskubidea onarturik duenean, betiere sartuko du zerga-oinarrian polizari zergaldi bakoitzeko hasieran eta bukaeran atxikitutako aktiboen balore likidatzailearen arteko diferentzia.

Zenbaki honetan xedatutakoa ez zaie aplikatuko enpresek pentsioetarako hartutako konpromisoak gauzatzen dituzten seguruei, 1988ko ekitaldirako Nafarroako Aurrekontu Orokorrei buruzko maiatzaren 12ko 3/1988 Foru Legearen 77. artikuluan aurreikusi terminoetan egin denean.

Egotzitako errenten zenbatekoak gutxiagotu egingo du kontratuen kantitateak jasotzetik sortutako errendimendua.

VIII. KAPITULUA. Berrinbertsioa

36. artikulua. Aparteko mozkinak zerga-oinarrian ez sartzea berrinbertsio kasu jakin batzuetan.

1. Ez dira zerga-oinarrian sartuko ibilgetu materialaren ondare elementuetatik, ukiezinetik eta ondasun higiezinetan egindako inber- tsioetatik dohainik eskuratutako errentak, entitatearen ustiatze ekonomikoari lotuak egon eta, gutxienez ere, urtebetez funtzionamenduan egon badira eskualdaketa aurreko hiru urtean, monetaren balio-galeraren zenbatekoa zuzendu ondoren, baldin aipatu eskualdaketen zenbatekoa esandako ondare elementuetako edozeinetan berriz inbertitzen bada ondare elementua entregatu edo eskura jarri baino urtebete lehenagotik ondoko hiru urte arteko epean.

Orobat, ez da zerga-oinarrian sartuko aipatu dohainezko eskualdeketetan lortutako errenten 100eko 50, haien zenbatekoa, epe beretan, foru lege honen 70 bis artikuluko 3. idatz-zatiko b) letran bildutako balioak eskuratzeko inbertituz gero.

Berrinbertsioaren zenbatekoa eskualdaketaren guztirakoa baino txikiagoa bada, aipatu eskualdaketan lortutako errentaren proportziozko zatia baino ez da zerga-oinarrian sartuko.

Aktibo materialaren ondare elementuak eta ondasun higiezinetako inbertsioak direnean, funtzionamenduan sartzen den egunean egindakotzat hartuko da berrinbertsioa; aldiz, aktibo ukiezineko ondare elementuak direnean, eskuratzen diren egunean. Balioen kasuan, eskuratu edo harpidetza egiten den egunean egindakotzat joko da berrinbertsioa.

Idatz-zati honetan aipatutakoa ez da aplikatuko berrinbertsioaren xedeko ondare elementuak lotura duen pertsona edo entitate batetik eskuratzen diren kasuan, ibilgetu materialaren elementu berriak edo ondasun higiezinetako inbertsioak direnean salbu. Orobat, gastu kengarriak sortzen dituzten ondareko elementuak eskualdatzean lortutako errenta zerga-oinarrian sartzen ez bada, gastuak ez dira kengarriak izanen, ekitaldi batean edo beste batean sorrarazi. Dena dela, subjektu pasiboak badu aukera aipatu gastuak kengarritzat erabiltzeko baina salbuespena galduta; zein zergalditan sorrarazten den lehen gastu kengarria elementua eskuratu edo erabili ondoren, hartako aitorpenean erregularizatuko da. Artikulu honen 6. idatz-zatian adierazitako moduan erregularizatuko da, zehapenak alde batera utzita.

Foru lege honen 17. artikuluan aipatu finantza errentamenduko kontratuak direla bide egindako inbertsioak direnean, arau hauek aplikatuko dira:

a) Ondasuna funtzionamenduan hasten den egunean egindakotzat joko da berrinbertsioa.

b) Ondasunaren balioa, eskudirutan, da berrinbertsioaren zenbatekoa.

c) Erosteko aukera ez erabiltzea kontratua bukatu edo hausteko egunean huts egitea izanen da, 6. idatz-zatian xedatutakoa aplikatzearen ondorioetarako.

2. Zerga pizgarri hau aplikatu ahal izateko, berrinbertsioaren xedeko ondare-elementuak bost urtez egon beharko dira martxan subjektu pasiboaren instalazioetan, salbu eta Ekonomia eta Ogasun Departamentuak berariazko baimena ematen badu 8. zenbakian xedatutakoaren arabera, justifikatutako galera bat gertatzen bada edo elementu horien erabilera-bizitza laburragoa bada. Elementuak epe hori bukatu baino lehen eskualdatuz gero, salbuespen egoera galduko da, eta 6. zenbakian aurreikusitakoa aplikatuko da, salbu eta lortzen den dirua berriz berrinbertitzen bada 1. zenbakian ezarrita dagoen bezala.

3. Ez dira ondare-elementu atxikitzat hartuko, haietaz baliatzeko hirugarrenei egin errentamendu edo lagapenaren xede direnak, salbu 155. artikuluko azkenaurreko lerroaldean xedatutakoa.

4. Ondare-elementuen materializazioa, aurreko 1. eta 2. zenbakietan ezarritakoaren arabera, bateraezina izanen da, ondare-elementu eta zenbateko berberentzat, zerga honetan ezarritako bestelako edozein zerga-onura edo pizgarrirekin, eta bereziki eskualdaketaren zenbatekoa berrinbertitzen deneko ondare-elementuei aplikatzekoa den amortizazio askatasunarekin.

5. Berrinbertsioa gauzatzen deneko ondare-elementuek agertu beharko dute balantzearen aktiboan, gainerako elementuetatik bereiz, gorabehera haren berri ematen duen epigrafe baten azpian, argi identifikatu ahal izateko moduan.

Era berean, urteko memorian islatu beharko dira besterentzearen zenbatekoa eta berrinbertitzeko hartu diren konpromisoak.

Subjektu pasiboak sartu beharko ditu zergaren aitorpenetan, berrinbertsioaren xede diren errenta eskuratuei eta hura gauzatzen deneko elementuei buruzko datu guztiak.

6. Berrinbertitzeko epea igaro baldin bada berrinbertitu gabe, edo aurreko zenbakietako betebehar formalak edo gauzatze-baldintzak ez badira funtsean betetzen, salbuespena guztiz edo hein batean galduko da. Beharkizun horietako edozein betetzen ez bada, berrinbertitzeko epea bukatzen den likidazioaldiari dagokion sozietateen gaineko zergaren aitorpenean, entitateak aurkeztu behar duen horretan, subjektu pasiboak ordaindu beharko du salbuespena aplikatu zen zergaldian egokituko zitzaiokeen kuota osoaren zenbatekoa, gehi berandutze interesak, galarazi gabe bidezkoak izan daitezkeen zehapenak. Dena dela, berrinbertitzeko epea bukatu ondoko zergaldi batean gertatzen bada ez-betetzea, ez-betetze hori gertatu zen likidazioaldiari dagokion aitorpenean, entitateak aurkeztu beharrekoan, eginen dira lehen aipatu diren kontzeptuei dagozkien ordainketak.

7. Artikulu honetan aipatzen den zerga-onura ez zaie aplikatuko 33. artikuluko 1. zenbakian aipatzen diren errentei.

8. Ekonomi eta Ogasun Departamentuak berrinbertsio plan bereziak onesten ahalko ditu, haiek justifikatzen dituzten gorabehera jakin batzuk gertatzen badira.

Erregelamendu bidez ezartzen ahalko da formulatzen diren planak onesteko prozedura.

VIII. bis KAPITULUA. Zenbait aktibo ukiezin lagatzearen ondoriozko dirusarrerak

37. artikulua. Jabetza industrialaren edo intelektualaren ustiaketarengatiko murrizketa.

1. Subjektu pasiboek zerga-oinarrian sartu gabe utz dezakete entitatearen jabetza intelektuala edo industriala erabiltzeko edo ustiatzeko eskubidea hirugarrenei lagatzearen bitartezko ustiakuntzari dagozkion diru-sarreren % 30ra bitarte, baldin eta lagapen hori aldi baterako egiten bada eta ez badu berarekin ekartzen kasuko ondare-elementuen besterentzea.

Zerga-oinarrian sartu gabe utzitakoaren portzentajea % 60ra bitartekoa izaten ahal da jabetza intelektuala edo industriala entitateak berak garatu duenean. Ez dute inolaz ere murrizketarako eskubiderik sortuko ondokoak erabiltzeko edo ustiatzeko eskubidea lagatzetik heldu diren diru-sarrerek: literatura lanak, lan artistiko edo zientifikoak, filmak barne, lagatzen ahal diren eskubide pertsonalak, hala nola irudi eskubideak edo soilik merkataritza-aplikazioa duten programa informatikoenak.

2. Aurreko idatz-zatian xedatutakoa aplikatzeko, ondoko baldintza hauek bete beharko dira:

a) Lagapen-hartzaileak jarduera ekonomiko batean baliatzea erabilera edo ustiapeneko eskubideak, eta baliatze horren emaitzak ez daitezela gauzatu lagapen-hartzaileak egiten duen ondasun-ematean edo zerbitzu prestazioan, baldin eta fiskalki kengarriak diren gastuak sortzen badituzte entitate lagatzailean, eta, betiere azken kasu horretan, entitate hori lagapen-hartzailearekin lotuta badago.

b) Lagapen-hartzaileak egoitza ez izatea tributazio gabeko edo paradisu fiskaltzat jotako herrialde edo lurralde batean, salbu eta Europar Batasuneko kidea den estatu batean egoitza duenean eta zergadunak frogatzen duenean haren eraketak eta operatibak arrazoi ekonomiko baliodunei erantzuten dietela eta enpresa-jarduerak egiten dituela.

3. Murrizketa hori kontuan hartu beharko da 60.1.b) artikuluak aipatzen duen kuota osoaren zenbatekoa zehaztearen ondorioetarako.

4. Halaber, zergadunak bere zerga-oinarria murrizten ahalko du bere jabetza intelektual edo industriala eskuratzeko prezioaren edo ekoizteko kostuaren % 5era bitarteko zenbatekoan, hura jarduera ekonomiko baten garapenean aplikatzen den bitartean, betiere haren jabetza osoa duenean eta aurreko idatz-zatian ezarritako salbuespenekin. Murrizketa horrek ezin izanen du gainditu kenkari horri aplikatzen zaion jarduera ekonomikoaren diru-sarreren kopuruaren % 0,5.

Baldin eta murrizketa ez bada muga horretara iritsi, zergadunak aldea murriztu ahalko du entitateak erregistratutako markak erabiltzeagatiko konpentsazioaren kontzeptuan, marka horiek entitateak berak sortu baditu eta haren jarduera ekonomikoaren garapenean aplikatzen badira. Idatz-zati honetan ezarritako murrizketa bateragarria izanen da murrizketa bera kalkulatzen zaien aktibo ukiezinei dagokien amortizazioarengatiko edo balio-andeatzearen ondoriozko galerengatiko kenkariarekin.

IX. KAPITULUA. Finantza-gastu kengarrietarako arauak

38. artikulua. Zenbait finantza-gasturen kenkaria mugatzea.

1. Finantza-gastu garbiak kengarriak izanen dira, ekitaldiko mozkin operatiboaren ehuneko 30eko gehieneko mugarekin.

Ondorio horietarako, finantza-gastu garbiak hauek direla ulertuko da: zergaldian sorrarazitako kapital berekiak hirugarrenei lagatzetik heldu diren diru-sarreren gainetik izandako finantza-gastuen soberakina, 24.1.g) artikuluan aipatzen diren gastuak kenduta.

Mozkin operatiboa zehazteko, oinarritzat hartuko da ekitaldiko irabazi eta galeren kontuaren ustiatze emaitza, Merkataritza Kodearen eta hura garatzen duen kontabilitate arloko gainerako arauei jarraikiz zehaztua, ibilgetuaren amortizazioa, finantzaz besteko ibilgetuaren diru-laguntzen eta bestelakoen egozpena eta ibilgetua besterentzeagatiko narriadura eta emaitza kenduta, eta ondare tresnetako partaidetzek eragindako diru-sarrera finantzarioak gehituz, betiere bat baldin badatoz entitate batzuen dibidendu edo mozkinetako partaidetzekin, bi baldintza hauetako batekin: partaidetza, zuzena edo zeharkakoa, ehuneko 5ekoa izatea gutxienez, edo partaidetzaren eskurapen-balioa 6 milioi eurotik gorakoa izatea, non eta partaidetza horiek ez diren eskuratu zorrak -24.1.g) artikulua aplikatuta, finantza-gastuak kengarriak ez dituztenak- erabiliz.

Edozein kasutan ere, zergaldiko finantza-gastu garbietan, gehienez ere milioi bat euroko zenbatekoari aplikatuko zaio kenkaria.

Kenkaritik kanpo gelditutako finantza-gastu garbiak kengarriak izan daitezke hurrengo eta segidako 15 urteetan amaitzen diren zergaldietan, kasuan kasuko zergaldikoekin batera, baina, idatz-zati honetan aurreikusitako mugarekin.

2. Zergaldiko finantza-gastu garbiak ez badira iristen aurreko 1. idatz-zatian ezarritako mugara, muga horren eta zergaldiko finantza-gastu garbien arteko aldea gehituko zaio aurreko 1. idatz-zatian aurreikusitako mugari, hurrengo eta segidako 5 urteetan amaitzen diren zergaldietako finantza-gastu garbien kenkariari dagokionez, alde horren kenkari osoa egin arte.

3. Zergak 107. artikuluan ezarritakoaren arabera ordaintzen dituzten entitateetako bazkideei egotzitako finantza-gastu garbiak kontuan hartuko dituzte bazkide horiek artikulu honetan ezarritako mugaren aplikazioaren ondorioetarako.

4. Zergak bateratze fiskaleko araubidean ordaintzen dituzten entitateak direnean, artikulu honetan ezarritako muga talde fiskalari aplikatuko zaio.

Nolanahi ere, talde fiskalean sartzeko unean, entitate batek kenkaria aplikatu gabe dituen finantza-gastu garbiei kenkaria aplikatuko zaie, baina entitatearen beraren mozkin operatiboaren ehuneko 30eko mugarekin.

Talde fiskaleko entitate bat edo batzuk taldetik ateraz gero, edo talde fiskala desagertzen bada, eta talde fiskalak kenkaria aplikatu gabe duten finantza-gastu garbiak baditu, gastu horiei emanen zaien tratamendu fiskala izanen da talde fiskalak konpentsatu gabe dituen likidazio-oinarri negatiboei ematen zaien berbera, 131. artikuluan ezarritako eran.

5. Entitatearen zergaldiak urtebete baino gutxiago irauten badu, artikulu honen 1. idatz-zatiaren laugarren lerrokadan aurreikusitako zenbatekoa hau izanen da: milioi bat euro bider zergaldiaren iraupenak urtearekiko duen proportzioa.

6. Artikulu honetan aipatzen den muga ez zaie honako hauei aplikatuko:

a) Kreditu entitateei eta aseguratzaileei. Hala ere, zergen finkapenaren araubidean, izaera hori ez duten entitateekin batera, tributatzen duten kreditu entitateen edo aseguratzaileen kasuan, artikulu honetan ezarritako muga kalkulatuko da azken entitate horien etekin operatiboa eta finantza gastu garbiak kontuan harturik.

Ondorio horietarako, kreditu entitateen tratamendua izanen dute entitate horiek zeinetan boto eskubidea, zuzenean edo zeharka, osorik kreditu entitateei dagokien, baldin eta beren jarduera bakarra bada merkatuan finantza tresnak jaulkitzea eta kolokatzea, entitate horien erregulazio kapitala eta finantzazioa sendotzeko.

b) Entitatearen iraungitzea gertatzen den zergaldian, salbu hori gertatzen bada X. tituluko IX. kapituluan ezarritako araubide bereziaren babespeko berregituratze eragiketa baten ondorioz, edo talde fiskal baten barnean egiten bada eta iraungitako entitateak oraindik finantza gastuak kengarri baldin baditu hartan sartzeko unean.

X. KAPITULUA. Likidazio-oinarria

39. artikulua. Likidazio-oinarria.

1. Likidazio-oinarria aterako da zerga-oinarrian eginez 40. eta 41. artikuluetan aipatzen diren murrizketak.

2. Ekitaldi batean ezin izanen da inolaz ere egin ekitaldi hari dagokion likidazio-oinarri positiboa baino handiagoa den murrizketarik.

3. Harako 40. artikuluan ezarritako murrizketa egiten bada, kontsideratuko da ez dutela preskribitu likidazio-oinarri negatiboen zergaldiek, bakar-bakarrik kuantifikatzeko bidezko den murrizketa.

4. Murrizketarik egiten ez denean, zerga-oinarriak likidazio-oinarriaren balio bera izanen du.

XI. KAPITULUA. Likidazio-oinarriaren murrizketak

Lehen sekzioa. Likidazio-oinarri negatiboen murrizketa

40. artikulua. Likidazio-oinarri negatiboen murrizketa.

1. Likidazio oinarri positiboa murrizten ahal da, aurreko hamabost urteetan amaitu ziren zergaldietako likidazio oinarri negatiboen bidez. Likidazio oinarri negatibo horiei behar den likidazioa edo autolikidazioa egin behar zaie.

2. Edozein titulugatik bazkideek egindako ekarpenen balioa (eskuratutako partaidetzari dagokiona) ken eskuratze-balioa eginda ateratzen den kendura positiboa kenduko da aurreko artikuluak aipatutako likidazio-oinarri negatibotik, baldin eta inguruabar hauek gertatzen badira:

a) Kapital sozial gehiena edo entitatearen emaitzetan parte hartzeko eskubide gehienak lotutako pertsona edo entitate batek eskuratzea, edo lotutako pertsona edo entitate multzo batek, likidazio oinarri negatiboa dagokion zergaldia bukatu ondoren.

b) Aurreko letrak aipatutako pertsonek edo entitateek partaidetzaren %25 baino gutxiago izatea likidazio-oinarri negatiboa dagokion zergaldia bukatzean.

c) Kapital sozialaren partaidetza-gehiengoa ematen duen eskurapenaren aurreko sei hilabeteen barnean entitateak ustiapen ekonomikorik ez egitea.

3. Sortu berri diren entitateen likidazio oinarri negatiboek murrizten ahal dituzte jarraian datozen hurrengo hamabost urteetan amaitzen diren zergaldiei dagozkien zerga oinarriak, denbora hori kontatzen hasita zerga oinarria positiboa ateratzen den lehenbiziko zergaldiaren hasieratik.

Ez dira zenbaki honetan sartuko enpresa-ondorengotza edo jarraipen kasuak.

2. sekzioa. Murrizketa, inbertsioetarako erreserba berezirako dotazioagatik

41. artikulua. Inbertsioetarako erreserba berezia.

1. Zerga-oinarria ehuneko 45 murritz daiteke baldin eta kantitateak, ekitaldiko kontabilitateko mozkinetakoak izanik, inbertsioetarako erreserba berezi batera bideratzen badira, atal honetan azaltzen diren baldintzetan eta beharkizunekin.

Ehuneko hori ehuneko 60koa izanen da, 50.1.b) artikuluaren azken lerrokadan xedatutakoarekin bat enpresa txiki izaera duten subjektu pasiboen kasuan.

2. Murrizketa hau gehienez ere izanen da zerga-oinarriaren 100eko 40koa, oinarria gutxiagotu ondotik, aurreko artikuluak aipatzen dituen likidazio-oinarri negatiboetan.

42. artikulua. Zenbatekoa eta materializazioa.

1. Inbertsioetarako Erreserba Bereziari egin beharreko zuzkidura gutxienez 50.000 euro izanen da ekitaldi ekonomikoan.

Halaber, entitateak berak ekitaldia ixtean dituen funts berekiak, zeinen mozkinekin hornitu baitzen Erreserba Berezia, zuzkidura egiten den ekitaldian hori adina igoko dira, eta gehikuntza horri hurrengo ekitaldietan eutsi beharko zaio, 44. artikuluko 4. idatz-zatian aipatzen den hiru urteko epea bukatu arte, salbu eta kontabilitateko galeren ondorioz gutxitzen bada.

Aurreko lerrokadak aipatzen duen betebeharraren ondorioetarako, entitatearen funts berekien artean ez dira sartuko ekitaldi bakoitzeko emaitzak.

2. Erreserba horretara bideratutako diru kopurua 43. artikuluan aipatzen den ondare elementuen eskurapenean gauzatuko da, mozkinak erreserba hornitzeko erabili ziren ekitaldia ixten denetik bi urteko epean.

Ondorio horietarako, ulertuko da materializazioa gauzatu dela ondare elementua funtzionatzen hasten den zergaldian. Nolanahi ere, elementuaren enkargu irmoa egiten denetik benetan jasotzen den arte bi urte baino gehiago igarotzen badira, edo inbertsioa bi urtetik gorako epean ordaintzen bada, zergaldi bakoitzean ordaindutako prezioaren kopurua hartuko da aintzat.

Finantza-errentamenduko kontratuen bidez egindako inbertsioen kasuan, ulertuko da inbertsioa ondare elementua funtzionamenduan jartzen den egunean gauzatu dela.

Dena dela, Ekonomia, Ogasun, Industria eta Enplegu Departamentuak, subjektu pasiboak aldez aurretik eskaera egiten badu, bi urte bitarte luzatu ahalko du lehenengo lerroaldean ezarritako epea, aparteko inguruabarrak daudenean arlo teknologiko edo funtzionalean edo subjektu pasiboari zuzenean edo zeharka egotzi ezin zaizkionetan, inguruabar horiek luzatze horren beharra justifikatzen badute.

3. Materializazioaren zenbatekoa osatuko da, alde batetik, hitzartutako kontraprestazioaren guztirakoarekin, korrituak kenduta, eta, beste aldetik, zeharkako zergak, harako hartan kontatuko ez direnak, alde batera utzita nolakotzat hartzen diren aktiboen baloraziorako.

Era berean, kendu eginen da ondasun horiek berak eskuratzeko ematen diren dirulaguntzen zenbatekoa, entitate jasotzailearen karga-mota dirulaguntza horri aplikatzetik ateratzen den kopuruan gutxiagotua.

Inbertsioak ondasun higiezinak badira, murrizketa oinarritik kenduko da, beti ere, lurzoruaren balioa.

Murrizketaren oinarria ezin izanen da izan merkatuko baldintza normaletan subjektu independenteen artean hitzartuko litzatekeena baino handiagoa.

4. Era berean, inbertsioa gauzatu daiteke enpresak berak eraikitako ondare-elementuetan, beti ere inbertsioaren kostua behar bezala justifikatzen bada.

43. artikulua. Materializaziorako egokiak diren elementuak.

Inbertsioetarako erreserba bereziaren materializazioa, honako ezaugarri hauek dituzten ondare-elementuetan egin beharko da:

1. Ibilgetu materialaren elementu berriak edo ondasun higiezinetako inbertsioak izatea, ustiapen edo jarduera ekonomiko baten garapenari lotutako lurrak izan ezik.

Foru lege honen ondorioetarako, aktibo finko bat ez da berritzat joko aldez aurretik beste pertsona edo entitate batek erabili badu, hots, bere ibilgetuari gehitu dion neurrian, edo hala izan behar bazuen Kontabilitate Plan Orokorraren arabera, funtzionamenduan hasi ez arren.

2. Aurreko idatz-zatian ezarritakoa gorabehera, foru lege honen 17. artikuluak aipatzen dituen finantza errentamenduko kontratuen bidez lortutako ondasunak ere materializatzeko gai izanen dira.

Erosteko aukera ez erabiltzea kontratua bukatu edo hausteko egunari dagokionean huts egitea izanen da, 46. artikuluan xedatutakoa aplikatzearen ondorioetarako.

3. Elementuek funtzionatzen irautea subjektu pasiboaren instalazioetan bost urtez bederen, justifikatutako galeraren kasuan izan ezik, edo bere bizi erabilgarrian, bost urtetik beherakoa bada, eskualdatu edo laga gabe.

Nolanahi dela ere, subjektu pasiboak aldez aurretik hala eskatuz gero, aurreko lerroaldean xedatutakoa betetzetik salbuets dezake Ekonomi eta Ogasun Departamentuak, arrazoi teknologiko edo funtzional bereziak gertatzen direnean.

4. Inbertsio diren elementuak ordaindu behar ez izatea Garraiobide Jakin Batzuen gaineko Zerga Berezia, bai hari loturik ez daudelako edo, bestela, lotuak egonagatik salbuetsita daudelako.

44. artikulua. Erreserba bereziaren aplikazioa eta kontabilizazioa.

1. Inbertsioetarako erreserba berezirako destinaturik dauden kopuruek balantzearen pasiboan agertu behar dute, bestelako edozein kontzeptutatik bereiz, eta "Inbertsioetarako erreserba berezia 1996ko Sozietateen gaineko Zergari buruzko Foru Legea" izeneko kontu batean, dotazioaren ekitaldia adierazita, ekitaldiko irabazi eta galeren kontuaren kargura eratuko dena, haren banaketa egiten denean.

Kontu hori intsuldatuko da, "Erabilitako inbertsioetarako erreserba berezia" izenekora, inbertsioak materializatzen doazen neurrian, zein erreserbatatik lekualdatzen den, hari dagokion ekitaldia adierazita.

2. Erreserba berezia zein elementutan materializatzen den, haiek agertu beharko dute balantzearen aktiboan, gainerako ondare-elementuetatik bereiz, eta buru dutela epigrafe bat, zeinetan bereizi beharko baita materializatzen den erreserbari dagokion ekitaldia.

3. Urteko memorietan aipatu beharko dira, hurrenez hurren, ekitaldi bakoitzean erreserbari egindako dotazioaren zenbatekoa eta hura zein elementutan materializatu den.

4. Behin erreserba gauzatzeko epea bukatzen denetik hiru urte iraganik, Erreserba Berezian dagokion zenbatekoa honako hauei aplikatzen ahalko zaie:

a) Kontabilitateko emaitza negatiboak deuseztatzeko.

b) Kapital soziala handitzeko.

c) Borondatezko erreserbak eta legezko erreserbak.

Aplikazio hori egindakoan, aplikatutako kopuru hori adina gutxitzen ahalko dira entitatearen funts berekiak, 42.1 zenbakian ezarritako betebeharraren ondorioetarako, hots, funts berekiak erreserba bereziari egindako zuzkidura adina handitu beharraren ondorioetarako.

45. artikulua. Betebehar formalak.

1. Sekzio honetan araututako zerga-oinarriaren murrizketa egitea nahi duten subjektu pasiboek, horretarako eskaera egin beharko dute espresuki Sozietateen gaineko Zergaren aitorpenean, zein zergalditako onurak erabiltzen diren erreserba bereziaren dotaziorako, hari dagokion hartan.

2. Aurreko zenbakiak aipatzen duen eskaera egindakoan, subjektu pasiboak ezin izanen du, erreserbaren dotaziorako erabili den kopurua dela-eta, 63. artikuluak aipatzen duen inbertsioengatiko kenketa egin, haren materializazio-epeak dirauen bitartean.

3. Erreserba materializatzen den zergaldiari dagokion Sozietateen gaineko Zergaren aitorpenarekin batera aurkeztuko da egindako inbertsioa justifikatzen duen dokumentazioa.

4. Sekzio honetan arautzen den zerga-onura ez zaie aplikatuko subjektu pasiboak aitortzen ez dituen errentei.

46. artikulua. Ez betetzea.

1. Baldin eta erreserba bereziaren aplikazioa edo haren gauzatzea foru lege honetan baimentzen diren helburuez bestelakoetarako erabiltzen badira, edo kontu adierazgarrienak modu funtsezkoan aldatzen badira, edo epea betetzen ez bada edo aurreko artikuluetan zehaztutako gauzatze-baldintzak betetzen ez badira, horrek zerga-oinarrian egindako murrizketa guztiz edo hein batean galtzea ekarriko du. Beharkizun horietako edozein betetzen ez bada, erreserba gauzatzeko epea bukatzen den likidazioaldiari dagokion sozietateen gaineko zergaren aitorpenean, entitateak aurkeztu behar duen horretan, subjektu pasiboak ordaindu beharko du zerga oinarria murriztu zen zergaldiari zegokiokeen kuota osoaren zenbatekoa, hau da, murrizketarik aplikatu gabe. Dena dela, erreserba gauzatzeko epea bukatu ondoko zergaldi batean gertatzen bada ez-betetzea, ez-betetze hori gertatu zen likidazioaldiari dagokion aitorpenean, entitateak aurkeztu beharrekoan, eginen dira lehen aipatu diren kontzeptuei dagozkien ordainketak.

2. Berdin jokatuko da entitatearen likidazio, bategite edo zatiketa denean, non eta azken bi kasu horietan erreserba berezia eta dagokion materializazioa ez diren kontserbatzen jarduerak jarraitzen dituen entitatean, dotazioa egin zuen entitatearen era berean.

3. Aurreko zenbakietan aipatutakoak betetzen ez direnean, dagozkion berandutza-interesak eskatzen ahalko dira, bidezko diren zehapenak aplikatzea deusetan galarazi gabe.

47. artikulua. Bateraezintasunak.

Sekzio honetan arautzen den zerga-onura bateraezina izanen da, ondasun eta zenbateko berberetarako, berrinbertsioagatiko salbuespenarekin eta zerga honetan ezarritako bestelako edozein zerga-onura edo pizgarrirekin.

V. TITULUA. ZERGALDIA ETA ZERGAREN SORTZAPENA

48. artikulua. Zergaldia.

1. Zergaldia izanen da entitatearen ekitaldi ekonomikoarekin batera.

2. Zergaldia beti amaituko da:

a) Entitatea iraungitzen denean.

b) Entitateak bere egoitza atzerrira aldatzen duenean.

c) Entitatearen forma juridikoa aldatu eta horrek ekartzen duenean sortutako entitatea zerga honen pean ez egotea.

Zergaldi honi dagokion zerga-oinarria zehazteko ulertuko da entitatea foru lege honen 26.1.c) eta 33.1 artikuluetan ezarritako ondorioekin desegin dela.

d) Entitatearen forma juridikoa aldatu eta horrek ekartzen duenean haren karga tasa aldatzea edo zerga araubide berezi bat ezartzea.

Aldaketa izan denean dauden ondare elementuak eskualdatzetik eratorritako errenta, hura gertatu ondoren egin denean, era linealean sortu dela ulertuko da, kontrako frogarik ez badago, eskualdatutako elementua edukitzen den denboran. Aldaketa izan baino lehen sortutako errenta zatiari ezarriko zazkion karga tasa eta zerga araubidea izanen dira entitateari ezarri beharrekoak hasierako forma juridikoa gorde izan balu.

3. Zergaldia ez da hamabi hilabetetik gorakoa izanen.

49. artikulua. Zergaren sortzapena.

Zerga sortuko da zergaldiaren azken egunean.

VI. TITULUA. ZERGA-ZORRA

I. KAPITULUA. Karga tasa eta kuota osoa

50. artikulua. Karga-tasak.

1. Ondokoak izanen dira karga-tasa orokorrak:

a) % 25.

b) % 23, enpresa txikientzat.

Enpresa txikitzat hartuko da ustiapen ekonomiko bat gauzatzen duena eta honako baldintza hauek betetzen dituena:

a’) Aurre-aurreko zergaldian izandako negozio zifren zenbateko garbia hamar milioi eurotik beherakoa izatea.

Enpresa sortu berria bada, negozio zifra hori kalkulatzeko, jarduera benetan gauzatu den lehenbiziko zergaldia hartuko da aintzat. Aurre-aurreko zergaldia urtebete baino gutxiagokoa izan bada edo jarduera hori urtebete baino gutxiagoan gauzatu bada, negozio zifraren zenbateko garbia urtea osoaren araberakoa izanen da.

Delako enpresa sozietate talde bateko kidea bada (Merkataritza Kodearen 42. artikuluak definitzen duen bezala), negozio zifraren zenbateko garbia talde horren kide diren sozietateen multzoa aintzat hartuta kalkulatuko da. Irizpide hori bera aplikatuko da baldin eta pertsona fisiko bat, bera bakarra edo ahaide dituen beste pertsona fisiko batzuekin elkar hartuta (ahaideak lerro zuzenekoak nahiz aldamenekoak izan, odol bidezkoak nahiz ezkontza bidezkoak, bigarren graduraino, bigarrena barne), kide dituen beste entitate batzuekiko Merkataritza Kodearen 42. artikuluak aipatzen dituen kasuetako batean gertatzen bada.

Enpresak jarduera-adar nahiz enpresa-ondare osoa eskuratu badu, entitate eskuratzailearen negozio zifraren zenbatekoa zehazteko, entitate eskualdatzailearen zenbateko hori bera gehituko zaio, edo zergaldi horretan jarduera-adarrari zegokiona.

b’) Aurreko a´) letran adierazitako baldintza betetzen ez duten entitateek ez izatea enpresaren % 25etik gorako partaidetza, ez zuzenean, ez zeharka, salbu eta kapital-arriskuko Funtsak edo Sozietateak badira edo enpresak sustatzeko sozietateak, eta partaidetza entitate horien xede soziala betetzearen ondorioa bada.

Ez dira inolaz ere enpresa txikitzat joko Espainia eta Europako interes ekonomikoko elkarteen eta aldi baterako enpresa elkarteen araubide berezipeko entitateak.

Hala ere, b) letra honetan xedatutakoa gorabehera, karga-tasa % 19koa izanen da enpresa txikiaren izaera badu, aurre-aurreko ekitaldiko negozio-zifraren zenbateko garbia milioi bat eurokoa edo gutxiagokoa izan denean. a`) azpiletran adierazitako kasuetan, milioi bat euroko zifra hori taldeko entitate guztiek osatzen duten multzoari aplikatuko zaio. b´) azpiletraren kasuan, onartuko da entitatearen partaidetzaren % 25 baino gehiago aurre-aurreko ekitaldian milioi bateko edo hortik beherako negozio-zifra garbia izan duten entitateek izatea, dela zuzenean dela zeharka.

2. Honakoek % 23ko zerga-tasa ordainduko dute:

a) Aseguru orokorretako mutuek, gizarte aurreikuspeneko entitateek eta Gizarte Segurantzaren lan istripuetako eta eritasun profesionaletako mutuek, beren araudiak ezarritako beharkizunak betetzen badituzte.

b) Elkarrekiko berme sozietateak eta birfinkapeneko sozietateak, 1/1994 Legeak, martxoaren 11koak, Elkarrekiko Berme Sozietateen Araubide Juridikoari buruzkoak araupetzen dituenak, Espainiako Bankuaren erregistro berezian inskribatuta dauden horiek.

c) Lanbide-elkargoek, enpresaburuen elkarteek, ganbera ofizialek eta langileen sindikatuek.

d) Irabazi-asmorik gabeko entitate eta erakundeak, legezko ordezkaritza karguetan aritzen direnek kobratzen ez badute eta dagokion organoaren aurrean erantzun behar baldin badute, entitate horiek ez baitituzte betetzen Fundazioen eta Babes Jardueren Tributu Araubidea erregulatzen duen uztailaren 2ko 10/1996 Foru Legean ezarritako tributu araubideaz baliatzeko baldintzak.

e) Enplegua sustatzeko funtsek, Birmoldaketa eta Berrindustrializazioari buruzko uztailaren 26ko 27/1984 Legearen 22. artikuluaren babesean sortutakoek.

f) Kooperatiben batasun, federazio eta konfederazioek.

g) Kredituko sozietate kooperatiboek eta Rural Kutxek.

3. Ondoko hauek % 17ko zerga ordainduko dute:

a) Fiskalki babestuak dauden sozietate kooperatiboek, kooperatibatik kanpoko emaitzei dagokienez izan ezik, emaitza horiei artikulu honetako 1. idatz-zatian aipatutakoaren arabera dagokien tasa orokorra aplikatuko baitzaie.

b) Martxoaren 24ko 4/1997 Legeak araututako lan-sozietateek, baldin eta lortzen dituzten mozkinen % 25 sartzen badute gutxienez ere Erreserbako Funts Berezira, salbu sozietatearen jarduera berariazkoei atxikirik ez dauden ondare-elementuetatik ateratzen diren errentei dagokienez, horiei artikulu honetako 1. idatz-zatian aipatutakoaren arabera dagokien tasa orokorra aplikatuko baitzaie.

Hala behar izanez gero, kontabilitateko emaitza negatiboa denean eta likidazio-oinarria positiboa, % 17ko zerga-tasa aplikatuko da.

4. Honakoek % 10eko tasa ordainduko dute: Fundazioen eta Babes Jardueren Tributu Araubidea erregulatzen duen uztailaren 2ko 10/996 Foru Legean ezarritako araubide fiskala edukitzeko beharkizunak betetzen dituzten entitateek.

5. Honakoek % 1eko zerga-tasa ordainduko dute:

a) Kapital aIdakorreko inbertsio-sozietateek, Inbertsio Kolektiboko Instituzioei buruzko azaroaren 4ko 35/2003 Legeak arautzen baititu, baldin eta eskatutako akziodunen kopurua, gutxienez ere, aipatutako foru legearen 9. artikuluko laugarren idatz-zatian ezarritakoa bada.

b) Aipatutako legean ezarritako finantza izaerako inbertsio-funtsek, baldin eta eskatutako partaideen kopurua, gutxienez ere, aipatutako foru legearen 5. artikuluko laugarren idatz-zatian ezarritakoa bada.

c) Lege horretan araututako higiezinen inbertsiorako sozietateak eta higiezinen inbertsiorako funtsak, hurrengo d) letran aipatzen direnak ez bezalakoak direnak, betiere eskatzen den akziodunen edo partaideen kopurua, gutxienez, foru lege horren 5. eta 9. artikuluetako laugarren idatz-zatian aurreikusitakoa baldin bada, eta inbertsio kolektiboko erakunde ez-finantzarioak izanik, haien helburu esklusiboa edonolako hiri ondasun higiezinetan inbertitzea baldin bada, gero errentan emateko.

Idatz-zati honetan aurreikusitako karga-tasa aplikatzeko beharrezkoa izanen da aurreko lerrokadan aipatutako inbertsio kolektiboko erakundeen aktiboa osatzen duten ondasun higiezinak ez besterentzea eskuratzen direnetik gutxienez hiru urte igaro arte, non eta Balore Merkatuaren Batzorde Nazionalak, salbuespen gisa, berariazko baimena ematen ez duen.

Ondasun higiezin horiek c) letra honetan aipatzen den gutxieneko epea bukatu baino lehen eskualdatuz gero, eskualdaketa horren ondoriozko errentagatik zergako karga tasa orokorra pagatu beharko da. Gainera, entitateak, ondasuna eskualdatzen den zergaldiko kuotarekin batera, beste zenbateko bat ere ordaindu beharko du, hots, c) letran aurreikusitako araubidea aplikatu behar zen zergaldi bakoitzean higiezinari dagozkion errentei honako hau aplikatzearen ondoriozkoa: kasuan kasuko zergaldian indarra zuen karga-tasa orokorraren eta % 1eko tasaren arteko diferentzia, deusetan galarazi gabe bidezko diren berandutza interesak, gainkarguak eta zehapenak.

c) letra honetan ezarritakoa aplikatuko da, bakar-bakarrik, sozietatearen estatutuetan dibidenduak ez banatzea ezarrita badago.

d) Ondasun higiezinetako inbertsio-sozietateek eta ondasun higiezinetako inbertsio-funtsek (azaroaren 4ko 35/2003 Legean arautzen direnak), c) letran aipatzen diren betebeharrez gain, bakar-bakarrik errentan jartzeko etxebizitzak sustatzen badituzte eta baldintza hauek betetzen badituzte:

Lehena. Ondasun higiezinetako inbertsioek, ondasun higiezinak sustatzeko jarduerari lotuak badaude, ezin gaindituko dute ondasun higiezinetako inbertsio-sozietate edo -funtsaren aktibo osoaren % 20.

Bigarrena. Ondasun higiezinak sustatu eta errentan jartzeko jardueran kontabilitate bereizia eginen da eskuratu edo sustaturiko ondasun higiezin bakoitzeko. Beharrezkoa den xehaketa eginen da, hura zatiturik dagoeneko etxebizitza, lokal edo erregistroko finka bakoitzari dagokion errenta ezagutzeko, c) letran aurreikusiriko portzentajeari dagokionez aktibo osoko inbertsioak kontatu beharra deusetan galarazi gabe.

Hirugarrena. Ondasun higiezinetako inbertsio sozietate edo funtsek sustapenaren ondoriozko ondasun higiezinak errentan emanda edo eskainita eduki beharko dituzte zazpi urtez gutxienez. Epe hori eraikuntza bukatzen den egunetik aurrera kontatuko da. Ondorio horietarako, higiezinaren eraikuntzaren bukaera egiaztatuko da obrako azken ziurtagiriaren bidez, Eraikuntzaren Antolaketari buruzko azaroaren 5eko 38/1999 Legearen 6. artikuluan xedatu bezala.

Ondasun higiezin horiek d) letra honetan edo aurreko c) letran aipatzen den gutxieneko epea bukatu baino lehen eskualdatuz gero, eskualdaketa horren ondoriozko errentagatik zergako karga tasa orokorra pagatu beharko da. Gainera, entitatea beharturik egonen da ondasuna eskualdatu zueneko zergaldiko kuotarekin batera honakoa ordaintzera: d) letra honetan aipatzen den araubidea aplikatzekoa zeneko aurreko zergaldi bakoitzean ondasun higiezinaren errentei zergaldi bakoitzean indarra zuen karga-tasa orokorraren eta % 1eko tasaren arteko aldea aplikatzetik ateratzen diren kopuruak, deusetan galarazi gabe berandutza korrituak, errekarguak eta bidezko diren zehapenak.

Ondasun higiezinetan inbertitzeko sozietate eta funtsek, etxebizitzak errentan emateko etxebizitzak sustatuz gero, jakinarazi egin beharko diote Zerga Administrazioari, jarduera hori hasten den zergaldian.

e) Hipoteka merkatua arautzeko funtsa, Hipoteka Merkatua arautzeari buruzko martxoaren 25eko 2/1981 Legearen 25. artikuluan ezarria.

6. Ekainaren 8ko 8/1987 Legeak arautzen dituen pentsio-funtsek % 0ko zerga-tasa ordainduko dute.

51. artikulua. Kuota osoa eta gutxieneko tributazioa.

1. Likidazio-oinarriari karga-tasa aplikatzetik ateratzen den zenbatekoa hartuko da kuota osotzat.

2. 50. artikuluko 1. eta 2. idatz-zatietan ezarritako karga-tasen arabera zerga ordaintzen duten subjektu pasiboen kasuan, kuota osoaren gainean hobariak eta kenkariak aplikatzetik ateratzen den zenbatekoa ezin izanen da hurrengo lerrokadetan definitzen den gutxieneko tributazioa baino txikiagoa izan; aplikazio horretatik kanpo daude ikerketa, garapen eta berrikuntza teknologikoko jarduketak egiteagatiko kenkaria, 66. artikuluan arautua, ibilgetu materialeko elementu berrietan egindako inbertsioengatiko kenkaria, 63. artikuluan arautua, eta zinema-ekoizpenetan eta ikus-entzunezko serieetan egindako inbertsioengatiko kenkaria, 70. artikuluan arautua.

Gutxieneko tributazio-kuotaren zenbatekoa zehazteko, honela jokatuko da:

Lehena. Kuotan aplikatutako hobariak eta 59. artikuluan aipatu barne zergapetze bikoitza galarazteko kenkariak karga-tasaren artean zatituta ateratzen den adina gutxituko da likidazio-oinarria, hobariak eta kenkariak ekitaldian aplikaturik.

Bigarrena. Ateratzen den zenbatekoari % 10eko portzentajea aplikatuko zaio.

Hirugarrena. Aurreko eragiketaren emaitzari ekitaldian aplikatu diren nazioarteko zergapetze bikoitzeko kenkariak kenduko zaizkio.

% 10eko portzentaje hori % 7koa izanen da, baldin eta subjektu pasiboak zergaldian zehar gutxienez % 5 handitzen badu plantillan lan-kontratu mugagabea dutenen batez bestekoa, zergaldia hasi aurreko hamabi hilabeteekin alderatuta

.

II. KAPITULUA. Hobariak

Lehen sekzioa.

52. artikulua (indargabetua)

53. artikulua (indargabetua)

54. artikulua (indargabetua)

55. artikulua (indargabetua)

56. artikulua (indargabetua)

2. sekzioa. Bestelako hobariak

57. artikulua. (indargabetua).

58. artikulua. Hobaria, zerbitzu publiko batzuk emateagatik.

Toki Araubidearen Oinarriei buruzko apirilaren 2ko 7/1985 Legearen 25. artikuluaren 2. idatz-zatian edo 36. artikuluaren 1. zenbakiko a), b) eta c) letretan agertzen diren udal eskumeneko edo Foru Komunitateko Administrazioaren eskumeneko edozein zerbitzu publiko ematearen ondoriozko errentei dagokien kuota osoaren zatiak 100eko 99ko hobaria izanen du, enpresa mistoaren edo kapital osoa pribatua dutenen sisteman ustiatzen direnean izan ezik.

III. KAPITULUA. Ezarpen bikoitza saihesteko bideak

59. artikulua. Barne-ezarpen bikoitza saihesteko kenkaria: dibidenduak eta barne iturriko gainbalioak.

1. Subjektu pasiboaren errenten artean Espainian egoitza duten beste entitate batzuen mozkinetako dibidenduak edo partaidetzak zenbatzen direnean, mozkinetako dibidendu edo partaidetzetatik ateratako zerga-oinarriari dagokion kuota osoari 100eko 50 kenduko zaio.

Mozkinetako dibidendu edo partaidetzetatik ateratako zerga-oinarria horien zenbateko osoa izanen da.

2. Aurreko zenbakiak aipatzen duen kenkaria %100ekoa izanen da baldin eta dibidenduak edo etekinetako partaidetzak %5ean gutxienez zuzenean edo zeharka partaidetutako entitateetatik heldu badira, zuzenean edo zeharka, betiere partaidetza horren jabetza urtebetez izan bada etengabe, banatzen den etekina eska daitekeen egunaren aurretik, edo, hala izan ezean, baldin eta urtebetea bete arte behar den denboran mantentzen bada.

Kenkaria %100ekoa izanen da, halaber, aseguru orokorretako mutua, gizarte aurreikuspeneko entitate, elkarrekiko berme-sozietate eta elkarteetatik hartutako etekinei dagokienez.

Baldin eta partaidetza portzentaje hori izan bada baina, partaidetza eskualdatu gabe, izandako portzentajea gutxienez 100eko 3ra murriztu bada, entitate partaidetuak eragiketa bat egin duelako X. tituluko IX. kapituluan ezarritako zerga araubide bereziaren babesean, edo baloreak eskuratzeko eskaintza publikoen esparruko eragiketa bat, kasu horietan ere kenkari hori aplikatzekoa izanen da. Eragiketa egiten denetik hiru urteko epean banatutako dibidenduei ere aplikatuko zaie aurrekoa, baldin eta banaketari dagokion zergaldian ez bada erabat eskualdatu partaidetza, edo eskatutako 100eko 3ko gutxieneko portzentajetik behera gelditzen bada.

3. Artikulu honetan aurreikusitako kenkaria aplika dakioke banatu gabeko mozkinetik, kapitalean sartu direnak barne, zerga-oinarrian integratutako errenta positiboari dagokion zatiari, eragiketa hauetatik ateratzen denean:

a) Sozietateen likidazioa.

b) Akzioak edo partaidetza berekiak eskuratzea hura amortizatzeko.

c) Bazkideak bereiztea.

d) Likidaziorik gabeko desegintza, hurrengo eragiketetan: bategitea, erabateko zatiketa edo aktiboaren eta pasiboaren lagapen orokorra.

Era berean, entitate eskuratzaileak, artikulu honetan aurreikusitako kenkaria aplikatuko du, zenbaki honen lehen lerroaldean ezarritakoaren arabera, aurreko letretan aipatzen diren eragiketak burutzen dituen sozietateak, 33.1 artikuluak dioenari jarraikiz, zerga-oinarrian sartu behar duen errentaren gainean.

4. Artikulu honetan aurreikusitako kenkaria ez da eginen honako errentei dagokienez:

a) Kapital murrizketatik edo akzio eta partaidetzen jaulkipen-sariaren banaketatik ateratakoei dagokienez, 33.1 artikuluan xedatutakoaren arabera integratutako errentaren zatiarengatik izan ezik.

Aurreko lerroaldean aipatu eragiketekin batera dibidenduen edo mozkin-partaidetzen banaketa gertatzen denean, horiei ere ezarriko zaie kenkaria, artikulu honetan aurreikusitako arauekin bat.

b) Banaketa egin aurretik erreserbak egiteko edo galerak konpentsatzeko kapital murrizketa egin denean, edo jaulkipen-saria erreserbetara intsuldatu denean, edo bazkideek ondarea birjartzeko ekarpena egin dutenean, murrizketaren, intsuldaketaren edo ekarpenaren zenbatekoraino.

Aurreko lerroaldean ezarritakoa ez zaie aplikatuko zerga-oinarrian sartu diren banatutako errentei, baldin eta zerga-oinarri negatiboak kendu ez bazaizkie, kendu gabe uzte hori Foru Lege honetako 40. artikuluko 2. zenbakiak ezarritakotik etorri bada salbu.

b’) Dibidenduak edo mozkinetako partaidetzak ez badakar zerga-oinarrian errentarik sartzea, diru-sarrera gisa hartzerik ez dagoelako, bidezkoa izanen da kengarria aplikatzea baldin eta subjektu pasiboak frogatzen badu dibidendu edo mozkinetako partaidetza hori adinako zenbatekoa sartu dela partaidetzaren lehengo jabe ziren pertsona edo entitateen zerga-oinarrian, c) letran ezarrita dagoen bezala.

c) Dibidenduaren banaketak edo mozkinetako partaidetzak zerga-oinarrian errentarik sartzea ez dakarrenean edo banaketa horrek partaidetzaren balio-galtzearen ondoriozko galera ekarri duenean, zerga-ondorioetarako. Kasu honetan partaidetzaren balioaren lehengoratzea ez da zerga-oinarrian sartuko.

Aurreko paragrafoan xedatzen dena ez da aplikatuko kasu hauetan:

a') Subjektu pasiboak frogatzen badu partaidetzaren balio-galtzearen ondoriozko galeraren pareko zenbateko bat Sozietateen gaineko Zergaren zerga-oinarrian sartu dela, Zerga honen 50. artikuluko 1. eta 2. idatz-zatietan adierazitako karga-tasen baten arabera, partaidetzaren jabe izandako segidako entitateek eskualdaketa dela-eta lortu duten errentaren kontzeptu gisa, eta errenta horrek dibidenduen barruko ezarpen bikoitzaren ziozko kenkarirako eskubiderik izan ez duela. Kenkaria zati batez aplikatuko da letra honetan aipatzen den frogak izaera partziala duenean.

Zenbaki honetako a') letran aurreikusi den kasuan, partaidetzaren jabe ziren aurreko entitateek eskualdaketaren ondorioz lorturiko errentei balioen eskualdaketetan berriro inbertitzeko kenkaria aplikatu baldin bazaie, kenkaria dibidenduaren edo irabazietako partaidetzaren 100eko 9koa izanen da, 1. idatz-zatian xedatu dena aplikatzekoa bada, eta 100eko 18koa, 2. idatz-zatian xedatutakoa aplikatu behar bada.

b') Subjektu pasiboak frogatzen badu partaidetzaren balio-galtzearen ondoriozko galeraren pareko zenbateko bat Pertsona Fisikoen Errentaren gaineko Zergaren zerga-oinarrian sartu dela, partaidetzaren jabe izandako segidako pertsona fisikoek eskualdaketa dela- lortu duten errentaren kontzeptu gisa. Kenkaria zati batez aplikatuko da letra honetan aipatzen den frogak izaera partziala duenean.

Zenbaki honetako b') letran aurreikusi den kasuan, kenkaria hauxe izanen da: dibidenduari edo irabazietako partaidetzari Pertsona Fisikoen Errentaren gaineko Zergan erabili zen karga-tasa bera aplikatzearen ondorioz ateratzen dena. Karga-tasa hori ezin izanen da zerga hartako zerga-oinarriaren aurrezpenaren zati berezian sartzen diren ondare gehikuntzei dagokiena baino handiagoa izan, 2007ko urtarrilaren 1etik aurrera egiten diren eskualdaketetan.

d) Hipoteka-merkatuaren Erregulazio-fondo publikoak banatutakoak.

e) Dibidenduak eta mozkinetako partaidetzak, horiek egin baino bi hilabeteko lehenagoko epearen barrenean eskuraturiko akzio edo partaidetzei badagozkie, eta data horren ondoren, epe beraren barruan, balore homogenoak eskualdatzen badira.

5. Subjektu pasiboaren zerga-oinarriko errenten artean, Espainiako lurraldean egoiliar izan eta zerga-ordainketa karga-tasa orokorrean egiten duten entitateen kapitalaren edo funts berekien izeneko baloreen eskualdaketatik etorri direnak zenbatzen direnean, kuota osotik kenduko da parte hartutako entitateak eskualdatutako partaidetza eduki duen bitartean sortu diren eta kenkarirako eskubidea duten mozkin banatugabeen gehikuntza garbiari, sozietate-kapitalari gaineratuak barne, bidezko karga-tasa aplikatzearen ondoriozko emaitza, baldin eta honako eskakizunak betetzen badira:

a) Eskualdaketa egin aurretik partaidetzaren portzentajea, zuzena edo zeharkakoa, 100eko 5 edo gehiago izatea.

b) Portzentaje hori etengabean eduki izana partaidetza eskualdatu den egunaren aurreko urtean.

Partaidetzaren eskurapenaren data dela-eta, partaidetzaren eskurapenaren datan mozkin banatugabeen zenbatekoa zehazterik ez badago, eskurapenaren balioa funts berekiei dagokiela ulertuko da.

Idatz-zati honetan aurreikusten dena aplikagarri izanen zaie, berebat, foru lege honetako 50. artikuluko 2. idatz-zatiko b) letran aipatzen diren entitateen kapitalaren izeneko baloreen eskualdaketei; ondorio hauetarako 2. idatz-zatian ezarritako karga-tasa aplikatu behar da.

Idatz-zati honetan ezarritako kenkaria ez zaio aplikatuko parte hartutako entitatearen zerga-oinarrian likidazio-oinarri negatiboekin egindako murrizketa dela-eta sartu gabeko errentei dagozkien mozkin banatugabeen gehikuntza garbiaren zatiari.

6. Nahikoa kuota osorik egon ez delako kendu ez diren zenbatekoak, hurrengo eta jarraiko zazpi urteetan bukatuko diren zergaldietako kuota osoetatik kendu ahal izanen dira.

60. artikulua. Nazioarteko ezarpen bikoitza saihesteko kenkaria: subjektu pasiboak jasan beharreko zerga 1. Subjektu pasiboaren zerga-oinarrian atzerrian lortu eta zergapetutako errentak sartzen direnean, kuota osoari hurrengo zenbateko bietatik txikiena kenduko zaio:

a) Zerga honen izaera berdina edo antzekoa duenaren kargan atzerrian ordaindutako zenbatekoa.

Salbuespena, hobaria edo beste edozein zerga-onura dela- bide ordaindu ez diren zergak ez dira kenduko.

Ezarpen bikoitza saihesteko hitzarmenaren beharra dagoenean, kenkaria ezin da hitzarmen horren arabera ordaindu beharreko zergak ezarritakotik gorakoa izan.

b) Errentok espainiar lurraldean lortuak balira, Nafarroako Ogasun Publikoari errenta horiengatik ordaindu beharko litzatekeen kuota osoaren zenbatekoa.

2. Atzerrian ordaindutako zenbatekoa, errentan sartuko da aurreko zenbakian ezarritako ondorioetarako eta, halaber, zerga-oinarriaren parte izanen da, guztiz kengarria izan ez arren.

3. Subjektu pasiboak zergaldian atzerriko zenbait errenta lortu dituenean, herrialde bakoitzekoak multzo berean sartuz eginen da kenkaria, establezimendu iraunkorretatik etorriak izan ezik, berauek bakarrean establezimenduka zenbatuko baitira.

4. Kuota osoaren askiezagatik kendu ez diren zenbatekoak, ondorengo eta segidako hamar urteetan amaitzen diren zerga-aldietan kendu ahal izanen dira.

60. bis artikulua. Finkagune iraunkorraren bidez atzerrian jasotako errenta jakin batzuen salbuespena

1. Espainiako lurraldetik kanpoko finkagune iraunkor baten bidez atzerrian lortutako errentak salbuetsirik egonen dira, ondoko baldintza hauek betetzen direnean:

a) Finkagune iraunkorraren errenta atzerrian egindako enpresa-jardueretatik etortzea, foru lege honetako 62. artikuluaren 1. zenbakiko c) letran aurreikusi bezala.

b) Finkagune iraunkorra zerga hau bezalako beste zerga baten menpe izana izatea, 62. artikuluari jarraikiz, eta erregelamenduaren arabera paradisu fiskaltzat hartutako herrialde edo eskualde batean ez egotea.

2. Aurreko zerga-aldietan finkagune iraunkorrak errenta garbi negatiboak izan baldin baditu, entitatearen zerga oinarrian sartu direnak, artikulu honetan aurreikusitako salbuespena edo foru lege honen 60. artikuluak aipatzen duen kenkaria aplikatuko zazkie errenta negatibo horien zenbatekoa gainditzen dutenetik aurrera lortutako errenta positiboei eta ez besteei.

3. Ondorio horietarako, atzerriko finkagune baten bidez aritzen den entitatetzat hartuko da, edozein titulu dela eta, bere jarduera osorik edo parte batean burutzeko instalazioak edo lantokiak Espainiako lurraldetik kanpo modu iraunkorrez dituena. Zehazki, finkagune iraunkorrak izanen dira Hitzarmen Ekonomikoaren 14. artikuluan aipatzen direnak. Finkagune iraunkorra dagoen herrialdearekin Espainiak nazioarteko zergapetze bikoitza saihesteko hitzarmena baldin badu izenpeturik eta hitzarmen hori aplikatzekoa baldin bada, horren menpean egonen da.

4. Subjektu pasiboari edo atzerrian lortutako errentei dagokienez, 62. artikuluko 3. zenbakian aurreikusitako goitibeherak gertatzen direnean, ez da artikulu honetan ezarririko araubidea aplikatuko. Espainiako lurraldearen kanpoko finkagune guztiak baliatuko dira zenbaki horretako c) letran aipatu aukeraz, nahiz eta herrialde baten lurraldean bat baino gehiago izan.

61. artikulua. Nazioarteko ezarpen bikoitza saihesteko kenkaria: dibidenduak eta mozkinetako partaidetzak

1. Zergak ordaintzeko behar pertsonalik egonez gero, lurralde espainiarrean egoitza ez duen erakunde batek ordaindutako dibidenduak eta mozkinetako partaidetzak zerga-oinarrian zenbatzen direnean, dibidenduak ordaintzeko diren mozkinei buruz azken honek benetan ordaindutako zergari dibidendu horiei dagokien munta gutxituko zaio, baldin eta munta hori subjektu pasiboaren zerga-oinarriaren barruan sartzen bada.

Kenkari hau aplikatzeko derrigorrezkoa izanen da egoiliarra ez den entitatearen kapitaleko zuzeneko zein zeharkako partaidetza, gutxienez, 100eko 5ekoa izatea, eta hura, banatuko den mozkina eska daitekeen egunaren aurreko urtean zehar geldiarazi gabe edukia izatea, edo, hori izan ezik, urtebete egiteko behar den denboran irautea.

Erreserbak banatzerakoan erreserba horiei ordaindutako azken kopuruak aplikatutzat joko dira.

2. Egiaz ordaindutako zergatzat hartuko dira, orobat, dibidendua banatzen duen sozietateak zuzenean ordezkatzen dituen entitateek ordainduak eta, orobat, haiek zuzenean ordezkatzen dituztenek ordainduak, eta horrela hurrenez hurren, dibidenduak ordaintzeko bide eman zuten etekinei egozten ahal zaien zatian, betiere partaidetza 100eko 5etik beherakoa ez bada eta 1. zenbakian partaidetzaren iraunaldiari dagokionez ezarritako baldintza betetzen badute.

3. Kenkari hau, eta honekin batera dibidenduengatik edo mozkinetako partaidetzengatik nazioarteko ezarpen bikoitzerako ezarritakoa, aurreko artikuluan xedatutakoaren arabera, ez da, lurralde espainiarrean lortu izanez gero errenta hauengatik ordaindu behar izanen litzatekeen kuota osoa baino handiagoa izaten ahal.

Muga horren gaindikina ez da zergatik ken litekeen gastutzat joko.

4. Nahikoa kuota osorik egon ez delako kendu ez diren zenbatekoak hurrengo eta jarraiko hamar urteetan bukatuko diren zerga-aldietan kendu ahal izanen dira.

5. Dibidenduak edota mozkinetako partaidetzak eskuratzen dituen entitatearen zerga-oinarriari ez zaio mozkinen banaketatik datorren partaidetzaren balio-galtzearen ondoriozko galera sartuko, balio-galera hori agertuko den modua eta zergaldia edozein direla ere, non eta mozkin horien zenbatekoak Espainiako lurraldean tributatu ez duen, partaidetzaren edozein eskualdaketaren bidez.

Dibidenduak edo mozkinetako partaidetzak ez badakar zerga-oinarrian errentarik sartzea, diru-sarrera gisa hartzerik ez dagoelako, bidezkoa izanen da kenkaria aplikatzea baldin eta subjektu pasiboak frogatzen badu dibidendu edo mozkinetako partaidetza hori adinako zenbatekoa zergetan ordaindu duela Espainiako lurraldean partaidetzaren edozein eskualdatzeren bidez, artikulu honetan ezarrita dagoen bezala. Artikulu honetako 3. idatz-zatian aipatzen den muga kalkulatuko da dibidendua edo mozkinetako partaidetza zerga-oinarrian sartu izan balitz aterako zen kuota osoaren arabera.

62. artikulua. Atzerrian lortutako dibidendu eta errenten gaineko nazioarteko zergapetze ekonomiko bikoitza saihesteko salbuespena, errenta horiek egoitza Espainiako lurraldean ez duten entitateen funts propioen ordezkari diren baloreen eskualdaketatik heldu baldin badira.

1. Egoitza Espainiako lurraldean ez duten entitateen mozkinen dibidendu edo partaidetzak salbuetsirik egonen dira ondoko baldintza hauek betetzen direnean:

a) Egoitza kanpoan duen entitatearen kapitalean edo funtsetan duen zuzeneko edo zeharkako partaidetzaren ehunekoa gutxienez 100eko 5ekoa izatea.

Partaidetza hori etenik gabe eduki beharko da banatzen den mozkina exijitzen ahal den egunaren aurreko urtean, edo, bestela, etenik gabe mantendu beharko da gero, aipatu epea osatzeko behar den denboraz. Epe hori kalkulatzeko, aintzat hartuko da partaidetza beste entitateen esku etenik gabe egon den denbora ere, baldin eta entitate horiek sozietateen talde bateko kide izateko Merkataritza Kodearen 42. artikuluan ezarritako baldintzak betetzen badituzte.

b) Partaidetzako entitatea zerga honen izaera berdina edo antzekoa duen beste zerga batez zergapeturik egona izatea, banaketak edo partaidetzako mozkinak eskuratu diren ekitaldian.

Ondorio horietarako, atzerriko zergak kontuan hartuko dira baldin eta, hein batean bada ere, partaidetzako entitateak lortutako errenta zergapetzeko xedea badute, alde batera utzita zein den zergaren helburua: errenta bera, sarrerak edo haren beste edozein adierazle.

Baldintza hori betetzen dela ulertuko da, partaidetzako entitateak bere egoitza nazioarteko zergapetze bikoitza saihesteko Espainiarekin hitzarmena (aplikagarria eta informazioa trukatzeko klausula batekin) izenpetu duen herrialde batean badu.

Artikulu honetan xedatutakoa ez da inolaz ere aplikatuko baldin eta parte hartutako entitatea erregelamenduz paradisu fiskaltzat kalifikatutako herrialde edo lurralde bateko egoiliarra denean, non eta ez duen bere egoitza Europar Batasuneko beste estatu kide batean eta subjektu pasiboak ez duen kreditatzen zio ekonomiko baliodunei erantzuten dietela entitatearen eratzeak eta jardunak eta enpresa jarduerak egiten dituela.

c) Banaketako edo partaidetzako mozkinen jatorria atzerriko enpresa jarduerak izatea.

Baldintza hori betetzat emateko, beharrezkoa izanen da ekitaldiko sarreren gutxienez 100eko 85 ondoko hauetatik etortzea:

a') Atzerrian lortuak izanik, nazioarteko gardentasun fiskalaren araubidea aplikatzearen ondorioz zerga oinarrian sartzen ahal diren errentak ez izatea. 101. artikuluan aipatzen dira errenta mota horiek. Nolanahi ere, beste entitate batzuen mozkinetan partaidetza izatetik heldu diren errentek edo baloreak edo partaidetzak eskualdatzetik heldu direnek hurrengo b') letrako baldintzak bete beharko dituzte.

Zehazki, ondorio horietarako, atzerrian lortutako errentatzat hartuko dira ondoko jarduera hauetatik heldu direnak:

-Handizkako merkataritza, partaidetzako entitateak egoitza non duen, bertan jartzen badira ondasunak erosleen eskura, edo, bestela, Espainiatik kanpoko beste edozein herrialde edo lurraldetan, betiere eragiketak partaidetzako entitateak dituen baliabide pertsonal eta materialen bitartez egiten badira.

-Zerbitzuak, partaidetzako entitateak egoitza non duen, bertan erabiltzen baldin badira, edo, bestela, Espainiatik kanpoko beste edozein herrialde edo lurraldetan, betiere partaidetzako entitateak dituen baliabide pertsonal eta materialen bitartez egiten badira.

-Kreditu- eta finantza-jarduerak, partaidetzako entitateak egoitza non duen, maileguak eta kredituak bertan bizi diren pertsonei ematen bazaizkie, edo, bestela, Espainiatik kanpoko beste edozein herrialde edo lurraldetan, betiere eragiketak partaidetzako entitateak dituen baliabide pertsonal eta materialen bitartez egiten badira.

-Aseguru eta berraseguru jarduerak, partaidetzako entitateak egoitza non duen, bertan badaude aseguratutako arriskuak, edo, bestela, Espainiatik kanpoko beste edozein herrialde edo lurraldetan, betiere jarduera horiek partaidetzako entitateak dituen baliabide pertsonal eta materialen bitartez egiten badira.

b') Egoitza kanpoan duten bestelako entitateen dibidendu edo mozkinen partaidetzak, subjektu pasiboak a) letran ezarritako ehunekoaren eta antzinakotasunaren baldintzak betetzen dituen zeharkako partaidetza duenean, eta mozkin horiek eta entitateek ere zenbaki honetako gainerako letretan aipatu baldintzak betetzen badituzte. Era berean, egoitza kanpoan duten entitateetako partaidetza eskualdatzetik heldu diren errentak ere, hurrengo zenbakiko baldintzak betetzen baldin badira.

Erreserba banaketaren kasuan artikulu hau aplikatzeko, kontuan hartuko da sozietatearen akordioan dagoen izendapena, eta horren ezean, aplikatutzat hartuko dira erreserba horiei ordaindutako azkeneko zenbatekoak.

2. Espainiako egoiliarra ez den entitate bateko partaidetza eskualdatuta lortutako errenta salbuetsia egonen da, baldin eta aurreko zenbakian ezarritako beharkizunak betetzen badira. Errentari araubide bera aplikatuko zaio baldin eta bazkidea bereizita edo entitatea desagertuta lortzen bada errenta.

Eskualdaketa gertatzen den egun berean bete beharko da aurreko zenbakiko a) letran aurreikusitako beharkizuna. Partaidetza edukitzen den zergaldi guztietan bete behar dira b) eta c) letretan aurreikusitako beharkizunak, guztiak.

Nolanahi ere, b) edo c) letretan aurreikusitako beharkizunak betetzen ez badira partaidetza edukitzen den zergaldi batean edo batzuetan, zenbaki honetan aurreikusitako salbuespena ondoko arauekin bat aplikatuko da:

Lehena. Partaidetza eduki den bitartean entitate partaidetuak sortutako mozkin banatugabeen gehikuntza garbiari dagokion errentaren zatiari dagokionez, salbuetsitzat jotzen da zati hori zeina bat datorren aurreko zenbakiko b) eta c) letretan ezarritako beharkizunak bete diren zergaldietan sortutako mozkinekin.

Bigarrena. Partaidetza eduki den bitartean entitate partaidetuak sortutako mozkin banatugabeen gehikuntza garbiari ez dagokion errentaren zatiari dagokionez, ulertuko da linealki sortu dela, salbu kontrakoa frogatzen bada, partaidetza eduki den bitartean, eta salbuetsitzat jotzen da zati hori zeina proportzioan bat datorren aurreko zenbakiko b) eta c) letretan ezarritako beharkizunak bete diren zergaldietan izandako partaidetzarekin.

Aurreko lerrokadan aurreikusitako salbuespenerako eskubidea ez duen errentaren zatia zerga-oinarrian sartuko da, eta 60. artikuluan ezarritako kenkarirako eskubidea izanen du. Nolanahi ere, aipatutako artikuluaren 1 zenbakiko a) letran ezarritakoaren ondorioetarako, hartuko den bakarra da zerga honen baliokidea edo antzekoa den kargarengatik atzerrian benetan ordaindutakoa, salbuespenerako eskubiderik ez duen errentari proportzioan dagokion zatiarengatik, hain zuzen ere aurreko zenbakiko b) edo c) letretan ezarritako beharkizunak bete ez diren zergaldiei dagokien errentari dagokion zatiarengatik, partaidetzaren eskualdaketan osotara lortutako errentari dagokionez.

X. tituluko IX. kapituluko araubide bereziko arauekin bat baloratu denean egoiliarra ez den entitateko partaidetza, zenbaki honetako d) letran ezarritako baldintzetan aplikatuko da salbuespena.

Ez da salbuespena aplikatuko baldin eta eskuratzaileak erregelamenduz paradisu fiskaltzat kalifikatutako herrialde edo lurralde batean badu egoitza.

Ondoko kasuetan, salbuespenaren aplikazioak ondoren adierazten diren berezitasunak izanen ditu:

a) Egoiliarra ez den entitateak, zuzenean edo zeharka, partaidetzak dituenean Espainiako egoiliarrak diren entitateetan, edo aktiboak dituztenean lurralde horretan, eta batzuen eta besteen arteko baturak merkatuan duen balioa handiagoa denean aktibo guztien balioaren ehuneko 15 baino.

Kasu horretan, salbuespena zati honetara mugatuko da: partaidetza eduki den bitartean entitate partaidetuak sortutako mozkin banatugabeen gehikuntza garbiari dagokion errentaren zatira, hain zuzen ere aurreko zenbakiko b) eta c) letretan ezarritako beharkizunak batera bete diren zergaldietako partaidetza edukitzeari dagokionez. Halaber, aurreko zenbakiko b) eta c) letretan ezarritako beharkizunak bete ez diren zergaldiei dagokien zatiarengatik, 60.1.b) artikuluan ezarritako ondorioetarako, kontuan hartuko den bakarra da zergaldi horietako partaidetza edukitzarekin bat datorren errentaren zatiarengatik Nafarroako Ogasun Publikoari ordaindu beharko litzaiokeen kuota osoaren zenbatekoa.

b) Zerga arloan kengarria den eskualdatutako partaidetzan balio-zuzenketaren bat egin duenean subjektu pasiboak.

Kasu horretan, balio-zuzenketa hori, betiere, subjektu pasiboaren zerga-oinarrian sartuko da.

c) Entitate ez-egoiliarreko partaidetza aldez aurretik beste entitate batek eskualdatu duenean, eta entitate horrek betetzen dituenean Merkataritza Kodearen 42. artikuluak azaldutako baldintzak subjektu pasiboarekin batera sozietate talde bereko kide izateko, errenta negatiboa izanik eta errenta hori zerga honen zerga-oinarrian sarturik.

Kasu horretan, partaidetzaren eskualdaketan lortutako errenta positiboa zerga-oinarrian sartuko da, taldeko beste entitateak lortutako errenta negatiboaren zenbatekoa arte.

Era berean, partaidetza eduki den zergaldi batean edo batzuetan ez badira aurreko zenbakiko b) edo c) letretako beharkizunak bete, zenbaki honen hirugarren eta laugarren lerrokadetan xedatutakoa aplikatuko da, kontuan izanik taldearen barnean partaidetza eduki den zergaldi guztiak, taldeko beste entitateak izandako errenta negatiboaren zenbatekoan gutxitutako errenta positiboari dagokionez.

d) Entitate ez-egoiliarreko partaidetza X. tituluko IX. kapituluko araubide bereziko arauen arabera baloratu denean, baldin eta arau horiek aplikatzeak, baita aurreko eskualdaketa batean ere, ekarri badu errentak ez sartzea zerga honen zerga-oinarrian, pertsona fisikoen errentaren gaineko zergaren zerga-oinarrian edo ez-egoiliarren errentaren gaineko zergaren zerga-oinarrian, betiere honako hauen ondoriozkoak izanik:

1) Egoitza Espainiako lurraldean duen entitate bateko partaidetzaren eskualdaketa.

2) Zergaldi batean behintzat aurreko 1. zenbakiko b) edo c) letretako beharkizunak betetzen ez dituen entitate ez-egoiliar bateko partaidetza eskualdatzea.

3) Beste ondare-elementu batzuen ekarpena, ez-diruzkoa.

Kasu horretan, salbuespena aplikatuko zaio, bakarrik, batetik entitate ez-egoiliarreko partaidetzaren eskualdaketako balioaren eta bestetik entitate eskualdatzaileak hura eskuratu zuen uneko merkatuko balio normalaren arteko diferentzia positiboari dagokion errentari. Hori dena, idatz-zati honetan ezarritako moduan. Eskualdaketan lortutako gainerako errenta baldintza berberetan sartuko da zergaldiko zerga-oinarrian.

3. Artikulu honetan aurreikusitako salbuespena ez da ondoko hauetan aplikatuko:

a) Atzerriko errentak, Espainia eta Europako interes ekonomikoko elkarteek eta aldi baterako enpresa batasunek eskuratuak.

b) Artikulu honetan aurreikusiriko zerga araubideaz baliatzeko asmo nagusiaz atzerrian diharduten entitateetatik heldu diren errentak, jatorria atzerrian dutenak. Goitik behera hori betetzen dela ulertuko da baldin eta eskumenpeko entitateak atzerrian egiten duen jarduera bera, merkatu berari buruz, Espainian aurretik beste entitate batek egin badu, entitate horrek utzi egin baldin badio jarduera hori egiteari eta bestearekin mantentzen baldin badu Merkataritza Kodearen 42. artikuluan aipatutako loturetako bat, ekonomiaren aldetik balioa duen beste arrazoiren bat frogatzen denean izan ezik."

c) Entitateak bere zerga oinarrian sartzen dituen errentak, jatorria atzerrian dutenak, horiei dagokienez, eta bidezkoa baldin bada, foru lege honetako 60 edo 61. artikuluetan ezarritako kenkaria aplikatzea aukeratzen duenean.

4. Nolanahi ere, jatorria atzerrian duten dibidenduei salbuespena aplikatu baldin bazaie, ezin izanen da zerga oinarrian sartu partaidetzaren balio-galera, agerian gelditzen den modua eta zerga-aldia zein den ere, dibidendu horien zenbatekoa muga izanik.

Era berean, subjektu pasiboarekin sozietate talde bereko kide izateko Merkataritza Kodearen 42. artikuluan ezarritako baldintzak betetzen dituen entitate batek aurretik eskualdaturik dagoen eta egoitza kanpoan duen entitate baten partaidetza eskualdatzean errenta negatiboa lortuz gero, errenta negatibo horri kenduko zaio aurreko eskualdaketan lortutako errenta positiboaren zenbatekoa, errenta horri salbuespena aplikatu ondotik.

IV. KAPITULUA. Kenkariak, pizgarriengatik

Lehen sekzioa. Aktibo finko materialetako eta ondasun higiezinetako inbertsioak sustatzeko kenkariak

63. artikulua. Kenkariak ibilgetu materialeko eta ondasun higiezinetako inbertsioetako elementu berrietan egindako inbertsioengatik.

Ibilgetu materialeko eta ondasun higiezinetako inbertsioetako elementu berrietan inbertsioak eginez gero, baldin eta elementu horiek (lurrak bazter utzita) entitatearen ustiapen ekonomikoaren garapenari lotuta badaude, kuota likidoari inbertsio horien zenbatekoaren 100eko 10 kentzen ahalko zaio.

Aurreko paragrafoan aurreikusitako kenkaria hartzen ahalko dute foru lege honen 17. artikuluan azaldutako finantza-errentamenduko kontratuen bidez eskuratutako ondasunek.

Kenkaria egiteko eskubidea zein unetan sortu den zehazteko nahiz kenkari horren oinarria zenbatzeko, 36. artikuluko 1. idatz-zatiko a), b) eta c) letretan ezarritako arauak aplikatuko dira.

Erosteko aukera ez baliatzeak kontratua deuseztatzeko edo iraungitzeko data urratu dela esan nahiko du, 65. artikulua aplikatzearen ondorioetarako.

64. artikulua. Beharkizunak.

Inbertsioek honako beharkizunak bete beharko dituzte:

a) Inbertsioa zein elementutan materializatuko den, haiexek agertzea balantzearen aktiboan, gainerako ondare elementuetatik bereizirik eta haiek identifikatzeko epigrafe baten azpian.

b) Inbertsioak osatzen dituzten aktiboek 43. artikuluaren 3. eta 4. zenbakian ezarritako baldintzak betetzea eta hirugarrenei ez ematea errentan edo lagapenean, 155. artikuluaren azkenurrengo lerroaldean xedatutakoa izan ezik.

c) Inbertsioa osatuko duten aktibo guztien zenbatekoa 6.000 euro baino txikiagoa ez izatea eta zenbateko horrek ekitaldi bakoitzean ondoko bi kopuru hauetako bat gainditzea:

-Ibilgetu materialean eta ondasun higiezinetako inbertsioetan, aurretik zeuden kontabilitateko balioen baturaren 100eko 10, amortizazioak kenduta. Ekitaldian egindako inbertsioen zenbatekoa 300.000 eurotik gorakoa bada, aurreko portzentaje hori 100eko 5era arte murriztuko da.

-Izaera bereko aktibo finkoaren kontabilitateko balioaren zenbateko osoaren 100eko 15, amortizazioak kenduta.

Kontabilitateko balioa zehazteko, inbertsioa eginen den ekitaldiaren aurreko zergaldiaren azkenengo egunari dagokion balantzeari begiratuko zaio, egun horretan jardunean dagoen inbertsiopeko aktibo finkoari dagokiona zenbatuko ez dela.

Izaera bereko aktibo finkotzat joko da, Kontabilitate Plan Orokorreko edo, hala denean, ofizialki onartuta dauden plan sektorialetako kontu berean sartu edo sartuko dena, hiru digitukoa berau.

Aurreko paragrafoan aurreikusita dagoenaren ondorioetarako, izaera bereko aktibo finkoen artean sartuko dira foru lege honen 17. artikuluan azaldutako finantza-errentamenduko kontratuen bidez eskuratutakoak.

65. artikulua. Ez-betetzea eta bateraezintasuna.

1. Aurreko artikuluan ezarritako baldintzak ez betetzera subjektu pasiboak berari egin zaion kenketa galduko du, eta horren ondoren entitateak Sozietateen gaineko Zergari dagokion aitorpenean aurkeztu beharko du, beharkizunen ez-betetzea gertatzen deneko likidazio aldiari dagokion aitorpenean hain zuzen ere, eta kenketa egin zeneko zergaldietan kenketa egin ez balitz legozkiokeen kuota guztien zenbatekoa ordaindu beharko du, gerorapen interesak bidezko zehapenak ezartzea deusetan galarazi gabe.

2. Kenkaria aplikatzea, ondasun eta diru kopuru beretarako, ezin baterako da zerga honetan ezartzen den beste inolako onura edo pizgarri fiskalekin, salbu eta 66. artikuluan ezartzen diren kenkariak eta 16. artikuluko 1 zenbakiko a) eta b) letrek aipatzen duten amortizazio askatasuna.

2. sekzioa. Kenkariak, zenbait jarduera pizteko

66. artikulua. Ikerketa zientifiko eta berrikuntza teknologikoko jarduerak egitearen ziozko kenkaria.

1. Ikerkuntza eta garapen jardueretan arituz gero, eskubidea izanen da kasuan kasuko zergaldian eginkizun horiengatik izandako gastuen 100eko 40ko kenkaria egiteko kuota osoan.

Aurreko paragrafoan adierazitako kenkariaz gainera, zergaldi horretan izandako gastu hauengatik 100eko 10eko kenkari gehigarria eginen da:

a) Entitatearen langileria gastuak, ikerkuntza eta garapen jardueretara arduraldi osoarekin atxikita dauden ikertzaile kualifikatuenak.

b) Espainiako edo Europar Batasuneko edo Europako Esparru Ekonomiko beste edozein estatutako unibertsitateekin, ikerkuntzarako erakunde publikoekin edo berrikuntza eta teknologia zentroekin kontratatutako ikerkuntza eta garapen proiektuetako gastuak.

2. Ikerketatzat hartuko dira ezagupen orokor zientifiko eta teknikoen bilaketa edo zabalkunde guztiak, baldin produktu, prozesu edo zerbitzu berriak sortzeko edo nabarmen hobetzeko balio badute.

Garapentzat hartzen da ikerketa edo bestelako ezagupen zientifiko baten emaitzak gauzatzea proiektu teknikoetan, produktu, prozesu edo zerbitzuentzako eskema edo diseinuetan, berriak izan nahiz aldatuak edo hobetuak, saltzekoak nahiz erabiltzekoak, horien barnean dela merkaturatzerik gabeko prototipoak sortzea. Jarduera honen barnean egonen ere da beste produktu, prozesu edo zerbitzuen formulazio kontzeptuala egitea bai eta hasierako erakustaldiak egiteko proiektuak ere, betiere baldin produktu horiek ezin bihurtu edo erabili badira aplikazio industrialetarako edo merkatuan esplotatzeko.

Ikerketa eta garapeneko jardueratzat hartzen da software aurreratua modutzea, baldin aurrerapen zientifiko eta teknologiko nabarmena ekartzen badu teorema eta algoritmo berriak garatuz edo sistema operatibo edo lengoaia berriak sortuz. Ez dira hemen sartzen softwarearen inguruan egiten diren ohiko jarduera arruntak.

Ikerketa eta garapen jardueratzat hartzen da software aurreratua sortzea, baldin eta aurrerapen teknologikoa badakar eta helburutzat badu modu sistematikoan zientziaren edo teknikaren arloan erabat ziur ez den zerbait argitzea, edo pertsona ezgaituei "informazioaren gizarteko" zerbitzuetarako sarbidea erraztea. Ez dira sartzen softwarearekin loturiko ohiko edo errutinako jarduerak.

3. Aurreko idatz-zatian sartzen ez diren berrikuntza teknologikoko jardueretan arituz gero, eskubidea izanen da kasuan kasuko zergaldian izandako gastuen 100eko 10eko kenkaria egiteko kuota osoan, idatz-zati honetan ezarritako baldintzetan.

Berritasun teknologikotzat jotzen da produktu edo produkzio prozesu berriak edo lehengoen hobekuntza teknologiko nabarmenak lortzea emaitza duen jarduera. Berritzat joko dira lehengo produktu eta prozesuen aldean mamizko ezaugarri teknologiko diferenteak ageri dituztenak. Jarduera honetan sartuko da produktu eta prozesu berriak plano, eskema edo diseinu batean gauzatzea, eta bai merkaturatzerik gabeko prototipoak eta hasierako erakustaldiak egiteko proiektuak edo proiektu pilotuak eta zenbait industriatako erakusgaiak, hala nola oihalgintza eta zapatagintzakoak, larru-zurraketagintzakoak, larrukigintzakoak, jostailugintzakoak, altzairugintzakoak eta zuraren industriako erakusgaiak, betiere baldin ezin bihurtu edo erabili badira aplikazio industrialetarako edo merkatuan esplotatzeko.

Kenkariaren oinarria finkatzeko, berrikuntza teknologikoko jardueretan kontzeptu hauetan zergaldian egindako gastuak hartuko dira:

a) Diagnostiko teknologikoko jarduerak, konponbide teknologiko aurreratuak identifikatu, zehaztu eta orientatzera bideratuak, zeinahi delarik azkeneko emaitza.

b) Diseinu industriala eta produkzio prozesuen ingeniaritza, horien barnean dela plano, marrazki eta euskarriak itxuratzea, produktu bat fabrikatu, saiatu, instalatu eta erabiltzeko eta zenbait industriatako erakusgaiak, hala nola oihalgintza eta zapatagintzakoak, larru-zurraketagintzakoak, larrukigintzakoak, jostailugintzakoak, altzairugintzakoak eta zuraren industriako erakusgaiak egiteko behar diren deskripzio elementuak, zehaztapen teknikoak eta funtzionamendu ezaugarriak definitzekoak.

c) Teknologia aurreratua eskuratzea, patente, lizentzia, "know-how" eta diseinuen bidez. Subjektu pasiboari lotutako pertsona edo entitateei ordaindutako diru-kopuruek ez dute kenkaria egiteko eskubiderik emanen. Kontzeptu honi dagokion oinarria ezin izanen da milioi bat eurotik gorakoa izan urtean.

d) Kalitatea bermatzeko arauak betetzen direla egiaztatzeko ziurtagiriak lortzea, ISO 9000, GMP edo antzekoak, baina arau horiek ezartzeko gastuak sartu gabe.

e) Ezagutzako Zerbitzu Intentsiboak hirugarrenei kontratatzea. Zerbitzu horiek definitzeko, Berrikuntza, Enpresa eta Enplegu Departamentuak lehiakortasuna hobetzeko ematen dituen dirulaguntzen esparruan Nafarroako Gobernuak berariaz onetsitako araudia hartuko da erreferentzia gisa.

4. Honakoak ez dira ikerketa eta garapen jardueratzat hartuko eta ez berrikuntza teknologikoko jardueratzat:

a) Berritasun teknologiko edo zientifiko nabarmenik ez dakarten jarduerak. Bereziki produktu edo prozesuen kalitatea, lehengo produktu edo produkzio prozesu bat hobetzeko errutinazko ahaleginak eta lehengo produktu edo produkzio prozesu bat bezero batek berariaz eskatutakoetara moldatzeko lana, aldiro edo sasoika egiten diren aldaketak, salbu eta zenbait industriatako erakusgaietan eginiko aldaketak, hala nola oihalgintza eta zapatagintzakoetan, larru-zurraketagintzakoetan, larrukigintzakoetan, jostailugintzakoetan, altzairugintzakoetan eta zuraren industriako erakusgaietan, eta, bestetik, lehengo produktuak antzeko beste batzuetatik bereizteko egiten diren itxura hutseko edo garrantzi gutxiko aldaketak.

b) Produkzio industrialeko eta zerbitzu hornidurako jarduerak, edo ondasun eta zerbitzuak banatzekoak, bereziki produkzio jardueraren plangintza; produkzioaren prestalana eta abiatzea, beraren barnean dela tresnak doitzea eta aurreko zenbakiko b) letran aipatzen direnak ez beste jarduerak; produkziorako instalazioak, makinak, ekipoak eta sistemak eranstea edo aldatzea; etendako produkzio prozesuen problema teknikoak soluzionatzea; kalitate kontrola eta produktu eta prozesuen normalizazioa; merkatu ikerketak eta merkaturatzeko sare edo instalazioak ezartzea; jarduera horien inguruan langileak trebatu eta prestatzea.

c) Gizarte zientzien gaietan bilaketa egitea eta mineral eta hidrokarburoak esploratu eta ikertzea.

5. Nolanahi ere, subjektu pasiboak ikerkuntza eta garapenerako edo berrikuntza teknologikorako egiten dituen gastuek jarduera horiekin zuzenean lotuta egon beharko dute eta benetan langintza horietan aplikatu beharko dira. Gastuak proiektuz proiektu banatuta agertu beharko dira.

Kenkariaren oinarria osatzen duten ikerkuntza eta garapenerako gastuak eta berrikuntza teknologikorako gastuak Espainian edo Europar Batasuneko edo Europako Esparru Ekonomikoko beste estatu batean egindako jarduerenak izanen dira.

Ikerkuntza eta garapenerako edo berrikuntza teknologikorako gastutzat hartuko da, orobat, subjektu pasiboak agindurik ordaindutako dirua, banaka edo beste entitate batzuekin elkarlanean, horrelako jarduerak Espainian edo Europar Batasuneko edo Europako Esparru Ekonomikoko beste estatu batean egiteko.

6. Artikulu honetako kenkaria baliatu nahi duten subjektu pasiboek, zergaren aitorpena aurkezteaz gain, aurreko idatz-zatiak aipatzen duen proiektua ere aurkeztu beharko dute eta, horrekin batera, proiektua azaltzen duen memoria bat, non xeheki jasoko baita proiektuari atxikita dauden gastuen aurrekontua, bai eta gastuok zer alditan egotziko diren ere.

Aurkeztutako proiektuari dagokion kenkaria aplikatu behar zaion aldietako bakoitzean, zehaztu eta justifikatu egin beharko da, Ekonomia, Ogasun, Industria eta Enpleguko kontseilariak erabakitako moduan, proiektuari lotuak egoteagatik kenkaria egiteko bidea ematen duten gastu kontu-sailen zenbatekoa.

Subjektu pasiboek berrikuntzaren eta teknologiaren arloko organo eskudunean aurkeztu beharko dituzte idatz-zati honetako lehenbiziko lerroaldean aipatzen diren ikerketa eta garapen eta berrikuntza jardueren proiektuak eta memoriak. Organo horrek txosten bat eginen du adieraziz ea jarduera horiek betetzen ote dituzten kenkaria aplikatzeko bidea ematen duten eskakizunak eta baldintzak.

Organoak egiten duen txosten horren aurka, non kenkariaz baliatzeko baldintzak betetzen diren edo ez ebazten baita, subjektu pasiboak alegazioak aurkeztu ahalko ditu, kontuan har daitezen kenkaria egiten den zergaldiari dagokion likidazioan.

Txostena eskatu ondoren, subjektu pasiboak bere likidazio-aitorpenean sartuko ditu ikerketa, garapen eta berrikuntza proiektuari loturik zergaldian izan dituen gastuei dagozkien kenkariak.

Txostenaren kalifikazioa negatiboa bada osorik edo hein batean, entitateak erregularizatu egin beharko du kenkaria lehenengo likidazio-aitorpenean (aurkezpen epea txostena jaso ondoren bukatzen den horretan), eta kalifikazio horren arabera oker egindako kenkariak itzuli egin beharko ditu, berandutza interesak barne

Dena den, sozietateak kenkarien aplikazioa atzeratu ahalko du lehenengo likidazio-aitorpenera bitarte (aurkezpen epea txostena jakinarazi ondoren bukatzen den horretan).

7. Halaber, kenkari hau aplikatzeko subjektu pasiboak zilegi izanen du tributu administrazioari eskatzea balorazio erabaki aurretiazkoak har daitezela ikerketa eta garapen edo berrikuntza teknologikoko gastuetarako.

8. Zilegi izanen da erregelamendu bidez zehaztea zer kasutan aplikatuko diren artikulu honetan aurreikusten diren kenkariak eta arau hauek aplikatzeko behar diren arauak ere bai, eta bereziki zer prozedura izanen den balorazio erebaki aurretiazkoak hartzeko, aurreko zenbakiak aipatzen dituenak.

66. bis artikulua. (indargabetua).

67. artikulua. (indargabetua)

68. artikulua. (indargabetua).

68. bis artikulua. (indargabetua).

69. artikulua. Biomasa-instalazio termikoetan inbertitzeagatiko kenkariak.

Kuota likidoaren % 15eko kenkaria aplikatzeko eskubidea sortuko dute entitatearen ustiatze ekonomikoaren garapenari atxikita dauden eta erregai bezala biomasa erabiltzen duten instalazio termikoetan eginiko inbertsioek.

Eragin horietarako, beharrezkoa izanen da energiaren arloko organo eskudunak egiaztapen-txosten bat eman dezala eginiko inbertsioen kopuruari buruz, non, halaber, egiaztatuko baita instalazioak zerbitzuan jarri direla kasuko araudi sektorialean ezarritakoaren arabera.

70. artikulua. Produkzio zinematografikoetan eta ikus-entzunezko serieetan egindako inbertsioengatiko kenkariak.

1. Espainiako film luze zinematografikoen eta ikus-entzunezko serieen (fikziokoak, animaziokoak edo dokumentalak) ekoizpenetan egindako inbertsioek, seriean egiteko ekoizpen industrialaren aurretik euskarri fisiko bat egitea ahalbidetzen dutenek, % 35eko kenkarirako eskubidea emanen diote ekoizleari. Kenkariaren oinarria produkzioaren guztizko kostuak osatuko du, bai eta kopiak egiteko eta publizitate gastuetarako gastuek eta ekoizlearen kargurako sustapen gastuek ere, bi kasuetan produkzio-kostuaren % 50eko mugaraino.

Kenkari-oinarriaren % 25, gutxienez, Nafarroako lurraldean egindako gastuena izanen da.

Baterako ekoizpenaren kasuan, idatz-zati honetan adierazitako zenbatekoak baterako ekoizle bakoitzak finkatuko ditu hartan daukan partaidetza-ehunekoaren arabera.

Artikulu honetan aipatzen den kenkaria obraren ekoizpena bukatzen den zergalditik aurrera eginen da. Hala eta guztiz ere, ekoizpenak hamabi hilabete baino gehiagoko epea duenean eta entitatearen zergaldi batean baino gehiagotan eragiten duenean, entitateak zilegi izanen du kenkaria aplikatzea ordainketak egiten diren neurrian eta ordainketa horien zenbatekoan, kenkaria hasteko datan kenkarietarako indarrean dagoen araudia aplikatuta.

Kenkari-oinarria gutxituko da kenkarirako eskubidea sortzen duten inbertsioak finantzatzeko jasotako diru-laguntzen zenbatekoan.

Idatz-zati honetan aurreikusitako kenkaria salbuetsita egonen da foru lege honetako 72.3 artikuluan aipatzen den mugatik. Muga hori kalkulatzearen ikuspegitik, kenkari hori ez da zenbatetsiko. Kenkari honen aplikazioan ez du eraginik izanen, ezta ere, foru lege honetako 51.3 artikuluan araututako tasak.

2. Hezkuntza, Kultura eta Kirol Ministerioko Enpresa Zinematografikoen Erregistroan izen emanda dauden ekoizleek, film luze zinematografikoen ekoizpenaz edo seriean eginiko ekoizpen industriala egin baino lehenagoko euskarri fisikoa egiteko modua ematen duten ikus-entzunezko obren ekoizpenaz arduratzen direnek, eskubidea izanen dute Nafarroako lurraldean egindako gastuen % 35eko kenkaria aplikatzeko. Kenkari hori aplikatu ahal izateko, ekoizpenean gutxienez ere astebeteko filmatzea egin beharko da Nafarroako barnealde edo kanpoaldeetan, salbu eta behar bezala justifikatutako inguruabarrengatik epea laburragoa denean, Nafarroako Foru Komunitatean ezin egiteagatik.

Kenkariaren oinarria Nafarroako lurraldean egin eta ekoizpenarekin zuzeneko lotura duten honako gastuek osatuko dute:

Lehena. Sormenaren arloko langileen gastuak, baldin eta egoitza fiskala Espainian edo Europako Esparru Ekonomikoko kidea den estaturen batean badute, 50.000 euroko mugarekin pertsona bakoitzeko.

Bigarrena. Industria teknikoak eta bestelako hornitzaile, garraio, ostatu eta mantenuak erabiltzetik heldutako gastuak, ekoizpenerako beharrezkoak direnak.

Idatz-zati honetan aurreikusitako kenkaria salbuetsita egonen da foru lege honetako 72.3. artikuluan aipatzen den mugatik. Muga hori kalkulatzearen ikuspegitik, kenkari hori ez da zenbatetsiko. Kenkari honen aplikazioan ez du eraginik izanen, ezta ere, foru lege honetako 51.3 artikuluan araututako tasak.

Idatz-zati honetan ezarritako kenkaria ez da aplikatuko zerbitzuak hartzen dituen ekoizleak artikulu honetako 1. idatz-zatian ezarritako kenkaria aplikatzen duenean.

70. bis artikulua. (indargabetua).

70. ter artikulua. (indargabetua).

70. quater artikulua. (indargabetua).

3. sekzioa. Enplegua sortzeko pizgarriak

71. artikulua. Kenkaria, enplegua sortzeagatik.

1. Zergaldian zehar lan-kontratu mugagabea duen plantillaren batez bestekoan gehikuntzarik izan baldin bada, urtean batez bestekotik gora izan den pertsona bakoitzeko 5.000 euroko kenkaria aplikatuko da kuotan. Horretarako, kontuan hartuko da zergaldiaren aurre-aurreko hamabi hilabetean kontratu mota hori zuen plantillaren batez bestekoa. Ondorio horietarako, sortu berri diren entitateen kasuan, eratu aurreko aldian zero langile izan dituztela zenbatuko da.

Plantillan izan den batez bestekoaren gehikuntza kalkulatzeko, bakar-bakarrik zenbatuko da zenbat pertsona dauden urtean lan-kontratu mugagabearekin. Lanaldi partzialeko kontratua duten langileen kasuan, benetan lan egindako orduen araberako proportzioan kontatuko dira.

Kenkariak, guztira, ez du gaindituko zergaldi horretan entitatearen plantilla osoaren batez bestekoan urtean gehitutako pertsona kopuruari legokiokeena, edozein izanik kontratazio modua.

2. Aurreko zergaldiko plantilla osoaren batez bestekoa mantenduz, plantillan lan-kontratu mugagabea dutenen batez bestekoa handitzen bada eta gehikuntza hori entitatearen plantilla osoaren batez bestekoaren gehikuntza baino handiagoa bada, pertsona eta urte bakoitzeko 2.000 euroko kenkaria aplikatuko da bi gehikuntza horien arteko diferentziagatik.

Aurreko zergaldiko plantilla osoaren batez bestekoa murriztuz, plantillan lan-kontratu mugagabea dutenen batez bestekoa handitzen bada, aurreko lerrokadan aipatu kenkaria eginen da aipatu den gehikuntzaren eta plantilla osoaren batez besteko murrizketaren arteko diferentzia positiboaren gainean.

3. Aurreko 1. eta 2. idatz-zatietan aurreikusitako kenkariak 6.800 eta 3.200 eurokoak izanen dira, hurrenez hurren, urtean kontratatzen den langile minusbaliatu bakoitzeko, Minusbaliatuak Gizarteratzeari buruzko apirilaren 7ko 13/1982 Legearen 39. artikuluan xedatutakoarekin bat, bereizirik kalkulatuta, eta aurreko idatz-zatietan ezarritako prozedurak erabiliz.

4. Sozietate berriak sortzeko sozietate eta enpresa indibidualak bategiteak, zatitzeak edo eraldatzeak, eta oro har, enpresen ondorengotza edo jarraipenen kasuan, ez du berez enplegua sortzeagatiko kenkaria aplikatzeko biderik emanen.

5. Entitatea Merkataritza Kodearen 42. artikuluan aipatutako sozietate talde bateko kide denean, kenkariaren oinarria finkatzeko kontuan hartuko da talde osoaren egoera.

Irizpide hori bera aplikatuko da baldin eta pertsona fisiko bat, bera bakarra edo ahaide dituen beste pertsona fisiko batzuekin elkar hartuta (ahaideak lerro zuzenekoak nahiz aldamenekoak izan, odol bidezkoak nahiz ezkontza bidezkoak, bigarren graduraino, bigarrena barne), kide dituen beste entitate batzuekiko Merkataritza Kodearen 42. artikuluak aipatzen dituen kasuetako batean gertatzen bada.

6. Aurreko zenbakietako kenkariak bateraezinak dira elkarren artean.

Aurreko 1. eta 2. zenbakietan ezarritakoarekin bat egoki diren kenkariak izateko, beharrezkoa izanen da kenkaria sortzen duen zergaldiko plantilla osoaren batez bestekoa txikiagoa izatea kenkaria sortu zuen zergaldia bukatu eta ondo-ondoko hamabi hilabeteko batez bestekoa baino, edo horren berdina.

Kenkaria sortu duen zergaldiko plantillaren batez besteko osoa handiagoa baldin bada zergaldi horren ondoko hamabi hilabeteko plantillaren batez bestekoa baino, subjektu pasiboak dagokion kenkaria galduko du, hau da, konparaturik batetik sortu duen kenkaria eta bestetik geroko hamabi hilabete horien plantilla osoaren batez bestekoaren arabera aterako litzatekeen kenkaria, diferentzia horri dagokion zenbatekoa galduko du.

Aurreko lerrokadan xedatutakoaren ondorioetarako, kenkaria aplikatu baldin bada plantillaren batez besteko osoa mantendu beharreko hamabi hilabeteko aldia bukatu baino lehen, hamabi hilabete horiei dagokien aitorpenean ordaindu behar da desegoki aplikatutako zenbatekoa, dagozkion berandutza interesekin batera.

7. Hitzarmen kolektiboaren bidez lanaldiaren 100eko 10eko murrizpena, gutxienez, eta plantilla osoaren zein mugarik gabeko lan kontratupeko plantillaren 100eko 10eko gehikuntza, gutxienez, onartzen duten enpresek, ondorengo bost urteetan esandakoa betetzeko konpromisoarekin, ondorengo zerga-onura hauek edukitzeko eskubidea izanen dute:

1. Daukaten ibilgetu materialarentzako zein ondasun higiezinetan egindako inbertsioentzako (lotuak, lehendik daudenak zein erosi berriak) amortizazio-askatasuna.

2. 63. artikuluak aipatzen duen kenkariaren portzentajea 100eko 25era igotzea.

3. Artikulu honetako 1. eta 3. idatz-zatiek aipatzen duten kenkaria 100eko 25 igotzea. Enplegu-gehikuntza neurtzeko erabiliko den erreferentziako plantilla lanaldiaren murrizpena eta lana banatzea onartu dituen hitzarmena indarrean sartu baino lehenagoko urtekoa izanen da.

4. Zerga-onura hauek lortu nahi dituzten entitateek ezarpen-plan bat aurkeztu beharko diote zerga administrazioari, inbertsio programa eta enplegua sortzea bilduko dituena, lanaldia nola berrantolatuko den eta lana nola banatuko den adierazten duen proiektu teknikoarekin batera. Zenbaki honetan ezarritako zerga hobariak aurreko 3. idatz-zatian aipatu den hitzarmena indarrean jartzen den urtean hasten diren zergaldietan eta hurrengo lau urteetan aplikatuko dira. Sortu berriak diren entitateek ezin izanen dituzte lortu zenbaki honetan arautu diren hobariak.

4. sekzioa. Arau amankomunak

72. artikulua. Kapitulu honetan aurreikusitako kenkariei buruzko arau komunak.

1. 63., 64., 65., 69. eta 70. artikuluek aipatzen duten kenkaria aplikatzeko eskubidea noiz sortzen den zehazteko, 42.2 artikuluaren bigarren lerrokadan xedatutakoa aplikatzen ahalko da, hala badagokio.

2. Kapitulu honek aipatzen dituen kenkarien oinarria kalkulatzeko, 42.3 artikuluan xedatutakoa aplikatzen ahalko da, hala badagokio.

Inbertsioari edo jarduerari lotutako diru-laguntza bat ematen bada kenkaria aplikatzeko zergaldiaren ondoko zergaldi batean, subjektu pasiboak zergaldi horri dagokionez egin behar duen aitorpenean sartuko du kenkariaren oinarria murriztearen ondorioz soberan kendutako kuotaren zenbatekoa.

3. Kapitulu honetan aurreikusitako kenkariek ezin izanen dute osotara gainditu kuota likidoaren % 25, zeina ateratzen baita kuota osoa murriztetik hobariekin eta barneko nahiz nazioarteko ezarpen bikoitza saihesteko kenkariekin. Muga horretatik salbuetsita egonen dira 66. eta 70. artikuluetan araututako kenkariak, eta 63. artikulukoak, jarduera hasi arte; kasu horietan, kenkariek kuota likido osoa hartzen ahalko dute.

Ondare-elementuetan egindako inbertsioa egiten denean hurrenez hurren eta modu berezituan funtzionamenduan sartzen diren zenbait fase edo etapatan -elementu horiek globalki unitate bat osatuta ere-, ulertuko da jarduera-hasiera bakoitza gertatu dela fase bakoitza funtzionamenduan sartzearekin, eta fase bakoitzaren hasiera baino lehenagoko inbertsioei ez zaie aplikatuko aurreko lerrokadan araututako muga.

Kuota aski ez izateagatik kentzen ez diren kopuruak aplikatu ahalko dira, muga bera errespetatuz, hurrengo hamabost urteetan amaitzen diren zergaldietako likidazioetan. Ondorio horietarako, subjektu pasiboak frogatu beharko du, dagokion moduan, kontabilitatea eta behar diren dokumentuak erakutsiz, kenkarien jatorria eta zenbatekoa, sortu direneko zergaldia edozein dela ere.

Kapitulu honetan aurreikusitako kenkariak aplikatzeko epeen zenbaketa emaitza positiboak lortzen diren lehenengo zergaldira arte geroratu ahalko da, kasu hauetan:

a) Entitate sortu berrietan.

b) Aurreko zergaldietako galerak baliabide berriak benetan jarriz onbideratzen dituzten entitateetan, halakotzat hartzen ez delarik erreserben aplikazioa edo kapitalizazioa.

4. Inbertsio edo gastu batek ezin izanen du kenkaria entitate batean baino gehiagotan aplikatzeko biderik eman.

5. Kenkariez baliatzeko, ibilgetuaren barnean kontabilizatu beharko dira egiten diren inbertsioak, gaineko ondare-elementuetatik bereizita eta haien identifikaziorako bidea emanen duen epigrafe baten pean. Halaber, subjektu pasiboaren ondarean bost urtez gutxienez egon beharko dute, edo haren balio-bizitzan, laburragoa balitz, gastu arrunt gisa hartzen diren kontzeptuen kasuan izan ezik.

6. Kenkarien aplikazioa ordena honen arabera egin beharko da:

Hobariak eta barneko nahiz nazioarteko ezarpen bikoitzagatiko kenkariak gauzatu ondotik, lehenbizi aurreko zergaldietan sortutako kenkariak aplikatuko dira, foru lege honetan ezarritako mugak errespetatuz.

Ondotik, aurreko 3. idatz-zatian ezarritako muga aplika dakiekeen kenkariak, ekitaldikoak, aplikatuko dira; betiere, aurreko lerrokadako kenkarien eta lerrokada honetakoen artean osotara % 25eko muga gainditzen ez den bitartean.

Horren ondoren, kuota likidoaren gainean mugarik gabe aplikatzen diren kenkariak, foru lege honetan aurreikusiak, gauzatuko dira.

7. Kenkariok subjektu pasiboak bere borondatez eginiko aitorpenetik ateratako kuotari aplikatuko zaizkio, bai eta Administrazioak gauzatutako tributu erregularizaziotik ateratzen den kuotari ere.

V. KAPITULUA. Zatikako ordainketa

73. artikulua. Zatikako ordainketa.

1. Urte bakoitzeko urriaren lehenbiziko hogei egun naturaletan, Sozietateen gaineko Zergaren subjektu pasiboek aldez aurreko ordainketa bat eginen dute, ekitaldi horri dagokion likidazioaren kontura, ondoko bi modalitateetako bat aplikatuz:

Lehena.-Azken zergaldi bukatuari, hau da, Zerga aitorpena aurkezteko epea aurreko lerroaldean aipatu hogei egunetarik lehenbizikoan akitu zaion zergaldiari, dagokion kuota efektiboaren gainean 100eko 30 aplikatzetik ateratzen dena. Ondorio horietarako kuota efektibotzat hartuko da zergaldi horretan subjektu pasiboari eginiko kenkari, hobari, atxikipen eta konturako sarreren zenbatekoan kuota osoa murriztetik ateratzen dena.

Aurreko lerroaldean aipatzen den zergaldi bukatuak urtebete baino gutxiago irauten badu, aurreko ekitaldiari edo ekitaldiei dagozkien kuota ere hartuko da, propozionalki, harik eta hamabi hilabeteko aldia osatu arte.

Bigarrena.-Urte natural bakoitzaren lehen bederatzi hilabeteko aldiaren zerga-oinarriari, hain zuzen ere Foru Lege honen arauek ezarritakoari, 100eko 20 aplikatzetik ateratzen dena.

Subjektu pasiboek, beren zergaldia parean ez badator urte naturalarekin, konturako ordainketa eginen dute irailaren 30ren aurreko 9 hilabete naturalei dago(z)kien zerga-oinarria(k).

Ateratzen den zenbatekotik kendu eginen dira, hala behar denean, aldi horretan subjektu pasiboari kontura egin zaizkion atxikipenak eta dirusarrerak.

Modalitate horietako lehena besterik gabe aplikatuko da, non ez duten subjektu pasiboek bigarrena hautatzen, beti ere Ekonomi eta Ogasun Departamentuan espresuki adierazten badute horretarako onetsitako eredua erabiliz, zeina aurkeztu beharko baita konturako zatikako ordainketa egiteko arauzko epearen barrenean.

Kontura egiten den zatikako ordainketa Sozietateen gaineko Zergaren zortzat hartuko da, dagozkion zehapen eta errekarguak aplikatzeko eta gerorapen interesak likidatzeko aitorpenik egin ez, dirusarrera egin ez edo ordainketa berandu egiten den kasuetarako.

Kontura egiten den ordainketaren zenbatekoa gehitu eginen zaie subjektu pasiboak efektiboki jasandako atxikipenei, ekitaldi horren azken kuota kalkulatzearren.

2. Ekonomia eta Ogasun kontseilariak ahalmena du foru agindu baten bidez ezarriko den diru-zenbatekotik behera ordaindu behar duten subjektu pasiboak ordainketa zatikatua egin behar izatetik salbuesteko.

Ekonomia eta Ogasun Departamentuak ordainketa zatikatua egiteko autolikidazioaren proposamena igortzen ahalko die subjektu pasiboei, departamentu horretako kontseilariak ezartzen dituen baldintzekin.

Subjektu pasiboak proposamena berresten badu, horixe izanen da autolikidazioa. Zorra oso-osorik eta Ekonomia eta Ogasun kontseilariak ezartzen dituen tokietan, moduan eta epeetan ordainduz gero, proposamena berretsitzat hartuko da.

Subjektu pasiboak autolikidaziorako proposamena berresten ez badu, proposamena baliorik gabe geldituko da, baina horrek ez du adieraziko inola ere subjektu pasiboa dagokion autolikidazioa aurkeztetik eta ordainketa zatikatua aurreko zenbakian ezartzen den bezala egitetik salbuetsita dagoenik.

VI. KAPITULUA. Kenkaria, konturako ordainketei

74. artikulua. Atxikipenen, konturako diru-sarreren eta ordainketa zatikatuen kenkaria.

1. Kuota osoari hobarien eta kenkarien zenbatekoa kentzearen ondoriozko kuotan ondoko konturako ordainketa hauek kentzen ahalko dira:

a) Benetan egin diren konturako atxikipenak.

b) Konturako diru-sarrerak.

c) Ordainketa zatikatuak.

2. Konturako ordainketatzat hartuko dira eta, horrenbestez, kengarriak izanen dira jarduera ekonomikoen gaineko zergan ordaindutako udal kuotak, betiere subjektu pasiboen negozio-zifra garbia 2.000.000 eurotik beherakoa bada, zenbait zerga hein batean aldatu eta beste tributu-neurri batzuk hartzeko martxoaren 17ko 16/2003 Foru Legearen bederatzigarren xedapen gehigarrian ezarritakoaren arabera.

3. Orobat, energia elektriko berriztagarria ekoizteko Nafarroan kokatuta dauden instalazioen titular edo titularkide diren subjektu pasiboentzat, instalazio bakoitzeko potentzia instalatu izenduna 100 kW-etik gorakoa ez bada, konturako ordainketatzat hartuko dira eta kengarriak izanen dira energia elektrikoaren ekoizpenaren balioaren gaineko zerga dela-eta Nafarroako Zerga Ogasunari ordaindutako tributu-kuotak.

Zer zergalditan ordaindu den, haietan ordaindutako tributu-kuotengatik eginen da kenkaria, zein den ere energia elektrikoaren ekoizpenaren balioaren gaineko zergaren autolikidazioari eta ordainketa zatikatuari dagokien zergaldia.

Energia elektrikoa ekoizten duten instalazioen titularkidetasunaren kasuan, titulartasun juridikoari kasu bakoitzean aplikatzen zaizkion arau edo itunen arabera eginen da kenkaria eta, haiek ez badira modu sinesgarrian agertzen, kenkaria erdibana dela ulertuko du Zerga Administrazioak.

Ekonomia, Ogasun, Industria eta Enpleguko kontseilariak foru agindu bidez arautuko ditu kenkari hau aplikatzeko behar diren xedapenak.

VII. TITULUA. ZERGAREN KUDEAKETA

I. KAPITULUA. Entitateen indizea

75. artikulua. Entitateen indizea.

1. Ekonomi eta Ogasun Departamentuan Entitateen Indizea egonen da. Horretan helbide fiskala Nafarroan duten horiek inskribatuko dira, 12. artikuluan aipatzen diren entitateak ezik.

2. Erregelamendu bidez, Entitateen Indizeko inskripzio, alta eta baja jardunbideak ezarriko dira, baita aurkeztu beharreko agiriak ere.

76. artikulua. Entitateen Indizeko baja.

1. Ekonomi eta Ogasun Departamentuak, doakienei entzun eta gero, kasu hauetan hartuko du erabakia behin behineko bajari buruz.

a) Entitatearen Nafarroako Ogasun Publikoarekiko zerga zorrak hutsezkotzat jotzen direnean, arlo hori arautzen duten xedapenekin bat.

b) Entitateak Zerga horren aitorpenena elkarren jarraiko hiru zergalditan aurkeztu ez duenean.

2. Behin-behineko bajari buruzko erabakia kasuan kasuko Erregistro Publikoari jakinaraziko zaio, horrek doakion entitatearei irekiriko orrialdean bazterreko ohar bat luza dezan. Horretan, erasota utziko da, hortik aurrera, ez dela inskripziorik egiten ahalko, hura ukitzen badu, Entitateen Indizeko alta ziurtagiria aurkeztu ezik.

3. Behin-behineko bajari buruzko erabakiak ez du doakion entitatea dagozkiokeen zerga obligazioetatik bakarretik ere salbuetsiko.

77. artikulua. Lankidetza egin beharra.

Nafarroako Erregistro Publikoetako titularrek, hilean behin, aurreko hilabetean osaketa, ezarpena, aldaketa edo iraungipena inskribatu duten entitateen zerrenda igorriko diote Ekonomi eta Ogasun Departamentuari.

II. KAPITULUA. Kontabilitate obligazioak. Borondatezko birbalorazioak

78. artikulua. Kontabilitate obligazioak. Administrazioaren eskumenak.

1. Zerga honen subjektu pasiboek beren kontabilitateaz Merkataritza Kodean aurreikusirikoaren edo beren arauetan ezarririkoaren arabera arduratu beharko dute.

X. tituluko XII. kapituluak aipagai dituen subjektu pasiboek, edonola ere, kontabilitatea eramanen dute halako moduz non identifikatzeko modua egonen den zein diru-sarrera eta gastu dagozkien salbuetsi gabeko errenta eta ustiapen ekonomikoei.

2. Zerga Administrazioak egiaztapena eta ikerketa egiten ahalko du, subjektu pasiboari dagozkion kontabilitate, liburu, gutun, agiri eta ziurtagiriak aztertuz, kontabilitate programak eta artxibo eta euskarri magnetikoak barne.

Zerga Administrazioak aurreko lerroaldean aipatzen diren agiri eta gainerako osagarriak zuzenean aztertzen ahalko ditu, bere langileen bidez, egokitzat jotzen diren apunte kontableen oharrak hartzen eta haien kopia egiten ahalko dituelarik, baita euskarri magnetikoetan ere, zenbaki honetan aipatzen diren argibide edo agiri guztiei dagokienez.

3. Merkataritzako Kodearen 42. artikuluko sozietate taldeen entitate menperatzaileak beharturik egonen dira, zerga arloko ikuskaritzak egiaztatze prozeduran zehar hala eskatuz gero, egoitza Espainiako lurraldean ez duten eta taldeko kide diren entitateen galera eta irabazien kontuak eta balantzea luzatzera. Era berean, kontabilitateko dokumentazio horri dagozkion frogagiriak eta gainerako aurrekariak erakutsi beharko dituzte, zerga honi dagozkion alderdietan garrantzia izan badezakete.

79. artikulua. Borondatezko kontabilitate birbalorazioak Oroit-idazkian aipatzea.

1. Kontabilitate birbalorazioak egin dituzten subjektu pasiboek, haien zenbatekoa zerga oinarrian sartu ez bada, haien zenbatekoa aipatu beharko dute Oroit-idazkian, baita ukituriko osagaiak eta egin zireneko zergaldia edo zergaldiak ere.

Aipamen horiek birbalorizaturiko osagarriak subjektu pasiboaren ondarean dauden ekitaldiei dagozkien oroit- idazki guztietan egin beharko dira.

2. Aurreko zenbakian ezarririko betebeharra ez betetzea zerga arau-hauste arina izanen da.

Arau-hauste hori, behin bakarrik, birbalorazioaren ehuneko 5eko isunaz zehatuko da. Haren ordainketak ez du berarekin ekarriko zenbateko hori, zerga ondorioetarako, birbalorazioaren xede den ondarezko osagarriaren balorazioari gaineratzea.

III. KAPITULUA. Aitorpena-autolikidazioa

80. artikulua. Aitorpenak.

1. Zergak Nafarroako Ogasunari ordaintzen dizkioten subjektu pasiboak beharturik egonen dira Zerga honegatik aitorpena bat izenpetzera, Ekonomi eta Ogasun ezartzen duen leku eta moduan, ukitzen dituzten eta aitorpenetan agertzen diren datu guztiak beteko dituztelarik eta erregelamendu bidez ezartzen diren agiri eta ziurtagiriak aurkeztuko.

Zergaldia bukatu eta bosgarren hilabeteko 1. egunean hasiko da aitorpena aurkezteko epea, eta zergaldia bukatu eta zazpigarren hilabeteko 25. egunean bukatuko.

Zergaldi bateko aitorpena aurkezteko modua ezartzen duen arauak indarra hartu eta hogeita bost egun natural baino lehen bukatzen bada aurreko lerroaldeak adierazitako aitortzeko epea, arau hori indarrean sartu eta ondoko 25 egun naturalen barnean aurkeztuko da aitorpena.

2. 12. artikuluan aipatzen diren subjektu pasibo salbuetsiak ez dira beharturik egonen aitorpen hori aurkeztera.

3. X. tituluko XII. kapituluak aipatzen dituen subjektu pasiboak beren errenta guztiak deklaratzera behartuta egonen dira, errenta salbuetsiak nahiz salbuetsigabeak.

Edozein modutan, subjektu pasibo horiek ez dute deklaraziorik aurkeztu beharko ondoko bi baldintzak betetzen direnean:

a) Beren diru-sarrerak, urtean, ez badira 100.000 euro baino gehiagokoak.

b) Errenta salbuetsigabeei dagozkienak izan eta atxikipenik behar ez duten diru-sarrerak ez izatea, urtean, 25.000 euro baino gehiagokoak.

4. Ekonomi eta Ogasun Departamentuak aitorpenak biltzen ahalko ditu eta haiek gehitzen, baita ikusten diren akatsak zuzentzen ere, tributua likidatzeko eta egiaztatzeko beharrezkoa den horretan.

5. Hala bada, subjektu pasiboak eginiko aitorpenaren ondorioz sortzen den zorraren ordainketa, osagarria delarik ere, egiaztatzeko eta ikertzeko jarduketak hasi direla jakinarazi eta gero egiten bada, behin betiko likidazioaren zenbatekoaren gaineko konturako dirusarrera hutsa izanen da, ez duelarik eragotziko izan litezkeen zehapenak ezartzea, behin betiko kuotaren eta hura jakinarazi baino lehen ordaindurikoaren arteko aldearen gainean.

81. artikulua. Autolikidazioa eta zerga zorra ordaintzea.

1. Subjektu pasiboek, aitorpena aurkezten dutenean, beren zorra ezarri beharko dute eta Ekonomi eta Ogasun Departamentuak ezartzen duen leku eta moduan ordaindu.

2. Zerga zorra espreski eta banan-banan Kultur Intereseko Ondasuntzat jotzen diren ondasunak aurkeztuz ordaintzen ahalko da, urriaren 3ko 217/1986 Foru Dekretuan ezarririkoaren babesean, baita Kultur Intereseko Ondasunen Erregistro Orokorrean inskribaturiko ondasunak eta Espainiako Ondare Historikoari buruzko ekainaren 25eko 16/1985 Legean aipatzen den Inbentario Orokorrean sarturiko ondasunak aurkeztuz ere.

Aipaturiko ondasunen ordainketaren ordainerako ematea dela eta agerian jartzen diren errentak ez dira zerga oinarrian sartuko.

3. Foru Lege honetako 65.1 artikuluan ezarritakoa ezertan kendu gabe, zerga oinarrian edo kuota osoan edozein salbuespen edo kenkariz gozatzeko eskubideaz gozatzeko aplikatzekoa den araudian eskatzen diren baldintzak bete beharko dira.

Salbuespen edo kenkaria aplikatu ondoren, hartaz gozatzeko eskubidea galtzen denean, subjektu pasiboak, beharkizun edo baldintzen ez betetzea gertatzen den zerga-aldiko kuotarekin batera, aplikaturiko salbuespen edo kenkariari dagokion kuota osoa ordaindu beharko du, berandutza korrituez gainera.

IV. KAPITULUA.

82. artikulua. (indargabetua)

83. artikulua. (indargabetua)

84. artikulua. (indargabetua)

85. artikulua. (indargabetua)

V. KAPITULUA. Itzulketak

86. artikulua. Ofizioko itzulketa.

1. 74. artikuluan ezartzen diren konturako ordainketen batura handiagoa bada ezarritako epean aurkeztutako autolikidazioaren emaitza den kuota baino, Ekonomia eta Ogasun Departamentuak, hala behar denean, behin-behineko likidazioa eginen du aitorpena aurkezteko ezarritako epea amaitu eta sei hilabeteren barnean.

Aitorpena epez kanpo aurkeztuz gero, aurkezten den egunetik hasita kontatuko da aurreko paragrafoan ezarritako sei hilabeteko epea.

2. Txikiagoa bada autolikidazioaren emaitzako kuota edo, halakorik balitz, behin-behineko likidazioarena, benetan atxikitako kopuru, konturako sarrera eta ordainketa zatikatuen batura baino, Ekonomia eta Ogasun Departamentuaren arioz itzuliko da aipatutako kuotaren gaineko soberakina, deusetan galarazi gabe egoki diren ondorengo behin-behineko nahiz behin betiko likidazioak.

3.-Behin-behineko likidazioa artikulu honetako lehenengo zenbakian ezarritako epean ez bada gauzatu, Ekonomia eta Ogasun Departamentuaren arioz itzuliko da autolikidatutako kuotaren gaineko soberakina, deusetan galarazi gabe egoki suerta litezkeen ondorengo behin-behineko nahiz behin betiko likidazioak.

4. Artikulu honetako 1. idatz-zatian ezarritako itzulketa egiteko epea pasatu eta tributu administrazioari egotz dakizkiokeen arrazoiengatik itzulketa egiteko agindurik eman ez bada, itzuli beharreko kopuruari berandutza interesa aplikatuko zaio, Tributuei buruzko Foru Lege Orokorrari buruzko 50.2.c) artikuluak ezarritakoa, itzulketa egiteko epea amaitzen den egunetik pagamendua agintzen den egunera arte, subjektu pasiboak hala eskatu beharrik izan gabe.

5.-Artikulu honek aipatzen duen Administrazioaren ariozko itzulketa egiteko prozedura eta modua erregelamendu bidez ezarriko dira.

87. artikulua. Ikerkuntza zientifikoko eta berrikuntza teknologikoko jarduerak egiteagatiko kenkariari dagokion berariazko itzulketa.

1. 50.1.b) artikuluan xedatutakoaren arabera, enpresa txikitzat hartzen diren subjektu pasiboek 66. artikuluan ezarritako kenkariaren itzulketa eskatzen ahalko dute, hain zuzen, 2011. urtarrilaren 1etik aurrera hasitako zergaldietan sorrarazi eta kuota likido aski ez izateagatik aplikatu ezin izan zena.

2. Itzulketa egiteko, arau hauei jarraikiko zaie:

Lehena. 72. artikuluan adierazitako arauak aplikatu ondoren, kasuan kasuko zergaldian kentzeke dagoen kopurua itzuliko da. Diru-muga 100.000 eurokoa izanen da.

Bigarrena. Zergaren aitorpenean eskatuko da eta 86. artikuluan xedatutakoa aplikatuko zaio, epeei, berandutza-interesei eta, kasua bada, behin-behineko likidazioari dagokienez, ofiziozko itzulketak egiteko.

Hirugarrena. Itzulketa eskatuz gero, itzulketaren kopuruak ezin izanen dira gero kenkarietan sartu, salbu eta itzulketa ukatu baldin bada.

3. Ahalmena ematen zaio Ekonomia eta Ogasuneko kontseilariari artikulu honetan ezarritako itzulketaren berariazko ezaugarriak zehazteko.

VI. KAPITULUA

87. artikulua. (indargabetua)

VII. KAPITULUA. Kontura atxiki eta ordaindu beharreko obligazioa

88. artikulua. Konturako atxikipenak eta konturako dirusarrerak.

1. Zerga honen menpe dauden errentak ordaintzen dituzten entitateak, ondasun eta jabe erkidegoak barne, beharturik egonen dira kontura atxiki edo dirusarrerak egitera, konturako dirusarrera kontzeptuagatik, erregelamendu bidez ezartzen den diru kopurua. Banako enpresariak eta profesionariak ere, enpresari edo profesionari jardueretan jardutean ordaintzen dituzten errentei dagokienez, beharturik egonen dira kontura atxiki eta dirusarrerak egitera, baita Espainian egoitza ez duten baina bertan kokagune iraunkorra izanik diharduten pertsona fisiko, juridiko eta gainerako entitateak ere.

Konturako atxikipen eta dirusarrerak Nafarroako Ogasun Publikoari egin beharko zaizkio, erregelamendu bidez ezartzen den epean eta moduan.

2. Kontura atxiki eta ordaintzera beharturiko subjektuek, erregelamendu bidez ezartzen diren epe, modu eta lekuetan, atxikiriko kopuruen eta konturako dirusarreren aitorpena aurkeztu beharko dute. Kontura atxiki edo ordaindu beharreko errentak ordaindu badira ere, haiek egitea bidezko ez denean ere aurkeztu beharko da kasuan kasuko aitorpena.

Halaber, konturako atxikipen eta dirusarreren urteroko laburpena ere aurkeztuko du, erregelamendu bidez ezartzen den edukia izanen duena.

Ekonomi eta Ogasun Departamentuek onartuko dute aitorpena egiteko ereduak.

3. Kontura atxiki edo ordaintzera beharturiko subjektuak, erregelamendu bidez ezartzen diren baldintzetan, eginiko atxikipena edo kontura eginiko bestelako dirusarrerak frogatzen dituen ziurtagiriak luzatu beharko ditu.

4. Aurreko zenbakietan aipatzen diren konturako atxikipen edo dirusarrerak zerga zortzat joko dira, kasuan kasuko zehapen eta errekarguak ezartzerakoan, baita, aitorpenik aurkezten ez denean edo ordaintzen ez denean edo horietariko edozein betebehar berandu betetzen denean, atzerapen-korrituak likidatzerakoan ere.

5. Erregelamendu bidez, atxikipenik egin beharrik ez dagoen kasuak ezarriko dira. Partikularki, ez da atxikipenik eginen:

a) 12. artikuluan aipatzen diren entitateek eskuraturiko errentetan.

b) Likidazio oinarriaren egoztea jasan behar dituzten bazkideei dagozkien dibidendu edo mozkinetako partaidetzak, banatu dituen entitatea foru lege honen X. tituluko IV. kapituluko araubide berezian zegoeneko zerga-aldien ondoriozkoak badira. Entitate horiek Espainia eta Europako interes ekonomikoko elkarteak eta enpresen aldi baterako batasunak izanen dira.

c) Sozietate taldeen araubidean zergak ordaintzen dituen talde bat osatzen duten sozietateen artean ordainduriko dibidenduak edo mozkinetako eta korrituetako partaidetzak.

d) 59. artikuluko 2. zenbakian aipatzen diren dibidendu edo mozkinetako partaidetzak.

e) Aseguru-hartzaileak inbertsioaren arriskua bere gain hartzen duen bizitza aseguruen hornidurak inbertituta dauden aktiboen trukaketaren ondorioz lortutako errentak.

f) Loterietako eta apustuetako sariak, baldin eta, duten zenbatekoagatik, salbuetsita badaude Pertsona Fisikoen Errentaren gaineko Zergari buruzko Foru Legearen Testu Bategineko hogeita hamazazpigarren xedapen gehigarriak aipagai duen karga berezitik. Izatekotan, atxikipena eginen da zergagai den sariaren zenbateko salbuetsigabean, aipaturiko xedapenari jarraituz.

6. Epai judizial edo administratiboaren ondorioz Zerga honen konturako atxikipenari edo sarrerari loturiko errenta bat ordaindu behar denean, ordaintzaileak ordaindu behar duen zenbateko osoaren gainean eginen du atxikipen edo sarrera hori eta dirua sartu beharko du artikulu honetan ezarritakoari jarraikiz.

VIII. TITULUA.

89. artikulua. (indargabetua)

90. artikulua. (indargabetua)

91. artikulua. (indargabetua)

92. artikulua. (indargabetua)

IX. TITULUA.

93. artikulua. (indargabetua)

X. TITULUA. ZERGA ARAUBIDE BEREZIAK

I. KAPITULUA. Xedapen orokorrak

94. artikulua. Definizioa.

1. Zerga araubide bereziak Titulu honetan arautuak dira, bai ukituriko subjektu pasiboen izaeragatik, bai kasuan kasuko gertaera, egintza edo eragiketen izaeragatik.

2. Foru Lege honetako gainerako Tituluetan bilduriko xedapenak ordezko izaerarekin aplikatuko dira Titulu honetan espreski arauturik ez dagoen guztian.

II. KAPITULUA

95. artikulua. (indargabetua)

96. artikulua (indargabetua)

97. artikulua. (indargabetua)

98. artikulua. (indargabetua)

99. artikulua. (indargabetua)

III. KAPITULUA. Zerga gardeneko araubidea nazioartean

100. artikulua. Kontzeptua eta aplikatzeko baldintzak. Espainian egoitza ez duen entitate batek eskuraturiko errenta pasitiboa sartuko da subjektu pasiboaren zerga oinarrian, baldin eta errenta hori 101. artikuluan aurreikusiritako motetariko batekoa bada eta baldintza hauek betetzen badira:

a) Bakarrik edo loturiko pertsona edo entitateekin batera, 28. artikuluko zentzuan, ehuneko 50eko edo hortik goitiko partaidetza izatea, zuzenean edo zeharka, Espainian egoitza ez duen entitatearen kapitalean, fondo propioetan, emaitzetan edo bozkatzeko eskubideetan, haren ekitaldi soziala ixten den egunean.

Espainian egoitza ez duten entitate lotuek daukaten partaidetza konputatuko da, ezartzen duen zeharkako partaidetzaren zenbatekoan, Espanian egoitza duten pertsona lotuengan edo entitate lotuetan.

Sartu beharreko errenta positiboaren zenbatekoa emaitzetako partaidetzarekiko proportzionaltasunaren arabera ezarririkoa da eta, halakorik ezean, kapital, fondo propio edo bozkatzeko eskubideetako partaidetzarekiko proportzionaltasunaren arabera.

b) Espainian egoitza ez duen entitateak ordainduriko zenbatekoa, 101. artikuluan aurreikusiriko errenta motetariko baten bati egoztekoa, zerga honetako adinako edo antzeko zamagatik, haren arauei jarraiki egokiko zitzaiokeenaren ehuneko 75tik beheitikoa izatea.

101. artikulua. Zerga oinarrian sartu beharreko errenta positiboa.

1. Iturri hauetatik datorren errenta positiboa sartuko da zerga oinarrian:

a) Hiri- zein landa-ondasun higiezinen edota horiei dagozkien eskubide errealen titulartasuna, baldin eta Pertsona Fisikoen Errentaren gaineko Zergari buruzko abenduaren 30eko 22/1998 Foru Legeko 33. eta 37. artikuluetan xedatutakoarekin bat enpresa jardueraren bati lotuta ez badaude, edota horien erabilera egoiliar ez diren entitateei lagata ez badago, titularra den sozietate-multzo berekoak izanik Merkataritza Kodearen 42. artikuluaren ildotik.

b) Edozein entitatek dituen funts berekietan partaidetza izatea eta norberaren kapitalak hirugarrenei lagatzea, Pertsona Fisikoen Errentaren gaineko Zergari buruzko abenduaren 30eko 22/1998 Foru Legeko 28. eta 29. artikuluetan ezarri bezala.

Ez da letra honetan sartuko ondorengo finantza-aktiboetatik eratortzen den errenta positiboa:

a') Enpresa jardueretan aritzearen ondorioz sorrarazten diren legezko eta erregelamenduzko betebeharrak betetzeko direnak.

b’) Enpresa jarduerak garatzean ezarritako kontratu-harremanen ondorioz sortzen diren kreditu eskubideak biltzen dituztenak.

c') Baloreen merkatu ofizialetan bitartekotza jardueretan aritzearen ondorioz sortu direnak.

d') Kreditu eta aseguru entitateek beraien jardueretan aritzearen ondorioz dauzkatenak, c) letran ezarri dena ezertan galarazi gabe.

Norberaren kapitalak hirugarrenei lagatzetik eratortzen den errenta positiboa c) letran aipatuko diren kreditu- eta finantza-jarduerak burutzetik datorrela ulertuko da, lagatzailea eta lagapen-hartzailea sozietate-talde batekoak direnean Merkataritzako Kodearen 42. artikuluaren ildotik eta lagapen-hartzailearen diru-sarrerak, 100eko 85ean gutxienez, enpresa jardueretan aritzeagatik datorrenean.

Kapitulu honetan aurreikusitakoak ondorioak izan ditzan, Merkataritzako Kodearen 42. artikuluan azaltzen den sozietate-taldeak entitate taldeaniztunak eta elkartuak, merkataritzako legeetan agindu bezala, barne hartzen dituela ulertuko da."

c) Kreditu, finantza, aseguru eta zerbitzu prestazio jardueretatik, salbu eta esportazio jarduerekin zuzenean zerikusia dutenak, Espainian egoitza duten eta 28. artikuluko zentzuan loturiko pertsona edo entitateek zuzenean edo zeharka eginak, entitate egoitzadun horietan zergei dagokienez kengarri diren gastuak ezartzen dituzten neurrian.

Ez da errenta positiboa sartuko, kreditu, finantza, aseguru edo zerbitzu prestazio jardueren ondoriozko dirusarreren ehuneko 50etatik goiti, entitate egoitzagabeak eginiko esportazio jarduerekin zuzenean zerikusia dutenak salbu, 28. artikuluko zentzuan loturik ez dauden pertsona edo entitateekin eginiko eragiketen ondoriozkoak direnean.

d) Errentak sortzen badituzte, a) eta b) letretan aipatzen diren ondasun eta eskubideak eskualdatzetik.

2. Zerga oinarrian sartu beharreko errenta positiboaren zenbatekoa Foru Lege honetan eta zerga oinarria zehazteko Zerga honi buruzko gainerako xedapenetan ezarririko hatsapen eta irizpideen arabera kalkulatuko da. Guztirako errentatzat joko da irizpide eta hatsapen horiek berak aplikatzearen ondoriozko zerga oinarriaren zenbatekoa.

Ondorio horietarako, Espanian egoitza ez duen entitatearen ekitaldi soziala ixtean indarra duen truke tasa erabiliko da.

3. Espainian egoitza ez duen entitateak bere ekitaldi soziala bukatua daukaneko eguna duen zergaldian eginen da sartzea. Ondorio horietarako, ez du hamabi hilabete baino gehiagoko iraupena izaten ahalko, salbu eta subjektu pasiboak sartzea ekitaldi hartako kontuak onesten direneko eguna daukan zergaldian egitea erabakitzen duenean, baldin eta bukatu zenetik sei hilabete baino gehiago pasa ez badira.

Ondorioak izan beharko ditueneko zergaren lehenengo aitorpenean adierazi beharko da erabakia eta hiru urtez eutsi beharko zaio.

102. artikulua. Zerga oinarrian sartzen ez den errenta. Errenta hauek ez dira zerga oinarrian sartuko:

1. Aurreko artikuluko 1 zenbakiko a), b) eta d) letretan aipatzen direnak, kasu hauetan:

1goa. Entitate egoitzagabeak lorturiko errenta horiek beste entitate batzuen ondoriozkoak badira, horietan zuzenean edo zeharka, ehuneko 5 baino gehiagotan parte hartuz gero eta bibetebehar hauek betez gero:

a') Entitate egoitzagabeak partaidetzak zuzendu eta kudeatzea, gauzazko eta giza baliabideak behar bezala antolaturik.

b') Errentak lortzen direneko entitateen dirusarreren ehuneko 85, gutienez ere, enpresari jardueren ondoriozkoak izatea.

Ondorio horietarako, ulertuko da enpresari jardueren ondoriozkoak direla aurreko artikuluko 1 zenbakiko a), b) eta d) letretan aurrikusiriko errentak, haien jatorria aurreko b') letrako betebeharra betetzen duten entitateetan badatza eta entitate egoitzagabeak, zuzenean edo zeharka, gutienez ere ehuneko 5etan haietan parte hartzen badu.

2garrena. Errenten zenbatekoen batura guztirako errentaren ehuneko 15 edo entitate egoitzagabearen dirusarrera guztien ehuneko 4 baino gutxiago denean.

Aurreko lerroaldean ezarririko mugak Espainian egoitza ez duten entitate guztiek lorturiko errenta edo dirusarrerei egokitzen ahalko zaizkie, Merkataritza Kodeko 42. artikuluko zentzuko sozietate taldekoak badira.

Entitate egoitzagabearen guztirako errenta baino gehiago den kopururik ez da behin ere sartuko.

2. 101. artikuluan aipatzen diren errentak, Espainian egoitza duten entitateek zergei dagokienez kengarri ez dituzten gastuekin bat datozenean.

3. Dibidenduak edo mozkinetako partaidetzak, zerga oinarrian sartu den errenta positiboari dagokionean.

Tratamendu bera aplikatuko zaie konturako dibidenduei. Erreserba banaketaren kasuan, hitzarmen sozialeko izendapena hartuko da kontutan, ulertuko delarik erreserba horiei ordainduriko azkeneko diru kopuruak aplikaturik daudela.

Errenta positibo bera bakarrik behin sartzen ahalko da, edozein delarik haren forma eta agertzen deneko entitatea.

103. artikulua. Kuotako kenkariak.

Kontzeptu hauek izanen dira kuota osoko kengarriak:

a) Zerga honetako adinako edo antzeko zerga edo zamak, benetan ordaindu badira, zerga oinarrian sarturiko errenta positiboari dagokionean.

Benetan ordainduriko zergatzat joko dira entitate egoitzagabeak edo berak parte harturiko sozietateek ordaintzen dituztenak, baldin eta 61.2 artikuluan ezarririko partaidetza ehunekoko partaidetza badu.

b) Dibidenduak edo mozkinetako partaidetzak banatzeagatik atzerrian benetan ordainduriko zerga edo zama, bai zergak bi aldiz ordaintzea saihesteko hitzarmenaren arabera, bai kasuan kasuko estatu edo herrialdeko barneko legeriarekin bat, zerga oinarrian aurretik sarturiko errenta positiboari dagokionean.

Entitate egoitzagabearen gaineko partaidetza zeharka, beste entitate egoitzagabe bat edo batzuen bidez, egiten denean, Zerga honetako adinako edo antzeko zerga edo zama kenduko da, hark edo haiek zerga oinarrian aurretik sarturiko errenta pasitiboari dagokion partean benetan ordaindua bada.

Kenkari horiek eginen dira zergak sartzea egin zena ez beste zergaldiei dagozkien arren.

Erregelamendu bidez zerga paradisutzat jotzen diren estatu edo herrialdeetan ordainduriko zergai ez zaie behin ere kenkaririk eginen.

a) eta b) letretako kenkarien batura ez da zerga oinarrian sarturiko errenta positiboagatik Espanian ordaindu behar den kuota osoa baino gehiago izaten ahalko.

104. artikulua. Partaidetzen eskualdaketaren ondoriozko errenta.

Partaidetzen eskualdaketaren ondoriozko errenta, zuzenekoa zein zeharkakoa, kalkulatzeko, eskuratu zeneko baloreari gehituko zaio errenta positiboaren zenbatekoa, baldin eta bazkideen zerga oinarrian sartuta bazegoen, benetako banaketarik gabe, euren akzio edo partaidetzen ondoriozko errenta gisa, erosi eta eskualdatu bitarteko aldian.

Jarduera nagusitzat ondare higigarri edo higiezinen baten kudeaketa duten sozietateen kasuan, Ondarearen gaineko Zergari buruzko azaroaren 19ko 13/1992 Foru Legearen 33.1 artikuluan aurreikusitako moduan, zenbatu beharreko eskualdaketa balioa zergaren sorrarazpen egunaren aurretik itxitako azken balantzearen ondoriozko teorikoa izanen da gutxienez, behin aktiboen kontabilitate balioa Ondarearen gaineko zergaren eraginetarako izanen luketen balioaz edo merkatuan izanen luketen balioaz, hori txikiagoa izanez gero, ordeztu ondoren.

105. artikulua. Zerga paradisuetan egoitza dutenak. Parte harturiko entitateak zerga paradisutzat jotzen den estatu edo herrialde batean egoitza duenean, ulertuko da:

a) 100. artikuluko b) letran aurreikusiriko gorabehera betetzen dituela.

b) Parte harturiko entitateak lorturiko errenta 101. aipatzen diren errenta iturrietatik datorrela.

c) Parte harturiko entitateak lorturiko errenta partaidetzaren erosketa balioaren ehuneko 15ekoa dela.

Aurreko letretan aipatzen diren irizpideek kontrako frogak onartuko dituzte.

Aurreko letretan aipatzen diren irizpideak ez dira aplikatuko parte harturiko entitateak bere kontuak bateratzen dituenean, Merkataritza Kodeko 42. artikuluan aurreikusirikoarekin bat, sartzea egitera beharturiko entitateekin.

106. artikulua. Betebehar formalak.

Kapitulu honetan aurreikusia aplika dakiekeen subjektu pasiboek, zerga honen aitorpenarekin batera, Espainian egoitza ez duen entitateari buruz datu hauek aurkeztu beharko dituzte:

a) Izena edo arrazoi soziala eta helbide sozialeko tokia.

b) Administratzaileen zerrenda.

c) Gal-irabazien balantze eta kontua.

d) Zerga oinarrian sartu behar den errenta positiboaren zenbatekoa.

e) Zerga oinarrian sartu behar den errenta positiboarei buruz ordainduriko zergen justifikazioa.

106. bis artikulua. Araubide fiskalaren aplikazioa.

Kapitulu honetan ezarritakoa ez da aplikagarri izanen Espainian egoitzarik ez duten entitateek Europar Batasuneko beste estaturen batean egoitza dutenean, baldin eta subjektu pasiboak kreditatzen badu zio ekonomiko baliodunei erantzuten dietela entitatearen eratzeak eta jardunak eta enpresa jarduerak egiten dituela.

IV. KAPITULUA. Interes ekonomikoko elkarteak, bai espainiarrak bai europarrak, eta enpresen aldi baterako batasunak

107. artikulua. Espainiako interes ekonomiko elkarteak.

1. Apirilaren 29ko 12/1991 Legeak araututako interes ekonomikoko elkarteei zerga honi buruzko arau orokorrak aplikatuko zaizkie, honako zehaztapen hauekin:

a) Entitate horiek ez dute tributatuko sozietateen gaineko zergagatik, Espainian egoitza duten bazkideen likidazio oinarriaren zatiari dagokionez.

Entitateak foru lege honen 73. artikuluan araututako ordainketa zatituen bigarren modalitatea hautatzen badu, oinarriaren kalkuluan ez da sartuko kideei egozten ahal zaien likidazio oinarriaren partea. Foru Lege honen 74. artikuluak aipatzen duen parte horren gaineko itzulketa ez da inola ere bidezkoa izanen.

b) Espainiako lurraldeko egoiliarrak diren bazkideei honakoak egotziko zaizkie:

1.a. Finantza-gastu garbiak, 38. artikuluari jarraikiz, zergaldian entitate horietan kenkariaren xede izan ez direnak. Bazkideei egozten zaizkien finantza-gastu garbiak ez dira kengarriak izanen entitatearentzat.

2.a. Entitate horiek lortutako likidazio-oinarriak, positiboak nahiz negatiboak. Bazkideei egozten dizkieten likidazio-oinarri negatiboak ezin izanen dira konpentsatzekoak izan haiek lortu zituen entitatearentzat.

3.a. Entitateari kuotan aplikatzen zaizkion kenkariak eta hobariak, horretarako eskubidea izanik. Horri dagokionez, kenkarien eta hobarien oinarriak bazkideen likidazioan sartuko dira, eta kuotaren jaitsiera zerga honen edo pertsona fisikoen errentaren gaineko zergaren arauen arabera eginen da.

4.a. Entitateari dagozkion atxikipenak eta konturako diru-sarrerak.

2. Egoitza Espainian ez duten bazkideei dagozkien dibidendu eta mozkinetako partaidetzek kontzeptu horregatik tributatuko dute, ez-egoiliarren errentaren gaineko zergari buruzko Legean ezarritako arauen eta zergak bi aldiz ordaintzea saihesteko Espainiak izenpeturiko hitzarmenen arabera.

3. Zerga oinarria egozten zaien bazkideei dagozkien dibidenduek edo mozkinetako partaidetzek, entitatea araubide honen pean zegoen zerga-aldietakoak izanez gero, ez dute tributatuko zerga honen arabera, ez eta pertsona fisikoen errentaren gaineko zergaren arabera ere.

Dibidendu edo mozkinetako partaidetzen zenbatekoa ez da sartuko egozten zaizkien bazkideen partaidetzen erosketa balioan. Likidazio oinarri positiboaren egoztea jasan behar duten bazkideek egotzi eta gero partaidetzak eskuratzen dituztenean, zenbateko horretantxe gutxituko da haien eskuratze balioa.

Araubide honi loturiko entitateen kapital, funts propio edo emaitzen partaidetzen eskualdaketan, eskuraketaren balioa sozietate mozkinen zenbatekoan gehituko da, mozkinon banaketa eraginkorrik gabe, bazkideei egotzi bazaizkie eskuratzetik eskualdaketarako denboraldian euren partaidetzen errenta gisa.

4. Zerga araubide hori ez da aplikagarria izanen zerga-aldi batzuetan, hain zuzen ere, elkarteek xede ez dituzten beste jarduera batzuk egiten dituztenean edo, zuzenean edo zeharka, kide dituzten sozietateetan partaidetzak dituztenean, edo zuzenean edo zeharka, beren bazkideen edo hirugarrenen jarduerak zuzendu edo kontrolatzen dituztenean.

5. Elkarteko bazkideek beren kontabilitate erregistroetan kontu guztiz bereiztuak eduki beharko dituzte, elkargoaren xedea burutzearen ondorioz harekin dituzten harremanak erakusteko.

6. (indargabetua).

108. artikulua. Europako interes ekonomiko elkarteak.

1. Europako Erkidegoetako Kontseiluak uztailaren 25ean eman zuen 2137/1985 Erregelamenduaren bidez arauturiko Europako interes ekonomikoko elkarteei, eta haien bazkideei, aurreko artikuluan ezarritakoa aplikatzen ahalko zaie, berezitasun hauek berezitasun:

a) Ez dute sozietateen gaineko zergagatik tributatuko. Entitate horiek ez dute foru lege honen 73. artikuluan aipatutako ordainketa zatikaturik eginen, eta ez da bidezkoa izanen ere 74. artikuluko itzulketa.

b) Entitateak egoitza Espainian ez badu, Espainian egoitza duten haren bazkideek, Nafarroako Ogasun publikoan tributatuz gero, sozietateen gaineko zergaren edo pertsona fisikoen errentaren gaineko zergaren zerga oinarrian, kasuaren arabera, sartuko dute Batasunean finkatutako etekin edo galerei dagokien partea. Kasua bada, etekin edo galera horiek zuzenduko dira, zerga oinarria kalkulatzeko ezarrita dauden arauak aplikatuz.

Bazkideek batasunaren bidez egiten duten jarduerarako beharrezkoa bada atzerrian establezimendu iraunkor bat izatea, sozietateen gaineko zergan edo Espainiak nazioarteko ezarpen bikoitza saihesteko sinaturiko hitzarmenean ezarritako arauak aplikatuko dira.

c) Espainiako egoiliarrak ez diren bazkideak, entitatearen helbidea Espainian edo Espainiatik kanpo izan gorabehera, Ez-egoiliarren Errentaren gaineko Zergari atxikita egonen dira, bakar-bakarrik, martxoaren 5eko 5/2004 Legegintzako Errege Dekretuaren bidez onetsi zen Ez-egoiliarren Errentaren gaineko Zergaren Testu Bateginaren 13. artikuluan edo zergapetze bikoitza arautzeko kasuan kasuko nazioarteko hitzarmenean ezarritakoari jarraikiz, Elkartearen bidez egiten duten jarduerak lurralde hartan establezimendu iraunkor bat izatea baldin badakar.

d) Egoitza atzerrian duten eta ez-egoiliarren errentaren gaineko zerga aplikatu zaien bazkideei egotzitako etekinek ez dute haien banaketa dela-eta tributatu beharko.

2. Aurreko zenbakian aurreikusitako araubidea ez da aplikatzekoa izanen zerga-aldi batzuetan, hain zuzen ere Europako ekonomi intereseko Elkargoak bere xede ez beste jarduerak egiten dituen horietan edo 2137/1985 Erregelamenduaren 3. artikuluko 2. zenbakian debekaturik dauden jarduerak egiten dituen horietan.

3. Europako interes ekonomikoko elkarteetako kideek aurreko artikuluko 5. zenbakian ezarririkoa bete beharko dute.

109. artikulua. Enpresen aldi baterako batasunak.

1. Maiatzaren 26ko 18/1982 Legean araututako eta horretarako sortutako erregistroan sartutako enpresen aldi baterako batasunek, bai eta haien enpresa kideek ere, foru lege honen 107. artikuluan ezarritakoari jarraikiz tributatuko dute.

Atzerrian diharduen enpresen aldi baterako batasun bateko kide diren enpresek lotzen ahalko diote salbuespen metodoari atzerritik datozen errentei dagokienez.

2. Atzerrian egin edo ematen diren obra, zerbitzu edo horniduretan aldi baterako batasunen antzeko lankidetza moduen arabera parte hartzen duten entitateek, atzerritik datozen errentei dagokienez, salbuespena gozatzen ahalko dute.

Entitateek Ekonomi eta Ogasun Departamentuari eskatu beharko diote salbuespena, eta Espainian eraturiko enpresen aldi baterako batasunei eskatzen zaizkien antzeko argibideak aurkeztuko dituzte.

3. Salbuespenaren aldeko aukerak aldi baterako batasuna iraungi arte hura aplikatzera behartuko du. Aldi baterako batasunak lorturiko errenta negatiboa enpresa kideen zerga oinarrian egotziko da. Halakorik gertatuz gero, hurrengo ekitaldietan aldi baterako batasunak errenta positiboak ateratzen dituenean, kide diren enpresek beraien zerga oinarrian aurretik egotzitako errenta negatiboa sartuko dute, izaera positiboarekin, aipatu errenta positiboen zenbatekoa muga izanik.

4. Artikulu honetan aurreikusitakoa ez da aplikatuko subjektu pasiboak xede soziala ez beste jarduerak egiten dituen zerga-aldietan.

5. Enpresen aldi baterako batasunetako kideek batasun horien tributu zorrengatik solidarioki erantzunen dute. Kideen erantzukizuna batasunarenaren subsidiarioa da.

6. Aldi baterako batasunetako kideek 107. artikuluko 5. zenbakian xedaturikoa bete beharko dute.

109 bis artikulua. Egozte irizpideak.

1. Kapitulu honetan aipatutako egozpenak araubide honen pean dagoen entitatearen zerga-aldia bukatzen den egunean bazkide edo enpresa kide izaerari dagozkion eskubide ekonomikoak dituzten pertsona edo entitateei eginen zaizkie, entitatea eratzeko eskrituraren ondoriozko proportzioan eta, halakorik ezean, zati berdinetan.

2. Egozpena honela eginen da:

a) Bazkide edo enpresa kideak kapitulu honetan ezarritako araubidepeko entitateak diren kasuetan, osatzen duten entitatearen zerga-aldia bukatzen den egunean.

b) Gainerako kasuetan, berriz, hurrengo zerga-aldian, salbu eta araubidepeko entitatearen ekitaldia bukatzen den egunean bertan jarraian egitea erabakitzen bada.

Egiten den aukera adierazi beharko da ondorioak eraginen dituen Zergaren lehenbiziko aitorpenean, eta hiru urtez mantenduko.

109. ter artikulua. Bazkide edo enpresa kideen identifikazioa.

Kapitulu honetan xedatutakoa aplikatzekoa duten entitateek aurkeztu beharko dute, sozietateen gaineko zergari buruzko aitorpenarekin batera, zerga-aldiaren azken egunean bazkide edo enpresa kide izateari atxikitako eskubideak dituzten pertsonen zerrenda. Halaber, aurkeztu beharko dute entitate horien emaitzetan bakoitzak duen proportzioa.

V. KAPITULUA. Etxebizitzak errentan ematea jardueratzat duten entitateak

109. quater artikulua. Aplikazio eremua.

1. Kapitulu honetan jasotzen den araubidera biltzea zilegi dute jarduera ekonomiko nagusi gisa Espainiako lurraldean dauden etxebizitzak, eraiki, sustatu edo eskuratu dituztenak, errentan ematea duten sozietateek. Jarduera hori bateragarria izanen da beste jarduera osagarri batzuk egitearekin, eta higiezin errentatuen eskualdaketarekin hurrengo 2. zenbakiko b) idatz-zatian aipatzen den gutxieneko mantentze epea bukatutakoan.

Araubide berezi honen aplikaziorako, etxebizitza-errentamendutzat ulertuko da soil-soilik Hiri errentamenduei buruzko azaroaren 24ko 29/1994 Legeko 2.1. artikuluan definitzen dena, betiere lege hartan etxebizitza-errentamenduetako kontratuetarako ezarritako beharkizun eta baldintzak betetzen badira.

Etxebizitzekin parekatuko dira besteak beste altzariak, trastegelak, garajeko plazak, bi gehienez ere, eta edozein motatako dependentziak, errentan emandako eremuak edo finkaren eranskin gisa lagatutako zerbitzuak, salbu eta negozioko lokalak, betiere batzuek eta besteak etxebizitzarekin batera jartzen badira errentan.

2. Kapitulu honetan araututako zerga araubide berezia aplikatuko bada, honako beharkizunak bete behar dira:

a) Entitateak zergaldi bakoitzean errentan emandako edo eskainitako etxebizitzen kopurua zortzi edo hortik gorakoa izatea beti.

b) Etxebizitzek errentan emanak edo eskainiak hiru urtez irautea gutxienez. Epe hori honela zenbatuko da:

1. Araubideari lotu aurretik entitatearen ondarean ageri diren etxebizitzen kasuan, araubideari lotzeko aukera jakinarazten deneko zergaldiaren hasierako egunetik beretik, betiere egun horretarako etxebizitza errentan emana baldin badago. Bestela, hurrengo lerroaldean xedatutakoari jarraituko zaio.

2. Entitateak geroago erosi edo sustatutako etxebizitzen kasuan, entitateak lehenbiziko aldiz errentan emandako egunetik beretik.

Etxebizitza bakoitzerako baldintza hori ez betetzeak egokitzen ahal zen hobariaren galera ekarriko du. Ez betetze hori gertatu zen zergaldiko kuotarekin batera, araubide berezi hau aplikagarri gertatu izandako zergaldi guztietan aplikatutako hobarien zenbatekoa ere ingresatu beharko da, kasu bakoitzean bidezko diren zehapenak, errekarguak eta berandutza interesak galarazi gabe.

c) Ondasun higiezinak sustatu eta errentan jartzeko jarduerak erosi edo sustaturiko ondasun higiezin bakoitzerako kontabilitate bereiziaren xede izatea, eta hura banaturik dagoeneko etxebizitza, lokal edo erregistroko finka bakoitzari dagokion errenta ezagutzeko behar den xehekapena egitea.

d) Jarduera ekonomiko nagusia den etxebizitzen errentamenduaz gain jarduera osagarrietan aritzen diren entitateen kasuan, zergaldiko errenten ehuneko 55 gutxienez (aurreko b) letran aipaturiko gutxieneko mantentze aldia bukatu ondorengo higiezin errentatuen eskualdatzetik heldu direnak kanpoan utzita) edo, aukeran, entitatearen aktiboko balioaren ehuneko 55 gutxienez, gauza izatea hurrengo artikuluko 1. idatz-zatian azaltzen den hobaria aplikatzeko eskubidea duten errentak sortzeko.

3. Araubide horren aldeko aukera egin dela Zerga Administrazioari jakinaraziko zaio. Araubide fiskal berezia jakinarazpen horren ondoren bukatzen den zergaldian aplikatuko da eta, orobat, araubideari uko egin zaiola Zerga Administrazioari jakinarazi aurretik bukatzen diren zergaldietan.

4. Entitateari aplikagarri bazaio X. titulu honetan jasotako araubide berezietako edozein, kontsolidazio fiskalekoa, nazioarteko gardentasun fiskalekoa eta bat-egiteen, zatiketen, aktiboen ekarpenen eta baloreen trukearenak izan ezik, ezin izanen du hautatu V. kapitulu honetan arautzen den araubidea.

5. Araubide honen aplikazioa bateragarria da berrinbertsioagatiko salbuespenarekin, betiere foru lege honen 36. artikuluan ezarritako modu eta baldintzetan, nahiz eta berrinbertsioaren xede diren ondare elementuek bost urteko epean halaxe iraun beharko duten.

Salbuespen hau aplikatu ahal izateko beharrezkoa izanen da entitateak etxebizitzak gutxienez ere hiru urtez izatea errentan.

109. quinquies artikulua. Hobariak.

1. Etxebizitzen errentamendutik sortutako errentei dagokien kuota osoaren ehuneko 85eko hobaria izanen dute, aurreko artikuluan ezarritako beharkizunak betez gero.

Aipaturiko hobaria ehuneko 90ekoa izanen da kasuotan:

a) Etxebizitza babestuen errentamendutik heldutako errentak direnean.

b) Desgaitasunak dituztenei etxebizitzak errentamenduan ematearen ondoriozko errentak direnean eta etxebizitza horietan egokitzapeneko obrak eta instalazioak egiten direnean, Pertsona Fisikoen Errentaren gaineko Zergaren Foru Legearen Testu Bategineko 62.1.f) artikuluaren arabera. Obrak eta instalazioak administrazio eskudunak ziurtatu beharko ditu, aipatu 62.1.f) artikuluko a’) azpiletran ezarritako moduan.

Ondorio horietarako, errentariak bere desgaitasuna frogatu beharko du pertsona fisikoen errentaren gaineko zergari buruzko araudian aurreikusitako moduan.

2. Hobaria izan dezakeen errentamendutik heldutako errenta honela osatuko da etxebizitza bakoitzaren kasuan: eskuratutako diru-sarrera osoa, ken diru-sarrera hori lortzeko zuzeneko gastuak eta diru-sarrera horri proportzioan gastu orokorretatik dagokion zatia. Eskuratutako diru-sarrera osoaren parte izanen dira errentamenduko etxebizitza babestuentzat aurreikusitako diru-laguntza publikoen kasuan kasuko egozpenak, betiere egozpen horiek kontabilitatearen arau eta printzipioen arabera egiten badira.

Foru lege honen 17. artikuluan aipatzen den errentamendu finantzarioko kontratuen bidez erositako etxebizitzen kasuan, hobaria hartzen duen errenta kalkulatzerakoan ez dira kontuan hartuko artikulu horretan xedatutakoa aplikatzetik eratortzen diren zuzenketak.

3. Zergapetze bikoitza saihesteko kenkaria aplikatuko zaie, 59. artikuluan baitago arautua, artikulu honetako 1. idatz-zatian ezarritako hobaria aplikatu zaien errenten kargura banatutako dibidenduei edo mozkinetako partaidetzei, eta, halaber, zerga araubide hau aplikatutako entitateen partaidetzen eskualdaketen ondoriozko errenten kargura banatutakoei, baldin eta hobaria izan duten mozkin banatu gabeen ondoriozko erreserbei badagozkie.

Zerga araubide hau aplikatu duten entitateen kapitalean partaidetzak eskualdatzetik ateratako errentei (banatu ez diren hobaridun mozkinetatik heldu diren erreserbei buruzkoak) 59.5 artikulua aplikatzearen ondoriozko kenkaria ehuneko 50 murriztuko da, edozein dela ere partaidetzak eskualdatzen dituen entitatea, eskualdaketa egiten den unea eta entitateei une horretan aplikatzen ahal zaien zerga araubidea. Errenta horiek ez dira deuseztatuko eskualdaketa talde fiskal bateko barne eragiketa bati dagokionean.

4. (kenduta)

5. (kenduta)  

VI. KAPITULUA. Arrisku-kapitaleko entitateak

110. artikulua. Arrisku-kapitaleko entitateak.

1. Kapital-arriskuko entitateak eta haien sozietate kudeatzaileak arautzeko Foru Legean jasotzen diren arrisku-kapitaleko entitateak zerga ordaintzetik salbuetsita egonen dira foru lege horren 2. artikuluan aipatzen diren arrisku-kapitaleko entitate edo enpresen funts berekietan edo kapitalean parte hartzeko balore ordezkatzaileen eskualdaketan lortzen dituzten errentei dagokienez, betiere baloreak eskualdatzen badira haiek edukitzen diren (hau da, eskuratzen diren edo kotizatzetik salbuesten diren) bigarren urtetik hasi eta hamabosgarren urtera arte, hori barne.

Salbuespenez, azken epe horren luzapen bat onar daiteke, hogeigarren urtera bitarte, azken hori barne. Erregelamenduz zehaztuko da zein kasu eta baldintzatan eta zein beharkizun betez egiten ahal izanen den luzapen hori.

Aurreko lerrokadako kasua salbu, ez da salbuespenik aplikatuko ez lehen urtean, ez hamabosgarrenetik aurrera.

Haatik, enpresen kapitalaren edo funtsen partaidetzen adierazgarri diren baloreen eskualdaketatik -2. artikulu horren 1. zenbakiko bigarren lerrokadak aipatzen ditu- bereganatutako errenten kasuan, salbuespenaren aplikazioa honako honi baldintzatuta egonen da: entitate partaidetuaren ondasun higiezin guztien kontabilitate baliotik 100eko 85, bederen, biltzen duten higiezinak etengabe loturik egotea, balioak eduki bitartean, enpresa jardueraren bati, pertsona fisikoen errentaren gaineko zergak ezartzen duen bezalaxe, baina jarduera finantzarioaz bestelakoa, hala zehazten baitute arrisku-kapitaleko entitateen eta haien entitate kudeatzaileen gaineko edo ondasun higiezinen gaineko legeek.

Entitate partaidetua Europako Parlamentuaren eta Kontseiluaren 2004ko apirilaren 21eko 2004/39/EEE Zuzentarauak araututako balore-merkatu batean kotizatzera igarotzen bada, aurreko lerrokadetan aipaturiko salbuespenaren aplikazioa honako honi baldintzatuta egonen da: arrisku-kapitaleko entitateak enpresa partaidetuaren kapitalean duen partaidetza eskualdatzea gehienez ere hiru urteko epean, enpresa partaidetua kotizaziorako onartzen den egunetik zenbatzen hasita.

2. Arrisku-kapitaleko entitateek foru lege honen 59.2 artikuluan jasotako kenkaria edo 62.1 artikuluan ezarritako salbuespena, errenta horiek nondik heldu diren ikusita, dibidenduei aplika diezaiekete eta, oro har, bultzatzen edo sustatzen dituzten sozietateetatik edo entitateetatik sortutako etekinen partaidetzei, partaidetzaren ehunekoa eta akzio edo partaidetzak eduki diren denbora edozein delarik ere.

3. Dibidenduak eta, oro har, arrisku-kapitaleko entitateen etekinen partaidetzak jasotzeak honako tratamendu hau izanen du:

a) Foru lege honetako 59.2 artikuluan jasotako kenkarirako eskubidea emanen dute, partaidetzaren ehunekoa eta akzio edo partaidetzak eduki diren denbora edozein direlarik ere, hartzailea zerga honen subjektu pasiboa denean edo Espainian finkagune iraunkorra duten egoitzagabeen errentaren gaineko zerga ordaintzen duenean.

b) Ez dira Espainiako lurraldean eskuratutakotzat hartuko, hartzailea Espainian finkagune iraunkorrik gabeko egoitzagabeen errentaren gaineko zerga ordaintzen duen pertsona fisiko edo entitatea denean.

4. Arrisku-kapitaleko entitateek dituzten funts berekien adierazgarri diren akzio edo partaidetzen eskualdatze edo errenboltsoetan agerian jarritako errenta positiboek honako tratamendu hau izanen dute:

a) Foru lege honetako 59.5 artikuluan jasotako kenkarirako eskubidea emanen dute, partaidetzaren ehunekoa eta akzio edo partaidetzak eduki diren denbora edozein direlarik ere, hartzailea zerga honen subjektu pasiboa denean edo Espainian finkagune iraunkorra duten egoitzagabeen errentaren gaineko zerga ordaintzen duenean.

b) Ez dira Espainiako lurraldean eskuratutakotzat hartuko, hartzailea finkagune iraunkorrik gabeko egoitzagabeen errentaren gaineko zerga ordaintzen duen pertsona fisiko edo entitatea denean.

5. Ez da aplikatzekoa izanen aurreko 3 eta 4 zenbakietako b) letran xedatutakoa, errenta erregelamenduz paradisu fiskaltzat kalifikatutako herrialde edo lurralde baten bidez eskuratu bada.

6. Aurreko 1 zenbakian ezarritako salbuespena ezin aplikatu da baloreak eskuratu dituen pertsona edo entitatea lotua baldin badago arrisku-kapitaleko entitateari edo haren bazkideei edo partaideei, edo erregelamenduz paradisu fiskaltzat kalifikatutako herrialde edo lurralde bateko egoiliarra denean, eskuratzailea hauetako pertsona edo entitatea denean izan ezik:

a) Entitate partaidetua bera.

b) Entitate partaidetuaren bazkide edo administratzaileetako bat, arrisku-kapitaleko entitateari loturik ez badago eta egon ez bada entitate partaidetuarekin daukan loturarengatik berarengatik izan ezik.

c) Arrisku-kapitaleko beste entitate bat.

7. Aurreko 1 zenbakian ezarritako salbuespena ezin aplikatu zaio baloreen eskualdaketatik sortutako errentari, baldin eta arrisku-kapitaleko entitateak balore horiek eskuratu badizkio, zuzenean edo zeharka, berekin edo bere bazkideekin edo partaideekin lotura duen pertsona bati edo entitate bati, betiere aipatu eskurapena egin aurretik lotura baldin badago entitatearen bazkideen edo partaideen eta enpresa partaidetuaren artean.

8. Baloreak loturik dagoen arrisku-kapitaleko beste entitate bati eskualdatzen zaizkiolarik, aurreko 1 zenbakian ezarritako epeak betetzeari dagokionez, entitate hori eskualdatzaileak eskuratutako balorean eta egunean subrogatuko da.

9. Aurreko 6, 7 eta 8 zenbakietan ezarritakoari dagokionez, ulertuko da lotura dagoela partaidetza, zuzena edo zeharkakoa, kapital sozialaren edo funts berekien 100eko 25ekoa bederen baldin bada.

10. Subjektu pasiboek kapital-arriskuko entitateen kapitalean edo funts berekietan egindako diruzko ekarpenen 100eko 20 deduzitzen ahalko dute kuota likidoan.

Ekarpen horiek erabat ordainduak egon beharko dira eta bost urtez iraun behar dute entitatearen aktiboetan.

Kenkari hori aplikatuko da, betiere, Foru Lege honen 167.1.B).b) artikuluaren bigarren paragrafoan ezartzen dena betetzen bada eta, kapital-arriskuko entitateak eskaturik, Ekonomia eta Ogasun Departamentuak berariazko baimena ematen badu.

Idatz-zati honetan araututako kenkaria foru lege honen VI. tituluko IV. kapituluan bildutako kenkariekin batera aplikatuko da, 72. artikuluan ezarritako muga berberak kontuan hartuz. Kenkari hau bateraezina da foru lege honen 36.1 artikuluan eta 70.bis artikuluaren 3.b) idatz-zatian araututako baloreetako berrinbertsioekin.

VII. KAPITULUA. Inbertsio kolektiboko erakundeak

111. artikulua. Inbertsio kolektiboko erakundeen tributazioa.

1. Inbertsio Kolektiboko Erakundeei buruzko azaroaren 4ko 35/2003 Legeak arautzen dituen inbertsio kolektiboko erakundeek ez dute eskubiderik izanen ez kuotan inolako kenkaririk egiteko ez zerga-oinarrian errentagatiko salbuespenik izateko, non eta ez dauden karga-tasa orokorraren menpe, nazioarteko zergapetze bikoitza ekiditea helburu.

2. Dirusarreren gainean eginiko ordainketa zatitu, konturako atxikipen eta dirusarreren zenbatekoa kuota osoa baino gehiago denean, Zerga Administrazioak itzuli eginen du gehiegizkoa, ofizioz.

112. artikulua. Inbertsio kolektiboko erakundeetako bazkide edo partehartzaileen tributazioa.

1. Bazkide edo partehartzaileek kontzeptu hauek sartuko dituzte zerga oinarrian:

a) Akzio edo partaidetzen eskualdaketaren edo partaidetzen errenboltsuaren ondorioz lorturiko errenta, positiboa zein negatiboa.

b) Inbertsio kolektiboko erakundeak banaturiko mozkinak. Mozkin horiek ez dute eskubiderik sortuko zergak bi aldiz ordaintzeagatik kenkarietarako.

2. Artikulu honetan aurreikusitako araubidea aplikatuko zaie Kontseiluak 1985eko abenduaren 20an emandako 85/611/CEE Zuzentarauak arautzen dituen inbertsio kolektiboko erakundeetako bazkide edo partaideei. Dena den, erakunde horiek honako baldintza hauek bete beharko dituzte: foru lege honetako 114. artikuluan aurreikusitakoak ez beste izatea, Europako Batasuneko kidea den herrialderen batean eratu eta bertan helbidea edukitzea, eta Balore Merkatuko Komisio Nazionalaren erregistro berezian sartuta egotea, Espainian egoitza duten entitateek merkaturatu ahal izateko.

113. artikulua. Inbertsio kolektiboko erakundeen akzio edo partaidetzetako errenta kontabilizatuak.

Errenta kontabilizatuen edo subjektu pasiboak kontabilizatu beharrekoak direnen zenbatekoa zerga oinarrian sartuko da, inbertsio kolektiboko erakundeetako akzio edo partaidetzen ondoriozkoak badira.

114. artikulua. Zerga paradisutzat jotzen diren estatu edo herrialdeetan eraturiko inbertsio kolektiboko erakundeetako bazkide edo partehartzaileen tributazioa.

1. Erregelamendu bidez zerga paradisutzat jotzen diren estatu edo herrialdeetan eraturiko inbertsio kolektiboko erakundeetan parte hartzen duten subjektu pasiboek zergaldia ixten den eguneko partaidetzako likidazio balioaren eta haren erosketa balioaren arteko alde positiboa sartuko dute zerga oinarrian.

Zerga oinarrian sartzen den kopurua erosketa balio nagusitzat joko da.

2. Ulertuko da, kontrako frogarik ez badago, 1 zenbakian aipatzen den aldea akzio edo partaidetzaren erosketa balioaren ehuneko 15ekoa dela.

3. Inbertsio kolektiboko erakundeak banaturiko mozkinak ez dira zerga oinarrian sartuko eta gutxitu eginen dute partaidetzaren erosketa balioa. Mozkin horiek ez dute eskubiderik sortuko zergak bi aldiz ordaintzeagatik kenkarietarako.

VIII. KAPITULUA. Kontsolidazio fiskalaren araubidea

115. artikulua. Definizioa.

1. Zerga taldeek Kapitulu honetan ageri den zerga-araubidea hartzen ahalko dute. Hala bada, taldeetan sartzen diren sozietateek ez dute banakako araubidean zerga-ordainketarik egin beharko.

2. Zerga-ordainketarako banakako araubidea honako hau izanen da: sozietate bakoitzari legokiokeena baldin eta kontsolidazio fiskaleko araubidea aplikatzerik ez balego.

116. artikulua. Subjektu pasiboa.

1. Zerga taldeak subjektu pasiboaren izaera izanen du.

2. Sozietate nagusiak zerga taldearen ordezkaritza izanen du, eta kontsolidazio fiskaleko araubidearen ondoriozko zerga-ordainketako betebehar gauzazko eta formazkoak bete beharko ditu.

3. Bai sozietate nagusiak bai menpeko sozietateek banakako araubidearen ondoriozko zerga-ordainketako betebeharrak bete beharko dituzte, araubide horretako zerga-zorraren ordainketa izan ezik.

4. Sozietate nagusiaren aurrean edo zerga taldeko edozein entitateren aurrean egiten diren egiaztatzeko jarduketa administratiboek edo ikerketek, sozietate nagusia jakinaren gainean dagoela, eten eginen dute aipatu zerga taldea ukitzen duen Sozietateen gaineko Zergaren preskripzio-epea.

117. artikulua. Zerga-taldearen definizioa. Sozietate nagusia. Menpeko sozietateak.

1. Honako hau da talde fiskala: Espainiako lurraldean egoitza duten sozietate anonimo, sozietate mugatu eta akzioen bidezko sozietate komanditarioek osatutako sozietate multzoa, baita artikulu honetako 3. zenbakian aipatzen diren kreditu entitateak ere. Taldea sozietate nagusi batek eta haren mendeko sozietate guztiek osatzen dute.

2. Sozietate nagusia honako baldintza hauek betetzen dituena izanen da:

a) Aurreko zenbakian ezarritako forma juridikoetako bat izatea edo, bestela, pertsonalitate juridikoa edukitzea eta Sozietateen gaineko Zergapekoa izatea, ez salbuetsia. Espainiakoak ez diren entitateek Espainiako lurraldean dituzten establezimendu iraunkorrak sozietate nagusitzat hartzen ahalko dira, baldin eta partaidetza badaukate beste sozietate batzuetan.

b) Tributazio araubide hau aplikatzekoa den zergaldiko lehenbiziko egunean, beste sozietate baten edo batzuen kapital sozialaren 100eko 75eko edo gehiagoko partaidetza izatea, zuzenean edo zeharka, edo kapital sozialaren 100eko 70eko edo gehiagoko partaidetza, betiere merkatu arautu batean negoziatzera onartzen diren akzioak dituzten sozietateak baldin badira. Azkeneko ehuneko hori aplikatuko da, orobat, beste sozietate batzuetan zeharkako partaidetzak dituenean, betiere ehuneko horretara iristen baldin bada merkatu arautu batean negoziatzera onartzen diren akzioak dituzten mendeko sozietateen bitartez.

c) Partaidetza horri eustea zergaldi osoan zehar. Baldintza hau ez da eskatuko baldin eta entitate partaidetua desegiten bada.

d) Espainiako lurraldean egoitza duen eta sozietate nagusitzat joa izateko baldintzak biltzen dituen beste baten menpekoa ez izatea.

e) Interes ekonomikoko elkarteen, espainiar zein europarren, nahiz enpresen aldi baterako batasunen araubide bereziaren menpekoa ez izatea.

f) Espainian egoitzarik ez duten entitateen establezimendu iraunkorrak izanez gero, entitate horiek ez izatea entitate nagusia izateko baldintzak betetzen dituen eta egoitza Espainian duen beste baten menpekoak, eta egoitza duteneko herrialde edo lurraldearekin Espainiak nazioarteko ezarpen bikoitza saihesteko Hitzarmena (informazio trukerako klausularekin) izatea.

3. Sozietate nagusi batek aurreko zenbakiko b) eta c) letretan aipatzen diren baldintzak betetzen dituen partaidetza duenean sozietate batean, azken sozietate hori mendeko sozietatea izanen da.

Inbertsio-koefizienteei, baliabide propioei eta finantza-bitartekarien informazio-betekizunei buruzko maiatzaren 25eko 13/1985 Legearen 8.3.d) artikuluan aipatutako babeseko erakunde-sistema batean integratutako kreditu entitateek ere izaera hori bera izanen dute, betiere sistemako entitate zentrala talde fiskaleko kidea bada eta sistema osatzen duten entitateen emaitzen 100eko 100 partekatzen badituzte eta entitate horien elkarren arteko kaudimen eta likidezia konpromisoak horietako bakoitzaren baliabide bereki konputagarrien 100eko 100 hartzen baditu. Beharkizun horiek betetzat joko dira erakunde-sistema horietan non, entitate zentralaren bidez, zuzenean edo zeharka, zenbait aurrezki kutxek kreditu entitate gisa duten xedea esklusiban gauzatzen duten modu hitzartuan, Aurrezki Kutxen Gobernu Organoen eta Haien Araubide Juridikoaren Beste Gai Batzuei buruzko uztailaren 9ko 11/2010 Errege Lege Dekretuaren 5.4 artikuluan xedatzen denarekin bat.

4. Ondoren aipatzen diren gorabeheretako bat bere baitan biltzen duten entitateek ezin izanen dute zerga talde batean parte hartu:

a) Zerga honetatik salbuetsita daudenek.

b) Zergaldia ixten denean, konkurtso egoeran izatea edo uztailaren 2ko 1/2010 Legegintzako Errege Dekretuaren bidez onetsitako Kapital-sozietateei buruzko Legearen Testu Bateginaren 363.1.d) artikuluan adierazitako ondare egoeran egotea, salbu eta urteko kontuak onetsi behar direneko ekitaldia bukatu baino lehen egoera hori gainditu baldin badute.

c) Sozietateen gaineko Zerga ordaindu behar duten menpeko sozietateek, karga-tasa sozietate nagusiarena bera ez denean.

d) Zerga taldeko parte izateko ezarritako baldintzak biltzen ez dituen beste sozietate baten bidez partaidetutako menpeko sozietateak.

e) Mendeko sozietateak, baldin eta haien sozietatearen ekitaldia, legeak agindurik zehaztua, ezin bazaio egokitu sozietate menderatzaileak duenari.

5. Sozietate nagusiak bere izaera hau galtzen duenean zerga taldea iraungiko da.

118. artikulua. Sozietateak zerga taldean sartzea edo hortik kanpo gelditzea.

1. Aurreko artikuluko 2.b) definitu den araberako partaidetza lortzen denean sozietate baten gainean, sozietate hau zerga taldean sartuko da derrigorrez, hurrengo zergaldiko ondorioetarako. Sozietate sortu berrien kasuan, eratzen den unetik beretik sartuko da taldean, baldin eta eratzen den unean zerga talde bateko kide izateko gainerako baldintzak betetzen baditu.

2. Bere izaera galtzen duten menpeko sozietateak zerga taldetik kanpo geldituko dira, kanporatze hau gertatzen den zergaldiko ondorioetarako.

119. artikulua. Zeharkako jabetza kalkulatzea.

1. Sozietate batek beste sozietate baten kapital sozialaren 100eko 75 edo gehiago badu edo, merkatu arautu batean negoziatzeko onartzen diren akzioak dituzten sozietateen kasuan, 100eko 70 gutxienez, eta bigarren sozietate hori egoera berean baldin badago hirugarren sozietate bati dagokionez, eta horrela bata bestearen atzetik, lehenbiziko sozietateak besteetan duen zeharkako partaidetza kalkulatzeko, kapital sozialean dituen partaidetza-ehunekoak biderkatuko dira. Hortaz, zeharka partizipatua dagoen sozietateak talde fiskalean integratzeko aukera eta beharra izateko, biderkadura horien emaitza, gutxienez, bere kapital sozialaren 100eko 75 izan beharko da edo, merkatu arautu batean negoziatzeko onartzen diren akzioak dituzten sozietateen kasuan, 100eko 70. Gainera, beharrezkoa izanen da tarteko sozietate guztiak talde fiskalaren barrenean egotea.

2. Talde fiskal batean zeharkako eta zuzeneko partaidetza harremanak badaude, sozietate batek beste batean duen guztirako partaidetza kalkulatzeko, hots, lehenbiziko sozietateak zuzenean edo zeharka kontrolatzen duen sozietate batean duena, zuzeneko eta zeharkako partaidetza-ehunekoak batuko dira. Sozietate partizipatuak sozietateen talde fiskalean integratzeko aukera eta betebeharra izateko, batura hori, gutxienez, kapital sozialaren 100eko 75 adinakoa izanen da edo gutxienez, 100eko 70ekoa, merkatu arautu batean negoziatzeko onartzen diren akzioak dituzten sozietateen kasuan edo zuzenean edo zeharka horrelako sozietateen partaidetza duten sozietateen kasuan, betiere sozietate horien bidez ehuneko horretara iristen badira.

3. Sozietateen arteko harremanean elkarrekiko partaidetza, partaidetza zirkularra edo konplexua badago, datu objektiboen bidez frogatu beharko da partaidetza, gutxienez, kapital sozialaren 100eko 75ekoa dela, edo gutxienez 100eko 70ekoa, merkatu arautu batean negoziatzeko onartzen diren akzioak dituzten sozietateen kasuan edo zuzenean edo zeharka horrelako sozietateen partaidetza duten sozietateen kasuan, betiere sozietate horien bidez ehuneko horretara iristen badira.

120. artikulua. Kontsolidazio fiskaleko araubidearen aplikazioa.

1. Kontsolidazio fiskaleko araubidea aplikatuko da zerga taldea osatu behar duten sozietate guztiek hori erabakitzen dutenean.

2. Aurreko zenbakian aipatzen diren erabakiak akziodunen batzarrak hartuko ditu -edo horren pareko organoak, sozietateak merkataritza formarik ez duenean-, eta kontsolidazio fiskaleko araubidea aplikatuko den zergaldia baino lehenagoko zergaldiko edozein egunetan hartzen ahal dira, eta ondorioak sortuko dituzte aurkatzen ez direnean edo aurkatzerik ez dagoenean.

3. Hurrenez hurren zerga taldean sartzen diren sozietateek aurreko zenbakietan aipatzen diren betebeharrak bete beharko dituzte. Betebehar horiek betetzeko epea zergak kontsolidazio fiskaleko araubidean ordaindu behar dituzten lehen zergaldia bukatzen den egunean bukatuko da.

4. Artikulu honetako 1. eta 2. idatz-zatietan aipatutako erabakiak hartzen ez badira, ezinezkoa izanen da kontsolidazio fiskaleko araubidea aplikatzea.

Zerga-taldean aurrerantzean sartu beharreko sozietateei buruzko erabaki ezak entitate nagusiaren tributu arloko arau-hauste sinplea ekarriko du -1.000 eta 6.000 euro bitarteko isuna ezarriko zaio-, eta ez du eragotziko ukitutako sozietateak taldean egiazki sartzea. Kontsolidazio fiskaleko araubidea, berriz, ezin izanen da aplikatu baldin eta idatz-zati honetan aipatzen den erabaki ezak irauten badu bi urteko epean, araubide horretan tributuak ordaindu behar dituzten lehendabiziko zergaldia bukatzen den egunetik aurrera.

5. Behin aukera honen ildotik joz gero, zerga taldea araubide honi lotuta geratuko da, mugarik gabe, hurrengo zergaldietan, 117. artikuluko betebeharrak betetzen badira eta ez bada jakinarazten uko egiten zaiola hori aplikatzeari; jakinarazpen hori bi hilabeteko epean egin beharko da, araubide hori aplikatutako azken zergaldia bukatzen denetik aitzina.

6. Artikulu honetako 1. zenbakiak aipatu erabaki horien berri emango dio sozietate nagusiak Ekonomi eta Ogasun Departamentuari araubidea aplikagarri izanen den zergaldia hasi baino lehen.

Halaber, talde fiskalaren osaketan aldaketak izaten direnean, sozietate nagusiak, zergaldi bakoitza bukatu baino lehen, Ekonomia eta Ogasun Departamentuari adieraziko dio zer osaketa izan duten zergaldi horretarako, eta azalduko du hartan zer sozietate integratu eta zein atera diren.

121. artikulua. Zerga taldearen zerga-oinarria zehaztea.

1. Honela zehaztuko da zerga taldeen zerga-oinarria:

a) Zerga taldekoak diren sozietate guztien banan banako zerga-oinarriak batuz, banan banako oinarri negatiboengatiko murriztapenak sartu gabe.

b) Eliminazioak eginez.

c) Aurreko ekitaldietan egindako eliminazioak gaineratuz.

2. Zerga taldearen zerga-oinarria zehazterakoan, honako hau ez da kontusail kengarritzat joa izanen: sozietate nagusiak, zuzen edo zeharka, menpeko sozietateetan duen kapital-partaidetzaren kontabilitate-balioaren eta menpeko sozietate horien fondo berekietan balio horiek egiten duten zati proportzionalaren arteko diferentzia positiboa.

Diferentzia negatiboa bada, ez da kargatu beharreko errentatzat hartuko.

Aurreko bi lerroaldeetan aipatzen den diferentzia menpeko sozietatea edo sozietateak lehenbiziko aldiz zerga taldean sartzen diren egunean dagoena izanen da.

3. Ezabaketak eta eranskinak Merkataritzako Kodearen 46. artikuluan ezarri diren irizpideen arabera eta gainerako garapen arauen arabera eginen dira.

122. artikulua. Eliminazioak.

1. Zerga-oinarri bateratua zehazteko, zergaldian egin diren barne-eragiketen emaitzen eliminazio guztiak eginen dira.

Barne-eragiketak hauek izanen dira: zerga taldeko sozietateen artean egiten direnak, sozietateak taldekoak diren zergaldian eta kontsolidazio fiskaleko araubidea aplikatzen denean.

2. Barne-eragiketetako emaitzen eliminazioak, hauek positiboak edo negatiboak izanik ere, emaitza horiek zerga taldeko kideak diren entitateen zerga-oinarrietan sartzen diren heinean eginen dira.

3. Dibidendu hauek ez dira eliminatuko: banakakoen zerga-oinarrian sarturik daudenak, barne-ezarpen bikoitzarengatiko kenkaria ez denean egin, Lege honetako 59.4. artikuluak aurreikusten duenarekin bat etorriz.

123. artikulua. Gainerapenak.

1. Emaitza eliminatuak zerga taldearen zerga-oinarrian gaineratuko dira hauek hirugarrenen aurrean egiten direnean.

2. Sozietate batek barne-eragiketa batean parte hartu duenean eta ondoren zerga taldeko kide izateari uzten dionean, eragiketa horren emaitza eliminatua zerga taldearen zerga-oinarrian, aipatu bereiztea gertatu baino lehenagoko zergaldiari dagokion partean, gaineratuko da.

3. Zerga-taldeko sozietateetako partaidetza-balorearen zuzenketa eliminatuen gehikuntza eginen da, baldin eta sozietate horiek zerga taldeko parte izateari uzten badiote eta zerga taldearen likidazio oinarri negatiboengatik -balio zuzenketa ekarri zuen galerari dagozkionengatik- murriztapena izateko eskubidea bere egin badute. Ez da partaidetza-balorearen zuzenketaren gehikuntza eginen partaidetzako entitatea zerga taldeko kide ez zen zergaldietan.

124. artikulua. Zerga-oinarria murritzea.

1. Zerga taldearen zerga-oinarria murrizten ahalko da talde horren likidazio oinarri negatiboekin, 40. artikuluak ezartzen duen moduan.

Zerga taldean sartzen den unean edozein sozietatek likidazio oinarri negatiboak murrizteko baditu, oinarri hauek taldearen zerga-oinarria murrizten ahalko dute, sozietatearen beraren zerga-oinarria izanen delarik murriztearen muga, eta zerga-oinarri horretatik kendu eginen dira -aipatu ondorioetarako- mozkinetako dibidenduak edo partaidetzak, Foru Lege honetako 59.2 artikuluak aipatzen dituenak.

2. Inbertsioetarako Erreserba Bereziaren kasuan, foru lege honen 41.2 artikuluan adierazitako murrizketaren muga talde fiskalaren zerga-oinarriarentzat izanen da. Erreserba hori zuzkidura egin zuen sozietateak berak edo taldeko beste batek gauzatzen ahalko du. Azkeneko kasu horretan, zuzkidura egin zuen sozietateak eta Erreserba gauzatu zuenak behar den informazioa eman beharko diote elkarri foru lege honen 44. eta 45. artikuluetan ezarritako betebeharrak betetzeko.

125. artikulua. Berrinbertsioa.

1. Zerga taldeko sozietateek 36. eta 70 bis artikuluek aipatzen dituzten aparteko etekinak baliatzen ahalko dituzte. Berrinbertsioa, aparteko etekina lortu zuen sozietateak egin ahal izanen du edo taldeko beste batek. Berrinbertsioa taldeko beste sozietate bati elementu bat erosiz gauzatzen ahalko da, elementu hori berria bada.

2. Onura fiskal horiek ezinezkoak izanen dira zerga taldeko entitateen arteko eskualdatzeen kasuan.

126. artikulua. Zergaldia.

1. Zerga taldearen zergaldia eta sozietate nagusiarena bat etorriko dira.

2. Menpeko sozietateren batek bukatzen duenean zergaldi bat banakako zerga-ordainketa araubidea arautzen duen arautegiaren pean, bukaera horrek ez du zerga taldearen bukaera baldintzatuko.

127. artikulua. Zerga taldearen kuota osoa.

Zerga taldearen kuota osoa honako hau izanen da: sozietate nagusiaren karga-tasa zerga taldearen likidazio oinarrian aplikatuz gero ateratzen den kopurua.

128. artikulua. Zerga taldearen kuota osoaren kenkariak eta hobariak.

1. Zerga taldearen kuota osoa Foru Lege honetako VI. Tituluko II., III. eta IV. kapituluetan aurreikusten diren kenkariek eta hobariek jotzen duten adina txikiagotzen ahalko da.

Aipatu kenkariak eta hobariak jasotzeko ezarritako baldintzak zerga taldeak beteko ditu; Foru Lege honetako 62. artikuluak ezarritako salbuespen-araubidearenak ere taldeak berak.

2. Zerga taldean sartzen den unean edozein sozietatek aplikatzeko kenkariak baditu, kenkari hauek taldearen kuota osoan kentzen ahalko dira, muga sozietateari zerga-ordainketako banakako araubidean egokitu zaiona izanen delarik.

129. artikulua. Informazioa eman beharrak.

1. Zergari dagokionez, sozietate nagusiak galera eta irabazien kontua, balantzea, ekitaldiko ondare garbiari buruzko aldaketak azalduko dituen egoera-orria eta eskudiru-fluxuen egoera-orri bateratua egin behar izanen ditu, zerga-taldea osatzen duten sozietate guztiei sartze orokorreko metodoa ezarriz.

2. Urteko kontu bateratuek sozietate nagusiaren urteko kontuek daukaten itxiera-data eta aldia bera izango dute, menpeko sozietateak ekitaldi soziala sozietate nagusiak ixten duen egun berean itxi beharko duelarik.

3. Lehengo 1. zenbakiak aipatzen dituen agiriei honako argibide hauek erantsi beharko zaizkie:

a) Lehenagoko zergaldietan egindako eliminazioak, gaineratzeko daudenak.

b) Zergaldian egin diren eliminazioak, euren jatorria eta zenbatekoa behar bezala justifikaturik.

c) Zergaldian egin diren gainerapenak, euren jatorria eta zenbatekoa behar bezala justifikaturik.

d) Egindako eliminazioen eta gainerapenen artean egon litezkeen diferentziak, behar bezala arrazoiturik, zerga taldearen zerga-oinarria zehaztu beharrez egin direnak, eta artikulu honetako 1. zenbakiak aipatzen dituen agiriak prestatzeko egin direnak.

130. artikulua. Kontsolidazio fiskaleko araubidea galtzea dakarten arrazoiak.

1. Kontsolidazio fiskaleko araubidea galduko da ondoren aipatzen direnak gertatuz gero:

a) Zerga taldeko sozietate batek edo batzuek bere baitan biltzea zeharkako zenbatespeneko araubidea aplikatzea eskatzen duten gorabeheretako bat.

b) Aurreko artikuluko 1. zenbakiak aipatzen dituen informazio eman beharrak ez betetzea.

2. Kontsolidazio fiskaleko araubidea galtzea aurreko zenbakiak aipatzen dituen arrazoietako bat atzematen denean gertatuko da, eta zergaldi hartako ondorioetarako izanen da, zerga taldeko sozietateak zergaldi hartan banakako zerga-ordainketa araubidean sartuko direlarik.

131. artikulua. Kontsolidazio fiskaleko araubidea galtzearen eta zerga taldea desagertzearen ondorioak.

1. Zergaldi jakin batean, kontsolidazio fiskaleko araubidea galdu edo zerga taldea iraungitzen bada, eta zergaldi hartan taldeak baldin badauka gaineratzeke dagoen eliminaziorik, zerga taldearen zerga-oinarri negatiborik edo eta kuoten kenkaririk, konpentsatzeke dagoenik, ondoren esaten den bezala jokatuko da:

a) Gaineratzeke dauden eliminazioak sartuko dira kontsolidazio fiskaleko araubidea aplikagarria den azken zergaldiari dagokion zerga taldearen zerga-oinarrian.

Aurreko hori ez da aplikatuko baldin eta entitate nagusia bihurtzen bada kontsolidazio fiskaleko araubidean tributatzen ari den beste talde fiskal baten menpeko sozietate, edo beste talde horretako sozietateren batek xurgatua denean, halako fusio-prozesu batean non foru lege honetako X. tituluko IX. kapituluan ezarritako araubide bereziari lotua baita, zeinean biltzen diren menpeko sozietate guztiak, bi kasuetan. Emaitza eliminatuak gaineratuko dira beste talde fiskal horren zerga-oinarrian, foru lege honetako 123. artikuluan ezarritako moduan.

b) Araubidea galtzen edo iraungitzen den zergaldian zerga taldea osatzen duten sozietateek eskubidea izanen dute zerga taldearen likidazio oinarri negatiboak murrizteko, likidazio oinarri horiek sortzeko lagundu duten proportzioan.

Murrizpen hau, zerga taldearen likidazio oinarri negatiborik zehaztu zen urtetik edo urteetatik kontatzen hasita, Foru Lege honetako 40. artikuluan zehaztutako epea betetzeko gelditzen diren zergaldietan banakako zerga-ordainketako araubidean zehazten diren zerga-oinarri positiboekin eginen da.

c) Araubidearen galera edo iraungipena gertatzen den zergaldian zerga taldea osatzen duten sozietateek, zerga taldearen kuotaren kenkari aplikatzeke daudenak aplikatzeko eskubidea eskuratuko dute, konpentsazio-eskubide hau sortzen lagundu duten heinean.

Kenketa hauetan eginen da: egiteko dagoen kenketarako Foru Lege honetan ezarri epea osatzeko falta diren zergaldietan zehazten diren kuota osoetan, kentzeko zenbatekoak zehaztu ziren urte edo urteetatik kontatzen hasita.

2. Araubidea galtzen edo iraungitzen den zergaldian zerga taldean sartzen diren sozietateek, zerga taldeak egin dituen ordainketa zatikatuengatiko kenkari-eskubidea bereganatuko dute, ordainketa zatikatu hauek sortzen lagundu duten proportzioan.

3. Zerga taldeko sozietate batek edo batzuek taldekoak izateari uzten badiote, aurreko zenbakietan ezarritakoa aplikagarri izanen da.

4. Foru lege honen 124.2 eta 125.1 artikuluetan ezarritako kasuetan, Inbertsioetarako Erreserba Bereziaren erabilera edo foru lege honen 36. eta 70.bis artikuluetan azaldutako berrinbertsioa talde fiskaleko beste entitate batek egiten badu, eta entitate hori taldetik ateratzen bada inbertsioari eusteko foru lege honen 43.3 eta 36.2 artikuluetan, hurrenez hurren, ezarrita dauden gutxieneko epeak bukatu baino lehen, pizgarri horiek aplikatzeko betebeharrak hautsi direla ulertuko da, salbu eta Ekonomia eta Ogasun Departamentuak horretarako berariazko baimena eman baldin badu, hori justifikatzen duten egoera berezietan.

132. artikulua. Zerga taldearen aitorpena, beronek bere burua desegitea eta bertan sartzea.

1. Sozietate nagusiaren betebeharra izanen da, zerga taldea aldarrikatzen duenarekin bat, taldeak dukeen zerga-ordainketako zorra kitatzea, eta Ekonomi eta Ogasun Departamentuak zehazten duen tokian, epean eta moduan zorraren dirua sartzea. Sozietate nagusiak egiteko berak izanen ditu ordainketa zatikatuak direla eta.

Baldin eta araubide hori aplikatu beharreko lehenbiziko zergaldian talde fiskalak erabiltzen badu ordainketa zatikatuaren modalitate bat aurreko zergaldi bateko benetako kuotan edo beste magnitude batzuetan oinarritzen dena, sozietate nagusiak, ordainketa zatikatuaren zenbatekoa zehazteko, kontuan hartuko ditu aipatutako benetako kuota eta, hala behar bada, beste magnitudeak, aurreko zergaldi horri dagozkionak, betiere ordainketa zatikatua zer zergaldiri dagokion zergaldi horretan talde fiskala osatzen duten entitateenak. Talde fiskalean sozietateren bat sartzen bada edo hartatik kanpo gelditzen bada, sozietate nagusiak horien benetako kuota eta, hala behar denean, gainerako magnitudeak ere kontuan hartuko ditu.

2. Sozietate nagusiak banakako zerga-ordainketako araubidean egin beharko lukeen epearen barruan egin beharko da zerga taldearen aitorpena.

3. Zerga taldea iraungitzen denean, kontsolidazio fiskaleko araubidea galtzen denean, edo eta taldeko sozietateak bereizten direnean egin behar diren aitorpen osagarriak epe honetan egin beharko dira: iraungipena, galera edo bereizketa eragin duten zioak gertatu eta sei hilabeteren ondorengo hogeitabost egun naturaleko epearen barruan.

4. Zerga taldeko sozietateek elkartasunez jokatuko dute zerga-zorra ordaintzeko orduan, zehapenak alde batera utzirik.

IX. KAPITULUA. Europar sozietate bateko edo europar sozietate kooperatibo bateko bat-egiteen, zatiketen, aktiboen ekarpenen, baloreen trukearen eta helbide soziala Batasuneko kide den Estatu batetik bestera aldatzeko araubide berezia

133. artikulua. Definizioak.

1. Ondorengo letretan aipatzen direnak bat egiteak izango dira:

a) Entitate batek edo batzuek, kitapenarik gabeko desegitearen unean eta desegite honen ondorioz, euren ondare sozialak aurretik baden beste sozietate bati eskualdatzen dizkiotenean, eskualdatze hau sozietateen bazkideei beste entitate horren kapital sozialaren ordezkagarri diren baloreak ematearen bidez egiten denean, eta, hala balitz, balio nominalaren 100eko 10 baino handiagoa ez den diru-konpentsazioaren bidez. Balio nominalik ez bada, balore horien balio nominala kontabilitatetik ondorioztatzen denaren parekoa izango da.

b) Entitate batek edo batzuek, kitapenarik gabeko desegitearen unean eta desegite honen ondorioz, euren ondare sozialak beste sozietate berri bati eskualdatzen dizkiotenean, eskualdatze hau sozietateen bazkideei beste entitate berri horren kapital sozialaren ordezkagarri diren baloreak ematearen bidez egiten denean, eta, hala balitz, balio nominalaren 100eko 10 baino handiagoa ez den diru-konpentsazioaren bidez. Balio nominalik ez bada, balore horien balio nominala kontabilitatetik ondorioztatzen denaren parekoa izango da.

c) Entitate batek, kitapenarik gabeko desegitearen unean eta desegite honen ondorioz, bere ondare soziala eskualdatzen dio ondare sozial honen ordezkagarriak diren balore guztien titularra den entitateari.

2.

1.a Ondorengo letretan aipatzen direnak banaketak izango dira:

a) Entitate batek, likidaziorik gabeko desegitearen ondorioz, bere ondare sozial guztia bi edo zati gehiagotan zatitu, eta zati hauek aurretik badiren edo eta berriak diren beste sozietate bat edo batzuei eskualdatzen dizkienean, eskualdatze hori sozietateen bazkideei, proportzionaltasunaren irizpidearen arabera, ekarpena hartzen duten beste entitate horien kapital sozialaren ordezkagarri diren baloreak ematearen bidez egiten denean, eta, hala balitz, balio nominalaren 100eko 10 baino handiagoa ez den diru-konpentsazioaren bidez. Balio nominalik ez bada, balore horien balio nominala kontabilitatetik ondorioztatzen denaren parekoa izanen da.

b) Erakunde batek jarduera-adarrak osatzen dituen bere ondare sozialaren zati bat edo batzuk zatitzen dituenean, eta blokean eskualdatzen dienean aurretik dauden edo berriak diren bi erakunderi edo gehiagori eta horren trukean, azken hauen kapital sozialaren ordezkagarri diren baloreak eta, hala bada, aurreko letran ezarritakoaren araberako diru-konpentsazioa hartzen dituenean, berauen partaidetzaren arabera bazkideei eman beharko dizkielarik, kapital soziala eta erreserbak derrigorrezko zenbatekoan gutxituz.

c) Entitate batek bere ondare sozialaren zati bat zatitzen duenean, zati hori beste entitate batzuen kapital sozialaren gehiengoa egiten duten partizipazioz osatua badago, baldin eta zati hori beste entitate bati _sortu berria edo aurretik bazegoena_ eskualdatzen dionean, eta horren trukean entitate eskuratzailearen kapitalaren balore adierazgarriak hartzen dituenean; hartutako balore horiek bere bazkideei egotzi beharko dizkio, bakoitzak zer partaidetza duen horren arabera, eta kapital soziala eta erreserbak behar den neurrian murriztuko dira, eta, hala badagokio, diru-konpentsazio bat eman beharko zaie bazkideei aurreko a) letran azaldu moduan.

2.a. Bi entitate erosle edo gehiago daudenean, desegiten den entitateko bazkideei entitate erosleen kapitaleko balore adierazgarriak desegiten den sozietatean zuten proportzio ezberdinean emateko, beharrezkoa izanen da haiek eskuratutako ondareak jarduera-adarrak izatea.

3. Diruzkoa ez den jarduera-adarren ekarpentzat joko da hurrengoa burutuko duen eragiketa, hots: desegin gabeko entitate batek aurretik dagoen edo berria den beste entitate bati jarduera-adar bat edota guztiak ematen dizkionean eta horren trukean, horiek hartzen dituen kapital sozialaren ordezkagarri diren baloreak hartzen dituenean.

4. Jarduera-adartzat joko da ustiapen ekonomikoa ekarriko duen atonomidadun unitate ekonomikoa osatzen ahal duen ondare-multzoa, hau da, bere baliabide propioen bidez jarduteko gai izanen den multzoa. Eskualdatuko diren elementuen antolamendutik edo funtzionamenduak sorraraziko zorrak eratxiki ahal izango zaizkio sozietate eskuratzaileari.

5. Kapital sozialaren balore adierazgarrien truketzat joko da hurrengo eragiketa, hots: entitate batek boto-eskubideen gehiengoa lortzeko bidea emanen dion beste baten kapital sozialaren partaidetza eskuratzen du euren baloreen trukean lehenengo entitatearen kapital sozialaren beste balore adierazgarri batzuk bere bazkideei emanez, eta, hala bada, balio nominalaren 100eko 10etik gorakoa ez den diru-konpentsazio bat. Balio nominalik ez bada, balore horien balio nominala kontabilitatetik ondorioztatzen denaren parekoa izanen da.

6. Kapitulu honetan aurreikusitako zerga-araubidea berdin aplikatuko da europar sozietate edo europar sozietate kooperatibo baten helbidea Europar Batasuneko kide den Estatu batetik beste batera aldatzeko eragiketetan, Espainiako lurraldean dauden ondasunei eta eskubideei dagokienez, baldin eta aipatu lurraldean finkagune iraunkorra izan ondoren ukituak gertatzen badira. Ondorio horietarako, araubide berezi honetan ondasunen eta eskubideen eskualdatze kasuetarako aurreikusitako arauak helbide soziala aldatzeko eragiketetan ere aplikatuko dira, eskualdaketa horietarako bide ematen ez badute ere.

7. Kapitulu honetan ezarritako araubidea aplikagarria izanen da, baita ere, merkataritza-sozietateen izaera juridikoa ez duten eta zerga hauen menpe dauden subjektu pasiboek esku hartzen duten eragiketetan, baldin eta aurreko zenbakietan aipatzen diren eragiketen ondorioz ateratzen diren bezalako emaitzak sorrarazten badituzte.

134. artikulua. Eskualdaketaren ondoriozko errenten araubidea.

1. Aurreko artikuluak aipatutako eregiketen ondoriozko hurrengo errenta hauek ez zaizkio zerga oinarriari erantsiko.

a) Espainiako lurraldean egoitza duten entitateek bertan dauden ondasunak eta eskubideak eskualdatzeagatik agerian geratzen direnak.

Erakunde eskuratzaileak egoitza atzerrian duenean, Espainiako lurraldean kokaturiko establezimendu iraunkor bati loturiko elementuen eskualdaketak eratorriko errentak baino ez zaizkio erantsiko zerga oinarriari.

Elementu hauek Espainiako lurraldetik kanpora transferitzeak ekarriko du establezimendu iraunkorraren zerga-oinarrian sartzea, transferentzia egin den zergaldian, merkatuko balio arrunta eta ondoko artikuluak aipatu balioaren diferentzia, azken balio hori gutxiagotuz, kasua bada, ondoko zenbateko hauetan, amortizazioak eta balioaren beste zuzenketak, kontabilitatean jasoak eta zergetan kengarriak izan direnak.

b) Egoitza Espainiako lurraldean duten entitateek Europako Komunitatekoak ez diren estatuen lurraldeetako establezimendu iraunkorrak egoitza Espainiako lurraldean duten entitateei eskualdatzeagatik agerian geratzen direnak.

c) Egoitza Espainiako lurraldean ez duten entitateek Espainian egoitza duten establezimendu iraunkorrak eskualdatzeagatik agerian geratzen direnak.

Entitate eskuratzaileak egoitza atzerrian duenean, Espainiako lurraldean kokaturiko establezimendu iraunkor bati loturiko elementuen eskualdaketak eratorriko errentak baino ez zaizkio erantsiko zerga oinarriari.

Elementu hauek Espainiako lurraldetik kanpora transferitzeak ekarriko du establezimendu iraunkorraren zerga oinarrian sartzea, transferentzia egin den zergaldian, merkatuko balio arruntaren eta ondoko artikuluak aipatu balioaren diferentzia, azken balio hori gutxiagotuz, kasua bada, ondoko zenbateko hauetan, amortizazioak eta balioaren beste zuzenketak, kontabilitatean jasoak eta zergetan kengarriak izan direnak.

d) Egoitza Espainiako lurraldean duten entitateek Europako Komunitateko kideak diren estatuen lurraldeetan kokatutako finkagune iraunkorrak bertan egoitza duten entitateei eskualdatzeagatik agerian geratzen direnak, Europar Batasuneko kide diren Estatuetako sozietateen arteko bat egiteei, zatiketei, zatiketa partzialei, aktiboen ekarpenei eta akzioen trukeei eta, orobat, europar sozietate edo europar sozietate kooperatibo baten helbidea Europar Batasuneko kide den Estatu batetik beste batera aldatzeari buruzko eragiketetan ezarri beharreko araubide fiskal komunari buruzko 1990eko uztailaren 2ko 90/434/EE Zuzentarauaren Eranskinean zehaztutako formaren bat dutenak eta berorren 3. artikuluan aipatutako zergaren bati loturik eta salbuespenik gabe daudenak.

Zerga-oinarrian ez dira sartuko aurreko a), b) eta c) letretan aipatutako eragiketen ondoriozko errentak, baldin eta entitate eroslea zerga honetatik salbuetsirik edo errenta-egozpenaren araubidearen menpe badago.

Zerga-oinarritik salbuetsiko dira zenbaki honetan aipatutako eragiketetatik eratorritako errentak, nahiz eta entitate eskuratzailea karga tasa edo zerga-araubide bereziaren onuraduna izan. Entitate eskuratzailearen onura den karga tasa edo zerga-araubide berezia eta eskualdatzailearena diferenteak direnean, forma juridiko diferenteak dituztelako, eragiketa egin denean dauden ondare elementuak eskualdatzeagatik, eragiketa izan eta gero, eratorritako errenta era linealean sortu dela ulertuko da, kontrako frogarik ez badago, eskualdatutako elementua edukitzen den denboran. Errenta horretatik eragiketa egin arte sortutako zatiari ezarriko zaizkio entitate eskualdatzaileari legozkiokeen karga tasa eta zerga-araubidea.

2. Aurreko zenbakian ezarritako araubideari uko egin ahal izanen zaio, ondare-elementu guztiak edo zati bat eskualdatzearen ondorio diren errentak zerga-oinarriari erantsiz.

3. Edozein modutan ere, nazioarteko itsas eta airenabigazioan diharduten entitateetan agerian agertuko diren itsasuntziak edota aireuntziak edo ustiapenerako ondasun higikorrak eskualdatzeak eratorritako errentak zerga oinarriari erantsiko zaizkio, erakunde eskuratzailearen egoitza Espainiako lurraldean ez dagoenean.

135. artikulua. Eskuratutako ondasunen zerga-balorazioa.

1. Aurreko artikuluan ezarritako araubidea ezartzeko gertatu zaien eragiketek eratorritako eskualdaketen bidez eskuratutako ondasunak eta eskubideak, zergari dagokionez, eragiketa burutu aurretik erakunde eskualdatzailean zituzten balio berberen arabera baloratuko dira eta berdin mantenduko da, erakunde eskualdatzailearen eskuraketa-eguna Foru Lege honetako 27. artikuluan xedatutakoa aplikatzeko.

Balore horiek eragiketa honetan benetan zergan ordaindu dituzten errenten zenbatekoan zuzenduko dira.

2. Aurreko artikuluan ezarritako araubidea aplikagarria ez den kasuetan alde bien artean erabakitako balioa hartuko da merkatuko balio arruntaren mugarekin.

136. artikulua. Ekarpenaren kontraprestazio gisa jasotako akzio edo partaidetzen zerga-balorazioa.

Jarduera-adarren ekarpen baten ondorioz jasotako akzio edo partaidetzak-, zergari dagokionez, unitate ekonomiko autonomoak duen kontabilitateko balioagatik baloratuko dira, zuzendua berau, hala denean, eragiketa dela eta sozietate eskualdatzailearen zerga-oinarrian sartu diren errenten zenbatekoan.

137. artikulua. Balore-trukearen zerga araubidea.

1. Balore-trukea dela eta, agirian geratzen diren errentak ez dira Pertsona Fisikoen Errentaren gaineko Zergaren edo zerga honen zerga-oinarrian sartuko, betiere ondorengo baldintza hauek betetzen baldin badira:

a) Balore-trukea burutzen duten bazkideek egoitza Espainiako lurraldean, Europar Batasuneko kide den estaturen batean, edota beste edozein estatutan izatea, betiere, azken kasu honetan, jasotako baloreek egoitza Espainian duen entitate baten kapital sozialaren ordezkagarriak direnean.

Bazkidea errenta-egozpeneko araubideko entitatetzat hartzen bada, baloreen esleipen horrek sortutako errenta ez da bazkide horren bazkide, oinorde, komunero edo partaide diren pertsonen edo entitateen zerga-oinarrian sartuko, baldin eta eragiketari kapitulu honetan ezarritako zerga-araubidea aplikatzen ahal bazaio edo 90/434/EEE Zuzentarauaren babesean egiten bada, eta bazkideak jasotako baloreek aldatutakoek zuten zerga-balorazioari eusten badiote."

b) Baloreak eskuratzen dituen entitateak egoitza Espainiako lurraldean izatea edo, bestela, 434/90/EE Zuzentarauaren ezarpen eremuan egotea.

2. Balore-trukea burutzen duen entitateak jasotako baloreak ekarpena egiten duten bazkideen ondarean zuten balioaren arabera baloratuko dira, zerga honen edo Pertsona Fisikoen Errentaren gaineko Zergaren arauei jarraikiz, merkatuko balio nominala txikiagoa denean izan ezik, orduan azken honen arabera baloratuko baitira.

Bazkideek sorturiko errentek Espainiako lurraldean tributatzeko beharrik ez badute, aldeen artean hitzarturiko balorea hartuko da, merkatuko balio normalaren mugarekin.

3. Bazkideek jasotako baloreak, zergari dagokionez, emandakoen balioaren arabera baloratuko dira, zerga honen edo Pertsona Fisikoen Errentaren gaineko Zergaren arauen arabera zehaztua, bidezkoa denaren arabera. Balorazio hau igo edota urritu eginen da emandako zein jasotako diru-konpentsazio osagarriaren zenbatekoan. Jasotako baloreek emandakoak eskuratzeko datari eutsiko diote.

4. Bazkideak Espainiako lurraldeko egoiliar izateari uzten badio, inguruabar hori gertatzen den zergaldian, Persona Fisikoen Errentaren gaineko Zergako edo zerga honetako zerga-oinarrian sartuko da akzioek edo partaidetzek merkatuan duten balio normalaren eta aurreko idatz-zatian aipatu den balioaren arteko diferentzia (hala dagokionean, aurreko zenbakian aipatutako balioari zergaren kenkari izan diren balio-galeren ondoriozko galeren zenbatekoa kenduko zaio).

Errenta horri dagokion zerga-zorraren zatiaren ordainketa atzeratu ahal izanen da, baloreak eskualdatzen diren zergaldiari dagokion aitorpenarekin batera sartuz, subjektu pasiboak horren ordainketa bermatzen baldin badu.

5. Erregelamendu bidez paradisu fiskaltzat jotako lurralde edo lurraldeetan helbideratutako edo finkatutako entitateek esku hartzen duten eragiketetatik lortutako errentak, edota horien bidez lortutakoak, Pertsona Fisikoen Errentaren gaineko Zergako edota zerga honetako zerga oinarrian sartuko dira.

6. Artikulu honetako 1. zenbakian ezarritako beharkizunak betetzen ez dituzten baloreak trukatzeko eragiketetan ezin izanen da aplikatu kapitulu honetan jasotako araubidea.

138. artikulua. Bazkideen zerga-ordainketa bat egite, irespen eta erabateko zein zatikako banaketa-eragiketetan.

1. Entitate erosleak entitate eskualdatzaileko bazkideei baloreak egoztearen ondorioz ageri diren errentak ez dira zerga-oinarrian sartuko baldin eta bazkide horiek Espainiako lurraldeko edo Europar Batasuneko kide den beste Estatu bateko egoiliar badira eta azken kasu horretan, baloreak egoitza Espainian duen entitate baten kapital sozialaren adierazgarriak badira.

Bazkidea errenta-egozpeneko araubideko entitatetzat hartzen bada, baloreen esleipen horrek sortutako errenta ez da bazkide, oinorde, komunero edo partaide diren pertsonen edo entitateen zerga-oinarrian sartuko, baldin eta eragiketari kapitulu honetan ezarritako zerga-araubidea aplikatzen ahal bazaio edo 90/434/EEE Zuzentarauaren babesean egiten bada, eta bazkideak jasotako baloreek aldatutakoek zuten zerga-balorazioari eusten badiote.

2.-Hein batean edo osorik bat egin, banatu eta irensteko eragiketen bidez jasotako baloreak, zergari dagokionez, emandakoen balioaren arabera baloratuko dira, zerga honetako edota Pertsona Fisikoen Errentaren gaineko Zergako arauen arabera zehaztua, bidezkoa denaren arabera. Balorazio hori igo edota urritu eginen da emandako zein jasotako diru-konpentsazio osagarriaren zenbatekoan. Jasotako baloreek emandakoen eskuratze-datari eutsiko diote.

3. Bazkideak Espainiako lurraldeko egoiliar izateari uzten badio, hori gertatzen den zergaldian, Pertsona Fisikoen Errentaren gaineko Zergako edo zerga honetako zerga-oinarrian sartuko da akzioek edo partaidetzek merkatuan duten balio normalaren eta aurreko idatz-zatian aipatu den balioaren arteko diferentzia (hala dagokionean, aurreko idatz-zatian aipatutako balioari zergaren kenkari izan diren balio-galeren ondoriozko galeren zenbatekoa kenduko zaio).

Errenta horri dagokion zerga-zorraren zatiaren ordainketa atzeratu ahal izanen da, baloreak eskualdatzen diren zergaldiari dagokion aitorpenarekin batera sartuz, subjektu pasiboak horren ordainketa bermatzen baldin badu.

4. Arau bidez parabisu fiskaltzat jotako lurralde edo lurraldeetan helbideratutako edo finkatutako erakundeek esku hartzen duten eragiketetatik lortutako errentak, edota horien bidez lortutakoak-, Pertsona Fisikoen Errentaren gaineko Zergako edota zerga honetako zerga-oinarrian sartuko dira.

139. artikulua. Entitate eskualdatzailearen eta entitate eskuratzailearen kapitaleko partaidetzak.

1. Entitate eskuratzaileak entitate eskualdatzailearen kapitalean parte hartzen duenean, %5ean gutxienez, partaidetzaren deuseztapenak eratorritako errenta positiboa ez da haren zerga-oinarrian sartuko, baldin eta entitate eskualdatzailearen erreserbekin bat badator, ezta arrazoi bera dela eta agerian geratzen den errenta negatiboa ere.

Balizko honetan ez da kenkaria ezarriko dibidenduen barne-ezarpen bikoitza eragozteko, aurreko lerroaldean aipatutako erreserbei dagokienez.

2. Partaidetzaren zenbatekoa aurreko zenbakian aipatutakoa baino txikiagoa denean, horren deuseztapenak errenta bat ekarriko du, eta jasotako ondare-elementuek merkatuan duten balio arruntaren eta berorren kontabilitateko balioaren diferentziaren zenbatekoa izango da errenta hori.

3. Zergari dagokionez, eskuratzen diren ondasunak foru lege honen 135. artikuluan ezarritakoaren arabera baloratuko dira.

Hala ere, eskuratzaileak eskualdatzailearen kapitalaren gutxienez 100eko 5eko partaidetza duenean, partaidetzaren eskurapen-prezioaren eta horrek funts berekietan duen zatiaren arteko diferentzia eskuratutako ondasun eta eskubideei egotziko zaie, Merkataritza Kodearen 46. artikuluan eta gainerako garapen arauetan azaltzen den integrazio orokorreko metodoa ezarriz; eta egozten ez den diferentziaren zatia zerga-oinarritik kentzen ahalko da, kendu ere zenbatekoaren hamarrena gehienez urtean, ondorengo betebeharrak betez gero:

a) Partaidetza ez izatea eskuratua egoitza Espainiako lurraldean ez duten pertsona edo entitateetatik, ez egoitza Espainiako lurraldean duten pertsona fisikoengandik, ez eta lotura duen entitate batetik ere, baldin eta azkeneko entitate horrek, bere aldetik, hasieran aipatutako pertsona edo entitateetatik eskuratu badu partaidetza.

Letra honetan ezarri den betebeharra bete dela ulertuko da, baldin eta:

a') Partaidetza egoitza Espainiako lurraldean ez duten pertsona edo entitateetatik eskuratu bada edo eskuratzailearekin lotura duen entitate batetik eskuratu bada, betiere entitate horrek, bere aldetik, aipatutako pertsona edo entitateetatik eskuratu badu partaidetza, idatz-zati honetan aipatutako diferentziari dagokion zerga Espainian ordaindu denean partaidetzaren edozein eskualdaketaren bidez.

Halaber, aipatutako diferentziaren kenkaria egitea bidezkoa izanen da horren baliokide den zenbateko bati zerga honen izaera berdin-berdina edo antzekoa duen beste bat aplikatu bazaio, partaidetzaren eskualdaketan mozkinak izateagatik, eta eskualdaketa egoitza Europar Batasuneko beste estatu batean duen entitate batek egin badu, non eta entitate horren egoitza paradisu fiskaltzat jotzen den herrialde edo lurralde batean ez dagoen.

b') Egoitza Espainiako lurraldean duten pertsona fisikoengandik eskuratu bada partaidetza edo lotura duen entitate batetik eskuratu bada, baldin eta entitate horrek, bere aldetik, aipatutako pertsona fisikoengandik eskuratu badu partaidetza, pertsona fisiko horiek eskuratu dituzten ondare-irabaziak Pertsona Fisikoen Errentaren gaineko Zergaren zerga-oinarrian sartu direla frogatzen denean.

b) Partaidetza eskuratu zuen entitatea ez egotea, eskualdatu zuen entitateari dagokionez, Merkataritza Kodearen 42. artikuluan ezartzen diren kasuetakoren batean, egoitza zein den eta urtero kontu bateratuak egin behar ote dituen kontuan hartu gabe.

Letra honetan aurreikusitako betebeharra ez da aplikatuko eskualdatzen duen pertsonak edo entitateak partaidetza eskuratzean ordaintzen duen prezioari dagokionez, baldin eta, eskualdatzaileak, lehenago, Espainiako lurraldean duen eta loturarik ez duen pertsona edo entitate batetik eskuratu badu.

4. Aurreko a) eta b) letretako betebeharrak betetzen direnean, eskuratutako aktibo finkoaren ondasunei egozten zaien zatiaren balorazioak zerga-ondorioak izanen ditu, eta egozten zaien zati horren kontabilitateko amortizazioa zerga-oinarritik kentzen ahalko da, ondasun amortizagarrien kasuan, foru lege honen IV. tituluaren II. kapituluan ezarri bezala; era berean, foru lege honen 21. artikuluaren 1. eta 2. idatz-zatietan ezarritako kenkaria aplikagarria izanen da.

Idatz-zati honetako a) letrako betebeharra betetzen denean baina aurreko b) letrakoa bete gabe, partaidetza eskuratzeko prezioaren eta funts berekietan horri dagokion zatiaren arteko diferentzia amortizatzeko zuzkidurak kengarriak izanen dira, balio-galera itzulezinaren ondorio direla frogatzen bada.

5. Entitate eskualdatzaileak entitate eskuratzailearen kapitalean parte hartzen duenean, ez dira haren zerga-oinarrian sartuko partaidetzaren eskualdaketa dela-eta agerian geratzen diren errentak, nahiz eta entitateak 134. artikuluko 2. zenbakian ezarritako uko egite ahalmena erabili.

140. artikulua. Zerga-eskubide eta betebeharretarako subrogazioa.

1. Entitate eskuratzaileari eskualdatuko zaizkio entitate eskualdatzailearen zerga-eskubide eta betebeharrak, 133. artikuluan aipatutako eragiketek titulu unibertsaleko ondorengotza ekartzen dutenean.

Entitate eskuratzaileak bere gain hartuko du, zerga- onurak edukitzen jarraitzeko, edota entitate eskualdatzailea edukitakoak sendotzeko, beharrezkoak diren baldintzak betetzea.

2. Ondorengotza titulu unibertsalekoa ez denean, eskualdatutako ondasun eta eskubideei dagozkien zerga-eskubide eta betebeharrei buruzkoa baino ez da izango eskualdaketa.

Entitate eskuratzaileak bere gain hartuko du erakunde eskualdatzailearen zerga pizgarriek eratorriko betebeharrak betetzea, eskualdatutako ondasun eta eskubideei lotuta dauden heinean.

3. Entitate eskualdatzaileari dagozkion likidazio-oinarri negatiboek murriztu ahal izanen dituzte, Foru Lege honek ezartzen duen eran, entitate eskuratzailearen likidazio-oinarri positiboak.

Entitate eskuratzaileak sozietate eskualdatzailearen kapitalean partaidetza baldin badu, edo biek Merkataritza Kodeko 42. artikuluan aipatzen den sozietate multzo bat osatzen badute, konpentsagarria den zerga-oinarri negatiboa txikitu eginen da partaidetza honi edo multzoko entitateek entitate eskualdatzailearen gainean dituzten partaidetzei dagozkien edozein titulurengatik bazkideek egindako ekarpenen balioaren eta kontabilitate-balioaren arteko diferentzia positiboaren zenbatekoan.

4. Subrogazioek Espainiako legeen babespean sortutako eskubide eta betebeharrak baino ez dituzte kontutan hartuko.

141. artikulua. Errenten egozketa.

133. artikuluan aipatutako eragiketak direla-eta iraungitako entitateek burututako jardueren errentak merkataritzako arauetan ezarritakoaren arabera egotziko dira.

142. artikulua. Finkagune iraunkorren galerak.

Finkagune iraunkor bat eskualdatzen denean, eta foru lege honetako 134. artikuluko 1. zenbakiko c) letran ezarritako araubidea aplikatzen denean, Espainiako lurraldean egoitza duten entitate eskualdatzaileen zerga-oinarria gehitu eginen da, finkagune iraunkorrak egotzitako errenta positiboen gaineko errenta negatiboen soberakina adina.

Aurreko lerrokadan ezarritakoaz gain, errenta positibo horrek foru lege honen 60. bis artikuluan ezarritako baldintzak betetzen ez baditu, aipatutako soberakina gainditzen duen errentaren zenbatekoa entitate eskualdatzaileen zerga-oinarrian sartuko da, deusetan galarazi gabe, 90/434/EEE Zuzentarauko xedapenengatik ez balitz, finkagune iraunkorra dagoen estatu kidean zerga-oinarrian sartutako errenta hori zergapetuko zukeen zerga kuota osotik kentzeko aukera.

143. artikulua. Kontabilitate-betebeharrak.

1. Entitate eskuratzaileak ondoren aipatuko den informazioa sartu beharko du urteko txostenean, entitate eskualdatzaileak 134.2 artikuluan aipatu den ahalmena erabili ez badu; orduan, d) letran zehaztutakoa baino ez du bete behar izango:

a) Entitate eskualdatzaileak amortizagarriak diren eskualdatutako ondasunak eskuratu zituen ekitaldia.

b) Erakunde eskualdatzaileak itxitako azken balantzea.

c). Kontabilitate-liburuetan eragiketa burutu baino lehen entitate eskualdatzailearen liburuetakoa ez bezalako balioarekin sartu diren ondasun eskuratuen zerrenda, bi balioak adieraziz, baita amortizazio funtsak eta entitate bietako kontabilitate-liburuetan agertzen diren balio-galtzearen ondoriozko balio-zuzenketak ere.

d) Entitate eskualdatzaileak edukitako zerga-onuren zerrenda, zeinei buruz entitateak bere gain hartu behar baitu baldintza jakin batzuk betetzea, 140. artikuluko 1 eta 2. zenbakietan ezarritakoaren arabera.

Zenbaki honetan ezarritakoaren ondorioetarako, entitate eskualdatzaileak entitate eskuratzaileari jakinarazi beharko dizkio aipatu datu horiek.

2. Pertsona juridikoak diren bazkideek ondorengo datu hauek aipatu beharko dituzte urteko txostenean:

a) Emandako baloreen kontabilitate-balioa.

b) Jasotako baloreak zein baliorekin kontabilizatu diren.

3. Aurreko zenbakietan ezarritako aipamenak eskuraturiko baloreak edo ondare-elementuak inbentarioan dauden bitartean burutu beharko dira edo, bestela, entitate eskualdatzaileak edukitako zerga pizgarriek eratorritako baldintzak bete behar diren bitartean.

Erakunde eskuratzaileak aukeratu ahal izango du, eta bigarren eta ondorengo urteko txostenei dagokienean, aipamenok eragiketaren ondorengo lehenengo urteko txostenean agertzen direlako adierazpen hutsa sartu, zein gorde egin beharko baita aurreko lerroaldean aipatzen den inguruabarra dagoen bitartean.

4. Aurreko zenbakietan ezarritako betebeharrak ez betetzea zerga-arauen hauste arintzat joko da, aldera utzitako datu bakoitzeko 25.000 eta 1.000.000 bitarteko isunarekin zehatu ahal delarik, eta muga entitate eskuratzaileak, eskualdatutako ondasun eta eskubideak direla eta, kontabilitatean adierazitako balioaren 100eko 5ean dago.

144. artikulua. Gorabehera bereziak.

1. Kapitulu bonetan ezarritako araubidea Zerga honen edo Pertsona Fisikoen Errentaren gaineko Zergaren subjektu pasiboak aukeratuta, ondorengo baldintzak biltzen dituzten diru bidezkoak ez diren ekarpenetan ezarriko da:

a) Ekarpena jasotzen duen erakundeak egoitza Espainiako lurraldean izatea edo, bestela, jarduerak hortxe burutzea, establezimendu iraunkor baten bidez, zeini ekarritako ondasunak lotuko baitzaizkio.

b) Ekarpena egindakoan, ekartzen duen entitateak, Zerga honen edo Pertsona Fisikoen Errentaren gaineko Zergaren subjektu pasiboa denak, ekarpena jasotzen duen entitatearen berezko fondoetan parte hartzea, %5ean gutxienez.

c) Pertsona Fisikoen Errentaren gaineko Zergaren subjektu pasiboak akzio edo partaidetza sozialak ekartzen baditu, a) eta b) letretan ezarritako baldintzez gainera ondoko hauek ere betetzea:

a’) Ordezkatzen duen kapital soziala izan dadila egoitza Espainiako lurraldean duen entitatea, aplikagarri ez zaiona foru lege honetan aurreikusitako interes ekonomikoko elkarteen, espainiar zein europarren, enpresen aldi baterako batasunen eta ondare sozietateen araubide berezia. Halaber, haren jarduera nagusia ez dadila izan ondare higigarri edo higiezinen baten kudeaketa, Ondarearen gaineko Zergari buruzko azaroaren 19ko 13/1992 Foru Legearen 33.1 artikuluan aurreikusitako moduan, eta ez ditzala bete foru lege honetako 147.1 artikuluaren laugarren lerrokadan ezarritako gainerako baldintzak.

b') Entitatearen beraren fondoetan 100eko 5eko partaidetza, bederen, edukitzea.

c') Ekarpena egiten duena ekarpenaren agiri publikoaren data baino urtebete lehenagotik, etenaldirik gabe, haien jabe izatea.

d) Pertsona Fisikoen Errentaren gaineko Zergaren subjektu pasiboek akzio edo partaidetza sozialak ez diren ondare elementuak ekartzen badituzte, elementu horiek jarduera ekonomikoei atxikiak izatea eta haien kontabilitatea Merkataritzako Kodean xedatutakoaren arabera egitea.

2. Kapitulu honetan ezarritako araubidea jarduera-adarretako ekarpenetan aplikatuko da, ekarpen horiek Pertsona Fisikoen Errentaren gaineko Zergaren subjektu pasiboek egin badituzte eta, betiere, kontabilitatea Merkataritzako Kodean xedatutakoaren arabera egiten badute.

3. Ekartzen diren ondare-elementuak ezin izanen dira baloratu, zerga ondorioetarako, merkatuko balio arruntak jotzen duena baino balio handiagoarekin.

4. (indargabetua)

145. artikulua. Zergapetze bikoitza eragozteko arauak.

1. Foru Lege honetako 136., 137.2, eta 144. artikuluetan ezarritako balorazio erregelak aplikatzeagatik sor litekeen zergapetze bikoitza eragozteko asmoz, ondorengo arauak aplikatuko dira:

a) Ekarritako ondasunen errenta egozgarrien pentzutan banatutako mozkinek kenkarirako eskubidea ematen dute, 59.4 artikuluan aipatu den dibidenduen barne-zergapetze bikoitza eragozteko asmoz, bazkidearen partaidetzaren ehunekoa eta haren antzinatasuna edozein izanik ere. Irizpide bera aplikatuko zaio kenkariari, foru lege honetako 59.5 artikuluak partaidetzen eskualdaketa dela-eta aipatzen dituen plusbalioen barne-zergapetze bikoitza saihesteko.

b) Ekarritako ondasunen errenta egozgarrien kargura banatzen diren mozkinek salbuesteko edo kenkarirako eskubidea emanen dute, dibidenduen nazioarteko zergapetze bikoitza saihesteko, bazkidearen partaidetzaren ehunekoa edozein izanik ere.

Partaidetzaren balio-galtzearen ondoriozko galera, aurreko paragrafoan adierazitako mozkinen banaketaren ondoriozkoa, hain zuzen ere, ez da kengarria izanen, salbu eta mozkin horiei dagozkien zergak Espainian ordaindu badira partaidetzaren eskualdaketaren bidez.

2. Entitate eskuratzaileak kontabilizatzeko erabilitako eragatik, posible izan ez balitz zergapetze bikoitza saihestu, aurreko zenbakian ezarritako arauak ezartzeagatik, entitate horrek, iraungitzen den unean, foru lege honetako 136, 137.2, eta 144. artikuluetan ezarritako balorazio erregelak aplikatzeagatik eginen zituen kontrako zeinuko doikuntzak eginen ditu. Entitate eskuratzaileak, iraungipen unea baino lehen, aipatu doikuntzak egin ahal izanen ditu kontrako bidean, baldin eta frogatzen bada bazkideek beren partaidetza eskualdatu dutela, betiere eskualdaketa hori dela-eta haien zerga oinarrian sartu zenbatekoaren mugarekin.

146. artikulua. Zerga-araubidearen aplikazioa.

1. Kapitulu honetan ezarritako araubidea aplikatzeko, bera hautatu beharko da ondoko arauen arabera:

a) Bategite edo bereizketa eragiketetan aukera hori sartu beharko da entitate eskualdatzaileen eta eskuratzaileen bategite edo bereizketa proiektu eta akordioetan, betiere zerga kontuetarako egoitza Espainian baldin badute.

Eragiketa horietan Foru Lege honen 134. artikuluan ezarritako araubidea aplikatu behar bada eta zerga kontuetarako ez entitate eskualdatzaileak ez eskuratzaileak ez badute egoitza Espainian, aukera entitate eskuratzailearena izanen da eta eskualdaketaren agiri publikoan jaso beharko da.

b) Diru bidezkoak ez diren ekarpenetan aukera entitate eskuratzailearena izanen da eta akordio sozialean jasoko da edo, hori izan ezean, egintza edo kontratua agertzen duen agiri publikoan.

Entitate eskuratzaileak, zerga kontuetarako, egoitza edo establezimendu iraunkorra Espainian ez duenean, aukera entitate eskualdatzailearena izanen da.

c) Balore trukaketen eragiketetan aukera entitate eskuratzailearena izanen da eta akordio sozialean jasoko da edo, hori izan ezean, egintza edo kontratua agertzen duen agiri publikoan. Akzioak erosteko eskaintza publikoetan aukera eragiketa sustatu duen erakunde sozial eskudunarena izanen da eta argibideen orrian jaso beharko da.

Baloreak eskuratzen dituen entitateak eta trukatzen diren baloreen jabe den partaidetutako entitateak Espainian egoitzarik ez badute, baloreak eskualdatzen dituen bazkideak frogatu beharko du entitate eskuratzaileari 90/434/EB Zuzentarauaren araubidea aplikatu zaiola.

d) Europar Sozietate edo Europar Sozietate Kooperatibo baten helbidea Europar Batasuneko kide den estatu batetik beste batera aldatzeko eragiketetan, aukera sozietate-helbidea Espainiatik beste estatu kide batera aldatzen duen sozietatearen lekualdaketarako proiektuan eta sozietate-erabakian sartuko da, edo helbidea Espainiara aldatzen duen sozietatearenean, edo Espainian helbiderik ez baina Espainiako lurraldean finkagune iraunkorra izanik, helbidea beste estatu kide batera aldatzen duen sozietatearenean.

Aukera eskritura publikoan nahiz balio bereko agiri publiko batean jasoaraziko da. Agiri horiek destinoko estatu kideko erregistro publikoan inskribatzen ahalko dira. 1968ko martxoaren 9ko 68/151/EEE Zuzentarauan aurreikusi zen erregistro hori, eta bertan eragiketa dokumentatuko da.

Nolanahi ere, hartutako aukera Ekonomia eta Ogasun Departamentuari jakinaraziko zaio, erregelamendu bidez ezartzen diren moduan eta epean.

2. Kapitulu honetan ezarritako araubidea ez da aplikatuko egindako eragiketaren xede nagusietakoa iruzurra edo zerga ihesa direnean. Bereziki, araubidea ez da aplikatuko eragiketaren arrazoi ekonomikoak baliozkoak ez badira, hau da, bai eragiketan parte hartzen duten entitateen berregituraketa edo arrazionalizazioa baldin bada arrazoia, bai, baina ez xedea zergetan onurak erdiestea soilik baldin bada.

Tributuei buruzko Foru Lege Orokorraren 94. artikuluak xedatzen duenari jarraikiz, interesatuek kontsultak egiten ahal dizkiote zergetako Administrazioari eragiketa zehatzetan betebehar hori aplikatu eta konplitzearen gainean. Administrazioaren erantzuna loteslea izanen da Kapitulu honen araubide berezia aplikatzeko, bai tributu honetan bai beste edozeinetan.

3. Kapitulu honetako errentak gerokotzeko araubidea ez da bateragarri izanen, Foru Lege honen 62. artikuluak dioenaren ariora, Espainiako lurraldean egoitzarik ez duten entitateen partaidetzak eskualdatzetik heldu diren errentetarako ezarritako salbuespenak aplikatzearekin.

X. KAPITULUA. Atzerriko baloreak dituzten entitateen araubidea

147. artikulua. Balore atzerritarren edukitzako entitateak.

1. Egoitza Espainiako lurraldean ez duten erakundeen funts berekien adierazgarri diren baloreen kudeaketa lehendabiziko helburu sozialtzat duten entitateek, beharrezko giza eta gauza baliabideen antolaketaren bidez, kapitulu honetan ezarritako araubideari heldu ahal izanen diote.

Balore atzerritarren edukitzako entitateen kapitaleko balore edo partaidetza adierazgarriak izendunak izanen dira.

Interes ekonomikoko elkarteen, espainiar zein europarren, enpresen aldi baterako batasunen araubide bereziaren pean dauden entitateak ezin izanen dira kapitulu honetan ezarritako araubideaz baliatu.

Ondarearen gaineko Zergari buruzko azaroaren 19ko 13/1992 Foru Legearen 33.1.b) artikuluan aurreikusitakoari jarraikiz jarduera nagusitzat ondare higigarri edo higiezinen baten kudeaketa duten entitateak ere ezin izanen dira araubide honetaz baliatu, baldin eta sozietatearen ekitaldiko gutxienez 90 egunetan kapital sozialaren 100eko 50 baino gehiago, zuzenean edo zeharka, hamar bazkide edo gutxiagorena edo familia-talde batena baldin bada. Familia-taldea da ezkontidea eta zuzeneko edo zeharkako lerroko, odolezko edo ezkontza bidezko ahaidetasun loturen bidez, laugarren gradura arte, hori barne, baturiko pertsonek osatzen dutena, salbu eta bazkide guztiak aurreko baldintzak betetzen ez dituzten pertsona juridikoak badira edo zuzenbide publikoko pertsona juridiko bat kapitalaren 100eko 50 baino gehiagoren titularra bada, hala nola entitatearen funts berekietako partaidetzaren adierazgarri diren baloreak Baloreen Merkatuari buruzko uztailaren 28ko 24/1988 Legean aurreikusitako bigarren mailako balore-merkatu ofizialetako batean negoziatzeko onartu direnean.

2. Balore atzerritarren edukitzako entitateen araubidea aukeratuz gero, horren berri eman beharko zaio Ekonomi eta Ogasun Departamentuari. Araubidea jakinarazpen horren ondoren bukatzen den zerga- alditik aurrera aplikatuko da bai eta ondoko zerga-aldietan ere, baldin eta araubideari uko egitea Ekonomi eta Ogasun Departamentuari jakinarazi aurretik bukatzen badira.

Erregelamendu bidez komunikazioaren beharkizunak eta harekin batera eman beharreko informazioaren edukia ezarri ahal izanen dira.

148. artikulua. Egoitza Espainiako lurraldetik kanpo duten entitateen berezko funtsen ordezkagarri diren balore edukitzetik eratorritako errentak.

Egoitza Espainian ez duten entitateen mozkinen dibidenduak edo partaidetzak, hala nola dagokion partaidetzaren eskualdaketatik etorritako errenta positiboak, nazioarteko zergapetze bikoitza saihesteko salbuetsirik egon ahal izanen dira, foru lege honetako 62. artikuluan aurreikusitako baldintza eta betebeharrekin.

Salbuespena aplikatzeko, 62. artikuluaren 1. zenbakiko a) letrak aipatzen duen guttieneko partaidetzaren baldintza beterik kontsideratuko da partaidetzaren erosketa prezioa 6 milioi euro (998.316.000 pezeta) baino handiagokoa denean. Atzerriko baloreak dituen entitateak bigarren edo hurrengo mailetako bere filialetan zeharka parte hartzen badu, Foru Lege honen 62. artikuluaren 1. zenbakiko c) letraren b') azpiletran ezarritakoa aplikatzearren, 100eko 5eko guttieneko portzentajea errespetatu beharko du, salbuespen batekin: filial horiek Merkataritzako Kodearen 42. artikuluak aipatzen dituen ezaugarriak dituztenean, zuzenean partaidetutako entitate atzerritarrarekin sozietate talde bereko kide izanik eta kontabilitate estatu kontsolidatuak eginik.

149. artikulua. Mozkinen banaketa. Partaidetzaren eskualdaketa.

1. Aurreko artikuluan aipaturiko errenta salbuetsien ondorioz banatzen diren mozkinekin honela jokatuko da:

a) Hartzailea zerga honi loturik dagoen entitatea denean, jasotzen diren mozkinek dibidenduen ezarpen bikoitzagatiko kenkarirako eskubidea emanen dute, foru lege honetako 59. artikuluan ezarritako moduan.

b) Mozkinen hartzailea Pertsona Fisikoen Errentaren gaineko Zergari loturiko subjektu pasiboa denean, banatzen den mozkina zerga-oinarriaren zati orokorrean sartuko da eta zilegi izanen da nazioarteko zergapetze bikoitzagatik kenkaria aplikatzea, Pertsona Fisikoen Errentaren gaineko Zergari buruzko abenduaren 30eko 22/1998 Foru Legeko 67. artikuluan ezarri bezala, hartutako mozkinak eratzeko balio izan duten errenta salbuetsien gainean baloreak dituen entitateak atzerrian ordaindutako zergei buruz.

c) Hartzailea Espainiako lurraldean egoitza ez duen entitatea edo pertsona fisikoa baldin bada, etekina ez da Espainiako lurraldean eskuratutakotzat hartuko. Espainiako lurraldean era egonkorrean kokatuta dagoen finkaguneen kasuan, aurreko a) letran ezarritakoa aplikatuko da. Igorpen-primaren banaketari letra honetan mozkinen banaketarako ezarritako tratamendu bera emanen zaio.

Ondorio horietarako, ulertuko da banatutako lehen mozkina salbuetsitako errentetatik datorrela.

2. Baloreen edukitzako entitate bateko partaidetzen eskualdaketatik edo bazkide bat bereizi edo entitate baten likidazioa egitean lorturiko errentetan, barneko zergapetze bikoitzarengatik ezarritako kenkaria aplikatu ahal izanen da, baldin eta hartzailea zerga hau ordaindu beharreko entitate bat edo Espainiako lurraldean era iraunkorrean ezarritako finkagune bat bada, betiere foru lege honetako 59. artikuluko 5. zenbakian ezarritako baldintza, balore atzerritarren edukitzako entitate batean parte hartzekoa, betetzen badu. Kasu berean, foru lege honetako 62. artikuluan ezarritako salbuespena aplikatu ahal izanen zaio lortutako errentaren zati bati, hain zuzen ere atzerriko errenten salbuespenak direla-eta aipatu 62. artikuluan ezarritako baldintzak betetzen dituen balore atzerritarren edukitzako entitateari lotuta izan eta egoiliar ez diren entitateetako partaidetzei egozten ahal zaizkien balio-diferentziekin bat etortzen denari.

Hartzailea Espainiako lurraldean egoitza ez duen entitatea edo pertsona fisikoa baldin bada, ulertuko da ez dela bertan eskuratua foru lege honen 62. artikuluak aipatzen dituen errenta salbuetsien kargura emandako erreserbetatik ateratako errenta, edo artikulu horrek atzerriko errenten salbuespenerako aipatzen dituen betekizunak betetzen dituzten entitate ez-egoiliarretako partaidetzei egozten ahal zaizkien balio-diferentziekin bat datorrena.

1. zenbakiko c) letran eta 2. zenbaki honetako bigarren lerrokadan ezarritakoa ez da aplikatuko baldin eta errentaren hartzailea erregelamenduz paradisu fiskaltzat kalifikatutako herrialde edo lurralde bateko egoiliarra bada.

3. Baloreen edukitzako entitateak bere oroit-idazkian aipatu egin beharko ditu salbuetsitako errenten zenbatekoa eta atzerrian haiek direla-eta ordaindutako zergak; halaber, bere bazkideei behar den informazioa eman beharko die aurreko idatz-zatietan ezarritakoa bete ahal izan dezaten.

150. artikulua. Araubide honen aplikazioa.

1. Kapitulu honetan aurreikusten den araubideaz baliatu ahal izateko, beharrezkoa izanen da bertan ezartzen diren betebehar eta baldintza guztiak betetzea, eta horixe frogatu beharko du subjektu pasiboak tributu administrazioak hala eskatuta.

2. Egoitza Espainiako lurraldetik kanpo duten entitateen berezko funtsen ordezkagarri diren baloreen ekarpen ez diruzkoak foru lege honetako 144.1 artikuluak ezartzen duen araubideaz baliatuko dira, baloreak dituen entitatean ekarpen horiek ematen duten partaidetza-ehunekoa edozein delarik.

XI. KAPITULUA. Aurrezki Kutxen onegintzazko gizarte-lanaren araubidea

151. artikulua. Aurrezki Kutxen onegintzazko gizarte-lana.

1. Aurrezki Kutxek bere emaitzetatik onegintzazko gizarte-lanetarako bideratzen dituzten kopuruak kengarriak izango dira zerga ondorioetarako, berauek arautzen dituzten arauen arabera.

2. Aurrezki Kutxen onegintzazko gizarte-lanetarako izendatzen diren kopuruak, izendapena egiten den ekitaldi berean aplikatu beharko dira, 100eko 50ean, gutxienik, edo eta ekitaldi horretan ez eta ondo-ondorengoan, edo eta inbertsio atxikiei aplikatu, edo eta erakundeen sostengu-gastuen zein erakundearen babeseko establezimenduen gastuen ordainketei aplikatu.

3. Honako hauek ez dira zerga-oinarria sartuko:

a) Onegintzazko gizarte-lanaren mantenu-gastuak, egin diren izendapenen gainetikoak izanik ere, etorkizuneko izendapenen aplikaziotzat joak izatearen kaltetan gabe.

b) Onegintzako gizarte-lanari atxikiriko inbertsioen eskualdatzearen ondoriozko errentak.

XII. KAPITULUA. Hein baten salbuetsitako entitateen araubidea

152. artikulua. Ezarpen eremua.

Araubide hau ondorengo erakundeei ezarriko zaie:

a) Irabazi-asmorik gabeko entitate eta erakundeak, legezko ordezkaritza karguetan aritzen direnek kobratzen ez badute eta dagokion organoaren aurrean erantzun behar baldin badute, entitate horiek ez baitituzte betetzen Fundazioen eta babes jardueren tributu araubidea erregulatzen duen uztailaren 2ko 10/1996 Foru Legean ezarritako tributu araubideaz baliatzeko baldintzak.

b) Kooperatiba-batasun, federazio eta konfederazioei.

c) Lanbide elkargoak, enpresaburuen elkarteak, ganbera ofizialak eta langileen sindikatuak.

d) Birmoldaketa eta Berrindustrializazioari buruzko uztailaren 26ko 27/1982 Legeko 22 .artikuluaren babesean eratutako lan sustapenerako fondoei.

e) Gizarte Segurantzako lan istripuetako eta lan eritasunetako taramei, eurek duten erregulatze-arautegian ezarritako beharkizunak betetzen dituztenean.

153. artikulua. Salbuetsita dauden errentak.

1. Aurreko artikuluan aipatzen diren entitateek lortzen dituzten errenta hauek salbuetsita egonen dira:

a) Entitate horien xede sozial edo berariazko helburu diren jarduerak egitearen ondoriozkoak.

b) Dohainik egindako eskurapenen edo eskualdaketen ondoriozkoak, betiere entitatearen xedea edo helburu berariazkoa betetzeko lortu edo gauzatu badira.

c) Entitatearen xede edo berariazko helburua egiteari atxikitako ondare-elementuen kostu bidezko eskualdaketetan agerian jartzen direnak, eskualdaketa horien diru-zenbatekoa xede edo helburu berariazkoari lotutako inbertsio berrietarako erabiltzen baldin bada.

Inbertsio berriok ondare-elementua eman edo eskura jarritako dataren aurreko urtea eta ondorengo hiru urteak bitarteko epean burutu beharko dira, eta bost urtez jarraituko dute entitatearen ondare izaten, behar bezala frogatzen diren galeren kasuan izan ezik, edo balio-bizitza osoan, hori laburragoa bada.

Letra honetan aurreikusita ez dagoen orotan, 36. artikuluan xedatutakoa aplikatuko da, artikulu horren 1. puntuaren 2. lerrokadan ezarritakoa izan ezik.

2. Aurreko zenbakian azaldutako salbuespena ez zaie aplikatuko ustiapen ekonomikoetako etekinei, ez eta ondarearen ondoriozko errentei eta eskualdaketetan lortutako errentei ere, lerrokada horretan aipatutakoak ez badira.

154. artikulua. Zerga oinarriaren kalkulua.

1. Zerga-oinarria IV. tituluan finkatutako arauak aplikatuz kalkulatuko da.

2. 24. artikuluan ezarritakoez gainera, ondoko gastu hauek ez dira zerga ondorioetarako gastu kengarritzat hartuko:

a) Bakar-bakarrik salbuetsita dauden errentei egozten zaizkien errentak. Salbuetsita ez dauden errentei partez egozten zaizkien gastuak kengarriak izanen dira. Kenkariaren ehunekoa honela zehaztuko da: salbuetsita ez dauden ustiapen ekonomikoetan arituz lortutako diru-sarrerek entitatearen guztirako diru-sarreren aldean egiten duten ehunekoa.

b) Emaitzen aplikazioen diru-kopuruak eta, zehazki, aurreko artikuluaren 1. zenbakiko a) letran aipatutako jarduera salbuetsien sostengurako erabiltzen direnak.

155. artikulua. Ekonomi ustiapen, ondare-gehikuntza edota urripena eta ondare elementuen lagapenaren kontzeptua.

Foru Lege honen ondorioetarako joko dira:

a) Ekonomi ustiapen edo jarduera baten etekintzat, norbere lanetik eta kapitaletik batera eratorriz, edo horietako faktore batetik bakarrik, subjektu pasiboak bere kabuz ekoizpen-bideak eta giza baliabideak, edo horietako bakar bat, antolatzea dakartzaten guztiak ondasun edota zerbitzuen ekoizpen eta banaketan eskuartzeko helburuarekin.

b) Ondare-gehikuntza edota urripentzat, subjektu pasiboaren ondarearen balioaren aldakuntzak, haren osaketaren edozein aldakuntza dela eta agerian jartzen direnak.

c) Ondare elementuen lagapenaren etekintzat, subjektu pasiboa titular duten ondare elementuetatik, ondasun zein eskubide, zuzen edo zeharka datozen edozein motako kontraprestazioak, izena edo izaera edozein dutela ere, ondare elementuok ekonomi ustiapen bati atxikitzen ez bazaie.

Ekonomi ustiapenari atxikitako ondare elementutzat joko dira:

a') Subjektu pasiboa non jardun, hango higiezinak.

b') Jardunaren zerbitzuko langileen ekonomi, gizarte eta kultura zerbitzuetarako direnak.

c') Errenta ateratzeko beharrezko den beste edozein, ondare edukia baldin badu.

Halaber, honi loturik egonen dira hirugarrenei, erabiltzeko, errentan eman edo lagatzen zaizkien ondasunak, betiere errentamendu edo lagapen hori enpresa jardueratzat hartzen bada. Ondorio horietarako, Pertsona Fisikoen Errentaren gaineko Zergari buruzko Foru Legearen Testu Bategineko 33.2 artikuluan ezarritako inguruabarrak izaten direnean soilik hartuko da enpresa jardueratzat.

Ondare elementuak hein batean baino ez badira erabiltzen jardueraren xederako, dagokion jardueran zer zati erabiltzen den, hori baino ez da atxikitzat joko. Ondare elementu zatiezinak ezin izango dira hein batean atxiki, inolaz ere.

XIII. KAPITULUA

156. artikulua (indargabetua)

157. artikulua (indargabetua)

XIV. KAPITULUA. Establezimendu iraunkorren tributazio-araubidea

158. artikulua. Aplikazio esparrua.

Foru Komunitateari dagokio finkagune iraunkorren bitartez lortutako edozein motatako etekinen zerga ordainaraztea, Hitzarmen Ekonomikoaren 18. eta 19. artikuluen arabera.

159. artikulua. Establezimendu iraunkorrei egotz dakizkiekeen errentak.

1. Hurrengo kontzeptuek osatuko dute establezimendu iraunkorrari egotz dakiokeen errenta:

a) Aipatu establezimendu iraunkorrak garatzen dituen ustiapen ekonomikoen etekinek.

b) Hari atxikitako ondare-elementuen lagapenetik eratorritako etekinek.

c) Finkagune iraunkorrari atxikitako ondare-elementuetatik heldu diren ondare-gehikuntza eta murrizketak.

Finkagune iraunkorrari atxikitako ondare-elementutzat jotzen dira haren xede den jarduera burutzeari funtzionalki lotzen zaizkionak. Erakunde baten funts berekietako parte-hartzea ordezkatzen duten aktiboak finkagune iraunkorrari lotutako ondare elementutzat joko dira soilik finkagune hori Merkataritzako Erregistroan inskribatutako sukurtsala bada eta erregelamenduak ezarritako baldintzak betetzen badira. Horretarako, lotutako ondare elementutzat hartuko dira desafektazioaren ondoko hiru zergaldietan eskualdatutakoak.

2. Egoiliar ez den entitateak berak aurretik inportaturiko ondasunak berriro esportatzen dituenean, ulertuko da:

a) Ez dela inongo ondare-aldaketarik gertatu, erabilera-aldian egindako ordainketei ezar dakiekeen tratamenduaren kaltetan gabe, aldi baterako inportatu diren ibilgetu-elementuak direnean.

b) Ondare-aldaketa egon dela, establezimendu iraunkorrak garatzen dituen jardueretan erabiltzeko eskuratu diren ibilgetu-elementuak direnean.

c) Ustiapen ekonomiko baten errendimendua izan dela, positiboa zein negatiboa, izakintzat jotako elementuak direnean.

160. artikulua. Establezimendu iraunkor ezberdinak.

1. Egoiliar ez den entitate batek jarduera-zentro bat baino gehiago baldin badu, establezimendu iraunkor ezberdintzat joko dira eta, ondorioz, bereiz zergapetuko dira, hurrengoak gertatzen direnean:

a) Argi eta garbi bereiz daitezkeen jarduerak burutzea.

b) Haien kudeaketa bereiz egitea.

2. Establezimendu iraunkor ezberdinen errentak ezin dira inoiz konpentsatu.

161. artikulua. Zerga-oinarria finkatzea.

1. Establezimendu iraunkorraren zerga-oinarria araubide orokorraren xedapenen arabera finkatuko da, hurrengo letretan ezarritakoaren kaltetan gabe:

a) Zerga-oinarria finkatzeko, zergetan kendu ezin diren gastutzat joko dira establezimendu iraunkorrak etxe nagusiari edo haren establezimendu iraunkorretako bati egiten dizkion ordainketak, kanon, korritu, edo komisio gisa, laguntza teknikoaren ordainetan edo bestelako ondasun eta eskubideak erabiltzeagatik.

Arestian xedatutakoa gorabehera, zergatik kendu ahalko dira atzerriko bankuetako establezimendu iraunkorrek, euren jarduera burutzeko, euren etxe nagusiari edo haren establezimendu iraunkorrei abonaturiko interesak.

b) Zerga-oinarria finkatzeko, zuzendaritza gastuetarik eta administrazio gastu orokorretarik establezimendu iraunkorrari dagokion arrazoizko zatia kentzen ahalko da, hurrengo baldintzak betetzen badira:

a') Kontabilitate-egoeretan islatzea.

b') Banatzeko kopuru, irizpide eta moduluak erasota uztea, aitorpenarekin batera aurkezturiko oroit-idazki informatiboaren bitartez.

c') Erabilitako inputazio-irizpideak arrazoizkoak eta jarraikoak izatea.

Inputazio-irizpideak arrazoizkoak direla ulertuko da, establezimendu iraunkorrak egindako faktore-erabileran eta aipatu faktoreen guztizko kostuan oinarritzen direnean.

Aurreko lerroaldean esandako irizpidea erabiltzerik ez badago, hurrengo magnitudeetako batekin duen harremanaren arabera egin ahal izango da inputazioa:

a') Negozio-zifra.

b') Zuzeneko kostu eta gastuak.

c') Ustiapen ekonomikoei atxikitako ibilgetu materialaren elementuetan egindako batez besteko

inbertsioa.

d') Ustiapen ekonomikoei atxikitako elementuetan egindako batez besteko inbertsio guztizkoa.

c) Zuzen edo zeharka establezimendu iraunkorrari atxikitako kapital berekien kostuari dagozkion kopuruak ez dira egozkarri izango, inolaz ere.

2.

2. Establezimendu iraunkorren likidazio-oinarri positiboei likidazio-oinarri negatiboak kendu ahalko zaizkie, Foru Lege honetako 40. artikuluak ezarritakoarekin bat.

3. Establezimendu iraunkor batek egindako eragiketek dirusarrerak finkatzeko merkataritza-ziklo osoa ixten ez dutenean, beraz, zikloa entitate ez egoliarrak edo haren establezimendu iraunkor batek edo batzuek bukatzen dutenean, inongo kontraprestaziorik gabe, establezimendu iraunkorrak eragindako gastuei aurre egitea salbu, eta produktu edo zerbitzu guztiak edo haien zati bat entitate ez egoliarraz bestelakoentzako ez direnean, hurrengo arauak ezarriko dira:

a) Establezimendu iraunkorraren dirusarrera eta gastuak 28. artikuluko xedapenen arabera baloratuko dira, eta zerga-zorra finkatuko da araubide orokorrean eta artikulu honetako aurreko zenbakietan xedaturikoaren arabera.

b) Hurrengo arauak aplikatuko dira, subsidiarioki:

a') Establezimendu iraunkorraren xede den jarduerak eragindako gastu guztiei Ekonomi eta Ogasun Departamentuak ondorio horietarako erabakiko duen portzentaia ezarriz aterako da zerga-onarria. Zenbateko horri gehituko zaio eranskin-izaera duten dirusarreren guztizko kopurua, korrituak eta kanonak esate baterako, non ez diren haren enpresa-xedeko, eta baita establezimenduari atxikitako ondare-elementuen ondoriozko ondare-gehikuntza eta murrizketak ere.

Arau honen ondorietarako, establezimendu iraunkorraren gastuak bere osotasunean zenbatuko dira, inongo gutxitze edo konpentsaziorik gabe.

b') Kuota osoa kalkulatuko da zerga-oinarriari 50.1.a) artikuluan ezarritako karga-tasa aplikatuz, baina araubide orokor horretan araututako kenkariak eta hobariak ezin izanen dira aplikatu.

4. Sei hilabetetik goiti dirauten eraikitze, instalatze edo muntatze lanetan, edo denboraldiko zein sasoian sasoiko jarduera nahiz ustiategi ekonomikoetan, edo baliabide naturalak aztertzeko lanetan aritzen diren finkagune iraunkorrak badira, zerga ondoko arau hauei jarraikiz eskatuko da:

a) Araubide arruntak finkagune iraunkorrik gabe Espainiako lurraldean jarduera edo ustiategi ekonomikoetatik lortutako errentendako ezarri dituen moduan. Horretarako, ondoko arau hauek aplikatuko dira:

a`) Finkagune iraunkorrik gabe lortutako errentei dagozkien aitorpenak sorrarazi eta aurkezteko araubide arruntak ezarritako arauak.

b`) Subjektu pasiboek ez dituzte kontabilitateko eta erregistroko betebehar orokorrak bete beharko.

Nolanahi ere, zergen arloko administrazioaren eskura gordeko dituzte zerga honengatik jasotako dirusarreren eta egindako ordainketen ziurtagiriak, baita egindako konturako dirusarrerenak eta atxikipenenak eta haiei dagozkien aitorpenenak ere, horrelakorik izanez gero.

Halaber, beharturik egonen dira entitateen aurkibidean inskribatu eta Espainiako lurraldean duten helbide fiskala aitortzera, hala nola gerta litezkeen aldaketen berri ematera.

b) Dena den, entitate ez-egoiliarrak zilegi izanen du kapitulu honetan finkagune iraunkorrentzat ezarritako araubide orokorra aukeratzea. Finkagune iraunkorrak Espainiako lurraldean lortutako errenten kontabilitate bereizirik ez badu, aurreko a) letran aipatutako sistema aplikatu beharko da nahitaez. Aukera hori entitateen aurkibidean inskribatzeko eskabidea aurkezten denean adieraziko da.

c) Finkagune iraunkorrik gabe lortutako errenten kasuetan zergapetze bikoitza saihesteko hitzarmenetan ezarritako arauak ez zaizkie inola ere aplikatuko aurreko a) letran aurreikusitako sistemari jarraitzen dioten entitate ez-egoiliarrei.

4. Establezimendu iraunkorren jarduera eraikuntza, instalazio edo muntaketa obrak badira, eta obren iraupena 12 hilabete baino gehiago bada, edota sasoiko edo urtaroko ustiapen ekonomikoak badira, edota baliabide naturalak ikertzeko jarduerak, hurrengo arauekin bat eskatuko da Zerga:

a) Araubide amankomuneko xedapenek establezimendu iraunkorrik gabeko ustiapen ekonomikoetatik ateratako errententzako ezarri arauekin bat, eta hurrengo arauak erabiliko dira ondorio horietarako:

a') Araubide amankomuneko xedapenak, establezimendu iraunkorrik gabe ateratako errentei buruzko sortzapen eta aitorpen-aurkezpenen gainekoak.

b') Izaera orokorreko kontabilitate- eta erregistro-betebeharretatik jare geratuko dira subjektu pasiboak.

Hala ere, zerga-administrazioaren esku izan beharko dituzte Zerga honengatik ateratako dirusarreren eta egindako ordainketen egiaztagiriak, eta hala badagokio, egindako atxikipenen eta konturako sarrerenak ere, orobat horiei dagozkien aitorpenak.

Era berean, entitateen indizean eman beharko dute izena eta zerga-helbidea eta gerta daitezkeen aldaketak deklaratu.

b) Hala ere, entitate ez egoliarrak Kapitulu honek establezimendu orokorrendako ezarri duen araubide orokorra aplikatzea aukera dezake. Edonola ere, derrigorrezkoa izanen da aurreko a) letran ezarritako sistema erabiltzea, establezimendu orokorrak berak ateratako errenten kontabilitate bereizirik ez duenean.

Entitateen indizean izena emateko eskariarekin batera adierazi beharko da aukera.

c) Aurreko a) letrak aurreikusitako sistemari jarraitzen zaizkion entitateei inolaz ere ez zaizkie aplikatuko establezimendu iraunkorrik gabe ateratako errententzako ezarketa bikoitza ekiditeko hitzarmenek dakartzaten arauak.

162. artikulua. Zerga-zorra.

1. Aurreko artikuluari jarraikiz zehaztutako zerga-oinarriari dagokion arautegian ezarritako karga-tasak aplikatuko zaizkio.

2. Horretaz gain, erakunde ez-egoiliarren establezimendu iraunkorrek lortutako errentak atzerrira eramaten direnean, zergapetze osagarria ezartzen ahalko zaie, 100eko 19ko karga-tasarekin, establezimendu iraunkorren errenten kargura transferitutako kopuruei, 161.1.a) artikuluak aipatzen dituen ordainketak barne, betiere establezimendu iraunkorraren zerga-oinarria finkatzeko gastu kengarritzat hartu ez badira.

Araubide arruntak finkagune iraunkorrik gabe lortutako errentendako ezarri dituen modu eta epeetan burutuko da zergapetze osagarri hori aitortu eta sartzea.

3. Zergapetze osagarria ez da aplikatuko:

a) Egoitza Europar Batasuneko beste estatu kide batean duten emtitateek Espainiako lurraldean finkagune iraunkorren bidez lortzen dituzten errentei, zerga-paradisutzat hartutako herrialdea edo lurraldea denean izan ezik

b) Espainiarekin ezarpen bikoitza saihesteko hitzarmena sinatu duen Estatu batean zerga-egoitza duten erakundeek establezimendu iraunkorren bitartez erdietsitako errentei. Dena den, baldintza izanen da hitzarmen horretan espresuki besterik ez ezartzea, eta bi herrialdeetan elkarrekikotasunez jokatzea.

4. Zergaren kuota osoan aplikatzen ahalko dira:

a) Zergaren araubide orokorrean aplika daitezkeen hobari eta kenkarien zenbatekoa.

b) Egindako konturako dirusarreren eta zatikako ordainketen eta establezimendu iraunkorrari egin zaizkion atxikipenen zenbatekoa.

5. Establezimendu iraunkorrak dituen zehaztasunen arabera burutuko dira gutxitze, hobari, eta kenkariak, eta ezin izango zaizkie entitate bereko beste establezimenduei aldatu.

6. Atxikipen, zatikako ordainketa eta konturako dirusarrerek, 4. zenbakiko a) eta b) letrek aipatzen dituzten kontzeptuak Zergaren kuota osoari kentzetik ateratzen den zenbatekoa gainditzen dutenean, zerga-administrazioak ofizioz itzuliko du gaindikina.

163. artikulua. Zergaldia.

1. Establezimendu iraunkorrak deklaratutako ekitaldi ekonomikoarekin bat etorriko da zergaldia, eta ezin izango da hamabi hilabete baino gehiago izan.

Bestelako zergaldirik deklaratu ezean, urte naturala hartuko da.

Zerga honen lehen aitorpena aurkeztu beharreko garaian jakinarazi beharko da zergaldia, eta bere horretan dirauela ulertuko da beren beregi aldatzen ez den bitartean.

2. Zergaldia bukatutzat hartuko da establezimendu iraunkorrak bere jarduera uzten duenean edo establezimendu iraunkorrean egindako inbertsioa desafektatzen denean, eta orobat, establezimendu iraunkorra beste pertsona edo entitate bati eskualdatzen zaionean, etxe zentrala lekualdatzen denean eta titularra hiltzen denean.

3. Zerga sortuko da zergaldiaren azken egunean.

164. artikulua. Zergaren aitorpena.

1. Establezimendu iraunkorrak beharturik egonen dira Zerga honegatik aitorpena bat aurkeztera, zergaren araubideak ezartzen dituen modu, leku eta epetan.

2. Aurreko artikuluko 2. zenbakiko kasuren bat gertatuz gero, aurkezteko epea izango da araubide amankomunak establezimendu iraunkorrik gabe lortutako errentendako eskuarki ezarritakoa, kasua gertatzen den egunetik aitzina, eta ezin izango da entitate-erregistroan baja ematea baimendu harik eta aipatu aitorpena aurkezten duen arte.

165. artikulua. Kontabilitate obligazioak, erregistrokoak eta formalak.

1. Establezimendu iraunkorrek kontabilitate bereizia eraman beharko dute, burutzen dituzten eragiketen eta atxiki zaizkien ondare-elementuen gainean.

2. Era berean, behartuta daude Zergaren araubide orokorraren menpe dauden subjektu pasiboei gainerakoan ezar dakizkiekeen kontabilitate-, erregistro- edo forma-betebeharrak kunplitzera.

166. artikulua. Konturako ordainketak.

1. Establezimendu orokorrak konturako ordainketen araubide orokorraren menpe izango dira, jasotako errentak direla-eta.

2. Era berean, atxikipenak eta konturako sarrerak egin beharko dituzte, araubide orokorraren menpe dauden entitateak bezala.

XV. KAPITULUA. Enpresak sustatzeko sozietateak

167. artikulua. Enpresak sustatzeko sozietateak.

1.-Enpresak sustatzeko sozietatetzat hartuko dira betebehar hauek betetzen dituztenak:

A) Haien xede sozial bakarra izatea enpresak sustatu edo bultzatzea, haien kapitalean aldi baterako partaidetza izanez eta B) letran aipatzen diren eragiketak eginez.

B) Bakar-bakarrik eragiketa hauek egitea eta haren xede sozialean hala jasota egotea:

a) Enpresa jadueretan aritzen diren sozietateen akzio edo partaidetzen harpidetza, haien tituluek burtsan kotizatzen ez badute. Inoiz ere ezin izanen dute parte hartu ez inbertsio kolektiboko erakundeetan, ez foru lege honen X. tituluko V. kapituluan arautzen den araubide bereziari atxikitako sozietateetan, ez eta jarduera nagusitzat ondare higigarri edo higiezin baten kudeaketa duten sozietateetan ere.

b) Aurreko letran aipatzen diren akzioak edo partaidetzak erosiz eskuratzea.

a) eta b) letretan aurreikusitakoaren ondorioetarako, enpresak sustatzeko sozietateek nork bere aktiboaren 100eko 75 baino gehiago inbertituta izan beharko dute sozietateen akzioak edo partaidetzak harpidetu edo eskuratzeko.

c) Errenta finkoko tituluak, partaidetza duteneko sozietateek luzatuak, hartzea edo horiei kredituak, partaidetzakoak edo ez, ematea, gutxienez ere bost urtez.

Ondorio horietarako, partaidetzako kreditutzat hartuko dira, interes ituna kontuan hartu gabe, hartzekodunak zordunaren mozkin garbian duen partaidetza hitzartzen dutenak, honelaxe:

a') Mailegua ematen duen entitateak mozkin garbietan partaidetza izanen du, gainera, korritu finkoa ezar daitekeelarik.

b') Mailegu-hartzaileak ezin aurreratuko du kreditu horien amortizazioa, salbu eta amortizazio aurreratu hori fondo berekien adinako diru-ekarpenaz konpentsatzen denean, ekarpen hori aktiboen erregulaziotik ez datorrenean. Partaidetzako kredituaren amortizazio aurreratuak behin ere ezin aldatuko du baliabide berekien eta besteren baliabideen arteko harremana.

d) Partaidetza duteneko sozietateei aholkularitzako, laguntza teknikoko eta antzeko zerbitzuak, partaideturiko sozietateen administrazioarekin, haien egitura finantzarioarekin edo haien ekoizte edo merkaturatze prozesuekin zerikusirik dutenak, ematea, zuzenean.

C) Gutxienez 500 milioi pezetako kapital propioa eta gutxienez 200 milioiko kapital gastatua duten entitateetan.

2.(indargabetua)

3. Aurreko 1. idatz-zatian adierazitako ezaugarriak betetzen dituzten akzioen eta partaidetzen eskualdaketaren ondorioz lortzen diren errentei foru lege honetako 110. artikuluaren 1. idatz-zatian xedatutakoa aplikatuko zaie.

Ez dira zerga-oinarrian sartuko, ibilgetu materialaren edo ondasun higiezinetako inbertsioen ondare elementu lotuen kostubidezko eskualdaketan lortzen diren errentak, aipatutako eskualdaketaren zenbatekoa 36.1 artikuluaren lehenengo paragrafoan ezarritako epeetan eta 70 bis.3.b) artikuluan xedatutako baloreak harpidetu edo eskuratzeko erabiltzen bada (foru lege honetako artikuluak dira bi horiek).

4. Subjektu pasiboek enpresak sustatzeko sozietateen funts berekietan egindako diruzko ekarpenen 100eko 20 deduzitzen ahalko dute kuota likidoan.

Ekarpen hori erabat ordaindua egon beharko da eta bost urtez iraun behar du sozietatearen aktiboan.

Idatz-zati honetan azaldutako kenkaria foru lege honen VI. tituluko IV. kapituluan araututako kenkariekin batera aplikatuko da, 72. artikuluan ezarritako muga berberak kontuan hartuz. Kenkari hau bateraezina da foru lege honen 36.1 artikuluan eta 70.bis artikuluaren 3.b) idatz-zatian araututako baloreetako berrinbertsioekin.

5.-Partaidetzako maileguen kontzesioaren ondoriozko errentak salbuetsirik egonen dira, haiek, mailegua hartu duen entitatearen mozkinen ondorioz, ordainketaren xede diren neurrian, baina korritu finkoaren ondoriozko ordainketa ez da horrelakotzat hartuko.

Hala ere, mailegua hartzen duen entitaterako gastu kengarritzat hartuko da.

6.-Arestiko idazatian ezarritakoaren arabera zerga-oinarrian sarturik ez dagoen errentaren zenbatekoa helburu hauetariko baten baterako erabili behar da:

a) Erreserba espezifiko bat osatzeko. Haren xedea, osatzen denetik bost urte pasata, Foru Lege honetako 44. artikuluko 4. idazatian aipatzen dena izanen da. Hornidura hori zerga oinarrian sarturik ez dagoen errenta eskuratu eta hurrengo ekitaldian egin beharko da.

b) Arestiko letran aipatzen den errenta lortu eta hurrengo bi urteetan partaidetzako mailegu berriak emateko.

7. Dibidenduek eta, oro har, enpresen sozietate sustatzaileek bultzatutako sozietateetatik jasotako mozkinetako partaidetzek, zerbait izatekotan, foru lege honetako 59. artikuluko 2. zenbakian aurreikusitako kenkaria izanen dute, edozein direlarik ere partaidetzaren ehunekoa eta akzioen edo partaidetzen edukitze aldia..

8.-Enpresak sustatzeko sozietateek sustatu edo bultzatzen dituzten sozietateetatik harturiko dibidenduek eta, orokorrean, mozkinetako partaidetzek Foru Lege honetako 59. artikuluko 2. idazatian aurreikusten den kenkaria izanen dute, edozein delarik partaidetzaren ehunekoa eta akzioak edo partaidetzak izaniko denbora.

9.-Aipaturiko betebeharrak betetzen ez badira, artikulu honetan aurreikusiriko araubidea galduko da.

10.-Artikulu honetan ezarririko araubidea aplikatzeko nahitaezkoa izanen da Ekonomi eta Ogasun Departamentuak espreski onar dezala, enpresak sustatzeko sozietateek aldez aurretik eskatu aitzin.

Lehenengo Xedapen Gehigarria. Dibidenduen ezarpen bikoitzaren ziozko kenkariaren murrizketa.

1. Ondorengo hauek ez dute izango Foru Lege honetako 59. artikuluan ezarritako kenkarirako eskubiderik:

a) Azaroaren 15eko 12/1993 Foru Legeko 19. artikuluan; Funtzio Publikoaren Araubide Juridikoaren eta Langabezi Babesaren Eraldaketarako Zerga Neurriak onetsi zituen abenduaren 29ko 22/1993 Legeko 2. artikuluan; ekainaren 24ko Bizkaiko 5/1993 Foru Arauan; ekainaren 26ko Gipuzkoako 11/1993 Foru Arauan; eta uztailaren 5eko Arabako 18/1993 Foru Arauan ezarritakoaren arabera hobarituta edo salbuetsita dauden errendimenduei dagozkien mozkinak. Orobat, Bizkaiko 3/1996 Foru Arauan, Gipuzkoako 7/1996 Foru Arauan eta Arabako 24/1996 Foru Arauan ezarritako murrizketak ezar daitezkeen lehenengo bi zergaldiei dagozkien mozkinetatik datozen dibidenduei. Ondorio horietarako, erreserben banaketa egonez gero, erreserba horiei ordaindutako lehenengo kopuruak joko dira ezarritzat.

b) Petrolio sektorea Europako Elkartearen Eremura arian-arian moldatzeko Premiazko Neurriei buruzko ekainaren 5eko 15/1992 Legeko 3. artikuluko 1. idazatian aipatu diren ondare gehikuntzei dagozkien mozkinek.

2. Erreserben banaketa egonez gero, erreserba horiei abonatutako lehenengo kopuruak joko dira ezarritzat.

Bigarren Xedapen Gehigarria. Finantza-aktiboei eta beste balore higikor batzuei dagozkien atxikipen, eskualdaketa eta betebehar formalei buruzko arauak.

1. Kapital higikorrean inplizitu edo esplizitu dauden etekinen gainean atxikipena egiteko betebeharraren ondorioetarako, Pertsona Fisikoen Errentaren gaineko Zergaren eta Sozietateen gaineko Zergaren kontura, atxikipen hau ondorengo pertsona edo erakundeek egingo dute:

a) Arau bidez atxikitzeko betebeharra ezarrita duten finantza-aktiboen eskualdaketa edo berreskuraketan lortutako etekinetan, atxikitzaileak finantza-erakundea edo eragiketaren erantzule diren erakunde jaukitzaileak izango dira.

b) Tituluetan dokumentu gabeko eragiketei dagozkien eskualdaketetan lortutako etekinetan, eta finantza-erakunde bati eskatutako eskualdaketetan ere, atxikitzailea eskualdatzailearen kontura jokatzen duen banketxe, kutxa edo erakundea izango da.

c) Aurreko letretan bildu ez diren kasuetan, atxikipena egingo duen fede-emaile publikoaren eskuhartzea derrigorrezkoa izango da.

2. Atxikigai diren etekin inplizitudun titulu edo aktiboen besterenganaketari edo errenboltsoari ekiteko, horien aurretiazko eskuraketa egiaztatu beharko da fede-emaileen edo aurreko zenbakian aipatutako finantza-erakundeen eskuhartzearen bidez, eta zein salneurritan burutu zen eragiketa ere.

Aurreko lerroaldearen arabera, tituluaren edo aktiboaren edukitzaileari errenboltsatu egin behar ez dioten eragiketen jaulkitzaileak edo finantza-erakunde erantzuleek kopuru horren araberako gordailua eratuko dute, epai-agintaritzaren esku geratuko dena.

3. Inbertsio kolektiboko erakundeen kapital edo ondarea adierazten duten akzio edo partaidetzak eskualdatu edo diru-itzulketa egiten denean, entitate kudeatzaileek, administratzaileek, gordailuzainek, komerzializatzaileek edo aipatu eragiketen ardura duen beste edozeinek nahitaez egin beharko dute Pertsona Fisikoen Errentaren gaineko Zergari edo Sozietateen gaineko Zergari dagokion atxikipena edo konturako dirusarrera, erregelamenduak ezarritako modu eta kasuetan.

Pertsona Fisikoen Errentaren gaineko Zergari edo Sozietateen gaineko Zergari dagozkion konturako ordainketak -inbertsio kolektiboko erakundeetako akzio eta partaidetzen eskualdatzailearen kargura-egiteko betebeharra ezarri ahalko da, erregelamenduz.

4. Efektu publiko, balore edo bestelako titulu eta aktibo finantzarioen jaulkipen, harpidetza, eskualdaketa, truke, bihurketa, kitapen eta diru-itzulketan, eta horien gaineko eskubide errealei buruzko eragiketetan esku hartzen duten edo bitartekari diren fede-emaile publikoek, zerga administrazioari jakinarazi beharko dizkiote eragiketa horiek, eta esku hartzen duten subjektuen izenen zerrenda aurkeztu, beren helbidea eta identifikazio fiskalaren zenbakia zehaztu eta efektu publikoen, baloreen, tituluen eta aktiboen mota eta kopurua eta eragiketaren prezioa eta data eman; hori guztia erregelamenduz ezartzen den epean eta zehazten den ereduaren arabera eginen da.

Betebehar berbera izanen dute kredituko entitate eta establezimendu finantzarioek, balore sozietateek eta agentziek, bestelako finantza bitartekariek eta efektu publikoen, baloreen edo bestelako titulu eta aktibo finantzarioen, indizeen eta gerokoen edota horien gaineko aukeren bitartekaritzan eta ezarpenean aritu ohi den beste edozein pertsona fisiko edo juridikok; horretaz gainera, kontuko idazpenen bidezko dokumentuak, edozein balore edo efektu motaren bidez baliabideak hartu eta ezartzea zuzenean edo zeharka dakarten eragiketei dagokienez.

Era berean, inbertsio kolektiboko erankundeen sozietate kudeatzaileek ere jakinarazpen betebehar hori izanen dute, erakunde horietan dituzten akzio eta partaidetzei dagokienez.

Zenbaki honetan ezartzen diren jakinarazpen betebeharrak, bertan aipatzen diren -eta atxikipena duten- eragiketei dagokienez, betetzat joko dira hartzaileen zerrenda aurkezten denean, atxikipenen urteko laburpenaren eredu ofizialari lotuta.

5. Zerga administrazioari jakinarazi beharko diote metal eta objektu preziatuen, filateliarako balioa duten tinbreen, numismatikarako balioa duten piezen eskuraketa erakusten duten ziurtagirien, ordezkagirien edo dokumentuen jaulkipena, horrelako baloreetan inbertitzea sustatu ohi duten pertsona fisiko eta juridikoek.

Hirugarren Xedapen Gehigarria. Bategite, zatitze, aktiboen ekartze, balore-trukatze eta matrize-filial sozietateen harremanen zerga-araubideari buruzko ekainaren 3ko 8/1992 Foru Legearen gaineko aipamenak. Hiri Izaerako Lursailen Balio Gehikuntzaren gaineko Zergaren araubidea.

1. Balio Erantsiaren gaineko Zergaren araudian ekainaren 3ko 8/1992 Foru Legearen definizioei eta eragiketei buruz egiten diren aipamenak bat-egiteen, banantzeen, jarduera arloen ekarpenen eta balore-trukearen araubide fiskalaren aipamenak balira bezala hartuko dira, foru lege honen 133. artikuluan adierazitakoari jarraikiz.

2. Hiri Izaerako Lursailen Balio Gehikuntzaren gaineko Zerga ez da sortuko Foru Lege honetako X. tituluko IX. kapituluak erregulatzen duen araubide berezia ezar dakizkiekeen eragiketen ondoriozko hiri izaerako lursailen eskualdaketak direla eta, 144. artikuluak aurreikusitako lurrak salbu, jardueraren adar batean sarturik ez daudenean.

Aipatu lursailen ondorengo eskualdaketetan, ulertuko da balio gehikuntza azaldu den urte kopurua eten ez dela X. tituluko IX. kapituluak aurreikusitako eragiketen ondoriozko eskualdaketa dela eta.

Nafarroako Toki Ogasunei buruzko martxoaren 10eko 2/1995 Foru Legeko 57.2 artikuluak xedatua ez da aplikatuko.

Laugarren Xedapen Gehigarria. Zerga oinarrian sartzen ez diren laguntzak.

1. Pertsona Fisikoen Errentaren gaineko Zergaren edo Sozietateen gaineko Zergaren zerga oinarritik kanpo geratuko dira hurrengoen ondorioz agerian geratzen diren errenta positiboak:

a) Europako Batasuneko nekazaritza politikaren laguntzok jasotzearen ondorioz:

a') Mahastizaintzari behin betiko uzteagatikoa.

b') Landaturiko sagarrondo, mertxikondo eta nektarinondoak errotik ateratzeagatikoak.

c') Esne ekoizpenari behin betikoz uzteagatikoa

d') Erregelamenduz ezartzen direnak.

b) Errepide bidezko garraioari uzteko laguntzak, horiek emateko arauetan ezarritako baldintzak betetzen dituzten garraiolariei ordaindutakoak, jasotzearen ondorioz.

c) Enpresari jardueretara atxikitako ondare elementuak sutean, uholdean, hondoratzean edo osasun arloko arazoetan galtzea ordaintzeko xede duten laguntza publikoak jasotzearen ondorioz.

2. Zerga oinarrian sartuko ez den errenta kalkulatzeko, kontuan izango dira jasotako laguntzak eta jasandako ondare galerak, halakorik gertatu baldin bazaie, behintzat, jarduerei atxikitako elementuei. Laguntzen kopurua aipatu elementuek jasandako galerena baino txikiagoa bada, alde negatiboa zerga oinarrian sartu ahalko da. Galerarik ez baldin bada, laguntzen kopurua baino ez da geratuko zergatik at.

3. Era berean, 1. zenbakian aipaturiko zergen zerga oinarritik kanpo geratuko dira oihan-finkak ustiatzen dituztenei emandako kapital-dirulaguntzak, finka horiek baso-administrazio eskudunak onetsitako oihan-kudeaketa planen, mendien antolamendurako planen, plan desokratikoen edo birbasotze planen arabera kudeatzen badituzte, batezbesteko ekoizpenaldia 30 urte edo gehiago bada, beti ere.

Bosgarren Xedapen Gehigarria. Zerga paradisu gisa sailkatutako herrialdeak edo lurraldeak.

Zerga honen ondorioetarako, zerga-paradisutzat hartzen dira estatuko arautegian erregelamendu bidez horrelakotzat hartzen direnak. Tributazio deusezeko eta zerga arloko informazio-trukaketako kasuetan ere arautegi horren arabera joko da.

Seigarren Xedapen Gehigarria. 1988ko ekitaldirako Nafarroako Aurrekontu Orokorrei buruzko maiatzaren 12ko 3/1988 Foru Legeko zenbait artikuluren idazketa aldatzea.

Ondoren aipatzen diren 3/1988 Foru Legeko artikuluek hurrengo edukia izango dute:

Bat.-73.b) artikulua.

"b) Pentsio plan bateko partaideak Pertsona Fisikoen Errentaren gaineko Zergaren zerga oinarriko zati arrunta gutxitu ahalko du, Pertsona Fisikoen Errentaren gaineko Zergari buruzko maiatzaren 14ko 6/1992 Foru Legeak ezarritakoarekin bat."

Bi.-73.c) artikulua.

"c) Partaide bakoitzak egotzi edo zuzen gauzatutako gehiegizko ekarpenak, aurreko letrak dioenaren arabera ez baldin bada kengarritzat jo oinarri likidagarria zehazteko, ez du Pertsona Fisikoen Errentaren gaineko Zergari buruzko maiatzaren 14ko 6/1992 Foru Legeak ezarritako kuota-kenkariak izateko eskubiderik sortuko."

Hiru.-74.3 artikulua.

"3. Zerga oinarria murrizteko mugak gainditzen dituzten gehiegizko ekarpenei dagozkien kopuruak inolaz ere ez zaizkio kenduko jasotako errentei, Errentaren gaineko Zergari buruzko maiatzaren 14ko 6/1992 Foru Legeak ezarritakoarekin bat."

Lau.-77. artikulua.

"1. Era berean, kengarri izango dira, Sozietateen gaineko Zergari buruzko Foru Legeak ezarritakoarekin bat, ekainaren 8ko 8/1987 Legeak arautzen dituen pentsio planek hartzen dituzten kontingentzien antzekoei aurre egiteko enpresari ekarpenak, gauzatutako pentsioak barne, beti ere aipatu Legeak dioenaren arabera erabiltzen badira.

2. Lotzen zaizkien pertsonei egotz dakizkiekeen kontribuzioek, eta pentsio planez bestelako gizarte prebisiorako sistemon onuradunek jasotzen dituzten prestazioek Pertsona Fisikoen Errentaren gaineko Zergak pentsio planetarako duen zerga tratamendu bera izango dute, prestaziook Ondoretza eta Dohaintzei buruzko Zergak hartzen dituenean salbu.

Hala ere, enpresek, bereganatu dituzten pentsioengatiko konpromezuak betetzeko, prima bakarreko asegura kontratatzen dutenean, egozpena jasotzen duten subjektu pasiboek aipatu bestelako sistemaren ondoriozko prestazioak jaso ahala sartuko dituzte euren zerga oinarrietan.

Berandutze hori gertatzen denean, subjektu pasiboek ez dute eskubiderik izango egotzitako kopuruak zerga oinarriari kentzeko.

Zazpigarren Xedapen Gehigarria. Estatuko arauak ezartzea.

Arautegi berekirik ezean, lurralde arruntean indarrean den arautegia ezarriko da Nafarroan, hurrengo gaiei buruzkoan:

a) Meatzaritzaren eta hidrokarburoen bilaketa eta ustiaketaren zerga araubidea.

b) Maiatzaren 25eko 12/1988 Legeak, ekainaren 29ko 5/1990 Legeak eta abenduaren 27ko 30/1990 Legeak aurreikusitako tributu araubidea.

c) Birmoldaketa eta Berrindustrializazioari buruzko 27/1984 Legeak ezarritako zerga onurak.

d) Espainiako lurraldean bizi ez direnei eta nazioarteko erakundeei buruzko xedapenak.

e) Sistema Elektriko Nazionalaren Antolamenduari buruzko 40/1994 Legea.

f) Inbertsio koefiziente, norberaren baliabide eta finantza-bitartekarien informazio betebeharrei buruzko maiatzaren 25eko 13/1985 Legeko bigarren xedapen gehigarrian ezarritako araubidea fiskala.

g) Baloreen mailegu batzuen araubide fiskala.

h) Lege mailako xedapenak eta lehiakortasunaren defentsarako araudia betez egindako aktiboen eskualdatzeen zerga araubidea.

i) Energia Nuklearrari buruzko apirilaren 29ko 25/1964 Legearen 28. artikuluan xedatutakoa betetzeko egiten diren ez-diruzko ekarpenen eta zatiketen zerga araubidea.

j) Sozietateen gaineko Zergari buruzko Legearen Testu Bateginaren VII. tituluko VIII. kapituluan bat-egite eragiketetarako aurreikusitako zerga araubidea, Hidrokarburoen Sektoreari buruzko urriaren 7ko 34/1998 Legearen hogeita hamaikagarren xedapen gehigarrian aipatutakoa.

k) Finantza-sektoreko Higiezin Aktiboak Saneatu eta Saltzeari buruzko urriaren 30eko 8/2012 Legearen 8. artikuluan aurreikusitako araubide fiskala.

Zortzigarren Xedapen Gehigarria. "Sociedad de Desarrollo de Navarra" delakoa sortzeari buruzko urtarrilaren 2ko 1/1984 Foru Legeko 13.5 artikuluaren idazketaren aldaketa.

1. Urtarrilaren 2ko 1/1984 Foru Legeko 13.5 artikuluaren idazketa aldatu egin da. Horra edukia:

"5. Entitatea partaide den sozietateetako fondo berekietan parte hartzea adierazten duten baloreak besterenganatzetik ateratako errentei dagokien kuota osoaren zatiari, 100eko 99ko onura ezarriko zaio baldin eta ateratako kopurua berriro inbertitzen bada baloreetan, besterenganatzea gertatu eta bost urteko epearen barruan.

Aurreko lerroaldean xedatua gorabehera, Ekonomi eta Ogasun Departamentuak hauxe egin ahal izango du, entitateak hala eskatzen badu: berrinbertsioa gauzatzeko epea handitu, horretarako bide ematen duten inguruabar bereziak baldin badira."

2. Aurreko 1 zenbakian finkatutako epea ezarriko zaie 1995eko ekitalditik aitzina egindako baloreen besterenganatzeei.

Bederatzigarren Xedapen Gehigarria. Martxoaren 4ko 1/1985 Foru Legeko 3. artikuluko b) eta d) letren idazketa berria.

"b) Ibilgetu materialaren elementuak amortizatzeko askatasuna."

"d) Saneamendu eta birrabiatze plana onartu eta gero ateratako oinarri likidagarri negatiboak hurrengoei kendu ahalko zaizkie: zerga oinarri positibodun lehen zergaldiaren hasieraren ondorengo eta hurrengo zazpi urteetan bukatzen diren zergaldiei dagozkien zerga oinarriei.

Saneamendu eta birrabiatze planak indarra hartzean kentzeke zeuden oinarri likidagarri negatiboak kentzeko epearen zenbaketa eten egingo da zerga oinarri positibodun lehen zergaldira arte.

Halaber, Sozietateen gaineko Zergari buruzko Foru Legeko VI. Tituluko IV. Kapituluak aurreikusitako kenkariak ezartzeko epeen zenbaketa atzeratu edo eten egingo da zerga oinarri positibodun lehen zergaldira arte."

Hamargarren Xedapen Gehigarria. Kooperatiben zerga araubidea.

1. Kooperatiben zerga-araubidea arautzen duen ekainaren 21eko 9/1994 Foru Legeak Sozietateen gaineko Zergaren xedapenen Testu Birbildua aipatzen duenean, gai derogatuez ari denean, Foru Lege honetako dagozkion arauak aipatzen direla ulertuko da.

2. Kooperatiben zerga-araubidea arautzen duen ekainaren 21eko 9/1994 Foru Legeko hurrengo artikuluak honela geratuko dira idatzita:

Bat.-21. artikulua.

"21. artikulua. Galeren konpentsazioa.

1. Aurreko artikuluak aipatzen duen batuketa algebraiko hori negatiboa bada, kooperatibak kopuru hori konpentsa dezake hurrengo eta bata bestearen ondorengo zazpi urtetan bukatzen diren zergaldietako kuota oso positiboekin.

2. Kooperatiba sortu berrietan, aurreko zenbakiak aipatzen duen konpentsazio epearen hasiera atzeratu ahal izango da kuota positiboak dituen lehen zergaldiaren hasieraraino."

Bi.-37. artikulua.

"37. artikulua. Karga-tasak.

Aurreko artikuluak aipatzen dituen kreditu kooperatiba babestuei, Sozietateen gaineko Zergari dagokionean, ondoko karga-tasak aplikagarri izanen zaizkie:

1goa.-Kooperatibaren emaitzei dagokien zerga-oinarriari 100eko 25eko tasa aplikatuko zaie. Horren ondorioetarako, kooperatibaren emaitzatzat hartuko dira, Foru Lege honetako II. Tituluaren I. Kapituluko 3. sailean ezarritakoez gain, 36. artikuluaren 2. zenbakiko b) letraren bigarren lerroaldean adierazi eragiketen ondoriozkoak.

2garrena.-Kooperatibaz kanpoko emaitzei dagokien zerga- oinarriari, Zergaren tasa orokorra aplikatuko zaio; emaitza horiek bereizita kontabilizatu beharko dira.

Hamaikagarren xedapen gehigarria. Enpresek pentsioengatik hartutako konpromisoak bideratzeko aseguru kolektiboko kontratuen erreskatea egiteko eskubidea, azaroaren 29ko 1/2002 Legegintzako Errege Dekretuaren bidez onetsi zen Pentsio Plan eta Funtsak arautzeko Legearen Testu Bateginaren lehenengo xedapen gehigarrian ezarrita dagoen bezala.

Ondoren azaltzen diren kasuetan, azaroaren 29ko 1/2002 Legegintzako Errege Dekretuaren bidez onetsitako Pentsio Plan eta Funtsak arautzeko Legearen Testu Bateginaren lehenengo xedapen gehigarrian ezarritakoari jarraikiz pentsioengatik hartutako konpromisoak bideratzeko aseguru kolektiboko kontratuen erreskatea egiteko eskubidea erabiltzearen ondorioz aitortzen den errenta ez da baliabide ekonomikoen kasuan kasuko titularraren Pertsona Fisikoen Errentaren gaineko Zergari lotua izanen, ez eta Sozietateen gaineko Zergari ere:

a) Polizan jasotako konpromiso guztiak edo zati bat lehenengo xedapen horretan aipatzen diren betebeharrak betetzen dituen beste aseguru-kontratu baten polizan sartzeko.

b) Lan harremana hautsiz gero, jatorrizko aseguruaren kontratuaren arabera langileari dagozkion eskubideak aseguru kolektiboko beste kontratu batean sartzeko.

a) eta b) letretan ezarritako kasuetan ez da primen izaera aldatuko, enpresaren zerga egozpenari dagokionez, ez eta jatorrizko aseguru kontratuan ordaindutako primen antzinatasunaren konputua ere. Dena dela, b) letran ezarritako kasuan, primak egotzi ez baziren, enpresak ahalmena izanen du aldaketa horrekin batera deduzitzeko.

Pertsona Fisikoen Errentaren gaineko Zergari eta Sozietateen gaineko Zergari atxiki gabe izanen da, orobat, azaroaren 29ko 1/2002 Legegintzako Errege Dekretuaren bidez onetsitako Pentsio Plan eta Funtsak arautzeko Legearen Testu Bateginaren lehenengo xedapen gehigarrian ezarritakoari jarraikiz, pentsioengatik hartutako konpromisoak bideratzeko aseguru kontratuen etekinen partaidetzaren ondorioz aitortzen den errenta, mozkinetako partaidetza hori kontratu horietan aseguratutako prestazio gehiago jartzeko bideratzen bada.

Hamabigarren xedapen gehigarria. Esportazio jardueren ondoriozko kenkariaren kuota likidoaren murriztapena.

Foru lege honen 67. artikuluan ezarritako murriztapena zehazteko ondoko kenkariaren portzentajea aplikatuko da:

_2007ko urtarrilaren 1etik aurrera hasitako zergaldietan, 100eko 12.

_2008ko urtarrilaren 1etik aurrera hasitako zergaldietan, 100eko 9.

_2009ko urtarrilaren 1etik aurrera hasitako zergaldietan, 100eko 6.

_2010eko urtarrilaren 1etik aurrera hasitako zergaldietan, 100eko 3.

Hamahirugarren xedapen gehigarria.(indargabetua)

Hamalaugarren xedapen gehigarria. Enpresa txikientzako ondare elementuen amortizazio azkarra.

Jardunean 2009. urtea baino lehenago hasi diren ondare elementuen gainean foru lege honen 14.7 artikuluan ezarritako amortizazio koefiziente gehitua erabiltzeko eskubidea duten subjektu pasiboek aplikatu ahal izanen dute, elementu horiei dagokienez, ofizialki onetsitako amortizazio tauletan aurreikusten den amortizazio koefiziente altuena bider 2 eginik lortutako emaitza.

Era berean, foru lege honen 14.7 artikuluan ezarritakoaren arabera, ibilgetu materialeko elementu berriak eta ondasun higiezinetako inbertsio berriak, foru lege honen 50.1.b) artikuluan ezarritako baldintzak betetzen diren zergaldian enpresa txikien esku jarriak badira, eta jardunean 2009an, 2010ean edo 2011n hasi badira, ofizialki onartutako amortizazio tauletan ezarritako gehieneko amortizazio koefizientea bider 2 egitearen emaitzak adierazten duen koefizientearen arabera amortizatu ahal izanen dira.

Hamabosgarren xedapen gehigarria. Atxikipenaren edo konturako sarreraren ehunekoa.

1. 2009ko urtarrilaren 1etik aurrerako ondorioekin, atxikipenetan edo konturako sarreretan aplikatu beharreko ehunekoa 18koa izanen da, oro har, salbu eta irudia ustiatzeko eskubidearen edo hura erabiltzeko baimenaren lagapenak sortutako errentak badira.

2. Ehuneko hori erregelamendu bidez aldatzen ahalko da.

Hamaseigarren xedapen gehigarria. Alderdi politikoen zerga araubidea sozietateen gaineko zergan.

1. Zerga ordaintzetik salbuetsita dauden errentak.

Alderdi politikoek beren berariazko xedeko edo helburuko jarduerak finantzatzeko lortzen dituzten errentengatik ez dute sozietateen gaineko zerga ordaindu beharrik izanen, zenbaki honetan ezartzen denari jarraikiz.

Salbuespena ondoko ondare-gehitze eta etekinetan aplikatuko da:

Lehena. Bazkideek ordaindutako kuota eta ekarpenak.

Bigarrena. Alderdi Politikoen Finantziazioari buruzko uztailaren 4ko 8/2007 Lege Organikoan xedatutakoaren arabera jasotzen dituzten diru-laguntzak.

Hirugarrena. Pertsona fisiko edo juridikoek egiten dituzten dohaintzak eta, orobat, dohainik egindako eskurapenen ondorioz gertatzen diren ondare-gehitze guztiak.

Laugarrena. Alderdiei dagozkien jardueretatik lortutako etekinak. Alderdien beraien ustiapen ekonomikoetatik datozen etekinak badira, salbuespena Ekonomia eta Ogasun Departamentuak adierazi beharko du berariaz.

Salbuespena, orobat, alderdi politikoaren xedeari edo helburuari atxikita dauden ondare edo eskubideen kostu bidezko eskualdaketetatik datozen errentei ere aplikatuko zaie, betiere besterentzen den produktua bere helburuari edo xedeari loturiko inbertsio berrietara edo alderdiaren jarduerak finantzatzeko bideratzen bada, zergaren araudian ezarritako epeetan.

Bosgarrena. Alderdi politikoaren ondarea osatzen duten ondasun eta eskubideetatik datozen etekinak.

2. Karga-tasa, atxikipenik ez duten errentak eta aitorpena egin beharra.

Atxikipenik ez duten errentei dagokien likidazio oinarri positiboari 100eko 25eko karga-tasa aplikatuko zaio.

Foru lege honen bidez salbuesten diren errentei ez zaie konturako diru-sarrerarik edo atxikipenik eginen.

Erregelamendu bidez alderdi politikoak egiaztatzeko prozedura finkatuko da, atxikipenak egin beharretik salbuestearen ondorioetarako.

Alderdi politikoek sozietateen gaineko zergaren aitorpena aurkeztu eta sinatu beharra dute, salbuetsita ez dauden errentei dagokiena.

3. Xedapen gehigarri honetan aurreikusita ez dagoen orotan, sozietateen gaineko zergaren araudia aplikatuko zaie alderdi politikoei.

Hamazazpigarren xedapen gehigarria. Enplegua sortzeagatiko kenkaria 2010. eta 2011. urteetan hasten diren zergaldietarako.

2010. eta 2011. urteetan hasten diren zergaldietan, 71. artikuluaren 1., 2. eta 3. zenbakietan adierazten diren kenkariak 100eko 30 handituko dira enpresa txikien izaera duten subjektu pasiboentzat, 50.1.b) artikuluan ezarritakoarekin bat.

Kenkari handiago hori aplikatuko zaie, orobat, ondoko ezaugarriak betetzen dituzten pertsona fisikoen errentaren gaineko zergaren subjektu pasiboei: enpresa edo lanbide jarduerak egitea, etekin garbia zuzeneko zenbatespenaren bidez kalkulatzea eta 50.1.b) artikuluan adierazten diren baldintzak betetzea, hots, aurre-aurreko zergaldian negozio-zifra garbia bederatzi milioi eurotik beherakoa izatea.

Hemezortzigarren xedapen gehigarria. Enpresa gazte eta berritzaileen araubide fiskala.

1. Ondoko betebehar hauek betetzen dituzten entitateak enpresa gazte eta berritzailetzat hartuko dira:

a) Sozietate anonimoa, erantzukizun mugatuko sozietatea, lan sozietate anonimoa edo erantzukizun mugatuko lan sozietatea izatea.

b) Enpresa txikia izatea, 50.1.b) artikuluan xedatutakoari jarraikiz.

c) Sortu zenetik bost urte baino gutxiago igaro izana.

d) Jarduera ekonomiko bat egitea. Horren ondorioetarako, haren jarduera nagusia ezin da izan ondare higigarri edo higiezin bat kudeatzea, Ondarearen gaineko Zergari buruzko azaroaren 19ko 13/1992 Foru Legearen 33.1.b) artikuluan xedatutakoari jarraikiz.

e) Bi baldintza hauetako bat betetzea:

-Urtero, ikerkuntza eta garapenerako gastuak bere gastu orokorren 100eko 15 izatea gutxienez.

-Teknologia aldetik berritzaileak diren produktu, zerbitzu edo prozesuak lantzea.

2. Enpresa gazte eta berritzaileek onura fiskal hauek izanen dituzte:

a) Ez dute 73. artikuluan aipatzen den ordainketa zatikatua egin beharrik izanen.

b) Zerga administrazioak sozietateen gaineko zergaren kontura ordaindu beharreko kuotaren geroratzea onartuko du bermerik aurkeztu beharrik gabe, aurretik eskatuz gero. Geroratuko kuotaren sarrera zergaldi bakoitzeko aitorpen-likidazioa aurkezteko epea bukatzen den egunetik hasi eta hamabi hilabeteko epean egin beharko da.

c) Ondare eskualdaketen eta egintza juridiko dokumentatuen gaineko zergan, eraketaren eta kapitala handitzearen sozietate-eragiketetarako salbuespena.

d) Jarduera ekonomikoen gaineko zergaren kuota ordaintzetik salbuestea. Nafarroako Toki Ogasunei buruzko martxoaren 10eko 2/1995 Foru Legearen 58.3.c) artikuluan xedatutakoarekin bat, Nafarroako Gobernuak kalte-ordaina emanen die toki entitateei, salbuespen horren ondorioz kobratu ez duten diruagatik.

3. Araubide fiskal hori aplikatzeko, subjektu pasiboek eskatu beharko dute enpresa gazte eta berritzaileen erregistroan inskribatzeko. Zerga administrazioak behar diren kontrolak eginen ditu eskatutako baldintzak betetzen direla egiaztatzeko. Inskripzioa egiteko eta araubidearen aplikazioa bidezkoa ote den erabakitzeko prozedura erregelamenduz arautuko da, are eskaera jardueran hasi aurretik egiten denean.

4. Aurreko zenbakietan ezarritako baldintzaren bat betetzen ez bada edo zentsuko informazioa zehatza edo faltsua dela egiaztatzen bada, hori aski izanen da Erregistroko inskripzioa ukatzeko edo, subjektu pasiboak jadanik inskribatuta baldin badaude, erregistro horretatik baztertzeko.

Ez-betetze horrek gozatutako onura fiskalak galtzea ekarriko du. Horrelakoetan, entitateak, ez-betetzea gertatu eta hilabeteko epean, onura fiskalak bidegabeki aplikatzearen ondoriozko diru-kopuruak eta bidezko berandutza-interesak sartu beharko ditu.

Hemeretzigarren xedapen gehigarria. Babeserako sistema instituzionalak: ondare-elementuen eskualdaketak eta aurrezki kutxen gizarte ekintzari zuzkidurak egitea. Aurrezki kutxen finantza-jardueran zeharka aritzea: zerga baterakuntzaren araubidea. Kreditu entitateak berregituratzeko prozesuetan, ondare-elementuen eskualdaketak, Banku Sektorea Era Ordenatuan Berregituratzeko Funtsak parte hartzen duenean.

1. X. tituluko IX. kapituluan ezarritako zerga araubide berezia, zerga araubide hori erabiltzen duten beste tributuen gaineko ondorioak barne, aktiboen eta pasiboen ondoko eskualdaketa hauei aplikatuko zaizkie, nahiz eta 133. eta 144. artikuluetan aipatutako eragiketekin bat ez etorri, betiere balio bereko emaitza ekonomikoak sortzen badituzte:

a) Babeserako sistema instituzional bat eratu eta handitzeko egindako eskualdaketak, Inbertsio-koefizienteei, baliabide propioei eta finantza-bitartekarien informazio-betekizunei buruzko maiatzaren 25eko 13/1985 Legearen 8.3.d) artikuluan aipatuak.

b) Kreditu entitateak berregituratzeko prozesuetan egindakoak, Bankuen Sektorea Era Ordenatuan Berregituratzeko Funtsaren parte-hartzearekin egin direnak, Bankuen berregituraketari eta kreditu-entitateen baliabide propioak indartzeari buruzko uztailaren 26ko 9/2009 Errege Lege Dekretuaren 7. artikuluan aipatuak.

2. Aurreko zenbakiaren a) letran aipatzen den babeserako sistema instituzional baten akordioak betetzeko asmoz, kreditu entitateen arteko aktibo eta pasiboen truke baten ondorioz, egindako ondare-elementuen eskualdaketetan sortutako errentak ez dira sozietateen gaineko zergaren zerga-oinarrian sartuko, baldin eta entitate eskuratzaile bakoitzak eskuratu dituen elementuei zerga ondorioetarako ematen dien balioa eskualdaketa egin aurretik elementu horiexek entitate eskualdatzailean zuten bera baldin bada. Balorazio hori kontuan hartuko da aurrerantzean elementu horiei loturik sortzen diren errentak kalkulatzeko.

3. Aurrezki kutxak finantza jardueretan zeharka aritzen direnean, uztailaren 9ko 11/2010 Errege Lege Dekretuaren 5. artikuluan aurreikusitakoarekin bat, aurrezki kutxak eta horren finantza-negozio guztia jasotzen duen kreditu entitateak X. tituluko VIII. kapituluan araututako zerga baterakuntzaren araubidea aplikatzen ahalko dute, 117. artikuluan horretarako ezarritako baldintzak betez gero. Zerga baterakuntzaren araubidea aplikatzen ez badute, entitateek zergaren araubide orokorra aplikatuko dute, deusetan galarazi gabe ondorengo zenbakian xedatutakoa.

4. 11/2010 Errege Lege Dekretuan xedatutakora biltzen diren kutxek gizarte ekintzari egindako zuzkidurak bankuaren zerga-oinarria murrizteko erabil daitezke, finantza jardueretan zeharka aritzen badira zerga baterakuntzaren araubidea aplikatu gabe, edo babeserako sistema instituzionalaren entitate zentralaren zerga-oinarria murrizteko. Banku edo entitate zentral horrek jasotako dibidenduek aurrezki kutxaren guztirako diru-sarreren aldean egiten duten ehunekoaren araberakoa izanen da murrizketa, 151. artikuluan adierazitakoari jarraikiz. Gehieneko murrizketa dibidendu horien zenbateko bera izanen da. Horretarako, aurrezki kutxak dibidenduak ordaindu dituen bankuari edo entitate zentralari jakinarazi beharko dio horrela kalkulatutako murrizketa eta, orobat, murrizketa horri dagokionez 151. artikuluan xedatutakoa aplikatzeari uko egiten diola. Hori hala izanik ere, aurrezki kutxa behartua egonen da gizarteko eta ongintzako ekintzetara esleitutako kopuruak artikulu horretan ezarritako baldintzetan aplikatzen segitzera. Baldintza horiek bete ezean, bankuari edo entitate zentralari jakinarazi beharko dio, kenkarietan sartutako kopuruak erregularizatzeko, 81.3 artikuluan ezarri bezala.

Hogeigarren xedapen gehigarria. Zergaren zatikako ordainketaren aldaketa.

Ondorioak soilik 2011n, 2012an eta 2013an hasten diren zergaldietan izateko, honako aldaketa hauek eginen dira zergaren subjektu pasiboek egin beharreko zatikako ordainketan:

1. 73. artikuluaren 1. idatz-zatian jasotako lehen modalitatea aplikatu beharko duten subjektu pasiboak dira negozioen zifraren zenbateko garbia hogei milioi eurokoa edo hortik gorakoa izan dutenak azken zergaldi itxian, betiere zergaldi horretan zergaren aitorpena aurkezteko epea amaitua bada 2011ko, 2012ko edo 2013ko urriaren lehen egun naturala baino lehen, kasuan kasukoa.

Aurreko lerrokadan aipatzen den zergaldi amaituak urtebete baino gutxiagoko iraupena badu, aurreko ekitaldiari edo ekitaldiei dagokien negozio zifraren zenbateko garbia ere hartuko da, zati proportzionalean, harik eta hamabi hilabeteko aldia osatu arte.

2. 73. artikuluaren 1. idatz-zatiko lehen modalitatean aipatzen den ehunekoa hauxe izanen da:

a) 100eko 45a, subjektu pasiboen negozio zifraren zenbateko garbia, aurreko idatz-zatian xedatutakoaren arabera zehaztua, hogei milioi eurokoa edo hortik gorakoa baina hirurogei milioi eurotik beherakoa bada, azken zergaldi itxian, betiere zergaldi horretan zergaren aitorpena aurkezteko epea amaitua bada 2011ko, 2012ko edo 2013ko urriaren lehen egun naturala baino lehen, kasuan kasukoa.

b) 100eko 55a, subjektu pasiboen negozio zifraren zenbateko garbia, hau ere aurreko idatz-zatian xedatutakoaren arabera zehaztua, hirurogei milioi eurokoa edo hortik gorakoa bada, azken zergaldi itxian, betiere zergaldi horretan zergaren aitorpena aurkezteko epea amaitua bada 2011ko, 2012ko edo 2013ko urriaren lehen egun naturala baino lehen, kasuan kasukoa.

3. Aurreko idatz-zatietan araututako zatikako ordainketatik datorren tributu zorra ezin izanen da geroratu ez eta zatikatu ere, ordaintzeko borondatezko epean nahiz derrigorrezkoan.

4. Aurreko idatz-zatietan ezarritakoa ez zaie aplikatuko xedapen gehigarri honek indarra hartzean aitorpena aurkezteko epea hasia duten zatikako ordainketei.

Hogeita batgarren xedapen gehigarria. Ondare-elementuen amortizazio azeleratua enpresa txikietarako.

Jardunean 2012. urtea baino lehenago hasi diren ondare-elementuen gainean 14.7 artikuluan ezarritako amortizazio koefiziente gehitua erabiltzeko eskubidea duten subjektu pasiboek aplikatu ahal izanen dute, elementu horiei dagokienez, ofizialki onetsitako amortizazio tauletan aurreikusten den amortizazio koefiziente altuena bider 2 eginik lortutako emaitza.

Era berean, 14.7 artikuluan ezarritakoaren arabera, ibilgetu materialeko elementu berriak eta ondasun higiezinetako inbertsio berriak, 50.1.b) artikuluan ezarritako baldintzak betetzen diren zergaldian enpresa txikien esku jarriak badira, eta jardunean 2012an edo 2013an hasi badira, ofizialki onetsitako amortizazio tauletan ezarritako gehieneko amortizazio koefizientea bider 2 egitearen emaitzak adierazten duen koefizientearen arabera amortizatu ahal izanen dira.

Hogeita bigarren xedapen gehigarria. Arauen aipamenak.

Europako Batzordeak emandako Europar Batasuneko kide diren Estatuetako sozietateen arteko bat-egiteei, zatiketei, zatiketa partzialei, aktiboen ekarpenei eta akzioen trukeei eta, orobat, europar sozietate edo europar sozietate kooperatibo baten helbidea Europar Batasuneko kide den Estatu batetik beste batera aldatzeari buruzko eragiketetan ezarri beharreko zerga araubide komunari buruzko uztailaren 23ko 90/434/EE Zuzentarauari buruz foru lege honetan egiten diren aipamenei dagokienez, eta hari buruz beste arauzko xedapen batzuek egiten dituzten aipamenei dagokienez, ulertu behar da honako arau honi egiten zaizkiola aipamenak: Europar Batasuneko kide diren Estatuetako sozietateen arteko bat-egiteei, zatiketei, zatiketa partzialei, aktiboen ekarpenei eta akzioen trukeei eta, orobat, europar sozietate edo europar sozietate kooperatibo baten helbidea Europar Batasuneko kide den Estatu batetik beste batera aldatzeari buruz Europako Batzordeak emandako eragiketetan ezarri beharreko zerga araubide komunari buruzko urriaren 19ko 2009/133/EE Zuzentaraua.

Hogeita hirugarren xedapen gehigarria. Erregelamenduzko arauak emateko gaikuntza.

Galarazi gabe 28. artikuluan sartutako aldaketak eta kontuan izanik bai Europar Batasuneko jurisprudentzia bai zuzenbide konparatua, Nafarroako Gobernuari gaikuntza ematen zaio dokumentazio-betebeharren erregelamenduzko araubidea aldatzeko, lotutako pertsonen edo entitateen arteko eragiketei dagokienez, enpresen betebehar formalak murrizteko, funtsean honako faktore hauei jarraikiz: ez daitezela nazioarteko eragiketak izan, enpresa txikiek parte har dezatela, zenbatekoa ez dadila oso nabarmena izan eta ez dezatela zerga paradisuek esku hartu.

Hogeita laugarren xedapen gehigarria.Enplegua sortzeagatiko kenkaria, 2012. eta 2013. urteetan hasten diren zergaldietarako.

2012. eta 2013. urteetan hasten diren zergaldietan, 71. artikuluaren 1., 2. eta 3. idatz-zatietan adierazten diren kenkariak 100eko 30 handituko dira enpresa txikien izaera duten subjektu pasiboentzat, 50.1.b) artikuluan ezarritakoarekin bat.

Kenkari handiago hori aplikatuko zaie, orobat, ondoko ezaugarriak betetzen dituzten pertsona fisikoen errentaren gaineko zergaren subjektu pasiboei: enpresa edo lanbide jarduerak egitea, etekin garbia zuzeneko zenbatespenaren bidez kalkulatzea eta 50.1.b) artikuluan adierazten diren baldintzak betetzea, hots, aurre-aurreko zergaldian negozio-zifra garbia hamar milioi eurotik beherakoa izatea.

Hogeita bosgarren xedapen gehigarria. Atxikipenaren edo konturako sarreraren ehunekoa.

1. 2012ko urtarrilaren 1etik aurrerako ondorioekin, atxikipenetan edo konturako sarreretan aplikatu beharreko ehunekoa 100eko 19 izanen da, oro har, salbu eta irudia ustiatzeko eskubidearen edo hura erabiltzeko baimenaren lagapenak sortutako errentak badira.

2. Ehuneko hori erregelamendu bidez aldatzen ahalko da.

Hogeita seigarren xedapen gehigarria. Moderna Fundazioari egindako dohaintzak.

Moderna Fundazioari dohaintzan emandako zenbatekoei dagokienez, fundazioei egindako dohaintzetarako ezarritako tributu araubidea aplikatzen ahal dute sozietateen gaineko zergako subjektu pasiboek, uztailaren 2ko 10/1996 Foru Legearen II. tituluaren I. kapituluko 2. atalean xedatutakoarekin bat. Gainera, dohaintzan emandako zenbatekoei ondoko eskalako ehunekoak aplikatzearen ondoriozko zenbatekoak kentzen ahal dituzte zergako kuota likidotik:

DOHAINTZAN EMANDAKO KANTITATEAK	APLIKATU BEHARREKO PORTZENTAJEA
60.000 euro bitarte, hori barne	%40
60.000 eurotik gorako zatia	%50"

Hogeita zazpigarren xedapen gehigarria. Atxikipenaren edo konturako sarreraren portzentajea.

Orokorrean, egin beharreko atxikipenaren edo konturako diru-sarreraren portzentajea %20koa izanen da.

Portzentaje hori erregelamendu bidez aldatzen ahalko da.

Hogeita zortzigarren xedapen gehigarria. Merkataritza-funtsaren kenkaria eta bat-egitearen diferentziaren kenkaria mugatzea.

1. 21. artikuluak aipatutako merkataritza funtsari dagokion kenkariak zenbatekoaren ehuneko 2ko gehieneko muga izanen du urtean.

Pertsona fisikoen errentaren gaineko zergako subjektu pasiboei, 50.1.b) artikuluko beharkizunak betetzen badituzte, ez zaie aplikatuko aurreko lerrokadan xedatutakoa.

2. 21.2. artikuluak aipatutako bizitza erabilgarri mugagabeko ibilgetu ukiezinari dagokion kenkariak zenbatekoaren ehuneko 5eko gehieneko muga izanen du urtean.

Pertsona fisikoen errentaren gaineko zergako subjektu pasiboei, 50.1.b) artikuluko beharkizunak betetzen badituzte, ez zaie aplikatuko aurreko lerrokadan xedatutakoa.

3. Entitate eskuratzaileak partaidetza eskuratzean ordaintzen duen prezioaren eta entitate eskualdatzailearen funts berekien arteko diferentzia, 139.3 artikuluan aipatzen dena egin ezean, hau da, ondasun eta eskubide eskuratuei egozten ez bazaie, kenkariaren xede izanen da, zenbatekoaren ehuneko 2ko gehieneko mugarekin urtean.

Hogeita bederatzigarren xedapen gehigarria. Espainiako lurraldean egoiliarrak ez diren entitateen funts berekiak ordezkatzen dituzten baloreak eskualdatzetik datozen atzerriko dibidendu eta errenten gaineko karga berezia.

1. Espainiako lurraldean egoiliarrak ez diren entitateen dibidenduak edo mozkinetako partaidetzak, 62.1 artikuluaren a) eta c) letretan ezarritako baldintzak betetzen badituzte, eta 2012an sorraraziak badira, zerga honen zerga-oinarritik kanpo utzi ahalko dira, subjektu pasiboak karga berezi baten menpe uztea hautatzen badu. c) letran ezarritako betebeharra entitate bakoitzaren kasuan zehaztu ahal izanen da, entitate horretan duen partaidetza zuzena izan edo zeharkakoa izan, partaidetza eduki den aldi osoan lortutako diru-sarrera guztiak kontuan hartuta.

Karga bereziaren zerga-oinarria izanen da sorrarazitako dibidenduen edo mozkinetako partaidetzen zenbateko osoa, eta, partaidetzaren balioak narriadura jasanez gero karga berezi honen xede diren mozkinen banaketaren ondorioz, galera hori ez da kengarria izanen zergetan.

2. Espainiako lurraldean egoiliarrak ez diren entitateek, 62.1 artikuluaren a) letran ezarritako baldintza eskualdaketaren egunean betetzen badute, eta artikulu horren c) letran ezarritako baldintza, berriz, partaidetza eduki duten ekitaldi guztietan betetzen badute, zerga honen zerga-oinarritik kanpo utzi ahalko dituzte haien funts berekiak ordezkatzen dituzten baloreak eskualdatzetik datozen errentak, eskualdaketa 2012an egina bada, subjektu pasiboak aurreko idatz-zatian aurreikusitako karga bereziaren menpe uztea hautatzen badu.

Kasu horretan, zerga-oinarria izanen da eskualdaketan lortutako errenta, bai eta eskualdatutako partaidetzaren balioaren edozein zuzenketaren berreskurapena ere, partaidetza eduki den denboran zergen ondorioetarako kengarritzat hartu baldin bada.

3. Karga bereziaren tasa ehuneko 8koa izanen da.

Nolanahi ere, Espainiako lurraldean egoiliarrak ez diren entitateen funts berekiak ordezkatzen dituzten baloreak eskualdatzean, partaidetza eduki den denboran zergen ondorioetarako kengarritzat hartu den balio zuzenketak zerga-oinarrian egiten duen zatiak subjektu pasiboari dagokion karga tasa berbera izanen du.

Espainiako lurraldean egoiliarrak ez diren entitateen funts berekiak ordezkatzen dituzten baloreak eskualdatzetik datozen errentek, bai eta dibidenduek edo mozkinetako partaidetzek ere, karga berezi honen menpe daudenek, ez dute eskubiderik sortuko 60. eta 61. artikuluetan aurreikusitako nazioarteko zergapetze bikoitzagatiko kenkaria aplikatzeko.

4. Karga berezi honi dagokion kontabilitate gastua ez da kengarria izanen sozietateen gaineko zergaren zerga-oinarrian.

5. Espainiako lurraldean egoiliarrak ez diren entitateen dibidenduen edo mozkinetako partaidetzen kasuan, karga berezia akziodunen batzar orokorrak edo organo baliokideak mozkinak banatzeko erabakia hartzen duen egunean sorraraziko da.

Espainiako lurraldean egoiliarrak ez diren entitateen funts berekiak ordezkatzen dituzten baloreak eskualdatzen direnean, berriz, karga berezia eskualdatzea gertatzen den egunean sorraraziko da.

Karga bereziaren autolikidazioa egin beharko da, eta sorrarazten den egunetik hurrengo 25 egun naturaleko epean ordaindu. Nolanahi ere, epe horren hasieran onetsi gabe baldin badago hurrengo idatz-zatian aipatzen den aitorpen eredua ezartzeko foru agindua, aitorpena foru agindu horrek indarra hartu eta hurrengo 25 egun naturaleko epean aurkeztu beharko da.

6. Karga berezi honen aitorpen eredua Ekonomia eta Ogasuneko kontseilariaren foru agindu bidez onetsiko da, non ezarriko baita aitorpena aurkezteko modua eta tokia.

Hogeita hamargarren xedapen gehigarria. Hogeita bederatzigarren xedapen gehigarrian jaso ez izanik, Espainiako lurraldean egoitza ez duten entitateen funts berekien balio adierazgarriak eskualdatzearen ondoriozko iturri atzerritarreko dibidendu eta errenten gaineko karga berezia.

1. Espainiako lurraldean egoitza ez duten entitateen dibidenduen edo mozkinen partaidetzen kasuan, 62.1 artikuluaren a) letran ezarritako beharkizuna betetzen bada eta hogeita bederatzigarren xedapen gehigarria aplikatzekoa ez bada, posible izanen da zerga honen zerga-oinarrian ez sartzea, subjektu pasiboak aukeratzen badu karga berezi baten bidez atxikitzea.

Karga bereziaren zerga-oinarria izanen da sorrarazitako dibidenduen edo mozkinetako partaidetzen zenbateko osoa, eta, partaidetzaren balioak narriadura jasanez gero karga berezi honen xede diren mozkinen banaketaren ondorioz, galera hori ez da kengarria izanen zergetan.

2. Espainiako lurraldean egoitza ez duten entitateen funts berekien balio adierazgarriak eskualdatzearen ondoriozko errentak, baldin eta 62.1.a) artikuluan ezarritako beharkizuna betetzen bada eskualdaketa egiten den egunean eta ez bada aplikatzekoa hogeita bederatzigarren xedapen gehigarria, eskualdaketa 2012. urtean egiten bada, posible izanen da zerga honen zerga-oinarrian ez sartzea, subjektu pasiboak aukeratzen badu aurreko zenbakian aurreikusitako karga berezi baten bidez atxikitzea.

Kasu horretan, eskualdaketan lortutako errentak osatuko du zerga-oinarria, baita eskualdatutako partaidetzaren gaineko balioaren edozein zuzenketaren itzulketak ere, partaidetza eduki den denboran kenkari izaera izan badu.

Nolanahi ere, karga berezi hau ez da aplikatzekoa izanen 62.2 artikuluaren a) letran aipatutako Espainiako lurraldean egoitza ez duten entitateen funts berekien balio adierazgarrien eskualdaketen kasuan.

3. Karga bereziaren tasa ehuneko 10 da.

Betiere, Espainiako lurraldean egoitza ez duten entitateen funts berekien balioen eskualdaketen kasuan, partaidetza eduki zen bitartean kengarritzat hartu zen edozein balio-zuzenketarekin bat datorren zerga-oinarriaren zatiak subjektu pasiboari dagokion karga tasa izanen du.

Espainiako lurraldean egoiliarrak ez diren entitateen funts berekiak ordezkatzen dituzten baloreak eskualdatzetik datozen errentek, bai eta dibidenduek edo mozkinetako partaidetzek ere, karga berezi honen menpe daudenek, ez dute eskubiderik sortuko 60. eta 61. artikuluetan aurreikusitako nazioarteko zergapetze bikoitzagatiko kenkaria aplikatzeko.

4. Karga berezi honi dagokion kontabilitate-gastua ez da kengarria izanen sozietateen gaineko zergaren zerga-oinarrian.

5. Espainiako lurraldean egoiliarrak ez diren entitateen dibidenduen edo mozkinetako partaidetzen kasuan, karga berezia akziodunen batzar orokorrak edo organo baliokideak mozkinak banatzeko erabakia hartzen duen egunean sorraraziko da.

Espainiako lurraldean egoitza ez duten entitateen funts berekien balio adierazgarriak eskualdatzen diren kasuan, eskualdaketa egiten denean sorraraziko da karga berezia.

6. Sorrarazpen egunaren ondoko 25 egun naturaleko epean autolikidatu eta ordaindu beharko da karga berezia. Nolanahi ere, epe horren hasieran onetsi gabe baldin badago hurrengo idatz-zatian aipatzen den aitorpen eredua ezartzeko foru agindua, aitorpena foru agindu horrek indarra hartu eta hurrengo 25 egun naturaleko epean aurkeztu beharko da.

7. Karga berezi honen aitorpen eredua Ekonomia eta Ogasuneko kontseilariaren foru agindu bidez onetsiko da, non ezarriko baitira aitorpena aurkezteko modua eta tokia.

Hogeita hamaikagarren xedapen gehigarria.-Pizgarriengatiko kenkarien mugak.

72.3 artikuluaren lehen lerrokadan aurreikusitako mugen aplikazioan, honako hau hartuko da kontuan: alde batera utzita 63. artikuluan ezarritako kenkariak, zeinak arauz ezartzen diren sormen berriko entitateen jarduera hasi arte egin baitira, eta 66. eta 71. artikuluetan ezarritakoak, VI. tituluko IV. kapituluan aurreikusitako kenkariek ez dute gaindituko, denek batera, honako hau: hobarietan eta kenkarietan kuota osoa gutxitzearen (barneko eta nazioarteko zergapetze bikoitza saihesteko) ondoriozko kuota likidoaren ehuneko 25.

Hogeita hamabigarren xedapen gehigarria.-Likidazio-oinarri negatiboekin zerga-oinarri positiboa murrizteari jartzen zaizkion mugak.

40. artikuluak aipatutako zerga-oinarri positiboaren murrizketan, honako berezitasun hauek hartuko dira kontuan:

Lehena. Zergaldian negozio-zifraren zenbateko garbia gutxienez hogei milioi euro baina hirurogei milioi euro baino gutxiago izan duten subjektu pasiboen kasuan, murrizketaren aurreko zerga-oinarriaren ehuneko 60 izanen da zerga-oinarria murrizteko muga.

Bigarrena. Zergaldian negozio-zifraren zenbateko garbia gutxienez hirurogei milioi euro izan duten subjektu pasiboen kasuan, murrizketaren aurreko zerga-oinarriaren ehuneko 50 izanen da zerga-oinarria murrizteko muga.

Hirugarrena. Kontabilitate Publikoaren Plan Orokorrarekin bat zehaztuko da negozio-zifra, eta, kalkulatzeko, 50.1.b) artikuluan ezarritakoa hartuko da kontuan.

Laugarrena. Betiere, zerga-oinarri positiboa milioi bat euro murrizten ahalko da.

Hogeita hamahirugarren xedapen gehigarria.-Banku-aktiboen funtsen eta haien partaideen zerga-araubidea.

1. Aktibo bankarioen funtsek ehuneko 1eko karga-tasa ordainduko dute sozietateen gaineko zergan, eta Sozietateen gaineko Zergari buruzko 1996ko abenduaren 30eko 24/1996 Foru Legeko X. tituluko VII. kapituluan inbertsio kolektibokoerakundeentzat zehazten den zerga-araubidea aplikatuko zaie; funts horiek Kreditu-erakundeak Berregituratu eta Desegiteari buruzko 2012ko azaroaren 14ko 9/2012 Legearen hamargarren xedapen gehigarrian aipatzen dira.

2. Tratamendu fiskal hau izango dute aktibo bankarioen funtsetako partaideek:

a) Partaideoi inbertsio kolektiboko erakundeetako bazkideentzat edo partaideentzat zehaztutako zerga-araubidea aplikatuko zaie (erakundeok InbertsioKolektiboko Erakundeen azaroaren 4ko 35/2003 Legeak arautzen ditu), baldin eta partaideok honelakoak badira: edo sozietateen gaineko zergaren subjektu pasiboak, edo beren errentak establezimendu iraunkorraren bidez lortzendituzten ez-egoiliarren errentaren gaineko zergaren subjektupasiboak, edo pertsona fisikoen errentaren gaineko zergaren zergadunak.

Dena dela, pertsona fisikoen errentaren gaineko zergaren subjektu pasiboen kasuan, ez da aplikatuko Pertsona Fisikoen Errentaren gaineko Zergari buruzko Foru Legearen Testu Bategineko 52.1 artikuluko a) letraren bigarren paragrafoa (Testu Bategina ekainaren 2ko 4/2008 Legegintzako Foru Dekretuaren bidez onetsi zen).

b) Ez-egoiliarren errentaren gaineko zergaren subjektu pasiboak badira, eta establezimendu iraunkorrik ez badute, lortzen dituzten errentak salbuetsita egongo dira zerga horretatik, Ez-egoiliarren Errentaren gaineko Zergari buruzko Testu Bateginaren 14. artikuluaren arabera zor publikotik eratorritako etekinak salbuetsita dauden bezala (Testu Bategina martxoaren 5eko 5/2004 Legegintzako Errege Dekretuaren bidez onetsi zen).

3. Aurreko idatz-zatietan aurreikusten den araubide fiskalaBankuak Era Antolatuan Berregituratzeko Funtsa (FROB) funts horien eraginpean dagoen denbora-epean zehar aplikatuko da; epe hori 2012ko azaroaren 14ko 9/2012 Legearen hamargarren xedapen gehigarriaren 10. idatz-zatian arautzen da.

4. Aurreko idatz-zatian adierazten den epea igarota, aktibo bankarioen funtsek sozietateen gaineko zergaren tasa orokorrean tributatuko dute.

Epe hori igarota, amaitu egingo da aktibo bankarioen funtsen zergaldia, Sozietateen gaineko Zergari buruzko abenduaren 30eko 48.2 d) artikuluan ezarritako baldintzetan.

5. Aktibo bankarioen funtsetako partaideei artikulu honetako 3.idatz-zatian zehazten den denbora-epea amaitu ondoren sortzen zaizkien errenten artetik partaide horiek 1. idatz-zatiko karga-tasari lotuta egon diren zergaldiei dagozkienei artikulu honetan 2. idatz-zatian zehazten den zerga-araubidea aplikatuko zaie.

Hogeita hamalaugarren xedapen gehigarria. Hogeita zazpigarren xedapen gehigarriaren indarraldia luzatzea.

2014ko urtarrilaren 1etik aurrera luzatzen dira hogeita zazpigarren xedapen gehigarriaren indarraldia eta ondorioak.

Hogeita hamabosgarren xedapen gehigarria. Hogeigarren, hogeita zortzigarren, hogeita hamaikagarren eta hogeita hamabigarren xedapen gehigarrien indarraldia luzatzea.

Hogeigarren, hogeita zortzigarren, hogeita hamaikagarren eta hogeita hamabigarren xedapen gehigarrien indarraldia eta ondorioak luzatzen dira 2014. urtean hasten diren zergaldietarako”.

Hogeita hamaseigarren xedapen gehigarria. Azpiegitura publikoen emakidadun diren enpresak.

1. Azpiegitura publikoen emakidadun diren enpresek 63. artikuluko kenkaria aplikatzen ahalko dute inbertsioak egiteagatik ibilgetu materialeko elementu berrietan, edota higiezinetan, salbu eta higiezinok badira ibilgetu immaterial edo finantza-aktibo gisa birsailkatu edo sailkatu beharrekoak EHA/3362/2010 Aginduan ezarritakoaren arabera.

2. Kenkaria aplikatuko da 63, 64, 65, eta 72. artikuluetako epe, eskakizun eta baldintzekin.

64. c) artikuluan ezarritako magnitudeen zenbaketan sartuko da, baita ere, ibilgetu materialeko elementuek edo higiezinetan eginiko inbertsioek, hain zuzen ere EHA/3362/2010 Agindua aplikatuta ibilgetu immaterial edo finantza-aktibo gisa birsailkatu edo sailkatu direnek, lehenago zuten kontabilitate-balioa.

Hogeita hamazazpigarren xedapen gehigarria.

Hogeita hamabigarren xedapen gehigarriaren indarraldia eta ondorioak luzatzen dira 2015. urtean hasten diren zergaldietarako.

Lehen Xedapen Iragankorra. Pentsioen ondoriozko konpromezuen egokitzapenerako aldibaterako zerga araubidea.

Aseguru Pribatuen Antolamendu eta Gainbegiratzeari buruzko 30/1995 legeko Hamalaugarren eta Hamabosgarren Xedapen Iragankorrek ezarritakoa betetzeak eragindako pentsioen ondoriozko konpromezuen egokitzapenak, hurrengo zerga araubidearen menpe izango dira:

1. Konpromezuak pentsio plan batekin bideratu baldin badira, aipatu xedapen iragankorrek ezarritakoa betetzeko sustatzaileek egin dituzten ekarpenak kengarri izango dira sustatzailearen zerga pertsonaletik ekarpena benetan gauzatzen den ekitaldi ekonomikoan. Salbuespena: aurretik eratutako ondare fondoen kontura egindako ekarpenak, zergen arabera kengarriak izan badira.

Aurreko lerroaldeak aipatzen dituen pentsio planetarako ekarpenak ez dira partaideari dagokion Pertsona Fisikoen Errentaren gaineko Zergaren zerga oinarrian sartuko, onuradunek jasoko dituzten prestazioen geroko eta Zergaren arauei lotutako tributazioaren kaltetan gabe.

Idazati honetan aurreikusiriko zerga araubidea enpresek gizarte aurreikuspeneko mutualitateei eginiko kontribuzioei ere aplikatuko zaie, Pertsona Fisikoen Errentaren gaineko Zergari buruzko Foru Legeko 55. artikuluan aurreikusiriko betebeharrak betetzen dituzten mutualitateen aseguru kontratuen edo prestazio erregelamenduen bidez, kontribuzio horiek aitorturiko iraganeko zerbitzuen ondoriozko eskubideei badagozkie.

2. Egokitzapena bizitza aseguruaren kontratu bihurtzen bada, enpresariek ordaintzen dituzten sariak kengarri izango dira beraien zerga pertsonaletik, sariak ordaindu diren ekitaldi ekonomikoan, beti ere Foru Lege honetako 23. artikuluak ezartzen dituen baldintzak betetzen badira. Salbuespena: pentsioen ondoriozko konpromezuetarako fondoen kargura ordaindutako sariak, fondo horien dotazioa zergen aldetik kengarri izan baldin bazen bere garaian.

Sarien zerga inputazioa jasotzen duten subjektu pasiboek Pertsona Fisikoen Errentaren gaineko Zergaren oinarrian sartuko dituzte sariok, inputatutako kopuruaren kenketa egin den zergaldian.

2. Egokitzapena bizitza aseguruko kontratu baten bidez gauzatzen denean, enpresariek ordaintzen dituzten sariak kengarri izanen dira beraien zerga pertsonalean, sariak ordaindu diren ekitaldi ekonomikoan, betiere foru lege honetako 23. artikuluak ezartzen dituen baldintzak betetzen badira. Salbuespena: pentsio konpromisoetarako fondoen kargura ordaindutako sariak, fondo horien dotazioa zergen aldetik kengarri izan baldin bazen behar zen garaian.

Hala ere, sarien zerga inputazioa jasotzen duten subjektu pasiboek ez dituzte sariok sartuko Pertsona Fisikoen Errentaren gaineko Zergaren oinarrian, inputatutako kopuruaren kenketa egin den zergaldian. Horrek ez du eragotziko aseguru kontratuen onuradunek jasotzen dituzten prestazioen aurreragoko tributazioa, pentsio planen ordezko diren gizarte prebisioko sistemen arloan indarra duen arautegiak xedaturikoaren arabera.

3. Langileen prebisioaren konpromezuei atxikitako ondare elementuak pentsio plan batera sartu edo ekartzearen ondorioz agerian geratzen diren errentek ez dute zergarik ordainduko. Halaberean, salbuetsita geratuko dira langileen prebisioaren konpromezuei atxikitako ondare elementuak besterentzearen ondorioz agerian geratzen diren errentak, besterentzearen kopurua pentsio plan batean sartzen denean; zati batean baino ez bada sartzen, sartutako errentaren zatiari ezarriko zaio salbuespena.

4. Maiatzaren 12ko 3/1988 Foru Legeko 79.1 artikuluak ezarritako zerga araubidea aplikatu egingo zaie oraindik aipatu artikuluak ezarritako beharkizunak betetzen dituzten enpresari-dotazioei, 30/1995 Legeko Hamalaugarren Xedapen Iragankorreko egokitze-epea igaro arte edota, aipatu Xedapen Iragankorrak ezarritakoarekin bat, beti ere, pentsioengatiko konpromezuak lehenago gauzatu arte.

Bigarren Xedapen Iragankorra. Kontabilitatez kanpoko doikuntzak.

Foru lege hau indarrean sartu orduko zergaldiei dagozkien Sozietateen gaineko Zergako zerga oinarriak zehazteko egindako kontabilitatezko doikuntzak, positiboak eta negatiboak, kontutan hartuko dira arau hori ezarri behar duten zergaldiei dagozkien zerga oinarriak zehazteko asmoz, horiek araupetu zituzten arauetan ezarritakoaren arabera.

Inoiz ez da onargarria izango errenta bera kontutan hartua ez izatea edota birritan kontutan hartua izatea, Sozietateen gaineko Zergako zerga oinarria zehazteko.

Hirugarren Xedapen Iragankorra. Berrinbertsioaren ziozko salbuespena.

Sozietateen gaineko Zergaren xedapenen Testu Birbilduak araupetutako eta arau horretako 11.8. artikuluan ezarritako berrinbertsioaren ziozko salbuespenari lotutako zergaldietan egotzitako ondare-gehikuntzak artikulu horretan ezarritakoaren arabera araupetuko dira, nahiz eta berrinbertsioa Foru Lege hau indarrean sartu ondoren egin.

Laugarren Xedapen Iragankorra. Enpresak sustatzeko sozietateak.

Abenduaren 29ko 25/1994 Foru Legeko Xedapen Iragankorrak aipatzen dituen kapitalean parte hartuz enpresak sustatu edo bultzatzea xede duten Nafarroako sozietateek euren estatutuak arrisku-kapital sozietateetakoekin uztartzen badituzte edota horrelako sozietate bihurtzen badira, Foru Lege honek horiendako ezartzen duen araubideaz gozatuko dute.

Egokitzapena edo eraldaketa urte beteko epean egin beharko da, Foru Lege honek indarra hartzen duenetik kontatzen hasita. Hori gertatu arte, abenduaren 29ko 25/1994 Foru Legeko Xedapen Iragankorrak aurreikusten duen araubideaz gozatzen jarraituko dute. Aipatu epea igaro bada egokitzapen edo eraldaketarik gertatu gabe, araubide orokorraren arabera tributatuko dute.

Xedapen honek aipatzen dituen egokitzapen eta eraldaketa eragiketak Ondare Eskualdaketa eta Egintza Juridiko Dokumentatuen gaineko Zergatik salbuetsiak egongo dira.

Bosgarren Xedapen Iragankorra. Finantza-errentamenduak.

Foru Lege hau indarrean sartu orduko burututako, eta era berean arau hau indarrean sartu orduko erabiltzaileari emandako ondasunei buruzkoak diren edota indarrean sartu eta ondorengo bi urteko epean ematen diren ondasun higiezinei buruzkoak diren finantza errentamenduen kontratuetan, maiatzaren 2ko 3/1989 Foru Legeko 57. artikuluak ezarritako arauak aginduzko izango dira, erabat bete arte.

Seigarren Xedapen Iragankorra. Foru Lege hau indarrean sartu baino lehen eskuratutako merkataritzako fondoak, markak, eskualdaketa-eskubideak eta ibilgetu ezmaterialaren beste elementu batzuk.

1. Foru lege honetako 15. artikuluan eta 21. artikuluaren 1. eta 2. idatz-zatietan aipatu diren ibilgetu ukiezinaren elementuak, legea indarrean sartu aurretik eskuratuak, baldin eta horien zenbatekoak ez badira kendu zerga-oinarria zehazteko ondorioetarako, amortizatu ahal izanen dira, aipatutako artikuluan ezarritako baldintza eta betekizunekin, nahiz eta kontabilitatean amortizatuta egon.

2. Foru Lege honetako 139.3. artikuluak ezarritakoa ekainaren 3ko 8/1992 Foru Legeko 10. artikuluaren itzalpean burututako eragiketei ere ezarri ahal izango zaie, kontabilitateari dagokionez amortizazioa eginda egon arren.

3. Enpresen Bategiteen gaineko Zergaren Araubideari buruzko 1982ko otsailaren 8ko Arauaren itzalpean burututako eragiketetan sortutako merkataritzako fondoen amortizazioa ez da sekula gastu kengarritzat joko, merkataritzako fondo horien zenbatekoa zerga oinarrian sartzen ez bada, eta horiei dagokien kuota hobaritzen ez bada.

Zazpigarren Xedapen Iragankorra. Enpresen Bategiteen gaineko Zergaren Araubideari buruzko 1982ko otsailaren 8ko Arauaren itzalpeko bategiteak.

Enpresen Bategiteen gaineko Zergaren Araubideari buruzko 1982ko otsailaren 8ko Arauaren itzalpean suertatu ziren eragiketetako baten bat burutu ondoren, eta bost urte igaro baino lehen, ondasun higiezinak direnean, eta hiru urte, ondasun higikorrak direnean, ondare elementuak eskualdatuko balira horiek direla eta birbaloragai izanik, ez litzateke zenbatuko eskuraketaren balioan aipatu birbaloraketaren zenbatekoa, eskualdaketan lortutako benetako balioa berrinbertitzen ez bada Foru Lege honetako 36. artikuluan ezarritakoaren arabera, hortxe bertan ezarritako araubidea izango delako ezartzekoa erabat.

Zortzigarren Xedapen Iragankorra. Foru Lege hau indarrean sartzean aplikatzeke zeuden inbertsioen eta enpleguaren ziozko kenkariak.

1. Sozietateen gaineko Zergaren xedapenen Testu Birbilduko 22. artikuluak xedatuaren arabera aplikatu gabe zeuden kenkariak, Foru Lege hau indarrean sartu ondorengo zergaldiei dagozkien aitorpen-likidazioetan aplikatuko dira, aipatu araubideak erregulatzen dituzten xedapenek ezarritako baldintza eta betebeharrekin.

2. Enpresari inbertsioaren zerga araubidearen erregelamenduzko arauak onartu zituen 1980eko maiatzaren 28ko Erabakiak, Foru Diputazioarenak, bere 48. artikuluan ezarritakoaren arabera, Subjektu pasiboak aukeratu duenean aktibo material finkoetako inbertsioen ziozko kenkaria ordainketak egiten diren zergaldietan ezartzea, kenkaria Foru Lege hau indarrean sartu ondoren hasten diren eta ordainketok egiten diren zergaldietan ezarriko da, aipatutako Erabakian ezarritako baldintza eta betekizunekin.

Bederatzigarren Xedapen Iragankorra. Foru Lege hau indarrean sartu baino arinagoko zerga oinarri negatiboak.

Foru Lege hau ezarriko den lehen zergaldiaren aurrekoan, Sozietateen gaineko Zergaren xedapenen Testu Birbilduak xedatuaren arabera konpentsatu gabe dauden zerga oinarri negatiboak, ondorengo zazpi urteetan bukatuko diren zergaldiei dagozkien zerga oinarri positiboak murrizteko erabil daitezke. Zazpi urteok zenbatuko dira aipatu zerga oinarri negatiboak finkatu ziren zergaldiaren ondorengoaren hasieratik aitzina.

Hamargarren Xedapen Iragankorra. Urriaren 15eko 2631/1982 Errege Dekretuko 82 artikuluaren babeseko kaudimengabezietarako saldoak.

Foru Lege hau indarrean sartzean kaudimangabezietarako fondo bat guztizko dotazioaren bidez eratuta duten subjektu pasiboek, data horretan dauzkaten zalantzazko kobrantzako kredituei aurre egiteko erabiliko dute saldoa, eta soberakina, egotekotan, gero sortuz doazenei, amaitu arte.

Bien bitartean aipatu kredituei aurre egiteko zuzkidurak ez dira kengarriak izango.

Hamaikagarren Xedapen Iragankorra. Aitorpen bateratuaren araubidea.

1. Foru Lege hau indarrean sartzean aitorpen bateratuaren araubidea duten sozietate-multzoek, Foru Lege honek araubide hori aplikatzeko ezarri dituen baldintza eta beharkizunak betetzen badituzte, hori edukitzen jarraituko dute eta Foru Lege honetako X. Tituluko VIII.. kapituluan dauden arauak ezarri ahal izango zaizkie.

2. Foru Diputazioak 1978ko azaroaren 16an harturiko Erabakiarekin bat, Foru Lege honek indarra hartu ondoren hasten den lehen zergaldiaren barruan aitorpen bateratuaren araubidearen luzapena eskatu ahal izan duten multzoak hiru zergaldi gehiagotan atxiki ahal izango zaizkio aipatu araubideari, X. Tituluko VIII.. kapituluko arauek ezarritako baldintza eta betekizunekin. 120. artikuluak dakartzan betebeharrak aipatu lehen zergaldia bukatzen den egunera arte bete ahalko dira.

3. Sozietate multzoek nahi baldin badute Foru Lege honek ezarritako araubide berezia hartu Foru Legeak indarra hartu ondoren hasten den lehen zergaldian, 120. artikuluak ezarritakoak bete beharko dituzte aipatu aldian.

Hamabigarren Xedapen Iragankorra. Finantza-eragiketen gaineko mozkinen araubide iragankorra.

1979ko urtarrilaren 1ean zerga honetan mozkinak aintzatetsita dituzten bidesaridun estraten emakidadun sozietateek berorien legeriaren eta Foru Diputazioak 1978ko abenduaren 28an harturiko Erabakiko hirugarren xedapen iragankorreko 2. zatian ezarritakoaren eta berorien garapen arauen araberako finantzaketa- eta birfinantzaketa-eragiketetarako, eskuratutako eskubide hori izaten jarraituko dute oraingo baldintzetan.

Hamahirugarren Xedapen Iragankorra. Inbertsio kolektiboko erakundeen partaidetzen zerga-balioa.

Foru Lege honetako 114. artikuluak aipatzen duen likidazio balioaren soberakina kalkulatzeko, eskuraketa-baliotzat joko da Foru Lege hau ezarri behar duten lehen zergaldiaren lehenengo eguneko likidazio-balioa, subjektu pasiboak egun horretan dituen partaidetza eta akzioei dagokienez. Balio horren eta eskuraketaren benetako balioaren arteko diferentzia ez da eskuraketa-baliotzat joko akzio edo partaidetzen eskualdaketa edo berreskuraketaren ondoriozko errentak zehaztean.

Talde-inbertsioko erakundeek banatutako dibidendu eta mozkin-zatiak, Foru Lege honek indarra hartu aurretik ateratako mozkinetik baldin badatoz, bazkide edo partaideen zerga oinarrian sartuko dira. Ondorio horietarako ulertuko da banatutako lehen erreserbak irabazitako lehen mozkinez hornitu direla.

Hamalaugarren Xedapen Iragankorra. Eguneratze kontuak.

1. Foru Lege hau indarrean sartzen denetik, "1981erako Aurrekontuak betetzeko Arauaren eguneratzea" eta " Urriaren 26ko 35/1983 Foru Legeko eguneratzea" kontuen saldoak legezko erreserbara eskualdatuko dira, eta gerakina, egonez gero, erabilpen askeko erreserbetara.

2. Eguneratutako elementuen amortizazioari dagozkion arauek aplikagarri izaten jarraituko dute horien iraupen baliagarria iraungi arte.

Hamabosgarren Xedapen Iragankorra. Nazioarteko ezarpen bikoitzaren ziozko kenkaria.

Sozietateen gaineko Zergaren xedapenen Testu Birbilduko 20. artikuluko 4 eta 5. zenbakiek finkatutako nazioarteko ezarpen bikoitzaren ziozko kenkariari dagozkion zenbateko kendugabeak, Foru Lege hau indarrean sartu ondoren hasten diren zergaldiei dagozkien likidazioetan ezarriko dira, aipatu artikuluan ezarritako baldintza eta betekizunekin.

Hamaseigarren Xedapen Iragankorra. Erakunde gardenen zerga-ordainketa.

1. Sozietate gardenetan ezarriko den karga tasa, Foru Lege hau ezarriko den lehenengo bi zergaldietako bakoitzean, ehuneko 10 eta 20 izango da, hurrenez hurren, egotzi gabeko zerga oinarriari dagokion zatian izan ezik, tasa orokorraren arabera ordainduko baititu zergak.

2.

Hamazazpigarren Xedapen Iragankorra. Partaidetza kontuetako dibidenduen ezarpen bikoitzaren ziozko kenkaria.

Sozietateen gaineko Zergaren xedapenen Testu Birbilduko 10. b) artikuluan edota Pertsona Fisikoen Errentaren gaineko Zergari buruzko maiatzaren 14ko 6/1992 Foru Legeko 29. artikuluan ezarritakoaren arabera, partaide kudeatzailearen zerga oinarrian sartu diren partaide ez-kudeatzaileari dagozkion partaidetzetako kontuen emaitzek, dibidenduen ezarpen bikoitzaren ziozko kenkarirako eskubidea sortuko dute.

Hamazortzigarren Xedapen Iragankorra. Bategiteak eta zatiketak.

1. Ekainaren 3ko 8/1992 Foru Legeak, bategite, zatitze, aktiboen ekartze, balore-trukatze eta matrize-filial sozietateen harremanen zerga-araubideari buruzkoak aipatzen dituen eragiketak, Foru Lege honek indarra hartzean gauzatzen ari direnak, aipatu 8/1992 Foru Legea izango dute arau.

2. Aurreko zenbakian ezarritakoa gorabehera, interesatuak Foru Lege honetako X. Tituluko IX. Kapituluak aurreikusitako araubideaz baliatu ahal izango dira, Foru Lege hau indarrean sartu eta hiru hilabeteko epean jakinarazten badiote Ekonomi eta Ogasun Departamentuari.

Hemeretzigarren Xedapen Iragankorra. Eraldaketarako Nekazaritza Sozietateak.

Eraldaketarako Nekazaritza Sozietateei dagozkien errenta negatibo eta kenketak, Foru Lege honek indarra hartu baino lehenagoko zergaldiei buruzkoak, zer bazkideri esleitu, hark aplikatuko ditu.

Hogeigarren Xedapen Iragankorra. Indarreko xedapenak aplikatzea.

Kontuko atxikipenak eta dirusarrerak egin beharrari eta amortizazio eta berrinbertsio plan bereziei buruzko erregelamenduzko arauak onetsi bitartean, Foru Lege honek indarra hartzean indarrean zeuden xedapenak aplikatzeari jarraituko zaio.

Hogeita Batgarren Xedapen Iragankorra. Erreserba Berezia.

1. Subjektu pasiboek Foru Lege honetako IV. Tituluko XI. Kapituluko 2. sailak aipatzen duen erreserba berezia hornitu ahalko dute 1997ko urtarrilaren 1etik aitzina hasitakoaren aurreko ekitaldian eskuratutako kontabilitate mozkinez, bakarrik, eta 1997 urtean hasten den kontabilitate ekitaldian eskuratutako mozkinez.

2. 12/1993 Foru Legeak eta Foru Lege honetako IV. Tituluko XI. Kapituluko 2. sailak aipatzen duten erreserba berezia zuzkitzen duten subjektu pasiboek guztizko muga bat izango dute zerga oinarria murrizteko: zerga oinarriaren 100eko 40a.

Hogeita Bigarren Xedapen Iragankorra. Aktibo finko materialei eta enplegua sortzeari dagozkien inbertsioak pizteko kenkaria.

1. Foru Lege honetako VI. Tituluko IV. Kapituluko 1. sailak eta 71. 2 artikuluak diotena 1997ko urtarrilaren 1etik aitzina hasitakoaren aurreko ekitaldian aplikatuko da.

2. Aurreko zenbakiko inbertsioengatiko kenkaria aplikatzeko aukera egiten duten subjektu pasiboek ezingo dute Sozietateen gaineko Zergaren xedapenen Testu Birbilduko 22. artikuluko A) letra. 1. Lehena.a)n ezarritakoa aplikatu.

Hogeita hirugarren Xedapen Iragankorra

Foru Lege honetako II. Kapituluko 1. Sekzioko 52.etik 56.enerako artikuluetan jasotzen diren hobariek 1997 urtean hasitako lehen ekitaldian edukiko dute indarra.

Hogeita laugarren xedapen iragankorra. Merkataritza zikloa ixten ez duten finkagune iraunkorrak.

161. artikuluko 3. zenbakiaren b) letran aipatutako ehunekoa finkatu arte, 100eko 15 aplikatuko da.

Hogeita bosgarren xedapen iragankorra. Higikorren inbertsiorako kapital finkoko sozietateen tributazioaren aldi baterako araubidea.

Kapital aldakorreko inbertsio-sozietate bihurtzen ez diren bitartean, edo, kasua bada, baimen administratiboa atzera botatzen ez den bitartean, Inbertsio kolektiboko instituzioei buruzko azaroaren 4ko 35/2003 Legeko bigarren xedapen iragankorreko 1. eta 2. idatz-zatietan aurreikusitakoak, higikorren inbertsiorako kapital finkoko sozietateek foru lege honetako 50. eta 111. artikuluetan ezarritakoaren araberako tributuak ordainduko dituzte, betiere 2003ko abenduaren 31ra bitarte indarra izan duen testuari jarraituz. Baimen administratiboaren eraldaketak edo, kasua bada, baliogabetzeak foru lege honetako 48. artikuluko 2. idatz-zatiko d) letran aurreikusitako ondorioak izanen dituzte.

Halaber, higikorren inbertsiorako kapital finkoko sozietateei jarraituko zaizkie aplikatzen Pertsona fisikoen errentaren gaineko zergari buruzko abenduaren 30eko 22/1998 Foru Legeko hamahirugarren xedapen gehigarrian bildutako onura fiskalak, ondare eskualdaketen eta egintza juridiko dokumentatuen gaineko zergari dagozkionak, harik eta baimena eraldatzen edo baliogabetzen den arte.

Hogeita seigarren xedapen iragankorra. Ondare sozietateen araubide iragankorra. Araubide orokorraren bidezko tributazioa.

1. Zergaldia 2006an hasi eta 2007an bukatu duten ondare sozietateen zerga-oinarria, behar izanez gero, Pertsona Fisikoen Errentaren gaineko Zergari buruzko abenduaren 30eko 22/1998 Foru Legeari jarraikiz zehaztuko da, lege horrek 2006ko abenduaren 31n duen idazketaren arabera.

2. Sorrarazi bai baina sozietateak ondare sozietateen araubidean tributatu zueneko zergaldietako zerga-oinarrian sartu ez diren errenten integrazioa 2007ko urtarrilaren 1etik aurrera hasten deneko lehen zergaldiko Sozietateen gaineko Zergako zerga-oinarrian eginen da. Ondare sozietateen araubidea aplikatzean subjektu pasiboaren zerga-oinarrian sartu diren errentan ez dira berriro integratuko haien sorrarazpena egitean.

3. Ondare sozietateen araubidea aplikatzekoa zeneko zergaldietan sorturiko oinarri likidagarri negatiboak, 2007ko urtarrilaren 1etik aurrera hastean konpentsatzeke badaude, foru agindu honetako 40. artikuluan ezarririko baldintza eta betebeharrekin konpentsatzen ahalko dira.

4. Dibidenduen zergapetze bikoitzaren ondoriozko kenkariak, Pertsona Fisikoen Errentaren gaineko Zergari buruzko abenduaren 30eko 22/1998 Foru Legeko 62. artikuluko 6. idatz-zatian aipatzen direnak, ondare sozietateen araubidea aplikatzekoa izan deneko zergaldiei dagozkienak eta 2007ko urtarrilaren 1etik aurrera hasten den lehen zergaldia hastean aplikatzeke daudenak, 100eko 50ean edo 100ean egiten ahalko dira, foru lege honetako 59. artikuluan ezarririko baldintza eta betebeharrekin.

5. Kuota osoko kenkariak, Pertsona Fisikoen Errentaren gaineko Zergari buruzko abenduaren 30eko 22/1998 Foru Legeko 62. artikuluko 3. idatz-zatian aipatzen direnak, ondare sozietateen araubidea aplikatzekoa izan deneko zergaldiei dagozkienak eta 2007ko urtarrilaren 1etik aurrera hasten den lehen zergaldia hastean aplikatzeke daudenak, foru lege honetako VI. tituluko IV. kapituluan ezarririko baldintza eta betebeharrekin egiten ahalko dira.

6. Ondare sozietateen araubide berezia aplikatzekoa izan duten ekitaldietan lorturiko etekinen banaketak honako tratamendu hau izanen du, edozein delarik ere ondare sozietateek lorturiko etekinak banatzen dituen entitatea, banaketa egiten den unea eta entitateei une horretan aplikatzekoa den araubide fiskal berezia:

a) Hartzailea Pertsona Fisikoen Errentaren gaineko Zergako subjektu pasiboa denean, Pertsona Fisikoen Errentaren gaineko Zergari buruzko abenduaren 30eko 22/1998 Foru Legeko 28. artikuluko 1. idatz-zatiko a) eta b) letretan aipatzen diren dibidendu eta etekinen partaidetzak ez dira zerga horri dagokion zergaldiko errentan sartuko. Dibidenduaren banaketa ez da atxikipenen edo konturako dirusarreren menpe egonen.

b) Hartzailea Sozietateen gaineko Zergako subjektu pasiboa edo ez-egoiliarren errentaren gaineko zergaren ordaintzaile eta finkagune iraunkorrekoa bada, eskuratzen dituen etekinak betiere sartuko dira zerga-oinarrian, eta dibidenduen zergapetze bikoitzaren ondoriozko kenkarirako eskubidea emanen dute, foru lege honen 59. artikuluko 1. eta 4. idatz-zatietan ezarritako moduan.

c) Hartzailea finkagune iraunkorrik gabeko ez-egoiliarren errentaren gaineko zergaduna denean, harturiko etekinak behar den moduan tratatuko dira, Ez-Egoiliarren Errentaren gaineko Zergari buruzko Testu Bateginean zergadun horiendako xedaturikoarekin bat.

7. Ondare sozietateen araubidea aplikatzekoa izan deneko ekitaldietan lorturiko etekinetatik datozen erreserbak dituzten sozietateetan izandako partaidetzaren eskualdaketaren ondoriozko errentekin honela jokatuko da, partaidetza horiek edozein entitatetakoak izanik ere, eta eskualdaketa egiten den unea eta entitateei une horretan aplikatzekoa den araubide fiskal berezia edozein izanik ere:

a) Eskualdatzailea pertsona fisikoen errentaren gaineko zergaren subjektu pasiboa bada, ondarearen gehikuntza edo murriztapena kalkulatzeko pertsona fisikoen errentaren gaineko zergari buruzko abenduaren 30eko 22/1998 Foru Legearen 43.1.c) artikuluan xedatutakoa aplikatuko da, 2006ko abenduaren 31n indarra duen idazketaren arabera.

b) Eskualdatzailea Sozietateen gaineko Zergari loturiko entitatea edo finkagune iraunkorra duten ez-egoiliarren errentaren gaineko zergapekoa bada, ez da inola ere kenkaririk aplikatuko, barne gainbalioaren zergapetze bikoitza saihestearren, foru lege honen 59. artikuluan ezarri bezala.

Errenta horiek zehazteko, zenbatu beharreko eskualdaketa balioa zergaren sorrarazpen egunaren aurretik itxitako azken balantzearen ondoriozko teorikoa izanen da gutxienez, behin aktibo ez-ukituen kontabilitate balio garbia ondarearen gaineko zergaren eraginetarako izanen lukeen balioaz edo merkatuan izanen lukeen balioaz, hori txikiagoa izanez gero, ordeztu ondoren. Letra honetako lehen lerrokadan xedatutakoa aplikatuko da foru lege honen 59. artikuluko 3. zenbakiko kasuetan ere.

c) Eskualdatzailea finkagune iraunkorrik ez duten errentaren gaineko zergapekoa bada, Ez-Egoiliarren Errentaren gaineko Zergari buruzko Testu Bateginean zergadun horiendako xedaturikoarekin bat tratatuko da.

8. Araubide berezi honetan tributatu zuten sozietateek informatu beharra betetzen segitu beharko dute, Sozietateen gaineko Zergari buruzko Erregelamenduko 32 bis artikuluan ezarririko baldintzetan.

Hogeita zazpigarren xedapen iragankorra. Ondare sozietateen desegitea eta likidazioa.

1. Erabakia hartzen ahalko dute haien desegite eta likidaziorako, xedapen honetan aurreikusitako zerga-araubidearen bidez, honako beharkizun hauek betetzen dituzten sozietateek:

a) 2005eko urtarrilaren 1etik aurrera hasitako zergaldi guztietan, desegin arte, ondare sozietatetzat joak izatea, foru lege honetako X. tituluko II. kapituluan xedaturikoarekin bat.

b) 2007ko urtarrilaren 1etik aurrera lehen zergaldia hasten denetik lehen sei hilabeteetan likidazioaren bidez desegiteko erabakia balio duen moduan hartzea eta erabakiaren ondoren, hartzen denetik sei hilabeteko epean, behar diren egintza edo negozio juridikoak egitea, merkataritzari buruzko arautegiarekin bat, likidatzen ari den sozietateari buruzko erregistroko idatz-oharrak ezabatu arte.

2. Sozietate horien likidazio bidezko desegitea ondoko zerga-araubidepekoa izanen da:

a) Salbuetsita egonen dira Ondare Eskualdaketen eta Egintza Juridiko Dokumentatuen gaineko Zergatik. Apirilaren 26ko Legegintzako 129/1999 Foru Dekretuaren bidez onetsitako zergaren testu bategineko 12. artikuluko 1.1 idatz-zatiko "Sozietateen desegitea" zergapeko egintza da "sozietate eragiketak" kontzeptuari dagokiona.

b) Hirilurren balio igoeraren gaineko zerga ez da aplikatuko izaera horretako higiezinak kideei esleitzen zaizkienean. Ondasun higiezinen geroko eskualdaketan ulertuko da iraungitzen den sozietateak noiz erosi zituen egun berean eskuratu zirela ondasun horiek.

c) Sozietateen gaineko Zerga desegiten den sozietateari aplikatzeari dagokionez, ez da sorraraziko Espainian egoitza duten bazkideei, pertsona fisikoak zein juridikoak izan, egotzitako ondasun edo eskubideetatik heltzen den errentarik.

d) Pertsona Fisikoen Errentaren gaineko zergari, Sozietateen gainekoari edo Ez-Egoiliarren Errentaren gainekoari dagokienez, desegiten den sozietateko kideen kasuan:

1. Desegiten den sozietatea erosteko balioa eta, bidezko bada, haren kapitaleko akzio edo partaidetzen titulartasunarena, Pertsona Fisikoen Errentaren gaineko Zergari buruzko abenduaren 30eko 22/1998 Foru Legeko 43. artikuluko 1.c) idatz-zatian xedaturikoarekin bat zehaztuko da eta zor esleituen zenbatekoa gehitu edo kreditu eta diru edo hori ordezkatzen duen ikur esleituen zenbatekoa gutxituko zaio.

2. Aurreko lerrokadan aipatzen diren eragiketen emaitza negatiboa bada, emaitza hori ondare errenta edo irabazitzat joko da, bazkidea pertsona juridikoa edo fisikoa izan eta horrela, hurrenez hurren, eta ezin izanen da aplikatu Pertsona Fisikoen Errentaren gaineko Zergari buruzko Foru Legeko zazpigarren xedapen iragankorrean xedaturikoa.

Kasu horretan, aktiboko gainerako elementu esleituek, kredituak, dirua edo hori ordezkatzen duen ikurra ez direnek, haien erosketa-balioa 0 izanen dela ulertuko da.

3. 1. lerrokadan aipatzen diren eragiketen emaitza 0 edo positiboa bada, ulertuko da ez dagoela errentarik eta ondarea ez dela gutxitu edo handitu.

Emaitza hori 0 denean aktiboko gainerako elementu esleituek, kredituak, dirua edo azken hori ordezkatzen duen ikurra ez direnek, haien erosketa-balioa 0 izanen da.

Emaitza positiboa izanez gero, aktiboko gainerako elementu esleituek, kredituak, dirua edo hori ordezkatzen duen ikurra ez direnek, izanen duten erosketa-balioa emaitza positibo hori haien artean zatitzearen emaitza izanen da, betiere, sozietatea desegiteko likidazioaren azken balantzetik heldu den merkatuko balioaren arabera.

4. Bazkideari esleituriko elementuak, kreditu, diru edo hori ordezkatzen duen ikurra ez direnak, joko da bazkideak eskuratu zituela sozietateak haiek eskuratu zituen egunean, eta ondare-irabazien zenbatekoa kalkulatzean ezin izanen da aplikatu pertsona fisikoen errentaren gaineko zergari buruzko Foru Legeko zazpigarren xedapen iragankorrean ezarritakoa. Likidazioaren bidez desegiteko prozesua bukatu arteko denborarekin batera bukatzen diren zergaldietan, erregistroko idatz-oharrak xedapen iragankor honetako 1. idatz-zatiko b) letran aipatzen den epean ezabatzen badira, ondare sozietateek eta haien bazkideek segituko dute aplikatzen 2006ko abenduaren 31n indarra duen arautegia. Zergaldi horietan ez da aplikatzekoa izanen, sozietate horietako akzio edo partaidetzen kasuan, Pertsona Fisikoen Pertsonen Errentaren gaineko Zergari buruzko Foru Legeko zazpigarren xedapen iragankorrean xedaturikoa.

Erregistroko idatz-oharrak epe hori bukatu ondoren ezabatzen badira, araubide orokorra aplikatuko da.

Hogeita zortzigarren xedapen iragankorra. Araubide iragankorra Sozietateen gaineko Zergan, zergapetze bikotza saihesteko.

1. Foru lege honetako 59. artikuluan ezarririko kenkariak eta legezko testu bereko 60.1.b) eta 61.3 artikuluetan xedaturikoaren ondoriozkoak, 2007ko urtarrilaren 1etik aurrera hasten den lehen zergaldiaren hasieran aplikatzeke badaude, artikulu horietan ezarririko gainerako epearen barruan bukatzen diren zergaldietan egiten ahalko dira. Kenkariaren zenbatekoa aplikatzen deneko zergaldian indarra duen karga tasa kontuan hartuz kalkulatuko da.

2. Aurreko zenbakian ezarririkoa foru lege honetako 59, 60.1.b) eta 61.3 artikuluetan aipatzen diren kenkariei ere aplikatuko zaie, 2007ko urtarrilaren 1etik aurrera hasitako zergaldietan sortu direnei, kenkari horiek ondorengo zergaldietan egiten badira, sortu zireneko denboran indarra zuena ez beste karga tasa dutenean.

Hogeita bederatzigarren xedapen iragankorra. Esportazio jardueren ondoriozko kenkarien araubide iragankorra.

Foru lege honetako 67. artikuluan ezarririko kenkaria, 2011ko urtarrilaren 1etik aurrera hasten den lehen zergaldiaren hasieran aplikatzeke badago, foru lege honetako VI. tituluko IV. kapituluan aipatzen den epean eta bertan ezartzen diren betebeharrekin aplikatzen ahalko da, 2010eko abenduaren 31n indarra duen idazketaren arabera.

Hogeita hamargarren xedapen iragankorra. Kontabilitate Plan Orokorra lehenbizikoz aplikatzetik datozen kontabilitate-doikuntzen zerga araubidea.

1. Erreserbetako kontu-sailetara egiten diren zordunketa eta ordainketak, hurrenez hurren, Kontabilitate Plan Orokorra (azaroaren 16ko 1514/2007 Errege Dekretuaren bidez onetsia) edo Enpresa txiki eta ertainendako Kontabilitate Plan Orokorra eta mikroenpresentzako kontabilitate-irizpide berariazkoak (azaroaren 16ko 1515/2007 Errege Dekretuaren bidez onetsiak) lehenbiziko aldiz aplikatzearen ondorioz, gastu eta diru-sarrera gisa hartzen direnak, 2008ko urtarrilaren 1etik aurrera hasten den lehenbiziko zergaldiaren zerga-oinarrian sartuko dira, foru lege honetan ezarritakoari jarraikiz.

Ondorio horietarako, gastu eta diru-sarrera gisa hartuko dira, hurrenez hurren, Merkataritza Kodearen 36.2 artikuluan azaltzen diren ondare garbiaren gehitze eta gutxitzeak. Hortaz, norberaren ondarearen instrumentuei dagokien kontu-saila gutxitzea ez da gastutzat hartuko.

Erreserbetara egindako zordunketa eta ordainketa horiek ez dute zerga ondoriorik izanen egun hori baino lehen hasitako zergaldietan indarra zuten kontabilitateko agindu eta arauen arabera sorrarazitako eta kontabilizatuko diru-sarrerei edo aurreikuspenetarako zuzkidurak ez ziren gastuei lotuak baldin bazeuden, betiere zergaldi horietako zerga-oinarrian sartu baldin baziren. Horrelako kasuetan, gastu eta diru-sarrera horiexek ez dira zerga-oinarrian sartuko aipatutako arauetan ezarritako kontabilitate irizpideen arabera berriz sorrarazi eta kontabilizatzen direnean.

2. Aurreko idatz-zatian ezarritakoa aplikatuko zaie kontrakontuan erreserbetako kontu-sail bat duten doikuntzei, Kontabilitate Plan Orokorra, Enpresa Txiki eta Ertainentzako Kontabilitate Plan Orokorra eta mikroenpresei aplikatu beharreko irizpide berariazkoak uztea aplikatuz, kontrakontuan erreserbetako kontu-sail bat duten doikuntzei, azaroaren 16ko 1514/2007 Errege Dekretuaren lehenengo xedapen gehigarrian eta azaroaren 16ko 1515/2007 Errege Dekretuaren lehenengo xedapen gehigarrian ezarritakoaren ondorioz.

Hogeita hamaikagarren xedapen iragankorra. Aseguru entitateen kontabilitateko arau berriak lehenbizikoz aplikatzetik datozen kontabilitate-doikuntzen zerga araubidea.

1. Foru lege honen hogeita hamargarren xedapen iragankorrean ezarritakoa aplikatuko zaie aseguru entitateek, kontabilitatearen esparru berriari egokitzeko asmoz, onesten diren kontabilitateko irizpide berriak aplikatzearen ondorioz egin beharreko kontabilitate-doikuntzei, eta doikuntza horiek egin behar diren ekitaldiari dagokion zergaldiko zerga-oinarrian izanen du ondorioa.

2. Egonkortzeko zuzkidura gutxitzearen ondorioz erreserbetara egiten den ordainketaren zenbatekoa ez da zerga-oinarrian sartuko.

3. Foru lege honen 25. artikuluan kontabilitateko errebalorizazioei buruz ezarritakoa aplikatuko zaio kontabilitateko esparru berrira igarotzeko egunean ondasun higiezinen duten arrazoizko errebalorizazio-balioari.

Hogeita hamabigarren xedapen iragankorra.-Kontabilitate Plan Orokorraren lehenbiziko aplikazioaren ondoriozko kontabilitate-egokitzapenak zerga-oinarrian sartzea.

1. Erreserba-kontuetara egiten diren zordunketak eta ordainketak, Foru Lege honen hogeita hamargarren xedapen iragankorrean ezarritakoari jarraikiz ondorio fiskalak izan bezain laster, zenbatuko dira 2008ko urtarrilaren 1etik aurrera hasitako lehen zergaldian kendutako kopuruarekin batera, foru lege honen hogeita hamahirugarren xedapen iragankorrean ezarritakoa aplikatuz. Subjektu pasiboak integratu ahalko du zenbaketa horren ondoriozko saldo garbia, positiboa nahiz negatiboa, zati berdinetan sartzea aipatu datatik aurrera hasten diren lehenbiziko hiru zergaldietako bakoitzari dagokion zerga-oinarrian.

Ordainketa horietako batzuk beste entitate batzuen kapitalean izandako partaidetzaren balio-galeragatiko hornidurei dagozkienean eta zergaldi horitakoren batean sortuko balitz partaidetza horren balio-zuzenketaren bat, foru lege honen 20. artikuluko lehen idatz-zatiaren arabera kengarria dena, eta aurreko lerrokadan adierazitako saldoa kalkulaltzeko zenbatu izan ez balitz, zerga-oinarrian integratuko da doikuntza positibo gisa, gainera, balio-zuzenketa horren zenbateko bereko kopuru bat, saldoa osatu arte, eta, hori izan ezean, geratzen den saldoa zati berdinetan banatuko da gainerako zergaldietan.

Halaber, hornidurei eginiko ordainketa horietakoren bat baldin badagokio atzerriko moneta positiboan eginiko aldaketa-aldeei, integrazioa idatz-zati honen lehen zenbakian ezarritako moduan eginen da. Hala ere, integratzeke dagoen ordainketa horren saldoa aipatu idatz-zatian adierazten den zergaldiko zerga-oinarrian sartuko da, zeinetan mugaeguneratzen diren edota kitatzen diren aldaketa-alde hori sortzen duten ondasun edo eskubideak.

Era berean, integratu gabeko saldoa sartzea bidezkoa izanen da balantzean edozein osagairen baja gertatzen den zergaldian.

Epe horretan subjektu pasiboa desagertuko balitz, integratu gabeko saldoa azken zergaldiko zerga-oinarrian integratuko da.

Aipaturiko aldiei dagozkien zergaldien urteko kontuen oroitidazkian aipatu beharko da saldo horren zenbatekoa, bai eta zerga-oinarrian sarturiko eta sartzeke dauden kopuruak ere".

Hogeita hamahirugarren xedapen iragankorra.-Beste entitate batzuen kapitalean izandako partaidetzen balio-zuzenketen kalkulua, 2008ko zergaldirako.

Soilik 2008ko urtarrilaren 1etik aurrera hasten den lehen zergaldiaren ondorioetarako, aldi horretako zerga-oinarria zehazteko kendu ahalko da, galera eta irabazien kontuan kontabilitate egozpena egin beharri gabe, foru lege honen 20. artikuluko l. idatz-zatian ezarritakoa aplikatzearen ondoriozko alde positiboa. Horretarako, zenbatuko dira partaidetza eskuratu zen ekitaldiaren hasierako funts berekiak, bai eta 2008an hasitako lehen zergaldiaren amaierako funts berekiak ere, arau horretan ezarritako muga eta gainerako baldintzak kontuan hartuta, betiere data hori baino lehenago hasitako zergaldiei egotzi ahal zaien aldearen zatia bat badator aldi horietan kengarriak ziren eta erreserba-kontuetara ordaintzen diren hornidurekin, azaroaren 16ko 1514/2007 Errege Dekretuaren bidez onetsitako Kontabilitate Plan Orokorraren edota azaroaren 16ko 1515/2007 Errege Dekretuaren bidez onetsitako Enpresa Txiki eta Ertainentzako Kontabilitate Plan Orokorraren eta mikroenpresetarako berariazko kontabilitate-irizpideen lehen aplikazioaren ondorioz.

Hogeita hamalaugarren xedapen iragankorra. Berrinbertsioa egiteko salbuespen kasuetan, inbertsioa gauzatzeko edo Inbertsioetarako Erreserba Berezia erabiltzeko epea luzatzea.

Inbertsioa egiteko epea, 36. artikuluan ezarritakoaren ondorioetarako, edo Inbertsioetarako Erreserba Berezia erabiltzeko epea, 36. artikuluan ezarritako ondorioetarako, 2009. edo 2010. urteetan bukatzen bada, subjektu pasiboek aukera izanen dute berrinbertsioa edo erreserbaren erabilera 2012ko urtarrilaren 1a baino lehen egiteko.

Hogeita hamabosgarren xedapen iragankorra. Berrinbertsioaren xedeko ondare-elementuak subjektu pasiboaren instalazioetan egon behar izateko epea bost urtera laburtzearen ondoriozko araubide iragankorra.

Berrinbertsioaren xedeko ondare-elementuak subjektu pasiboaren instalazioetan eduki behar izateko 36.2 artikuluan finkatu den bost urteko epe berria aplikatuko zaie, 2009ko abenduaren 31n, 36.2 artikulu horren jatorrizko testuan finkatua zegoen hamar urteko betebeharra betetzeko dutenei. 2009ko abenduaren 31rako, beren instalazioetan hamar urtez eduki behar izateko baldintza bete ez duten subjektu pasiboei, berriz, ez zaie aplikatuko epe berria.

Hogeita hamaseigarren xedapen iragankorra. Finantza errentamenduaren kuoten urteko zenbatekoa, ondasunaren kostuaren berreskuratzeari dagokiona.

1. Indarra duten finantza errentamenduaren kontratuetan, urteko epea 2009., 2010. eta 2011. urteetan hasten bada, 17.2.c) artikuluan ezarritako betebeharra ez da eskatuko ondasunaren kostua berreskuratzeko den errentamendu kuoten zatiagatik.

2. Kuota horien zatiaren urteko zenbatekoa, epe horietan, ezin da ondasunaren kostuaren 100eko 50etik gorakoa izan, ondasun higigarrien kasuetan, ez eta ondasunaren kostuaren 100eko 10etik gorakoa ere, ondasun higiezinen edo industria establezimenduen kasuan.

Hogeita hamazazpigarren xedapen iragankorra. Karga-tasa 100eko 27ra, 100eko 20ra edo 100eko 17ra murriztea, betiere 2010. eta 2011. urteetan hasten diren zergaldietan enplegua sortzen edo mantentzen baldin bada.

1. Karga horiek aplikatzeko, hots, 100eko 27koa, 50.1.b) artikuluaren lehenbiziko lerrokadan ezarri bezala, 100eko 20koa, 50.1.b) artikuluaren azkeneko lerrokadan ezarri bezala, eta 100eko 17koa, 50.3 artikuluan ezarri bezala, baldintza izanen da, 2010. eta 2011. urteetan hasten diren zergaldietan, zergaldi horiek hasten direnetik hurrengo hamabi hilabeteetan, entitatearen plantilla osoaren batez bestekoa ez izatea unitate batetik beherakoa, ez eta zergaldi horietako bakoitza hasi aurretiko hamabi hilabeteetako plantilla osoaren batez bestekotik beherakoa ere, hurrenez hurren.

Karga-tasa horiek aplikatzeko betebeharrak banan-banan kontatuko dira hamabi hilabeteko aldi horietako bakoitzean eta zergaldi horietako bakoitzean.

2. Entitatea 2010. edo 2011. urtean eratu baldin bada, ulertuko da lehenbiziko zergaldia hasi aurreko hamabi hilabeteetako plantilla osoaren batez bestekoa zero dela. Entitatearen eraketa egunetik zergaldiaren hasierara arte hamabi hilabete igaro ez badira, zergaldia hasi aurretiko hamabi hilabeteetako plantilla osoaren batez bestekoa kalkulatzeko, entitatearen eraketa egunetik zergaldiaren hasierara arteko aldia hartuko da aintzat.

Sozietatea iraungita egoteagatik aldi hori betetzerik ez badago, zergaldia hasi ondorengo hamabi hilabeteetako plantillaren batez bestekoa kalkulatzeko, zergaldi horren hasieratik sozietatearen iraungitze egunera arteko aldia hartuko da aintzat.

3. Xedapen iragankor honetako betebeharrak betetzen ez badira, 2009ko abenduaren 31n indarra zuen araudiaren arabera dagozkion karga-tasak aplikatuko dira, eta behar den erregularizazioa eginen da hurrengo zenbakian ezartzen den bezala.

4. Entitatea 2010. edo 2011. urtean eratu bada eta plantilla osoaren batez bestekoa lehenbiziko zergaldia hasi ondoko hamabi hilabeteetan zerotik gorakoa eta unitate batetik beherakoa bada, xedapen honetan adierazi diren tasak aplikatuko dira entitatearen eraketaren aldian, baldin eta zergaldi hori bukatu ondoko hamabi hilabeteetan plantilla osoaren batez bestekoa ez bada unitate batetik beherakoa. Betebehar hori betetzen ez bada, subjektu pasiboak, ez-betetzea gertatzen den zergaldiko kuotarekin batera, bidegabeki aplikatutako karga-tasaren aldeari dagokion kuota osoa sartu beharko du, berandutza-interesez gainera.

5. Plantilla osoaren batez bestekoa kalkulatzeko, lanaldi osoko kontratua duten pertsonak-urtea hartuko dira aintzat. Lanaldi partzialeko langileak benetan lan egindako orduen araberako proportzioan kontatuko dira."

Hogeita hemezortzigarren xedapen iragankorra. Titulizazio-funtsetako zor instrumentuen balio-galera.

Hipotekak titulu bihurtzeko funtsek eta aktiboak titulu bihurtzeko funtsek dituzten zor instrumentuen (beren kostu amortizatuaren arabera baloratzen direnen) balio-galeragatiko balio-zuzenketen kengarritasunari buruzko arauak erregelamenduz ezarri arte (funts horiek, hurrenez hurren, 11.1.b) artikuluaren e') eta f') letretan azaltzen dira), bezeroaren kaudimen gabeziaren arriskurako berariazko estalduraren kengarritasunari buruz kreditu entitateentzat ezarritako irizpideak aplikatuko dira."

Hogeita hemeretzigarren xedapen iragankorra. Informazioaren eta komunikazioaren teknologiak sustatzeko kenkariaren araubide iragankorra.

Foru lege honen 66.bis artikuluaren 1. zenbakian ezarritako kenkaria, 2011ko urtarrilaren 1etik aurrera hasitako lehenbiziko zergaldiaren hasieran aplikatu gabe baldin badago, foru lege honen VI. tituluko IV. kapituluan oro har adierazitako epean eta baldintzetan aplikatzen ahalko da.

Berrogeigarren xedapen iragankorra.-Babeseko erakunde sistema bat osatzen duten kreditu entitateek osatutako taldeen zerga kontsolidaziorako araubidea, eta aurrezki kutxen finantza jardueraren zeharkako jardunaren ondoriozko taldeena.

1. Foru Lege honen X. tituluko VIII. kapituluan ezarritako zerga kontsolidaziorako araubidea aplikatzeko, Inbertsio-koefizienteei, baliabide propioei eta finantza-bitartekarien informazio-betekizunei buruzko maiatzaren 25eko 13/1985 Legearen 8.3.d) artikuluan aipatutako babeseko erakunde-sistema bateko entitate zentrala baldin bada taldeen eraketa bateko sozietate nagusia, honako espezialitate hauek kontuan hartuko dira:

a) 2011ko ekitaldiari dagokion zergaldiaren hasieratik aplikatzen ahal da araubide hori, edo, ondoren baldin bada, babeseko erakunde-sistema eratu den zergaldiaren hasieratik. Zergaldi hori bukatzen den eguneko epearen barnean hautatuko eta adieraziko da 120. artikuluan aipatzen den araubide horren aplikazioa.

117.2.a) artikuluan ezarritako baldintzak betetzen dituzten sozietateak ere taldean sartuko dira zergaldi horretan, baldin eta kapital sozialean dituzten partaidetzak entitate zentralera ekarri badira, sistema integratzeko plana betez, eta baldin eta entitate horrek partaidetza mantentzen badu zergaldia bukatu arte, foru lege honen X. tituluaren IX. kapituluan ezarritako zerga araubidearen babesean egindako eragiketen bidez, edo Aurrezki Kutxen Gobernu Organoen eta Haien Araubide Juridikoaren Beste Gai Batzuei buruzko uztailaren 9ko 11/2010 Errege Lege Dekretuaren 7.1 artikuluan ezarritako zerga araubidearen babesean egindako eragiketen bidez, eta kreditu entitate ekarlearen mendeko sozietateen izaera baldin badute, kreditu entitate ekarleak tributuak araubide berezi horretan ordaintzen bazituen sozietate nagusi zen aldetik.

b) Kreditu entitateak entitate zentrala nagusia den talde fiskalean mendeko sozietate gisa sartzen badira eta zerga kontsolidaziorako araubidean nagusi gisa ordaintzen badituzte zergak, nahiz eta talde horiek iraungi, ez dira sartuko 131.1.a) artikuluan aipatzen diren eliminazioak, beste talde fiskalean mendeko sozietate gisa integratutako entitateek egindako eragiketei dagozkienak. Emaitza eliminatuak beste talde fiskal horren zerga-oinarrian gaineratuko dira, 123. artikuluan ezarritako moduan.

c) 117.3 artikuluaren bigarren lerroaldean ezarritako baldintzak betetzen dituzten kreditu entitateek, entitate zentrala nagusia den talde fiskalean mendeko sozietate gisa daudenek, konpentsatzeko dituzten zerga-oinarri negatiboak taldearen zerga-oinarrian konpentsatzen ahalko dituzte, 124.1 artikuluaren bigarren lerroaldean ezarritako moduan, entitate zentralaren banakako zerga-oinarriaren muga izanik, edo entitate zentralaren finantza negozio guztia jaso duen banku entitatearen zerga-oinarriaren muga, baldin eta, ekarpen hori egin ondoren, aurrezki kutxek eta, hala behar denean, entitate zentralak ez badute jarduera ekonomikorik eta beren errenta bakarrak badira beste entitate batzuetan dituzten kapitaleko partaidetzetatik jasotako etekinak. Tratamendu horretan ez da aldaketarik izanen nahiz eta finantza negozioaren ekarpenaren barnean ez egon zenbait aktibo eta pasibo, horiek ekartzea eragozten duen baldintzaren bat izateagatik.

Aurrekoa aplikatuko da baita banku entitatea entitate zentrala nagusia den taldetik kanpo gelditzen denean ere, baita hura iraungitzen denean ere.

d) 117.3 artikuluaren bigarren lerroaldean ezarritako baldintzak betetzen dituzten kreditu entitateek, entitate zentrala nagusia den talde fiskalean mendeko sozietate gisa daudenek, aplikatzeko dituzten kuotako kenkariak talde fiskalaren kuota osoan aplikatzen ahalko dituzte, entitate zentralari egokituko litzaiokeen banakako zerga araubideko muga izanik, edo entitate zentralaren finantza negozio guztia jaso duen banku entitateari egokituko litzaiokeen banakako zerga araubideko muga, baldin eta, ekarpen hori egin ondoren, aurrezki kutxek eta, hala behar denean, entitate zentralak ez badute jarduera ekonomikorik eta beren errenta bakarrak badira beste entitate batzuetan dituzten kapitaleko partaidetzetatik jasotako etekinak. Tratamendu horretan ez da aldaketarik izanen nahiz eta finantza negozioaren ekarpenaren barnean ez egon zenbait aktibo eta pasibo, horiek ekartzea eragozten duen baldintzaren bat izateagatik.

Aurrekoa aplikatuko da baita banku entitatea entitate zentrala nagusia den taldetik kanpo gelditzen denean ere, baita hura iraungitzen denean ere.

e) Kreditu entitateek, entitate zentrala nagusia den taldeko mendeko sozietate diren aldetik, entitate zentralari aktiboak eta pasiboak eskualdatzen dizkiotenean, babeseko erakunde-sistemaren eraketarengatik eta handitzearengatik, eta eskualdaketa hori foru lege honen X. tituluko IX. kapituluan ezarritako zerga araubidearen babesean egindako eragiketen bidez egin denean, edo 11/2010 Errege Lege Dekretuaren 7.1 artikuluan ezarritako araubidearen babesean egindakoen bidez, eskualdaketa horren aurretik aktibo eta pasibo horiek sortutako errentak entitate zentralari egotziko zaizkio, merkataritza arauetan aurreikusitakoarekin bat.

Babeseko erakunde-sistema eratu ondoren entitate zentralak zergak kontsolidaziorako zerga araubidean ordaintzen dituen beste talde baten mendeko izaera hartzen badu, kasu horretan ere aurreko c) eta d) letretan ezarritakoa aplikatzekoa izanen da.

2. 11/2010 Errege Lege Dekretuaren 7.2 artikuluko zerga araubidea aplikatzearen ondorioetarako, eta, babeseko erakunde-sistema baten erabakiak betez kreditu entitateen arteko aktiboen eta pasiboen eskualdaketak egiten direnean foru lege honen X. tituluko IX. kapituluan ezarritako zerga araubidearen babesean, zerga araubide hori aplikatzearen ondorioetarako, bi zerga araubide horietan aipatzen den errenten integrazio faltaren barnean egonen dira, hala behar duenean, eskualdaketa horien ondoriozko talde fiskalaren zerga-oinarrian sartu beharreko eliminazioak, baldin eta zergak kontsolidaziorako zerga araubidearen arabera ordaintzen dituen talde bateko entitateen ondarearen zati baldin badira aktibo eta pasibo horiek.

3. Aurrezki kutxak finantza jardueretan zeharka aritzen direnean, 11/2010 Errege Lege Dekretuaren 5. artikuluan aurreikusitakoarekin bat, aurrezki kutxak eta horren finantza negozio guztia jasotzen duen banku entitateak X. tituluko VIII. kapituluan araututako kontsolidaziorako zerga araubidea aplikatzen ahalko dute, ekarpen hori egiten den zergaldiaren hasieratik, foru lege honetan 117. artikuluan horretarako ezarritako baldintzak betez gero. Zergaldi hori bukatzen den eguneko epearen barnean hautatuko eta adieraziko da foru lege honen 120. artikuluan aipatzen den araubide horren aplikazioa.

Araubide hori aplikatzeko, honako espezialitate hauek hartuko dira kontuan:

a) Zergaldi horretan berean, taldean sartuko dira 117.2.a) artikuluan ezarritako baldintzak betetzen dituzten sozietateak, kapital sozialeko haren partaidetzak banku entitateari ekarri bazaizkio eta entitate horrek partaidetza mantentzen badu zergaldi hori bukatu arte, X. tituluko IX. kapituluan ezarritako araubidearen babesean egindako eragiketen bidez, eta aurrezki kutxa ekarlearen mendeko sozietateen izaera badute, aurrezki kutxa ekarleak zergak araubide berezi horretan ordaintzearen ondorioz, sozietate nagusia den aldetik.

b) Aurrezki kutxa ekarleak konpentsatu beharreko zerga-oinarri negatiboak, zergak kontsolidaziorako zerga araubidean nagusi gisa ordaintzen aritu edo ez, taldearen zerga-oinarrian konpentsatzen ahalko dira, banku entitatearen zerga-oinarriaren mugarekin, 124.1 artikuluaren bigarren lerroaldean ezarritako moduan, baldin eta aurrezki kutxak, ekarpenaren ondoren, ez badu jarduera ekonomikorik egiten eta bere errenta bakarrak badira beste entitate batzuetan dituen kapitaleko partaidetzetatik jasotako etekinak. Tratamendu horretan ez da aldaketarik izanen nahiz eta finantza negozioaren ekarpenaren barnean ez egon zenbait aktibo eta pasibo, horiek ekartzea eragozten duen baldintzaren bat izateagatik.

Aurrekoa aplikatuko da baita aurrezki kutxa entitate zentrala nagusia den taldetik kanpo gelditzen denean ere, baita hura iraungitzen denean ere.

c) Aurrezki kutxa ekarleak aplikatu beharreko kuotako kenkariak, zergak kontsolidaziorako zerga araubidean nagusi gisa ordaintzen aritu edo ez, talde fiskalaren kuota osoan aplikatzen ahalko dira, banku entitateari egokituko litzaiokeen banakako zerga araubideko muga izanik, baldin eta, ekarpen hori egin ondoren, aurrezki kutxak ez badu jarduera ekonomikorik eta bere errenta bakarrak badira beste entitate batzuetan dituen kapitaleko partaidetzetatik jasotako etekinak. Tratamendu horretan ez da aldaketarik izanen nahiz eta finantza negozioaren ekarpenaren barnean ez egon zenbait aktibo eta pasibo, horiek ekartzea eragozten duen baldintzaren bat izateagatik.

Aurrekoa aplikatuko da baita aurrezki kutxa entitate zentrala nagusia den taldetik kanpo gelditzen denean ere, baita hura iraungitzen denean ere.

d) Finantza negozioaren ekarpen guztia X. tituluko IX. kapituluan ezarritako zerga araubidearen babesean egindako eragiketen bidez egin denean, ekarpen horren aurretik aktibo eta pasibo horiek sortutako errentak entitate zentralari egotziko zaizkio, merkataritza arauetan aurreikusitakoarekin bat.

4. Aurreko 1. eta 3. idatz-zatietan aipatutako taldeen kasuan, zergak kontsolidaziorako zerga araubidean ordaintzen ari badira eta kanpoan geldituko balitz finantza jarduera zeharka gauzatzeko aurrezki kutxek erabiltzen duten banku entitatea, edo haien finantza negozio guztia jaso duena, baita aipatutako talde fiskala iraungitzen den kasuetan ere, 131.1.a) artikuluan ezarritakoa honako espezialitate hauekin aplikatuko da:

a) Finantza jarduera zeharka gauzatzeko aurrezki kutxek erabiltzen duten banku entitateak, edo haien finantza negozio guztia jaso duenak 117.3 artikuluan ezarritako baldintzak betetzen dituzten entitateetan partaidetzak mantenduko balitu, banku entitate horrek eta hartarako baldintzak betetzen dituzten partaidetzako entitateek kontsolidaziorako zerga araubidea erabiltzen ahalko dute kanpoan gelditze hori gertatutako zergaldiaren hasieratik. Zergaldi hori bukatzen den eguneko epearen barnean hautatuko eta adieraziko da 120. artikuluan aipatzen den araubide horren aplikazioa. Emaitza eliminatuak beste talde fiskal horren zerga-oinarrian gaineratuko dira, 123. artikuluan ezarritako moduan, betiere talde horretan sartzen badira emaitza horiek sortu dituzten eragiketetan esku hartu duten entitateak.

b) Aurreko a) letran ezarritakoa betetzen denean, baina talde horretan ez denean sartu eliminatutako emaitzak sortu dituzten eragiketetan esku hartu duen entitateren bat, emaitza horiek 123. artikuluan ezarritako moduan gehituko dira, dagokion garaian eliminazioaren xede izan zen errenta sortu zuen taldearen -gelditzen den taldearen- zerga-oinarrian, baldin eta bai beste entitatea, banku entitatea kide duen talde fiskalekoa ez denak, bai banku entitatea talde berekoak badira, hots, merkataritza kodearen 42. artikuluan aipatzen den horretakoak, non nagusia babeseko erakunde-sistema bateko entitate zentrala baita, edo, bestela, bi kasuetarako, finantza negozio guztia banku entitatera ekarri duen aurrezki kutxa.

Berrogeita batgarren xedapen iragankorra.-Babeseko erakunde-sistema baten kide diren kreditu entitateen zerga araubidea 2010eko ekitaldian.

2010eko zergaldian eratu den babeseko erakunde-sistema osatzen duten aurrezki kutxen eta entitate zentralaren 2010eko zergaldiari dagokion zerga-oinarria zehazteko bakarrik, Inbertsio-koefizienteei, Baliabide Propioei eta Finantza-bitartekarien Informazio-betekizunei buruzko maiatzaren 25eko 13/1985 Legearen 8.3.d) artikuluan ezarritako moduan, betiere sistema osatzen duten entitateen emaitzen 100eko 100 partekatzen badituzte eta entitate horien elkarren arteko kaudimen eta likidezia konpromisoak horietako bakoitzaren baliabide bereki konputagarrien 100eko 100 hartzen baditu, ez dira gastu kengarritzat joko ezta sarrera konputagarritzat ere (kasuan-kasuan behar dena) sistemaren kide diren entitateek beren emaitzak partekatzearen ondorioz entitate horiek konputatutako gastuak eta sarrerak.

Berrogeita bigarren xedapen iragankorra.-Berrinbertsioagatiko salbuespen kasuetan, inbertsioa gauzatzeko edo Inbertsioetarako Erreserba Berezia erabiltzeko epea luzatzea.

Inbertsioa egiteko epea, 36. artikuluan ezarritakoaren ondorioetarako, edo Inbertsioetarako Erreserba Berezia erabiltzeko epea, 36. artikuluan ezarritako ondorioetarako, 2012. edo 2011. urteetan bukatzen bada, subjektu pasiboek aukera izanen dute berrinbertsioa edo erreserbaren erabilera 2014ko urtarrilaren 1a baino lehen egiteko.

Aurreko lerroaldean ezarritako epearen luzapenak hogeita hamalaugarren xedapen gehigarrian aipatzen diren subjektu pasiboak ere ukituko ditu.

Berrogeita hirugarren xedapen iragankorra.-Karga-tasa 100eko 27ra, 100eko 20ra edo 100eko 17ra jaistea, baldin eta enpleguari eusten bazaio edo enplegua sortzen bada 2012ean eta 2013n hasten diren zergaldietan. Murrizketaren luzapena.

2012. eta 2013. urteetan hasten diren zergaldietan subjektu pasiboek 50. artikuluan finkatutako 100eko 27rako, 100eko 20rako edo 100eko 17rako jaitsiera aplikatzeko, hogeita hamazazpigarren xedapen gehigarrian ezarritako beharkizunak eta baldintzak bete beharko dituzte.

Aipatutako xedapen gehigarriko 2. eta 4. idatz-zatiek egiten dituzten aipamenak, entitatea 2010. eta 2011. urteetan eratzeari buruzkoak, 2012. edo 2013. urteei buruzkoak direla ulertuko da.

Baldintza eta beharkizun horiek betetzen ez badira, 2009ko abenduaren 31ri dagozkion indarreko araudiko karga tasak aplikatuko dira, eta aipatutako hogeita hamahirugarren xedapen iragankorrean ezarritakoarekin bat eginen da erregularizazioa.

Berrogeita laugarren xedapen iragankorra.-Inbertsioetarako erreserba berezia: funts berekien gehikuntza mantentzeko eta zenbatekoa aplikatzeko epea hiru urtera murriztearen araubide iragankorra.

Honako hauei aplikatuko zaie epe berria, hiru urtekoa, 42.1 eta 44.4 artikuluan ezarritakoa, funts berekien gehikuntza manten dadin inbertsioetarako erreserba bereziaren zenbatekoan edo erreserba horretako zenbatekoa aplikatu ahal izan dadin: 2012ko abenduaren 31n aipatutako 42.1 eta 44.4 artikuluen jatorrizko idazketan ezarritako bost urteko epeko beharkizuna betetzeko duten subjektu pasiboei.

Aitzitik, epe berria ez zaie honako hauei aplikatuko: 2012ko abenduaren 31n bost urteko epea bete ez dutenei, inbertsioetarako erreserba bereziaren zenbatekoan funts berekien gehikuntza mantentzeari dagokionez, edo, behar bada, erreserba horretako zenbatekoa aplikatu ahal izateari dagokionez.

Berrogeita bosgarren xedapen iragankorra. Berrinbertsioagatiko salbuespenari dagokionez, inbertsioa gauzatzeko epea luzatzea.

36. artikuluan ezarritakoaren ondorioetarako, berrinbertsioa egiteko epea 2013an zehar amaitzen den kasuetan, subjektu pasiboek berrinbertsio hori 2014ko urtarrilaren 1a baino lehen gauzatu ahalko dute.

Berrogeita seigarren xedapen iragankorra. Lan- edo merkataritza-harremanak amaitu izanaren ondoriozko gastu ez-kengarriak.

24.1.h) artikuluan ezarritakoa ez zaie aplikatuko 2013ko urtarrilaren 1a baino lehen amaitutako lan- edo merkataritza-harremanen ondoriozko gastuak direnei.

Berrogeita zazpigarren xedapen iragankorra. Berrinbertsioa egiteko salbuespen kasuetan eta Inbertsioetarako Erreserba Berezian inbertsioa gauzatzeko epea luzatzea.

1. Berrinbertsioa egiteko epea, 36. artikuluan ezarritako ondorioetarako, 2011., 2012. edo 2013. urteetan bukatu bada, edo 2014. urtean zehar bukatzen bada, subjektu pasiboek 2015eko urtarrilaren 1a baino lehen egin ahalko dute berrinbertsio hori.

2. Inbertsioetarako Erreserba Berezia gauzatzeko epea, 42. artikuluan ezarritako ondorioetarako, 2011., 2012. edo 2013. urteetan bukatu bada, subjektu pasiboek 2015eko urtarrilaren 1a baino lehen egin ahalko dute berrinbertsio hori.

3. Aurreko zenbakietan ezarritako epearen luzapenak ez ditu subjektu pasiboak ukituko honako kasu hauetan: berrinbertsio edo gauzatze epeak 2009. edo 2010. urteetan bukatu behar zuenean eta hasiera batez luzatu zenean hogeita hamalaugarren xedapen iragankorraren bidez eta, gero, berrogeita bigarren xedapen iragankorraren bidez.

Berrogeita zortzigarren xedapen iragankorra. Zerga-tasaren aldaketaren ondorioz aplikatzekoa izanen den aldi baterako araubidea.

Subjektu pasiboa zerga-ordainketa aritu bada egiten, 50. artikuluaren babesean, karga-tasa jakin baten arabera, aukera izanen du 2014ko abenduaren 31n indarra duen zerga-tasa aplikatzen jarraitzeko, baldin eta tasa hori handiagoa bada 2015eko urtarrilaren 1etik aurrera legokiokeena baino. Aukera hori erabiliko dela Ekonomia eta Ogasun Departamentuari jakinarazi beharko zaio, 2014ko zerga-aitorpena egiteko epean. Ekonomia eta Ogasun Departamentuari aukera horri uko egin zaiola jakinarazi aurretik amaitzen diren zergaldietan, egungo zerga-tasa aplikatuko da.

Berrogeita bederatzigarren xedapen iragankorra. Salbuespena likidazio oinarri negatiboen konpentsazioaren mugatzeari.

Likidazio oinarri negatiboen konpentsazioaren mugatzea, zeina hogeita hamabosgarren xedapen gehigarrian ezarrita dagoen, ez zaio aplikatzekoa izanen subjektu pasiboarekin lotu gabeko hartzekodunekin iritsitako akordio baten ondoriozkoak diren kitei dagozkien errenten zenbatekoari

2014. urtean energia elektriko berriztagarria ekoizteko instalazioen titular edo titularkide izan diren subjektu pasiboek ere, instalazio bakoitzeko potentzia instalatu izenduna 100 kW-etik gorakoa ez bada eta 2014. urtean energia elektrikoaren ekoizpenaren balioaren gaineko zerga dela-eta tributu-kuotak ordaindu badizkiete zerga arloko beste administrazio batzuei, 74.3. bis artikuluan arautako kenkaria egiten ahalko dute kopuru horiengatik. Kenkari hori 2015. urteko zergaldiari dagokion aitorpenean eginen da.

Berrogeita hamaikagarren xedapen iragankorra. Zerga-taldeak.

2014ko urtarrilaren 31n indarra duen Hitzarmen Ekonomikoaren 27. artikuluan xedatutakoa aplikatuta, zerga-baterakuntzaren araubideko araudi komunari jarraituz 2015eko urtarrilaren 1a baino lehen ordaintzen duten zerga-taldeek aukera izanen dute tributu-araubide horrekin jarraitzeko 2014ko abenduaren 31 arte; betiere, hura aplikatzeko, zerga-baterakuntzari buruz une bakoitzean indarra duen araudi komunean aurreikusten diren baldintzak betez gero.

Nafarroako Zerga Ogasunari emanen zaio hautuaren berri eta balioa izanen du harik eta xedapen honetan aurreikusitako epe iragankorra bukatu arte, non ez duen interesdunak errebokatzen.

Xedapen Derogatzaile Bakarra

1. Foru Lege hau indarrean sartutakoan, bertan esandakoaren kontra doazen lerrun bereko edota beheragoko xedapen guztiak derogaturik geratuko dira, hurrengoak bereziki:

Foru Diputazioak 1978ko azaroaren 16an harturiko Erabakia, zeinaren bitartez sozietate eta enpresa-multzoen arteko inbertsioen zerga araubidea arautzen den.

Foru Parlamentuak 1982ko otsailaren 8an harturiko Erabakia, errendimendu jakin batzuk direla eta Zergaren kuotaren hobaria arautzen duena.

Finantza-aktibo batzuen zerga araubideari buruzko ekainaren 14ko 15/1985 Foru Legeko hurrengoak: 1, 2, 3, 7, 8, 9 eta 10. artikuluak, Lehen Xedapen Gehigarriaren 1, 2 eta 4 zenbakiak eta Laugarren Xedapen Gehigarria.

Ekainaren 13ko 153/1986 Foru Dekretu Legegilea, Sozietateen gaineko Zergari buruzko xedapenen Testu Birbildua onesten duena.

1987ko ekitaldirako Nafarroako Aurrekontu Orokorrei buruzko abenduaren 26ko 19/1986 Foru Legeko Hamazazpigarren Xedapen Gehigarriko 1. zenbakiko azken lerroaldea eta 2. zenbakia.

1988ko ekitaldirako Nafarroako Aurrekontu Orokorrei buruzko maiatzaren 12ko 3/1988 Foru Legeko zazpigarren kapitulua, Sozietateen gaineko Zergari doakionean.

1989ko ekitaldirako Nafarroako Aurrekontu Orokorrei buruzko maiatzaren 2ko 3/1989 Foru Legeko 57. artikulua.

1990eko ekitaldirako Nafarroako Aurrekontu Orokorrei buruzko otsailaren 26ko 1/1990 Foru Legeko 58. artikulua.

Ekainaren 3ko 8/1992 Foru Legea, bategite, zatitze, aktiboen ekartze, balore-trukatze eta matrize-filial sozietateen harremanen zerga-araubideari buruzkoa.

Tributu arloko aldaketei buruzko urriaren 20ko 12/1992 Foru Legeko 5. artikulua. Lehena. Hiru eta lau; 6. artikulua. Bat, hiru, lau, bost eta sei. Orobat Foru Lege bereko 5. artikulua. Lehena. Bat eta Bigarrena, Sozietateen gaineko Zergari dagokionean.

Inbertsioa eta jarduera ekonomikoa laguntzeko eta beste zerga neurri batzuei buruzko azaroaren 15eko 12/1993 Foru Legeko III. Titulua., Sozietateen gaineko Zergari dagokionean.

Zenbait zerga hein batean aldatu eta beste zerga neurri batzuk ezartzen dituen abenduaren 29ko 25/1994 Foru Legeko 8 eta 11.1.a) artikuluak. Orobat Foru Lege bereko 7 eta 9. artikuluak, Sozietateen gaineko Zergari dagokionean.

Derogaturiko arautegiak ezarritako zerga-betebeharrak eska ditzake Ekonomi eta Ogasun Departamentuak, beraz, zenbaki honek xedatua horren kaltetan gabe ulertuko da.

Derogaturiko arauen edukia aplikatuko zaie aipatu betebeharrei.

2. Aurreko zenbakiak xedatua gorabehera, hurrengo xedapenek indarrean iraungo dute:

Sozietateen gaineko Zergari buruzko xedapenen Testu Birbildua onesten duen ekainaren 13ko 153/1986 Foru Dekretu Legegileko 22. artikuluko B) letra eta bederatzigarren Kapitulua, 35. artikuluko bigarren lerroaldea salbu.

1987ko ekitaldirako Nafarroako Aurrekontu Orokorrei buruzko abenduaren 26ko 19/1986 Foru Legeko Hamazortzigarren Xedapen Gehigarria.

1988ko ekitaldirako Nafarroako Aurrekontu Orokorrei buruzko maiatzaren 12ko 3/1988 Foru Legeko seigarren kapitulua.

1989ko ekitaldirako Nafarroako Aurrekontu Orokorrei buruzko maiatzaren 2ko 3/1989 Foru Legeko 62. artikulua.

1991ko ekitaldirako Nafarroako Aurrekontu Orokorrei buruzko otsailaren 26ko 5/1991 Foru Legeko Hamargarren Xedapen Gehigarria.

Tributu arloko aldaketei buruzko urriaren 20ko 12/1992 Foru Legeko 7. artikulua.

1993ko ekitaldirako Nafarroako Aurrekontu Orokorrei buruzko ekainaren 30eko 9/1993 Foru Legeko Seigarren Xedapen Gehigarria. Foru Lege honetako 66. artikuluari doakiola ulertuko da.

Inbertsioa eta jarduera ekonomikoa laguntzeko eta beste zerga neurri batzuei buruzko azaroaren 15eko 12/1993 Foru Legeko I. Tituluko II. Kapitulua, 11 eta 12. artikuluak eta IV. Kapitulua, Foru Lege horrek aurreikusitako denbora iraupenarekin.

Amortizazioen koefizienteak eta gehieneko epeak ezarri eta amortizazio plan berezien arautzea partzialki aldatzen duen azaroaren 30eko 368/1993 Foru Dekretuko 1. artikulua. 9/1994 Foru Legea, ekainaren 21ekoa, Kooperatiben zerga-araubidea arautzen duena.

Zenbait zerga aldatzen dituen abenduaren 29ko 14/1995 Foru Legea, zenbait zerga aldatzen dituena.

Fundazioen eta babes jardueren tributu araubidea erregulatzen duen Foru Legea.

Azken Xedapenetan Lehena. Arautzeko gaikuntza.

Foru Lege hau garatu eta aplikatzeko behar beste xedapen emango du Nafarroako Gobernuak.

Azken Xedapenetan Bigarrena. Indarra hartzea.

Foru Lege honek 1997ko urtarrilaren 1ean hartuko du indarra eta egun horretatik aurrera hasitako zergaldiei aplikatuko zaie.

Jar zaitez gurekin harremanetan | Erabilerraztasuna | Lege abisua | Webaren mapa