navarra.es

Castellano | Euskara | Français | English

Bilatzaile erabili!

80/2013 Foru Agindua, martxoaren 1ekoa, Ekonomia, Ogasun, Industria eta Enpleguko kontseilariak emana. honen bidez atzerrian dauden ondasun eta eskubideei buruz informatzeko betebeharra (Tributuei buruzko abenduaren 14ko 13/2000 Foru Lege ...

80/2013 FORU AGINDUA, MARTXOAREN 1EKOA, EKONOMIA, OGASUN, INDUSTRIA ETA ENPLEGUKO KONTSEILARIAK EMANA. HONEN BIDEZ ATZERRIAN DAUDEN ONDASUN ETA ESKUBIDEEI BURUZ INFORMATZEKO BETEBEHARRA (TRIBUTUEI BURUZKO ABENDUAREN 14KO 13/2000 FORU LEGE OROKORRAREN HEMEZORTZIGARREN XEDAPEN GEHIGARRIAK ARAUTUA) GARATZEN DA, ETA “ATZERRIAN DAUDEN ONDASUN ETA ESKUBIDEEI BURUZKO AITORPEN INFORMATIBOA” IZENEKO 720 EREDUA ONESTEN

(Testu bateratua. Jatorrizkoa 2013ko 62. NAOn argitaratua, apirilaren 3an. Aldaketak: 365/2013 Foru Agindua, azaroaren 8koa)

Atarikoa

Zenbait zerga aldatu eta beste tributu-neurri batzuk hartzeari buruzko abenduaren 26ko 21/2012 Foru Legearen 2. zortzi artikuluak hemezortzigarren xedapen gehigarria sartu zuen Tributuei buruzko abenduaren 14ko 13/2000 Foru Lege Orokorrean, eta hark atzerrian dauden ondasun eta eskubideei buruz informatzeko berariazko betebehar berri bat ezarri zuen. 2012. urteari eta hurrengoei dagozkien ekitaldiei buruz aurkeztu beharreko aitorpenetarako izanen ditu ondorioak betebehar horrek.

Atzerrian dauden ondasun eta eskubideei buruz informatzeari buruzko betebehar hori exijituko du Nafarroako Foru Komunitateko zerga administrazioak, Estatuaren eta Nafarroako Foru Komunitatearen artean dagoen hitzarmen ekonomikoaren 46.2 artikuluarekin bat, honako irizpide hauen arabera:

–Enpresa eta lanbide jarduerak egiten dituzten tributudunen kasuan, jarduera horiek ikuskatzeko eskumena Foru Komunitateko administrazioak duenean.

–Enpresa edo lanbide jarduerarik egiten ez duten tributudunen kasuan, helbide fiskala Nafarroako Foru Komunitatean dutenean.

Tributudunarentzat zaila izan daitekeenez ikuskapenak egiteko eskumena ezagutzea, egokitzat jo da ikuskapen-eskumen horri buruzko irizpideak zehaztea, tributudunaren izaera juridikoaren arabera, kontuan izanik zer diren: pertsona fisikoak, juridikoak edo pertsona edo entitate ez-egoiliarren establezimendu iraunkorrak.

Hala, foru aginduak zehazten du ezen aitorpen informatiboa aurkeztu beharra duena Foru Komunitatean helbide fiskala duen pertsona fisikoa denean Nafarroako zerga administrazioan aurkeztu beharko duela.

Halaber, Nafarroako zerga administrazioan aurkeztu beharko du aitorpen informatiboa pertsona juridiko horrek edo pertsona edo entitate ez-egoiliarraren establezimendu iraunkor horrek zeinak soilik Foru Komunitatean ordaindu behar baititu zergak, edo zeinak, zergak bai Estatuko Administrazioan bai Foru Komunitatean ordaindu behar izanik, helbide fiskala Nafarroan baitu, salbu aurreko ekitaldian guztirako eragiketen %75 edo gehiago araubide erkideko lurraldean egin baditu.

Nabarmentzekoa da, tributudunek informazioa emateko duten betebehar honi dagokionez, izaera orokorra duela, eta, beraz, ez dagoela zerga zehatz bati lotua. Nolanahi ere, kontuan hartu beharrekoa da Tributuei buruzko abenduaren 14ko 13/2000 Foru Lege Orokorraren hemezortzigarren xedapen gehigarriko 3. atalean ezarritakoa, adierazten baitu tributu desberdinei buruzko legeek ondorio berariazkoak ezar ditzaketela informazioa emateko betebeharra betetzen ez den kasuetarako.

Aipatutako hemezortzigarren xedapen gehigarriaren 1. atalak adierazten du tributudunek honako informazio hau eman beharko diotela zerga administrazioari, Tributuei buruzko abenduaren 14ko 13/2000 Foru Lege Orokorraren 27.5 eta 103. artikuluetan xedatutakoarekin bat:

a) Banku edo kreditu trafikoan aritzen diren entitateetan irekita eta atzerrian dauden kontuei buruzko informazioa, eurak titular edo onuradun badira, edo haietan baimendu gisa agertzen badira edo bestelako modu batez haiek erabiltzeko ahala badute.

b) Kapital sozialeko titulu, aktibo, balore edo eskubide adierazgarriei, era guztietako entitateen funts berekiei edo ondareari edo hirugarrenei lagatako kapital berekiei buruzko informazioa, haien titularrak badira eta atzerrian gordailututa edo kokatuta badaude, baita bizi edo baliaezintasun aseguruei eta biziarteko edo aldi baterako errentei buruz ere, horien onuradunak badira kapital bat dirutan, ondasun higigarritan edo higiezinetan entregatzearen ondorioz, atzerrian kokatutako entitateekin kontratatuarik dituztela.

c) Atzerrian dauden ondasun higiezinei eta ondasun higiezinen gaineko eskubideei buruzko informazioa, haien titular badira.

Foru agindu honen helburua da, batetik, nazioarteko eremuarekin lotutako betebehar berri hau garatzea, eta, bestetik, betebehar hori gauzatzeko eredua onestea.

Tributu arloko informazioa emateko betebeharrak betetzeak dakartzan zama formalak gutxitzeko, komenigarritzat jo da eredu informatibo bakarrean bategitea aurretik aipatutako hiru betebeharrak, eta, aitorpen informatiboa nahitaez telematika bidez eman behar bada ere, tributudunen eskura jartzen da laguntza-programa bat, horrela errazteko bai fitxategiak lortzeko modua bai horiek era egokian transmititzekoa. Halaber, laguntza-programa horrek fitxategiak behar bezala betetzeko erraztasunak ematen ditu.

Tributuei buruzko abenduaren 14ko 13/2000 Foru Lege Orokorraren hemezortzigarren xedapen gehigarriak 1. atalean Ekonomia, Ogasun, Industria eta Enpleguko kontseilaria gaitzen du ezar dezan nola bete behar den beharkizun hau.

Horrenbestez, agindu dut:

I. KAPITULUA. Atzerrian dauden ondasun eta eskubideei buruz informatzeko betebeharra

1. artikulua. Nork aurkeztu behar duen atzerrian dauden ondasun eta eskubideei buruzko aitorpen informatiboa Nafarroako Foru Komunitateko zerga administrazioan.

1. Atzerrian dauden ondasun eta eskubideei buruzko aitorpen informatiboa, foru agindu honetan ezarri bezala betea, Nafarroako Foru Komunitateko zerga administrazioan aurkeztu beharko dute, Estatuaren eta Nafarroako Foru Komunitatearen artean dagoen hitzarmen ekonomikoaren 46.2 artikuluarekin bat, honako tributudun hauek:

a) Enpresa eta lanbide jarduerak egiten dituztenek, jarduera horiek ikuskatzeko eskumena Nafarroako Foru Komunitateak duenean.

b) Enpresa eta lanbide jarduerarik egin ez eta helbide fiskala Nafarroako Foru Komunitatean dutenek.

2. Honi dagokionez, Nafarroako Foru Komunitateko Administrazioak ikuskapenak egiteko eskumena du honako hau gertatzen bada:

a) Aitorpen informatiboa aurkeztu beharra duena Nafarroako Foru Komunitatean helbide fiskala duen pertsona fisikoa izatea, Hitzarmen Ekonomikoaren 8. artikuluko irizpideen arabera.

b) Aitorpen informatiboa aurkeztu behar duena pertsona juridikoa izatea, zergak Nafarroako Foru Komunitatean bakarrik ordaindu behar dituena edo, bai Estatuko Administrazioan bai Nafarroako Foru Komunitatean ordaindu beharra izanik, helbide fiskala Nafarroan duena, salbu eta aurreko ekitaldian eragiketa guztien %75 edo gehiago araubide erkideko lurraldean egin duenean, hori dena Estatuaren eta Nafarroako Foru Komunitatearen arteko Hitzarmen Ekonomikoaren 23. artikuluarekin bat.

c) Aitorpen informatiboa aurkeztu behar duena pertsona edo entitate ez-egoiliar baten establezimendu iraunkorra izatea eta aurreko b) letrako beharkizun berberak betetzea, Hitzarmen Ekonomikoaren 28. artikuluan, 18. eta 23. artikuluekin korrelazioan, xedatutakoarekin bat.

2. artikulua. Atzerrian dauden finantza entitateetan dauden kontuei buruz informatu beharra.

1. Pertsona fisikoak eta juridikoak, pertsona edo entitate ez-egoiliarren establezimendu ez egonkorrak eta Tributuei buruzko abenduaren 14ko 13/2000 Foru Lege Orokorraren 25. artikuluak aipatutako entitateak beharturik egonen dira, foru agindu honen 1. artikuluan aurreikusitakoarekin bat, Nafarroako Foru Komunitateko zerga administrazioan aurkeztera urteko aitorpen informatibo bat kontu guztiei buruz, baldin eta eurak titularrak badira, edo ordezkari, baimendu edo onuradun gisa ageri badira, edo kontu horiek erabiltzeko ahalak badituzte, edo horien titular errealak badira, atal honetan adierazitakoarekin bat, kontu horiek atzerrian daudenean, banku edo kreditu trafikoan aritzen diren entitateetan irekiak, urte bakoitzeko abenduaren 31n.

Orobat, betebehar hori izanen dute kontu horien titular, ordezkari, baimendu edo onuradun izan direnek, edo kontu horiek erabiltzeko ahalak izan dituztenek, edo horien titular erreal izan direnek aitorpenaren xedeko urteko edozein unetan.

Ondorio horietarako, titular erreal izanen da izaera hori duena Kapital Zuriketari eta Terrorismoaren Finantzaketari Aurrea Hartzeko apirilaren 28ko 10/2010 Legearen 4. artikuluko 2. atalean aurreikusitakoaren arabera, atal horrek aipatzen dituen pertsonen edo tresnen izenean dauden kontuei dagokienez, horiek egoitza atzerrian dutenean edo atzerrian eratu direnean.

2. Zerga administrazioari eman beharreko informazioak honako hauek jasoko ditu:

a) Banku edo kreditu entitatearen sozietate izena edo izen osoa eta helbidea.

b) Kontuen identifikazio osoa.

c) Kontuen irekiera edo itxiera eguna, edo, hala behar denean, baimena ematearen eta ezeztatzearen egunak.

d) Abenduaren 31n kontuek duten saldoa, eta urteko azken hiruhilekoko batez besteko saldoa.

Eman beharreko informazioan kontu korronteak, aurrezki kontuak, eperako ezarpenak, kreditu kontuak eta bestelako kontu edo diru-gordailu guztiak agertuko dira, haien modalitatea edo izena edozein dela ere, nahiz eta ordainsaririk ez izan.

3. Abenduaren 31n kontuek duten saldoaren eta urteko azken hiruhilekoko batez besteko saldoaren berri honako honek eman beharko du: egun horretan titular denak, edo ordezkari, baimendu edo onuradun edo kontu horiek erabiltzeko ahala duenak, edo titular erreal izaera duenak.

Gainerako titularrek, ordezkariek, baimenduek, onuradunek, erabiltzeko ahalak dituzten pertsonek edo titular errealek adierazi beharko dute kontuan zer saldo zegoen izaera hori izateari utzi ziotenean.

4. Artikulu honetan aurreikusitako informazioa emateko betebeharra ez da aplikatzekoa izanen ondoko kontu hauei dagokienez:

a) Sozietateen gaineko Zergari buruzko abenduaren 30eko 24/1996 Foru Legearen 12. artikuluan aipatutako entitateak titular dituztenak.

b) Titular dituztenak pertsona juridikoak eta gainerako entitateak, baita ez-egoiliarren establezimendu egonkorrak ere, 1. atalarekin bat artikulu honetako betebeharra dutenak eta kontabilitatean erregistroa banan-banakoa dutenak eta honako hauen arabera identifikaturik daudenak: zenbakia, kreditu entitatea, sukurtsala (zer sukurtsaletan irekita dauden, huraxe) eta kokaturik dauden herrialdea edo lurraldea.

c) Titular dituztenak jarduera ekonomiko bat duten pertsona fisikoak, zeinek kontabilitatea Merkataritza Kodearen arabera eramaten baitute, eta 1. atalarekin bat artikulu honetako betebeharra baitute, eta erregistroan kontabilitateko dokumentazio horretan banan-bana erregistraturik baitaude, eta honako hauen arabera identifikaturik: zenbakia, kreditu entitatea, sukurtsala (zer sukurtsaletan irekita dauden, huraxe) eta kokaturik dauden herrialdea edo lurraldea.

d) Titular dituztenak pertsona fisikoak, juridikoak eta gainerako entitateak, 1. atalarekin bat artikulu honetako betebeharra dutenak, Espainiako lurraldean helbideraturik dauden kreditu entitateek atzerrian dituzten establezimenduetan irekirik daudenak, entitate horien aitorpenen xede izan behar dutenak, Pertsona Fisikoen Errentaren gaineko Zergaren Erregelamenduaren 62.7 artikuluan aurreikusitakoarekin bat (maiatzaren 24ko 174/1999 Foru Dekretuak onetsi zuen erregelamendu hori), baldin eta kontua dagoen herrialdeko araudiaren arabera deklaratuak izan badira.

e) Ez da kontu bati buruzko informaziorik emateko betebeharrik izanen baldin eta abenduaren 31n 2.d) ataleko saldoak ez direnean, denera, 50.000 euro baino gehiago, eta gauza bera gertatzen denean atal berak aipatutako batez besteko saldoei dagokienez. Guztirako muga horietako edozein gainditzen bada, kontu guztiei buruzko informazioa eman beharko da.

5. Hurrengo urteetako aitorpenak aurkeztea nahitaezkoa izanen da bakarrik 4.e) atalean aipatutako guztirako saldo batek, edozeinek, 20.000 eurokoa baina igoera handiagoa izan duenean aurreko aitorpenetik.

Nolanahi ere, nahitaezkoa izanen da aitorpena aurkeztea 3. ataleko bigarren lerroaldean aurreikusitako kasuetan, hor aipatzen diren kontuei dagokienez.

6. Tributuei buruzko abenduaren 14ko 13/2000 Foru Lege Orokorraren hemezortzigarren xedapen gehigarrian xedatutakoaren ondorioetarako, datu-multzo desberdinak dira 2.a) eta 2.b) ataletan aipatzen diren informazioak, entitate eta kontu bakoitzerako.

Ondorio berberetarako, datutzat hartuko da 2. ataleko c) eta d) letretan aipatutako data eta saldo bakoitza, baita 3. ataleko bigarren lerroaldeak aipatzen duen saldoa ere, kontu bakoitzerako.

3. artikulua. Atzerrian gordailututako, kudeatutako edo lortutako balore, eskubide, aseguru eta errentei buruz informazioa emateko betebeharra.

1. Pertsona fisikoek eta juridikoek, pertsona edo entitate ez-egoiliarren establezimendu iraunkorrek eta Tributuei buruzko abenduaren 14ko 13/2000 Foru Lege Orokorraren 25. artikuluak aipatutako entitateek, zeinek, foru agindu honen 1. artikuluarekin bat, betebeharra duten atzerrian dauden ondasunen eta eskubideen aitorpen informatiboa Nafarroako Foru Komunitateko zerga administrazioan aurkezteko, urtero aitorpen bat aurkeztuz informazioa eman beharko dute atzerrian dauden ondoko ondasun eta eskubideei buruz, baldin eta horien titular badira, edo titular erreal, Kapital Zuriketari eta Terrorismoaren Finantzaketari Aurrea Hartzeko apirilaren 28ko 10/2010 Legearen 4. artikuluko 2. atalean aurreikusitakoaren arabera, urte bakoitzeko abenduaren 31n:

a) Edozein motatako entitate juridiko bateko partaidetzako balore edo eskubide adierazgarriak.

b) Kapital berekiak hirugarrenei lagatzearen balore adierazgarriak.

c) Edozein tresna juridikori kudeatzeko edo administratzeko emandako balore guztiak, barnean direla fideikomisoak eta “trust” edo ondare masa horiek zeinek, nortasun juridikorik ez izanda ere, trafiko ekonomikoan eragin baitezakete.

Aitorpen informatiboak datu hauek izanen ditu:

1.–Entitate juridikoaren, eta hirugarren lagapen-hartzailearen sozietate izena edo izen osoa, edo tresna edo erlazio juridikoaren identifikazioa, kasua zein den, baita helbidea ere.

2.–Urte bakoitzeko abenduaren 31n entitate juridikoen kapitalean edo funts berekietan izaten diren partaidetzako balore eta eskubide adierazgarriek urte bakoitzeko abenduaren 31n duten saldoa.

Informazio horren barnean adieraziko da norberaren titulartasunpeko akzio eta partaidetza kopurua eta mota, baita balioa ere.

3.–Hirugarrenei egindako kapital berekien lagapenaren balore adierazgarriek abenduaren 31n duten saldoa.

Informazio horren barnean adieraziko da norberaren titulartasunpeko akzio eta partaidetza kopurua eta mota, baita balioa ere.

4.–Dagokion tresna juridikoari ekarritako baloreek abenduaren 31n duten saldoa.

Informazio horren barnean adieraziko da ekarritako baloreen kopurua eta mota, baita horien balioa ere.

Atal honetan araututako informatzeko betebeharrak bere baitan hartuko ditu, halaber, aurreko 2., 3. eta 4. puntuek aipatutako balore eta eskubideen titular edo titular erreal izandako tributudunak, hain zuzen ere aitorpenaren xedeko urteko edozein unetan titular edo titular erreal izan direnak eta urte horretako abenduaren 31n izaera hori galdua dutenak. Kasu horietan, iraungitze horren egunari dagokion informazioa eman beharko da.

2. Aurreko atalak aipatzen dituen tributudunek, urteroko aitorpen baten bidez, informazioa eman beharko diote Nafarroako Foru Komunitateko zerga administrazioari, atzerrian dauden inbertsio kolektiboko erakundeen kapital sozialeko edo ondare funtseko akzioei eta partaidetzei buruz, baldin eta horien titular badira, edo titular erreal, Kapital Zuriketari eta Terrorismoaren Finantzaketari Aurrea Hartzeko apirilaren 28ko 10/2010 Legearen 4. artikuluko 2. atalean aurreikusitakoaren arabera.

Informazio horren barnean adieraziko da inbertsio kolektiboko erakundearen sozietate izena edo izen osoa eta helbidea, baita akzio eta partaidetza kopurua eta mota, eta, behar balitz, zein konpartimentukoak diren ere, eta abenduaren 31n duten likidazio balioa.

2. atal honetan araututako informatzeko betebeharrak bere baitan hartuko ditu, halaber, akzioen eta partaidetzen titular edo titular erreal izandako tributudunak, hain zuzen ere aitorpeneko urteko edozein unetan titular edo titular erreal izan direnak eta urte horretako abenduaren 31n izaera hori galdua dutenak. Kasu horietan, iraungitze horren datari dagokion informazioa eman beharko da.

3. Artikulu honetako 1. atalak aipatzen dituen tributudunek honako hauei buruzko informazioa eman beharko diote Nafarroako Foru Komunitateko zerga administrazioari, urteroko aitorpen baten bidez:

a) Bizi edo baliaezintasun aseguruak, urte bakoitzeko abenduaren 31n horien hartzaile badira, eta aseguru entitatea atzerrian kokaturik badago, data horretan duten erreskate balioa adieraziz.

b) Aldi baterako edo biziarteko errentak, baldin eta abenduaren 31n horien onuradun badira honako hauek entregatzearen ondorioz: kapital bat dirutan, eduki ekonomikoko eskubideak edo ondasun higigarriak edo higiezinak, betiere atzerrian daudenak. Adierazi beharko da data horretan zer kapitalizazio balio zuen.

Aurreko a) eta b) letretan adierazitako kasuetan, aseguru entitatea identifikatu beharko da, sozietate izena edo izen osoa eta helbidea adieraziz.

4. Artikulu honetan aurreikusitako informazioa emateko betebeharra ez da exijituko ondoko kasu hauei dagokienez:

a) Sozietateen gaineko Zergari buruzko abenduaren 30eko 24/1996 Foru Legearen 12. artikuluan aipatutako entitate bat denean tributuduna.

b) Tributuduna ez-egoiliarren pertsona juridiko, entitate edo establezimendu bat denean, zeina, 1. atal honetan aurreikusitakoarekin bat, artikulu honetako betebeharrari atxikia baitago eta artikulu honetan aipatutako baloreak, eskubideak, aseguruak eta errentak banaka bere kontabilitatean erregistraturik.

c) 1.2., 1.3. eta 1.4. ataletako bakoitzean aipatutako baloreek, 2. atalean aipatutako likidazio balioak, 3.a) atalean aipatzen den erreskate balioak eta 3.b) atalean aipatutako kapitalizazio balioak ez dutenean, guztira, 50.000 euroko zenbatekoa gainditzen. Guztirako muga hori gainditzen denean, titulu, aktibo, balore, eskubide, aseguru edo errenta guztiei buruz eman beharko da informazioa.

5. Hurrengo urteetako aitorpenak aurkeztea nahitaezkoa izanen da bakarrik 4.c) atalean aurreikusitako baloreek, guztira, 20.000 eurokoa baina igoera handiagoa izan dutenean aurreko aitorpenetik.

Betiere nahitaezkoa izanen da aitorpena aurkeztea 1. ataleko azken lerroaldean eta 2. ataleko 2. lerroaldean aurreikusitako kasuetan, abenduaren 31rako titulartasuna iraungirik duten balore, eskubide, akzio eta partaidetzei dagokienez.

6. Ondarearen gaineko Zergari buruzko azaroaren 19ko 13/1992 Foru Legean ezarritako arauen arabera kalkulaturik eman beharko dira artikulu honetako ataletan aipatutako balorazioak.

7. Tributuei buruzko abenduaren 14ko 13/2000 Foru Lege Orokorraren hemezortzigarren xedapen gehigarrian xedatutakoaren ondorioetarako, 1.1., 2 eta 3. ataletan aipatutako entitate juridiko, hirugarren lagatzaile, tresna edo erlazio juridiko, inbertsio kolektiboko erakunde eta aseguru entitate bakoitzaren identifikazioari eta helbideari buruzkoak izanen dira datu multzoak.

Ondorio berberetarako, datutzat hartuko da aurreko ataletan banakako ondare elementu mota bakoitzerako exijitutako informazio bakoitza, ondokoarekin bat:

a) 1.2. atalean, akzio eta partaidetza mota bakoitzeko.

b) 1.3. atalean, balore mota bakoitzeko.

c) 1.4. atalean, balore mota bakoitzeko.

d) 2. atalean, akzio eta partaidetza mota bakoitzeko.

e) 3.a) atalean, bizi aseguru bakoitzeko.

f) 3.b) atalean, aldi baterako edo biziarteko errenta bakoitzeko.

Orobat, datutzat hartuko da 1. ataleko azkeneko lerroaldeak aipatutako saldoetako bakoitza, balio mota bakoitzeko, eta 2. ataleko azkeneko lerroaldeak aipatutako saldoetako bakoitza, akzio eta partaidetza mota bakoitzeko.

4. artikulua. Atzerrian dauden ondasun higiziezinei eta ondasun higiezinen gaineko eskubideei buruz informatzeko betebeharra.

1. Pertsona fisikoek eta juridikoek, pertsona edo entitate ez-egoiliarren establezimendu iraunkorrek eta Tributuei buruzko abenduaren 14ko 13/2000 Foru Lege Orokorraren 25. artikuluak aipatutako entitateek, zeinek, foru agindu honen 1. artikuluarekin bat, betebeharra baitute atzerrian dauden ondasun eta eskubideen aitorpen informatiboa Nafarroako Foru Komunitateko zerga administrazioan aurkezteko, aitorpena egin behar dute atzerrian diren ondasun higigarriei edo ondasun higigarrien gaineko eskubideengatik, baldin eta horien titular badira, edo titular erreal, Kapital Zuriketari eta Terrorismoaren Finantzaketari Aurrea Hartzeko apirilaren 28ko 10/2010 Legearen 4. artikuluko 2. atalean aurreikusitakoaren arabera, urte bakoitzeko abenduaren 31n.

2. Aitorpen informatiboak datu hauek izanen ditu:

a) Higiezinaren identifikazioa, tipologia laburki zehaztuz.

b) Higiezinaren kokapena: zer herrialdetan edo lurraldetan dagoen, herria, kalea eta zenbakia.

c) Eskuratze data.

d) Eskuratze balioa.

3. Baldin eta atzerrian dauden ondasun higiezinen gaineko titulartasun kontraturik bada multijabetzarako, txandaka aprobetxatzeko, denbora partzialeko jabetzarako edo antzeko formuletarako, aurreko a) eta b) letretan aipatutako informazioaz gain, adierazi beharko da eskubide horiek zer egunetan eskuratu ziren eta abenduaren 31n zuten balioa, Ondarearen gaineko Zergari buruzko azaroaren 19ko 13/1992 Foru Legean ezarritako arauen arabera.

4. Baldin eta atzerrian diren ondasun higiezinen gaineko eskubide errealen titulartasunik bada horiek erabiltzeko edo gozatzeko eta jabetza soilerako, 2. ataleko a) eta b) letretan aipatutako informazioaz gain, adierazi beharko da titulartasun hori zer egunetan eskuratu zen eta abenduaren 31n zuen balioa, Ondarearen gaineko Zergari buruzko azaroaren 19ko 13/1992 Foru Legean ezarritako arauen arabera.

5. Artikulu honetan araututako informatzeko betebeharrak bere baitan hartuko ditu, halaber, 1. atalaren arabera higiezinen edo eskubideen titular edo titular erreal izandako tributudunak, hain zuzen ere aitorpenaren xedeko urteko edozein unetan titular edo titular erreal izan eta urte horretako abenduaren 31n izaera hori galdua dutenak. Kasu horietan, 2. atalean aipatutako datuez gain, aitorpen informatiboak adierazi beharko ditu higiezinaren edo eskubidearen eskualdatze balioa eta horren data.

6. Artikulu honetan aurreikusitako betebeharra ez da aplikatzekoa izanen atzerrian dauden ondoko higiezinei edo ondasun higiezinen gaineko eskubideei dagokienez:

a) Sozietateen gaineko Zergari buruzko abenduaren 30eko 24/1996 Foru Legearen 12. artikuluan aipatutako entitateak titular dituztenak.

b) Titular dituztenak pertsona juridikoak eta gainerako entitateak, baita egoiliarrak ez diren establezimendu egonkorrak ere, 1. atalarekin bat artikulu honetako betebeharra dutenak, kontabilitatean erregistroa banan-banakoa dutenak eta behar adina identifikaturik daudenak.

c) Titular dituztenak jarduera ekonomiko bat duten pertsona fisikoak, kontabilitatea Merkataritza Kodearen arabera dutenak, eta 1. atalarekin bat artikulu honetako betebeharra dutenak, eta kontabilitatean erregistroa banan-banakoa dutenak eta behar adina identifikaturik daudenak.

d) Ez da higiezin bati edo higiezin baten gaineko eskubide bati buruzko informaziorik emateko betebeharrik izanen baldin eta 2.d), 3 eta 4 ataletako saldoak ez direnean, denera, 50.000 euro baino gehiago. Guztirako muga hori gainditzen denean, higiezin guztiei eta higiezinen gaineko eskubide guztiei buruz eman beharko da informazioa.

7. Hurrengo urteetako aitorpenak aurkeztea nahitaezkoa izanen da bakarrik 6.d) atalean ezarritako balioak, guztira, 20.000 eurokoa baina igoera handiagoa izan duenean aurreko aitorpenetik.

Betiere nahitaezkoa izanen da aitorpena aurkeztea 5. atalean aurreikusitako kasuetan, abenduaren 31rako titulartasuna iraungirik duten higiezinei eta higiezinen gaineko eskubideei dagokienez.

8. Tributuei buruzko abenduaren 14ko 13/2000 Foru Lege Orokorraren hemezortzigarren xedapen gehigarrian xedatutakoaren ondorioetarako, datu-multzo desberdinak dira 2. ataleko a) eta b) letretako informazioak, atal horrek aipatutako higiezin bakoitzari dagokionez eta 3. eta 4. atalek aipatutako eskubideen xede diren higiezinei dagokienez.

Ondorio horietarako, datutzat hartuko dira honako hauek:

a) 2. ataleko c) eta d) letrek aipatzen dituzten data eta balio bakoitza, higiezin bakoitzari dagokionez.

b) 3. atalak aipatutako data eta balio bakoitza, eskubide bakoitzari dagokionez.

c) 4. atalak aipatutako data eta balio bakoitza, eskubide bakoitzari dagokionez.

d) 5. atalak aipatutako eskualdatzeen data eta balio bakoitza, higiezin bakoitzari dagokionez.

II. KAPITULUA. “Atzerrian dauden ondasun eta eskubideei buruzko aitorpen informatiboa” izeneko 720 eredua onestea. Behartuak, edukia, aurkezteko modua eta epea

5. artikulua. 720 eredua onestea.

1. “Atzerrian dauden ondasun eta eskubideei buruzko aitorpen informatiboa” izeneko 720 eredua onesten da. Diseinu fisikoak eta logikoak foru agindu honen eranskinean ageri dira.

2. 720 ereduaren aurkezpena, foru agindu honen 8. artikuluan xedatutakoarekin bat, telematikoki eginen da, Internet bidez.

6. artikulua. 720 eredua aurkeztera behartuta daudenak.

“Atzerrian dauden ondasun eta eskubideei buruzko aitorpen informatiboa” izeneko 720 eredua aurkeztu beharko dute pertsona fisikoek eta juridikoek, pertsona edo entitate ez-egoiliarren establezimendu ez egonkorrek eta Tributuei buruzko abenduaren 14ko 13/2000 Foru Lege Orokorraren 25. artikuluak aipatutako entitateek, beharturik baldin badaude, foru agindu honen 1. artikuluan aurreikusitakoarekin bat, Nafarroako Foru Komunitateko zerga administrazioan ondasun eta eskubideei buruzko aitorpen informatibo bat aurkeztera, baldin eta honako kasuren batean badaude:

a) Titular izanik, edo ordezkari, baimendu, onuradun, erabiltzeko ahalak dituen pertsona edo entitate, edo titular erreal, Kapital Zuriketari eta Terrorismoaren Finantzaketari Aurrea Hartzeko apirilaren 28ko 10/2010 Legearen 4. artikuluko 2. atalean aurreikusitakoaren arabera, betebeharra dutenean atzerrian dauden finantza entitateetako kontuei buruz informatzera, foru agindu honen 2. artikuluko 1., 3. eta 5. ataletan xedatutakoaren arabera, aipatutako artikuluko 4. atalean aurreikusitako kasuetan izan ezik.

b) Foru agindu honen 3. artikuluaren 1. eta 5. ataletan xedatutakoarekin bat eta kontuan izanik artikulu horretako 4. atalean aurreikusitako salbuespenak, titular edo titular erreal izatea –apirilaren 28aren 10/2010 Legearen 4. artikuluaren 2. atalean aurreikusitakoarekin bat, eta betiere atzerrian badaude– edozein motatako entitate juridikotako partaidetzako balore edo eskubide adierazgarriena, kapital berekiak hirugarrenei lagatzearen balore adierazgarriena edo edozein tresna juridikori kudeatzeko edo administratzeko emandako edozein balorerena, barnean direla fideikomisoak eta “trustak” edo ondare masa horiek zeinek, nortasun juridikorik ez izanda ere, trafiko ekonomikoan jardun baitezakete.

c) Foru agindu honen 3. artikuluaren 2. eta 5. ataletan xedatutakoaren arabera, artikulu horretako 4. atalean aurreikusitako kasuetan izan ezik, titular erreal edo titular izatea atzerrian dauden inbertsio kolektiboko erakundeen kapital sozialeko edo ondare funtseko akzioena eta partaidetzena, Kapital Zuriketari eta Terrorismoaren Finantzaketari Aurrea Hartzeko apirilaren 28ko 10/2010 Legearen 4. artikuluko 2. atalean aurreikusitakoaren arabera.

d) Foru agindu honen 3. artikuluaren 3. eta 5. ataletan xedatutakoaren arabera, artikulu horretako 4. atalean aurreikusitako kasuetan izan ezik, urte bakoitzeko abenduaren 31n bizi edo baliaezintasun aseguruen hartzekodun izatea aseguru entitatea atzerrian badago, edo aldi baterako edo biziarteko errenten hartzekoduna izatea baldin eta abenduaren 31n horien onuradun badira atzerriko entitateei honako hauek entregatzearen ondorioz: kapital bat dirutan, eduki ekonomikoko eskubideak edo ondasun higigarriak edo higiezinak.

e) Foru agindu honen 4. artikuluaren 1., 5. eta 7. ataletan xedatutakoaren arabera, artikulu horretako 6. atalean aurreikusitako kasuetan izan ezik, Kapital Zuriketari eta Terrorismoaren Finantzaketari Aurrea Hartzeko apirilaren 28ko 10/2010 Legearen 4. artikuluko 2. atalean aurreikusitakoaren arabera atzerrian dauden ondasun higiezinen gaineko eskubideen eta ondasun higiezinen titular edo titular erreal izatea.

7. artikulua. 720 ereduaren aitorpen informatiboaren edukia.

“Atzerrian dauden ondasun eta eskubideei buruzko aitorpen informatiboa” izeneko 720 ereduak eduki hauek izanen ditu:

a) Atzerrian dauden finantza entitateetako kontuei buruz eman beharreko informazioa, 2. artikuluan arautua, barnean dela aipatutako artikuluko 2. eta 3. ataletan azaldutako informazioa.

b) Atzerrian dauden balore edo eskubideei buruz eman beharreko informazioa, 3. artikuluko 1. atalean arautua, barnean dela aipatutako artikuluko 1. atalean azaldutako informazioa.

c) 3. artikuluko 2. atalaren arabera, atzerrian dauden inbertsio kolektiboko erakundeen kapital sozialeko edo ondare funtseko akzioei eta partaidetzei buruz eman beharreko informazioa, barnean dela aipatutako artikuluko 2. atalean azaldutako informazioa.

d) 3. artikuluko 3. atalaren arabera, bizi eta baliaezintasun aseguruei buruz eman beharreko informazioa, aseguru entitatea atzerrian baldin badago, edo aldi baterako edo biziarteko errentei buruz eman beharrekoa, horiek lortu badira atzerrian dauden entitateei honako hauek entregatzearen ondorioz: kapital bat dirutan, eduki ekonomikoko eskubideak edo ondasun higigarriak edo higiezinak. Barnean izanen da artikulu horretako 3. atalean azaldutako informazioa.

e) Atzerrian dauden ondasun higiezinei eta ondasun higiezinen gaineko eskubideei buruz eman beharreko informazioa, 4. artikuluan arautua, barnean dela aipatutako artikuluko 2., 3. eta 4. ataletan azaldutako informazioa.

8. artikulua. 720 eredua aurkezteko modua.

“Atzerrian dauden ondasun eta eskubideei buruzko aitorpen informatiboa” izeneko 720 eredua telematikoki aurkeztuko da, Internet bidez, foru agindu honen 9. eta 10. artikuluetan aurreikusitako baldintzen eta prozeduren arabera.

9. artikulua. 720 ereduari dagozkion aitorpenak telematikoki, Internet bidez, aurkezteko baldintza orokorrak.

1. 720 ereduari dagozkion aitorpenen aurkezpen telematikoa baldintza hauei jarraikiz eginen da:

a) Aitortzaileak identifikazio fiskaleko zenbakia eduki beharko du.

b) Aitortzaileak ziurtagiri elektronikoa eduki beharko du, Nafarroako Zerga Ogasunak onartua, Nafarroako Zerga Ogasunaren esparruan baliabide elektroniko, informatiko eta telematikoen (EIT) erabilera arautzen duen uztailaren 17ko 50/2006 Foru Dekretuan ezarrita dagoenari jarraikiz, edo, bestela, bere identifikazio pertsonalerako kodea (PIN), Nafarroako Zerga Ogasunak emana, nortasuna frogatu ahal izateko.

Baimenduta dauden ziurtagiri elektronikoak eta ziurtapen zerbitzuak ematen dituztenen zerrenda Interneteko http://www.hacienda.navarra.es helbidetik abiatuta kontsulta daiteke

.

c) Aitorpenak, jakinarazpenak eta zerga arloko beste dokumentu batzuk hirugarren pertsonen izenean baliabide telematikoak erabiliz aurkezteko eta tributu zorren ordainketa baliabide telematikoak erabiliz tramitatzeko kanpo-lankidetzarako akordioa onesten duen ekainaren 29ko 130/2009 Foru Aginduan xedatutakoarekin bat, aurkezleak, aitorpenak hirugarrenen izenean egiteko baimendutako pertsona edo entitate bat baldin bada, Nafarroako Zerga Ogasunak onartutako ziurtagiri elektronikoa, aurreko b) letran aipatzen dena, eduki beharko du.

d) Aitortzaileak edo, bidezkoa bada, aurkezle baimendunak igorri beharreko aitorpena duen fitxategia lortzeko laguntza programa bat erabili beharko du aurretik, salbu aurkezpen telematikoa egiteko prestatu den datu-orria erabiltzea aukeratzen badu. Laguntza programa hori Nafarroako Zerga Ogasunak 720 ereduko aitorpenetarako prestatu duena edo formatu bereko fitxategi bat sortzen duen beste bat izan daiteke.

Fitxategi horien edukia foru agindu honen eranskinean ezartzen diren erregistroen diseinuen araberakoa izanen da.

e) Aitortzaileek aurkezpen telematiko hori egiteko eskatzen diren arau teknikoak bete beharko dituzte. Arau horiek Nafarroako Zerga Ogasunaren web orrian daude ikusgai, Interneteko http://www.hacienda.navarra.es helbidean.

2. Telematika bidez igortzen diren aitorpenetan akats formalak agertzen direnean, sistemak berak emanen dio horren berri aitortzaileari akatsak azaltzeko mezuen bitartez, behar den zuzenketa egin dezan.

10. artikulua. 720 ereduari dagozkion aitorpenen Internet bidezko aurkezpen telematikoa egiteko prozedura.

720 ereduari dagozkion aitorpenen Internet bidezko aurkezpen telematikoa egiteko, bi prozedura hauetako bat erabiliko da:

1. Web-eko datu-orritik prozesu hau erabiliko da:

a) Nafarroako Ataritik, Ogasunarekin egiten diren izapideen atalean sartu.

b) Egin nahi den aitorpenaren eredua hautatu, eta aitorpena aurkeztu ahal izateko datu guztiak bete.

c) Aitorpena bete ondoren, igortzeko aukera erabili. Aitorpena egokia bada, sistemak balioztatuko du. Akatsik atzemanez gero, inprimakiaren bidez jakinaraziko da, eta haiek zuzendu arte ezin izanen da aitorpena aurkeztu. Aitorpena zuzen bete ondoren, sistemak jakinaraziko du aurkeztutako aitorpen bakoitzari esleitutako zenbakia eta, orobat, inprimatzeko aukera eskainiko du, frogagiri gisa erabiltzeko.

2. Nafarroako Zerga Ogasunak prestatutako laguntza programatik abiatuta, prozesu hau segitu beharko da:

a) Aitorpena bete laguntza programa erabiliz.

b) Aitorpena bete ondoren, balioztatu egin behar da, aurkeztu aurretik.

c) Aitorpena balioztatu ondoren, Interneten bidez igortzen ahalko da. Igorpen berean aitorpen bat baino gehiago sar daiteke, betiere eredu eta urte berekoak baldin badira.

d) Aitorpena igorri ondoren, sistemak erantzunen du, hartze-agiri zenbakia eta aurkezpenaren eguna eta ordua emanda. Bidalketa balioztatu eta prozesatu ondoren, haren emaitza laguntza programan eskura dauden loteen kontsultatik aztertzen ahalko da.

11. artikulua. 720 eredua aurkezteko epea.

Informazioa zein urteri dagokion, hurrengo urteko urtarrilaren 1aren eta martxoaren 31ren artean aurkeztuko da “Atzerrian dauden ondasun eta eskubideei buruzko aitorpen informatiboa” izeneko 720 eredua.

Xedapen iragankor bakarra.–2012. urteko ekitaldiari dagokion 720 eredua aurkezteko epea.

2013ko maiatzaren 1aren eta ekainaren 30aren artean aurkeztuko da 2012. urteko ekitaldiari dagokion “Atzerrian dauden ondasun eta eskubideei buruzko aitorpen informatiboa” izeneko 720 eredua.

Azken Xedapen Bakarra. Indarra hartzea.

Foru agindu honek Nafarroako Aldizkari Ofizialean argitaratu eta biharamunean hartuko du indarra, eta indarra hartu ondoren aurkezten diren 2012ko informazioei buruzko aitorpen informatiboei aplikatuko zaie lehenbizikoz.

ERANSKINA. 720 eredua telematikoki aurkezteko sortzen diren fitxategien diseinu logikoak

Erregistroen deskripzioa.

Aitortzaile bakoitzarentzat bi erregistro mota izanen dira, lehen idazgunearen arabera bereizten direnak, irizpide hauen arabera:

1. mota: aitortzailearen erregistroa. Identifikazio datuak eta aitorpenaren laburpena. 1. motako erregistroaren diseinua, atal hauetan beretan eta foru agindu honetako eranskinean ageri direnetatik.

2. mota: xehetasun erregistroa. 2. motako erregistroaren diseinua, atal hauetan beretan eta foru agindu honetako eranskinean ageri direnetatik.

Aurkezteko ordena erregistro motarena izanen da. 1. motako erregistro bakar bat egonen da, eta 2. motakoen kasuan, zenbat ondasun eta eskubide jasotzen diren aitorpenean, hainbeste erregistro izanen dira, baina kontuan izanik erregistro bat baino gehiago izan daitekeela ondasun edo eskubide bakoitzerako, aitortzaile berberak izan ditzakeen izaera desberdinen arabera, eta izan daitezkeen eskuratze data desberdinen arabera.

Eremu alfazenbakizko eta alfabetiko guztiak ezkerretara lerrokaturik eta eskuinetara zuriuneak dituztela aurkeztuko dira, letra larrietan, karaktere berezirik eta bokal azentudunik gabe.

Hizkuntzaren karaktere berezietarako ISO-8859-1 kodifikazioa erabiliko da. Hala, “Ñ” letrak ASCII 209 (Hex. D1) balioa izanen du eta “Ç” letrak (c larri hautsia) ASCII 199 (Hex. C7) balioa.

Zenbakizko eremu guztiak eskuinetara lerrokaturik eta ezkerretara zeroz beterik agertuko dira, zeinurik gabe eta paketatu gabe.

Eremu guztiek izanen dute edukia, eremuaren azalpenean kontrakoa zehazten ez bada. Ez badute, zenbakizko eremuak zeroz beteko dira, eta alfazenbakizkoetan eta alfabetikoetan, berriz, zuriuneak utziko dira.

Aurkezpen kolektiboa egiten denean (aitortzaile bat baino gehiago fitxategi berean), euskarriaren lehen erregistro gisa zero motako erregistro bat aurkeztuko da, atal honetan berean jarraian azaltzen den zero motako erregistroaren diseinuari jarraikiz. Horretan sartuko dira aurkezpenaren erantzulea den pertsonaren edo entitatearen datuak, eta hala eginen da, nahiz eta pertsona edo entitate hori euskarrian aitortzaile moduan ere aurkeztu. Jarraian ipiniko dira lehen aitortzailearen datuak (1. motako erregistroa), eta, ondoren, xehetasun-erregistroak (2. mota); gero, hurrengo aitortzailearen datuak, eta, ondoren, xehetasun-erregistroak; eta horrela gainerakoetan ere.

Fitxategiko lehen erregistroak (0. mota, aitorpena kolektiboki aurkezten denean, edo 1. mota, banaka aurkezten denean) 13 karaktereko eremua izanen du, 488. idazgunearen eta 500.aren artean, zigilu elektronikoa jartzeko. Nafarroako Zerga Ogasunak ematen dituen programa ofizialen bidez bakarrik jarriko da zigilu hori. Bestelako edozein kasutan zuriuneak utziko dira.

720 EREDUA

A. 0. Motako erregistroa
Aurkezpen kolektiboa

IDAZGUNEAK	IZAERA	EREMUEN DESKRIPZIOA
1	Zenbakizkoa	ERREGISTRO MOTA. Konstantea: ‘0’ (zero).
2-4	Zenbakizkoa	AURKEZTEKO EREDUA. Konstantea: ‘720’.
5-8	Zenbakizkoa	EKITALDIA. Aitorpenei dagozkien zerga ekitaldiaren lau zifrak.
9-17	Alfazenbakizkoa	AURKEZLEAREN IFZ. Aurkezlearen IFZ jarriko da. Eremu hau eskuinetara lerrokaturik egonen da, azken idazgunea kontrol karakterea izanen da eta ezkerreko idazguneak zeroz beteko dira, Tributuak kudeatu eta ikuskatzeko eta tributuak aplikatzeko prozeduretarako arau komunak garatzeko jarduketa eta prozedurei buruzko Erregelamendu Orokorra onesten duen uztailaren 27ko 1065/2007 Errege Dekretuan eta Identifikazio fiskaleko zenbakia eta hari lotutako zenbait zentsu arautzen dituen otsailaren 22ko 8/2010 Foru Dekretuan ezartzen diren arauei jarraituz.
18-57	Alfazenbakizkoa	AURKEZLEAREN DEITURAK ETA IZENA EDO SOZIETATEAREN IZENA. 1. motako erregistroan aitortzailearentzat azaldutako irizpide berarekin beteko da.
58-109	Alfazenbakizkoa	AURKEZLEAREN HELBIDE FISKALA. Eremu hau beste bederatzitan banatuta dago:
		58-59	SG: Bide publikoaren siglak.
		60-79	BIDE PUBLIKOA: Bide publikoaren izena. Alfabetikoa izan behar du eta, beraz, izenean zenbakiak izanez gero letraz jarriko dira (adibidez: maiatzaren 2a, maiatzaren bia izanen da). Errepidea baldin bada, km laburdurarekin bukatuko da.
		80-84	ZENBAKIA: etxearen zenbakia edo kilometro puntua (zenbaki hamartarrik gabe). Zenbakizkoa eta bost idazgunekoa izan behar du.
		85-86	ESKAILERA.
		87-88	SOLAIRUA.
		89-90	ATEA.
		91-95	POSTA KODEA: aurkezlearen helbideari dagokiona. Zenbakizkoa eta bost idazgunekoa izan behar du.
		96-107	UDALERRIA: hamabi idazgune hartzen ditu. Izenak hamabi karaktere baino gehiago baldin baditu, lehenengo hamabiak jarriko dira, artikulurik eta preposiziorik gabe.
		108-109	PROBINTZIAREN KODEA: Oro har, aurkezlearen helbide fisikaleko probintziari edo, hala bada, hiri autonomoari dagozkion bi digituak jasoko dira.
110-114	Zenbakizkoa	AITORTZAILEAK, GUZTIRA. Zenbakizko eremua, 5 idazgunekoa. Euskarri kolektiboan sartutako pertsona edo entitate aitortzaile guztien kopurua adieraziko da. (Grabatutako 1. motako erregistroen kopurua).
115-123	Zenbakizkoa	XEHETASUN-ERREGISTROAK GUZTIRA. zenbakizko eremua, bederatzi idazgunekoa. Euskarri kolektiboan sartutako xehetasun-erregistro guztien kopurua jarriko da. (Grabatutako 2. motako erregistroen kopurua).
124	Alfabetikoa	EUSKARRI MOTA. Gako hau beteko da: “T”: Transmisio telematikoa.
125-173	Alfazenbakizkoa	HARREMANETARAKO PERTSONA. Harremanetarako pertsonaren datuak. Eremu hau bitan banatzen da:
		125-133	Telefonoa. zenbakizkoa, 9 idazgunekoa.
		134-173	Deiturak eta izena. 1. motako erregistroan aitortzailearentzat azaldutako irizpide berarekin beteko da.
174-487		ZURIUNEAK UTZITA.
488-500	Alfazenbakizkoa	ZIGILU ELEKTRONIKOA. Aurkezpen kolektiboetan zigilu elektronikoa jartzeko eremua. Nafarroako Zerga Ogasunak ematen dituen programa ofizialek soilik beteko dute. Bestelako edozein kasutan zuriuneak utziko dira.
* Edukirik ez duten zenbakizko eremuak zeroz beteko dira. * Edukirik ez duten alfazenbakizko eremuetan eta eremu alfabetikoetan zuriuneak utziko dira. * Eremu zenbakizko guztiak eskuinetara egokiturik eta ezkerretara zeroz beterik. * Eremu alfazenbakizko guztiak eta alfabetiko guztiak ezkerretara egokiturik eta eskuinetara zuriunez beterik, letra larrietan, karaktere berezirik eta azentudun bokalik gabe, non eta ez den besterik agintzen eremuaren deskripzioan.

B. 1. Motako erregistroa
Aitortzailearen erregistroa

IDAZGUNEAK	IZAERA	EREMUEN DESKRIPZIOA
1	Zenbakizkoa	ERREGISTRO MOTA. Konstantea: ‘1’.
2-4	Zenbakizkoa	AITORPEN EREDUA. Konstantea: ‘720’.
5-8	Zenbakizkoa	EKITALDIA. Aitorpenaren zerga ekitaldiari dagozkion lau zifrak.
9-17	Alfazenbakizkoa	AITORTZAILEAREN IFZ. Aitortzailearen IFZ adieraziko da. Eremu hau eskuinetik lerrokaturik egonen da, azken idazgunea kontrol karakterea izanen da eta ezkerreko idazguneak zeroz beteko dira, Tributuak kudeatu eta ikuskatzeko eta tributuak aplikatzeko prozeduretarako arau komunak garatzeko jarduketa eta prozedurei buruzko Erregelamendu Orokorra onesten duen uztailaren 27ko 1065/2007 Errege Dekretuan eta Identifikazio fiskaleko zenbakia eta hari lotutako zenbait zentsu arautzen dituen otsailaren 22ko 8/2010 Foru Dekretuan ezartzen diren arauei jarraituz.
18-57	Alfazenbakizkoa	AITORTZAILEAREN DEITURAK ETA IZENA EDO SOZIETATE IZENA. Pertsona fisikoa bada, honela paratuko da: lehenengo deitura, tarte bat, bigarren deitura, tarte bat, eta izena osorik, hurrenkera horretantxe. Pertsona juridikoen eta errenta-egozpenaren araubidea duten entitateen kasuan, sozietatearen izena osorik jasoko da, anagramarik gabe. Eremu honetan inola ere ez da izen komertzialik adieraziko.
58	Alfabetikoa	EUSKARRI MOTA. Gako honekin beteko da: “T”: Transmisio telematikoa.
59-107	Alfazenbakizkoa	HARREMANETARAKO PERTSONA. Harremanetarako pertsonaren datuak. Eremu hau bitan banatzen da:
		59-67	TELEFONOA: zenbakizko eremua, 9 idazgunekoa.
		68-107	IZEN-DEITURAK: lehenengo deitura, tarte bat, bigarren deitura, tarte bat eta izen osoa, nahitaez hurrenkera horretan.
108-120	Zenbakizkoa	AITORPENAREN FROGAGIRIAREN ZENBAKIA. Aitorpenari dagokion frogagiriaren zenbakia adieraziko da. 13 idazguneko zenbakizko edukia duen eremua. Adierazi beharreko frogagiri zenbakia zenbaki sekuentzial bat izanen da. Haren lehen hiru digituak 720 kodea izanen dira.
121-122	Alfabetikoa	AITORPEN OSAGARRIA EDO ORDEZKOA. Salbuespenez, aitorpen bat bigarren aldiz edo ondoren aurkezten bada, eremu hauetako bat bete beharko da nahitaez:
		121	AITORPEN OSAGARRIA. “C” bat adieraziko da aitorpen hau aurkeztearen helburua baldin bada ekitaldi berean aurkezturiko beste aitorpen batean agertu behar zuten baina agertu ez ziren erregistroak adieraztea.
		122	ORDEZKO AITORPENA. “S” bat jarriko da baldin eta aurkezpenaren xedea zergaldi bereko aurreko aitorpen bat ezabatu eta osorik ordeztea bada. Ordezko aitorpen batek aurreko aitorpen bakar bat baizik ez dezake baliogabetu.
123-135	Zenbakizkoa	AURREKO AITORPENAREN FROGAGIRIAREN ZENBAKIA. “Ordezko aitorpena” eremuan “S” idatzi bada, ordezten duen aitorpenari dagokion frogagiriaren zenbakia idatziko da. 13 idazguneko zenbakizko edukia duen eremua. Beste edozein kasutan ZEROZ beteko da.
136-144	Zenbakizkoa	AITORTUTAKO ERREGISTROAK, GUZTIRA. Aitortzaileak aitortutako 2. motako erregistro guztien kopurua jarri beharko da.
145-162	Alfazenbakizkoa	1. BALORAZIOAREN GUZTIRAKO BATURA: ABENDUAREN 31KO SALDOA EDO BALIOA; IRAUNGITZE DATAKO SALDOA EDO BALIOA; ESKURATZE BALIOA. 18 idazguneko eremu alfazenbakizkoa. Eremu hau bitan banatzen da:
		145	ZEINUA: eremu alfabetiko hau beteko da baldin eta “1. BALORAZIOAREN GUZTIRAKO BATURA: ABENDUAREN 31KO SALDOA EDO BALIOA; IRAUNGITZE DATAKO SALDOA EDO BALIOA; ESKURATZE BALIOA” lortzeko egindako baturan (1. motako erregistroko 146. idazgunetik 162. idazgunera) emaitza 0 (zero) baino gutxiago bada. Kasu horretan, “N” bat adieraziko da. Beste edozein kasutan, eremu honen edukia tarte bat izanen da.
		146-162	ZENBATEKOA: Zenbakizko eremua, 17 idazgunekoa. “1. BALORAZIOAREN GUZTIRAKO BATURA: ABENDUAREN 31KO SALDOA EDO BALIOA; IRAUNGITZE DATAKO SALDOA EDO BALIOA; ESKURATZE BALIOA” eremuetan (2 motako erregistroko 433-446 idazguneak) idatziko dira adierazitako kopuruen guztirako batura, aitortutako erregistroei dagokiena, koma dezimalik gabe. Aitortuen erregistroetan “N” jarri bada “BALORAZIO ZEINUA, 1: ABENDUAREN 31KO SALDOA EDO BALIOA; IRAUNGITZE DATAKO SALDOA EDO BALIOA; ESKURATZE BALIOA” eremuan (2. motako erregistroko 432. idazgunea), aipatutako kopuru horiek minus zeinuarekin kontatuko dira, batura honetan adierazi behar diren zenbatekoen guztirakoa ateratzerakoan. Zenbatekoak eurotan adierazi beharko dira. Eremu hau bitan banatzen da:
			146-160	Zenbatekoaren osoko zatia; edukirik ez badu, zeroz beteko da.
			161-162	Zenbatekoaren zati dezimala; edukirik ez badu, zeroz beteko da.
163-180	Alfazenbakizkoa	2. BALORAZIOAREN GUZTIRAKO BATURA: ESKUALDAKETAREN ZENBATEKOA EDO BALIOA; AZKEN HIRUHILEKOKO BATEZ BESTEKO SALDOA. 18 idazguneko eremu alfazenbakizkoa. Eremu hau bitan banatzen da:
		163	ZEINUA: eremu alfabetiko hau beteko da baldin eta “2. BALORAZIOAREN GUZTIRAKO BATURA: ESKUALDAKETAREN ZENBATEKOA EDO BALIOA; AZKEN HIRUHILEKOKO BATEZ BESTEKO SALDOA” lortzeko egindako baturan (1. motako erregistroko 164-180 idazguneak) emaitza 0 (zero) baino gutxiago bada. Kasu horretan, “N” bat adieraziko da. Beste edozein kasutan, eremu honen edukia tarte bat izanen da.
		164-180	ZENBATEKOA: Zenbakizko eremua, 17 idazgunekoa. “2. BALORAZIOAREN GUZTIRAKO BATURA: ESKUALDAKETAREN ZENBATEKOA EDO BALIOA; AZKEN HIRUHILEKOKO BATEZ BESTEKO SALDOA” eremuetan (2 motako erregistroko 448-461 idazguneak) adierazitako kopuruen guztirako batura, aitortutako erregistroei dagokiena, koma dezimalik gabe idatziko da. Aitortuen erregistroetan “N” jarri bada “BALORAZIO ZEINUA: ESKUALDAKETAREN ZENBATEKOA EDO BALIOA; AZKEN HIRUHILEKOKO BATEZ BESTEKO SALDOA” eremuan (2. motako erregistroko 447. idazgunea), aipatutako kopuru horiek minus zeinuarekin kontatuko dira, batura honetan adierazi behar diren zenbatekoen guztirakoa ateratzerakoan. Zenbatekoak eurotan adierazi beharko dira. Eremu hau bitan banatzen da:
			164-178	Zenbatekoaren osoko zatia; edukirik ez badu, zeroz beteko da.
			179-180	Zenbatekoaren zati dezimala; edukirik ez badu, zeroz beteko da.
181-487		ZURIUNEAK.
488-500	Alfazenbakizkoa	ZIGILU ELEKTRONIKOA. Banakako aurkezpenetan zigilu elektronikoa jartzeko eremua. Nafarroako Zerga Ogasunak, kasua bada, ematen dituen programa ofizialek soilik beteko dute. Bestelako edozein kasutan zuriuneak utziko dira.
* Zenbateko guztiak positiboak izanen dira. * Edukirik ez duten zenbakizko eremuak zeroz beteko dira. * Edukirik ez duten alfazenbakizko eremuetan eta eremu alfabetikoetan zuriuneak utziko dira. * Eremu zenbakizko guztiak eskuinetara lerrokaturik eta ezkerraldean zeroz beterik. * Eremu alfazenbakizko guztiak eta alfabetiko guztiak ezkerretara lerrokaturik eta eskuinaldean zuriunez beterik, letra larrietan, karaktere berezirik eta azentudun bokalik gabe, non eta ez den besterik agintzen eremuaren deskripzioan.

C. 2. motako erregistroa
Xehetasun-erregistroa

IDAZGUNEAK	IZAERA	EREMUEN DESKRIPZIOA
1	Zenbakizkoa	ERREGISTRO MOTA. Konstantea: ‘2’.
2-4	Zenbakizkoa	AITORPEN EREDUA. Konstantea: ‘720’.
5-8	Zenbakizkoa	EKITALDIA. 1. motako erregistroak idazgune hauexetan duen edukia idatzi.
9-17	Alfazenbakizkoa	AITORTZAILEAREN IFZ. 1. motako erregistroak idazgune hauexetan duen edukia idatzi.
18-26	Alfazenbakizkoa	AITORTUAREN IFZ. “Aitortzailearen IFZ” idazgunean jarritako gauza bera adierazi (1. motako erregistroaren 9-17 idazguneak).
27-35	Alfazenbakizkoa	LEGEZKO ORDEZKARIAREN IFZ. Aitortua adingabea bada edo ezintasunen bat baldin badu, eta haren legezko ordezkariak Espainian esleitutako IFZ baldin badu, Tributuak kudeatu eta ikuskatzeko eta tributuak aplikatzeko prozeduretarako arau erkideak garatzeko jarduketa eta prozedurei buruzko Erregelamendu orokorra onesten duen uztailaren 27ko 1065/2007 Errege Dekretuan eta Identifikazio Fiskaleko Zenbakia eta horri loturiko hainbat zentsu arautzen dituen otsailaren 22ko 8/2010 Foru Dekretuan ezartzen diren arauei jarraituz, eremu honetan haren legezko ordezkariaren identifikazio fiskaleko zenbakia adieraziko da. Eremu hau eskuinaldean lerrokaturik egonen da, eta azken idazgunea kontrol karakterea izanen da. Ezkerreko idazguneak zeroz beteko dira.
36-75	Alfazenbakizkoa	AITORTUAREN DEITURAK ETA IZENA, SOZIETATE IZENA EDO IZENA. 1. motako erregistroko “AITORTZAILEAREN DEITURAK ETA IZENA, SOZIETATEAREN IZENA EDO IZENDAPENA” eremuan jarritako gauza bera adierazi. a) Pertsona fisikoa bada, aurrena lehen deitura, tarte bat, bigarren deitura, tarte bat eta izen osoa emanen dira, hurrenkera horretantxe. Aitortua adingabea edo ezgaitua bada, adingabearen edo ezgaituaren deiturak eta izena jasoko dira eremu honetan. b) Pertsona juridikoen eta entitateen kasuan, entitatearen sozietate izena edo izen osoa jarriko da, anagramarik gabe.
76	Zenbakizkoa	AITORTZAILEAREN IZAERAREN GAKOA. Ondoko gakoetako bat adieraziko da, aitortutako ondasunean edo eskubidean ageri den aitortzailearen izaeraren arabera:
		1	Titularra
		2	Ordezkaria
		3	Baimendua
		4	Onuraduna
		5	Gozamenduna
		6	Hartzailea
		7	Erabiltzeko ahala duena
		8	Titulartasun errealeko beste modu batzuk, ekainaren 1eko 10/2010 Legearen 4.2. artikuluan aurreikusitakoarekin bat.
77-101	Alfazenbakizkoa	ONDASUN EDO ESKUBIDEAREN GAINEKO TITULARTASUN MOTA. “AITORTZAILEAREN IZAERAREN GAKOA” izeneko eremuan (76. idazgunea) “ gakoa adierazten bada, duen titulartasunaren berri emanen da.
102	Alfabetikoa	ONDASUN EDO ESKUBIDE MOTAREN GAKOA. Dagokion gakoa jarriko da, ekitaldian daukan ondasun edo eskubide motaren arabera:
		“C”	Banku edo kreditu trafikoan aritzen diren atzerriko entitateetan irekitako kontuak.
		“V”	Atzerriko baloreak edo eskubideak, edozein motatako entitate juridikoko partaidetzaren adierazgarri direnak; atzerriko baloreak, kapital berekiak hirugarrenei lagatzearen adierazgarriak edo edozein tresna juridikori kudeatzeko edo administratzeko emandakoak, barnean direla fideikomisoak eta “trust” edo ondare masa horiek zeinek, nortasun juridikorik ez izanda ere, trafiko ekonomikoan jardun baitezakete.
		“I”	Atzerrian dauden inbertsio kolektiboko erakundeen kapital sozialeko edo ondare funtseko akzioak edo partaidetzak.
		“S”	Bizi eta baliaezintasun aseguruak eta aldi baterako edo biziarteko errentak, baldin eta aseguru entitateak atzerrian badaude.
		“B”	Atzerrian dauden higiezinen titulartasunak eta eskubide errealak.
		Ez da informaziorik eman beharko heriotza arriskua soilik estaltzen duten eta erreskate baliorik ez duten bizitza aseguruei buruz (bizitzakoak ez diren arloetako arrisku osagarriak estali baditzakete ere).
103	Zenbakizkoa	ONDASUNAREN EDO ESKUBIDEAREN AZPIGAKOA. Aitortzen ari den ondasun edo eskubide motari dagokion zenbakizko azpigakoa adieraziko da, azpigakoen ondoko zerrenda honen arabera:
		“C” gakoari (atzerrian dauden banku edo kreditu kontuak) dagozkion erregistroetan erabili behar diren azpigakoak:
		1	Kontu korrontea.
		2	Aurrezki kontuak.
		3	Eperako diru-ezartzeak.
		4	Kreditu kontuak.
		5	Beste kontu batzuk.
		“V” gakoari (atzerrian dauden balore eta eskubideak) dagozkion erregistroetan erabili behar diren azpigakoak:
		1	Edozein motatako entitate juridiko bateko partaidetzaren balore edo eskubide adierazgarriak.
		2	Kapital berekiak hirugarrenei lagatzearen balore adierazgarriak.
103	Zenbakizkoa	3	Edozein tresna juridikori kudeatzeko edo administratzeko emandako balore guztiak, barnean direla fideikomisoak eta “trust” edo ondare masa horiek zeinek, nortasun juridikorik ez izanda ere, trafiko ekonomikoan jardun baitezakete.
		S gakoari dagozkion erregistroetan erabili behar diren azpigakoak (aseguruak eta aldi baterako edo biziarteko errentak):
		1	Bizi eta baliaezintasun aseguruak, baldin eta aseguru entitateak atzerrian badaude.
		2	Aldi baterako edo biziarteko errentak, horiek lortu badira honako hauek entregatzearen ondorioz: kapital bat dirutan, eduki ekonomikoko eskubideak edo ondasun higigarriak edo higiezinak. Betiere, entitate hartzailea edo kudeatzailea atzerrian badago.
		B gakoari (atzerrian dauden higiezinen gaineko titulartasunak eta eskubide errealak) dagozkion erregistroetan erabili behar diren azpigakoak:
		1	Ondasun higiezinaren titulartasuna.
		2	Ondasun higiezinen gaineko erabilera edo gozatze eskubide errealak.
		3	Ondasun higiezinen gaineko jabetza soila.
		4	Ondasun higiezinen gaineko multijabetza, txandakako erabilera, denbora partzialeko jabetza edo antzeko formulak.
		5	Ondasun higiezinen gaineko beste eskubide erreal batzuk.
		“ONDASUN EDO ESKUBIDE MOTAREN GAKOA” izeneko eremua (102 idazgunea) I gakoari dagokionean (atzerrian dauden inbertsio kolektiboko erakundeen kapital sozialeko edo ondare funtseko akzioak edo partaidetzak) 103 idazguneko azpigako zenbakizkoa edukirik gabe utzi beharko da (zeroan).
104-128	Alfazenbakizkoa	HIGIEZINAREN GAINEKO ESKUBIDE ERREAL MOTA. “ONDASUN EDO ESKUBIDE MOTAREN GAKOA” eremuak “B” balioa duenean eta aitortutako “ONDASUN EDO ESKUBIDEAREN AZPIGAKOA” “ denean, erreserbatutako eremuan adierazi beharko da ondasun higiezinaren gainean dagoen eskubide erreal mota.
129-130	Alfabetikoa	HERRIALDEAREN KODEA. Eremu honetan idatziko da herrialdeari edo lurraldeari dagokion kodea: –Banku edo kreditu trafikoan aritzen den entitateko kontua non dagoen, huraxe; “ONDASUN EDO ESKUBIDE MOTAREN GAKO” (102 idazgunea) gisa “C” aitortu den kasuetan. –“V” “ONDASUN EDO ESKUBIDE MOTAREN GAKOA” (102 idazgunea) erabiliz aitortutako ondasun eta eskubideak non gordailutu edo kudeatu diren, huraxe. –Inbertsio kolektiboko erakundeak non dauden, huraxe, “ONDASUN EDO ESKUBIDE MOTAREN GAKO” (102 idazgunea) gisa “I” aitortu den kasuetan. –Aldi baterako edo biziarteko errentetako ondasun eta eskubideen entrega jaso zuen entitatea edo aseguru entitatea non dagoen, huraxe; “ONDASUN EDO ESKUBIDE MOTAREN GAKO” (102 idazgunea) gisa “S” aitortu den kasuetan. –Ondasun higiezinak non dauden, huraxe; “ONDASUN EDO ESKUBIDE MOTAREN GAKO” (102 idazgunea) gisa “B” aitortu den kasuetan. Azaroaren 24ko 208/2008 Foru Aginduko III. eranskinean azaldutako herrialde eta lurraldeen kode alfabetikoak erabiliz identifikatuko da herrialdea edo lurraldea.
131	Zenbakizkoa	IDENTIFIKAZIO GAKOA. “ONDASUN EDO ESKUBIDE MOTAREN GAKOA” (102 idazgunea) izeneko eremuak “V” edo “I” balioa hartzen duenean, honako hauen arabera beteko da eremua: Azalpen gakoa: 1. ISIN kodearen bidezko identifikazioa (12 idazguneko kodea). 2. ISIN koderik gabeko atzerriko baloreak. “ONDASUN EDO ESKUBIDE MOTAREN GAKOA” (102 idazgunea) izeneko eremuak “V” edo “I” ez den beste balio bat hartzen duenean, edukirik gabe utzi beharko da (zeroan).
132-143	Alfazenbakizkoa	BALOREEN IDENTIFIKAZIOA. “ONDASUN EDO ESKUBIDE MOTAREN GAKOA” (102 idazgunea) izeneko eremuan “V” edo “I” balioa idatzi denean. Honako hau adieraziko da: ISIN kodea, Baloreen Merkatuaren Batzorde Nazionalak emandako abenduaren 16ko 1/1998 Arau Teknikoari eta Baloreen Merkatuaren Batzorde Nazionalak emandako uztailaren 28ko 2/2010 Zirkularrari jarraikiz eratua (“IDENTIFIKAZIO GAKOA” eremua, 131 idazgunea, 1eko balioarekin eratua). ISIN kodea esleitua duten atzerriko baloreentzat beti adieraziko da. Gainerako kasuetan, “ZXX” gakoa jarriko da, eta “XX” herrialde jaulkitzailearen kodea izanen da, azaroaren 24ko 208/2008 Foru Aginduaren III. eranskinean (2008ko abenduaren 24ko Nafarroako Aldizkari Ofiziala) azaltzen diren herrialde eta lurraldeen kode alfabetikoekin bat (“IDENTIFIKAZIO GAKOA” eremua, 131 idazgunea, 2ko balioarekin eratua). Eremu honi buruzko informazioa emanen da “ONDASUN EDO ESKUBIDE MOTAREN GAKOA” (102 idazgunea) izeneko eremuan “V” edo “I” balioa idatzi denean soilik. Beste edozein kasutan edukirik gabe utziko da (zuriuneak).
144	Alfabetikoa	KONTUA IDENTIFIKATZEKO GAKOA. “ONDASUN EDO ESKUBIDE MOTAREN GAKOA” (102 idazgunea) izeneko eremuan “C” balioa idatzi denean, eta kontuaren identifikazioaren arabera, ondoko gakoetako bat idatziko da:
		“I”	Kontua IBAN kodearekin identifikatzea.
		“O”	Beste identifikazio bat.
145-155	Alfazenbakizkoa	BIC KODEA. Eremu honetan BIC (Bank International Code) kodea idatziko da.
156-189	Alfazenbakizkoa	KONTUAREN KODEA. Kontuaren kodearen karaktereak idatziko dira. “KONTUAREN KODEAREN GAKOA” (144 idazgunea) izeneko eremuak “I” balioa hartzen duenean, kontu-kode hau IBAN formatuan idatziko da; “O” balioa hartzen badu, banku entitateak emandako kontuaren kodea idatziko da.
190-230	Alfazenbakizkoa	ENTITATEAREN IDENTIFIKAZIOA. “ONDASUN EDO ESKUBIDE MOTAREN GAKOA” (102 idazgunea) izeneko eremuko balioaren arabera idatziko da eremu honetan ondoko entitateen izena edo sozietate izena: –“ONDASUN EDO ESKUBIDE MOTAREN GAKOA” (102 idazgunea) izeneko eremuak “C” balioa hartzen duenean: banku edo kreditu entitatearen izena edo sozietate izena. –“ONDASUN EDO ESKUBIDE MOTAREN GAKOA” (102 idazgunea) izeneko eremuak “V” edo “I” balioa hartzen duenean: Partaidetzako entitatearen, kapitala lagatzen duenaren, edo baloreak kudeatzeko edo administratzeko ardura duen entitatearen edo inbertsio kolektiboko erakundeen sozietatearen edo ondare funtsaren izena edo sozietate izena. –“ONDASUN EDO ESKUBIDE MOTAREN GAKOA” (102 idazgunea) izeneko eremuak “S” balioa hartzen duenean: Aseguru entitatearen sozietate izena edo izena. “ONDASUN EDO ESKUBIDE MOTAREN GAKOA” (102 idazgunea) izeneko eremuak “B” balioa hartzen duenean eremu hau zuriz geldituko da.
231-250	Alfazenbakizkoa	IDENTIFIKAZIO FISKALEKO ZENBAKIA EGOITZA FISKALA DUEN HERRIALDEAN. Aurreko eremuan aitortutako entitateen Identifikazio Fiskalerako Zenbakia adieraziko da, egoitza fiskala dagoen herrialde edo lurraldean esleitua. “ONDASUN EDO ESKUBIDE MOTAREN GAKOA” (102 idazgunea) izeneko eremuak “B” balioa hartzen duenean eremu hau zuriz geldituko da.
251-414	Alfazenbakizkoa	ENTITATEAREN HELBIDEA EDO HIGIEZINAREN KOKAPENA. “ONDASUN EDO ESKUBIDE MOTAREN GAKOA” (102 idazgunea) izeneko eremuak “C”, “V”, “I” edo “S” balioa hartzen duenean, aurreko bi eremuetan identifikatutako entitatearen helbidea idatziko da eremu honetan. “ONDASUN EDO ESKUBIDE MOTAREN GAKOA” (102 idazgunea) izeneko eremuak “B” balioa hartzen duenean, aitortutako azpigakoaz independente, aitorpenaren xede den higiezinaren helbidea idatziko da. Eremu hau honela banatzen da:
		251-302	BIDE PUBLIKOAREN IZENA ETA ETXEAREN ZENBAKIA. Bide publikoaren izen luzea adieraziko da. Izena osorik sartzen ez bada, artikuluak, preposizioak eta lokailuak kenduko dira eta tituluak laburtuko dira (adibidez kd = kondea). Gainerako kasuetan, ohiko laburtzapenak erabiliko dira. Halaber, kilometro puntua edo zenbakia adieraziko da.
		303-342	OSAGARRIA. Hala badagokio, eremu honetan helbidea behar bezala identifikatzeko behar diren datu osagarriak adieraziko dira.
		343-372	HERRIA/HIRIA. Helbidea kokatzen den herriaren edo hiriaren izena adieraziko da.
		373-402	PROBINTZIA/ERREGIOA/ESTATUA. Eremu honetan bizilekua dagoen probintziaren, erregioaren, estatuaren, departamentuaren edo beste edozein azpibanaketa politiko edo administratiboren izena adieraziko da.
		403-412	POSTA KODEA (ZIP CODE): Helbideari dagokion posta kodea adieraziko da.
		413-414	HERRIALDEAREN KODEA. Azaroaren 24ko 208/2008 Foru Aginduko III. eranskinean azaldutako herrialde eta lurraldeen kode alfabetikoak erabiliz beteko da helbideari dagokion herrialdearen edo lurraldearen kodea.
415-422	Zenbakizkoa	SARTZE DATA. Ondoko datak idatziko dira, “ONDASUN EDO ESKUBIDE MOTAREN GAKOA” (102 idazgunea) izeneko eremuan aitortutako balioaren arabera: –“ONDASUN EDO ESKUBIDE MOTAREN GAKOA” (102 idazgunea) izeneko eremuak “C” balioa hartzen duenean, kontua ireki zen eguna idatziko da, erabiltzeko baimena edo ahala eman zenarena, edo beste edozein motatako titulartasun erreala eman zenarena. –“ONDASUN EDO ESKUBIDE MOTAREN GAKOA” (102 idazgunea) izeneko eremuak “V” balioa hartzen duenean, baloreen titulartasuna edo titulartasun erreala eskuratu zen eguna idatziko da. –“ONDASUN EDO ESKUBIDE MOTAREN GAKOA” (102 idazgunea) izeneko eremuak “I” balioa hartzen duenean, Inbertsio Kolektiboko Erakundeko akzioen edo partaidetzen titulartasuna edo titulartasun erreala eskuratu zen eguna idatziko da. –“ONDASUN EDO ESKUBIDE MOTAREN GAKOA” (102 idazgunea) izeneko eremuak “S” balioa hartzen duenean, aseguru entitatearekin kontratazioa egin zen eguna edo biziarteko edo aldi baterako errenten ondasun eta eskubideen hartzailearekin kontratazioa egin zen eguna idatziko da. –“ONDASUN EDO ESKUBIDE MOTAREN GAKOA” (102 idazgunea) izeneko eremuak “B” balioa hartzen duenean, ondasun higigarriaren edo horren gaineko eskubide errealaren titulartasuna edo titulartasun erreala eskuratu zen eguna idatziko da. –Aitortutako ondasun edo eskubide mota sartzeko egun desberdinak daudenean, egun horiek denak idatziko dira erregistro desberdinetan. “ONDASUN EDO ESKUBIDE MOTAREN GAKOA” (102 idazgunea) izeneko eremuak “V” edo “I” balioa hartzen duenean, zenbat eskuratze data dauden, hainbeste erregistro aitortu beharko dira. Urteko lau digituak, hilabeteko biak (01etik 12ra) eta eguneko biak (01etik 31ra) adieraziko dira, UUUUHHEE formatuarekin.
423	Alfabetikoa	ONDASUNAREN EDO ESKUBIDEAREN JATORRIA. “Ondasun edo eskubidearen jatorria” hurrengo gako alfabetikoen arabera adieraziko da. –“A”: Lehen aldiz aitortzen den ondasuna edo eskubidea, edo aitorpenaren ekitaldian sartzen dena. –“M”: Aurreko ekitaldietan aitortu den ondasuna edo eskubidea. “ONDASUN EDO ESKUBIDE MOTAREN GAKOA” (102 idazgunea) gisa aitortutako gakoaren arabera aitortu beharko da ondasun edo eskubide berri bat hurrengo kasuetan: • “ONDASUN EDO ESKUBIDE MOTAREN GAKOA” (102 idazgunea) izeneko eremuak “C” balioa hartzen duenean, baldin eta abenduaren 31n kontuen guztirako saldoak, edo azkeneko hiruhilekoko batez besteko guztirako saldoak 20.000 eurotik gorako igoera izan badu azkeneko aitorpenetik. • “ONDASUN EDO ESKUBIDE MOTAREN GAKOA” (102 idazgunea) izeneko eremuak “V”, “I” edo “S” balioa hartzen duenean, baldin eta abenduaren 31n horien denen guztirako saldoak eta balioak 20.000 eurotik gorako igoera izan badu, azkeneko aitorpenetik. • “ONDASUN EDO ESKUBIDE MOTAREN GAKOA” (102 idazgunea) izeneko eremuak “B” balioa hartzen duenean, baldin eta abenduaren 31n balioak eta eskuratze balioak, guztira, 20.000 eurotik gorako igoera izan badu, azkeneko aitorpenetik. –“C”: Titulartasuna iraungitzeagatik, erabiltzeko baimena edo ahala ezeztatzeagatik edo haren gaineko beste edozein titulartasun erreal mota iraungitzeagatik aitortzen den ondasuna edo eskubidea.
424-431	Zenbakizkoa	IRAUNGITZE DATA. “ONDASUNAREN EDO ESKUBIDEAREN JATORRIA” (423 idazgunea) izeneko eremua “C” denean bakarrik bete beharko da eremu hau. Kasu honetan, hurrengo datetako bat adierazi beharko da, aitortutako “ONDASUN EDO ESKUBIDE MOTAREN GAKOAREN” (102 idazgunea) arabera: –Aitortutako “ONDASUN EDO ESKUBIDE MOTAREN GAKOA” (102 idazgunea) gakoa “C” bada: banku edo kreditu kontuaren baimena, ordezkaritza, erabiltzeko ahala edo onuradun izaera ezeztatu zen eguna edo titular edo titular erreal izateari utzi zitzaion eguna. –“ONDASUN EDO ESKUBIDE MOTAREN GAKOA” (102 idazgunea) gakoa “V”, “I” edo “S” bada: balore, akzio edo IKEetako partaidetzen, aseguruen edo aldi baterako eta biziarteko errenten gainean aitortutako titulartasuneko edo titulartasun errealeko beste edozein moduren eskualdaketaren edo iraungitzearen eguna. –“ONDASUN EDO ESKUBIDE MOTAREN GAKOA” (102 idazgunea) gakoa “B” bada: ondasun higiezinen gaineko titulartasunaren, titulartasun errealaren edo eskubide errealen eskualdatzearen edo iraungitzearen eguna. Urteko lau digituak, hilabeteko biak (01etik 12ra) eta eguneko biak (01etik 31ra) adieraziko dira, UUUUHHEE formatuarekin.
432-446	Alfazenbakizkoa	1. BALORAZIOA: ABENDUAREN 31KO SALDOA EDO BALIOA; IRAUNGITZE DATAKO SALDOA EDO BALIOA; ESKURATZE BALIOA. Aitortutako ondasun eta eskubideen balioa eurotan adieraziko da, edo, dibisa-eragiketak egiten direnean, horien kontrabalioa. Orobat, aitortutako ondasun edo eskubideari lotutako partaide bat baino gehiago daudenean, zenbatekoa EZ da hainbanatuko.
		Eremu hau honela banatzen da:
		432	ZEINUA: eremu alfabetikoa. Saldoa negatiboa bada “N” bat adieraziko da. Beste edozein kasutan, eremu honen edukia tarte bat izanen da.
		433-446	Zenbatekoa: zenbakizko eremua, 14 idazgunekoa. Saldoa hamartarren komarik gabe adieraziko da. Zenbatekoak EUROTAN adierazi beharko dira.
			Eremu hau bitan banatzen da:
			433-444	Saldoaren zati osoa; halakorik ez badu, zeroz beteko da.
			445-446	Saldoaren zati dezimala; halakorik ez badu, zeroz beteko da.
			–“ONDASUN EDO ESKUBIDE MOTAREN GAKOA” (102 idazgunea) izeneko eremuan adierazitako balioaren araberakoa izanen da eremu honetan idatzi beharreko zenbatekoa: –“ONDASUN EDO ESKUBIDE MOTAREN GAKOA” (102 idazgunea) gakoa “C” bada: abenduaren 31ko saldoa, edo kontuaren titulartasuna, ordezkaritza, baimena, erabiltzeko ahala edo titulartasun erreala iraungitzen edo uzten den egunekoa. –“ONDASUN EDO ESKUBIDE MOTAREN GAKOA” “V” bada: abenduaren 31ko saldoa edo aitortutako titulartasuna iraungitzen den egunekoa.
432-446	Alfazenbakizkoa	433-446	–“ONDASUN EDO ESKUBIDE MOTAREN GAKOA” (102 idazgunea) gakoa “I” bada: aitortutako titulartasunaren edo titulartasun errealaren abenduaren 31ko likidazio balioa, edo iraungitzen den egunekoa. Ondarearen gaineko Zergari buruzko azaroaren 19ko 13/1992 Foru Legearen arauen arabera eman beharko da balorazio hori. –“ONDASUN EDO ESKUBIDE MOTAREN GAKOA” “S” bada eta aitortutako “ONDASUNAREN EDO ESKUBIDEAREN AZPIGAKOA” (103 idazgunea) “ bada, abenduaren 31ko erreskate balioa adieraziko da. “ONDASUNAREN EDO ESKUBIDEAREN AZPIGAKOA” (103-128 idazgunea) “ denean, aldi baterako edo biziarteko errentaren abenduaren 31ko kapitalizazio balioa adieraziko da. Ondarearen gaineko Zergari buruzko azaroaren 19ko 13/1992 Foru Legearen arauen arabera eman beharko da balorazio hori. –“ONDASUN EDO ESKUBIDE MOTAREN GAKOA” “B” bada eta aitortutako “ONDASUNAREN EDO ESKUBIDEAREN AZPIGAKOA” (103 idazgunea) “ bada, ondasun higiezinaren eskuratze balioa adieraziko da, eta, kasua bada, ordaindutako zergak barnean direla. “ONDASUNAREN EDO ESKUBIDEAREN AZPIGAKOA” (103 idazgunea) “, “ edo “ denean, abenduaren 31ko balioa adierazi beharko da, Ondarearen gaineko Zergari buruzko azaroaren 19ko 13/1992 Foru Legean ezarritako arauen arabera. Aitortutako zenbatekoak, salbu “B” ONDASUN EDO ESKUBIDE MOTAREN GAKOARI” eta “ “ONDASUNAREN EDO ESKUBIDEAREN AZPIGAKOARI” dagozkienak, ekitaldiko aitorpenari dagozkio.
447-461	Alfazenbakizkoa	BALORAZIOA, 2: ESKUALDAKETA ZENBATEKOA EDO BALIOA; AZKEN HIRUHILEKOKO BATEZ BESTEKO SALDOA. Aitortutako ondasun eta eskubideen balioa eurotan adieraziko da, edo, dibisa-eragiketak egiten direnean, horien kontrabalioan. Orobat, aitortutako ondasun edo eskubideari lotutako partaide bat baino gehiago daudenean, zenbatekoa EZ da hainbanatuko. Eremu hau honela banatzen da:
		447	ZEINUA: eremu alfabetikoa. Saldoa negatiboa bada “N” bat adieraziko da. Beste edozein kasutan, eremu honen edukia tarte bat izanen da.
		448-461	Zenbatekoa: zenbakizko eremua, 14 idazgunekoa. Zenbatekoa koma dezimalik gabe adieraziko da. Zenbatekoak eurotan adierazi beharko dira. Eremu hau bitan banatzen da:
			448-459	Saldoaren zati osoa; halakorik ez badu, zeroz beteko da.
			460-461	Saldoaren zati dezimala; halakorik ez badu, zeroz beteko da.
		Eremu hau bete beharko da, bakarrik baldin eta: –“ONDASUN EDO ESKUBIDEAREN JATORRIA” (423 idazgunea) “C” bada eta “ONDASUN EDO ESKUBIDE MOTAREN GAKOA” (102 idazgunea) “B” bada. Kasu honetan, adieraziko da ondasun higiezinaren edo haren gaineko eskubide errealaren gaineko titulartasuna edo titulartasun erreala eskualdatzeko zenbatekoa edo balioa. –“ONDASUN EDO ESKUBIDEAREN JATORRIA” (423 idazgunea) “A” edo “M” bada, eta “ONDASUN EDO ESKUBIDE MOTAREN GAKOA” (102 idazgunea) “C” bada. Kasu honetan, adieraziko da zein den kontuaren batez besteko saldoa aitorpeneko ekitaldiko azkeneko hiruhilekoan.
462	Alfabetikoa	BALIOEN ORDEZKARITZAKO GAKOA. Eremu honi buruzko informazioa emanen da “ONDASUN EDO ESKUBIDE MOTAREN GAKOA” (102 idazgunea) izeneko eremuan “V” edo “I” balioa idatzi denean soilik. Gako hauetako bat jarriko da: Azalpen gakoa: A. Kontuko idatz-oharren bidez adierazitako balioak. B. Kontuko idatz-oharren bidez adierazi ez diren baloreak.
463-474	Zenbakizkoa	BALORE KOPURUA. Eremu honi buruzko informazioa emanen da “ONDASUN EDO ESKUBIDE MOTAREN GAKOA” (102 idazgunea) izeneko eremuan “V” edo “I” balioa idatzi denean soilik. Adieraziko da akzio, partaidetza edo balio kopurua, horien gainean edozein motatako aitortzaile izaera baldin bada. Bi eremutan banatuta dago:
		463-472	Baloreen osoko zatia.
		473-474	Baloreen zati dezimala; edukirik ez badu, zeroz beteko da.
475	Alfabetikoa	ONDASUN HIGIEZIN MOTAREN GAKOA. “ONDASUN EDO ESKUBIDE MOTAREN GAKOA” (102 idazgunea) izeneko eremuak “B” balioa hartzen duenean bakarrik beteko da eremu hau. Kasu horietan, adierazi beharko da zer higiezin motari buruz aitortu den titulartasuna, titulartasun erreala edo eskubide erreala. U: hirilurrekoa. M: landalurrekoa.
476-480	Zenbakizkoa	PARTAIDETZAREN PORTZENTAJEA. Baldin eta subjektu batek baino gehiagok badute aitortutako ondasun edo eskubidearen gaineko “AITORTZAILEAREN IZAERAREN GAKO” (76. idazgunea) bera, aitortzaile bakoitzeko bere partaidetzako portzentajea adieraziko da. Eremu hau honela banatzen da:
		476-478	Portzentajearen osoko zatia; edukirik ez badu, zeroz beteko da.
		479-480	Portzentajearen zati dezimala; edukirik ez badu, zeroz beteko da.
		Baldin eta kontuak, baloreak, aseguruak, errentak, higiezinak edo higiezinari buruzko eskubide errealak aitortzaile bakarra badu “AITORTZAILEAREN IZAERAREN GAKO” (76. idazgunea) bera, eremu honetan aitortu beharreko balioa 100 izanen da zenbaki osoaren zatian eta 00 dezimalen zatian.
481-500		ZURIUNEAK
* Zenbateko guztiak positiboak izanen dira. * Edukirik ez duten zenbakizko eremuak zeroz beteko dira. * Edukirik ez duten alfazenbakizko eremuetan eta eremu alfabetikoetan zuriuneak utziko dira. * Eremu zenbakizko guztiak eskuinetara lerrokaturik eta ezkerretara zeroz beterik. * Eremu alfazenbakizko guztiak eta alfabetiko guztiak ezkerretara lerrokaturik eta eskuinetara zuriunez beterik, letra larrietan, karaktere berezirik eta azentudun bokalik gabe, non eta ez den besterik agintzen eremuaren deskripzioan.

Jar zaitez gurekin harremanetan | Erabilerraztasuna | Lege abisua | Webaren mapa