navarra.es
Castellano | Euskara | Français | English
Ezagutzera eman
19/2015 Foru Agindua, urtarrilaren 28koa, Ekonomia, Ogasun, Industria eta Enpleguko kontseilariak emana, “Ez-egoiliarren errentaren gaineko zerga. Establezimendu iraunkorrik gabeko ez-egoiliarrak. Ez-egoiliarren kontuen gaineko informazio ...
19/2015 FORU AGINDUA, URTARRILAREN 28KOA, EKONOMIA, OGASUN, INDUSTRIA ETA ENPLEGUKO KONTSEILARIAK EMANA, “EZ-EGOILIARREN ERRENTAREN GAINEKO ZERGA. ESTABLEZIMENDU IRAUNKORRIK GABEKO EZ-EGOILIARRAK. EZ-EGOILIARREN KONTUEN GAINEKO INFORMAZIO AITORPENA” IZENEKO 291 EREDUA ONESTEN DUENA, BAITA HAIEK ORDENAGAILUAN ZUZENEAN IRAKURTZEKO MODUKO EUSKARRIAN AURKEZTEKO DISEINU FISIKOAK ETA LOGIKOAK ERE
(2015eko 41. NAOn argitaratutako testua, martxoaren 2an)
Estatuaren eta Nafarroako Foru Komunitatearen arteko Hitzarmen Ekonomikoaren 28. artikuluak ezartzen du, ez-egoiliarren errentaren gaineko zerga ordainarazteko orduan, Estatuak unean-unean ezarrita dituen arauekin alderatuta, funtsez eta formaz eduki bera duten arauak aplikatuko dituela Foru Komunitateak. Hala ere, Nafarroako Foru Komunitateko Administrazioak aitorpena eta ordainketak egiteko ereduak onesten ahalko ditu, gutxienez ere lurralde erkideko datu berak edukiko dituztenak, eta likidazioaldi bakoitzean ordaintzeko epeak finkatzen ahalko ditu, Estatuko Administrazioak ezartzen dituenetatik asko aldendu gabe.
Horrez gainera, xedatzen du establezimendu iraunkorrik izan gabe lortzen diren errentak kargatzen direnean, zergaren ordainarazpena Foru Komunitateari egokituko zaiola, betiere 20. artikuluan ezarritako irizpideak aplikatuz errentak Nafarroan lortu edo ekoitzi direla ondorioztatzen baldin bada.
Bestetik, 46.2 artikuluak ezartzen du zerga arloko informazioa emateko betebeharrak, legez eskatzen direnak, betetzeko xedea duten aitorpenak, jarduera horiek ikuskatzeko eskumena duen administrazioan aurkeztu beharko direla, zein bere araudiaren arabera, enpresa eta lanbide jarduerak garatzen dituzten tributudunak direnean.
Tributuak kudeatu eta ikuskatzeko eta tributuak aplikatzeko prozeduretarako arau komunak garatzeko jarduketa eta prozedurei buruzko Erregelamendu Orokorreko (uztailaren 27ko 1065/2007 Errege Dekretuak onetsia) “Kreditu-entitateetako kontuei buruz informatzeko betebeharra” izeneko 37. artikuluak xedatzen du kreditu-entitateak eta, indarreko araudiari jarraituz, banku edo kreditu trafikoan aritzen diren gainerako entitateak behartuta egonen direla urteko informazio aitorpen bat aurkeztera entitate horietan irekitako kontu guztiei buruz, edo Espainian edo Espainiatik kanpoko establezimenduetan hirugarrenen esku utzita dituzten kontu guztiei buruz.
Zerga Administrazioari eman beharreko informazioan kontuen identifikazio osoa agertuko da, eta kontu horien titular, baimendun edo onuradunak diren pertsona edo entitateen izen-deiturak edo sozietatearen izena edo izen osoa eta identifikazio fiskaleko zenbakia, kontuetan abenduaren 31n izandako saldoak eta urteko azken hiruhilekoko batez besteko saldoa, eta kasuan kasuko eredua onesteko ministro-aginduan ezartzen den informazioa zehazteko behar den beste edozein datu garrantzitsu. Eman beharreko informazioan kontu korronteak, aurrezki kontuak, eperako ezarpenak, kreditu kontuak eta bestelako kontu guztiak agertuko dira, zein den ere haien modalitatea edo izena, nahiz eta ordainketarik, atxikipenik edo konturako sarrerarik ez izan. Pertsona edo entitate titular, baimendun edo onuradunen izen-deiturak, sozietatearen izena edo izen osoa eta identifikazio fiskaleko zenbakia aitorpenaren urteko momenturen batean hala izan direnei dagozkie.
Orobat, aipatu arauko “Elkarren laguntzaren esparruko kontuei buruz informatzeko betebeharra” izeneko 37 bis artikuluak ezartzen du finantza erakundeak behartuta egonen direla haietan irekitako finantza kontuei buruzko informazio aitorpena aurkeztera, kasu bakoitzean elkarren laguntzari buruz aplikatzen den araudian zehaztutako inguruabarrak gertatzen direnean. Kasu horietan, aipatu araudian ezarritako moduan, kontuen titulartasuna edo kontrola duten pertsonen bizilekua edo, bidezko denean, nazionalitatea, identifikatu beharko dute finantza erakundeek. Eman beharreko informazioan elkarren laguntzari buruzko arauditik datorrena sartuko da eta, betiere, aipatu pertsonen kontuen identifikazio osoa eta izen-deiturak edo sozietatearen izena edo izen osoa eta, zein den kasua, identifikazio fiskaleko zenbakia edo antzekoa.
Bestetik, Ez-egoiliarren Errentaren gaineko Zergari buruzko Legearen Testu Bategineko (martxoaren 5eko 5/2004 Legegintzako Errege Dekretua) 14.1.f) artikuluak ezartzen duenaren arabera, salbuetsita daude Espainiako Bankuak edo atzerriko transakzioen araudian aipatzen diren entitate erregistratuek, zerga hori dela eta, establezimendu iraunkorrik gabe, zergadunei ordaindutako ez-egoiliarren kontuen etekinak.
Lege beraren 31.4 artikuluan aurreikusitakoari jarraituz, ez da bidezko atxikipenik egitea etekin horien gainean, errenta salbuetsiak direlako; alabaina, ez dira galarazten etekin horien gaineko aitorpenak aurkezteko betebeharrak, atxikipena egitera behartu gisa definitzen diren subjektuei eskatzen ahal zaizkienak, Legearen aipatu 31. artikuluko 5. idatz-zatiak eta Ez-egoiliarren errentaren gaineko zergaren Erregelamenduko (uztailaren 30eko 1776/2004 Errege Dekretuak onetsia) 15. artikuluak ezartzen dutenaren arabera.
Aurreko lerroaldean aipatu arauek ezartzen dutenez, atxikipenak eta konturako diru-sarrerak egitera behartutako subjektuek atxikitako kopuruen eta kontura egindako sarreren aitorpena aurkeztu beharko dute, edo aitorpen negatiboa, Zergari buruzko Legearen 31. artikuluko 4. idatz-zatian adierazitako errentak ordaindu dituztenean.
Orobat, atxikipenen eta kontura egindako sarreren urteko laburpena aurkeztu beharko dute, hartan identifikazio datuez gain, zergari lotutako errenten hartzaileen izenen zerrenda adierazita, atxikitzaileak edo konturako sarrera egitera behartuak errenta horiek ordaindu edo abonaturik. Hartzaile horien artean Zergari buruzko Legearen 31. artikuluko 4. idatz-zatian ezarritakoaren ondorioz atxikipenik izan ez duten errentak jaso dituztenak sartuko dira.
Ekonomia, Ogasun, Industria eta Enpleguko kontseilariaren martxoaren 5eko 88/2013 Foru Aginduaren bidez onetsitako 216 ereduan (establezimendu iraunkorrik gabe lortutako errentei buruz, ez-egoiliarren errentaren gaineko zerga aitortzeko eta atxikipenak sartzeko eta konturako sarrerak egiteko) eta azaroaren 10eko 183/2009 Foru Aginduaren bidez onetsitako 296 ereduko urteko laburpenean, zergadunei ordaindutako ez-egoiliarren kontuetako etekinak, atxikipenetik salbu direnak, ez dira adierazi beharko atxikipena egitera behartuta dauden subjektuek aurkeztu beharreko atxikipenen aitorpenetan. Dena dela, aipatu 183/2009 Foru Aginduaren xedapen gehigarri bakarrean aurreikusten da atzerriko transakzio ekonomikoen araudian aipatzen diren entitate erregistratuak behartuta egonen direla ez-egoiliarren kontuei buruz erabakitzen den informazioa ematera zerga arloko administrazioari.
Gaur egungo 291 ereduak, Ekonomia eta Ogasuneko kontseilariaren abenduaren 31ko 372/2002 Foru Aginduaren bidez onetsiak, aukera ematen du aipatu kontuei buruzko informazioa emateko betebeharra betetzeko.
Dena dela, beste herrialde batzuekiko informazio trukea eta zergadun ez-egoiliarren gaineko elkarrekiko kontrola bultzatzearren, gehitu egin dira aipatu 291 ereduan ageri diren erregistroetako identifikazio datuei eta helbideari buruzko datu-eremuak; beraz, beharrezkotzat jotzen da aldaketa horiek jasoko dituen beste eredu bat onestea.
Bestetik, finantza entitateetan interesdunen ez-egoiliar izaera egiaztatzearren, bizileku fiskala aitortzeko eredua onesten da, eta foru agindu honen III. eranskinean jasotzen.
Finantza erakundeek ere aukera izanen dute bizileku fiskalaren aitorpen hori erabiltzeko, bizilekua edo nazionalitatea identifikatzeko betebeharra bete dadin, Tributuak kudeatu eta ikuskatzeko eta tributuak aplikatzeko prozeduretarako arau komunak garatzeko jarduketa eta prozedurei buruzko Erregelamendu Orokorraren (uztailaren 27ko 1065/2007 Errege Dekretuan onetsia) 37 bis artikuluan aurreikusitakoa; orobat, eta ekainaren 30eko HAP/1136/2014 Aginduaren 7. artikuluan xedatutakoa galarazi gabe; agindu horrexek zenbait gai arautzen ditu, zerikusia dutenak Espainiako Erresumaren eta Ameriketako Estatu Batuen arteko akordioan behar den bezalako informazioa eta arreta emateko ezarritako betebeharrei buruz, atzerriko kontuen zerga betebeharrak hobetzeko, eta bestetik, aipatu aginduak zenbait estatubatuarren finantza kontuen urteko informazio aitorpena, 290 eredua, onesten du.
Horrenbestez, Tributuei buruzko abenduaren 14ko 13/2000 Foru Lege Orokorraren 6. artikuluan emandako ahalmena erabiliz, agindu dut:
1. artikulua. 291 eredua onestea.
1. “Ez-egoiliarren errentaren gaineko zerga. Establezimendu iraunkorrik gabeko ez-egoiliarrak. Ez-egoiliarren kontuen informazio aitorpena” izeneko 291 eredua, foru agindu honen I. eranskin gisa datorrena, onetsi da, baita hura ordenagailuz zuzenean irakurtzeko moduko euskarrian nahitaez aurkezteko diseinu fisikoak eta logikoak ere (II. eranskinean jasoak).
2. 291 eredua, nahitaez, ordenagailuz irakurtzeko moduko euskarri batean aurkeztuko da, II. eranskinean ezarritako erregistro diseinuen arabera.
2. artikulua. Aitorpena aurkeztera behartuak.
1. Estatuaren eta Nafarroako Foru Komunitatearen arteko Hitzarmen Ekonomikoaren 46.2 artikuluari jarraituz, Espainiako Bankuak eta kanpoko transakzio ekonomikoen araudian aipatzen diren entitate erregistratuek ez-egoiliarren kontuen informazio aitorpena aurkeztu beharko dute Nafarroako Zerga Ogasunean, Espainian irekita dauden ez-egoiliarren kontu horien titularrak ez-egoiliarren errentaren gaineko zergaren zergadunak badira, establezimendu iraunkorrik gabeak.
2. Informazio aitorpena aurkeztera behartuek, zergaren preskripzio aldian, zerga administrazioaren eskura gordeko dute ez-egoiliarren errentaren gaineko zergaren zergadun direla frogatzen duen dokumentazioa, foru agindu honen xedapen gehigarri bakarrean aipatua.
3. artikulua. Aurkezteko tokia eta epea.
Ordenagailuz zuzenean irakurtzeko moduko euskarriak, ez-egoiliarren kontuen informazio aitorpena dutela (291 eredua), eta erantsi behar zaien dokumentazioa Nafarroako Zerga Ogasuna erakunde autonomoaren edozein bulegotan aurkeztuko dira urtarrilaren 1etik 31 arte, eta aurreko urteko informazioa emanen dute.
4. artikulua. Ordenagailuz zuzenean irakurtzeko moduko euskarrien identifikazioa eta haiek aurkezteko modua.
Bat.–Aitortzaileak dokumentu hauek aurkeztuko ditu:
1. 291 ereduko laburpen orriaren bi aleak, Administrazioarentzakoa eta interesdunarentzakoa, behar bezala sinatuak, non aitortzailearen identifikazio datuak jasoko baitira, baita laburpen horri horretan eskatzen diren gainontzekoak ere. Eredu hori inprimakien sorgailutik bakarrik lortuko da.
Bulego hartzailean zigilatu ondoren, 291 ereduaren laburpen orriaren “interesdunarentzako alea” gordeko du beretzat aitortzaileak, aurkeztu izanaren frogagarri izan dadin.
2. Ordenagailuz zuzenean irakurtzeko moduko euskarriak etiketa bat eduki beharko du kanpoaldean itsatsita; hartan, honako datuak zehaztuko dira, hurrenkera honetantxe:
1. Ekitaldia.
2. Aurkezpen eredua: 291.
3. Aitortzailearen Identifikazio Fiskaleko Zenbakia (IFZ).
4. Aitortzailearen izen osoa edo sozietate izena.
5. Aitortzailearen helbidea, udalerria eta posta kodea.
6. Harremanetarako pertsonaren deiturak eta izena.
7. Pertsona horren telefonoa eta luzapena.
8. Erregistroen kopurua, guztira.
Datu horiek adierazteko aski izanen da bakoitza aurreko zerrendaren arabera dagokion zenbakiaren ondoren jartzea.
Ordenagailuz zuzenean irakurtzeko moduko euskarri bat baino gehiago aurkeztu izatera, denek etiketa bana izanen dute dagokien zenbaki-segida jarrita: 1/n, 2/n etab.; “n” izanik euskarrien kopuru osoa. Bigarren eta hurrengo bolumenetako etiketan, aurreko 1., 2., 3. eta 4. zenbakietan eskatutako datuak bakarrik jaso beharko dira.
Bi.–Ordenagailuz zuzenean irakurtzeko moduko euskarriak behin-behinekoz jasoko dira, eta prozesatu eta egiaztatu zain geratuko dira. Foru agindu honetan ezarri diren diseinu eta zehaztapenen araberakoak ez direnean, edo haietako informazioa eskuratzerik ez badago, aitortzaileari eskatuko zaio hamar egun baliodunean zuzen dezala aurkeztutako euskarri informatikoak duen akatsa. Epe hori iragan eta oraindik ere zerbaitek eragozten badio Zerga Administrazioari eskatu dituen datuak eskuratzea, informazio aitorpena baliogabetzat joko da ondorio guztiekin, eta hala emanen zaio aditzera, arrazoien gainean, tributudunari.
Hiru.–Segurtasun arrazoiengatik, ordenagailuz zuzenean irakurtzeko moduko euskarriak ez dira itzuliko, salbu eta espresuki eskatzen bada; halakoetan ezabaturik itzuliko dira edo antzeko batzuk emanen.
5. artikulua. 291 ereduan emandako informazioari aplikatzen ahal zaizkion arauak, haren titular edo onuradunak bat baino gehiago direnean.
291 ereduan etekinen gaineko informazioa emateko, ez beste ezertarako, kontu beraren titularrak edo onuradunak bat baino gehiago direnean, informazioa ematera behartuek haietako bakoitzari dagozkion etekinen datuak banan-banan zehaztuta eman beharko dute informazioa. Informazioa ematera behartua dagoenak partaidetzan duen proportzio sinesgarrian eginen da banakatze hori. Sinesgarritasunik ez bada, proportzio berean esleituko zaie partaidetza haietako bakoitzari, aipatu informazioa emateko.
Kontu beraren titularrak edo onuradunak bat baino gehiago diren kasuetan, 291 ereduan azken hiruhilekoko batez besteko saldoei eta abenduaren 31ko saldoei buruzko informazioa emateko, informazioa ematera behartutakoek datu horiek banakatu gabe eman beharko dute aipatu informazioa, aitortutakoaren erregistro bakoitzean kontuaren saldoak adierazita.
Xedapen Gehigarri Bakarra. Ez-egoiliarren errentaren gaineko zergaren zergadun izatea nola frogatu, ez-egoiliarren kontuetako etekinen gaineko atxikipena egin beharretik salbuesteko.
Ez-egoiliarren kontuen etekinei dagokien atxikipena egiteko betebeharretik salbuesteko baino ez (horri buruzkoa da martxoaren 5eko 5/2004 Legegintzako Errege Dekretuaren bidez onetsitako Ez-egoiliarren Errentaren gaineko Zergari buruzko Legearen testu bategineko 14.1.f) artikulua), ez-egoiliarrak diren zergadunek (Ez-egoiliarren Errentaren gaineko Zergari buruzko Legearen testu bategineko 5. artikuluan definituak), baldin eta, establezimendu iraunkorrik gabe, ez-egoiliarren errentaren gaineko zergatik salbuetsitako errentak lortzen badituzte (Espainiako Bankuak eta kanpoko transakzio ekonomikoen araudian aipatzen diren gainerako entitateek ordaindutako ez-egoiliarren kontuen etekin gisa), ez-egoiliarrak direla frogatuko dute entitate horietan; horretarako, aitorpen bat eginen dute, non azalduko baitute beste estatu batean dutela egoitza fiskala, aipatu Legearen 5. artikuluan xedatutakoaren arabera, eta ez dutela establezimendu iraunkorrik Espainian; gainera, konpromisoa hartu beharko dute aipatu entitateei inguruabar horietako edozein aldaketaren berri emateko.
Aurreko lerroaldean aipatzen den aitorpena foru agindu honen III. eranskineko aitorpen ereduari egokituko zaio, eta kontua ireki eta hilabeteko epean aurkeztu beharko da dagokion entitatean. Orobat, aipatu entitateak aldez aurretik aitortu den edozein inguruabar aldatu izanaren jakitun egiteko erabiliko da eredu hori.
Xedapen honetan aipatzen den aitorpenak mugagabeko epean izanen du balioa, non ez den aldaketaren bat gertatzen aitortu diren inguruabarretan eta haren berri ematen dagokion entitateari; kasu horretan, eta une horretatik aurrera, aitorpenak ez du baliorik izanen.
Aurreko lehen lerroaldean aipatu entitateek zerga administrazioarentzat gorde beharko dituzte aitorpen horiek eta haien euskarri diren dokumentuak, Tributuei buruzko abenduaren 14ko 13/2000 Foru Lege Orokorraren 55. artikuluan aipatzen den preskripzio aldian.
Aurrekoa galarazi gabe, norbera bizi den herrialdeko agintari fiskalek emandako ziurtagiriaren bidez frogatzen ahalko da dagokion entitatean zergaduna dela, ez-egoiliarren errentaren gaineko zergari loturik.
Xedapen Indargabetzaile Bakarra. Arauak indargabetzea.
Foru agindu honek indarra hartzen duen egunetik aurrera indarrik gabe geldituko da abenduaren 31ko 372/2002 Foru Agindua. Agindu horrek 291 eredua onetsi zuen, hau da, ez-egoiliarren errentaren gaineko zerga dela-eta horren zergadunek, establezimendu iraunkorrik gabe, ez-egoiliarren kontuetan lortutako etekinei buruzko informazio aitorpena, baita hura ordenagailuz zuzenean irakurtzeko moduko euskarrian aurkezteko diseinu fisikoak eta logikoak ere.
Azken Xedapen Bakarra. Indarra hartzea.
Foru agindu honek Nafarroako Aldizkari Ofizialean argitaratu eta biharamunean hartuko du indarra.
I. ERANSKINA
II. ERANSKINA. 291 eredua ordenagailuz zuzenean irakurtzeko moduko euskarrian aurkezteko diseinu fisiko eta logikoak
Ez-egoiliarren kontuen informazio aitorpena (291 eredua) ordenagailuz zuzenean irakurtzeko moduan aurkezteko euskarriek ezaugarri hauek bete beharko dituzte, kontu horien titular, baimendu edo onuradun diren pertsonak edo entitateak, haien abenduaren 31ko saldoak eta azken hiruhilekoko batez besteko saldoa eta ez-egoiliarren errentaren gaineko zergaren zergadunek establezimendu iraunkorrik gabe lortutako etekinak jasotzen dituztela:
A) Euskarri magnetikoen ezaugarriak
–Mota: CD-R (Compact Disc Recordable) 12 cm-koa.
–Edukiera: 700 MB bitarte.
–ISO/IEC DIS 9660:1999 formatua, Joliet luzapenarekin edo hori gabe.
–Multisesiorik ez.
B) Diseinu logikoak
Erregistroen deskripzioa.
Aitortzaile bakoitzarentzat bi erregistro mota izanen dira, lehen idazgunearen arabera bereizten direnak, irizpide hauen arabera:
1. mota: aitortzailearen erregistroa: identifikazio datuak eta aitorpenaren laburpena. 1. motako erregistroaren diseinua, atal hauetan beretan eta foru agindu honetako eranskinean ageri direnetatik.
2. mota: aitortutakoaren erregistroa: 2. motako erregistroaren diseinua, atal hauetan beretan eta foru agindu honetako eranskinean ageri direnetatik.
Aurkezteko ordena erregistro motarena izanen da. 1. motako erregistro bakar bat egonen da eta 2. motakoen kasuan, aitorpenean zenbat aitortutako dauden, horrenbeste erregistro izanen dira.
Eremu alfazenbakizko eta alfabetiko guztiak ezkerretara lerrokaturik eta eskuinetara zuriuneak dituztela aurkeztuko dira, letra larrietan, karaktere berezirik eta bokal azentudunik gabe.
Hizkuntzaren karaktere berezietarako ISO-8859-1 kodifikazioa erabiliko da. Hala, “Ñ” letrak ASCII 209 (Hex. D1) balioa izanen du eta “Ç” letrak (c larri hautsia) ASCII 199 (Hex. C7) balioa.
Zenbakizko eremu guztiak eskuinetara lerrokaturik eta ezkerretara zeroz beterik agertuko dira, zeinurik gabe eta paketatu gabe.
Eremu guztiek izanen dute edukia, eremuaren azalpenean kontrakoa zehazten ez bada. Ez badute, zenbakizko eremuak zeroz beteko dira, eta alfazenbakizkoetan eta alfabetikoetan, berriz, zuriuneak utziko dira.
291 EREDUA
A-1 erregistro mota
Aitortzailearen erregistroa
|
IDAZGUNEAK |
IZAERA |
EREMUEN DESKRIPZIOA | ||||
|
1 |
Zenbakizkoa |
ERREGISTRO MOTA. ‘1’ konstantea. | ||||
|
2-4 |
Zenbakizkoa |
AITORPEN EREDUA. ‘291’ konstantea. | ||||
|
5-8 |
Zenbakizkoa |
EKITALDIA. Aitorpenaren zerga ekitaldiari dagozkion lau zifrak. | ||||
|
9-17 |
Alfazenbakizkoa |
AITORTZAILEAREN IFZ. Aitortzailearen IFZ adieraziko da. Eremu hau eskuinetik lerrokaturik egonen da, azken idazgunea kontrol karakterea izanen da eta ezkerreko idazguneak zeroz beteko dira, Tributuak kudeatu eta ikuskatzeko eta tributuak aplikatzeko prozeduretarako arau komunak garatzeko jarduketa eta prozedurei buruzko Erregelamendu Orokorra onesten duen uztailaren 27ko 1065/2007 Errege Dekretuan eta Identifikazio fiskaleko zenbakia eta hari lotutako zenbait zentsu arautzen dituen otsailaren 22ko 8/2010 Foru Dekretuan ezartzen diren arauei jarraituz. | ||||
|
18-57 |
Alfazenbakizkoa |
AITORTZAILEAREN SOZIETATEAREN IZENA. Sozietatearen izena osorik adieraziko da, anagramarik gabe. Eremu honetan inola ere ez da izen komertzialik adieraziko. | ||||
|
58 |
Alfabetikoa |
EUSKARRI MOTA. Gako hau beteko da: | ||||
|
‘C’: |
Informazioa CD-Ran aurkezten bada. | |||||
|
‘T’: |
Transmisio telematikoa. | |||||
|
59-107 |
Alfazenbakizkoa |
HARREMANETARAKO PERTS. Harremanetarako pertsonaren datuak. Eremu hau bitan banatzen da: | ||||
|
59-67 |
TELEFONOA: zenbakizko eremua, 9 idazgunekoa. | |||||
|
68-107 |
DEITURAK ETA IZENA: lehenengo deitura, tarte bat, bigarren deitura, tarte bat eta izen osoa, nahitaez hurrenkera horretan. | |||||
|
108-120 |
Zenbakizkoa |
AITORPENA IDENTIFIKATZEKO ZENBAKIA. Aitorpenari dagokion identifikazio zenbakia adieraziko da. 13 idazguneko zenbakizko edukia duen eremua. Adierazi beharreko frogagiri zenbakia zenbaki sekuentzial bat izanen da. Haren lehen hiru digituak 291 kodea izanen dira. | ||||
|
121-122 |
Alfabetikoa |
AITORPEN OSAGARRIA EDO ORDEZKOA Salbuespenez, aitorpen bat bigarren aldiz edo ondoren aurkezten bada, eremu hauetako bat bete beharko da nahitaez: | ||||
|
121 |
AITORPEN OSAGARRIA: “C” bat adieraziko da aitorpen hau aurkeztearen helburua baldin bada ekitaldi berean aurkezturiko beste aitorpen batean agertu behar zuten baina agertu ez ziren erregistroak adieraztea. | |||||
|
122 |
ORDEZKO AITORPENA: “S” bat jarriko da baldin eta aurkezpenaren xedea zergaldi bereko aurreko aitorpen bat ezabatu eta osorik ordeztea bada. Ordezko aitorpen batek aurreko aitorpen bakar bat baizik ez dezake baliogabetu. | |||||
|
123-135 |
Zenbakizkoa |
AURREKO AITORPENA IDENTIFIKATZEKO ZENBAKIA “Ordezko aitorpena” eremuan “S” idatzi bada, ordezten duen aitorpenari dagokion identifikazio zenbakia idatziko da. 13 idazguneko zenbakizko edukia duen eremua. Beste edozein kasutan zeroz beteko da. | ||||
|
136-144 |
Zenbakizkoa |
AITORTUTAKOEN ERREGISTROAK, GUZTIRA. Aitortutakoen guztirako kopurua adieraziko du entitate aitortzaileak, 2. motako xehetasun erregistroetan. Aitortutako bera erregistro batean baino gehiagotan agertzen bada, agertu bezainbat aldiz kontatuko da. (2. motako erregistroen kopurua). | ||||
|
145-162 |
Alfazenbakizkoa |
DIRUTAN JASOTAKO ZENBATEKO AITORTUAK, GUZTIRA. Zenbakizko eremua, 18 idazgunekoa. Eremu hau bitan banatzen da: | ||||
|
145 |
ZEINUA: eremu alfabetiko hau “DIRUTAN JASOTAKO ZENBATEKO AITORTUEN GUZTIRAKOA” (1. motako erregistroko 146 idazgunetik 162 idazgunera) lortzeko emaitza 0 (zero) baino txikiagoa denean beteko da. Kasu horretan, “N” bat adieraziko da. Beste edozein kasutan, eremu honen edukia tarte bat izanen da. | |||||
|
146-162 |
ZENBATEKOA: Zenbakizko eremua, 17 idazgunekoa. Aitortutakoen erregistroei dagozkien “Dirutan jasotakoen zenbatekoa” izeneko eremuetan (133 idazgunetik 146ra) adierazten diren diru-kopuruen batura koma dezimalik gabe idatziko da. Aitortutakoen erregistroetan “N” jarri bada “DIRUTAN JASOTAKOEN GUZTIRAKO ZENBATEKOAREN ZEINUA” izeneko eremuan (2. motako erregistroko 132. idazgunea), aipatutako kopuru horiek minus zeinuarekin kontatuko dira, batura honetan adierazi behar diren zenbatekoen guztirakoa ateratzerakoan. Zenbatekoak eurotan adierazi beharko dira. Eremu hau bitan banatzen da: | |||||
|
146-160 |
Zenbatekoaren osoko zatia; edukirik ez badu, zeroz beteko da. | |||||
|
161-162 |
Zenbatekoaren zati dezimala; edukirik ez badu, zeroz beteko da. | |||||
|
163-179 |
Zenbakizkoa |
GAUZATAN JASOTAKO ZENBATEKO AITORTUAK, GUZTIRA. Zenbakizko eremua, 17 idazgunekoa. Aitortutakoen erregistroei dagozkien “GAUZAZKO ORDAINKETEN ZENBATEKOA” izeneko eremuan (147 idazgunetik 160ra) adierazten diren diru-kopuruen batura zeinurik eta koma dezimalik gabe idatziko da. Zenbatekoak eurotan adierazi beharko dira. Eremu hau bitan banatzen da: | ||||
|
163-177 |
Zenbatekoaren osoko zatia; edukirik ez badu, zeroz beteko da. | |||||
|
178-179 |
Zenbatekoaren zati dezimala; edukirik ez badu, zeroz beteko da. | |||||
|
180-500 |
- |
ZURIUNEAK. | ||||
* Zenbateko guztiak positiboak izanen dira.
* Edukirik ez duten zenbakizko eremuak zeroz beteko dira.
* Edukirik ez duten alfazenbakizko eremuetan eta eremu alfabetikoetan zuriuneak utziko dira.
* Eremu zenbakizko guztiak eskuinetara lerrokaturik eta ezkerretara zeroz beterik.
* Eremu alfazenbakizko guztiak eta alfabetiko guztiak ezkerretara lerrokaturik eta eskuinetara zuriunez beterik, letra larrietan, karaktere berezirik eta azentudun bokalik gabe, non eta ez den besterik agintzen eremuaren deskripzioan.
291 EREDUA
B. - 2. erregistro mota
Aitortutakoaren erregistroa
|
IDAZGUNEAK |
IZAERA |
EREMUEN DESKRIPZIOA | ||||||||
|
1 |
Zenbakizkoa |
ERREGISTRO MOTA. ‘2’ konstantea. | ||||||||
|
2-4 |
Zenbakizkoa |
AITORPEN EREDUA. ‘291’ konstantea. | ||||||||
|
5-8 |
Zenbakizkoa |
EKITALDIA. 1. motako erregistroak idazgune hauexetan duen edukia idatzi. | ||||||||
|
9-17 |
Alfazenbakizkoa |
AITORTZAILEAREN IFZ. 1. motako erregistroak idazgune hauexetan duen edukia idatzi. | ||||||||
|
18-26 |
Alfazenbakizkoa |
AITORTUTAKOAREN IFZ. Espainian esleituriko IFZekin bakarrik beteko da. Kontuan izanda ez-egoiliarren kontuak salbuetsita daudela identifikazio fiskaleko zenbakia eta horrekin zerikusia duten zenbait zentsu arautzen dituen otsailaren 22ko 8/2010 Foru Dekretuaren 12. artikuluan aurreikusitako identifikazio araubidetik, eremu hau edukirik gabe uzten ahalko da (tarteak). Dena dela, aitortutakoak Espainian esleitutako IFZ badu, eremu honetan adieraziko da, Tributuak kudeatu eta ikuskatzeko eta tributuak aplikatzeko prozeduretarako arau komunak garatzeko jarduketa eta prozedurei buruzko Erregelamendu Orokorrean (uztailaren 27ko 1065/2007 Errege Dekretuak onetsia) eta Identifikazio Fiskaleko Zenbakia eta horri loturiko zenbait zentsu arautzen dituen otsailaren 22ko 8/2010 Foru Dekretuan ezartzen diren arauei jarraituz. Eremu hau eskuinaldean lerrokaturik egonen da, eta azken idazgunea kontrol karakterea izanen da. Ezkerreko idazguneak zeroz beteko dira. | ||||||||
|
27-35 |
Alfazenbakizkoa |
LEGEZKO ORDEZKARIAREN IFZ. Eremu hau Espainian esleituriko IFZekin bakarrik beteko da. Kontuan izanda ez-egoiliarren kontuak salbuetsita daudela identifikazio fiskaleko zenbakia eta horrekin zerikusia duten zenbait zentsu arautzen dituen otsailaren 22ko 8/2010 Foru Dekretuaren 12. artikuluan aurreikusitako identifikazio araubidetik, eremu hau edukirik gabe uzten ahalko da (tarteak). Aitortutakoa adingabea bada edo ezintasunen bat baldin badu, eta haren legezko ordezkariak Espainian esleitutako IFZ baldin badu, Tributuak kudeatu eta ikuskatzeko eta tributuak aplikatzeko prozeduretarako arau erkideak garatzeko jarduketa eta prozedurei buruzko Erregelamendu orokorra onesten duen uztailaren 27ko 1065/2007 Errege Dekretuan eta Identifikazio Fiskaleko Zenbakia eta horri loturiko hainbat zentsu arautzen dituen otsailaren 22ko 8/2010 Foru Dekretuan ezartzen diren arauei jarraituz, eremu honetan haren legezko ordezkariaren identifikazio fiskaleko zenbakia adieraziko da. Eremu hau eskuinaldean lerrokaturik egonen da, eta azken idazgunea kontrol karakterea izanen da. Ezkerreko idazguneak zeroz beteko dira. | ||||||||
|
36-75 |
Alfazenbakizkoa |
AITORTUTAKOAREN DEITURAK ETA IZENA, SOZIETATE IZENA EDO IZENA. a) Pertsona fisikoa bada, aurrena lehen deitura, tarte bat, bigarren deitura, tarte bat eta izen osoa emanen dira, hurrenkera horretantxe nahitaez. Aitortutakoa 14 urtetik beherakoa edo ezgaitua bada, 14 urtetik beherakoaren edo ezgaituaren deiturak eta izena adieraziko dira eremu honetan. b) Pertsona juridikoen eta entitateen kasuan, entitatearen sozietate izena edo izen osoa jarriko da, anagramarik gabe. | ||||||||
|
76 |
Alfabetikoa |
IZAERAREN GAKOA Aitortutakoa nor den, haren arabera jarriko da gako hauetako bat: | ||||||||
|
Klabea |
Deskripzioa | |||||||||
|
F |
Pertsona fisikoa. | |||||||||
|
J |
Pertsona juridikoa edo entitatea. | |||||||||
|
77 |
Zenbakizkoa |
TITULARRA EZ-EGOILIARRA DELA FROGATZEN DUEN DOKUMENTUAREN GAKOA. Titularra ez-egoiliarra dela frogatzeko entitate erregistratuan aurkeztu den dokumentazioaren arabera, kanpoko transakzio ekonomikoen gaineko abenduaren 20ko 1816/1991 Errege Dekretuaren 2.4 artikuluan aurreikusitakoari jarraituz, gako hauetako bat jarriko da: | ||||||||
|
Gakoa |
Deskripzioa | |||||||||
|
1 |
Espainiako agintari kontsularrak egindako ziurtagiria, pertsona fisiko espainiarrei emana. | |||||||||
|
|
|
2 |
Bizilekuaren ziurtagiri negatiboa, Barne Ministerioak emana atzerriko pertsona fisikoei. | |||||||
|
3 |
Atzerrian helbideratuta dauden pertsona juridikoen izaera eta helbidea frogatzen dituen dokumentu fede-emailea. | |||||||||
|
4 |
Nortasun txartela, Kanpo Arazoetarako Ministerioak Espainian egiaztatuta dauden atzerriko diplomatikoei eta atzerriko enbaxadetan eta kontsuletxeetan edo Espainian dauden nazioarteko erakundeetan zerbitzuak egiten dituztenei emana. | |||||||||
|
5 |
Beste batzuk. | |||||||||
|
78 |
Zenbakizkoa |
TITULARRAREN IDENTIFIKAZIO KODEAREN GAKOA. Zein dokumentutatik datorren “TITULARRAREN IDENTIFIKAZIO KODEA” (79-98 idazguneak), horren arabera adieraziko da gako hauetako bat: | ||||||||
|
Gakoa |
Deskripzioa | |||||||||
|
1 |
Pasaportea. | |||||||||
|
2 |
Jatorrizko herrialdean balioa duen nortasun agiria. | |||||||||
|
3 |
Beste bat. | |||||||||
|
79-98 |
Alfazenbakizkoa |
TITULARRAREN IDENTIFIKAZIO KODEA Kontuan izanda ez-egoiliarren kontuak salbuetsita daudela identifikazio fiskaleko zenbakia eta horrekin zerikusia duten zenbait zentsu arautzen dituen otsailaren 22ko 8/2010 Foru Dekretuaren 12. artikuluan aurreikusitako identifikazio araubidetik, “AITORTUTAKOAREN IFZ” izeneko eremua (18-26 idazguneak) edukirik gabe uzten ahalko da (tarteak). Dena dela, kontua identifikatzearren, erregistratuta dauden entitateek titularraren jatorrizko herrialdean balioa duen pasaportearen edo nortasun agiriaren zenbakia adierazi beharko dute, eremu honetan hain zuzen. Eta hori, atzerriko transakzio ekonomikoei buruzko abenduaren 20ko 1816/1991 Errege Dekretua garatzen duen 1991ko abenduaren 21eko Aginduari eta Espainiako Bankuaren otsailaren 25eko 1/1994 Zirkularrari jarraituz. | ||||||||
|
99-100 |
- |
ZURIUNEAK. | ||||||||
|
101 |
Alfabetikoa |
AITORTUTAKOAREN GAKOA. Gako hauetakoren bat adieraziko da: | ||||||||
|
Gakoa |
Deskripzioa | |||||||||
|
T |
Jabari osoko titularra. | |||||||||
|
O |
Titular jabe soila. | |||||||||
|
U |
Gozamenduna. | |||||||||
|
B |
Beste onuradun bat. | |||||||||
|
A |
Baimendua. | |||||||||
|
102 |
Zenbakizkoa |
ALTAREN GAKOA. Gako hauetako bat jarriko da: | ||||||||
|
Gakoa |
Deskripzioa | |||||||||
|
0 |
Kontu zaharra. | |||||||||
|
1 |
Aitorpenaren ekitaldian ireki den kontua. | |||||||||
|
2 |
Aitorpenaren ekitaldian itxi den kontua. | |||||||||
|
3 |
Aitorpenaren ekitaldian izaera aldaketa izan duen kontua, titular egoiliar batena izatera pasatuz. | |||||||||
|
4 |
Aitorpenaren ekitaldian ireki eta itxi den kontua. | |||||||||
|
5 |
Aitorpenaren ekitaldian izaera aldaketa izan duen kontua, titular ez-egoiliar batena izatera pasatuz. | |||||||||
|
103-105 |
Zenbakizkoa |
KONTUAREN TITULARREN KOPURUA. Kontuaren titularren kopura, guztira. | ||||||||
|
106 |
Zenbakizkoa |
KONTU MOTA. Gako hauetakoren bat adieraziko da: | ||||||||
|
Gakoa |
Deskripzioa | |||||||||
|
1 |
Kontu korronteak. | |||||||||
|
2 |
Aurrezki kontuak. | |||||||||
|
3 |
Eperako ezarpenak. | |||||||||
|
4 |
Bestelako kontuak. | |||||||||
|
107 |
Alfabetikoa |
KODEAREN GAKOA. Kontuaren identifikazioaren arabera, gako hauetako bat adieraziko da: | ||||||||
|
Gakoa |
Deskripzioa | |||||||||
|
C |
Kontua bezeroaren kontuaren kodearekin identifikatzea. | |||||||||
|
O |
Beste identifikazio bat. | |||||||||
|
108-111 |
Alfazenbakizkoa |
IBAN KODEAREN AURRIZKIA. Espainiako IBANaren (Banku Kontuaren Nazioarteko Kodea) lehen lau idazguneekin osatzen da azpikode hori. Eremu hau bitan banatzen da: | ||||||||
|
108-109 |
ISO HERRIALDE KODEA: ES balioa hartzen duen eremu alfabetikoa. | |||||||||
|
110-111 |
KONTROL DIGITUA. | |||||||||
|
Aitortzaileari Banku Jaulkitzaileak ez badio eman entitate kodea, eta ondorioz IBANik ez badago, bete gabe utziko da. | ||||||||||
|
112-131 |
Alfazenbakizkoa |
KONTUAREN IDENTIFIKAZIOA. Honako hau adieraziko da: 1.–Kontua bezeroaren kontuaren kodearekin identifikatzeko Haren egitura honelaxe osatuko da: | ||||||||
|
Idazguneak |
Deskripzioa | |||||||||
|
112-115 |
Entitatearen kodea. | |||||||||
|
116-119 |
Bulegoaren kodea. | |||||||||
|
120-121 |
Kontrol digituak. | |||||||||
|
122-131 |
Kontuaren zenbakia. | |||||||||
|
2.–Banku jaulkitzaileak aitortzaileari entitatearen kodea esleitu ez badio, entitateak barrurako zehaztutako identifikazioa adieraziko da. | ||||||||||
|
132-146 |
Alfazenbakizkoa |
DIRUTAN JASOTAKOAREN ZENBATEKOA. Aitortutakoaren T, U eta B gakoetarako bakarrik (101 idazgunea). Eremu hau bitan banatzen da: | ||||||||
|
132 |
ZEINUA: Eremu alfabetikoa. Kontuaren saldoa negatiboa bada “N” bat adieraziko da. Beste edozein kasutan, eremu honen edukia tarte bat izanen da. | |||||||||
|
133-146 |
ZENBATEKOA: Zenbakizko eremua, 14 idazgunekoa. Eskatzen den zenbatekoa edo dibisetan dauden kontuetan, haren kontrabalioa adieraziko da, koma dezimalik gabe. Eremu hau bitan banatzen da: | |||||||||
|
133-144 |
Zenbatekoaren osoko zatia; edukirik ez badu, zeroz beteko da. | |||||||||
|
145-146 |
Zenbatekoaren zati dezimala; edukirik ez badu, zeroz beteko da. | |||||||||
|
Kontuko etekinen hartzaile bat baino gehiago daudenean, haietako bakoitzak etekinean duen partaidetzaren arabera egozten ahal zaion zenbatekoa adieraziko da. Kontu bati loturik ezarpen eta/edo berritze batzuk daudenean, etekinak erregistro bakar batean edo hartzaile kopuruaren arabera bidezkoak direnetan metatuko dira. | ||||||||||
|
147-160 |
Zenbakizkoa |
GAUZAZKO ORDAINKETEN ZENBATEKOA. Aitortutakoaren T, U eta B gakoetarako bakarrik (101 idazgunea). Zenbakizko eremua, 14 idazgunekoa. Gauzatan egindako ordainketen balorazioa adieraziko da, zeinurik eta koma dezimalik gabe. Zenbatekoak eurotan adierazi behar dira. Eremu hau bitan banatzen da: | ||||||||
|
147-158 |
Zenbatekoaren osoko zatia; edukirik ez badu, zeroz beteko da. | |||||||||
|
159-160 |
Zenbatekoaren zati dezimala; edukirik ez badu, zeroz beteko da. | |||||||||
|
Kontuko etekinen hartzaile bat baino gehiago daudenean, haietako bakoitzak etekinean duen partaidetzaren arabera egozten ahal zaion zenbatekoa adieraziko da. | ||||||||||
|
161-165 |
Zenbakizkoa |
ETEKINEKO PARTAIDETZAREN PORTZENTAJEA Bakarrik T, U eta B aitortutakoaren gakoetarako (101 idazgunea). Erregistroan aipatzen den aitortuari etekinean dagokion partaidetzaren portzentajea adieraziko da. Bi eremutan banatuta dago: | ||||||||
|
161-163 |
Portzentajearen osoko zatia jarriko da (ez badu, zeroak jarri). | |||||||||
|
164-165 |
Portzentajearen zati dezimala jarriko da (ez badu, zeroak jarri). | |||||||||
|
166 |
Zenbakizkoa |
ATXIKIPENAREN EDO KONTURAKO SARRERAREN ADIERAZLEA. Ez-egoiliarren errentaren gaineko zergaren zergadunek establezimendu iraunkorrik gabe ez-egoiliarren kontuetan lortutako etekinak salbuetsita daude atxikipenetik edo konturako sarreratik, salbuetsita izateko eskubidea entitate erregistratuetan frogatzen denean; horretarako, foru agindu honen xedapen gehigarri bakarrean aurreikusitako aitorpena edo ziurtagiria aurkeztu beharko da. Dokumentazio hori aurkezten ez bada, edo berritzen ez bada, atxikipena edo konturako sarrera egiten da. Eremu honetan dagokion gakoa adieraziko da, kontuaren etekinen gainean atxikipenik edo konturako sarrerarik egin ote den azaltzeko. | ||||||||
|
|
|
Gakoa |
Deskripzioa | |||||||
|
0 |
Ez da atxikipenik edo konturako sarrerarik egin. | |||||||||
|
1 |
Atxikipena edo konturako sarrera egin da. | |||||||||
|
ATXIKIPENAREN EDO KONTURAKO SARRERAREN ADIERAZLEA izeneko eremuan 1 zenbakia adierazi denean, aitorpenaren xedeko ekitaldi osoari dagokion informazioaz gain, 291 ereduaren bitartez eman behar baita, atxikipenei eta konturako sarrerei buruzko informazioa, 296 ereduan emanen dena. | ||||||||||
|
167-174 |
Zenbakizkoa |
KONTUA IREKI ZENEKO EGUNA. KONTUA IREKI ZENEKO eguna adieraziko da. 2008/01/1etik aurrera ireki denean, urtearen lau digituak, hilabetearen biak (01etik 12ra) eta egunaren biak (01etik 31ra) jarriko dira, UUUUHHEE formatuan. Kontua ireki zeneko egunaren ekitaldia eta aitorpenaren xedekoa desberdinak izanik ere bete beharko da eremu hau. | ||||||||
|
175-182 |
Zenbakizkoa |
BAIMENA EMAN ZENEKO EGUNA. A aitortutakoaren gakorako bakarrik (101 idazgunea) Kontua erabili eta eskuratzeko baimena noiz hasten den aitortzaileari jakinarazitako eguna adieraziko da, urteko lau digituak, hilabeteko biak (01etik 12ra) eta eguneko biak (01etik 31ra) jarrita, UUUUHHEE formatuan. Kontua erabili eta eskuratzeko baimena eta kendu edo ixtekoa aitorpenaren xedeko urtean jakinarazi edo gertatu direnean, dataren bi eremuak beteko dira. Aitorpenaren xedeko urtean kontu berean eta aitortutako berari dagokionez baimentze eta baimen-kentze bat baino gehiago izan direnean, bata bestearen ondoren, urtean baimenduta izan diren denboraldiak adina erregistro aurkeztuko dira, eta haietako bakoitzaren daten eremuak aurreko lerroaldeen arabera beteko dira. | ||||||||
|
183-190 |
Zenbakizkoa |
BAIMENA KENDU ZENEKO EGUNA. A aitortutakoaren gakorako bakarrik (101 idazgunea) Kontua erabili eta eskuratzeko baimena noiz kentzen den aitortzaileari jakinarazitako eguna adieraziko da edo, bidezkoa bada, kontua noiz ixten den, urteko lau digituak, hilabeteko biak (01etik 12ra) eta eguneko biak (01etik 31ra) jarrita, UUUUHHEE formatuan. Kontua erabili eta eskuratzeko baimena eta kendu edo ixtekoa aitorpenaren xedeko urtean jakinarazi edo gertatu direnean, dataren bi eremuak beteko dira. Aitorpenaren xedeko urtean kontu berean eta aitortutako berari dagokionez baimentze eta baimen-kentze bat baino gehiago izan direnean, bata bestearen ondoren, urtean baimenduta izan diren denboraldiak adina erregistro aurkeztuko dira, eta haietako bakoitzaren daten eremuak aurreko lerroaldeen arabera beteko dira. | ||||||||
|
191-205 |
Zenbakizkoa |
AZKEN HIRUHILEKOKO BATEZ BESTEKO SALDOA Zein den ere aitortutakoaren gakoa, kontuaren azken hiruhilekoko batez besteko saldoa adieraziko da. Eremu hau bitan banatzen da: | ||||||||
|
191 |
ZEINUA: eremu alfabetikoa. Kontuaren saldoa negatiboa bada “N” bat adieraziko da. Beste edozein kasutan, eremu honen edukia tarte bat izanen da. | |||||||||
|
192-205 |
ZENBATEKOA: zenbakizko eremua, 14 idazgunekoa. Kontuaren saldoa koma dezimalik gabe adieraziko da. Zenbatekoak eurotan adierazi behar dira. Eremu hau bitan banatzen da: | |||||||||
|
192-203 |
Saldoaren osoko zatia; halakorik ez badu, zeroz beteko da. | |||||||||
|
204-205 |
Saldoaren zati dezimala; halakorik ez badu, zeroz beteko da. | |||||||||
|
206-220 |
Zenbakizkoa |
ABENDUAREN 31KO SALDOA Zein den ere aitortutakoaren gakoa, kontuaren abenduaren 31ko saldoa adieraziko da. Eremu hau bitan banatzen da: | ||||||||
|
206 |
ZEINUA: eremu alfabetikoa. Kontuaren saldoa negatiboa bada “N” bat adieraziko da. Beste edozein kasutan, eremu honen edukia tarte bat izanen da. | |||||||||
|
207-220 |
ZENBATEKOA: zenbakizko eremua, 14 idazgunekoa. Kontuaren saldoa koma dezimalik gabe adieraziko da. Eremu hau bitan banatzen da: | |||||||||
|
207-218 |
Saldoaren osoko zatia; halakorik ez badu, zeroz beteko da. | |||||||||
|
219-220 |
Saldoaren zati dezimala; halakorik ez badu, zeroz beteko da. | |||||||||
|
221-382 |
Alfazenbakizkoa |
TITULARRAREN/ONURADUNAREN HELBIDEA. Eremu honetan titularraren edo onuradunaren helbidea adieraziko da, aitortutakoaren gakoa “A” ez beste bat denean. Eremu hau honela banatzen da: | ||||||||
|
|
|
221-270 |
BIDE PUBLIKOAREN IZENA ETA ETXEAREN ZENBAKIA. Bide publikoaren izen luzea adieraziko da. Izena osorik sartzen ez bada, artikuluak, preposizioak eta lokailuak kenduko dira, eta tituluak laburtuko dira (adibidez kd = kondea). Gainerako kasuetan, ohiko laburtzapenak erabiliko dira. Halaber, kilometro puntua edo zenbakia adieraziko da. | |||||||
|
271-310 |
OSAGARRIA. Hala badagokio, eremu honetan helbidea behar bezala identifikatzeko behar diren datu osagarriak adieraziko dira. | |||||||||
|
311-340 |
HERRIA/HIRIA. Helbidea kokatzen den herriaren edo hiriaren izena adieraziko da. | |||||||||
|
341-370 |
PROBINTZIA/ERREGIOA/ESTATUA. Eremu honetan bizilekua dagoen probintziaren, erregioaren, estatuaren, departamentuaren edo beste edozein azpibanaketa politiko edo administratiboren izena adieraziko da. | |||||||||
|
371-380 |
POSTA KODEA (ZIP CODE). Helbideari dagokion posta kodea adieraziko da. | |||||||||
|
381-382 |
HERRIALDEAREN KODEA. Titularraren edo onuradunaren helbidea zein herrialde edo lurraldetakoa den, haren kodea jarriko da, 196 eredua onesteko Ekonomia eta Ogasuneko kontseilariak azaroaren 24an emandako 208/2008 Foru Aginduaren III. eranskinean azaltzen diren herrialdeen edo lurraldeen gakoekin bat. | |||||||||
|
383 |
Alfabetikoa |
ERABILITAKO KONTU UNITATEA. Bankuko kontuan erabilitako monetaren araberako gako alfabetikoa adieraziko da. | ||||||||
|
E |
EUROAK | |||||||||
|
D |
DIBISAK | |||||||||
|
384-432 |
- |
ZURIUNEAK. | ||||||||
|
433-452 |
Alfazenbakizkoa |
EGOITZA FISKALA DUEN HERRIALDEKO IDENTIFIKAZIO FISKALEKO ZENBAKIA. Aitortutakoaren Identifikazio Fiskaleko Zenbakia adieraziko da, egoitza fiskala duen herrialdeari edo lurraldeari esleitua. | ||||||||
|
453-460 |
Zenbakizkoa |
JAIOTEGUNA. “Izaeraren gakoan”, 2. erregistro motako 76 idazgunean, F jarri bada, aitortutakoaren jaioteguna adieraziko da. Urteko lau digituak, hilabeteko biak (01etik 12ea) eta eguneko biak (01etik 31ra) adieraziko dira, UUUUHHEE formatuan. | ||||||||
|
461-497 |
Alfazenbakizkoa |
JAIOLEKUA. “Izaeraren gakoan”, 2. erregistro motako 76 idazgunean, F adierazi bada, aitortutakoaren jaiolekua adieraziko da. Eremu hau bitan banatzen da: | ||||||||
|
461-495 |
HIRIA: 35 idazgune. Jaiolekua dagoen udalerria eta, bidezkoa bada, probintzia, eskualdea edo departamendua adieraziko dira. | |||||||||
|
496-497 |
HERRIALDEAREN KODEA: eremu alfabetikoa, 2 idazgunekoa. Jaiolekua zein herrialde edo lurraldetan dagoen, haren kodea jarriko da, 196 eredua onesteko Ekonomia eta Ogasuneko kontseilariak azaroaren 24an emandako 208/2008 Foru Aginduaren III. eranskinean azaltzen diren herrialdeen edo lurraldeen gakoekin bat. | |||||||||
|
498-499 |
Alfabetikoa |
AITORTUTAKOAREN EGOITZA FISKALA DAGOEN HERRIALDEA EDO LURRALDEA. Aitortutakoaren egoitza fiskala zein herrialde edo lurraldetan dagoen, haren kodea jarriko da, 196 eredua onesteko Ekonomia eta Ogasuneko kontseilariak azaroaren 24an emandako 208/2008 Foru Aginduaren III. eranskinean azaltzen diren herrialdeen edo lurraldeen gakoekin bat. | ||||||||
|
500 |
- |
ZURIUNEA. | ||||||||
* Zenbateko guztiak positiboak izanen dira.
* Edukirik ez duten zenbakizko eremuak zeroz beteko dira.
* Edukirik ez duten alfazenbakizko eremuetan eta eremu alfabetikoetan zuriuneak utziko dira.
* Eremu zenbakizko guztiak eskuinetara lerrokaturik eta ezkerretara zeroz beterik.
* Eremu alfazenbakizko guztiak eta alfabetiko guztiak ezkerretara lerrokaturik eta eskuinetara zuriunez beterik, letra larrietan, karaktere berezirik eta azentudun bokalik gabe, non eta ez den besterik agintzen eremuaren deskripzioan.
III. ERANSKINA. Egoitza fiskalaren aitorpena
